Елімізде жолаушылар үшін күннен күнге әуе қатынастары қолжетімді бола түсуде. Астана мен Алматы арасында аптасына 100-ден астам әуе рейстері орындалуда. Бұл туралы кеше Астанада әуежай мәселелеріне арналған ИАТА конференциясында ҚР ИДМ Азаматтық авиация комитетінің төрағасы Бекен Сейдахметов мәлім етті деп, хабарлады today.kz ақпараттық сайты.

Мемлекеттік тілдің мәртебесін көтеріп, қолданыс аясын кеңейту бағытында Астана қаласының Тілдерді дамыту басқармасы жүйелі жұмыстар жүргізуде. Басқармаға қарасты «Руханият» орталығында тіл оқыту курстары тұрақты ұйымдастырылады. Биыл маусым айында қаланың 36 мекемесінен 691 тыңдаушы, 12 этномәдени орталықтан 100 тыңдаушы дәріс алса, ал қыркүйек айынан бастап 66 мекемеден 809 тыңдаушы мемлекеттік тілді үйрену курсын одан әрі жалғастыруда.

Бүгін Бейбітшілік және келісім сарайында XI Дельфий жастар ойындарының салтанатты ашылу рәсімі өтті.

Осы сенбіде, 24 қазанда күні, елордада Ақмола облысы тауар өндірушілерінің қатысуымен ағымдағы маусымның соңғы ауылшаруашылық жәрмеңкесі өтеді.

«Qazaq Air» әуе компаниясы жаңа Талдықорған-Астана және Талдықорған-Алматы рейстерін іске қосады. Бұл жөнінде ҚР Президенті жанындағы ОКҚ брифингінде әуе компаниясы басқарма төрағасының міндетін атқарушы Блэр Поллок мәлім етті, деп хабарлайды BNews.kz.

Астанада ағымдағы жылы 33 апаттық тұрғын үй сүріліп, 485 отбасы жаңа үйге қоныс аударды.

Астаналық «Барыс» хоккей клубының бас бапкері болып қайтадан Андрей Назаров сайланды.

"Қандай да бір нәрсенің мүмкін емес екенін бәрі біледі. Содан кейін оны да білмейтін бір дымбілмес келеді де, жаңалық ашады" © Альберт Эйнштейн

Инновация дегеннің не нәрсе екенін, оны неге қосып жейтінін көзі қарақты, құлағы түрік ағайынның бәрі білсе керек. Қазір тіпті еңбектеген балаға дейін оны біліп қана қоймай, арагідік өздері де жаңалықпен таңғалдырып жүрген заман.
Жалпы, инновация жасаймын деушілерге мемлекеттен қолдау көп қазір. Ел Президентінің «100 нақты қадамының» 64-іншісі – өндіріске инновациялар енгізу жөніндегі жұмыстарды қаржыландыру тетіктері бар «Ғылыми және/немесе ғылыми-техникалық қызмет нәтижелерін коммерцияландыру туралы» Заң жобасы. Осы күзде ұсынылатын заң жобасының шеңберінде новатор-ғалымдарға түрлі бағыттағы қолдау көрсетілгелі жатқаны да рас.
Оған, бір жағынан, EXPO-2017 көрмесі де сеп болып отыр. «Online EXPO-2017» байқауына энергетика және ауыл шаруашылығына қатысты 5 номинация бойынша 450-ден астам өтініш берілді. Соның бірнешеуі осы әліпбиге еніп отыр.
Әлқисса, новаторлардың тек кейбірімен ғана тілдесуге мүмкіндік туды. Бұған новаторларлың 87 пайызы, ғм-ғм, Алматы қаласында шоғырлануы да әсер еткен шығар.
Есесіне, Технологиялық даму жөніндегі ұлттық агенттік өзге де бірқатар ұйымдар секілді жаңашылдармен жұмыс жасайтыны белгілі. Бірақ менің хит-парадымда осы агенттіктің деректер базасында жоқ новаторлар да бар секілді. Сондай азаматтарды көбірек табуға тырыстым. Яғни, НАТР-батырлар мен олардан тыс жанашыр жаңашылдардың ортақ тұрағы. Әлбетте, қажеттілік туса, аз-мұз байланыс ақпарымен бөлісуге әзірмін.
Сіз Қазақстанда өнертапқыштар көп емес деп ойлап келдіңіз бе? Ендеше, кеттік!

Автономды тоңазытқыштың әліпбиімізді бастауы – а әріпті антивирус жайлы өткен жазбамызда айтып қойғанымыздан деп біліңіз. 2013 жылы Шығыс Қазақстан облысындағы «Вибромаш УК» ЖШС-нің басшысы Анатолий Ковшик бас болып жасап шығарылған. Автономдылығы мынада – тоңазытқыш қыс бойы арнайы жинақтау орнына суық жинап алады да, қалған мезгілдерде соны пайдаланады. Ол үшін жылу құбыры қолданылады. Уақыт келгенде тоңазытқыш автоматты түрде қосылып, өзі қор жинай бастайды. Қолданылу аясы – қойма дүкен, шаруа қожалықтары, балық, ет өндіру мекемелері. Сондықтан, қызығушылық бар. Күрделі тұсы – баламалы тоңазытқыштарды пайдалана салу оңай.

Ертең, 22 қазанда, www.egov.kz «ҚР Электронды үкіметі» порталында «Қазақстан Республикасының Президенті — Ұлт Көшбасшысы Нұрсұлтан Әбішұлы Назарбаевтың 2014 жылғы 11 қарашадағы «Нұрлы жол — болашаққа бастар жол» атты Қазақстан халқына Жолдауын, сондай-ақ оны іске асыру барысын түсіндіру туралы» Астана қаласының әкімі Әділбек Жақсыбековтің интернет-конференциясы өтеді.

Астана халқы жыл санап көбейіп келеді. Дәл қазір Астана қаласы халқының саны 867 790 адамды құрайды. Соның ішінде «Алматы» ауданы бойынша – 381 470 (44%), «Есіл» ауданы бойынша – 134 472 (15,5%), «Сарыарқа» ауданы бойынша – 351 848 (40,5%) адам.