Астанада жүріп, Азиаданың ашылу салтанатына бара алмадым. Билет алғанымен, басы ауырып, амалы қалмай, ақыры қалып қойған адамдай айттым-ау Қайтемін, спортқа қызықпаймын. Бірақ, Азиаданың ашылуында журналистпін дегенге нетбуктан шүлен таратынын білгенде, шауып барар едім. Сүйіп тыңдайтын Лара Фабианның сахнаға шығарын білгенде, жетіп барар едім. Әзіл ғой, әңгіме сол теликтен телміріп көрген айшықты, алау-жалау көріністердің көңілімнен шыққанында болып тұр.
Бұл турасында Тотыдан бастап Айкоға дейін тәптіштеп жазды ғой…. қосарым – безендіру, жарық түсіру, арнайы әсер, декорация жағынан анау-мынау Олимпиаданның ашылуынан кем түскен жоқ. Режиссер Сеченов та бір жарым жыл бойы бізде тегін жүрмепті. Қазақтың тамырын қазбалап, әу бастағы тарихымызға үңілуге тырысты, әй… Оғыз батыр мен Қарлығаш, жібек қауырсындардан пайда болған Ұлы Жібек жолы, Тайқазан, киіз үй, Алтын адам (кәментшілер оны комикстегі “ Темір адаммен” шатастырып, қанды ішті), арба дөңгелегі, Бәйтерек (“ Аватардағы” әулие ағаштан аумай қалған), бәрін-бәрін қамтығандай болды. “Қазағым, Қазақстаным” үшін мақтаныш сезімі маздап, шыт майкамды айыруға шақ қалғанда, бір көрініс настройымды быт-шыт қылды. Әлгі жұмыртқаның аспаннан салбырап келе жатқан сәті ше?… Мм, сол тұс сценарий бойынша солай болды ма, әлде “ как всегда” кәментшілер қуып кетті ме, “ бұл жұмыртқа тәріздес дүниеден, жо-жоқ жұмыртқадан қазір Тәңір туады” деп сүйінші сұрай бастады. Тусын ал деп мен отырмын. Жұмыртқаның ішіндегі қуыршақты (бала ғой) сақалы беліне жеткен ақсақал қолына іліп алды.

Апта күндеріне таңылған эпитеттеріміз, ассоциацияларымыз бар. Сәрсенбінің сәтін тілге тиек етеміз. Жұмамыз мүбәрәк. Бейсенбі — басқа өңірлерді қайдам, оңтүстік жақта өлім-жітімнен кейін марқұмның қырқына дейін әр бейсенбіде «бейсенбілік» болады: дастархан жайылып, дұға бағышталады. Батыста дәл қай ру екені есімде жоқ, аптаның белгілі бір күнінде ме екен, айдың белгілі бір числосында ма екен, алыс сапарға шықпайды, маңызды істер істеуден баз кешеді… Сенбі мен жексенбі той-томалақ күндері күнтізбедегі. Дүйсенбі мен сейсенбіні қалай ұмыт қылғанбыз? Шеттету ме екен?

Жоқ әлде, оқыс қылық көрсетіп:

Алты сенбі, бір жұма,
Дүйсенбіде кір жума!

десек пе екен…

Әзіл ғой. Интернетте серфинг теуіп жүріп, мына күнтізбеге аяғым шалынысып қалды. 2011-дің күнтізбесінен қызықтырған күнді тауып аласыз да, саусағыңызды ай атауына қарай апарасыз. Күн-айдың түйіскен тұсы аптаның қай күніне сәйкес келетінін көрсетеді. Айтпақшы, жасыл түспен 31-ге толатын айлар боялса, көк түспен 30-ына бітетіндері белгіленіпті. Қызыл жолақ — ақпан айы. Өз басыма бұдан қысқа күнтізбе болмайтын сияқты. Ақпанның бірінен бастап көлік ауыстырмасақ та, осылай күнтізбе ауыстырып тастадық!

Мақала сілтемесі: http://orkenegro.wordpress.com/2011/02/01/%d0%ba%d2%af%d0%bd%d1%82%d1%96%d0%b7%d0%b1%d0%b5%d0%bc%d0%b5-%d0%ba%d3%a9%d1%80%d1%96%d0%bc%d0%b4%d1%96%d0%ba-%d1%81%d2%b1%d1%80%d0%b0%d0%b9%d0%bc%d1%8b%d0%bd/

Бұрынырақта жазып жеке блогыма ілген жазбам екен.Сіздермен бөліссем деп едім.

Бұны әңгіме дейсіз бе, әлде шағын естелік дейсіз бе оны өзіңіз біліңіз. Анық білетінім, қолыма қалам алғызып отырған сағыныш. Балалық шаққа деген, қазіргі уақытта Балқаш қаласында ұстаздық қызмет атқаратын әпкеме деген сағыныш. Біздің Қарағанды төңірегнінде өзінен үлкен қыз баланы апа деп те айта береді. Жалпыға түсінікті болу үшін жазып жатқаным ғой. Әпкем екеуміздің қызығымыз көп.
Алғаш әріп үйретіп, есеп амалдарын шығару жолдарын үйреткенінде мен 5 жастамын. Газеттерді судыратып оқитын дәрежеге жеткізді. Үйге келген қонақтарға көлдей «Лениншіл жасты» оқып берем. Не жазылғанын түсініп жатқан мен жоқ, мақтауға марқайып жүре беремін. Әріп үйренгенім өзіме сор болды. Әпкем енді «Жарты сағатта қыс туралы өлең шығар, жаз туралы өлең шығар»деп қинайтын болды. Аңда-санда қалам алып, қағазға өлең жолдарын түсіріп жататынымыз да сол әпкеміздің арқасы.
Әпкем бала кезінен ұйымдастырушылық қырынан таныла білді. Біздің шағын Талдыбұлақ ауылының шеткері үш үйінің балаларын жиып, мереке сайын концерттік бағдарлама дайындайтын. Үй арасындағы бағаналарға жарнама ілгенді мен сол кезде әпкемнен көргем.
Таудың бауырын жанамалап тас жол өтетін. Сол тас жолға қызық үшін әпкем біздерге тас төсеткізеді. Жүргізушілердің тоқтап, тасты тазартқаны, ашуланып боқтағаны өзіне қызық шығар. Бірақ маған қорқынышты еді.Ши арасында жасырынып жатқан біздер, боқтықтан соң қашпақ болсақ әпкем жұдырығын көрсететін. Әпкемнің жұдырығы өзіме мәлім, одан да жүргізушіге ұсталған жеңілірек.
Жаз келді дегенше поход басталды дей бер. Походымыз тауға шығып, үйден дайындап алып шыққан тамақтарды жеп қайту. Көрші Ербол деген бала екеуміздің міндетіміз жол жиегіндегі белгілерді алып (дорожный знак), тау басына стол дайындау. Қанша жол белгі апарғанымызды бір Алла білер.
Әпкем әйтеуір жаңалық тапқыш. Кімнен естігенін қайдам, бір күні жатарда басына домбыра және нан қойып жатты. Себебін сұрасақ түсіне нан кірсе нан соғар болады-мыс, домбыра кірсе теңдессіз домбырашы болмақ. Анығы әпкеміздің түсіне екеуіде кірмегені.
Әпкемнің ұйқысы қатты. Кеңестік ұйқыдан оятқыш сағаттарға ояна қоймайтын. Адамнан айла артылған ба, оның да емі табылды.Өзінің аяғына жіп байлап, бір ұшын менің аяғыма байлады. Ондағысы әпкем аунағанда мен ұйқыдан оянып сағатты қарауым керек. Құдайға тәуба сабақтан қалып көрмедік.
Әпкемнің жатарда айтатын тақпағы да өзгеше:

Жаттым, жаттым жан Алла

Тұрғыза көр Иншалла

Тұрғызбасаң Иншалла

Лә илләһа Иллалла.

Жел тұрса күзге салым ауылдық жерде қаңбақ домалайды. Қораның артында үлкен қазан шұңқыр бар болатын. Сол жылы шұңқырды қаңбаққа толтырдық. Әпкем жиналған қаңбақтармен аспанға ұшпақ болған еді. Алыстан қаңбақ көрінсе, түлкіге ит қосқандай қосып жіберед. әкелген қаңбағың бүтін болмаса еңбегіңнің еш кеткені. Әйтеуір аспан әлеміне сапар шектіретіндей қатты жел тұрмай жанымыз қалды ғой.
Ауылдық жерде тірлік жермен тікелей байланысты. Жауын жаумаса шөп, егін шықпайды. Әпкем оның да оңай жолын тапты. Жаңбыр жаудыру үшін бақа өлтірсеңіз болды, кешке я болмаса ертеңіне жауын жауып береді-ай бір. Әлде бұл жай ғана сәйкестік пе екен? Әйтеуір сол жылы жаз жаңбырлы болды.
Кесіртке атты бауырымен жорғалаушылар класына жататын жәндік бар. Менің білетінім олардың түсі қара-қоңыр және жасыл (шөп түстес) болады. Сол кесірткелер де екіге бөлінеді екен. Оны әпкем болмаса мен сорлы білмей өтер ме едім.Олардың да мұсылманы мен кәпірі болады екен. Анықтау да онша қатты қиын шаруа емес. Көзіңізге көрінген кесірткеге «Мұсылмансың ба, кәпірсің бе?» деп айқайлайсыз, қаша жөнелсе кәпір болғаны. Оған жер бетінде орын жоқ. Әпкем айтты бітті, өлтіру парыз және сауапты іс. Кеңестік-атеисттік жүйенің әсері ме екен, сол кездерде мұсылман кесірткелер көп кездесе бермеуші еді.Қазір ойлап қарасам қашпай қалғандарының аяғы біздің айғайымыздан қарысып қалған болар.

— Прінс әфрікандық па?
— Американский, ата.
— Мақұл, мақұл, мақұл… ТҮЛПӘӘН!

Фильмнен

“Тюльпан” фильмі – үйге “Адасқандардың” артынан келген кино. Сол баяғы екі жыл бұрын елдің емешегі езіліп көріп алған, ал мен көре алмай қалған, жұрттың аузында жүрген отандық фильмдердің бірі. Қарадым. Ой қорыттым. Енді Сіздерге арнап ревью жазып отырмын (Алда, айналайын-ай деп көзіңізді бір шылап аласыз осы жерде).

Ассалаумағалейкум!
Осымен 2 сағаттай болды, менің Әлеммен бөліскелі отырғаныма(яғни сіздермен).
Өзімнің пландарым жайлыда айта кетейін (осы жылға). Біріншіден менің кім екенімді… әзірге секрет атым әлемге болмасада, Казнетте ойып алар орным бар. Ал 2шіден, осы Дабай кз блоггерлер қауымдастығын FaceWOOk-қа пара-пар етіп теңестіру.

Сонымен,

Өткен жыл өте сәтті болды, осы жылдан үміт көп деп алдынғы жылы да айтқанмын.

2011!

Жас режиссердің бұл алғашқы туындысы 14 қаңтардан бастап көрсетіліп жатыр екен. Естуімше, Тимур Бекмамбетовтың шәкірті. Онымен бірге, «Дневной Дозор», «Особо опасен» фильмдерін түсіруге атсалысқан.

Жанр: Боевик
Шыққан жылы: 2011
Ұзақтығы: 93 мин.
Мемлекет: Қазақстан
Режиссер: Игорь Цай
ВРөлдерде: Нұрлан Тұрашев, Альфия Хабибуллина, Айдос Бектеміров, Олег Ли, Сергей Никоненко, Илья Мячин, Данил Волковинский, Азиз Нурмухамедов, Роберт Кун.

Сценарий: Игорь Цай
Продюсер: Рубен Арзуманов, Владимир Ким, Игорь Цай
Оператор: Баходыр Юлдашев

Жалғасы. Басы өткен жазбада.

рте-ерте-ертеде, Жер-ананың қазіргідей кемеліне келіп, ақылының толыспай тұрған шағында, алты материк енші алып бір-бірінен бөлінбей тұрған кезде жападан-жалғыз алып мұхиттың ортасында орналасқан Зарлы атты кәрі құрлық болыпты.

Кәрі деп аталған себебі, басқа жерде саналы тірліктің нышаны енді байқалып келе жатқанда, Зарлы өркениеттің шыңына жетіп, маңызын сөзбен жеткізе алмайтын мәдениет пен өнеркәсіп негіздерін қалаған деседі. Сұңғақ бойлы, қазіргі өлшеммен айтсақ бойлары екі метрден асатын, жараған аттай шымыр денелі, бет-әлпеті әдемі зарлылықтар қолымызға тиіп отырған көненің көзіндей құжаттарға сенсек адам саналмаған. Тіпті, Зарлы тұрғындары да өздерін адам деп есептемеген. Оны айтасыз, сол дәуірде олар адамдарды жабайы, аң сипатты жануар қатарына қосқан, қолдарына түскен кісілерді жұмыс күші ретінде пайдаланып, адамдар тұратын жерден аулақ өмір сүргенді қалаған.

(Андаман теңізінен Сары теңізге дейін ірілі ұсақты су көрген адамның түйгені деп білерсіз)

1. Əрине, отандық туризмді дамытуға үлес. Ыстықкөлден артық болмаса, кем емес. Неге əншейінше ұлт, ел деп сайрап демалуға келгенде шетелге тартуым керек?
2. Алакөл суының емдік қасиеті. Судың минерализациясы 1,2 — 11,6 г/л. Су құрамы хлоридті-натрийлі жəне хлоридті-сульфатты-натрийлі. Алакөл суында фтор мен бром құрамы жоғары. Баяғыда Шыңғысхан əскерлері осы су жағасында аялдап жарақаттарынан жазылып күш жинайды екен.
3. Табиғат сұлулығы. Сəт сайын түсі өзгеріп түрлі реңге айналып тұрған айдынға қарап көңіліңіз көтеріледі. Аспанда шаңқылдап жүрген шағалалар. Толқынның жағаға ұрған дауысы бүкіл проблеманы ұмыттырады.
4. Жол қысқарды. Астанадан Үшаралға əуе қатынасы ашылды. Екі сағатта Үшаралға жетсеңіз (билеті 16 мың), Алакөл жағасындағы Ақши, Көктұмаға 1 сағаттық жол. Жол əрине нашар. Бірақ көл бəрін ұмыттырады.
5. Арзан. Көл жағасында үйдің күндік құны 5 мыңнан басталады. Комфорт қаласаңыз пансионаттар бар. Олардың құны 10 мыңнан 50 мыңға дейінгі аралықта. Ең эконом номерлердің өзінде душ, дəретхана, кондиционер, кабельді TV, интернет бар. Толыққанды түскі ас шамамен 1200-1800 аралығында.

P.S. Жалпы, кез келген демалыс өзіңізге байланысты. Жақсы көңіл күймен келсеңіз, аспан ашық, су жылы, адамдар мейірбан. Кержақ адам жұмақтан да кілтипан табады.