Тағы да жалғыздық. Қараңғы бөлмедегі сырты жылтыр темірмен қапталған пештің маздап жанған оты өз қабырғасына жылтылдаған белгісіз қызыл бейнені ойнатады. Тап бір сенің менен ұялғаннан бетің қызарып, жаутаңдаған бейнең тəріздес. Құлақты кернеген əсем əуенмен қараңғылықта жалғыз қалғанда біраз нəрсені ойға түсіреді екен. Иə, əлі арамызда біраз нəрсе бола қойған жоқ. Есесіне, мен сені біраз бақытты етіп, біраз жерді қыдыртып, біраз кездесіп тастағанмын(өз қиялым бойынша). Сенің жаныңнан жылу таппағандықтан пеші бар қараңғы бөлменің бір қуысына тығылғаным осы(əрине розетканың жанына). Түсінбегенім — сен неге басқалар сияқты емес екенсің? Неге басқалар сияқты əзіліме артынша жауап қатпайсың? Неге əңгімеге тартсам алшақтайсың? Бəлкім өзіңе ғашық етіп, жіпсіз байлап тұрған да осы «ерекшелігің» шығар? Өзіңе қол жеткізу мендік арманға айналды. Маған қолыңды берсең мен сені өзіммен бірге қараңғылықтың ішіне тартып аламын. Сон-соң екеуміз мына ығы-жығы, мазасыз, бірін-бірі таптап жатқан шаруасы көп өмірден бейхабар күй кешеміз. Тек қолыңды соз. Күтемін…

Сені ойлап өзімді алдап жүрген секілдімін. Неге екенін білмеймін, əйтеуір соңғы кездері мүлде менен алыстадың: көтерілмеген қоңыраулар, жауапсыз смс-тер, тіпті жүздесіп амандасқан сəттегі əдемі, жұмбақ күлкің бүгінде сағымға айналды. Сол күлкіңді көрудің өзі мен үшін бір ғанибет еді. Анда-санда «мағынасыз» айтқан жеңіл-желпі əзіліме жылы шырай таныта қалсаң, үмітімнің оты қайта тұтанғандай болады. Күнде сені көріп жүремін. Көріп жүріп үзілген үміттен қиыны жоқ екен. Əзірге, жүрегім уақытша Миягидің əндерін тыңдап жұбанатындай… Орысша түсінбесекте ол əн мені түсінетін секілді(саған қарағанда). Білемін сүйгенің емеспін. Бірақ… Бірақ сонда да түсінуге болады ғой, "қалайсың" деген смс-ке «жақсы» деп жаза салуға болады ғой. Қоңырауымды алып «сөйлесе алмаймын» десең қайтер еді. Единица сенен емес менен кетіп жатыр емеспе. Ең болмаса мені өзіңді мəңгі ұмыттырып жіберетін, жек көргізетін сөздер айтып жекіп тасташы. Жаным өзіңнен біржола алыстап тынышталып қалсын. Я болмаса, «күт» деген сөз айт. Өтінем айт. Бір нəрсе айтпасаң мен жанып кетермін. То есть жарылып.
Кеше хат келген. Ашсам 112ден. Қайтадан бұрынғы мұңлы күйіме түстім. Ия, сендерге түр бермеймін...

Оқушы — Мұғалім — Ата-ана үшбұрышына арналған түрлі кешендік бағдарламалар бар. Елімізде үлкен қолданыстағы жүйелердің бірі — Bilimal. Заманауи білім және әлеует басқару құралы. "Өрлеу" инновациялық технологиялар орталығының бұл өнімі — 100% отандық өнім. Қарағанды облысында кеңінен пайдаланылатын бұл жүйе UNICEF-тің Out-Of-School Children Monitoring Framework есебінеде жоғары бағаланған.

Bilimal кешенін 3 түрлі ракурстан қарап көретін болсақ:

Ата-аналарға

• Балалардың барлық бағаларын өз смартфонынан қарай алады.
• Тоқсандық немесе жылдық қорытынды бағаларға кері әсерін тигізуі мүмкін күрделі тақырыптарды анықтап, білімінің деңгейін бақылай алады.
• Ұсыныстар мен электронды оқытудың онлайн курстарына негізделе отырып, балалардың сабаққа дайындалу барысына өздері қатыса алады.

Оқушыларға

• Оқуға түсуге арналған емтихандарға дайындық.
• Қиындық туғызатын тақырыптар мен пәнді игерудегі олқылықтарды анықтауға көмектеседі.
• Болашақ мамандықты таңдауға көмек.

Мұғалімдерге

• Қашықтықтан оқытуды жүргізіп, оқушыларға үй тапсырмаларының тақырыптарын беріп, баға қоя алады.
• Жүйе Жалпылай Оқытумен бірге қажет есеп түрлерін өзі құрады.
• Порталда мұғалімдер кәсіптік қауымдастықтарға қатысып, әріптестерімен ой бөлісе алады.

Жүйеге қосылу үшін немесе толық ақпарат үшін:
bilimal.kz
www.facebook.com/bilimalkz
vk.com/bilimal

Отандық «Зор» спорттық драмасы 21 желтоқсанда шығады. Көркем фильмді Dostar production компаниясы түсірді. Бұл туралы Baribar.kz хабарлайды. Картинаның қоюшы-режиссері – Шапағат Орынбаев, бас продюсері – Еркебұлан Молдашев. «Зор» таспасының түсіріліміне қоюшы-оператор Асыл Мелдебеков және композитор Мансұр Гатауов үлес қосты. Жобаның екінші режиссері – Парасат Ибраев. Фильмнің саундтрегін Мақпал Исабекова мен Нұржан Керменбаев орындайды. Туындының атауы «Айта бермеші» деп аталады. «Зор» фильмінде ауылдан қалаға көшіп келген жас боксшы Айдын туралы хикая баяндалады. Ол анасының қалауымен спортпен қош айтысады да, жаңа достар табады. Яғни, ауқатты отбасының балаларымен жақын араласады. Бір қарағанда, өмірінде барлығы сәтті сияқты еді. Дегенмен, Айдынның арманы – бокспен кәсіби түрде айналысу. Бірақ, ата-аналары бұл арманға қарсы болады. Бір күні Айдынға қабілетін іспен көрсететін уақыт келеді. ©Brod.kz Фильмнің бас продюсері Шапағат Орынбаевтың айтуынша, кейіпкерлер “Топ-томпақ” бейнебаянынан алынған. «Фильм түсіру идеясы BN тобының «Топ-томпақ» бейнебаянын көргеннен кейін туындады. Маған өте ұнады, кейін продюсер Еркебұлан Молдашев кино түсіруді ұсынды. Алғашында комедия түсіреміз деп ойлаған болатынбыз, бірақ кейін экшн элементтері бар драмаға тоқталдық. Фильмдегі кейіпкерлер бейнебаяннан алынған. Жобамызды «Зор» деп атадық, себебі бұл сөз «жақсы, мықты, үздік» дегенді білдіреді», – деді Шапағат Орынбаев. Айта кетейік, картинаға Айдын Жұмахан, Адина Бажан, Еркебұлан Тоқтар, Альбина Болатқызы, Әлішер Әскербеков сынды жас актерлармен қатар, BN тобының мүшелері қатысты.

«Ой-Зерек» радиобағдарламасының 2017 жылғы 2 желтоқсанында мерекеге орай үзіліс болып, 9 желтоқсанындағы эфирінде жартылай финалдық кезеңнің кезекті ойыны өтті. Қонаққа келген «Арулар» командасы ойынды 5:6 есебімен аяқтады.

<-— Иә, иә, әдеттегідей тігінен.
«Азия» кітабында бұл тайпаның атауы олардың тотемдік суреті — айқастырылған қос қанжардан шыққан делінеді. Тайпаны атаңыз.

Гомес де ла Серна ОНЫ ғасырлардың таңғы асында сынып қалған шыны-аяққа теңейді. «Playmobil» фирмасының осы аттас балаларға арналған конструкторында бірнеше қарулы адам мен арыстан-жолбарыстың кішкентай ғана ойыншықтары да қосымша беріледі. Оны атаңыз.

Сальвадор аралдарындағы ең биік жанартаулардың бірі — үнемі атқылап тұратын Исалько жанартауы. Жанартау бір ғимаратты немесе құрылғыны сәтті түрде ауыстырып, қызметін атқарады, тіпті сальвадорлықтар оны соған орай атайды. Қалай атайды?

Дақпырт бойынша, бұл шығармашылық адамы жұмыс алдында басын мұзды суы бар шылапшынға салатын болған. Өйткені, бұл мидың қан айналымын жақсартып, бейнелі ойлауға ынталандырады екен. Ол кім?

Бұл сұрақта біз 138 сөз тастап кеттік. Трейси Нельсонға қандай рекорд тиесілі?

Бұл жанр 18 ғасырда кең танымал болды. Бұл жанрда жазылған заманауи кітаптардың бірі «Қос жалғыздық» деп аталады. Жанрды атаңыз.

Қазақ жұмбақтарын шешіңіз.
Тұрады кісі келсе сары болып,
От пен су тұрады жары болып,
Ішінде қазынасы сол сары алтын,
Жақсылар бөліп алады бәрі болып.
Түйенің төрт табанындай табаны бар,
Мойынына сәлде салады кәрі болып,
Өзінде ашып кірер есігі бар,
Дәм татып шығатұғын тесігі бар.
***
Бір таудан бір тау көрдім биік тұрған,
Ішіне от пен суын жиып тұрған.
Не қылған мейірімді зат біле алмадым,
Тиіп кетсең желіні иіп тұрған.
***
Төрт аяғы астында,
Ақ сәлдесі басында,
Нелер жақсы келгендер
Ұялмай ішер қасында.

Кеңес делегациясының өкілі БҰҰ трибунасынан сөйлеп тұрып, Оңтүстік Африкадағы комиссияның жұмысы туралы айтып жатады. Сынай отырып, ол бір шығармадан цитата қолданады, соған орай Еуропада орналасқан басқа бір мемлекеттің делегация басшысы орынына атып тұрып, оның отанының не қатысы бар екенін түсіндіруді талап етті. Басталып кете жаздаған халықаралық жанжалға кінәлі — цитатаны қайнаркөз туындыға сілтеме жасамай тура аудара салған аудармашы еді. Ол қандай атақты әлемдік шығарма еді?

Бір әзіл-қалжың журналында грек түбірлі сөз жайлы «Мен ақтар жағындамын, бірақ қызылдарды қорғаймын» делінеді. Ол нендей сегіз әріптік сөз?

Қасым.кз сайтында «Құранда ОЛ туралы айтылғанынан білесіз бе?» деген мақала жарияланды. ОЛ – адамның аты-жөні. Мұнда автор бір профессордың ғылыми еңбегінде: /үзінді цитаталар /«...Құдайға сенбейтін коммунист ОЛ: «Мен не көріп тұрмын? Бұл түс емес пе? Әлде менің көзім байланды ма?» деген болатын… Ары қарай аяттарға үңіліп көрейік: “… есіктерін ашуға мүмкіндік бергенде, олар оған көтеріледі. Сосын “Мен не көріп тұрмын? Бұл түс емес пе? Әлде менің көзім байланды ма?” дейді.
Яки, бертінде өмір сүрген адамның айтқан сөзі мен одан 1400 жыл бұрын мәлім болған Құранда жазылған сөздің бірдей екенін алға тартады. ОЛ кім?

Денсаулық сақтау министрлігінің статистикасына сүйенсек, АҚШ-та жыл сайын 7000 адам БҰНЫҢ кесірінен өледі екен. БҰЛ алдын-ала шошытпас үшін қажет өзіндік шифр болып саналады. Адамдардың ажалына себеп БҰНЫҢ не екенін бірнеше сөзбен мейлінше түсінікті етіп атаңыз.

Аудионұсқаны мына жерден табасыздар.
Жалпы Қазақ радиосының тікелей эфирін мына сілтемеден тыңдауға болады.

Президентті абайсызда өлтірді ме?

Йеменнің бұрынғы лидері Әли Абдулла Салехтің өлімінен кейін елдегі шиеленіс жаңа кезеңге өтті деп жазады Тhe Wall Street Journal. Басылымның жазуынша, экс-президенттің өлімі Сауд Арабия мен Иран арасындағы Йемен билігіне таласуды күшейтеді.

The Guardian сарапшылары хуситтердің Әли Абдулла Салехті өлтіргенінен кейін Йемендегі азаматтық соғыс драмалық қарқын ала бастады дейді. Елдегі жағдай жақын уақытта тұрақсызданады деп жазады басылым. Елді 30 жылдан астам уақыт билеген экс-президент өткен аптада хуситтермен кикілжіңге келіп, Сауд Арабиямен татуласуға ұмтылған. Бұл «дау» үлкен жарылысқа ұласып, Sky News Arabia телеканалының мәліметі бойынша, кем дегенде 245 адам қаза тапқан.

Алайда оңшыл көтерілісшілер Салехтің өлімі абайсызда болды дейді. Салех пен оның адамдары Санханға келген кезде, қауіпсіздік күштері оны ұстауға тырысқан. Бірақ атыс болып, нәтижесінде экс-президент қаза тапты деп жазады Sky News Arabia.

Әркімде өзінің брекзиті бар

Ұлыбритания мен Еуропалық одақ Брекзит жөнінде келісімге келе алмады, бірақ 14-15 желтоқсанда өтетін ЕО саммитіне дейін уағдаласатындарына сенімді деп жазады La Republica. Ұлыбритания премьер-министрі Тереза Мэй мен Еурокомиссия басшысы Жан-Клод Юнкер келіссөзден кейін Лондон мен Брюссельде бірқатар проблема барын мойындауға мәжбүр болған. Басылымның жазуынша, соңғы екі айда ең күрделі тақырып Ирландия шекарасы болған. Британия үкіметі дүйсенбі күні Еуроодақ пен Ирландия қысымына көніп, Еуроодақтан шыққаннан кейін тәуелсіз Ирландия мен Британия құрамына кіретін Солтүстік Ирландияны үйлестіруге келіскен деп атап өтеді The Guardian.

The Daily Telegraph британиялық басылымының жазуынша, «Ұлыбритания мен Еуропалық одақ Брекзиттен кейін Солтүстік Ирландия мен Ирландия арасында қатаң шекара болдырмауға келіскен. Ирландия СІМ мен вице-премьері Саймон Ковени «Брюссельде шекара болмайды деп келіскен. Ирландияның екі бөлігі де біріңғай кеден және сауда ережелеріне бағынады делінеді. Бірақ бұл келісімге Солтүстік Ирландияның демократиялық юнионистік партиясы қарсы» деп мәлімдеген.

Қырғыз және тәжіктің Қытайға қарызы

​The Diplomat Орталық Азиядағы кедей мемлекеттер — Қырғызстан мен Тәжікстан Қытайға қарызын қайтара алмайды деген пікірді жоққы шығарады. Басылым санмен мысал келтіре отырып, екі ел қарызын жақсы өтеп отыр дейді. Қытайға қарыздың көлемі Қырғызстанның сыртқы қарызының 41 пайызы мен Тәжікстан қарызының 53 пайызы құрайды.

Алайда басылым қытай несиесінің дені АҚШ долларымен берілгенін алға тартып, "Қырғызстан мен Тәжікстанда валюта бағамы ауытқып тұрған шақта, валюта қоры жетіспейді" дейді.

Ауғанстандағы басқа АҚШ және Ресей

Америкалық генералдар мен дипломаттар Ауғанстан стратегиясына Ресейдің әскери ынтымақтастығымен түзету енгізіп жатыр деп хабарлайды The Washington Times.

Атап айтқанда, Құрама Штаттар Ресейден елде героин өсіруге қарсы күрес шарасын күшейтуді талап етпекші. Ауғанстандағы америкалық контингентті басқаратын қолбасшы Джон Николсон «героин жыл сайын ондаған мың ресейлікті өлтіріп жатыр» дейді.

2017 жылдың 7 желтоқсанында Астана қаласында «IoT Forum Astana 2017» форумы өтті. Форумды ұйымдастырушы – еліміздің жетекші инфокоммуникациялық операторы — «Қазақтелеком» акционерлік қоғамы. Шара Қазақстан Республикасы Ақпарат және байланыс министрлігінің қолдауымен өткізілді.
Форумда күнделікті өмірде түрлі тұрмыстық заттардың есептеу желілерін ұйымдастыру, Internet of Things-ті (IoT — Internet of Things) енгізудің өзекті мәселелері, аталған тұжырымдаманы қазақстандық және жаһандық ауқымда қолдану перспективалары талқыланды.
Шараға халықаралық және қазақстандық сарапшылар, мүдделі тараптардың өкілдері — орталық мемлекеттік және жергілікті атқарушы органдардың өкілдері, квазимемлекеттік сектор өкілдері, жабдықтар мен бағдарламалық өнімдерді өндірушілер, журналистер мен блогерлер қатысты.
Форум ашылуында Қазақстан Республикасы Премьер-министрінің орынбасары Асқар Жұмағалиев «Инновациялық Қазақстан-2020» мемлекеттік бағдарламасы аясында жүзеге асырылып жатқан бастамалар туралы баяндады.
«Инновациялық экожүйенің құрылуы — бұл EXPO-базаға негізделген аймақты қалыптастыруға мүмкіндік беретін драйвер болып табылады. Ол өз кезегінде салық жеңілдіктерімен қамтылған жаңа бастамаларды құруды көздейді. Осы алаңға жиналған мақсатымыз, бағдарламаның негізгі бесінші бағыты — өнеркəсіп үшін маңызды болып табылатын, IOT-жобаларды цифрландыру, тиімділікке, автоматтандыруға жəне қаржы шығындарын үнемдеуге мүмкіндік береді»,- деп мәлімдеді А. Жұмағалиев.
«Қазақтелеком» АҚ Басқармасының төрағасы Қуанышбек Есекеев бүгінде адамдарға тәуелді емес жаңа нарық классы бар екенін атап өтті, мәселен көлік және POST-терминалдар нарығы.
«Егер біз әлемдегі ұялы байланыс желісінің 6 миллиард пайдаланушысы бар деген статистиканы алсақ, онда Internet of Things нарығы 20 миллиардты құрайды.
Менің ойымша, бүгінгі таңда коммуникацияға қосылған әртүрлі құрылғыларда отыратын 5 миллионға жуық абонент бар. IоT нарығының болашағы зор. Дәстүрлі тіркелген байланыс қазіргі таңда қолданыстан шығып барады. Біз бәріміз ұялы телефонға үйрендік, бірақ жаңа нарықтар компания үшін маңызды. Менің ойымша, бұл нарық біздің өмірімізге енді. Біз үшін IоT – заман ағынының маңызды жаңа бөлігі»,- деп атап өтті Қ. Есекеев.
Шараға арнайы шақырылған спикерлер қатарында Beijing Health Forum негізін қалаушы және бас директоры, IoT саласының халықаралық сарапшысы Дуглас Корли мен Гонконгтағы қалалық зияткерлік консорциумның негізін қалаушылардың бірі Тони А.Верба болды.
Д.Корли мемлекеттік технологиялық мәселелерді шешу үшін жылдар бойы ірі ғылыми орталықтармен бірлесе жұмыс істеп келеді. Ол форум барысында аталған саладағы өзінің тәжірибесімен бөлісті. Т.Верба Гонконгта технология, ойын-сауық, мәдениет және әлеуметтік салада бірқатар жобаларға, оның ішінде Ticketflap және ClockenflapMusicandArtsFestival – ға қатысқаны белгілі.
Талқылау алаңында форумның қатысушылары Қазақстанда IоT-ты дамыту туралы және тұрғын үй-коммуналдық шаруашылығы, өнеркəсіп, ауыл шаруашылығы жəне «Ақылды қала» жобасы аясында осы бағыттың келешегі туралы пікір алмасты.

Астананың 20 жылдығына арналған брендбукты анықтау байқауына өтінім қабылдау аяқталды. Нәтижесінде үздік 8 төлтаңбаның жобасы іріктелді, деп хабарлайды елорда әкімдігінің медиа орталығы.

«Байқауға елорда мен еліміздің басқа аймақтарында жұмыс істеп жатқан заңды және жеке тұлғалардан 61 өтінім (150-ден астам жұмыс) түсті. Атап өтетін жайт, қатысушылар арасында елорда мектептерінің оқушылар мен әлемнің беделді университеттерінің түлектері – дизайнерлер бар. Жастардың азаматтық ұстанымдарын көрсетуте белсенділік танытқаны қуантады», — деді Астана қаласының Ішкі саясат басқармасының басшысы және үздік брендбукты анықтау комиссиясы төрағасының орынбасары Ерлан Каналимов.

Байқаудың идеологиялық маңызын ескере отырып, ұйымдастырушылар жұмыс тобының аноноимді дауыс беруі үшін арнайы парақшалар әзірледі. Жоба авторларына өз жұмыстарын таныстыруға мүмкіндік жасалды. Жұмыс тобының дуыс беру нәтижесінде байқаудың үздік 8 жұмысы іріктелді.

«Алдағы уақытта іріктелген үздік жұмыстар таныстырылып және келістірілу үшін Қазақстан Республикасының елордасы — Астана қаласының 20 жылдығына дайындау және өткізу жөніндегі комиссияның қарауына жолданды», — деді Е.Каналимов.

Айта кетейік, үздік брендбук байқауына өтінімдер қарашаның 6 мен 27 аралығында қабылданды. Елорданың 20 жылдық мерекесіне арналған төлтаңбаны анықтау байқауын Астана қаласының Ішкі саясат басқармасы өткізді.

Үздік брендбук авторы 8 млн теңге көлемінде сыйақы алады. Ал үздік қолтаңба елорданың 20 жылдығын мерекелеу кезінде жарнамалық және маркетингтік, сонымен бірге мәдени шаралар кезінде қолданылады.

Полицейлер криптавалютаға байланысты алаяқтық жасады деген күдікпен 28 жастағы Алматы тұрғынын ұстады, деп хабарлайды Астана қаласы әкімдігінің медиа орталығы.

Полиция бөліміне екі қала тұрғыны хабарласып, қаражаттарын алаяқтық жолмен белгісіз біреу қолды қылғанын айтып арызданған.

Зардап шегушінің айтуынша, криптовалюта сатылатыны туралы бір сайттан оқып «сатушыға» хабарласқан, содан күдіктімен қаламыздың СО-ның бірінде кездесіп, 11 200 доллар қаржысын қолына ұстатқан.

Жүргізілген жедел-іздестіру нәтижесінде күдікті ұсталып, қазіргі кезде аталған фактыға байланысты ҚР ҚК 190 бабына сәйкес сотқа дейінгі тергеп-тексеру амалдары жүруде.

Астана қаласының ІІД-і қаржылай операциялар кезінде қырағы және мұқият болуды ескертеді. Ал «Есіл» ауданының ІІБ –і осы азаматтың заңға қайшы іс-әрекетінен зардап шеккен тұрғындарды мына телофондарға 71-65-50, 8 700 099 96 79 хабарласуын сұрайды.

1-тур сұрақтары by asaubota :

1. Соңғы жылдары танымал бола бастаған бір спорт түріндегі танымал бір қимыл ATW (Around The World) — Жерді айналып шығу деп аталады. Бұл қимыл қай спорт түрінде екенін бірдей әріптен басталатын 2 сөзбен атаңыз.

2. Қара Жұма, Анна Курникова, Чернобыль, Мелисса, ILOVEYOU. Бұлардың ортақ атауын табыңыз.

3. Биткоиндармен де жұмыс істейміз деп құрылған нигериялық Мундиаль Манибокс компаниясының құрушысын атаңыз.

4. Еркектерге арналған Максим журналы БҰНЫ өскеннен кейін қою керек 28 нәрсенің бірі ретінде жазады. Ал БҰДАН Финляндияның Оулу қаласында жыл сайын жарыс өтеді, жеңімпаздарға кәдімгідей салмақты сыйлықтар береді. БҰЛ не?

5. 1984 жылы құрылып, үлкен нарыққа 2003 жылы жаңа атпен шыққан бұл компания өздерінің бұрынғы аттары қолданыста бар болғандықтан қазақшаға аударғанда Жаңа аңыз сөздерінен жаңа бренд атауын құрастырды. Бұл қай бренд?

6. Финляндияның Тампере қаласындағы бір парктен үлкен игректер көресіз. Олардың не үшін екенін емес, парктың тематикасын табыңыз.

7. UBER аналитиктерінің айтуынша не аз болған сайын, тұтынушылар жоғары тарифке келісе береді?

8. Рио Олимпиадасының алдында бір компанияның ролигінде 2 спортшы машинаның алдыңғы орнына қайсысы отыратынын «тас-қайшы-қағаз» ойыны арқылы шеше алмай, екеуі де артқы орындықтарға отырады. Спортшылар қандай дисциплина бойынша жарысқа қатысады?

9. «Жазу анық болуы тиіс және көп орын алмауы керек, арзан қағазда да көзге жақсы көрінуі қажет.» 1931 жылы Морисон атты дизайнер қай газетті айыптап, өз ұсынысын жасады?

10. Бір мәселеге назар аударту үшін бір қытайлық 100 күн бойы қолына ИКС ұстап Пекин көшелерін аралап жүрді. Кейін ол кірпіш жасады. Қытайдың қолындағы ИКСті табыңыз.

2-тур сұрақтары by MERmukhanov :

1. Фредерик Бегбедердің пікірін сәл толықтыра отырып, 1998 жылғы футболдан әлем біріншілігінің финалында неміс ұтты деуге болады. Бұл немісті атаңыз.

2. Спортшы Риксон Грейсидің өзі ИКС, әрі ИКСтен Бразилия чемпионы. ИКСті бір сөзбен атаңыз.

3. Отандық брендтерге қатысты блиц: әр сұраққа 20 секунд.
Бірінші оң жақ жоғарыдағы сурет: мұнда белгілі бір отандық брендтің логотипінің үзіндісі берілген. Оны жазыңыз.
Екінші блиц сауалы төменде. Мұнда бір отандық өнімнің атауын іздеу жүйесіне салғандағы скрин. Іздеу қорытындысының жанына сол сусынның суреті шығады.
Үшінші суретте отандық банктердің бірінде орналасқан мүсін орналасқан. Онда қуатты дәу бұқаны сүйреп келе жатқан күшті бала бейнеленген. Қай банк екенін атаңыз.

4. Жапонның кулинария сөздігінде ағылшын тілінен енген бірқатар терминдер бар. Мысалы, «сабису» сөзі ағылшынның «service» дегенінен шыққан және клиенттерге қызмет көрсету бойынша іс-шаралар кешенін білдіреді. Ал «байкингу рёри» терминін қазақшаға қандай екі сөзбен аударуға болады?

5. «Идентификация» фильмінің бірнеше кейіпкері өз өмірлерінде ең соңғы болып есімі сирек кездесетін қызды көреді. Бұл қыздың атын атамас бұрын, ағылшын тілінде жазылуы тұп-тура осындай, бірақ айтылуы басқа, әрі әлдеқайда кең таралған қыз есімі бар екенін ескеріңіз.

6. Мына қазақ жұмбақтарының бәрінде бір жауап:
Бір таудан бір таудың басы биік,
Тұрады ортасына бәле жиып,
Бәленің зардабына шыдай алмай,
Жіберді бұтына сиіп-сиіп.

Ақ сәлделі қожалар,
Зікір салып сұңқылдар,
Өз тамағы тойған соң,
Бейне жынды бұлқылдар.

Сары ағаштан сарайым,
Ішінде жаққан қалайым,
От пен су бір жерде
Табылып тұр әрдайым.

7. Ойбастар!
Тарихшы Роуздың көзқарасына сай, ойбастарда сөздерсіз жан тебіретер сұхбат және сөйте тұра асқан белсенділік, ежелгі Шығыс және заманауи Еуропа, нақты ғылым және поэзия, триумф және трагедия, үміт пен торығу, ақырында, өмір мен өлім жатыр. Не жатыр?

8. Игорь Белый аспандағы айды қаңғырып жүрген ИКС деп теңейді. Клод Маньенің комедиясының кейіпкері — қазір кедей, бірақ текті Блэз д'Амбрие байдың мұрагер қызына үйленбекші болады. Қалыңдықтың ата-анасына бәрінен бұрын д'Амбриенің ИКСі ұнайды. Ал біздің халықтың көбіне ИКС ұнамайтын сияқты. ИКСті атаңыз.

9. Керуен жолындағы жұлдыздың өлуі керуенді дұшпандық тосын шабуылдан да көбірек құртады. Антуан де-Сент Экзюперидің нені жұлдыздың өлуі деп атағанын бір әріптен басталатын екі не үш сөзбен атаңыз және не үшін екенін түсіндіріп көріңіз.

10. 1987 жылы Адриано Челентано бір телешоуда итбалықтарды қорғау туралы қызу монолог айтты. Актер отандастарын «Аңшылық – махаббатқа қарсы» тіркесін жазуға шақырды. Он төрт миллион италиялық оның айтқанындай істеп, содан үлкен жанжал туды. Челентаноға айыппұл салынып, біраз уақытқа экраннан аластатылды. Аталған тіркесті Челентано қай жерге жазып қалдыруға үндеген?


«Нават» дәмханасы, Астана қ.