Орташа Есеппен Жаңа Астаналық
— Астанаға алғаш келген кезінде тұрақты баспанасы болмайды.
— Бала-шаға бірнеше айдан кейін келіп, қосылады.
— Өз жерлестерін тез тауып алады.
— Өз жағынан келетін пойыздардың кестесін жақсы біледі.
— Қаланы жақсы білмейді, карта қолданады.
— Таксиге төмен баға айтып қинайды, кейін 500 теңге жақсы баға екенін мойындап жүреді.
— Астанаға келген туыстары оған келеді.
— Ол жақсы гид. Әдетте Бәйтеректен басталған тур Артем базарымен аяқталады.
— Бәйтерекке бірнеше рет мініп көреді. Океанариумға «турист» апарады, бірақ өзі кірмейді.
— Ханшатырда пляж бар екенін айтады қонақтарына, бірақ өзі кіріп көрген жоқ.
— Өзінің келген жағын мақтайды «күшті ғо, рахат қо» сияқты сөздермен, бірақ қайтып оралғысы келмейді.
— Ол Шанхай базарының қайда екенін біледі.
— «Астана пәлендей қымбат емес» деген сөздерді жиі айтады.
— Оған жұмыс қарап қоюды сұрайтындар көп.
— Оның әдетте 2-ші баласы Астанада дүниеге келеді. Қонақтарына «бұл бала таза астаналық, хехе» деп әзіл айтып қояды.
— Ол қонаққа барғанда лифтімен көтеріп алу, түсіріп алу дегендердің не екенін біледі.
— Оның көп уақыты бола бермейді.
Көшеде спам таратушылардың да пайдалы спамдары болады екен. Кеше әйелімнің қолына берілген спамдардың бірінде Үндістан тауарларының көрмесі туралы ақпарат жазылған екен. Барып қайттық. Неше түрлі үнді тауарларының жәрмеңкесі болып жатыр екен. Үй жиһаздарынан бастап, әшекей, киім кешекке дейін неше түрлі заттар бар. Киімдер, маталар кинодағыдай түрлі-түсті, неше түрлі. Өзіме футболка қарап едім, таба алмадым. Әйелдерге арналған заттар ма деймін. Егер үнді мәдениеті ұнайтын болса барып қайтыңдар, біреулерге сыйлық алуға да көп вариант бар.
