Кейбір журналистердің негативті қасиеттері туралы жазып, олардың жүйкелерін жұқартқан шығармын  Ондай журиктермен күресе беру керек.
Кейбір журналистің бойында журналистке тән қасиеттер болмаса да газет-журналдарда істеп, шайлығын тауып жүреді. Олардың сауатсыздығын мақала жаза алмауларынан, сауатты аударма жасай алмаларынан білуге болады. Ал ұры-қарылық қасиеттерін басқа автордың мақаласын заңдарға қайшы әрекеттер арқылы көшіріп, зияткерлік меншікті ұрлауы арқылы көрсетіп қалады. Ең қызығы үшінші қасиет болғалы тұр.

«Ресей «Сирия» және «Иран» сияқты халықаралық мәселелерді реттеу бойынша өзінің ұстанымын қалыптастыруда бейтарап болады», — деп мәлімдеді Ресей Федерациясының премьер-министрі Владимир Путин.
«Сириялық мәселе бойынша Біріккен Ұлттар Ұйымының Қауіпсіздік Кеңесіндегі ұстанымыз, біздің ешкімді де қостамайтындығымызды білдіреді. Алда да осылай болады деген үміттемін», – деді Путин Ресейдің саяси зерттеулер орталығының президенті Владимир Орлов, Ресейдің Иран мәселесі бойынша өзіндік ұстанымда еместігі туралы өзінің ойын білдіріп, «америкалықтардың әр басқан қадамын қолдауды Ресей қашан қояды?» деп сұрақ қойғаннан кейінгі, сарапшылармен болған ұлттық қауіпсіздік және қорғаныс-өнеркәсіптік кешенді дамыту сұрақтарына арналған кездесуде.
Сонымен қоса, премьер, «Ресей басқа да мемлекеттердің, әсіресе араб әлеміндегі елдердің «сириялық» және «ирандық» сұрақтар бойынша көзқарастарын ескереді, деді.
Орловтың, «тек еуропалықтар мен АҚШ-тың ғана емес, сонымен қатар Түркия, Мысыр, Индонезия, Қытай мен Бразилия сияқты мемлекеттердің пікірлерін есепке алу» жөніндегі үндеуіне жауап бере, Путин Мәскеу, сарапшының айтқан «барлық серіктестермен жұмыс жасауда» деп растады.
«Мысырмен жұмыс жасау қиынға соғып отыр, өйткені мемлекет өте күрделі ішкісаяси жағдайда тұр. Бірақ Мысыр – араб әлеміндегі көшбасшы, ал араб әлемінде Иранның ядролық қаруға ие болу мүмкіндігіне үлкен күмәнмен қарайды. Яғни, араб мемлекеттері бұған толықтай қарсы», — деді Путин. Оның айтуынша, «оған үлкен дәлел – араб әлемінің Сириядағы оқиғаларға деген көзқарасы». «Бұның барлығы бір-бірімен тығыз байланысты және біз осыны ескереміз», — деп ой білдірді премьер. «Бізде өзіміздің жеке қызығушылықтарымыз бар, бірақ біз жедел әрекет етіп, әлемде не болып жатқанын түсініп, ешқашанда көлеңкеде қалмауымыз қажет», — деп айтты ол.
Бұрынырақ Ресей мен Қытай Біріккен Ұлттар Ұйымы Қауіпсіздік Кеңесінің Сирияға қарсы санкция енгізу қаупі болған резолюция шешімі жобасына екі рет «тосқауыл» қойды. Ресей зорлық-зомбылықты тоқтату және халықты қорғау мақсаттары шеңберінен шығып кеткен, Біріккен Ұлттар Ұйымы Қауіпсіздік Кеңесінің рұқсатымен Ливияда басталған әскери күш шаралары тектес «ливиялық сценарийді» қайталау қажет емес деп санап, Сирияны санкциялармен қорқыту әрекеттерін құптамай, қарсы шығуда. Сирияда 2011 жылдың наурыз айының ортасынан бастап антиүкіметтік наразылықтар тоқтамай келеді. Күн сайын адам өлімдері туралы хабарламалар келіп түсуде – оның ішінде бейбіт тұрғындар да, әлеуетті күш құрылымдарының қызметкерлері де бар.

Ал Қазақстан ше, таяу шығыстағы мәселелер жөнінде қандай ұстанымда екен?!

Осыдан тура жеті жыл бұрын… Дәл осы күні, дәлірек айтса, түні, мен өмірімде алғаш рет сол бір керемет сезімді бастан кешірдім. Дүниенің ешбір рахаты онымен тең келмейді екен. Алдымен не болғанын ұқпай қалдым, содан кейін күлдім, содан кейін ағыл-тегіл жыладым. Өзімнің енді шынымен басқа адам екенімді, енді ешқашан бұрынғыдай бола алмайтынымды сол сәтте ұғындым.
Шын мәнінде жақында ана болатынымды сол кезде бірақ мойындадым.

Солтүстік Америка мен Азия жарты миллиард жылдан кейін Солтүстік полюсте тоғысады. Болашақ құрлық жайлы осындай теориямен Йель университетінің геологтар тобы шықты. Ресейлік ғалымдар америкалық әріптестерінің гипотезасына шүбә көзбен қарауда. Әзірге тек бір нәрсе ғана анық – құрлықтар жаймен орындарымен ауысуда және миллион жылдардан соң, Жер планетасы мүлдем басқаша болып көрінеді. Геологтар болашақ суперқұрлықты «Амазия» деп атады. Ғалымдар ол Атлантикада құрылады деп бекітуде. Басқалары болса, Амазия Тынық мұхитының орнында болады деп болжап жатыр. Росс Митчелл үшінші нұсқаны ұсынып, Амазияны Солтүстік-Мұзды мұхитының аумағына орналастырды. Аталған теориялар, құрлықтар бір жерде тұра бермей, олардың үнемі жылжитындықтары туралы анықталған өткен ғасырдың ортасында болған геологтардың революциялық ашуларының арқасында тууда. Сонымен қатар, мұхит түбіндегі жер қыртысының құрылымының, құрлықтікінен біраз айырмашылығы бар. Соңғы 200 миллион жылда құрлық картасы өзінің өзгеруін жалғастырып келеді. Мәскеу мемлекеттік университетінің геологиялық факультетінің профессоры Николай Короновский былай дейді:
«Бұл процесс үнемі жүріп келеді, материктер қозғалуда. Егер 200 жыл бойы дәл осылай қозғала берсе, онда Австралия Индонезиямен қосылып, ал Африка ығысады». Жер физикасы интитутының директорының орынбасары Евгений Рогожин «теориялық тұрғыдан, Азия мен Америка әйтеуір бір күні тоғысады», деп санайды. Оның сөздерінен:
«Орталық-Атлантика жотасы бір орында тұрмай, үнемі қозғалып келеді. Еуразия шығысқа қарай қалқыса, ал Америка, оның ішінде Оңтүстік пен Солтүстік, батысқа қарай, Тынық мұхиты жағына қарай қалқып келеді.
Бірақ бұл жай ғана абстрактілі сызба», — дейді ғалым. «Өйткені суперқұрлықтардың пайда болу теорияларында мұхит түбіндегі жер қыртысын ескеру қажет. Ал оны америкалық геологтар, есепке алмауда», — деуде профессор Рогожин. «Бүгінгі жағдайға қарап, алыс болашақтағы құрлықтар туралы жалпы ойлану қажет пе?», — деп сұрақ қояды Николай Короновский. Өйткені, миллион жыл ішінде, ол өзгеріп те қалуы мүмкін. Мысалы: егер Орталық-Атлантикалық жотаның солтүстік бөлігі ашылса, су құрлыққа қарай ағып, оның бөлігін қопарып алады. Онда әлемнің физикалық картасы басқаша болмақ. Мәскеу мемлекеттік университеті ғаламшардың осындай болашағына сенбестікпен қарап, басқаша бағалап отырған профессормен Евгений Рогожин де келіседі. Рогожин: «500 миллион жылдан кейін қалай болатынын болжап айту қиын. Өйткені ол уақытта Жер мүлдем болмауы да мүмкін. Ол ішінен жылу бөлумен дамып жатқан дене сияқты таулар құрып, Айға ұқсап қала алады». «Америкалық геологтарға, бірінші кезекте, өзекті мәселелермен айналысқандары жөн болады», дейді сарапшылар, «мысалға сөнбеген бірнеше жанартаулар орналасқан тынықмұхиттық отты сақинаға немесе Калифорния жағалауларындағы жер сілкінулеріне байланысты зерттеулер жүргізу керек. Себебі, осы аумақтардағы жер асты құбылыстары Жер бедерін алыс болашақта емес, қазірдің өзінде өзгертіп тастауы да ғажап емес».

сурет мына сайттікі: jankoy.org.ua/amerika-aziya-amasia/

Бұл өмірге адам болып жаралған соң артыңа қандай да бір із тастап кетуің керек секілді.Секілді емес керек. Ауылыңдағы ағыны қатты өзенге аспалы көпір салсаң, кейінгі жұрт оны сенің ізің деп біліп, бір-біріне айтып жүреді.артыңда қалатын бала-шағаң, жақсылы-жаманды іс-әрекетіңнің барлығы ізің болып қала бермек.Бірақ, бүгінгі әңгімем бұл іздердің ешқайсысы емес.
***
Тілші болған соң ел ішін көп кезесің.Бірде жеңіл көлікпен, бірде ұшақпен, бірде пойызбен дегендей. Сондай сапарымның бірінде пойызда ойлы көзді, ат жақты, екі иығына екі кісі мінетіндей бір жігітпен таныстым деп бастасам жасандылық болып кетер."Қызық газетке" оқиға жазып отырғаным жоқ қой. Сонымен…
***
Белгілі бір себептермен Балқашқа жол түсті.Қайтар жолда көп жүкпен қайтатын болғандықтан.Жүк тасуға қолайлы, шығыны да аздау деп «Газель» жалдадым.Жүргізушісі біздер қатарлы жігіт екен. рөлде отырғанда да сәл еңкейіп күжірейіп отырғаны көрген адамның езуіне жымиыс әкелері анық. Өзін «Сашка» деп таныстырған жолсерігім әңгімеге келгенде ешкімнен қалыспайды екен. Түрлі әңгімелердің тиегін ағыттық. Жүргізушінің оң жағында отырғандықтан оң қолының сұқ саусағының буын тұсындағы ойыққа көзім еріксіз түсіп кетті. Онымды сашка да сезгендей, сәл жөткірініп алып,«Мына ІЗдің себебін айтайын ба?» деп сұрады.Жауабымды күтпестен хикаясын бастай жөнелді. Енді мен мен емес Сашкамын.Оқиғамды баяндай отырсам…
«Бала жастан бұзық болдым.Осынымды сезді ме әке-шешем техникалық білім беретін колледжден соң әскерге баруыма үзілді-кесілді қарсы болды.Барсам шынымен бірдеңеге ұрынуым мүмкін еді.Бірақ, тынышталған мен жопын. Екі күннің бірінде төбелесіп, біреудің басын жарып, болмаса өзім қызыл-ала қан болып келіп жүрдім.Әкемнің кенже інісінің(ағамның) қолында тұрдым.Әке-шеше ауылда.Қалада әр ненің басын бір шалып ауылға қайтпадым.Бір күні әдеттегідей төбелесіп оралдым.Үйге ертеректеу келсем керек аға -жеңгем шай ішіп отыр.Жандарына жайғастым. „Қолыңа не болған?“ деген ағамның сұрағынан кейін оң қолыма қарасам саусақтың буын тұсының сүйегі шодырайып тұр. Саусағымның сынбағаны өзіме аян, бұл не болды екен деп пласкауыспен жұлып алсам күрек тіс екен.Міне, бұл содан қалған із» деп әңгімесін аяқтады Сашка. "Үйленген соң қойдық қой бәрін" деп рахаттана бір күліп алған жолсерігіме қарап,«Дұрыс екен» дегеннен басқа ештеңе айтпаппын.

«Survey» сараптамалық орталығы 15-22 жас аралығындағы жасөспірімдер мен жастар арасында өткізген кезекті сауалнамасының қорытындыларын жариялады. «Интернетте отырған кезіңізде бөлмеге біреу кіріп келген жағдайда қай сайтты ашып қоясыз?» атты сауалнамаға еліміздің 14 облысынан барлығы 2984 жас интернет қолданушы қатысты.

Негізі бұл суреттерді тақырып бойынша қоюға болар еді. Мәселен, мына біреуін «жұмыс үстелім» дегендей...
Бірақ, комменттің қажеті жоқ сияқты






www.haberler.com-нан "ұрланған" суреттер бұлар

Түркияның Карадениз өлкесінде бұрын танымал болған Темел, Дурсун, Идрис, Фадиме деген есімдер қазір азайып кеткен көрінеді. Сондықтан Түркияның Трабзон қаласының әкім-қаралары балаларына осы аттарды қойған жанұяларға арнайы сыйлық бермекші екен. Сыйлық болғанда анау-мынау емес алтын беріледі екен. Трабзонның Арсин ауданының басшысы Ердем Сен бұл есімдердің ұмытыла бастағаны қатты қынжылатындығын айтқан. Өйткені, 2011 жылы бұл өлкеде әлгі есімдер ешкімге қойылмапты. Жалпы, 2001-2007 жылдары Түркияда тек 10 отбасы ғана балаларына Темел деген ат қойыпты. Бұл есім әдетте тек түрік анекдоттарында ғана кездесетін көрінеді. Бірақ, шын мәнінде бұрын Қаратеңіз жағалауын мекен ететін түріктер балаларына бұл есімдерді қойып келсе керек. Ал, қазір бұл есімдер де «Қызыл кітапқа» кіріп кеткен» тәрізді. «Естімеген елде көп» деген соы шығар.

Еее нақ, бұл сонаау — Людовик ағзамның тасын шауып алған күндері орын алған оқиға болса керек. Шешесстің.
Жорждың алқаш ұлы Жак алаңға шығып бөсіпті:
— Кез келген шараптың атын бір-ақ ұрттап айтып бере алам!
Тобыр дереу үш кесе шарап әкеліпті. Жак біріншісін ұрттап: