Таныс болыңыздар: Marco

Marco — Маралбек Сағынғанов. 17.03.1983ж. Журналист. Ақтөбе облысы, Ырғыз ауданында туған.

— КерекИнфоға қалай келдің?
— Осындағы көп жұрт секілді, баяғы «Мәссаған», «Солай де» арқылы келдім. Дегенмен, соңғы бір жылдың төңірегінде, қол үзіп қалып ем, Астанаға көшкенім жақсы болды, қазір күніге бір уақ, столдың астында кісінеп жатам.))) Бірақ, бұрынғы сайттардың тұрақты оқырманы болсам да, тіркелгенім тек осы «керек» болды. Шынымды айтсам, мұнда тіркелу үшін «Кешіріңіздер мен журналист едім» деп, анонимді алкоголиктер сияқты мүләйімсу керек шығар деп ойладым.)))
Әрі қарай

Таныс болыңыздар: madlen

madlen — Маржан Тулеева — 1987 ж. 18 сәуірде ОҚО дүниеге келген. Қазығұрт ауданында мектепті бітіріп, Алматыдағы Абылай хан атындағы Халықаралық Қатынастар және Әлем тілдері Университетіне түседі. Оны 2008 ж. аяқтайды. Қазір «Глобал Эйр — Американ Экспресс» авиатурагентсвосында ивэнт-менеджер болып қызмет жасайды.

— КерекИнфоға қалай келдің?
— Нақты есімде жоқ. Тіркелген күнім 09 ақпан 2011, 12:37 деп тұр. Дегенмен, көпшілік юзерлар сияқты Блогкэмптен соң келдім деп ойлаймын. Ал Блогкэмпке Салтанат (Балғырған) жетектеп алып келгені үшін оған үлкен рахмет айтамын.
Әрі қарай

МАҒАН НЕ ҰНАП, НЕ ҰНАМАЙДЫ...

ҰНАЙДЫ:
— Суда жүзу;
— Форель шаруашылығындағы түрлі балықтар;
— Қазіргі қазақ поэзиясынан Н.Бердалының әр түрлі тақырыптағы өлеңдері;
— М.Түсіпбаева оқитын Н.Бердаланың «Тағы бір күн»монологы";
— Редакцияға келетін оқырмандардың (өз қолдарымен жазылған) пошта арқылы жіберген түрлі тақырыптағы хаттары, оларға жауап қайтару;
— Коллективтің жиындары;
— Кеш ұйықтау, ұйқыдан күліп ояну;
— Сергек кездегі жұмыс, таңертең немесе түнде
— Тып-тыныш кезде жазылған мақала;
— Тап-таза ауа. Көрікті аула. Табиғаттың тылсым сырлары;
— Әдемі сурет көру немесе әсерлі шығарма оқу;
— Классикалық туындылар;
— М.Әуезовтің «Абай жолы» шығармасы, Ғ.Мүсіреповтің «Ұлпан» туындысы, Шекспирдің сонеттері, М.Гумеровтің «Құпия дәптер» шығармасы, Джонатан Свифттің «Путешествия Гулливера» атты кітабы;
— Кенеттен келген жақсы идеялар;
— Тосын сый;
— Күтпеген кездесу;
Әрі қарай

Таныс болыңыздар: estetika91

estetika91 — Назира Бурханова. 1991 жылы Алматы облысы, Ұйғыр ауданы, Сүмбе ауылында дүниеге келген. Қазір, Алматыдағы әл-Фараби атындағы қазақ ұлттық университетінің студенті, әрі «Гүлстан» журналының журналисті.

— КерекИнфоға қалай келдің?
— Керекке келуіме тікелей себепті болған жан өздеріңіз білетін ushkin . Былтыр жатақханада тұрғанмын. Қоғамдық жұмыстар бар сабағым бар дегендей бөлмеде көп бола бермейтінмін. Ал, Мика KazNU WiFi –ды пайданып, осы сайттардың қызығына кіріп отыратын түннің бір уағына дейін. Сосын, келіп бар эмоциясымен ондағы қозғалған мәселелерді бізге айтатын келіп майын тамызып тұрып)) Басында мен көп мән бере бермейтінмін. Содан бір күні Мика «Назко неге осы сен жазбайсың! Қолыңнан келеді ғой...» деген сияқтыларды айтып блог ашып берді. Басында түк түсінбейтін едім. Бәрінің миын ашытып сұрай беретінмін. Түсінбеген дүниемді сұраудан еш қысылмаймын негізі. Сөйтіп, жүріп көптеген сайттарға тіркелдік. Жазбаларға пікір жазылса, шапкамды аспанға атып қуанатынмын басында. Содан кейін, әрбір пікірге ойланып түнімен ұйықтай алмай шығатын да күндер өтті бастан. Несін айтасыз талай қызық нәрселер өтті… Сөйтіп жүргенде, бір күні керекинфоға топ ете қалдық. Ол кезде кездесу com, сосын davai.kz болып түрленіп тұрды… Ал, қазір біраз төселіп қалдық… Осы постты пайдаланып рахметімді айтамын! Мика сіз бен біз бөлек тұрсақ та жанымыз әрқашан егіз! Мен сізбен біргемін)
Әрі қарай

Таныс болыңыздар: TERISKEY

TERISKEY — Нарымбетов Мейірбек — 1989 жылдың 28-сәуірінде Оңтүстік Қазақстан облысы, Созақ ауданы, Шолаққорған ауылында дүниеге келген. әл-Фараби атындағы ҚазҰУ түлегі.

— КерекИнфоға қалай келдің?
— Ең алғаш интернеттен керекті ақпарат іздеп жүріп, кездесуден бір-ақ шықтым, алғашында онша түсініңкіремедім, содан бір күні тіркелдім. Келе-келе үйрене де бастадым. Кейінірек кездесуде жүргенде админнің дабай.кз атты еркін блог жүйесін ашқанын оқып, осында келдім. Айтпақшы, блог әлемінен аз да болса мені хабардар етіп, біршама нәрсе үйреткен Мейіргүлге (Ұшқын) алғысымды айтқым келеді.
Әрі қарай

Таныс болыңыздар: dark_nazgul

КерекИнфоның жаңа форматының ашылғанына 1 жыл толады 1 айдан кейін. Осы ай ішінде КерекИнфоның белсенді мүшелерімен жақын таныс болу мақсатында жаңа эстафета бастап отырмын. Қолданушы туралы қысқаша ақпараттан кейін стандарт сұрақтарымды қоямын. Сосын басқа қолданушылар өз сұрақтарын қоюларына болады. Сонымен алғашқы қонағымыз dark_nazgul

Қожабекова Назгүл. 1982, Алматы қаласында туған. ҚазҰУ филология факультетінің магистратурасын тәмамдаған. Қазір «Интерньюс Қазақстанда» штаттан тыс редактор болып істейді.

— КерекИнфоға қалай келдің?
— Керекинфо туралы наурыз айында, Блогқұрылтай қарсаңында білдім. Сол кезде құрылтай барысында сюжеттер сериясын әзірлеуге дайындалып, материал жинап жүргенде тіркелдім. Бастапқы кезде көп кірмейтін едім, жазба мүлде жазбайтынмын. Қазір жиі кіремін. Біраздан бері жаза бастадым. Бірақ, өзіме жеке блог ашуды қажет деп санамаймын. Жазбаларымды Керекинфода және «Матрицаның» сайтындағы блогта жариялап жүрмін.
Әрі қарай

Таныс болыңыздар: VKM

VKM — Мен, Жұмағұлова Малика, Шығыс Қазақстан облысы Катон-Қарағай ауданы Хайрузовка кентінде ,1991 жылдың 13 наурызында дүниеге келдім.5 жасымда жанұямыз Өскемен қаласына көшіп келді,1998-2007 жылы 38 мектеп-гимназиясында оқыдым.2007-2008 жылдары ҚХР Харбин қаласында қытай тілін оқып-үйрендім.Қазір Қазақстан Америка Университетінің (КАСУ) ақырғы курсында оқимын және «ЭйрАстана» компаниясында менеджер болып жұмыс істеймін.

— КерекИнфоға қалай келдің?
— Қытайда оқып жүргенде казнетке келдім. Мынандай кезекпен: Мәссаған-Жастар-Кездесу-Керекинфо)))
Кездесуде Гаста мен Аршат ағаға ренжіп кетіп қалғаным есіме түсті)))
Әрі қарай

Таныс болыңыздар: Dinara

Динара Талдыбаева — Dinara

6 қазан 1983 жылы Түркістан қаласында, көп балалы отбасыда туылған.
2000 жылы сол Түркістандағы ХҚТУ-не халықаралық қатынастар мамандығына оқуға түскен.
Қазіргі уақытта Түркияда Анкара қаласында магистратурада оқып жатыр, сол мамандық бойынша.

— КерекИнфоға қалай келдің?
— Қазіргі керекке Аршаттың шақыруымен келдім. Боямасыз қазақи жастардың ортасын тапқаныма қуаныштымын, келгендегі мақсатым да сол, замандастарым не ойлайды, оларды нендей мәселелер толғандырады екен деген ой еді :) Барлығы да сен тұр мен атайын деп тұрған тұлғалар екен, оларды біріктіріп отырған осындай орта болғанына қуанамын.
Әрі қарай

Таныс болыңыздар: serjan

serjan — Қасен Сержан Қасенұлы, 1982 жылы 18-маусым, ҚХР Үрімжі ауданы Еренқабырға тауының баурайындағы бір ауылда дүниеге келіпті. Мектепті сол ауылда бітіріп, Қазақстанға 2001 жылдың 15 қазанында аяқ басты. Әл-Фараби атындағы ҚазҰУ-нің биология факультетін бітірді. 2009 жылдың қыркүйек айынан Алматы облысы, Көксу ауданы, Қызылтоған ауылындағы мектепте мұғалім.

— КерекИнфоға қалай келдің?
— Жалпы Аршат туралы бұрыннан білетінмін оның «Өзімнің блогым» атты сайтын анда-санда қарап жүретінмін, Ал керекинфоға блогкамптың алдында давай болып тұрғанда блогкамп туралы толығырақ білу үшін күнде кіретін болдым.
Әрі қарай