Табандылық таныта отырып қана жетістікке жетесің, ал қайсарлығыңды көрсетсең, тымбастан әрекетіңді тоқтатпай алға жылжи беретін болсаң, онда мідетті түрде көздеген мақсатыңа жетесің.

Ешкім өмірге жолы болғысыз адам болып келмейді, керек десеңіз қан құрамында да сәтсіздіктер мен жеңілістер талшықтары кездеспейді. Демек, барлығы да өз қолмызда екендігіне көз жеткізуге болады.
Болмашы нәрсеге жылайтын, өз қиыншылығын біреуден көретін, қисынсыз сөздерін естіп, өз миын улап, айналасын жағымсыз аурасымен жұқтырып отыратындардан қауіптенуіміз керек. Менің жолым ондайлардан тым бөлек.

Өмір — өз марапатын жолдың басында емес, аяғына жеткенде ғана табыстайды. Өз мақсатыңа жету үшін қанша жол жүретініңді білмейсің, сәтсіздік сені қай аялдамада тосатыныңды да сезбейсің, өмір болғасын кей кездері сәтсіз аялдамаларға толы болып кеткендей көрінеді, шаршайсың, қиналасың, азабын көресін, бірақ күндердің күнінде келесі қиылыс міндетті түрде бір жетістік күтіп тұратындығына сенімділікпен қарауымыз керек.

Келесі қиылыстық қашан кездесетіні білмейсің, бірақ та қандай да жағдай болмасын өз қадамыңды жаса, егерде ол қадамың еш маңызсыз, нәтижесіз болса келесі қадамыңды жаса, одан түк шықпаса келесі қадамды бас, нәтижесін көрмейінше қадамыңды тоқтатпа. Мақсатыңа жету — қиыршық тастан үй салумен тең, сол мақсатқа жету үшін қиыршық тастан жәй ғана үй салу емес хан сарайын салудың жолын ізде.

Жетістікке жетмін десең жеңілістен қаймықпа, сонда ғана көздегеніңе жетесін. Әдетте мынандай сөздерді қолданбауға тырысу керек: бұл пайдалы емес, мүмкін емес, сәтсіздікке ұшыраймын, сенімсізбін, қабілетті емеспін, шегінемі бұлай тек өзіне сенімсіздер ғана айтады.

Егерде осылардың бірімен кездесіп қалатын болсаң, мен құр қол қарап отырмаймын, жұмыс жасаймын, еңбек етемін, кедергілер кездессе оған қарамай аттап өтемін, себебі менің көздегенім биікте, шөл даладан бір күні жасыл аймаққа жететіндігіме көзім жетеді, — деп өзіндік жігерлендіру процессін жүргізіп отырған абзал.
Менің естіген әрбір «ЖОҚ» деген жауап мені «ИӘ» деген сөзге жетелейді, әрбір зұлымдыққа күлімдеп тұруға даярмын. Жетістікке жету үшін табандылығымды дамытып, біліктілігімді арттыра түсемін. Өткен күнді ұмытамын, мейлі ол жаман болсын, болмаса жақсы болсын.

Ал, келесі жаңа күнімді керемет сезіммен қарсы аламын, себебі бұл күн менің өмірімде ең тамаша күндердің бірі болады деген сеніммен қараймын. Мен бір керемет жетістіңтің заңдылығын білемін, табандылықтың арқасында үлкен жетістік пен жеңіске қол жеткізуге болады.
Мен қайтпаймын соңына дейін жеткіземін!!!

Әлеуметтік желі қолданушылары арасындағы үздік жазбалар бойынша «Қазыналы Оңтүстік» облыстық байқауының
ержесі
Оңтүстік Қазақстан облысының ішкі саясат басқармасы мен Қазақстан Журналистер Одағы ОҚОФ бірлесіп әлеуметтік желі қолданушылары арасында үздік жазбалар бойынша «Қазыналы Оңтүстік» облыстық байқауының басталғаны жөнінде хабарлайды.

Байқаудың мақсаты:
Оңтүстік Қазақстан облысының әлеуметтік-экономикалық және мәдени дамуын, тарихи ерекшелігін, облыстың туристік және инвестициялық әлеуетін насихаттайтын ақпараттық материалдар жариялау арқылы Оңтүстік өңірінің имиджін қалыптастыру.
Оңтүстік бейнесін бір таңбаға сыйдыратын «ON» визуалдық брендін насихаттау, жаңа логотип арқылы оңтүстік өлкесінің танымалдылығын арттыру.

Байқаудың шарттары:
Кез-келген әлеуметтік желі қолданушылары, журналистер мен блогерлер, оның ішінде авторлық ұжымдар (бұдан әрі – байқауға қатысуға үміткерлер) қатысуға болады.
Байқауға қатысушылар ұсынылған он номинацияның біреуіне ғана қатыса алады.
Әлеуметтік желі қолданушылары арасындағы үздік жазбалар келесі номинациялар бойынша өтеді:

ON: «ШЕЖІРЕЛІ ОҢТҮСТІК» (Оңтүстіктің тарихы мен шежіресін, тарихи мұра, мәдени орындар, түрлі тарихи оқиғалар мен шайқастары өткен жерлер туралы үздік жазбалар);

ON «БІРЛІГІ ЖАРАСҚАН – ОҢТҮСТІК» (Елдегі бейбітшілік пен келісімді, тұрақтылық пен татулықты, ел бірлігін насихаттаған үздік жазбалар);

ON: «ОҢТҮСТІК МӘДЕНИЕТІ» (Оңтүстіктің мәдениет ошақтары, мәдениет саласының жетістіктері, жаңадан салынған ғимараттары, республикаға, әлемге танымал мәдениет қайраткерлері туралы үздік жазба);

ON: «ОҢТҮСТІК ТУРИЗМІ» (Облыстың демалыс аймақтары, киелі жер су мекендері, жалпыхалықтық демалыс орындары туралы үздік жазба);

ON: «БӘСЕКЕГЕ ҚАБІЛЕТТІ ӨҢІР» (Мемлекеттің индустриалды-инновациялық даму бағдарламасын іске асыруда облысымыздың қол жеткізген жақсы нәтижелері туралы үздік жазба);

ON: «ОҢТҮСТІК ӨНІМІ» («Оңтүстікте жасалған» отандық тауарлар, өндіруші өнеркәсіп салалары, ауылшаруашылығы салалары туралы үздік жазба);

ON: «ОҢТҮСТІКТІҢ ӨНЕГЕЛІ ТҰЛҒАЛАРЫ» (Оңтүстіктің ақын, жазушылары, мемлекет және қоғам қайраткерлері, олардың өмірі мен туындылары туралы үздік жазба);

ON: «ЕҢБЕКҚОР ХАЛЫҚ» (Оңтүстіктің түрлі саласындағы жұмыс жасайтын тұлғалары, ерекше мамандық иелері, облыстың мақтан тұтар азаматтары мен олардың жетістіктері туралы үздік жазба);

ON: «ҚОНАҚЖАЙЛЫ ОҢТҮСТІК» (Оңтүстік халқының қонақты сыйлау, қонаққа деген көрсетілетін құрмет пен ілтипат, ұлттық құндылықтары, салт дәстүрлері, келешек ұрпаққа дәріптейтін оңтүстік өлкесінің ерекшеліктері туралы үздік жазба);

ON: «ОҢТҮСТІКТІҢ СПОРТ САҢЛАҚТАРЫ» (Оңтүстіктің халықаралық, республикалық спорт жарыстары мен Олимпиада ойындарындағы жеңімпаздары, олардың жетістікке жету жолдары туралы үздік жазба).

Байқаудың талаптары:
1. Байқауға қатысушылар Ережеге сәйкес ұсынылған он номинацияның бір ғана номинациясы бойынша қатысуға және әлеуметтік желідегі Facebook, Вконтакте, Instagram парақшаларының бірінде жариялауға құқылы.
2. Номинация талаптары бойынша әлеуметтік желі қолданушылары тақырыпқа сәйкес жазбаларды әлеуметтік желідегі парақшасы мен арнайы «Оңтүстікте не хабар?» тобына жариялануы тиіс.
3. Әрбір бес күнде 1 жазба жарияланып, жазбалардың жалпы саны байқау мәресіне дейін 25-тен кем болмауы тиіс.
4. Әрбір жарияланған материалдардың бірінші фотосы «ON» фотосуреті және тақырыпқа сәйкес фото жүктелуі қажет. Фотоның астыңғы оң жағында ОN_Brand хэштегтің болуы шарт.
5. Байқауға 2016 жылдың 9 тамыз — 5 желтоқсан аралығында әлеуметтік желілерде жарияланған жұмыстар ұсынылады.
6. Конкурсқа ұсынылған жұмыстар әлеуметтік желілерде немесе блог-тұғырламаларда көп дауыс жинағаны, ең көп ұнатылғаны (лайк), ең көп бөлісілгені (репост) арқылы бағаланады. Қаншалықты оқырманның көңілін аудара білгендігіне мән беріледі.
Байқау жұмыстары мемлекеттік немесе орыс тілдерінде қабылданады.
7. Жарияланған материалдардың скрин шоттарын арнайы файл папкасына жинақтап (лайк, бөлісуі көрінуі тиіс) байқаудың ұйымдастырушыларына 2016 жылдың 5-9 желтоқсан аралығында тапсырылуы тиіс.
Байқауды қорытындылау кезінде келесі параметрлер бойынша ескерілетін болады:
— тақырыптың маңыздылығы мен толығымен ашылуы;
— идея түпнұсқалығы;
— ойдың дербестігі;
— оқырманға эмоционалды әсері.
Байқауға өтінім беру және қатысу:
Байқауға қатысу үшін өтінімдер мен материалдар байқауды ұйымдастырушының 247548x@gmail.com электрондық поштасына немесе мекенжайына: Шымкент қ. «Нұрсәт» шағынауданы, әкімшілік іскерлік орталығы ОҚО ішкі саясат басқармасына жіберу қажет.
Анықтама телефоны: 8 (7252) 24-75-48.

Өтінімдер белгіленген формада беріледі.
Байқауға қатысушылар өтініммен қоса келесі байқау материалдарын ұсынады:
— Автордың аты-жөні, туылған күні мен жылы, мекен жайы, қызметі, еркін түрде жазылған қысқаша аннотация;
— байқауға қатысушы үміткер әлеуметтік желідегі блог-тұғырнамалары, тұрақты айдарлары және парақшасы туралы еркін түрде жазылған қысқаша ақпарат.
Осы бөлімде көрсетілген талаптарға сәйкес келмейтін өтінімдер байқауға жіберілмейді және қаралмайды.
Авторлық құқықтары:
Байқауға жолданған жобалардың авторлық құқығының сақталуына жауапкершілік, сол материалды ұсынған қатысушыға жүктеледі.
Қорытындылау және марапаттау:
Барлық материалдар Байқаудың ұйымдастырушыларына 2016 жылдың 5-9 желтоқсан аралығында тапсырылуы тиіс. Көрсетілген мерзімнен кейін келіп түскен материалдар байқауға қатыстырылмайды.
Жеңімпаздар Тәуелсіздік күні қарсаңында жоғарыдағы 10 номинациялар бойынша марапатталып, қаржылай сертификат табыс етіледі. Жалпы жүлде қоры 2 500 000 теңгені құрайды.
Конкурстық комиссия құрамы:
Конкурстық комиссия құрамы ОҚО ішкі саясат басқармасы тарапынан бекітілді.
Ұйымдастыру комитетінің мекен-жайы:
Шымкент қ. «Нұрсәт» шағын ауданы, әкімшілік іскерлік орталығы ОҚО ішкі саясат басқармасы, тел./ф. 8 (7252) 24-75-48.

Спорт күні аясында Астанадағы «Алау» мұз айдынында «Алаупиада» шарасы өтті. Бұқараға арналған спорттық шара Рио-де-Жанейрода өтіп жатқан Олимпиаданың құрметіне де арналып отыр.

«Шараның мақсаты салауатты өмір салтын және бұқаралық спортты кеңінен насихаттау болып табылады. Бүгін спорт сарайына келушілер роликті коньки мен коньки теуіп, бадминтон ойнады. Жазғы демалыс уақыттарында «Алау» спорт орталығы әрқашан келушілер үшін есігін айқара ашып, аптасына алты күн бойы халыққа қызмет етіп келеді», — дейді «Алау» Мұз айдыны спрорт сарайының менеджері Ольга Григорьева.

Оның айтуынша, «Алаупиада» аясында эстафеталар келушілер үшін конкурстар ұйымдастырылып, сонымен қатар, отбасыларға арналған көпсайыс чемпионаты өтетін болады. «Алаупиаданың» жарқын сәттерінің барлығы арнайы шақырылған фотографтардың кадрынан тыс қалмайды.

ҚазАқпарат

Астанада жыл соңына дейін 30 жеке меншікті мектепке дейінгі мекеме ашылады. Бұл туралы «Білімді ел – мәңгі ел» тақырыбында өтіп жатқан білім қызметкерлерінің тамыз кеңесі барысында Астана әкімі Әсет Исекешев мәлім етті.

Болжамдарға сәйкес, 2019 жылға қарай Астанада 3-тен 6 жасқа дейінгі балалар саны шамамен 65 мыңға жетеді. Кішкентай елордалықтарды мектепке дейінгі біліммен 100% қамту үшін қосымша 26 мыңға жуық орын ашу керек. Осы мақсатта мемлекеттік және жеке меншікті 200 астам нысан ашу жоспарланған.

«2016 жылдың 1 шілдесінен бастап жеке меншікті мектепке дейінгі ұйымдарда мемлекеттік білім беру тапсырысының құны бір бала үшін 15 900 теңгеден 23 000 теңгеге дейін ұлғайтылды. Бұл ретте ата-аналар 23 000 теңгенің орнына 20 800 теңге төлейтін болды. Осылайша, ата-аналарға түсетін жүктеме азайтылды, мемлекеттік және жеке меншікті балабақшаны таңдау кезінде балама пайда болды және қызметтер құны теңесті, — деді Ә. Исекешев.

Жеке меншікті балабақшалар санын мемлекеттік-жеке меншік серіктестік және қалада балабақшалар ашуға ниетті кәсіпкерлерге жағдай жасау арқылы арттыруға болады.

astana.gov.kz/kk/modules/material/11190

Жаңа оқу жылы қарсаңында мектепке керек жабдықтарды арнайы ұйымдастырылған жәрмеңкеден төмендетілген бағамен сатып алуға болады. Жәрмеңке қала әкімдігінің алдындағы алаңда өтіп жатыр және екі күнге жалғасады.

Мектеп жәрмеңкесінде Астана, Алматы, Қарағанды және Шымкент қалаларының өндірушілері өз тауарларын ұсынуда.

Сағат 10-нан бастап астаналықтар балаларына мектеп формасын, спорттық костюмдер мен аяқ киімдер таңдап, кеңсе заттары мен кітаптарды 10­50% жеңілдікпен сатып алуда.

Астана қаласының білім басқармасы кәмелет жасқа толмағандардың құқықтарын қорғау бөлімінің басшысы Ләззат Орынбасарованың айтуынша, бірінші кезекте жәрмеңке тұрмысы төмен және көп балалы отбасыларға көмектесуге бағытталған, оның басты мақсаты елордалық балаларды мектепке қажетті заттармен қамтамасыз ету.

Сонымен қатар, шара барысында халыққа кеңес беретін қоғамдық қабылдау бөлімі жұмыс істейді. Көпшілік назарына Оқушылар сарайыларының, музыка және өнер мектептері ұжымдарының қатысуымен концерттік бағдарлама ұсынылады.

Айта кетейік, шара жыл сайынғы «Мектепке жол» республикалық акциясы аясында өткізіліп жатыр.

astana.gov.kz/kk/modules/material/11191

Елорда әкімі Әсет Исекешев Конгресс-Холлда өтіп жатқан Астана қаласы білім қызметкерлерінің «Білімді ел – мәңгі ел» тақырыбындағы тамыз кеңесінің пленарлық отырысын ашты.

Қала басшысы қазіргі кезде қабылданған 2019 жылға дейінгі «Елордалық білім» даму бағдарламасы смарт-қаланың мақсаттарына сай түзетіліп жатқанын мәлім етті. Ә. Исекешев ұстаздарды елордалық білім жүйесін дамытуды талқылауға белсенді қатысуға шақырды.

Оның сөзіне қарағанда, әкімдік қаланы дамыту тұжырымдамасын әзірлеу үстінде, құжаттың басты мақсаты – елорданы өмір сүру үшін жайлы қалаға айналдыру. Демек, жер-жерлерде жаңа технологиялар енгізіледі және ақылды қала қалыптасады. Осыған орай, жоғары білікті кадрларға баса назар аударылады.

«Қазіргі кезде адам капиталын дамыту – ең басты мәселе; мемлекет басшысы айтқандай, бұл бәсекеге қабілетті ұлт құрудың негізі. Бізге идеяларды түрлендіріп, стартаптарды жүзеге асыратын кәсіпқойлар керек. Ал мұның негізі сапалы білімде жатыр. Бұл балабақшаларға да, мектептерге де, кәсіптік білім беру ұйымдарына да қатысты», — деді Ә. Исекешев. Қала басшысы балабақшалар, мектептер мен колледждер ақылды қаланың бір бөлігіне айналуға тиіс екендігін жеткізді.

Биыл елорда әкімдігі қалалық мектептерде ғылыми және шығармашылық әлеуетті дамытуға ниетті. Балалардың демалысын дұрыс ұйымдастыруға, шығармашылық үйірмелерді, спорттық секцияларды және қызығушылықтары бойынша факультатив сабақтарды кеңейтуге баса назар аударылады. Биылдан бастап ғылым мен білім саласындағы үздік креативті жобалар ұсынған бірнеше мектеп оны жүзеге асыруға қажетті жабдықтармен және әдістемелермен қамтамасыз етіледі.

Ә. Исекешевтің айтуынша, барлық мектеп балаларға «қадамдық қол жетімділікті» және қызығушылығы бойынша сабақтарды «таңдау еркіндігін» қамтамасыз етуге міндетті. Бірінші кезекте, қаланың орталығынан алыс орналасқан мектептерде техникалық бағыттағы үйірмелер (немесе кабинеттер) ашу керек.

Бүгінгі таңда қаланың орталығынан алыс орналасқан 14 мектеп бар. Елорда әкімдігінің тапсырмасымен, осы мектептердің аумағында жабық спорт алаңдары жасалады. Бұқаралық спорт түрлерін дамыту мақсатында қалалық мектептерде оқу жылында балалар мен жасөспірімдер арасында әртүрлі спорт түрлері бойынша Астана қаласының Әкімі кубогына қалалық спартакиадалар өткізу жоспарланған.

Сонымен қатар, қала басшысы әкім грантымен марапаттау үшін «Блім берудің үздік инновациялық ұйымы» қосымша номинациясын бекітуді ұсынды.

Мұнымен қоса, әкім оқушылар арасында «Ғылымдағы дебют» ғылыми жобалар конкурсы өткізіліп, жеңімпаздарға әкім гранты табысталатын мәлім етті. Қатысушылар өз жобаларында сәулет пен құрылыс, бағдарламалау, робототехника салаларындағы жаңалықтарды көрсетуге тиіс, сондай-ақ, конкурсқа биологиялық, географиялық және техникалық салалардағы жобалар қатыса алады.

astana.gov.kz/kk/modules/material/11186

Конгресс-холлда «Білімді ел – мәңгі ел» тақырыбында Астана қаласы білім қызметкерлерінің дәстүрлі тамыз кеңесінің пленарлық отырысы өтіп жатыр. Отырысқа Астана әкімі Әсет Исекешев, ҚР Білім және ғылым министрі Ерлан Сағадиев, Қазақстан Республикасының Парламенті мен қалалық мәслихат депутаттары, ҚР БҒМ қызметкерлері, шығармашылық және ғылыми зиялы қауым өкілдері қатысуда.

Тамыз конференциясына басқармалардың басшылары, педагогика еңбегінің ардагерлері, жалпы білім беру мекемелекерінің бірінші басшылары мен педагогтары, үкіметтік емес ұйымдардың өкілдері шақырылды.

Кеңес барысында өткен оқу жылының қорытындысы шығарылып, Астананың білім мекемелерінің 2016-2017 оқу жылына дайындығы және орта буында білім сапасын арттыру мәселелері талқыланды.

Кеңеске қатысушылар мен қонақтар үшін тақырыптық көрме ұйымдастырылды. Шара Астана қаласының білім беру ұйымдарының инновациялық технологиялар мен бағдарламаларды енгізу бойынша жұмыс тәжірибесін жинақтап қорытуға мүмкіндік берді. Көрме материалдары білім технологияларына, мектепке дейінгі білімге, жоғары сынып оқушыларын кәсіптік бағдарлауға, елордалық дарынды балалардың халықаралық, республикалық олимпиадалар мен ғылыми конкурстардағы жетістіктеріне арналған 11 тақырыптық кластермен ұсынылды, сондай-ақ білім беру мекемелерінің үздік ғылыми жобалары таныстырылды.

Шара барысында ерекше көзге түскен елордалық педагогтарға «ҚР білім беру ісінің құрметті қызметкері» және Ыбырай Алтынсарин атындағы төсбелгілерін, грамоталар мен алғыс хаттар табыстау салтанаты өтті.

Тамыз кеңесі аясында тамыздың 22-сі мен 25 аралығында қалалық мектептерде Астана қ. педагогикалық кадрларының секциялық жұмысы ұйымдастырылды. Жалпы, «Білімді ел – мәңгі ел» тақырыбы аясында 39 секция өткізіледі. Елордалық педагогтар білімнің мазмұнын жаңарту бағдарламаларына, соның ішінде инновациялық процесстері дамытуға ерекше көңіл бөледі.

astana.gov.kz/kk/modules/material/11185

Қаланың білім беру жүйесін әлеуметтік қолдау бұрынғы деңгейінде қалады. Бұл туралы білім қызметкерлерінің Тамыз кеңесі барысында Астана әкімі Әсет Исекешев мәлім етті.

Оның айтуынша, алдағы оқу жылында елордада 65 мыңнан астам бала тегін тамақтандырумен қамтылады.

Астана қаласындағы білім беру ұйымдарының барлығында асханалар мен буфеттерде сатылатын өнімнің сапасы тұрақты бақылауға алынады.

astana.gov.kz/kk/modules/material/11188

Бүгін елорда әкімдігінде «Су бұрудың өзекті мәселелері: Ағынды суларды тазарту. Нөсер және дренажды кәріз» тақырыбында халықаралық ғылыми-практикалық конференция өтіп жатыр. Конференция жұмысына отандық және шетелдік сарапшылар, ғылыми зерттеушілер. ҒЗИ, мемлекеттік мекемелер мен ұйымдардың өкілдері қатысуда.

Астана қаласының әкімі Әсет Исекешев конференцияға қатысушыларға табысты жұмыс тіледі. Қала басшысы көтерілген мәселелердің кез келген шаһар үшін маңызды болып табылатынын атап өтті.

– Бүгінгі конференцияның мақсаты су тазарту саласындағы үздік инновациялық технологияларды енгізу мен озық тәжірибені және қаламыздың инженерлік инфрақұрылымын модернизациялау аясында оларды қолдану мүмкіндігін талқылауға негізделеді. Елордамыз қарқынды дамып келеді, оны одан әрі дамыту мәселелері алдымызға жаңа міндеттер қояды, олардың бірі ағынды суларды бұру мен тазарту мәселелерін кешенді түрде шешу қажеттілігі болып табылады. Бұл жобаны үздік әлемдік практикаларды ескере келе, кешенді жүзеге асыруға тырысамыз, сондықтан бұл конференция әлемдегі техникалық шешімдерді зерделеп, олардың ең үздіктерін қолдануға көмектеседі деп ойлаймыз, – деді Әсет Исекешев.

БҰҰ ДБ Қазақстандағы тұрақты өкілі Наримас Шимомур конференция барысында баяндама жасап, Қазақстанның астанасының қарқынды дамуы қызметтер сапасына ерекше назар аударуды қажет ететінін және бүгінде су бұру мәселесін көтеру маңызды екендігін айтып өтті.

– Астанада су бұру проблемаларын шешу және санитарлық жағдайларды жақсарту үшін нақты қадамдар жасалып жатқанына қуаныштымын. Бұл қаланың тұрақты дамуына және экожүйенің жақсаруына әкелетін алғышарттар. Әрине, бұл фактор тұрақты экономикалық қызметке негіз болады, – деді ол.

Пленарлық отырыс барысында ағынды суларды тазартудың теріс салдарын жою туралы Дүниежүзілік банктің ағынды сулар мен су қоймаларын тазарту мәселелері жөніндегі кеңесшісі Минахем Либхабер баяндады.

– Ағынды суларды тазарту кезінде үздік сапаға қол жеткізу керек. Негізгі ластаушы заттар суда болады, ал оларды жойған кезде – бұл түрлі аурулар тудырады. Тазарту ағынды сулардың қайда, қандай жинақтағышқа жіберілетініне байланысты, өйткені ластау орын алатын қабылдағыш әртүрлі болуы мүмкін, – дейді Минахем Либхабер.

Оның айтуынша, тазарту технологиялары әртүрлі, сондай-ақ, ағынды сулардың типтері де маңызды. Бұл ретте климаттық жағдайлар да маңызды рөл атқарады, тазарту құралдары төмен және жоғары температуралар үшін арнайы жобалануы керек.

Конференция ккешке дейін өтеді. Пленарлық отырыстан кейін панельді сессиялар басталды.

astana.gov.kz/kk/modules/material/11182

Астана қаласының әкімі Әсет Исекешев пен қаланың басты салушылары қалалық әкімдікте өткен кездесуде құрылыс қызметін дамытудың негізгі мәселелерін талқылады.

Кездесу барысында Ә. Исекешев құрылыс секторының елорданың индустриалды кешенінде жетекші орында екендігін және экономиканың барлық салаларын дамытуға елеулі үлес қосатынын атап өтті.

Құрылыс саласына салынған инвестициялардың негізгі қаржы көздері шаруашылық субъектілерінің өз қаражаты болып табылады, оның көлемі 227,6 млрд теңгені (59,3%) құрады, сондай-ақ 97,3 млрд теңге (25,3%) -мемлекет қаржысы, салымдардың бір бөлігі — құрылыстар мен ғимараттарды салу және күрделі жөндеу бойынша жұмыстар, олардың үлесі 76,7%, немесе 294,6 млрд теңгені құрады.

Тұрғын үй құрылысындағы инвестицияның шамамен 18% Астанаға тиесілі. Үстіміздегі жылдың жеті айында 74,1 млрд теңге инвестиция тартылды.

Кездесу барысында салушылар құрылыс барысында туындайтын проблемалық мәселелер бойынша өз ұсыныстарын жеткізді. Кездесуге «BI Group» компаниясы Директорлар кеңесінің төрағасы Айдын Рахымбаев «Хайвилл Қазақстан» ЖШС бас директоры Канг Джон Дэ, «ОРДА INVEST» Корпорациясының» басқарма төрағасы Шалқарбек Тәліпов және басқалары қатысты.

Салушылар жер аумақтарын игеру саласындағы проблемалар, нақтырақ айтқанда, жерлердің шекарасында орналасқан жылжымайтын мүлікті сатып алуға байланысты қиындықтар туралы айтып берді. Сондай-ақ, кездесуге қатысушылар паркингтер салу кезінде тұрақ орындарына, құрылыс мерзімдерінің ұзақтығына және құрылыс жүргізуге рұқсат құжаттарын алу барысында қойылатын талаптардың тым жоғары екендігін жеткізді және т.б. Құрылыс компанияларының өкілдері елорданың қала құрылысы кеңесіне инвестициялаумен айналысатын бизнес өкілдерін қосуды ұсынды.

Кездесу қорытындысы бойынша елорда әкімі мемлекеттік органдарға құрылыс компанияларында туындайтын проблемаларды зерделеп, оларды шешу үшін тиісті тапсырмалар берді, сондай-ақ, бизнес пен мемлекеттік органдардың өкілдерінен құрылыстағы проблемалық мәселелерді шешу жөніндегі Комитет құрылатын болды.

Сонымен қатар, Ә. Исекешев жұмыстарды жүргізу кезінде қауіпсіздікті қамтамасыз ету мәселелері бойынша құрылыс ұйымдарына қойылатын кейбір талаптарға тоқталды. Осы талаптар аясында салынып жатқан нысандардың сапасына, рұқсат құжаттарынсыз құрылыс жүргізуге, құрылыс алаңдарын тиісінше ұстамауға, құрылыс ұйымдарының жұмыскерлерінің тұруы, тұрмысы мен тамақтану жағдайларына, сондай-ақ еңбек мигранттарының көші-қон процесін және тұрғын үйлерді заңсыз сату мәселелерін бақылауға баса назар аударылды.

Әсет Исекешев кездесуге қатысушыларға заң талаптарын сақтау мен бұзушылықтарға жол бермеу бойынша кеңес берді.

astana.gov.kz/kk/modules/material/11178