Теңіз атты мекенінің барлығы
Өзі жүзген аквариумның тарлығы
Кірмейді оның түсіне

Ағынға қарсы жүзбейді
Тамағын тек бір уақытта іздейді
Аквариумда себебі

Қиялилау шығармын мен ептеген
Өз әлемін шыныменен шектеген
Аквариумдағы балыққа ұқсас жандар бар
Мен оларды, мен оларды жек көрем!

Алдыңғы жазбамда жазғанымдай Астана қаласына «Мінбер» журналистерді қолдау қоры ұйымдастырған " Жаңа медиа техналогияларын ақпарат құралдары тәжірибесіне енгізу" семинар-тренингіне бардым. Мақсат сол-блогерлермен кәукілдесіп қайту және тәжірибе алмасу ғой. Бой сергітіп цифрластармен әріптестермен сыр шертісу. Жұма кешке барып сол күні және сенбіде «Абай » қонақ үйінде қондым.
Тұзым жеңіл деп айтып жүруші едім ғой. Жексенбі күні қайтуға дайындалып жатып«Осы мені машина қақпаса да, велосипед қағатын уақыты болып қап еді» деген күпір ой келді. Жазмыштың маған дайындаған сиы бар екен сол күні. «Халық сөзі» газетінің редакциясына соғамын деп жүріп жеке куәлігімді жоғалтып алдым.Таксиде не автобуста қалғанын білмеймін. Шалбарымның қалтасына саналы түрде салып алғаным есімдетін. Соны салғанда да орамал тұрған қалтама салыппын ғой))) Маңдайдан аққан сордың я бақтың терін сүртем деп жүргенде түсіп қалыпты…

ПыСы: вордпрестің ашылмай тұруына байланысты менің блогым толығымен мында көшті. Біразыңызға көшуге кеңес беремін.

Бүгін Алла қаласа түстен кейін Астана қайдасың мына жақтасың деп Астанаға қарай тартып отырамын. «Мінберге» тізлмеген ем, жәй барып шо пашом көріп қайтайын деген ой ғой. Әрі Астаналық блогерлермен жүздесіп, кәукілдесіп қайтпақ ниет бар.«427-ні еске алу кешін» ұйымдастырмақ ниет бар)))) Жексенбіге дейін «жестоко» демалмақпыз…

Тақырыпты түсіндіре кетейін. Алла тағаланың жаратқан қалыбын кейін келе бұзып алатын жандар болады. Әңгіме қалыбын бұзбағандар жайлы. Негізі әншілерден жұлдыз ауруын көп байқайтынымыз рас. Тіпті ол эстрадада таныла қоймаған қала деңгейіндегі жас әнші болса да. Менің байқағаным Халық әндерінің орындаушылары өте қарапайым келеді. Қандай қонақ үйге орналастырсаңда риза. Бірншіге борщ, екіншіге гречка котлетімен әкеп берсең жей береді. Ал, эстрада бағытындағылардан бәрін күтуге болады. Қарағандыда жылына екі-үш конкурстар мен фестивалдер өтіп тұрады. Халықтық бағыттағы жас әншілердің конкурсында еліміздің түкпір-түкпірінен келген жас әншілерді күтіп алу мен қонақ үйге орналастырудың басы қасында жүрдім. Бұларды жалпы қонақ үйге орналастыра салды. Күзгі мезгіл. Қонақ үйде жылу жоқ. 4 адамдық, 6 адамдық нөмірлерге тықтық барлығын. Олар жамырап ән айтып дайындалып жатыр. Жеке дайындалуға мүмкіндік жоқ. Не істей аламын,қолда билік жоқ. Мына қонақ үйге қанша төленетінін де біле алмаймын. Ертесіне тамақтары қырылдап тұрды біразының. сонда да қабақ шытпайды өздері.
Осы тектес эстрада бағытының жас әншілерінің конкурсында оларды басқа қонақ үйге орналастырды. Жылы.Жеке-жеке бөлмелер. Осыдан кейін олар атақты болған кезде қалай өзгермесін…
елге танымал азаматтардан Рамазан Стамғазиев ,Қайрат Байбосынов, Қатимолда Бердіғалиев сынды атақты адамдардың қарапайымдылығын сөзбен жеткізе алмаймын.Қайрат аға есік алдындағы бардюрға отырып алып әңгімені жібере береді))))
Ерік Жолжақсынов бір шаруаларымен қаламызға ат басын бұрыпты. Тура сол күні Бибігүл апамыздың кеші болып жатқан. Сол кешке бас сұға салыпты. Бір шетте тұр сопиып. Ол кісімен ешкімнің ісі жоқ. Барып амандастым, жөн сұрастым. «Жүріңіз жақсы жерге отырғызайын» десем,«ел-жұрт отырып алсын.Орын болса арт жағына отыра салам» дейді.Неткен қарапайымдылық. Екеуміз қазақ киносы жайлы біраз әңгімелестік. Бұл оқиға «Лавэ» фильмі жарыққа шықпай тұрып, бірақ түсіріліп біткен кезде болғантын. Ерік аға сол кинода киллердің рөлін сомдаған.
Тізе берсек бұндай қарапайымдар көп. Ерболат Құдайбергеновте осы тізімге кіреді, Қайрат Нұртаста адаммен тез араласады.

Әншілер мен әншісымақтар жайлы мына жерде бұрынырақта жазып кетіппін. Біраз пікірталасыппыз да. Бүгін тағы осы төңіректегі жазба жазылыпты .әрі қарай не жазуға болады?! Ақшаңыз банктегі шотыңызға симай бара жатса, бауырыңыздың не болмаса өзіңіздің тойыңызға әншілерді шақырғыңыз келді делік. Кімге қанша шығындаламыз?
Мен төменде әншілердің Қарағанды қаласына келетін бағасын келтіре кетейін.
Қайрат Нұртас — 2000 долларға 5 ән айтып кете алады. Бұның үстіне шешесі екеуінің ұшақпен келіп кетуі мен қонақ үй, тамақтану ақысын қосыңыздар.
Мақпал Жүнісова апамызға жобамен 700-750 мың төлеу керек.
Нағима Есқалиеваға ән салғызғыңыз келсе 600 мың теңгені дайындай беріңіз.
Ескендір Хасанғалиев ағамыздың өз аузынан «Азиада алауын» тыңдағыңыз келсе 450 мың теңгеңізді шотыңыздан сыпырып ала беріңіз.
Нұрлан Абдуллин деген жігіт ағасы тойыңыздың сәні болсын десеңіз 900 мыңның жобасында шашылуыңызға тура келеді.
Жанна Орынбасарова (кім,қандай өлең айтады білмейді екенмін)атты әнші 600 мыңның әр жақ бер жағында келісім беріп қалады.

Қопал негізі жаман жігіт емес. Біреудің ала жібін аттапты дегенді де ести алмайсыз ол жайлы. Тек аңда-санда ақаңнан сілтеп жіберетіні бар. Онда да ешкімнің басын жарып,қолын сындырмайды. Тек түні бойы өлең айтып ұйықтамай қоятыны бар. Шанағы сынған домбырасын сабалап не болмаса бес-ақ струнасы қалған гитарасымен барқылдайтынын есептемесек жаман емес. Әйелі Қатипаш бір күні күрт құбылды. Кезекті кәнсерттен кейін екі баласын жетектеп төркініне тартып отырды. сол кеткеннен келмеді. Қопалда бармады артынан.
Арада бес-алты жыл өтті. Қопекең қайтадан үйленген.Бір ұл, бір қызы бар. Кейінгі әйелі де жақсы адам. Кәнсерт қоюын тоқтатқан.Жекеменшік Газ-53 мәшинесімен ауданда көмір сатады Қопекең. Бір күні көмір тиеп тұрған бұған өзі қатарлас жігіт келіп,«Мына мекенжайға апарып төк мына көміріңді. Ақшасын келіншегім береді»-деді.Қопекең рөлде қопаңдап отырып жетіп барды. Бұның келуін күтіп тұрғандай үйден әлгінің келіншегі де шықты…
...-қалың қалай Қатипаш, балалар аман ба?..

Айнаш пен Майраштың жас шамалары бір. Бір үйдің бір подъезінде бір қабатында тұрады. Күн ұзақ әңгімелессе де әңгімелері бір таусылған емес. Күйеулері жұмысқа кеткенде бірде ана үйде, бірде мына үйде әңгіменің тиегін ағытатын. Әрненің басын шалып отырған осындай бір күні Айнаш: Менің күйеуімнің аяғы бір жылымайды ғой. Үнемі солай-демесі бар ма.

Ауылда дейм дә рахат қой. Ауылдың тіршілігінің өзі қарапайым. Шәй үстінде айтылатын үлкендердің әңгімелерінің өзі бір ғанибет еді. «Бүгін түнімен тізем қақсап шықты, жаңбыр жауатын шығар». Әжеміздің тізесі бекер қақсамапты, расында да түстен кейін жаңбыр жауады. «Оң иығым көтертпей қалды, күн салқындайтын болар».Ертесіне мектепке қалың киініп кетіп бара жатамыз.Күн салқын шыныменде.

wordpress.com-дағы блогым ашылғанда ұлды болғандағы сезімненде артық қуанған шығармын. Жаңа жазба да жазып үлгердім.Бірақ, сол жазбаларға пікір жазылмайды. Өркеннің блогына да бас сұқтым, пікір жаза алмай кеттім. Білсеңіздер айтыңыздаршы жаңа жазбаларға ғана жазылмай тұр ма пікірлер? Себебі, бір-екі блогтың бұрынғы жазбаларына пікір жазып кете алдым

Кеше аттуызда кетіп бара жатып осы жайлы жазбасам ба деп ойлаған ем… Бүгін жұмысқа келсем Аршат мырза осы сарындағы мақаланы «Керекке» бұрқ еткізіп үлгеріпті.
Иә, қазақтың қыздарының ішкі әдемілігі жоғала бастағандай.Ол жоғалса сыртқы әдеміліктің қоса жоғалатыны сөзсіз. Кеше мен мынандай жайттың куәсі болдым. Аттуыстың артқы жағында отырдым. Жанымдағы бос орынға құлағына құлаққап киген әдеміше қыз жайғасты.Жанындағы құрбысына орын берейін дедім де сағыз шайнасына жыным ұстап сазарып отыра бердім. Әлгі екі қыз айналасындағылармен істері жоқ.Музыкалары құлаққапты жарып жібере жаздап, біздерге де естіледі. Құдай-ау даң-дұң әуен.Бірде бір сөзі жоқ.Ұрып тұрған музыка. Жұмыстан ептеп шаршаңқырап қайтып келе жатқан соң "Қарындас жайырақ қойыңызшы андағы музыкаңды" дедім. Ол маған бағжиып,«Бұл қоғамдық көлік, ұнамаса таксимен жүр» деді, сөйтті де құрбысына «Мына кісіге ерегіскенде соңына дейін барайық, біздің музыка ұнамай отыр» демесі бар ма? Қызға тән қылық қалмапты. Менен басқалардыңда алакөздеп отырғандарында шаруасы жоқ. Папкамда «Халық сөзі» газеті бар еді. Соңғы нөмерін үйде оқырмын деп алған ем. Соны шығардым. "Қарындас, мен газет оқиын сіз бір шетінен ұстап отырыңызшы" деп өтіндім әлгі қыздың бір құлағындағы пәлесін жұлып алып.
-Не үшін мен ұстауым керек, оқысаң өзің оқы…
-Олай болса мен не үшін сенің музыкаңды тыңдауым керек, тыңдасаң өзің тыңдасаңшы.
Құрбысы сағызын шарт еткізіп үріп жіберді. Менің сөзім ұнамай қалған болу керек…