Астанада «Біз мемлекеттік тілде қызмет көрсетеміз» акциясы басталды

• Hұр-Сұлтан жаңалықтары
• 24 қыркүйек 2015, 12:32

Барлық қызмет мемлекеттік тілде тиісті деңгейде көрсетілуі тиіс. Астанада 100-ден астам ерікті осы жағдайды қоғамдық орындар мен меКемелердің қызметкерлеріне түсіндіруге кірісті. «Біз мемлекеттік тілде қызмет көрсетеміз» акциясы әуежай, теміржол вокзалы, сапаржай, Қазпошта және қоғамдық көліктерді де қамтитын болады. Осылайша, мемлекеттік тілдің қолданыс аясын кеңейту көзделген. Акцияға белсенді қатысқан мекемелер салтанатты түрде марапатталмақ Нұрзила Қасқатаева, Тілдерді дамыту және үйлестіру жұмысы бөлімінің басшысы: — Халықта мынадай түсінік пайда болуы мүмкін Мемлекеттік тіл бір күндік қана ма деп, олай деп түснбеу керек. Қазір қай жерге барсаңыз да, ресми тіл қоса қолданылып жүреді. Біз осы бір күн арқылы қалған күнде де мемлекеттік тілді қолдануға шақыру.

сілтеме

Әрі қарай

Елордада Құрбан айт намазы оқылды

• Hұр-Сұлтан жаңалықтары
• 24 қыркүйек 2015, 12:24

Астана мешіттерінде таңғы сағат 07:45-те Құрбан айт намазы оқылды. Таңмен таласа тұрған тұрғындар ұлық мерекеде мешітке ағылды. Дұға оқып, тілек тілеуге жиылған кісі қарасы көп. Хадистерде жылдың ең қадірлі күні Құрбан айттың алғашқы күні екендігі айтылған. Намаздан кейін құрбандық шалуға рұқсат етілді. Дін өкілдері шаһарда арнайы мал соятын орындарды әзірлеген. Қазақстан мұсылмандар діни басқармасы 2018 жылға дейін «Дін мен дәстүр» жылын жариялаған. Осыған орай діни мерекелер кезінде мешіттер алдында киіз үйлер тігіліп, ұлттық ойындар ұйымдастырылады.

сілтеме

Әрі қарай

Діншіл жастар мәселесі талқыланды

• Hұр-Сұлтан жаңалықтары
• 23 қыркүйек 2015, 23:49

Кеше «Іскер» бизнес орталығының мәжіліс залында «Конфессиялық келісім мен бейбітшілікті сақтаудағы жастардың рөлі» тақырыбында өткен жиында діншіл жастар мәселесі талқыланды.

Астана қаласының жастар саясаты мәселесі басқармасы мен «Рухани қоғам әлемі» қоғамдық қоры ұйымдастырған шараға дінтанушы ғалымдар, сарапшылар және студент жастар қатысты.
Кездесу барысында алқалы топ түрлі ұлттар өмір сүріп отырған елімізде бейбітшілік пен келісімді сақтаудағы жастардың рөлі, қоғамда белең алған діни ағымдардың теріс ықпалы туралы пікір алмасып, ой бөлісті.

– Дін – саясаттың маңызды бөлігі. Қоғамда қозғаушы күшке ие жастардың саналары қазір өзге дін ағымдарының сенімдерімен шырмалған. Жаһанда діннің атын жамылып, бүлік шығарып жүргендер исламофобия көзқарасының қалыптасуына ықпал етті. Тәуелсіз елдің тыныштығын сақтау үшін діншіл жастарды да ұдайы қадағалауымыз керек, — деді «Дін және жастар» тақырыбында баяндама жасаған Л.Гумилев атындағы ЕҰУ Дінтану кафедрасының профессоры Досай Кенжетаев.

Басқосуда сөз алған Дін проблемаларын зерттеу орталығының деструктивті діни ағымдардан зардап шеккендерге психологиялық көмек көрсету бөлімі басшысы Лимана Қойшиева оқу орындарын аралап, дәрістер өткізіп, жастардан сауалнама алғанда олардың қойған сұрақтарынан-ақ саналары уланғанын байқауқа болатынын айтты. Оның мәлімдеуінше, теріс ағымның жетегінде кететіндер – 14 және 25 жас аралығындағы жастар.

Әрі қарай

Үздік шахматшы қариялар анықталды

• Hұр-Сұлтан жаңалықтары
• 23 қыркүйек 2015, 23:47

Сарыарқа ауданы ардагерлер кеңесінің ұйымдастыруымен Қарттар күні қарсаңында қариялар арасында шахматтан жарыс өткізілді. Сайысқа аудандық Ардагерлер кеңесінің төрағасы Әбенғаппас Ахметов, мәслихат депутаттары мен «Астанаводсервис» ЖШС өкілдері қатысты.

Ойын кезінде дүниежүзілік шахмат федерациясының ережелері мен талаптары қатаң сақталып, жүзден жүйріктер алға шықты. Сайыс қорытындысы бойынша бірінші орынды Қайырбек Сейітқұл мен Ілияс Қалин иеленіп, екінші орын Тұрсын Қадырбековке тиесілі болды. Ал, үшінші орынды Мекентай Бегенбаев пен Мажит Бекжанов бөліп алды.

Жеңімпаздарға марапаттау қағаздары мен ақшалай жүлделер табысталып, қалған қатысушыларға алғыс хаттар мен ынталандыру сыйлықтары берілді.

Әрі қарай

Аналар үйі жетімдерді жерде қалдырмайды

• Hұр-Сұлтан жаңалықтары
• 23 қыркүйек 2015, 23:45

Еліміздегі тастанды балалардың санын азайту мақсатында екі жыл бұрын «Ана үйі» атты жаңа жоба жұмысын бастаған еді.

Бүгінде осы бастаманың арқасында елімізде 1007 бала жетімдіктің азабынан құтылып отыр. Бұл жайында жобаның негізін қалаушылардың бірі, BI Group компаниясының жетекшісі Айдын Рахымбаев Астанада өткен баспасөз мәслихатында мәлім етті. Айтулы жоба жүзеге асырылғалы республика аумағындағы 6 сәбилер үйі жабылды. Алдағы уақытта жетім балаларды қамқорлыққа алатын тағы да 2-3 аналар үйін ашу жоспарда бар.

Әрі қарай

Құқық бұзушылыққа қарсы акция өтеді

• Hұр-Сұлтан жаңалықтары
• 23 қыркүйек 2015, 23:44

Астанада 28-30 қыркүйек аралығында «Тәртіпсіздік пен құқық бұзушылықтарға мүлдем төзбеушілік» атты кең ауқымды акциясы өтеді.

Қоғамда ұсақ құқық бұзушылықтарға мүлдем төзбеушілік қағидатын қалыптастыру бойынша шаралар үнемі жүргізіледі. Жыл басынан бастап 80 мыңнан аса әкімшілік құқықбұзушылықтар анықталды. Оның ішінде ұсақ бұзақылықтың – 3,4 мың, тыныштықты бұзудың – 7 мың, алкогольді ішімдіктерді ішу және қоғамдық орында мас күйінде болудың – 16,2 мың, белгіленбеген орындарда темекі шегудің – 12 мың, тазалық тәртібін бұзудың – 14,8 мың және бегіленбеген орындарда саудамен айналысу 3,5 мың фактісі тіркелді.

Әрі қарай

Құлагер ескерткіші күрделі жөндеуден өтті

• Hұр-Сұлтан жаңалықтары
• 23 қыркүйек 2015, 23:42

Астанадан Бурабайға шығатын жол бойында орналасқан Құлагер ескерткіші күрделі жөндеуден өткізілді. Бұл жұмысты «ҚазАвтоЖол» Ұлттық компаниясы» акционерлік қоғамының Ақылы автомобиль жолдары дирекциясы филиалы жүргізді.

Ескерткіш айналасына төселген плиталар жаңартылды. Әдемі темір қашалар мен жолаушылар демалатын орындықтар қойылды. Шыршалар мен гүлдер отырғызылды. Қазір Құлагердің маңайы құлпырып тұр. Абаттандыру жұмыстары әлі жалғасатын болады.

– Ұлы Даланың символына айналған Құлагер ескерткішін күрделі жөндеуден өткізуге өзіміз ниеттендік. Ескерткішке жолаушылар жиі аялдайды. Шетелдіктер де көп келетінін білеміз. Көпшілік қоғам қайраткері Сәдібек Түгелдің идеясымен бой көтерген осынау ескерткіштің жанында тұрып суретке түсуді ұнатады. Сондықтан, Құлагердің көрікті болғанын қалаймыз әрі оның күтімін өзіміз атқаратын боламыз, – деді мекеме директоры, ұлтжанды азамат Арман Жүсіпов.

Әрі қарай

«Тарих пен тіл тамырлас» мүшәйрасы қорытындыланды

• Hұр-Сұлтан жаңалықтары, 09-аймақ
• 23 қыркүйек 2015, 23:40

Астана қаласы Тілдерді дамыту басқармасы Қазақ хандығының 550 жылдығына орай ұйымдастырған «Тарих пен тіл тамырлас» атты жас ақындар мүшәйрасы мәресіне жетті. Жеңімпаздарды марапаттау рәсімі «Тілеп» қобыз сарайында өтті.

Атаулы шараға ҚР Парламентінің депутаттары, зиялы қауым өкілдері, белсенді жастар мен студенттер қатысты.
Қалалық Тілдерді дамыту басқармасының басшысы Тілеуғали Қышқашбаев бұрынғы Целиноград пен Ақмоланың, бүгінгі Астананың қазақылануына үлес қосқан бір топ адамға «Қазақ хандығына – 550 жыл» мерекелік медалін табыстады. Аталмыш медальмен марапатталғандардың арасында ұлағатты ұстаз, Еуразия гуманитарлық институтының ректоры Амангелді Құсайынов, осы өңірде басшылық қызметтерді атқарған саясаттанушы Зәуре Қадырова, мәдениеттанушы Отызбай Сүйіндіков, белгілі журналист, газетіміздің бұрынғы басшысы Жұмагүл Саухат, ақындар Серік Сейітман, Балғынбек Имашев және Қалқаман Сарин болды.

Мүшәйраға 50-ден аса үміткер қатысып, іріктелген 10 ақынның ішінен жеңімпаздар анықталды. Сонымен, 1-орын Л. Гумилев атындағы Еуразия ұлттық университетінің студенті Әлімжан Әлішерге бұұйырса, 2-орынды халықаралық «Шабыт» шығармашыл жастар фестивалінің дипломанты, Айжан Тәбараққызы иеленді. Ал, 3-орынның жүлдесін Қарағанды қаласындағы «Болашақ» университетінің студенті Абай Ораз бен С. Аманжолов атындағы Шығыс Қазақстан мемлекеттік университетінің студенті Дәулетберді Жекей бөлісті. Бұдан бөлек бес ақынға ынталандыру сыйлықтары табысталды.
Жас ақындардың барлығы Астана әкімі Әділбек Жақсыбековтің атынан дипломдармен және бағалы сыйлықтармен марапатталды.

Астанада автомобиль шиналарын өңдейтін зауыт жұмысы жанданды

• Hұр-Сұлтан жаңалықтары
• 22 қыркүйек 2015, 21:35

Kazakhstan Rubber Resycling мекемесі Қазақстанның инвестициялық қорының қолдауымен кәсібін қайта дөңгелетті. Өңделген қалдық қай жерлерде қолданылады? Қалдықтар қараусыз қалмайды.
Автомобильдің мынадай жарамсыз шиналары енді кәдеге аспақ. Астанада 2010 жылы ашылған бұл зауыт қаржы қолбайлау болып, жұмысы тоқтаған. Осы күзден бастап тұралаған кәсіпорын қызметі қайта жанданды. Қазақстанның даму банкі бұл кәсіпорынға 6,8 млн доллар бөліп, тынысын ашты. Қарыз қамытын киіп, тығырыққа тірелмеу үшін банк жайлы жағдай жасаған. Нәтижесінде 3 жыл бойы шаң басып тұрған аппараттарға жан бітіп, қан жүгіріп, қайта іске қосылды.
Аян Есжанов,«Қазақстанның инвестициялық қоры» АҚ инвестициялық жобалар департаментінің директоры:

— Бұл мекеменің несиені төлеуге мүмкіндігі болмады. Қазақстанның инвестициялық қоры өз қол ұшын берді. Бұл жоба Астананың экологиялық жағдайын жақсартуға үлкен үлесін қосады деген сенімдеміз.

Ат шаптырым аумақтың 9 мың шаршы метр алаңын алып тұрған мекеме жылына 30 мың тонна шина өңдеуге қауқарлы. Әзірге зауыт жұмысына 30 адам тартылған.
Ермек Абдиев Kazakhstan Rubber Resycling зауытының директоры:

— Наурыздан бастап сынақ жұмыстарын жүргізгенбіз. Елорда төңірегінен жиналған мың тоннадай шинаны өңдедік. Қазір зауыт толықтай өз қызметіне кірісті. Бұл жобаның құны 10 млн доллардан асады.

Қалдық ұнтағынан балалар мен спорт алаңына төсеніштер әзірленеді. Бастысы – бала өміріне қауіпсіз. Аңсат Исатай зауытпен келісім-шарт жасасқан кәсіпкерлердің бірі. Алдағы уақытта 3D ойыншықтарды шығаруды жоспарлауда.
Аңсат Исатай кәсіпкер:

— Қазір неше түрлі гипстен жасалған ойыншықтар қойылып жатыр. Бірақ, олардың бәрі қауіпсіз емес балаларға. Әзірше бұндай жоба жоқ, Құдай қаласа келесі жылдан бастап, біз анық осыны бастаймыз деп жоспарлап отырмыз.

Астанада жылына 480 мыңдай жарамыз шина қоқысқа тасталады. Қалдықты қараусыз қалдыру экологияға кесірін тигізері анық. Сондықтан зауыт қала тұрғындарын жарамсыз шинаны мекемелеріне өткізіп, шаһар тазалығына өз үлесін қосуға үндеп отыр.

сілтеме

Әрі қарай

Биыл 1 500 м артық магистральды жылу желісі жөнделді

• Hұр-Сұлтан жаңалықтары
• 22 қыркүйек 2015, 18:29

Елорданың энергия көздерінен жылу энергиясын сенімді және тоқтаусыз беру мақсатында Астана қаласының Энергетика басқармасы жылу магистральдарын қайта жаңарту және салу бойынша жобаларды іске асыруда. 2015 жылы 2 060 м құбыр (соның ішінде: ЖМ-5, ЖМ-18, ЖМ-50, ЖМ-36) тартылды.

Астанада жылумен жабдықтау объектілерінің құрылысы аясында «ЖМ-20 жылу магистралін қалпына келтіру» жобасы бойынша жалпы ұзындығы 3 784 м құрайтын жұмыстар жүргізілуде, соның ішінде 2 710 м төселді. Аталған жылу магистралі А. Жұбанов көшесінен Ғабдуллин көшесіне дейін Ж.Омаров көшесінің бойымен өтеді. Сондықтан 2015 жылғы 22-30 қыркүйек аралығында Ш. Уәлиханов және Ж. Омаров көшелерінің қиылысында көлік қозғалысы жабылады.

Астана қаласы Энергетика басқармасының хабарлауынша, бүгінде елордада қалалық шаруашылықты жылыту маусымына дайындау бойынша жұмыстар қолға алынды. Жыл басынан бері жөндеу бағдарламасы аясында 551 м таратушы және 1 549 м магистральды жылу желісіне күрделі жөндеу, ұзындығы 10,9 км таратушы желіге ағымдық жөндеу жүргізілді. 50 жылу магистралі гидравликалық сынақтан өткізілді.

«Астана-РЭК» АҚ бекітілген кестеге сәйкес жылыту маусымына дайындық бойынша іс-шараларды жүргізуде. Жыл басынан бері жөндеу бағдарламасы аясында 52 трансформаторлық және таратушы пунктері және 34,6 км ауа желісі ауыстырылды. Ағымдық жөндеу жұмыстары бойынша қосалқы станция жабдықтары ауыстырылды.

2015-2016 жылғы жылыту маусымына дайындық бойынша барлық шаралар бекітілген жоспар бойынша жүргізілуде.

astana.gov.kz

Әрі қарай