Жыл басынан бері Астана қаласының жұмыспен қамту орталығы арқылы 4013 адам жұмысқа орналасты.

Бұдан басқа, Орталықпен 605 адам қайта даярлау және мамандығын өзгерту бойынша курстарға жіберілді, 314-і жастар практикасынан өтті, сондай-ақ, 1079 адам қоғамдық жұмыстарға қатысуда.

– Қазіргі кезде 2339 қала тұрғыны жұмыссыздар статусына ие. Өткен жылмен салыстырғанда биыл жұмыссыздық деңгейі айтарлықтай төмен. Былтыр бұл көрсеткіш 5,1% болса, үстіміздегі жылы 4,7% дейін төмендеді, – дейді Астана қаласы Жұмыспен қамту орталығының директоры Олжас Омар.

Күн сайын 400-ге жуық адам Жұмыспен қамту орталығының көмегіне жүгінеді. Орталық қала тұрғындарын жұмыспен қамту мақсатында жыл басынан бері 7 бос орындар жәрмеңкесін ұйымдастырды. Жалпы, үстіміздегі жылы осындай 12 шара өткізу жоспарланған. Аталған шаралардың барысында құрылысшы, монтаждаушы, электр маманы, газэлектрдәнекерлеуші сынды мамандықтар бойынша бос жұмыс орындары көп ұсынылады. Сонымен қатар, даяшы, бармен, сатушы және аспазшы сияқты қызмет көрсету саласының мамандары да сұранысқа ие.

astana.gov.kz/kk/modules/material/11018

Жыл басынан бері құрылысқа бағытталған инвестициялар көлемі 63 041,1 млн. теңгені құрады. Өткен жылмен салыстырғанда пайдалануға берілген тұрғын үйлердің шаршы метрі ұлғайды — 1 134 324 шаршы метр. Барлық қаржыландыру көздерінің есебінен 10 371 пәтерлік баспана тапсырылды.

Жеке тұрғын үй салушылар жалпы ауданы 99 723 шаршы метрлік үй салған.

Тұрғын үйлердің бағасына тоқталсақ, елордада тұрғын үйдің жалпы ауданының бір шаршы метрінің құны орта есеппен 129,7 мың теңгені құрайды, соның ішінде жеке тұрғын үй салушылар үшін шаршы метрдің құны – 115,5 мың теңге.

Қазіргі кезде Астана қаласының кәсіпорындары мен ұйымдары 223 462,1 млн. теңгені құрайтын құрылыс жұмыстарын (қызметтерін) орындады, соның ішінде 50,8%-ы жеке мердігерлік ұйымдарға, 49,1%-ы шетелдік мердігерлік ұйымдарға 0,1%-ы мемлекеттік мердігерлерге тиесілі.

Негізінен, құрылыс-монтаждау, күрделі және ағымдық жөндеу жұмыстары жүргізіледі.

Құрылыс жұмыстарының басым бөлігін тұрғын және тұрғын емес ғимараттардың құрылысы құрайды — 68,7%, электротехникалық, слесарлық және өзге де құрылыс-монтаждау жұмыстары — 10,5%.

astana.gov.kz/kk/modules/material/11012

Жазу үстеліне келіп, сурет салуға жинақталдым. Қылқаламымды, бояуымды, ақ парағымды дайындап… не салсам екен деп, ұзақ ойландым.
Бір кезде үстел шетінде тұрған журналға көзім түсті. Ішін біраз ақтардым. «Такая разная любовь» тақырыбымен Лия Жанның мақаласын көріп: -пффф, тағы да сол жоқ сезімді жырлап… осы ел шаршамайды екен-деп, енді болмағанда журналдың бетін жаппақ болып оқталғанымда, мақаланың ішінде көргің келмесе де, көретіндей үлкеен шрифтпен жазылған: «не лучше ли, когда у вас есть парень без цветов, чем цветы без парня?» деген сөзді оқығаным сол екен, көмейіме тұрды да қалды.
… Жоқ, мен сурет салмаймын. Дәл қазір мен, ішімде сілкініс жасаған осы сөзге қатысты ішкі толғанысымды жазамын деп түйдім. Ішім алай-дүлей. Айтарым көп. Батылым бір жетсе, бір жетпейді. Неге бұлай екенін, жазған дүниемді оқу барысында түсінерсіздер…
Биыл 23-ке келемін. Жиырманың белесін аттай бергеннен «тұрмысқа қашан шығасың?», " жігітің бар ма?" деген сыңайлы, сындарлы сұрақтар көп қойылып жүр. Мені жиырмадан асқан қыздар түсінері анық!)
Өз-өзім болып, бүгінгі күнге дейін тұрмысқа шығуды, ақ көйлек киюуді армандап, болмаса, мақсат тұтып көрмеппін. Адам, анық танымаған нәрсені қалай армандауы мүмкін? Мен түсінбейді екенмін.
Әлгінде айтқан сұраққа кездескен сайын, не айтарымды білмеймін. Айтарым жоқ болғандықтан емес, көп болғандықтан. Ұзын сонар себебіңді кім тыңдап тұрсын? Бәрінің мақсаты, әйтеуір сол сұрақты қою. Әрі қарай адам қандай ойда қалатынында шаруалары бар ма, жоқ па?.. "Өз адамым жолыққан жоқ" дейсің сосын, бар айта алатының. «Ол неге жолыққан жоқ? Ол қандай адам соншама, сен таппай жүрген?? Кәрі қыз болып қаласың! Тәкәппарланба! Көп таңдайсың! Таңдай берсең, тазға жолығасың!...»)))
Не демейді біздің жұрт!?)) Шіркіндер-ай! " Жаны ашығаннан, алаңдағандықтан" айтады да… Басқа не дейсің?)
Осы тектес сауалдар әбден титығыма тиді ме екен? Әлде, осындай сұрақпен мазасын кетіріп жүрген қыздарға болысқым келді ме екен?.. Әлде, жаңада айтылған сөздің «не лучше ли, когда у вас есть парень без цветов, чем цветы без парня?» дегені, өз көзқарасыма кереғар болғандықтан ашуландым ба екен?.. Осыны жазуға мені бір күш жетеледі. Олай болса, жиырмадан асса да, жар таңдап жүрген сияқтанып, шын туайтында жай ғана өз өмірлерін сүріп жүрген қыздардың атынан жауап берейін. Құрдастарым айып көрмес!
Ұнату-бәрімізге тән дүние. Дегенмен, қазіргіге қарағанда, бұрындары бұл дүниеге көбірек сенген сияқтымын. Бәріне арман, он сегіз жасымда, сондай бір көктем менің де көңіліме келіп тұрақтады. Бойжеткендіктен бе, бойжеткенім жайында ой жеткендіктен бе, сол бір азаматтың адамгершілігіне, ер мінезіне, ақжарқын көңіліне ешкімді ұқсатпай, ұнату легімен өлең жазып, содан кейін ешбір жанды ұнатпастай, ендігі дәл сол сияқты жан жолықпастай болған. Бірақ, «нәзіктік көңілден биік пе ең? сезімді білдіру жат маған...» демекші, өлеңіме сыйған сезім, өмірімде айтылмай, сол қалғаннан, мол қалды… Бірнеше жыл өтті. Кейіннен "әр құпияның ашылар күні бар" деп, текке айтылмағанындай, мен өлең арнап жүрген сол уақыттарда, сол жанның да жүрек кейіпкері өзім болып жүргенімді білмеппін. Алайда, ендігі кеш. Аз да болсын есейіп, ес кірген соң, өткенді қазбалап жату, тағы ерсі. Бұл оқиға солай аяқталды. Мүмкін, сол кезеңдерде сол адам батылдау болғанында, мен жиырмадан кейінгі қойылатын сұрақтарға ұшырамас па едім? Кім білсін… Ойлаудың өзі күлкілі..) Ол жылдардан бері талай адам жолықты. Талай адам көңілін білдірді. Біразының батылы жетпеді. Батылы жетіп, өз ойларын білдіре алғандар, жақсы досқа айналып, о баста түсіңнің суықтығынан, сыр білдірмейтін болмысыңнан сескеніп, бетімді қайтара ма деп бір ауыз сөз айта алмай жүргендерін, шындығында, ақжарқын, қарапайым екендігіңді айтып, кейіннен ақтарылған жандар қаншама… Не істейін енді? Болмыс та осы, бояу да осы! Суық көрінеді екенмін деп, елдің бәрінің бетіне қарап күле бермейсің ғой.
Мұны айтудағы мақсатым өз өмірімді жарнамалау емес. О баста айтқанымдай, көп қыздардың, қызғалдақтардың көңіл түкпірінде жатқан ойларын жеткізу.
Сыртқы кейіп көбінде алдамшы келеді. Адам өзінің келбетін таңдап алмасы бәрімізге аян.
Сол себептен, жанын білмей, бағалауға асықпайық. Бақыт үшін күресіңіздер! Бүгінде біреуді ұнатқан болсаңыз, мейлінше ішкі сезіміңізді айтып қалуға асығыңыз. Өкініште қалмай, тәуекелге барыңыз. Алайда, мұны қаракөз қазақтың қыздарына айтпаймын! Жан оты өшіп, жүрек тоқтап қалса да, қыз балаға әуелгі болып, сезімін білдіру-мүлдем жарасымсыз дүние! Қазақ қызы қашан да нәзіктігін, абыройын жоғалтпауы тиіс! Мен мұны ер-азаматтарға айтқым келеді! Жүрегің қалаған дүниені жасамай, батылдыққа бармай, екі есе өкініште қалғанша, тәуекелге барып, бір рет өкініште қалған артық!
«Ақылды адам-ақылынан адаса ғашық болса да, ақымақтарша ғашық болмайды» дейді ғой. Сондықтан, ақылды-батыл болыңыздар! Олай дейтінім, күнделікті өмірде де, әсіресе ғаламтор желісінде, арзан қызығушылықтың артына еріп, танымаған бойжеткенге ағынан жарылып, жоқ сезімді бар қылып, танысуға ниеттенген жігіттер легі көп көрінеді. Батыл болу сол екен деп, бей-берекет кететін жандар бүгінде жиі кездеседі. Сол себептен, алысқа бармай-ақ, өмірімде кездескен шағын жағдайлардан мысал келтірейін (бір бейтаныс жігіттің жазғаны):

Бірінші жағдай:
-Сәлем, сұлу ханшайым!
-Сәлем (ой, жағымпазым-ай...)
-Қалайсың?
-Жақсы. Өзің? (Бұрыннан таныс адамша… мәдениетті адам, бейтаныс адаммен амандасқанда «сіз» деп бастамаушы ма еді?! Мейлі, сен деген екен, сен дейік!)
-Жақсы.
-…
-Танысуға қалай қарайсың?
-Айып етпе, жоқ.
-Өкініп қалмайсың ба? Ойлан?
-… (О Құдай! Өкінетіндей өмірімді арнап қойыппын ба?)) Қатырады ә!?)))
-Аууу…
-Орманда емессің. (Оның үстіне дөрекі!)
-Мүмкін танысармыз?
-… (Не деген намыссыз еді! Өзіңнен көр! Мазалап қоймады ғой! =»Заблокировать=» Удалить из друзей! Парақшаңнан кері қайтқан лайктар)))

Екінші жағдай:
-Сәлем
-Сәлем
-Қалың қалай?
-Жақсы. Өз қалыңыз қалай? (Бұл ла сондай...(( Ал, «сіз» деп көрейік, түсінер..)
-Жақсы.
Не істеп жатсын?
-Ештеңе. (А жоқ, ұқпайды екен.)
-Не жаңалық?
-))) Еш. (Менің өзім жаңалық болып тұрмын ғой қазір))) Танымайтын адам да осындай сұрақ қояды екен-ау))
-Ммм
Таныс болайық?
-… (Бағанадан бері не бастап отырмыз сонда?))
-(Есіміңді 2-3 қайтара жазып жібереееді)
-(Несіне сөйтеді екен?? Оқыған болсам, жауап беремін. Жауап бергім келмесе, жүз рет жазса да, жауап бермеймін.)

Үшінші жағдай:
-Сәлем
-Сәлем
-Қалыңыз қалай?
-Жақсы, рақмет.
Өз қалыңыз қалай?
-Жақсы, шүкір.
Не істеудесіз?
-Кітап оқып, тв көріп, муз. тыңдап т.б. (Не істеп жатсаң да, осылардың біреуін жазасың, әйтеуір))
-Ммм.
-Сіз?
-Мен де.
-Қайда оқисың?
Қайда жұмыс істейсің?
Қай жақтансың?
Осы тектес сұрақтар легі кетееді сосын. Отырасың сауалнама толтырғандай болып...)) Кейде, көңілге қарап, достықтарын қабылдап аласың да, осылай келе беретін беймаза, бір сарынды сұрақтардан жалығатыным соншалық, ееең қысқа биографиямды көшіріп, жібере саламын.
Ал шындығында, айтпағым, мүмкін ғаламтор арқылы кездесіп, отбасын құрып, өз сыңарына жолыққандар бар шығар. Дегенмен, шын сезімді ғаламтордан іздеу-бұл мен үшін барып тұрған ақымақтық! Отбасын құру-өте жауапты қадам екенін ескерсек, жолыққан жан сенімен өмір бойы ғұмыр кешетінін ескерсек, және сол адам болашақ балаларыңның әкесі, болмаса, анасы екенін ескерсек, бұл жағдайға қалай болса, солай қарай алмайтынымызды да ескерген жөн!
Мейлі көп таңдайсың десін! Таңдау керек! Өйткені, бұл сенің өмірің! Сенің өзім деп тапқан адамың-болашақ балаларыңның әкесі! Оларға берілетін тәрбие! Сенің ең жақын болуы тиісті адам! Сенің тірегің! Сенің келешегіңнің сапасы! Түптеп келгенде-сенің жан жолдасың! Сен тек ол адамға тұрмысқа шығып қоймай, түбегейлі өміріңді өзгертесің!
Таңдау деген сол екен деп, біреуден-екіншісіне, екіншісінен-үшіншісіне, гүлге қонған көбелектей ұшып-қонып жүрген қыздар қаншалық! Шындығында, мына жарық әлемде бізге тиесілі-Ар ғана! Егер ардан айырылсақ-бардан айырыламыз! Онда біздің ешкім болмағанымыз!
Жанға талғампаздық-жүрек тазалығының биік сатысы!

Аяулы қыздар, қай уақытта да, қандай жағдайда да, болашақ ана екендеріңізді ұмытпаңыздар! Ойлаған адамның жолықпауы-жолыққанның бәріне жол беру емес! Бүгінгі жасалған әрекеттер үшін, ертеңгі күндері жауап беретіндеріңізді жадыларыңызда сақтаңыздар! Шынайы баққа сеніңіздер! Сол сенімдеріңізге лайық болыңыздар!

Ардақты азаматтар, ұлттық мүддені қорғаңыздар! Қыздардың қылығы-тікелей сіздерге байланысты! Сіздер нені бағаласаңыздар, қыздар соны жағалайды! Түрлі-түстінің бәрі гүл емес! Түнергеннің бәрі-түн емес! Тани біліңіздер! Бәрі де өз қолдарыңызда! Ақылды-батылдық тілеймін!

Құрметтілерім, жандарыңызда жүрген адамға «барлап» қараңыздар! Бақытыңызды көресіз бе? Көрсеңіз, қуаныштымын! Сөзбен абай болыңыздар! «Кәрі қыз, сұр бойдақ» болып қалу қорқынышы-ентелеп, ерте келген кемшіліктердің бастауы болмасын! Байқағыш болыңыздар! Ұмытпаңыздар, Құдай ешкімді ұмытпайды! Тағдырды асықтырмаңыздар! Жоқ іздеп, қапаланып, барды көрмей-көр соқырлыққа бой ұрмаңыз! Әркімге бұйырған бақ бар! Сабырлы болу-ең ұлы бақыт!

Бүгінде ойымызды сан-саққа жүгіртіп, әр нәрсеге бір елтіп кететіндей менмұндалап тұрған жылтырақтар көп. Сәл аяңдап, айналаңызға қараңыз. Ой жүгіртіңіз. Қайғырмаңыз!
«Жап-жас пессимисттің түрінен асқан қайғылы көрініс жоқ» дейді. Онсыз да, толғандырар, ойға батырар жайы көп жалғанда, жарқын жүзімізді мұң шалмасын!
Адамдардың ішінен адамды, сол адамнан ғаламды көрсеңіз, өз адамыңызды жоғалтпаңыз! Күресіңіз! Кеш қалмаңыз! Ақиқатында, бәріміз де ет пен сүйектен жаратылған, қарапайым адамдар екеніміз анық. Артық айтылған сөздер болса, айып етпеңіздер! Жауапкершілігін өзіме алдым, жеткізер жан болсын деп! Ертеңіме сенемін!

Қазақстанның түкпір-түкпірінен және таяу шет мемлекеттерден келген 250-ге жуық шахматшы жыл сайынғы Astana-Open 2016 шахмат фестиваліне қатысады. Шара Астана қаласының әкімдігінің және Қазақстан шахмат федерациясының қолдауымен Шахмат федерациясымен және «Гамбит» шахмат мектебімен ұйымдастырылады.

Жарыстың басты мақсаты – балалар мен жасөспірімдер құрамасын әлем біріншіліктеріне дайындау. Оған халықаралық гроссмейстерлер, жасөспірімдер арасындағы Әлем және Азия біріншіліктерінің, чемпиондары мен жүлдегерлері, шеберлер қатысады.

Фестиваль бағдарламасына балалар мен ересектер арасындағы түрлі форматтағы бес турнир енгізілді: халықаралық гроссмейстерлер мен шеберлердің қатысуымен өтетін блиц-турнир, опен-турнир, спорт шеберіне кандидат нормасы бар турнир, 8-ден 12 жасқа дейінгі балалар арасындағы «Жас жұлдыздар» турнирі.

Фестиваль халықаралық шахмат күні — 20 шілдеде сағат 17.45-те М. Өтемісов атындағы Оқушылар сарайында өтеді.

astana.gov.kz/kk/modules/material/11011

Джоэл Эдгертонның «The Gift» фильмінен шабыт алдым.
Автор.


Мейрамовтар отбасының жаңа үйге көшіп келгеніне көп бола қойған жоқ. Алғашқыда үйренісіп кету қиын болатын шығар деп қобалжығандары рас. Жаңа қала, жаңа мекен. Бірақ бұлардың жаңа ортаға бейімделу кезеңін күтпеген таныстық жеңілдете түсті. Дүкеннен жиһаз қарап жүр еді екеуі.
— Бәуке! — деген әлдекімнің дауысына алдымен күйеуі, сосын әйелі де жалт қарасты.
— Бәуке, қалайсың? Неғып жүрсің? Танымадың ба, мен сыныптасың Мұратпын ғой.
Күйеуі де есіне түсіре бастады:
— А-а-а, иә-иә! Мұрат, не істеп жүрсің бұл қалада? Танысымды кездестіремін деп ойламаппын!

Күтпеген кездесу бір-бірін қонаққа шақырумен аяқталды. Бір-бірінен байланыс үзбеуге уәде берісіп тарқасты.

Бірде Сәуле жұмыстан ерте келіп еді, есік алдынан шағын қорапшаны көрді. Сырты жылтыр, лентамен ортадан әдемілеп байланған шағын сыйлық. Бастапқыда абдырап қалды, тек қасындағы қағазды оқыған соң түсінді. Өткендегі Мұрат екен. Жандарынан өтіп бара жатып, сәлем беріп шықпақшы болыпты, алайда үйде ешкім болмаған. Жаңа баспанаға құтты болсын айтып, сувинир қалдырып кетіпті. Сәуленің іші жылып қалды. «Жақсы адам екен» деп түйді ол.

Әлбетте, бұндай лебізден кейін оны қонаққа шақырмау ұят болар еді. Сенбіге шақырылған кешкі асқа Мұрат та күттірмей келе қалды. Сыйлығы бар тағы. Дәл өткендегідей қызыл түсті жылтыр қорап, тек сопақтау. Бір шөлмек қызыл шарап екен. Жаңа достың мырзалығына риза болысты екеуі.

Арада бір апта өткен соң есік алдынан тағы бір сыйлық табылды. Тағы да Мұрат келіп кетіпті. Үлкен қораптан теледидар шықты. «Сендерге керегірек деп шештім, өзім үйде көп болмаймын. Үйде теледидар қарайтын ешкім жоқ. Ренжітсем кешіре гөріңдер, Мұрат» делінген қалдырылған қағазда. Сыйлық қымбат болғанымен Бәуке мен Сәулені ыңғайсыз жағдайға қалдырғаны рас. Ақкөңілділігі шығар деп сыйлықты қабылдауға мәжбүр болды.

Уақыт өте келе Мұраттың өзі де "ұсталды". Сол күні Бәуке жұмысқа бармай қалып еді. Аулада әлдекімнің дауысы шықты. Ауланың қақпасын ашып жатқан жерінен Мұраттың үстінен түсті. Жеткізу қызметі арқылы үйге тағы бір үлкен қорап кіргізіп жатыр. Дәу тоңазытқыш болып шықты. Қызыл қаптамасын кигізіп үлгермепті әлі. Екеуі сөзге келіп қалды. Бірақ ең қатты ренжігені Мұрат болды. «Жаңа дос таптым ғой деп қуанып, сендердің қым-қуыт тірліктеріңе қуаныш сыйлау ғана еді ойым. Достарыма сыйлық сыйлағанның несі бар?», — деп кейіді ол сонда. Тіпті Бәуке тым артық кеттім бе деп те өкінді.

«Тағы да келем», — деді Мұрат бұрылмастан. Бәукеңе әлбетте бұл ұнаған жоқ. Мұраттың есі дұрыс екеніне күмән келтіре бастауы да осы сәттен басталып еді. Учаскелік полицейді де ескертіп қоюды шешті.

***

Демалыс күн болған соң ұйқы қандырып, асықпай тұрды екеуі. Терезеден түскен қара көлеңке жарыққа қарап, күн бұлтты деп шешті. Есік алдына шығып, таза ауа жұтып қайтайын деп Бәуке есік ашпақ болды. Бірақ, есік сыртқа ашылмайды. Сосын терезеге жақындап, пердені түрді. О, тоба, дала көрінбейді. Басқа терезелерді де қарап шықты. Түгелімен жабық. Біреу сыртынан тас қылып бітеп тастаған. Дереу телефонды алып, полицияға хабарласты. Біраз уақыттан кейін келген полицей де ештеңе түсіне алмады. Үй жоқ. Оның орнында көлемі үймен бірдей, қызыл түсті алып қорап тұр. Сыртында «Сыйлық» деген жазу бар.

Хабарландырумен тауып алдым. Интернет емес, "қолдан қолға өтетін" арзанқол қалалық газеттердің бірі арқылы.

Мамандарды интернет арқылы да жиі іздеймін негізі. Бірақ интернет арқылы үнемі — респектабельді болмаса да, «интернеттен табылғанын» міндетситін, ендеше қызметі әдеттегіден елу-алпыс мыңға қымбат шығатын, және қолынан түк келмейтін мамандар кездеседі. Ал газет арқылы көбіне күн қаққан қарасирақ, «шықпа жаным, шықпа!» деп қалт-құлт күнелткен, жүрек жалғайтын нәпақа ғана сұрайтын мүсәпірлер табылады. Олардың қолдарынан түк келмесе де, берген жұмыстың қыр-сырын жанын салып жүріп үйреніп алады.

Астана – еліміздің бас қаласы. Елорданы ауыстырғалы, 18 жыл өтті. Біраз уақыт зымырап өтіп, қаланың ішінде қандай өзгерістер орын алды, қандай мәселелер әлі де болса шешілген жоқ... Осы жайттар мен көптеген басқа салалар туралы өзімнің ой-пікірімде тоқталғым келіп тұр.

Өзім 80-жылдардың соңында Целиноград қаласында дүниеге келген едім. Арада 27 жыл өтіп, қала көз алдында өзгеріп те үлгерген екен. Ол кезде әлі де, Совет Одағынан қалған ірі кәсіпорындар баршылық: Ет комбинаты, М.Маметова фабрикасы, Целинсельмаш пен Казахсельмаш зауыттары, Целиноградтық вагон жөндеу зауыты, Целиноградтық шойын қорыту зауыты және көптеген басқа да ірі-ұсақ өндіріс орындары. Атап айтқанда, Солтүстік және Орталық Қазақстан бойынша, ең ірі өндіріс қалаларының бірі болып саналған.

Бидайды және астықты өсіру мен өңдеу саласына, Целиноградқа Совет Одағының көптеген елдерінен жастар ағылып, өздерінің ерең еңбектірінің арқасында қалаға жаңа серпіліс, дем берді. Содан қаланың Целиноград деген атауы пайда болды.

Сонда 80-90 жылдарда және 2000 жылдықтың басында, қаланың ішкі тынысы және инфрақұрылымы, бүгінгі күнмен салыстырғанда әлдеқайда басқа болған еді. Әрине, ХХ ғасыр мен ХХІ ғасырды салыстыруға да болмайды. Дегенмен, осы уақыт аралығында өмірге деген көзқарастан бөлек, елдегі саяси мен мәдени, әлеуметтік құндылықтар мен халықтың соған ойы өзгерен. Одан бөлек, жылдан-жылға ауа-райының өзгеруі де алаңдатып отыр. Қыс жұмсарып, жаз суықтана бастауы болып тұр.

Енді, бүгінгі күнге жетіп, өткен уақыттан, аманатқа тапсырылған байлықтан қолымызда не қалды?! Тек бейбіт өмір және ашық аспан. Совет Одағы құлдырағаннан кейін, елімізге үлкен дағдарыс келіп, көптеген ірі және ұсақ өндіріс орындары банкротқа ұшырап, жабыла басталды. Ел экономикасында үлкен өзгерістер орын алды. Ұлттық валюта енгізіліп, бірнеше жыл бойы, халық ашаршылық күйзеліске жақын болған еді. Сол уақытта сарабдал саясат арқасында, ел аяққа қайта нық тұрып, жалпы өмір өз қалпына келе бастаған болатын. Кебіреулер сонда ұстанған саясатқа қарсы болып, даттайтын да шығар. Бірақ ескере кететін жайт баршылық, өтіп кеткен істі қайта өзгерте алмайсын. Ал оны қазбалаудын пайдасы жоқ екенің, екінің бірі түсене бермейді. Нәтижесінде, саясатқа терең үңілмей, қаламыздың көкейтесті мәселелерімізге қайта оралсақ.

Жуырда ғана, туған қаламызға 7-ші жаңа әкім тағайындалған болатын. Елімізге танымал, индустрия мен инновацияны басқаруында еңбегі сіңген азамат – А.Исекешев мырза. Елордалықтардың күтетін үміттері орасан зор. Жалпы 6 әкім болған уақыт ішінде, қалаға келген өзгерістер сан алуан. Әрбір келіп-кеткен әкім өзіне тән қасиеттері болып, елордамыздың белгілі бір саласына үлес қосқан еді. Бірақ та кейбір салалар, қалай о бастан бастап, ақсандап жүрді, солай әлі де өкінішке орай ақсандап жүр. Атап айтқанда, жол инфрақұрылымы, кептелістер, тұрғын-үй мәселесі және көптеген басқа да ұсақ-түйек мәселелер. Енді үмітіміз үзілмей, шешілмеген мәселелер бойынша А.Исекешевтен күтетін боламыз. Күтетініміз мәселелерді жай ғана шолып тұрып уақытылы шешу емес, оны түбегейлі қарастырып, себебептерін тауып, нақты механизм іске асырылуы арқасында, мәселені толық жою.

Осы мақаламда, жалпы ғаламтордан жинақтаған туған қаламыздың 4 түрлі кезеңдерден тұратын суреттер жиынтығын, сіздердің назарларыңызға ұсынғалы отырмын.








Жалпы 4 кезеңді қарастыра келе, қаламыз қаншалықты өзгергенің және алда қалай өзгеретінің болжамдай аламыз. Әрине, өмір бір орында тұрмауына байланысты, өмір ағысы мен қағысы замаң талабына сай ауысып отырады. Одан ең бастысы, өзіміздің рухани құндылықтарымызды, қазақи дәстүрімізді жоғалтып алмасақ болғаны.

Кейбір мәселелер, қалай нақты өзгеретіні жайлы, қазірдің өзінде белгілі болып тұр. Бірақ толық түсінік алу үшін, алғашқыда қалай басталғаның, өзгеру тарихын қайта қарастырып, сонымен қатар, болашақ жоспарға қысқаша тоқтала кетсек.

Қаланы жоспарлау мен құрылысты жүргізудің бірінші кезегі елорданы ауыстыру кезінде (1997-2000 ж.) басталған, кейін америкалық мамандарды тарту арқылы ұсынылған жоспарға сәйкес жұмыстар тек 1 жыл аясында іске асырылып, үшінші кезек әлемге аты шулы болып, әлемге таңымал болды. Оның себебі, мол атағы мен абыройы бар Кисе Курокава жапон сәулетшісін елордамызға тартып, Астананың 2030 жылға дейін жоспарын сызып қойған еді. Бірақ арада бірнеше жыл өтіп, жапон сәулетшісі өзінің ұжымымен жасаған болжамдары теріс болып шықты. Сол жақ жағалауда, бойы көтеріліп келе жатқан ғимараттар арасындағы тар көшелер мен көліктерді қоятын орындарының болмауы, алғашқы үлкен мәселелерге әкеліп соқтырды. Одан кейін, 2003-2005 ж. аралығында Астана қаласының бас жоспарында ауыспалы кезең орын алды. Бас жоспарға қосымша бірнеше айналмалы жол тораптары мен басқадай көлікке қатысты ғимараттар мен нысандар енгізілген болатын. 2007 ж. Курокава ұсынған жоспар әлдейқайда өзгеріске ұшырап, қайта қаралған болатын. Әсіресе, көлік саласы мен инфрақұрылым көптеген өзгерістерге ұшыраған. Бас жоспардың бесінші кезеңі кезінде «Астанагенплан» мекемесі ат салысып, өз ойларын қосқан болатын. Дегенмен, оның өзі екі рет қайта қарастырылды. Себебі, EXPO халықаралық көрмесі өткізуге мүмкіндік алғаннан кейін, жоспарды қайта өгертуге тура келді.

Соның нәтижесінде, қала бойынша салынып жатқан ғимараттар сан алуан. Әрине, 90 жылдарда салынған үйлердің түстері мен реңдерінен әлдеқайда айырмашылықтары да байқалады. Одан бөлек үйлерді соғу стандарттары бойынша бірқатар өзгерістер орын алған еді. Сонымен қатар, замаңға сай жаңа құрылғылар мен техникалар қолданылады. Ең бастысы үйдің сапасы әлдеқайда жақсарған болатын. Бірақ, ескеретін жайт баршылық. Егер үйді BI Group сияқты алпауыт компания салған болса, онда құрылыстың аяқтау уақыты мен сапасы жағынан уайымдадуың қажеті жоқ. Ал егер де, арзан немесе ешкімге танымал емес кішігірім құрылыс компаниясы салған болса, онда құрылыс аяқтау уақыты мен сапасы жағынан алаңдауға боларлық жайт.

Сүйікті қаламыздың инфрақұрылымы, жолдағы кептелістер, ұзақ уақыт салынып жатқан үйлер сияқты бірқатар ірі мәселелер баршылық. Бірақ, құрметті оқырман, осы жайттарды өзімнің осы мақаламның келесі бөлімдерде бөліп, ажыратып көрсеткен жөн екенің санап отырмын. Онда келесі ІІ бөлімде кездескенше.

Еліміз тыныш, жұртымыз аман, мақсатымыз айқын, болашағымыз жарқын болғай ағайын!!!

Биыл КерекИнфоның блог-платформа ретінде шыққанына 6 жыл болады. Осы уақыт ішінде бірталай пост жазылды. Солардың ішіндегі үздіктерін жинақтаудамыз. ТОП посттарды мына жерден көре аласыз.

Астанада жаяу жүргіншілердің қауіпсіздігін арттыру және жол-көлік оқиғаларының алдын алу мақсатында шілденің 18-і мен 24-і аралығында «Назар аударыңыз — жаяу жүргінші» кең ауқымды акциясы өткізіледі.

— Жергілікті полиция қызметінің қызметкерлері жаяу жүргіншілердің жолдарды рұқсат етілмеген жерлерден кесіп өтуіне, қиылыстарда, жаяу жүргіншілер өткелінде оларға жол бермеген жүргізушілерге назар аударады. Жыл басынан бері 337 жол-көлік оқиғасының 68-і жаяу жүргіншілердің кінәсінен орын алған. Бірінші жартыжылдықтың қорытындысы бойынша 12 мыңнан астам жаяу жүргінші, сондай-ақ, оларға жол бермеген 4 мыңнан астам жүргізуші әкімшілік жауапкершілікке тартылды, – дейді Жергілікті полиция қызметінің басшысы Бақытжан Малыбаев.

Айта кетейік, елордалық полицейлер «Жарқын бол» акциясын өткізеді. Шара аясында жарық шағылыстырғыш білезіктер таратылады. Жүргізушілер оны таққан жаяу жүргіншілерді көліктің жақын шамымен 50 метр қашықтықтан, ал қозғалыс кезінде көліктің алыс жарық шамымен 150 м қашықтықтан көре алады. Шағылыстырғыш элементтер болмаған жағдайда, жаяу жүргінші көлік шамының жарығымен 30 метр қашықтықтан ғана байқалады. Зертеушілердің мәліметінше, шағылыстырғыш элементтер қараңғы кезде жүргіншілерді қағып кету жағдайын 5-6 есеге төмендетеді.

astana.gov.kz/kk/modules/material/11008

10-24 шілде аралығында Астанада елімізде тұңғыш рет ЮНЕСКО Клубтары шығармашылығының Академиясы өтеді. Бірегей жоба Астана қаласы әкімдігінің қолдауымен Қазақстандық Ұлттық ЮНЕСКО Клубтарының Федерациясының, ҚР Тұңғыш Президенті қорының және Қазақ Ұлттық өнер университеті нің бастамасымен өткізілмек.

Жоба жастарды толеранттық рухта тәрбиелеу және мемлекеттің болашақ шығармашылық әлеуетін қалыптастыру мақсатында шығармашыл-дарынды өскелең ұрпақты қолдау мен дамытуға бағытталған.

Қазақстанның 14 облысы мен Астана, Алматы қалаларынан 12-17 жас аралығындағы 100 үздік студент екі апта бойы білім беру бағдарламасынан өтеді. Жобаға көркемдік, музыкалық, хореографиялық, вокалдық өнер номинациялары бойынша алдын ала іріктеуден өткен 500-ден астам үміткер қатысады.

Өнер саласындағы жетекші мамандармен кәсіби сабақтардан басқа, бағдарламаға «әлем мәдениеті» мен жаһандық азаматтықты қалыптастыратын, көшбасшылық әлеуетті дамыту бойынша тренингтер мен шеберлік-сыныптар енгізілді.

astana.gov.kz/kk/modules/material/11001