Шілде айында қаладағы құрбым Зухра Ақтауға жиен сіңлісін ұзата барып келген еді. «Каспийден теріп алдым, сен осындайға әуес едің ғой» деп тойдың сарқытымен қоса бір уыс ракушкаларды қолыма ұстатты. Содан бері блогыма жазайын деп сәті түспей жүрген еді.

«Ухти айтты, үйлен деп. Ахиға әйел болдым. Алайда, ол мені талақ етіп, тастап кетті». Соңғы уақытта ислам шариғатын бүркеніп, кері уағыз жүргізіп жүргендердің кесірінен, тіркеусіз неке жиілеп, тастандылар көбейіп барады. Мұндай ащы ақиқат — хиджап киген арудың аузынан естілді. Мұсылман әпкесінің кеңесін тыңдап, шариғат бойынша некесін қидырған қыздар, «талақтың» құрбаны болдық, салдарынан хиджап киген көбелекке айналдық, — деп шағымдануда. Талақ, талақ, талақ! Үш мәрте айтылган осы сөз — тағдырымды талқан етті, дегендердің бірі хиджап киген Айша есімді ару. Әдемі бұрымы мен бет-әлпетін бүркемелеген бойжеткен, дінге таяуда ғана бет бұрған. Алайда, санаулы ғана уақыттың ішінде, бір емес, екі рет некелесіп үлгеріпті. Бірінші жары — «талак» деп тастап кеткен. Онда да заңды тіркелмеген некесін әйелі бар ахимен қиған. Алайда, «ахи ағасы» пәктігін қиған қарындастың тағдырын «талақтын» тасасына тастап кетіпті.
АЙША:
— Ухтилер, ягни бұл мұсылманша әпкеміз ғой. Сол кісілер айтты, «ахимен» некеңді қи, намазханмен жұптасуға қарсы шыққаның — Алланың қалауын қылмағанын, Аллахтың қахарына ұшырайсың, — деді. Үш рет хитба болды, яғни кездестік. Содан кейін менімен некесін қиды. Көп уақыт өтпей, талақ еттім деді.
Айшаның айтуынша, мұндай ника, яғни жубайлардың жұптасу некесі мен — ахидың талақ айтуының арасы кей кездері екі үш күнді ғана құрайтын көрінеді. Яғни үш күннен соң, хиджаптағы ару ажырасқан әйелге айналады. Күйеуі талақ еткен әйелге тағы бір намазханның көзі түссе, келесі неке қиылады. Сөйтіп қолдан-қолға өткен хиджапты қыздар, өздерінің жеңіл жүрісті жезөкшелерге ұқсап барамыз, деп қапалы.
АЙША:
— Жақында арамыздагы тағы бір қыз некесін қидырды. Әпкелердің айтуымен әрине. Ол қыз әлі некеге отыратын жаста да емес еді… Бір айға жетпей жатып, күйеуі тастап кетті. Бұл уақытта қыздың аяғы ауырлап қалды. «Талақ» деген еткен ағаны, оның болашақ баласының болатындығы да тоқтатпады.
Ислам шариғаты бойынша, баланы алдыру — үлкен күнә, харам іске қолдары бармаған қыздар заңды әкесі жоқ бөпесін өздері бағуға мәжбүр, дейді Айша. Ең сорақысы — ислам шариғатын теріс бұрмалап жүргендердің үгіттеуімен, иманға енді бет бұрған бойжеткендер тіпті, жазасын өтеп жатқандармен ұялы телефон арқылы некелерін қиғызып үлгеріпті. Тағдыры тәлкек еткен ару баласын құшақтап, өзінше тірлік қылады. Күнкөрістің қамын қылып. Ал, Алматыдағы қылмыскерлерге іздеу салынған тақтада хиджап киген қыздардың сұрауы көп. Мұсылманша киінген бойжеткенді алаяқтық дерегі негізінде, күдікті ретінде іздеуге салған.
Айша да Алматыда сенбі сайын өтетін тәлім сабағына қатысушылардың бірі. Айтуынша, соңғы уақытта сенбілік жиындарға жиі баратындардың ішінде, иманын күшейтуді, мамандық алу үшін, алдып жатқан ілімнен жоғары қоятындар көп көрінеді. Ондай жиындардың біріне біз де бардық, бүркеніп, хиджап киіп… Расында да мұндағы тәлімнің негізі — ахиларды ұлықтап, некені құрметтеуге құрылған. Түрмеге тоғытылғандар өз алдына, қазақтың қызына сонау кавказ елінің қара жігіттері де сөз салып жатыр. Оған мүмкіндікті интернет желісі арқылы «Никях ру» танысу сайты беріп қойған. Мысырлық араб және солтустік кавказ жігіттерін ақидасы адал, иманы күшті деп хиджаптағы қыздар қағып алудың қамын қылып жур. Ал, қаба сақалдылардың ойы — харам ба, әлде халал ма, оны ескеріп жатқан ешкім жоқ.
Ирина Советжанқызы, Думан Сүлейменов, Информбюро.

Ішіп кеткім келеді. Менікі Нұрекеңдей емес, анда-санда “за күйік” ішкісі келу. Сөйтсең бәрі дұрысталып орнына келе қалатындай. Жаман ойлап қалдыңыз ба, әрине “ақаңнан” емес, жай сырадан сыраптап қана. Өйткені, өзі өмір сүріп отырған қоғамға ешкімнің де көңілі 100 пайыз толған емес. Толған болса маған әкеліп көрсетіңізші. Мен содан интервью алайын  Зар заманның “зарлауықтары” қай кезде де табылады. Ұлтына өлердей жаны ашитын, тіл, дін, рух деушілердің!!! Аттан, ойбай аттан! Құрдымға кетіп бара жатқан да қазақ, өз елінде жүріп чмо болған да қазақ. Общем, абайламасақ, жаһандану деген айдаһардың аузында тұрмыз. Жыны келсе, бізді “әуп” деп жұтып қоюы мүмкін. Бірақ, че-то бізді әлі жұтқан жоқ! ( Бұдан тез жұтылуды армандап жүр екен деп ойланып үлгермеңіз). Жан-жағымызға қарап қалсақ, байбалам салып жүрген өзіміз екен.

Құсып кеткім келеді. Жоғары жақтағылардың құрып қойған системасына әсіресе. Сосын, “мен бастықпын, көңілімді табыңдар, мақтаңдар, ақша беріңдер, жағынып, қас-қабағыма қарап өмір сүріңдер, аяқтарыңнан ұшынан басып жүріңдер, бүгін көңілді екенімді көрсетпеуім керек, әйтпесе жылы жүзімді байқап қойса, подчиненныйларым түрлі просьбаларымен келіп, миды шірітуі мүмкін” деген сияқты. Орнынан босап қалмас үшін, өзінен жоғарылардың ұртын “бір майлап” қоюды ұмытпау, тағысын тағы осы сияқты түсініктерге, және креслодан айрылып қалмас үшін үреймен ұйықтап, үреймен оянатындардың бейшаралығына құсып кеткім келеді.

Ұшып кеткім келеді. Ұшып емес, безіп кеткім келеді. Безіп емес, білә, өліп қала салғым келеді. Қысқасы осы.

Әрине, Қазақстан тарихын оқыған адам Филипп Исаевич Голощёкиннің кім екенін біледі. 1924 — 1933 жылдар аралығында Қазақстан Компартиясының Бірінші хатшысы болды, ел басқарған шағында қазақ ұлтының және Қазақстанда тұрып жатқан басқа да ұлттардың малын тартып алып, күшпен отырықшыландырып асыра сілтеушілігімен тарихта қалған адам. Оның кесірінен 3 миллиондай аштан қырылып, жүз мыңдағаны көрші елдерге босып кетті.

Алматылық блогшылардың бас қосуына керемет бір себеп болып тұр. Бүгін сағат 16-00-де Алматыда АҚШ елшілігі журналистер мен блоггерге арнап екі деректі фильмнің тұсаукесерін өткізеді. Бұл фильмдер -келесі аптада басталатын Еуразия кинофестивалінде көрсетуге ұсынылған таңдаулы туындылар екен (қалай таңдағандарынан хабарым жоқ. Поштама келген мәтін сол күйінше жарияланып отыр).

Домбыраны қолыңызға алған кезде қандай ойда боласыз? Қалай жасалады екен, кім жасайды екен, оның түрлері бар ма деген сұрақтар келетін болар. Міне, бізде осы сұрақтарға жауап іздеп көрдік.

Маған оқушылар арасында өтетін дебат тақырыптары керек. Қандай тақырыптар болса да ,100 тақырып тапсыруым керек болып отыр. Көмек беріңдерші дебатшылар.
20 жылдыққа байланысты, тілге байланысты, жастарға, дәстүрге байланысты кете береді.

***
14 жасар езім.Қарасуды жаз жайлап отырмыз.Көктем.Қолымда Көкжендет атты қаз алатын қарғам бар, астымда Көкқасқа дөнен, Көктөс деген итім соңымда.Көлден қаз аулауға шықтым.Көкжендетті жібердім қаздарға.Аспан қаздан көрінбей кетті.Көкжендет құлатып жатыр қаздарды, былай теуіп өтет 10 қаз, былай өтет 10 қаз.Ауылдың үсті қаздың мамығына толып,қатындар көрпе жастығын бір жаңалап алды.
Бір кезде біреу иыгымнан түртет,қарасам жалшы бала: «Мырзам, акеніз шакырып жатыр деп коят» о кісі мені кус салып жүргенде шакырмаушы ед деп коям.Содан келсем, әкей «гриповаттап» калыпты." ой,әке, далакомга неге збандай салмадын" деп коям.Сойтсем колдін жағасында вне зоны екен ғой.
Балам мына аурудын түрі жаман, аптекадан антигрипин акелесің ғой дим деді әкем.Содан «Леди» деген аптека бар еді соган бардым шауып. Не қажетін айтпастан алтын ділдәләрімді тастай бердім. Аптекада Венера Касимова деген таныс кызым тур екен. Ол да не керегін сурамастан без сдаш бірденені сала салды.
Шауып келім әкеме берсем, ана жынды кыз әдеттегідей деп ойлап «резеңке» беріп жіберіпті

Жайсыз хабарды естіп жаман болдық. Жазда балалар үйіне барып ролик түсірген болатынбыз.Мен әрине қатысқан жоқпын, бірақ роликті көргенде басты кейіпкер балаға жұмыстағы барлығымыз ғашық болып едік. Енді міне ол балдырған өмірден өтті дейді. Өткенде де біреулердің қолымен жасалды дейді. «Время» газетіне сенсек, баланы өлтірген. Әзірге кім екені белгісіз.
7 жастағы Асхат Сүлейменов режиссер Дамир Манабайдың «Лотерея» фильміне түсіп жатқан. Болашақта актер болуды армандаған екен. Эх, өмір үзілді, арман жоғалды…

Иә-ә-ә, пенде болған соң бір ой келіп бір ой кетеді…
Кейде жаныма жайлы «пана» таппағанда бас ауған жаққа ҚАШЫП КЕТКІМ келеді…
Құзырлы мекемелер түкке тұрғысыз өздерінің «заңдылықтарын, тәртіптерін» алдыңа кесе-көлденең тарта бергенде бәрінің астан-кестенін шығарып ШАШЫП КЕТКІМ келеді…
Танауын көкке көтеріп, тым масайрап кеткен жанды көрсем «тәубеңе түссеңші» деп кешегі жарасының ауызын ҚАСЫП КЕТКІМ келеді…
Кейде осындай өзімшілдікке негізделген пенделік ойлар жылт береді…