Бұл туралы меморандумды елорда әкімдігі пен Астананың паралимпиадалық жаттықтыру орталығының «Каспий» спортты дамыту қоры бекітті, деп хабарлайды қалалық әкімдіктің ресми сайты.

Паралимпиадалық жаттықтыру орталығы елордада өз жұмысын осы жылы бастады. Ал 2019 жылдың 1 қаңтарынан бастап ол тек паралимпия спортшылары үшін ғана емес, дене шынықтырумен, спортпен айналысқысы келетін барлық мүмкіндігі шектеулі адамдар үшін де ашық болады.

Тиісті меморандумға мемлекет-жекеменшік әріптестік аясында «Каспий» спортты дамыту қоры» қоғамдық қорының президенті Қазбек Қапанов пен Астананың қалалық ортаны регенерациялау басқармасының басшысы Ғали Исқалиев қол қойды.

«Астана әкімдігінің қолдауының арқасында бұл орталықтың 2019 жылдың 1 қаңтарында «Мүмкіндігі шектеулі азаматтар үшін паралимпиадалық жаттықтыру орталығы мен «Тарлан» мұз аренасының қызметін ұйымдастыру» жобасының шеңберінде қаланың барлық мүгедек жандарын қарсы алуға бүгін толықтай дайын екендігін ауыз толтырып айта аламыз», — деді ҚР Ұлттық паралимпия комитетінің атқарушы директоры Ерлан Сүлейменов.

«Анықтама үшін: Астанада 24 мыңға жуық мүгедек адам бар. Олардың жартысына жуығы – 1, 2 топтағы мүгедектер. Соның ішінде тек 300-ге жуық мүгедектігі бар спортшы «Жігер» орталығында жаттығады.

Бұл, әрине өте аз. Дегенмен бұдан былай аталмыш көрсеткіш арта түспек. 2019 жылдан бастап қаладағы барлық мүгедектер тәжірибелі және оқытылған жаттықтырушылардың жетекшілігімен спорттың оннан астам түрімен айналыса алатын болады», — деді ол.

Жүргізілген зерттеулерге сәйкес, жоба ұйымдастырушылары спорттық жаттығулардың астаналық мүмкіндігі шектеулі тұрғындардың жартысынан көбінің арасында сұранысқа ие болады деп күтеді. Паралимпиадалық жаттықтыру орталығының күніне 780 адамды қабылдайтын қауқары бар.

«Тарлан» мұз аренасы мүмкіндігі шектеулі адамдар үшін келесі жылдың шілдесіне қарай бейімдендіріледі деп жоспарланып отыр.

Елбасы кітапханасының музейі ғимаратында Қазақстан Республикасының Тәуелсіздік күніне орай «Әлем халықтарының музыка аспаптары», «Қазақстанның спорттық даңқы» атты тұрақты тың экспозициялардың ашылу салтанаты өтті, деп хабарлайды Астана қаласы әкімдігінің ресми сайты.

Музыка аспаптарының жинағы Елбасы Н. Ә. Назарбаевқа шет мемлекет пен үкімет басшыларының, халықаралық ұйымдар мен қорлардың, шетелдік делегациялардың, ел тұрғындарының тарту еткен сыйлықтарынан тұрады. Музей жинағындағы музыка аспаптарының коллекциясына қарапайым аспаптардан бастап, құрылымы мен музыкалық орындау мүмкіндіктері бойынша аса күрделі құралдар да кіреді. Олардың арасында үрмелі, шертпелі, ысқылы, ұрмалы және механикалық сынды музыка аспаптардың барлық түрлері кездеседі.

Олардың арасында дан бау – бір пернелі цитра — вьетнам ұлттық музыкалық аспабы (Вьетнам Социалистік Республикасының Президенті Чыонг Тан Шангтың сыйы), 1940-1950 жылдардағы «Граммофон» артели өндірісінің патефоны және Күләш Байсейітованың, Федор Шаляпин, Петр Чайковскийдің орындауындағы орыс романстарының 1940-1960 жылдардағы сирек пластинка коллекциясы бар. Сирек құнды сый арасында — сондай-ақ, қолдан жасалған шарманка бар.

Экспозицияға жалпы есеппен 35 жәдігер қойылған.

«Қазақстанның спорттық даңқы» экспозициясында Мемлекет басшысына отандық, шетелдік спортшылардың тарту еткен сыйлықтары, Елбасының жеке архивіндегі құжаттар, ҚР Ұлттық олимпиада комитеті ұсынған материалдар мен спортшылардың жеке заттары ұсынылған. Жәдігерлердің қатарынан келушілер В.Жиров пен М.Мәзімбаевтың белбеуін, А.Винокуровтың велосипеді мен киімін, саяхатшы-байкер Д.И.Петрухиннің сыйлықтарын көре алады.

Тыңдаушылар интернет-маркетинг, бағдарламалау және дизайн сияқты ІТ саласының үш бағыты бойынша білім алады, деп хабарлайды Астана қаласы әкімдігінің ресми сайты.

Тәуелсіздік күні қарсаңында «Интернет-технология» инновациялық мектебінің негізін салушы Әмір Сүлейменов мүгедектерді IT саласының 3 бағыты бойынша тегін оқытатынын хабарлады.

Оқу қашықтықтан жүргізіледі, сондықтан курсқа Қазақстанның кез келген өңірінің азаматы өтініш бере алады. Қазіргі таңда мектепке 50 адам жазылған. Мүмкіндігі шектеулі жандарды үш негізгі бағыт бойынша оқытады: интернет-маркетинг, бағдарламалау және дизайн.

«Қазір сұранысқа ие мамандықтарға СММ-менеджмент, сайт жасау, интернет-магазин, андройд-қосымшалар әзірлеу, веб-дизайн жатады. Кезінде мен де халықаралық олимпиадаға барар жолда көлік апатына ұшырап қалдым. Арбаға таңылған соң, мен қиындықтарға соқтықтым. Біздің білім беретін орындарда лифтілер, пандустар жоқ. Менің алдымда осылай жатып қалу, не тіршілік жасау таңдауы тұрды. Мен программист мамандығын таңдадым. Себебі ол әлемнің кез келген нүктесінен қашықтан жұмыс істеуге мүмкіндік береді», — дейді Ә.Сүлейменов.

Бүгін «Интернет-технология» мектебінен Астана, Қарағанды, Петропавл қаларынан мүмкіндігі шектеулі 40 жуық адам оқудан өткен.

Әмір Сүлейменов адамдарды оқытуды оңалту орталықтарынан бастаған, онда білімі жоғары, тәжірибесі бар адамдар тек зейнетақымен жүргенін көрген. Қазіргі күнде Әмірдің курсынан өткен көптеген адам өз ісін бастаған немесе ірі корпорацияларда жұмыс істейді.

«Курстан өткендердің 80 % жұмысқа тұрды. Біз оларды СММ менеджментке оқыттық: әлеуметтік желілерде мақсатты аудиторияны қалай табуға және инстаграмда тауарды және қызмет көрсетуді қалай көрсету керектігін үйреттік» — дейді ол.

Мүмкіндігі шектеулі адамдарды тегін оқыту туралы толық ақпаратты isit.kz сайтынан біле аласыз.

Жаңа жыл мерекесі қарсаңында Астана қаласы полициясы қала тұрғындарын пиротехникаларды қолдан, автокөліктен немесе белгіленбеген орындардан алмауға шақырады, деп хабарлайды елорда әкімдігінің ресми сайты.

Полиция пиротехникалық бұйымдарды тиісті рұқсатсыз сату Қазақстан Республикасының заңнамасымен тыйым салынғанын ескертеді.

«Пиротехникаларды қолдан, автокөліктен немесе белгіленбеген орындардан алушы болмаңыздар. Полиция пиротехникалық бұйымдарды тиісті рұқсатсыз сату Қазақстан Республикасының заңнамасымен тыйым салынғанын ескертеді. Айналаңыздағы адамдардың қауіпсіздігі сіздерге байланысты екендігін есіңізде сақтаңыз», — делінген ПД-нің хабарламасында.

Астана қаласының Полиция департаментінің «Шұғыл желі» телефондары: 8(7172)-71-61-70; 71-63-66, «Алматы» ауданы 71-67-37; «Сарыарқа» ауданы 71-66-46; «Есіл» ауданы 71-65-61; «Байқоңыр» ауданы — 32-26-14 немесе 102.

Синоптиктердің болжауынша ертең елордада боран соғады, деп хабарлайды Астана әкімдігінің ресми сайты «Қазгидрметке» сілтеме жасап.

«19 желтоқсанда жаяу бұрқасын жүріп, солтүстік-батыс, батыстан соғатын желдің екпіні таңертең және күндіз 15-20 м/с жетеді. Дауылдың ықтималдығы 95-100 % құрайды», — делінген хабарламада. Ал Ақмола облысының кей жерлерінде 19 желтоқсанда тұман түсіп, боран соғады деп күтілуде. Солтүстік-батыс, батыстан соғатын желдің күші15-20 м/с жететін болады.

Елорда әкімдігі ресми сайтының тілшісі Астанадағы жаңажылдық ертеңгілік қойылымдардың қайда өтетінін анықтады. Аяз Атаның резиденциясы:

19-30 желтоқсан аралығында сағат 11:00-ден 20:00-ге дейін. «Аяз атаның қонақ бөлмесі» және «Жаңажылдық шырша маңындағы интерактив» шарасы – 22,23,29,30 желтоқсанда демалыс күндері 12:00-ден 18:00-ге дейін.

Елорда тұрғындары мен қонақтары амфитеатр алаңында 19 желтоқсанда ашылатын Аяз Ата резиденциясына хат жолдау, оны қарсы алу, жасыл шырша жанында көңіл көтеру сынды шараларға қатыса алады.

Кіру: «Аяз Ата поштасы» – 1000 теңге;

«Аяз атаның қонақ бөлмесі» — бір адамға 1500 теңге; 4-7 адамнан тұратын жанұя үшін 5000 теңге;

«Жаңа жылдық шырша маңындағы интерактив» – 2000 теңге;

Орналасқан жері: Атырау көпірінің жанындағы амфитеатр.

Анықтама телефоны: +7 (717) 232 67 81.

«Ғарыштық әбігер» жаңажылдық қойылымы

10-30 желтоқсанда сағат 11:00-де, 13:30-да.

Жаңа форматтағы шоуды Rixos қонақ үйіндегі жаңажылдық таңертеңгілік ұсынады.
Жер планетасына қауіп төніп тұр. Жауыз әрі қу Дарт Вейдер өз көмекшілерімен Аяз атаның асатаяғын қолды қылып, белгісіз ғаламшарға ұшып кетіпті. Енді Жаңа жыл келмеуі мүмкін.

Қаһармандар Аяз атаның асатаяғын табу мақсатында түрлі ғаламшарларға қызықты әрі шытырман саяхат жасайды.

«Ғарыштық әбігер» – интерактивті ертегi! Супер қаһармандардың өздері де көмекке мұқтаж, сондықтан ертегі соңы балалардың белсенділігіне байланысты.

Кіру: 10 000 теңге (бір ересек + бір бала). Билет құнына жаңажылдық қойылым мен әр балаға арналған тәтті сыйлық кіреді.

Орналасқан жері: Rixos President Астана қаласы, Қонаев көшесі, 7.

Анықтама телефоны: +7 702 553 33 71.

Vienna New Year’s Ball:

18 желтоқсанда 18:00-ден 23:00-ге дейін.

Астанада Жаңа жыл қарсаңында алғаш рет балалар мен жасөспірімдерге арналған Вена балы өтеді. Кештің қонақтарын қызықты шоу-бағдарлама, банкет үстелдері, жұлдыздардың өнер көрсетуі, Аяз ата мен ақшақар, сыйлықтар мен әзілдер, мерекелік отшашу күтуде.

Кіру: ересектерге – 22 000 теңге, балаларға – 15 000 теңге, балалар мен ересектерге – 35 000 теңге.

Орналасқан жері: Wyndham Garden Астана, Рысқұлов, 6/1.

Анықтама телефоны: +7 747 493 53 33.

«Рождество тарихы» қуыршақтар театры:

26-27 желтоқсанда сағат 19:00-де

Қуыршақтар театры балалар мен олардың ата-аналарын сиқырлы қойылымға қатысуға шақырады. Кеш қонақтары Чарльз Диккенстің «Рождество тарихы» туындысына негізделген «Рождестволық жыр» қойылымын тамашалайды.

Сондай-ақ, жас қонақтарды Аяз Ата мен Ақшақардың қатысуымен өтетін жаңажылдық би кеші күтеді.

Кіру: 1500 теңгеден бастап. Өтетін орны: Астана қаласы қуыршақтар театры, Республика даңғылы, 3.

Анықтама телефоны: +7 (7172) 22 26 46.

Балалардға арналған жаңажылдық таңертегіліктегі зумбадан шеберлік сағаты:

23 желтоқсанда сағат 13:00-де.

Ерекше жаңажылдық таңертеңгілікте балалар тек таңғажайып және фантастикалық кейіпкерлермен ғана емес, ең үздік хореографтармен зумба билей алады. Сондай-ақ, қонақтар үшін швед үстелі, кәсіби жаңажылдық фотосессия, трансформерлердің қойылымы, тірі қуыршақтар, сүйікті мультфильм кейіпкерлерімен, ертегілерімен кездесу, Аяз Ата мен Ақшақардың құттықтауы және тағы басқа шаралар ұйымдастырылады. Әр балаға эксклюзивті сыйлық дайындалады.

Кіру: 1000 теңгеден бастап.

Орны: «Tarantino», «Москва» БО, Достық, 18

18 желтоқсанда сағат 18:30-да ЭКСПО-2017 көрме аумағында Астананың бас шыршасының шамдарын жағу рәсімі өтеді, деп хабарлайды елорда әкімдігінің ресми сайты.

Мерекелік шара танымал әртістердің қатысуымен өтетін концерттік бағдарламаға ұласады. ЭКСПО көрмесінің аумағында кішкентай көрермендердің көңілін аниматорлар мен алып қуыршақтар көтеретін болады.

Ойын-сауық бағдарламасын астаналықтар мен қала қонақтары сағат 18:30-дан бастап тамашалай алады. Шыршаның шамдарын жағу рәсімі сағат 19:00-ге белгіленіп отыр.

Бұдан бөлек, елорда тұрғындары мерекелік от шашудың куәгері бола алады. Бас шыршаның шамдарын жағу арқылы қысқы және отбасылық демалысқа арналған көптеген қызмет көрсететін ойын-сауық түрлерінің бірыңғай интерактивті #AstanaWinterland алаңы іске қосылады.

Астана әкімдігінің ресми сайты 18-23 желтоқсан аралығында қаладағы мәдениет және спорт мекемелерінде өтетін апталық шаралар жоспарын ұсынады.

Тәуелсіздік сарайы

17-31 желтоқсанда сағат 10:00-ден – «Ақанаевтар әулеті» жеке көркем көрмесі

17-31 желтоқсанда сағат 10:00-ден – «Әуедегі қозғалыс» қазіргі заман өнер көрмесі

17-20 желтоқсанда сағат 10:00-ден – №52 орта мектеп ұстазы Ж. Қайраттың «Түс әлемі» жеке көрмесі

17 – 29 желтоқсанда сағат 10:00-ден – Рүстем Беркімбаевтың «Үміт жолы»

жеке көркем суреткөрмесі

17-31 желтоқсанда сағат 10:00-ден – «Еркіндіктің дастаны — Астана» суреткөрмесі

17-31 желтоқсанда сағат 10:00-ден – «Хроники Независимого Казахстана» суреткөрмесі

17-31 желтоқсанда сағат 10:00-ден – «Менің елім – Мәңгілік ел» атты Астана қаласы Суретшілер одағы жастар бірлестігінің көрмесі

Қуыршақтар театры

17, 23 желтоқсанда сағат 12:00-де және 14:00-де – А. Салаева «Жаңа жыл түніндегі Жезтырнақтың әлегі», шырша маңындағы мерекелік ойын және Аяз атадан жаңажылдық ертегі.

«Жастар» сарайы

18 желтоқсанда сағат 9:00-де – «Премия MUZ KZ» көпжанрлы балалар байқауы

22 желтоқсанда сағат 10:00-де,13:00-де және 15:30-да, 23 желтоқсанда сағат 10:00-де, 13:00-де – «Карнавал чудес!» жаңажылдық ертеңгіліктер.

Қалалық алаң, «Хан Шатыр» ОСО аумағы, Ботаникалық бақ

18 желтоқсаннан ақпанға дейін сағат 13:00-20:00 аралығында – «Astana Winter Land» фестивалі аясындағы қысқы шаралар.

«Барыс Арена» КМС

18 желтоқсанда сағат 17:00-де – «Барыс» ХК – «Северсталь» ХК командалар арасындағы 2018-2019 маусымның ҚХЛ чемпионаты

20 желтоқсанда сағат 20:00-де – «Барыс» ХК – «Локомотив» ХК командалар арасындағы 2018-2019 маусымның ҚХЛ чемпионаты.

Қ. Қуанышбаев атындағы Мемлекеттік академиялық қазақ музыкалық драма театры

18-19 желтоқсанда сағат 18:30-да – «Жан» моноспектаклі.

20 желтоқсанда сағат 18:30-да – А. Айдаровтың «Сүрінген сүрбойдақ» комедиясы.

21 желтоқсанда сағат 18:30-да – С. Тұрғынбекұлының «Шәмші» элегиясы

Бейбітшілік және Келісім сарайы

18, 20-23 желтоқсанда сағат 19:00-де – Аңызға айналған француз-канадалық «Notre Dame de Paris» мюзиклі

«ЭКСПО» көрме кешенінің аумағы

18 желтоқсанда сағат 19:00-де – Бас шыршаның шамдарын жағу рәсімі

«Астана» концерт залы

18 желтоқсанда сағат 19:00-де – Астана қаласы Мемлекеттік академиялық филармониясы қазақ оркестрінің, симфониялық оркестрлері және камералық хордың «Тәуелсіздік толғауы – елім менің» концерті.

23 желтоқсанда сағат 17:00-де – Астана қаласы Мемлекеттік академиялық филармониясындағы шығармашылық ұжымдарының қатысуымен «Жаңа жылға жаңа ән» жаңажылдық концерті.

«Қазақстан» ОКЗ

18 желтоқсанда сағат 19:00-де – «Асыл мұра» концерті.

Астаналық цирк

20 желтоқсаннан 7 қаңтарға дейін сағат 16:00-де (сб, жб) – «Бақыт құсы» жаңажылдық цирк бағдарламасы.

Амфитеатр (Есіл өзені жағалауы)

19 желтоқсанда сағат 11:00-де – Аяз ата резиденциясының салтанатты ашылуы.

19-30 желтоқсанда сағат 11:00-ден – Аяз атаның поштасы.

19-30 желтоқсанда сағат 11:00-ден – «Қысқы дала ойындары» сырғанақта шана тебу.

21, 28 желтоқсанда сағат 17:00-ден, 22,23,29,30 желтоқсанда сағат 12:00-ден – «Аяз атаның қонақ бөлмесі» көрмесі

22,23,29,30 желтоқсанда сағат 12:00-де, 14:00-де, 16:00-де – Жаңажылдық шырша айналасында балаларға арналған қысқы ойындар.

«Астана Опера» МОБТ (камералық зал)

19 желтоқсанда сағат 19:00-де – «И в каждой ноте вдохновенье» концерті.

21 желтоқсанда сағат 19:00- де – Дж. Пуччинидің «Турандот» операсы.

22 желтоқсанда сағат 17:00-де – «Музыкальный дивертисмент» концерті

«Astana Ballet» театры

22-23 желтоқсанда сағат 18:00-де – П. Чайковскийдің «Щелкунчик» балеті

«Алау» мұзайдыны сарайы

19-21 желтоқсанда сағат 10:00-де – Конькимен жүгіруден ҚР Кубогы және ҚР Чемпионаты.

Жастар театры

20 – 23 желтоқсанда сағат 10:00-де, 12:00-де, 14:00-де – Г.Х.Андерсеннің «Қар ханшайымы» ертегісі.

Есіл өзені

22 желтоқсанда сағат 11:00-де – «Red Bull Ice Baiga» конькимен жүгіруден бұқаралық шарасы

Астана триатлон саябағы

23 желтоқсанда сағат 8:00-де – «II Astana Winter Marathon» қысқы марафон.

«Nomad City hall» концерт залы

23 желтоқсанда сағат 19:00-де – «Алашұлы» тобының «+35°С» концерті.

Биыл астаналықтар өздерінің бос уақыттарын қаланың кез келген жерінде көңілді өткізе алады, деп хабарлайды елорда әкімдігінің ресми сайты.

Биылғы қыста Астананың әр ауданында сырғанақ алаңдары, шаңғы тебуге арналған жолдар ұйымдастырылып, мұз төбешіктер орнатылды. Қысқы ойын-сауық алаңдарында конькиді, тюбингтерді жалға беру қарастырылған. Барлық алаңдар Astana Winterland жобасы аясында іске қосылған.

Бұл – қала аудандарындағы 12 тақырыптық алаң, 32 мұз айдыны, 36 мұз төбешік, 400-ден аса шара.

Қалалық мәдениет және спорт басқармасы және спорттық-бұқаралық шаралар өткізу жөніндегі дирекциясы ұйымдастырған спорттық шараға 200-ден астам адам қатысты. Олардың арасында спортшылар, қаладағы балалар-жасөспірімдер спорт мектебінің тәрбиеленушілері, меморган, күштік құрылымның өкілдері, сондай-ақ шаңғы спортының әуесқойлары да бар.

Күннің аяз екеніне қарамастан трассадағы жарысқа 4-5 жастағы және одан үлкен балалар да келген. Ұйымдастырушылар олар үшін 500 м қашықтықтағы маршрутты қарастырды.

Ал спорт ардагерлеріне 3 км қашықтықтағы маршрут ұсынылды, қалған қатысушыларға ұйымдастырушылар 5 км қашықтықта жүріп өтуді ұсынды.

Ұйымдастырушылар жанкүйерлерді де ұмыт қалдырмады. Олар үшін ыстық тамақ қарастырды, сахнада көңілді музыка ойнап тұрды, ал балалардың көңілін аниматорлар аулады.

«Шара астана тұрғындарының арасында белсенді және саламатты өмір салтын насихаттауға бағытталды. Бізде қыс ұзақ, суық әрі қарлы. Сондықтан біздің табиғаттың климаттық жағдайын ескере отырып, спорттың қысқы түрімен айналысу қажет. Біз осындай шараның түрлерін жиі өткізіп тұрамыз. Барлық жеңімпаздар мен жүлдегерлерге диплом және медаль қарастырылған», — деді спорттық-бұқаралық шараны өткізу жөніндегі дирекцияның жанындағы спорттық-бұқаралық шараларды өткізу жөніндегі бөлімнің басшысы Дәулет Хамзин.

Ең жас қатысушыны Александра Опачанова ертіп келіпті.

«Мен өзім де «Толқын» спорт мектебінде спорттың академиялық ескек есу түрімен айналысамын, халықаралық сыныптың спорт шеберімін. Бүгін біз мектебімізді қолдауға, шаңғымен жарысуға келдік. Біздің дистанциямыз — 5 км. Бүкіл отбасымызбен шаңғыдан жүгіруге қатысамыз, күйеуім, мен және қызым. Ол 4 жаста», — деді сайттың тілшісіне.

«Мен шаңғы спортымен әскерге барғалы әуесқой деңгейінде айналысып келе жатқаныма 10 жыл болды. Шара өте жоғары деңгейде ұйымдастырылған: жарыс басталатын алаңның дайындығы, старттық пакеттердің үлестірілуі. Қазір осындамын және тек осында жаттығамын. Шара Тәуелсіздік күні қарсаңында өтуде. Мен барша қазақстандықтарға зор денсаулық, спортқа деген махаббат тілеймін, спортпен еш кедергісіз айналысса екен деймін. Себебі, спорт адамға күш пен күні бойы сергек жұмыс істеуге серпінді күш беріп, шынықтырады», — деді 12750 әскери бөлімінің атынан жарысқа қатысушы Евгений Ераслов.