Отбасылық немесе кішігірім кәсіпті дамытамын деген кез келген адам «Нәтижелі жұмыспен қамтудың және жаппай кәсіпкерлікті дамытудың 2017-2021 жылдарға арналған бағдарламасы» аясында мемлекеттік қолдауға ие бола алады, деп хабарлайды елорда әкімдігінің медиа орталығы.

«Бұл республикалық жаңа бағдарлама. Ол халықтың жұмыссыздар мен өзін-өзі жұмыспен қамтып отырған бөлігіне арналған. Өзін-өзі жұмыспен қамтып отырған кімдер? Олар жұмысты өздігінен тауып отырғандар. Көп жағдайда өз кәсібі шеңберінде жұмыс істеп отырған, отбасылық немесе басқа да бір істі жүргізіп отырған адамдар кіреді. Бұл мақсатта тұтас отбасы немесе көршілері, туыстары мен таныстары да жұмылдырыла алады», — деді медиа орталықтың тілшісіне берген сұхбатында Астана қаласының кәсіпкерлік және өнеркәсіп басқармасының жетекшісі Рысгүл Қауғабаева.

Спикердің сөзінше, кәсіпкерлік және өнеркәсіп басқармасы аталмыш бағдарламаның екінші бағыты – микронесиелендіруді жүзеге асырады.

«Биыл бізге 476 млн. теңге бөлінді. Бағдарламаға төрт банк: «Халық банк», «АТФ банк», «Нұрбанк» және «Сбербанк» қатысады. Бүгінде бөлінген қаржы осы банктерге үлестірілді», — деді Р.Қауғабаева.

Бағдарлама шартына сәйкес, несиенің ең жоғары сомасы 8000 АЕК-тен аспайды. Жылдық пайыздық мөлшері — 6%. Сондай-ақ, қатысушы кәсіпкерлер өз ісін жаңадан бастаушылар және жұмыс істеп тұрғандар болып бөлінеді.

«Жаңадан бастаушыларға — кәсібінің басталғанына үш жылдан аспағандар саналады. Олар Кәсіпкерлер палатасында оқыту курсынан өтіп, одан соң Жұмыспен қамту орталығынан жолдама алады. Содан кейін банкке барады. Онда өтініш саудадан бөлек барлық сала бойынша қабылданады. Егер банк кепілдеме талап етсе, «Даму» қоры кепілдік бере алады. Кепілдіктің 15 % кәсіпкер, ал 85 % кәсіпкерлікті қолдау қоры өз мойнына алады. Ал жұмыс істеп тұрған кәсіпкер үшін кепілдік сомасы 50% құрайды», — деді кәсіпкерлік басқармасының басшысы.

2017 жылдың екінші тоқсанында Қазақстан астанасындағы жұмыссыздық деңгейі болжанған 4,7% емес, 4,5 % құрады деп хабарлады еңбек, жұмыспен қамту және әлеуметтік қорғау басқармасындағылар елорда әкімдігінің медиа орталығының тілшісіне.

Елорда, тіпті, жұмыссыздықтың ең төменгі деңгейімен көш бастап келеді. Аталмыш көрсеткіш республикалық көрсеткіштен 0,4% төмен. Жастар арасындағы деңгейі (15-28 жас аралығындағылар) 4,5 % (болжанған деңгей 4,7%) және әйелдер арасындағы жұмыссыздық 4,6% (болжанған деңгей 4,9%) құрады.

Ағымдағы жылдың 8 айында мемлекеттік қолдау шаралары 20 219 адам қамтылды. Бұл өз кезегінде 93% құрайды.

11 536 адам жұмыс іздеп келсе, олардың 6 725-і жұмысқа орналастырылды (3882- тұрақты жұмысқа, 223-уақытша жұмысқа, 695-жастар практикасы бойынша, 186 – әлеуметтік жұмыс орындарына және 1739 – қоғамдық жұмыс орындарына).

Астаналық еңбек, жұмыспен қамту және әлеуметтік қорғау басқармасының ақпаратынша, бос жұмыс орындары бойынша мәліметтер базасы күн сайын жаңарып отырады. Бұдан басқа, бос жұмыс орындары бойынша мәліметтер базасын толықтыру мақсатында жаңа жұмыс берушілерді тарту бойынша белсенді жұмыс жүргізіліп жатыр.

Сейсенбіде елордада Астана қаласы әкімінің орынбасары Ермек Аманшаевтың төрағалымен өткен семинар-кеңесте экстремизим мен терроризмнің алдын алуды ұйымдастыру мәселелері ортаға салынды деп хабарлайды елорда әкімдігінің медиа орталығы.

Жиын барысында дін саласындағы мемлекеттік саясатты үйлестіру жөніндегі ведомство аралық комиссия мен ҰҚК қызметінің жауапкершілігі түсіндірілді. Отырысқа қатысушылар «Терроризмге қарсы комиссия тарапынан діни экстремизм мен терроризмнің алдын алуды ұйымдастыру», «Діни экстремизм мен терроризмнің алдын алудың рөлі мен орны», «Дәстүрлі емес діни ағымдар, олардың қоғамдық-саяси жағдайға ықпалы» мәселелерін талқылады.

Дін істері және азаматтық қоғам министрлігі мәдениеттер мен діндер халықаралық орталығының жетекшісі Айдар Абуовтың айтуынша, бүгінгі таңда Астана қаласының Дін істері және азаматтық қоғам басқармасымен ауқымды шаралар жүргізілуде.

«Бүгінгі күні елімізде 18 конфессия ресми түрде тіркелген. Астанада осы конфессиялардың өкілдері әкімдіктің дін істері басқармасының ұйымдастыруымен тоқсан сайын бас қосып, өзекті мәселелерді талқылайды. Жиі ағаш отырғызу бойынша іс-шараларға, басқа да әлеуметтік шараларға қатысады. Бүгінгі таңда бұл шаралар тұрақты диалогтық алаңға айналып отыр. Жақын арада дін саласындағы ведомство аралық комиссия мен қаланың дін істері басқармасы бірлесіп спорттық жарыстарды өткіздік. Бұдан бөлек, диалогтық, конфессияаралық келісімді қамтамасыз ету бойынша, халықтың дін саласындағы сауаттылығын арттыру бойынша ауқымды жұмыстар атқарылып жатыр»,- деді Айдар Абуов.

Сондай-ақ ол бүгінгі күні Дүниежүзінің Қазақстан астанасын дінаралық диалогтың орталығы деп танитындығын атап өтті.

«Елдегі діни ахуалды саралай келе, Астананың әлемге дінаралық форумдарды өткізудің орталығы ретінде танымал екендігін атап өту керек. Әлем елдері астаналарының арасында Астанадағы дінаралық форум өте танымал. Астанада дәстүрлі және әлемдік діндер көшбасшыларының 5 съезді өтті. Келесі жылы 6 съезд өтеді деп жоспарлануда. Сол себепті қаланың дін істері басқармасының алдында үлкен жауапкершілік пен ауқымды жұмыстар тұр», — деп атап өтті мәдениеттер мен діндер халықаралық орталығының жетекшісі.

Отырыс аяқталған соң Терроризмге қарсы комиссия жанынан құрылған жұмыс тобы мүшелерінің терроризмге қарсы тұру саласындағы нормативті-құқықтық актілерді білу деңгейін тексеру мақсатында тест өткізілді.

Белгіленген төлем есебінен бірқатар мектепте балалар тасымалы ұйымдастырылады. Бұл көлік желісінің жүктемесін азайтуға мүмкіндік береді, деп хабарлайды елорда әкімдігінің медиа орталығы.

Қазіргі таңда жол қозғалысына әсер ететін бірқатар мектепте жаңа модельді енгізу жұмыстары жүргізілуде. Бұл туралы ОКҚ өткен брифингте жолаушылар тасымалы басқармасының жетекшісі Бекмырза Игенбердинов мәлімдеді.

«Бұл үшін ата-аналарға аптасына алты күн балаларының тасымалы үшін белгіленген соманы төлеуге дайын ба деген сұраққа жауап алу мақсатында сауалнама құрастырылды. Барлық мәліметті алған соң, біз қандай да бір тұрақты бағдарды – тұрғын үй кешендері мен мектепке дейінгі және кері бағыттағы тасымалды ұйымдастыра аламыз. Менің ойымша, бұл өте ыңғайлы. Себебі, ата-аналар ақысын төлеп баласының тасымалымен білікті жүргізуші айналысатынын, жол бастап алып жүретін жауапты адам мен валидацияның барын білетін болады. Яғни, балалар автобусқа отырғанда ата-аналар оның отырып, түскенін бақылап отырады. Сәйкесінше, ата-аналар оның қозғалысын қадағадай алады», — деді Б.Игенбердинов.

Алдағы уақытта қанатқақты жоба екі мектепте енгізіледі. Бұл үшін балаларды ЭКСПО-ға тасымалдаған автобустар пайдаланылады.

Бүгін елорда әкімдігі жүзден астам зейнеткерді құттықтады. «Думан» СО-да өткен іс-шараның ұйымдастырушылары салтанатқа себепші болғандардың құрметіне дастархан жайып, концерттік бағдарламасын дайындады.

Қалалық «Ветеран» халық хорының жетекшісі, Ардагерлер кеңесінің мүшесі Галина Аксенованың пікірінше, мұндай іс-шараларды өткізіп тұру маңызды.

«Осындай іс-шаралар қарияларға өздерін еркін ұстауға, көңіл көтеріп, жай ғана бір-бірімен әңгімелесуге мүмкіндік береді. Халықаралық қариялар күнінің құрметіне бүгін мұнда 5 хор жиналды. Бұл мерекені қалалық Ардагерлер кеңесі 2007 жылдан бастап атап өтуде. Менің ойымша, мұндай іс-шаралар адам өзін еркін ұстап, араласып, өзінің әселерлерімен бөлісуі үшін керек», — деді Г. Аксенова

Айта кететіні, Астана қаласының кәсіпкерлік және өнеркәсіп басқармасының бастамасымен елордалық мейрамханалардың қолдауымен қазан бойы зейнеткерлер мен егде жастағы азаматтар үшін мерекелік дастархан жайылып, концерттік бағдарлама ұйымдастырылатын болады. Барлығы 500 астам адамды қамту жоспарланып отыр.

Халықаралық қариялар күні 1990 жылдың 14 желтоқсанынан аталып өтуде.

Қыркүйек айында жол көлік апаты өткен жылдың баламалы кезеңімен салыстырғанда орта есеппен 10% азайды. Бұл туралы қалалық әкімдікте өткен аппарат жиналысында белгілі болды, деп хабарлайды елорда әкімдігінің медиа орталығы.

2016 жылдың қыркүйек айының 1 мен 14 аралығында 41 ЖКА орын алса, 2017 жылдың осы аралығында екі есеге азайып, 21 апат тіркелді. 2016 жылдың 15 мен 30 қыркүйегінде 49 ЖКА тіркелсе, 2017 жылы осы кезеңде 30 жол апаты тіркелді. Сондай-ақ қаза тапқандар мен зардап шеккендер саны азайды.

2016 жылдың қыркүйек айының алғашқы жартысында ЖКА 44 адам жарақат алса,2017 жылдың салыстырмалы кезеңінде зардап шеккендер саны екі есе азайды (23 адам).

2017 жылдың 15-30 қыркүйегі аралығында 34 адам зардап шексе, 2016 жылы бұл көрсеткіш 52 құрады.

Айта кетейік, 2017 жылдың 15 қыркүйегінен бастап Астанада «Сергек» фото және бейне түсірілімі бойынша ЖЖЕ бұзу фактілеріне байланысты әкімшілік іс қозғау процедуралары іске қосылған болатын.

Ағымдағы жылдың қаңтар-тамыз айларында қалада 23 595 қылмыстық құқықбұзушылық тіркелді, ол өткен жылдың салыстырмалы кезеңінен 18, 1% төмен, деп хабарлайды елорда әкімдігінің медиа орталығы Астана қаласының ІІД сілтеме жасап.

Бұл аралықта аса ауыр қылмыс, кісі өлімі, зорлық, қарақшылық, ұрлық, алаятық және басқа да қылмыс түрлері азайды.

Астана қаласының ІІД мәліметінше, елордада қылмыс деңгейі 10 мың адамға 28,7% дейін төмендеді.

Елбасының тапсырмасына сәйкес қабылданған қоғамдағы тәртіпбұзушылыққа «нөлдік төзімділік» қалыптастыру бағдарламасын жүзеге асыру жұмыстары жалғасуда.

«Жыл басынан бері 75 513 әкімшілік құқықбұзушылық анықталды. Оның 3 296 кіші бұзақылық, 4 967 тыныштықты бұзу, 13 879 қоғамдық орындарда алкоголь өнімдерін ішіп, мас күйінде жүру, 12 243 – тыйым салынған жерлерде темекі шегу, 17 226 – абаттандыру ережесін бұзу, 1 331 – қоғамдық орындарда жармасу», — делінген Астана қаласының ІІД таратқан хабарламада.

2017-2018 жылғы жылыту маусымына энергия көздерінің 96 %, сумен қамту және су тарту желілерінің 100%, жылу желілерінің 96,9% дайын. ЖЭС-дағы көмір қоры 356 678 тоннаны, мазут қоры 5341 тоннаны құрайды, деп хабарлайды елорда әкімдігінің медиа орталығы.

Астана қаласы әкімдігінің мәліметтерінше, бүгінгі таңда 5497 нысанның 4076-ның орталықтандырылған жылуға қосылған. 62 мектептің 62-сіне, 76 балалар бақшасының 75-сіне, 21 оқу орнының 20-сына жылу берілген, деп хабарлады бүгін қалалық әкімдіктің аппарат жиналысында.

Қаладағы 2310 көппәтерлі тұрғын үйдің 2306-ы жылуға қосылды. Әкімдіктің ақпаратынша, 4 көппәтерлі үй орталықтандырылған жылуды қабылдауға дайын емес. Бұл үйлер «Сарыарқа», «Есіл» аудандарында орналасқан. Мәселен, Ақан сері 16 мекен-жайы бойынша орналасқан үйде 8 коллектор үзілген. Олар монтаждық жұмыстар аяқталған соң іске қосылатын болады деп жоспарлануда. Қазіргі таңда 5 блоктың 3-уі іске қосылған.

Басқа да «проблемалы» тұрғын үйлер бойынша мәселелер шешіліп жатыр.

Астанада оңға бұрылу сұранысын қанағаттандырмайтын бағдаршамдық реттеудің қиылыстары анықталды. Осыған байланысты 38 қиылыста жол тораптардың құрылысы бойынша жоспар әзірленді, деп хабарлады Астана әкімдігінің медиа орталығы.

«Бірінші кезекте Уәлиxанов және Сейфуллин көшелері бойынша жобалардың іске асырылуын қарастыруды ұсынамыз. Айта кетейік, әр көше бойынша 25 автобус жүреді. Аталмыш учаскеде қоғамдық көліктің жолаушылар ағыны тәулігіне шамамен 140 мың жолаушыны құрайды,- деді жұма күні „2016-2020 жылдарға арналған Астана қаласын дамыту жөнінде“ бағдарламаны іске асыру барысында елорданың көлік кешенін жаңғыртуға арналған „Нұр Отан“ қалалық партиясының тыңдалымында „Астана қаласы жолаушылар көлігі басқармасы“ ММ басшысы Бекмырза Игенбердинов.

Онымен бірге ведомство басшысы атап өткендей, Астанада алдағы 5 жылға арналған көлік инфрақұрылымының құрылыс жоспары әзірленді. Ерекше назар көшелердің және даңғылдардың қосылуына, сондай-ақ өтпежол инфрақұрылымын дамытуға бөлінеді.

Үлкен және Кішкентай 2 айналма жолдың құрылысын аяқтау жоспарлануда. Оның құрылысы қалада транзитті көліктің санын азайтуға көмектеседі.

Көшелер мен аулаларды жинауға адамдар бар жанұясымен шықты, деп хабарлайды елорда әкімдігінің медиа орталығы.

Арнайы техниканың 175 бірлігі мен 19,5 мыңнан астам адам бүгін Астанада жалпы қалалық сенбілікке шықты.

Тазарту шаралары қаланың орталығында ғана емес, барлық шеттерінде жүргізілді. Аталмыш жұмыстарға 425 астам ПИК ұжымдары мен басқа ұйымдар қатысты. Олардың бірінде зейнеткерлердің өзі қолдарына сыпырғыш пен тырмаларды алды.

«Паритет» ПИК-де сенбілік таң осы азаматтарға құрмет көрсетуден басталған болатын.

ПИК төрағасы Шамиден Тапаевтың атап өтуінше, бұл – алты жыл қатарынан үзілмей келе жатқан дәстүр.

« Бізде әр сенбілікке тұрғындардың басым көпшілігі белсенді түрде қатысады. Олардың ішінде зейнеткерлер де бар. Алты жыл бұрын жиналыста біз 70, 75, 80 одан да көп жасқа толған мерейтой иелерін құттықтаймыз деген шешім шығарған болатынбыз. Сыйлықтарды табыстап, дастархан жаямыз. Осы жылдардың ішінде біз 280-ге жуық адамды құттықтаппыз. Олар бізге өте жақсы көмектеседі. Бүгін 48-ге тарта адам жиналып, аумақты бірлесіп жинаудамыз», — дейді Шамиден Тапаев.

70 жастағы Владимир Устюжанинов өзінің егде жасына қарамастан, бүгінгі сенбілікке қатысты. Ер азаматтың айтуынша, оның әрдайым таза ауада жұмыс істеуге мүмкіндігі бола бермейді.

«Ластамаған жер таза, алайда қашанда олай болу мүмкін емес. Десек те, балалар да, ересектер де қоқыс тастайды. Кейін олардың артынан жинауға тура келеді. Мен таңертең ерте итті серуенге шығарғанда, әрдайым адамдардың ауланы тазалауға шыққанын көремін. Мен де шет қалған жоқпын. Ең біріншіден, жастардың құтылар мен пакеттерді кез келген жерде шашқпасын деп айтқым келеді. Егер сен өз қалаңның патриоты болып, бір жерде бірдеңенің шашылып жатқанын көрсең, оны көтеру керек. Сенбіліктерге тұрақты түрде шығып тұру қажет. Қаланың таза болуы басқа ешкімге емес, өзімізге байланысты», -дейді В. Устюжанинов.

ПИК жұмыскерлері үй маңындағы территорияларға ерекше көңіл бөлді: подъездерді, жабындарды жөндеді, қоршаулар мен ғимараттардың қасбеттерін жаңартты. Адамдар бірлесіп аулалар мен көшелерді аббаттандырып жатыр. Барлығының мақсаты бір — өз туған ауласын тазарту.

Атап өтейік, бұқаралық сенбіліктер мұнда тұрақты түрде өткізіледі. Көшелерді жинауға тұрғындар бар жанұясымен шығады.