Үш жүз алпыс бес күннің бір күні- нәзік жандылардың мерекесі. Көктеммен бірге гүлдеп, күндей шуақтарын шашып, жайқалып жүрген, құшағы ыстық аяулы аналарымызды, асыл әжелерімізді, әлемді сұлулығымен құлпыртып жүрген қыздарымызды мерекелерімен шын жүректен құттықтаймын. Әрдайым жүздеріңіз күлкіге, жандарыңыз махаббатқа толы болуын тілеймін. Ақ жаулығын жамылып, тілеуімізді тілеп отырар аналарымызды ардактайық. Барында бағалап, сый- құрмет көрсетіп үмітін ақтап, өмірден өз орнымызды тапсақ ең қымбат сыйлар сыйлығымыз сол болмақ емеспе?! Қазақ жігіттері қызғаншақ болып келеді. Себебі, қазақ қыздары өте әдемі. Тәрбиелілігімен сызылып, ұяңдылығымен баурап алар аруларымызды үш жүз алпыс бес күн алақандарыңызда аялап жүрсеңіздер артық етпейді. Солай емеспе, жігіттер? Иә, осындай тамаша мерекеде сұлуларымызға қандай теңеу, жылы сөз айтсақта жарасады. Мерекелеріңізбен!

Қыздар, қыздар сұлу қыздар! Неге қырсықсыңдар?! Ертең жігіттер қауымын үлкен іс күтуде. Бүгін сыйлықтарын алуға үлгергендер «маладес», үлгере алмағандар «анти-маладес» болмақ. Егер екінші адамның көзімен қарасақ, күнделікті өмірде не киетінің білмей жүрген қыз-келіншектерге сыйлық таңдау қиын. Бірақ мəселе сыйлаған затта емес, көңілінен шыға білуде. Кез келген нəзік жанды, рақметін айтып, сыйлықты қабыл алар. Олардың қиялдары ұшқыр, біреуден əрқашан бірдеңе күтіп жүреді. Сол себепті, жас жігіттердің басы қатады. Кеше əлеуметтік желіден «Крепитесь, парни» деген пікірге қыздардың ашуы түсті. Бұны жариялаған админ бір айналған шығар. Сіздерге мəдениетті түрде жеткізген пікірлермен бөліссек.

Жігіттерді шемішкедей шағып-шағып тастады. Шынымен, неге ұсақталып барасыңдар? Тепсе темір үзетін ерлеріміз қайда? Жақ пен тілге көп сүйенесіңдер.
Ал, ҚарМУ-дің ұлдары көп сайрамай, қаражаттары өзінен аса алмаса да қыздардың жүрегінен орын таба білді. Қарапайым жатақхананы романтикалық ортаға айналдырды.

Құрметті, аналар мен қыз-келіншектер, нəзік жандыларымыз, сіздерді мерекелеріңізбен құттықтаймын. Жайдарлы жүздеріңізден күлкі кетпесін. Жылдан-жылға раушан гүлдей құлпыра беріңіздер. Аталмыш студенттерден видео құттықтауды қабыл алыңыздар. Тек жағымды жаңалықтармен бөлісе жүрейік. Әрқашан позитивте болайық!

Наурыздың алтысы, Қарағанды қаласында «Таир» сауда үйінде Əлихан Бөкейханның 150 жылдығына орай «Жас журналистер» клубының ұйымдастыруымен «Домбыра party» өтті. Мақсаты — қазақтың дәстүрлі, екі ішекті, көп пернелі музыкалық аспабын насихаттау. Қара көзділердің басын қосып, рухани демалу.

Шараға Е. А. Бөкетов атындағы Қарағанды мемлекеттік университеті мен «Болашақ» Академиясы, Тәттімбет Қазанғапұлы атындағы Қарағанды өнер колледжінің студенттері қатысты. Өнерге жаны ашитын тұрғындарымыз белсенділік танытты.

Аталмыш шара орталыққа қарағанда оңтүстік өңірлерде жиі өтіп тұрады. Бұл олардың шапшаңдылығының бір белгісі болуы керек. Клуптың алғашқы бастамасы жаман емес сияқты. Сол себепті, сіздермен мына видеолармен бөліскенді жөн көрдім. Пікірлеріңізді білдіре жүріңіздер, сіздердің ойларыңыз бізге өте маңызды. %)

1) Барыс
2) Сиыр
3) Тауық
4) Мешін
Сіз үшін бірінші кезекте не маңызды? Осы жануарларды өзіңізге ұнайтындай етіп орналастырыңыз. Орналастырдыңыз ба? Онда жауабын қараңыз!


1) Барыс: намыс
2) Сиыр: отбасы
3)Тауық: махаббат
4) Мешін: ақша
Ең маңызды не екенін білсеңіз, соны бағалаңыз!!! Егер оны құптамасаңыз, ойыңызды өзгертіңіз. Іске сәт!

Жиырма төрт жастағы жас жігіт пен әкесі үйлеріне қайтуға қамданып, поездың бір вагонына жайғасты. Терезеге қарап отырған жас жігіттің дауысы жарқын шықты:
"Әке, қарашы, меніңше, ағаштар да бізбен жарысып жүріп келе жатқан секілді ". Әкесі мейіріммен жымыйды. Жандарында отырған жас-жұбайлар таңырқап, жігіттің осынша жас балаша қуанғанын сөз етті. Ол тағы да күліп:
"Әке, қарашы, енді бізді бұлттар аңдып жүр". Әдетінше жымыйды. Жас-жұбайлар отырған жақтан бір дауыс шықты:
«Кешіріңіз, айтыңызшы, Сізге баланыңызды дәрігерге көрсету керек емес пе?» Қалай ойлайсыз?! Әкесі шырайлы жүзімен үн қатты:
«Біз сол дәрігерден қазір келе жатырмыз. Ұлым дүние есігін ашқалы зағиып (соқыр) болған, ал бүгін оған жаңа өмір сыйлады».
Әр адамның басында қайталанбас қиындықтар болады. Кімнің қандай күй кешіп жүргені тек бір Аллаға аян. Сондықтан істің байыбына бармай біреуді жамандау ол ауыр күнә. Бірақ, кештен кейін таң ататын ұмытпайық.

Қап-қара көзді қыздар: Сүйкімді, кез-келген ортаға сіңсіп кете алады, сөзге шешен. Бірақ мұндай қыздар ер-азаматтарды тез жалықтырып жібереді.
Қоңыр-қара көзді қыздар: Ақылды, байсалды, еңбекқор, ақкөңіл. Барлық кезде тыныштық пен мамыражай өмірді ұнатады. Бұлар нағыз адал жар болатын жандар.
Қоңыр көзді қыздар: Батыл, тез шешім қабылдағыш келеді. Бұл қыздар жарын махаббат жолымен таңдайды және сүйікті адамы үшін жанын қиюға әзір.
Қара-сұр көзді қыздар: Өз-өзіне сенімсіз және өздігенен шешім қабылдай алмайтын жандар.
Көкшіл-сұр көзді қыздар: Тұрақты, әрі алдына мақсат қоя біледі. Осындай қыздардан жақсы басшы шығуы әбден мүмкін.

Жаңа қазақша мем.
Орысша «хочется взять и подарить» мемінің қазақша нұсқасы…



Қазақша нұсқа:

P.S. бейнеде Ахмет Байтұрсынов

Жақында қолыма балалар жазушысы һәм психолог Джан Аманиидың 2 кітабы тиді. Jan Amany брендымен шыққан бұл кітаптарды толықтай заманауи деуге болады. Кітаптың мұқабасы, қағазы, безендірілуі, иллюстрациялары, шрифті өте тамаша! Ал, мазмұны да көркіне сай әлбетте. Профессионал команданың жұмысы екені көрініп тұр. Кітаптар 3 тілде (қазақ, орыс, ағылшын) және жанында аудио дискі бар. Бір жағынан тіл үйрену үшін де жақсы құрал.

Сайттары да сапалы жасалған. Кітаптарды сайт арқылы онлайн тапсырыс беріп, алуға болады. Бағасы да қымбат емес. Балаларыңыз үшін керемет сыйлық болары сөзсіз.

janamany.com

Даниялдың ғажайып әлемі

Психолог Jan Amanyдің өзінің сүйікті ұлы Даниялға арнап шығарған «Даниялдың ғажайып әлемі» атты ертегі кітабы – отандық жас жазушының тырнақалды әдеби шығармасы. Жергілікті балалардың ұғымына түсінікті, жанына жақын келетін осындай қазақстандық заманауи авторлар жазған ертегілердың жетіспейтіндігі сөзсіз. Мұндай ертегілер бүлдіршіндердің бойында жақын-жуықтарына, туған жеріне деген сүйіспеншілік пен құрмет сезімін тәрбиелейді.

Бағасы: 1000 тг

Бақыт балықтары және Дария

Отандық жас жазушы-психолог Jan Amanудің «Алуан түсті балықтар және Дария» деген ертегі кітабы – бұл бойжеткен қыздың – қазақ Золушкасының әдемі хикаясы. Жақсылық атаулының жамандық пен жауыздықты жеңетін жасампаздығы жырланады.

Бағасы: 1000 тг

Қарт Каспий жағасында Маңғыстауым,
Алады сұлулығы көздің жауын.
Мойынын көкке созған мұнаралар,
Тілейді қазағымның есен сауын.

Қарт Каспий жағасында Маңғыстауым,
Сары далам сахаралы, заңғар тауым.
Ыстықсың бар тұрғыңмен туған өлкем,
Мен үшін, болмасада бақша бауың.

Маңғыстау ұлы мекен асқақтаған,
Ілгері көшпен бірге басқан қадам.
Халқымның ауызекі жырларымен,
Тұңғиық тылсым дүние сыр сақтаған.

Үш жүз алпыс екі әулие мекен еткен,
Жеткізген сол қасиетті текке тектен.
Қасиетті мекенім Маңғыстауым,
Қайтпайтын қара нарым алған беттен.

Бұл жерден сонау заман хандар өткен,
Көштетіп жер жаннатын таңдап өткен.
Саураннан сан айналып кетсе дағы,
Мекенін Маңғыстаудай аңсап өткен.

Маңғыстау Машайықтың жатқан жері,
Ашылған абыройын жапқан жері,-
Жырлаған осылайша Түмен атам,
Бір туар Адайымның Ақтаңгері.

Мән беріп бұл жолдарға қарасаңыз,
Көз жетер емесіне бұның аңыз.
Сатысын тарихаттай ұлы өмірдің,
Меңгерген осылайша ақын абыз.

Адайдың бел баласы Қосай ата,
Көшше де жауға шапса берген бата.
Дуалы сол ауыздан шыққан сөздер,
Отырған орындалып жоқ бір қата.

Кәпірлер Қосай десе есін берген,
Ұраны естілген дейд бір көш жерден.
Өтпейтін алмас қылыш тұлғасына,
Өлмейтін Кащей деген есім берген.

Топан су қаптағанда оңды, солдан,
Нұқ ата пайғампармен жолдас болған.
Қосаймен жолдас болсаң жолың болар,
Деген сөз әуел бастан содан қалған.

Ақпанмен құнан орыс, мұңал, тобыш,
Біріккен бір кісідей болса соғыс.
Адайдың сегіз арыс қалың елі,
Бас қосса бітпейтұғын дейді жоқ іс.

Ақбота,Қаратоқа, Көшке, өрдек,
Жеменей де солармен бірге өрмек.
Бұл күнде әр қайсысы бір бір ел боп,
Аты шыққан биікке тасы өрлеп.

Бұл күнде Адай ата ұрпақтары,
Үмітін аталардың мол ақтады.
Әр салада абыройлы еңбегімен,
Бола білді бүгінде Ел мақтаны.

Күштерің біле білсең тек бірлікте,
Қазағым қалың жұртым тектілікте.
Аумалы төкпелі ғой мына заман,
Сондықтан шақырамын тек бірлікке.
.
Мойымай қыйындыққа дағдарыста,
Бәйгеден көрініңдер әр жарыста.
Бір жеңнен қол шығарып қалың адай,
Кенелің әрдайымда мол табысқа.

Самғаған қаршығаша құз жардағы,
Өздерің бабалардың ізгі ардағы.
Қазақтың бір ұлына ой тастаса,
Ақынның орындалар бар арманы.

Сенім. Иә, бұл жәй ғана бес әріптен құралған сөз. Ал, ол сөзге ие болу, сөздің мағынасын терең түсіну кез келген адамның қолынан келе бермейді. Әркім әр түрлі түсінеді, өзінше баға береді. Бірі сенімге кіру үшін талай әрекетке барады. Енді бірі адалдылығын дәлелдей алмай сол сенімнен айырылып жатады. Оның ішінде ерекше сенім иесі әрине- досың. Қуанышыңды бөлісіп, қайғы келсе қолдап, барлығы теріс айналған сәтте қорғаушың, сырласың болар жан. Барлығымыз пендеміз ғой, періште көкте ғана. Адам болған соң жаңылысып, шалыс басар кезіміз болады. Оны әркім әр- түрлі қабылдайды. Өзінікі ойда жоқ, сол жіберген қатеңді өрбітіп жеткізіп, барлығынан аластатып, артыңнан түрлі әңгімесімен ереді. Ал өзіңе тікелей келіп, байыпты түсіндіріп, дұрыс жол нұсқар жан, сол сенім деген сөзге ие болар досың. Мына өмірде шын дос табу өте қиын. Бір үзім нанды бөліп жеп отырғанның өзінде ішінде не боп жатқаны беймәлім. Шалыс басар сәтіңді күтіп, сенің қиналғаныңнан рахат алатын жаныңда жүрген жақын адамың болып шығуы мүмкін. Өмір тосын сыйға толы. Қамшының сабындай аз ғана ғұмырда бір- бірімізге махаббатымызды, адалдылығымызды неге сезіндірмеске?! Сенімді, адал дос табу үшін алдымен айнадағы адам дұрыс болғаны абзал. Сыйға сый, сыраға бал. Сыйласып жургеннен сырластық, сырласудан сенімді достыққа ұласады. Әрқашан жанымызда жүрген жанашыр достарымыздың сенімінен айырылмай, бақытты ғұмыр кешуімізді нәсіп етсін.