«Шабыт» фестивалі 20-шы рет өткізіледі

Астана жаңалықтары: «Шабыт» фестивалі 20-шы рет өткізіледі

«Шабыт» халықаралық шығармашыл жастар фестиваліне қатысуға 515 өтінім берілді. Астана атынан байқауға 100 адам қатысады, деп хабарлайды елорда әкімдігінің медиа орталығы.

«Астанада қарашаның 3-і мен 7-сі аралығында XX «Шабыт» халықаралық шығармашылық жастар фестивалі өтеді. Фестиваль «Классикалық музыка», «Бейнелеу өнері», «Халық музыкасы», «Цирк өнері», «Үздік әдеби шығарма», «Актерлік шеберлік» аталымдары бойынша өткізіледі», — деді елордалық мәдениет, мұрағат және құжаттама басқармасы басшысының орынбасары Нарима Мұхамбеталина.

Оның айтуынша, фестивальге қатысуға 515 адам өтінім берген. Жастар байқауында бас қаладан 100 үміткер қатысады. Қазақстандық қатысушылармен қатар Өзбекстан, Ресей, Башқұртстан, Латвия, Армения сияқты мемлекеттерден келген үміткерлер де бақ сынайтын болады.

«Қазылар алқасының құрамына Қазақстан, Украина, Якутия, Армения, Сербия, Литва, Германия, Австрия, Мексика, Ресей, Македония, АҚШ, Иордания, Италияның танымал мәдениет және өнер қайраткерлері енді», — деді Мұхамбеталина.

Айта кетейік, «Шабыт» халықаралық шығармашыл жастар фестивалі биыл жиырмасыншы рет өткізіледі. Осыған дейін фестивальге өнердің түрлі жанрлары бойынша 10 мыңнан астам адам қатысқан. Әр жылдары қазақстандық сықақшы Тұрсынбек Қабатов, ақын Қалқаман Сарин, балет артисі Әйгерім Бекетаева, опера әншісі Айгүл Ниязова, «Меломен» тобы, Аша Матай, әнші әрі композитор Қайрат Баекенов және басқа да кеңінен танымал шығармашылық тұлғалар фестиваль Гран-приін иеленген болатын.
Әрі қарай

Менің елім - бейбіт өмір бесігі

Блог - quatadis: Менің елім - бейбіт өмір бесігі

Тәуелсіз ел атандым,
Жұрт сүйсініп қарайды.
Шаттық сыйлап батар күн,
Таңы нұр боп тарайды.

Айтам оны ән қылып,
Даңқы алысқа кетеді.
Менің елім мәңгілік,
Тыныштықтың мекені.

Мақтан етем жерімді,
Таусылмаған несібі.
Тербетеді елімді,
Бейбіт өмір бесігі.

Бал жүзінен ананың,
Бақыт нұры тамады.
Елдегі бар баланың,
Жадырайды қабағы.

Азаттықты қолдағы,
Тыныштық деп танимын.
Шошытпайды бомба үні,
Бесіктегі сәбиді.

Тыныштықта мүлгиді,
Даламның әр тау, тасы,
Бәрі осының әрине,
Тәуелсіздік арқасы.

Жарық қылып түн бетін,
Келді азаттық таңға еріп.
Енді менің міндетім –
Қорғау соны жан беріп.
Әрі қарай

Жауаптымын бәріне

Блог - quatadis: Жауаптымын бәріне

Егемен елімнің,
Кең байтақ жерімнің.
Орман, тау, көлімнің,
Жазира төрімнің.
Құм, дала, шөлімнің,
Иесі – өзіммін.

Көлдерім құрғаса,
Орманым сиресе.
Тауларым күңіреніп,
Жазирам қураса.
Мекені тарылып,
Аң-құсым шуласа.
Осының бәріне,
Жауапты – Өзіммін!
Әрі қарай

Содырбек пен Қоңырбек

Блог - quatadis: Содырбек пен Қоңырбек
Шолжаң, сотқар Содырбек:
«Менің жүрер жолым», — деп.
Алдындағы балаға,
Ербеңдетті қолын кеп.

Сөзінде бар көп ілмек,
Естуші еді содыр деп.
Соқтыққысы келмеді,
Қойдан жуас Қоңырбек.

Әкесі айтқан әу баста:
«Сотанақпен жауласпа».
Басқа жолға түсті тез,
Дау тілемей сау басқа.

Бар айбаты – қолында,
Сотқар тұрса жолында.
Соқтықпаған Қоңырбек,
Ақылды ма, момын ба?
Әрі қарай

Шынықсаң шымыр боласың

Блог - quatadis: Шынықсаң шымыр боласың

Ұйқыдан күліп тұр,
Денеңді шынықтыр.
Ерінбе, жаттығып,
Ертеңге үміт қыл!

Иіліп оңыңа,
Иіліп солыңа.
Гір тасын ойнатып,
Күш жина қолыңа!

Асықпа аптығып,
Қозғал тек, мойыма!
Ерінбей жаттығып,
Күш жина бойыңа!

Сүресің ғұмыр көп,
Тершісе маңдайың.
Шынықсаң шымыр боп,
Жүресің әрдайым.

Ұйқыңнан күліп тұр,
Денеңді шынықтыр!
Ата, әжең мақтансын:
«Болды деп жігіт бұл!».
Әрі қарай

Қуыршағым бар менің

Блог - quatadis: Қуыршағым бар менің

Жасырынып менен бұл,
Асырды ма айласын?
Тілдесейік, кел, енді,
Қуыршағым қайдасың?

Шомылдырып алайын,
Шашыңды да тарайын.
Тамағыңды берейін,
Сабағыңды қарайын.

Болма тентек, жылауық,
Ойнатайын бір ауық.
Төсегіңді қамдайын,
Кетпей тұрып түн ауып.

Кешірейін қатеңді,
Тыңдашы тек тәтеңді.
Ертегі айтып берейін,
Кел, жаныма жат енді!
Әрі қарай

Гүлдің аты - қыз аты

Блог - quatadis: Гүлдің аты - қыз аты

Қызыл, сары, аппақ гүл,
Тамаша бір тақпақ бұл.
Тыныштығын әлемнің,
Осы гүлдер сақтап тұр.

Далада да өсірдік,
Үйге де оны көшірдік.
Жауып жатыр гүл болып,
Өлкеміздің төсін құт.

Сән беретін далама,
Сән беретін қалама.
Әсем гүлді сыйлаймын,
Мерекеде Анама.

Гүлдің тілін ұғатын,
Жырға қосты мың ақын.
Халқымызда қыздар көп,
Иеленген гүл атын.

Есім берсе қызға арнап,
Тұтар едік біз де ардақ.
Әпкем аты – Райхан,
Қарындасым – Қызғалдақ.

Інжу, Лала… көп тағы,
Раушан – сынып мақтаны.
Нағашы әпкем – Жауқазын,
Бәрі гүлдің аттары.

Еркешора «інім» боп,
Еркелейді Шырын көп.
Жақсы көрер оны да,
Кейде әкеміз: «Гүлім» деп.

Кең даланың құшағы,
Гүлге толса, мысалы:
Бұл – тыныштық белгісі,
Бейбіт өмір нышаны.
Әрі қарай

Шөл

Блог - quatadis: Шөл

Гүл шықпайды белге де,
Бұл жерде жоқ көл неге?
Қанша қатал болғанмен,
Тіршілік бар шөлде де.

Күн де қанша төксе нұр,
Шықпайды ешбір ексе гүл.
Шөл далаға өседі,
Тек төзімді сексеуіл.

Топырағында торқалы,
Құлан ғана жортады.
От қарымас тұяғын,
Құм даланың тарпаңы.

Жазық па жоқ шеті, ені,
Не құмдардың етегі…
Бұл шөл дала бағзыдан –
Ақбөкендер мекені.

Бұл жерде жоқ ну алап,
Бірер тамшы су – азап.
Күнге қақтап қанатын,
Осында жүр Дуадақ.

Шөлден тауып тұрағын,
Мекені боп құба құм.
Кесіртке де көтерген,
Табиғаттың сынағын.

Сағым арбап көзіңді,
Ұмытасың өзіңді.
Шөлдегі осы тіршілік,
Шыңдай түсер төзімді.
Әрі қарай