Өмірдегі ең қызық кезең меніңше «Студенттік өмір»!
… бірінші курс «балмұздақ» атанып,үлкен оқу орнын қызықтап, мұғалімді көріп арыстанды көрген қояндай қорқып, жан жаққа жалтақтап жүретін, екінші курс, университет қабырғасында бой үйреніп, сынақ кітапшасын тоқсанға толтырып, мәз болып жүретін, үшінші курс, білім алудан ұйқыны артық көретін, мұғаліммен құрбы құрдасша сөйлесіп жақсы балды қоржынға салып жүретін, төртінші курс, практика, диплом деген екі сөзді көп қайталай беретін, төрт жыл төрт секундтай өткенін еске түсіріп, сағынышпен,үлкен өмірге аяқ басатын кезең…
Қызығы мен қоса шыжығы да қатар жүретін бұл кезеңде талай жастар болашақ өмірін айқындады, өмірлік жарын және достарын тапты! Біреулер үшін бұл кезең түк те қызық емес, параға қатыспай, асханаға келіп кетуді қанағат тұтатын, аралық бақылау кезінде бір келіп мұғаліммен «келісімді түрде» баға алатын жастар да бар (стереотип солай қалыптасқаны соншалық, әдетте олар жастар арасында үлкен сый құрметке ие болады)… Біреулері үшін бұл уақыт алтыннан қымбат, күні түні кітаптан көз алмай, білім алу, оқу, болашағымды жасайтын өзім деп бір минутын құр жібермейтін жастар да бар (бұндайларды «оқымысты» деп шеттетуі мүмкін кейбірлері)… Біреулер үшін бұл уақыт бойда бар талантын ашуға көмек береді… Біреулері студенттік қоғамдық өмірге белсене араласу арқылы өзіне тәжірибе жинайды… бір студент сөйлеуді үйренеді… біреулерін мүлдем түсіну қиын, сабақтан қалмайды, сабақ айтпайды не тобымен араласпайды…
Студенттік өмір туралы айта берсе том том кітап шығады! Сол кітапты оқыған кезде қызықты, айтып берерге тұрарлықтай қылу ол әрбір жазушының(СТУДЕНТТІҢ) қолында!!!

Олақай Кеңес Одағының кезіндегі бір басылым журналисіне бас редатор ерекше тапсырма беріп жатады:
— Жолдас Битуреев, Сіз білетін шығарсыз коммунистерге екі әйел алу жат қылық екенін. Бірақ елімізде сондай екі әйел алған жат қылықты жолдастар бар екен. Мына адрес бойынша барып, істің мән-жайын анықтап қайтыңыз!-дейді.
Жолға шыққан журналис белгіленген мекен-жайға барып, қақпадан жүрексіне бас сұғады. Қараса бір кейуана ұршық тартып отыр, жанында тұлымшағы желбіреген бір бөбек ойнап отыр. Кірген бейтанысты байқаған кейуана бұл кім еді дегендей қабақ танытпай, кіре бер ит жоқ деген ым береді.
...-Еее солай де шырағым. Іздеген адамыңды адаспай тауып кепсің, ал мақсатыңды да түсіндім. Байқап отырған боларсың. Бұл үйде менен басқа тағы бір әйел бар…
-Ол кісінің екінші әйелі қайда?
— Шырағым соны тұспалдап отырғаным жоқ па. Мен оның бірінші әйелімін, ана жүрген келіншек оның екінші әйелі! -деп, иек қағады кейуана әнебір жерде дастархан қамымен жүрген келіншекті меңзеп.
Аң-таң болған журналис бұл жерде бір сыр жатқанын түсінеді.
...Қатира ол кезде 30-дан асып қалған сақа келіншек еді. Сұрапыл соғыс жүріп жатыр. Бұл ауылнайда пошташы болып жүрген-тұғын. Қыстың көзі қырауда ауыл-ауылды аралап хат тасу оңай емес әрине. Сондықтан да колхоз председателі бұған атқосшылыққа ауылдағы мұрынбоқ Бәдәні (жас шамасы 14-15 жасар) қасына қосып береді. Екеуі үйренісіп қалды. Айдалада келе жатып бәдәнің ысқыра әндеткені тіпті қызық. екеуі оны-мұныны әңігме қылып қояды. Алайда мұрынбоқтың бұған қараған кезде көздерінен басқаша біркеңкелер оқитын сияқты. Өз ойынан өзі ұялып қалды. Бұл әлі он екіде бір гүлі ашылмаған бала емес пе. Мен болсам бір есік көріп үлгерген қатынмын. Қап, адамға небір сайтан ойлар кіреді а-деп қояды ішінен.
Кештетіп боранға қалмай бір ауылға тап болды. Үй иелері бұларды барын беріп күтіп отыр. Үй аядай ғана екі бөлмелі екен. Содан жатар кезде бұларға бір бөлмені босатып берді. Қатира ішке кірсе қап-қараңғы екен. Білте шам қайдан болсын. Бір кезде сырттан аттарын жайғастырып Бәдә имене кіріп келе жатты. Көге түртсе көргісіз қараңғыда қарманып жүріп жайын іздемек болған. Бірақ алақаны жұмсақ адам денесіне тиген кезде өз өзін игере алмай жастығына қарамай (өзі ер екен) нәпсісіне ерік қоя берді. Аспан аударылып жерге түскендей…
Соғыс бітіп, елдің бәрі тойына бастаған кезде екеуі үйленеді. Балалары болады. Арада көп жылдар өткен кезде Қатира өзінің төсек қатынасына келгенде суына бастағанын сезген болатын. Бәдә болса бұны жанындай жақсы көреді. Қылшылдаған жас кезі. Күйеуіне деген құрметін Қатира өз ырзашылымен оған екінші әйел алып беріп осылай білдіреді. Қазір күндесін келініндей күтіп, жұмсап отырған жайы осылай екен…

Шикі шаттық басымда базар қайғым
Сырқатсыз сұрап алған ажалдайын
Жан айқайын жүректің жандандырып
Тыңдаушыға тірі өлең жаза алмаймын
Замана айтпас зарын салыпты ойға
«Елім дер-ер» болмаса, халық қайда
Тістенген тіршіліктің мұқтаждығын
Ақтарар ақ маржан сөз шабыт қайда
Саясат па сұғанақ сақтандырған
Дауа жоқ дағдарысқа қалтаны ұрған
Көз көрген көріністі ақтаратын
Қара сия қаламым қаңтарылған
Сырын қалай көңілдің ақтарамын
Айырар екі арасын ақ-қараның
Ақтығында аянбас дос көңілдей
Кіршіксіз алдымдасың ақ парағым
Қыран сауал ой көгінде қалықтай ма
Бұл заман барар бізді алып қайда
Ақиқатым түншығып ақша сөйлеп
Қайран көңіл қайғыдан қамықпай ма
Ширатылған бар шығар шыдам шегі
Шақырайын қайдасың шабыт қайда

Бұл күндер жүргені бір күйім келмей
Көңілде сұрау белгі иілгендей
Отанында орақ тілі мылқауланып
Қалармысың қазақтың бір сыйын көрмей

Шаттағың мен қайғыңмен көңілдегі
Жетелеген жанталас өмір легі
Сынықтан сылтау тапқан сайқал заман
Шырт-шырт сынып шындықтың шеміршегі

Төрелер туған тілін жетім деген
Шындығым — ол шараны шетінеген
Өзекті жарып шыққан шын үніммен
Ана тіл, ана тіл деп өкір ем

Жүректің тұрсадағы маздап үні
Тұтқын ба едің тұғырсыз қазақ тіл
Тіл үшін тағдырында құрбан қылар
Бақытты екен авардың Ғамзатовы

Жиырма жыл тәуелсіздік ту ұстадың
Жаратым кез жетті ғой қылыш қабын
Бірлігіңді ұйыған қалар сақтап
Бір тілде түсінісіп ұғысқаның

Өресіздік тарылып өрісіңде
Ойран сап өз жауың өз ішінде
Тілім деп толғанбайтын тоң мойындар
Жандарын ауыртпайды ел үшінде

Датым бар орыс ойлы ұлығыңа
Шын үнің шықсын қаннан суырыла
Қап түбінде көп жатқан алдаспан тіл
Қонғайсың хан тағындай тұғырыңа.

Егер сіз 31-ші наурыз бен 1-ші сәуір аралығында Қарағанды шаһарында бола қалсаңыз «ASIA» сауда орталығына соға салыңыз. Бұл жерде осы күндер аралығында "Қыз көру" атты көрме өтеді. Негізінен бұл көрменің пайдасы жақын арада қандай да бір той, мерекені атап өтейін деп жатқан қарағандылықтарға таңдау мүмкіндігін беретіндігі байқалады. Себебі, бұл көрмеде тойға қажетті барлық қызмет түрлері топтастырылады.Атап айтсақ, кондитерлік өнімдермен айналысатындар, шаш, сұлулық салондарының өкілдері, фото-видео қызметтері, зергерлік бұйымдармен айналысатындар өз қызметтерін ұсынады.

"Қыз көру"-қазақ халқының салттарының бірі.Бұрындары ата-бабаларымыз атастырылу арқылы отбасын құрғанымен, кейбір ықпалды адамның балалары, сал-серілікпен айналысатын бірен саран жігіттер өзіне қалыңдық таңдап, ауылдарды аралайтын болған.Міне, осы салтты "Қыз көру" деп атаған.

Көрме жайлы мәліметтің түпнұсқасы

Сілтеме: youtu.be/FKV2oeS4vw8

Ұмытылған уәде

Бүгін түнде әлем ұйықтар
Аштық берген уәделерімізді күттірмес
Біз бір жанды бөлісеміз
Біз бір жерді бөлісеміз
Бізде түсінісетін бір уақыт бар

Алматының уақытымен түнгі сағат 12де Apple-дың кезекті ивенті болады.
iPad 3 шынымен де шығады ма сонда білеміз.
Тікелей трансляцияны мына жерден көрсетеді: www.communityconnectnj.com/ipad-3/

Газет болсын, журнал болсын, редакция басылым таралымының артқанына ниетті. Таралымы артса, басылымның танымалдылығы артады, табыстарының арту мүкіндігі арта түседі. Сонымен, басылымның таралымы арту үшін не істеу керек? Осы сұраққа шетелдік басылымдардың тәжірибелерінен жауап іздеп көрелік.

Басылым уақыт пен оқырман талабына сай болу керек
Қандай керемет болса да, басылым уақыт өткен сайын оқырмандардың жаңа буынының қалыптасатынын, оқырман сұранысының өзгеретінін ескеру керек. Ескеріп қана қоймай, сұранысқа жауап беретіндей қызмет жасау керек. Мысалы, 90 жылдардың басындағы басылымның қазіргі күндері де бұрынғы бағытынан танбай жұмыс істеуі ешқандай табыстың кепілі болмайды. Өйткені 90 жылдары оқырманға басқа тақырыптар қызық еді, қазіргі оқырманға басқа тақырыптар қызықты.

Шайтанды шайтан деп қарағанымызбен олар да өз балаларына ақыл айтып, қамқорлық көрсетеді екен. Әке шайтан баласына ақыл айтып отыр дейді.
-Балам, мынау- от.Отқа түспе(шайтан оттан жаралған деп жатады ғой, неге қорқатындарын түсінбедім), күйіп өлесің.
-Мынау биік құзға да шықпа. Құлап өлесің.
Осындай ақылдарын айтып отырып бір адамды көрсетіп,
-Балам, анау қазақ. Оған да тақалма.Бір нәрсені бүлдірсе саған жаба салады-деген екен.
Расында да бізде «Шайтан азғырды» деген тіркес бар ғой