Ер Төстік 2.0 немесе «Тұрқыңа сай киіне білесің бе?»

Менде бір керемет сюжет бар...: Ер Төстік 2.0 немесе «Тұрқыңа сай киіне білесің бе?»


Ерте, ерте, ертеде, лама жүні келтеде, Кенжекей сұлу Ертөстік хикаясын жалғастырмақ болыпты. Ертөстіктің Айдаһарды жеңген күні ішкілікке салынып кетуі себепті, басты кейіпкердің орны бос қалыпты. Кенжекей әрі ойланып, бері ойланып, ертегі сиквелына басты рөлге лайық жігіт керек екенін айтып, жарияға жар салады. Сол-ақ екен, ертегі әлемінде сенделіп жүрген еркек кіндікті жеті кейіпкер желпініп жетіп келеді. Бірақ, Кенжекей жетеуін де «Бірдеңе жетіспейді» деп қабылдамай қояды.
Жетеуден маза кетеді.

«Әттең, тым арықпын, әйтпегенде өтер едім!» — дейді Желаяқ.
«Әттең, мойным қылдай, әйтпегенде өтер едім!» — дейді Көреген.
«Әттең, қолым сөздің тура мағынасында ғана ұзын!» — дейді Епті.
«Әттең, қампиған қарным болмағанда!» — дейді Көлтауысар.
«Қап, бойым қысқа боп тұрғаны!» — дейді Қаңбақ шал.
«Мені де «мойның қысқа» деп менсінбей қойған шығар!» — дейді Саққұлақ.
«Ай, дәу де болса, бөксемнен таптым-ау!» — дейді Таусоғар.

Менде бір керемет сюжет бар...: Ер Төстік 2.0 немесе «Тұрқыңа сай киіне білесің бе?»
Бұл сөздерін артынан еріп отырған Мыстан естіп қояды да: «Мен сендерге бұл қырсықтың дауасын айтайын, ал сендер маған отынымды тасып беріңдер», — дейді. Жетеуі келісіп, Мыстан кемпір тай сандығын ашып жібереді де, ішінен сымбат кемшіліктерін киіммен жасыру сыры жазылған бір бума қағазды алып, бір-бір парақтан таратып береді.


Жүдеу Желаяққа



ЖАРАСПАЙТЫНЫ:

ЖАРАСАТЫНЫ:

1. Қара, қошқыл және қою күңгірт түс;
2. Денеге жабысып тұратын свитер һәм сондай жеңсіз көйлек (футболка);
3. Бір өңірлі пиджак, терең ойықты пальто;
4. Кең, қолпылдақ үлгідегі олпы-солпы киім.

1. Кең балақты шалбар;
2. Жалпақ жаға;
3. Ашық түстер;
4. Көлденең жолақты киім;
5. Ірі әрі жалпақ жолақтары бар киім;
6. Бірнеше қабат киіну. Денеге қосымша көлем беру үшін (мыс: жейде + жемпір + пальто, жеңсіз көйлек + кеудеше + күрте т.с.с.);
7. Жейде, «толстовка», жұқа свитерлердің жеңін әдемілеп қайырып қою (бейресми кездесу, отырыстарда).


Менде бір керемет сюжет бар...: Ер Төстік 2.0 немесе «Тұрқыңа сай киіне білесің бе?»


Қылмойынды Көрегенге


ЖАРАСПАЙТЫНЫ:

ЖАРАСАТЫНЫ:

1. V-пішіндес ойық;
2. Жағасы ашық жейде;
3. Жіңішке галстук;
4. Мойынға тағатын жіңішке, сопиған, салпылдаған алқалар, баулар;
5. Тікірейтілген шаш үлгісі.

1. Биік жағалы сырт киім;
2. Тік жағалы жейде;
3. Жалпақ галстук;
4. Жағаңның түсі жейдеңнің түсіне кереғар болса;
5. Қауға сақал;
6. Шарф.


Менде бір керемет сюжет бар...: Ер Төстік 2.0 немесе «Тұрқыңа сай киіне білесің бе?»


Ұзынқолды Ептіге:


ЖАРАСПАЙТЫНЫ:

ЖАРАСАТЫНЫ:

1. Жеңінде тік жолақтары не жіңішке өрнектері бар жейде;
2. Жартылай шолақ жеңді жейде (3/4);
3. Жалпақ манжетті жейде.

1. Жалпақтығы орташа білезік не қол сағат;
2. Ұзын манжетті қолғап.


Менде бір керемет сюжет бар...: Ер Төстік 2.0 немесе «Тұрқыңа сай киіне білесің бе?»


Кебеже қарынды Көлтауысарға


ЖАРАСПАЙТЫНЫ:

ЖАРАСАТЫНЫ:

1. Денеге жабысып тұратын киім;
2. Тегіс, жеңіл мата;
3. Бүрмелі, қыртысты шалбарлар;
4. Қос өңірлі костюм, пальто, күрте;
5. Жіңішке немесе қысқа галстук.
6. Тым ашық түсті киім;
7. Бір-біріне кереғар түстер (мысалы: қызылға – жасыл, сарыға – күлгін, сарғышқа – көк кереғар);
8. Жалпақ көлденең жолақты киім.

1. Бір өңірлі, сәл кеңдеу костюм;
2. Үштік-костюм (тройка);
3. Суреті, өрнектері тігінен түскен костюм;
4. Белі жоғары шалбар/джинсы;
5. Кеңдеу киім үлгілері.
6. Бірыңғай, қошқыл, күңгірт түстер;
7. Назарды қарыннан алыстату: көзілдірік, сақал, жалпақ жиекті қалпақ, жуан қолсағат.


Менде бір керемет сюжет бар...: Ер Төстік 2.0 немесе «Тұрқыңа сай киіне білесің бе?»


Қарыс бойлы Қаңбақ Шалға


ЖАРАСПАЙТЫНЫ:

ЖАРАСАТЫНЫ:

1. Жалпақ жаға, белбеулер;
2. Бір-біріне кереғар түстер (мысалы: қызыл – жасыл, сары – күлгін, сарғыш – көк;
3. Қосөңірлі пиджак және пальто;
4. Кең шалбар не джинсы.

1. Суреті не жолақтары тігінен түскен киім;
2. Бір өңірлі пиджак не пальто;
3. Ұзын пиджактар не күртеше;
4. Белі жоғары шалбар не джинсы.


Менде бір керемет сюжет бар...: Ер Төстік 2.0 немесе «Тұрқыңа сай киіне білесің бе?»


Қысқа мойын Саққұлаққа


ЖАРАСПАЙТЫНЫ:

ЖАРАСАТЫНЫ:

1. Мойынға тағатын орамалдар;
2. Жалпақ галстук;
3. Жейденің жағасын "қылқындыра" түймелеген;
4. Жалпақ жағалар;
5. Шарф.
6. Сақал қою.

1. V-пішінді ойықтар;
2. Жіңішке галстук;
3. Үнемі қырынып жүру.


Менде бір керемет сюжет бар...: Ер Төстік 2.0 немесе «Тұрқыңа сай киіне білесің бе?»


Батпан бөкселі Таусоғарға


ЖАРАСПАЙТЫНЫ:

ЖАРАСАТЫНЫ:

1. Ашық түсті шалбарлар;
2. Тор көз (клетчатый) киімдер.

1. Қара, қошқыл, күңгірт шалбарлар;
2. Суреті тігінен түскен шалбарлар;
3. Ұзындығы бөксенің ортасына дейін жететін свитер, күртеше және пиджактар.


Менде бір керемет сюжет бар...: Ер Төстік 2.0 немесе «Тұрқыңа сай киіне білесің бе?»



Кемпірдің бұл мәрттігіне әбден разы болған жетеуі отынын жарып, пешін жағып береді де, Түркістанның базарына тұра тартады.
Су жаңа үлде мен бүлдеге стильдің барлық ережелеріне сай киінген кейіпкерлер Кенжекейге қайта барып, бақ сынамақ болады. Барғанша қалай боларын ойлап, уайымдаумен болады.
Ер Төстіктің отауына жақындаған сайын тізелері дірілдеп қоя береді. Үйге жақындағанда алдарынан шашы ұйпа-тұйпа, халатшаң Кенжекей шығады.
— Амансың ба, Кенжекей сұлу! — дейді олар бір ауыздан.
Кенжекей әлгілерді бірден танып:
— Қыз сынына қатысатындай біріңнен бірің сұлу болып келіпсіңдер ғой! — дейді.
— Енді өзің «бірдеңе жетіспейді» деген соң...— дейді олар да ұялғансып.
— Жетіскен түрлеріңе болайын сендердің, жүктібайымайдтар! «Жетіспейді» дегенде, мен шүберекті меңзеппін бе? Ой, жын буған, пері қуған, өңшең сайқымазақ! Сендерге Төстікжанның жігері мен сенімділігі жетіспейді! — деп жеті атасынан дым қоймай, қуып шығыпты.

PS. Тонадайда мырс-мырс күліп Ақнұр Бектеміс кетіп бара жатты…



Қолданылған ресурстар:
www.askmen.com — How To Hide Flaws With Clothing
www.ehow.com — How to dress to balance a short waist
www.noubikko.com — Waist tips
www.lifeinitaly.com – Men’s guide to hide body flaws
bitstrips.com/ — Your Own Personal Emoji


Бөлісу:

22 пікір

rakisheva
Аааааааай бір күлдірдің-ааааааааау Оскар XD
Artold
аптыбаймат-ау, өлтіресің))) ссылкалардың қасына түсінікті тілде жазбадыңба? мыняқта сауапсыздар, то ист сауатсыздар бар дегендей…
patick
Өрт! Басқаша бағалау мүмкін емес.
AKY
PS. Тонадайда мырс-мырс күліп Ақнұр Бектеміс кетіп бара жатты…
Ыххахаха
ken
АКҮ, тонадай деген не?
Gastarbaiter
«Анадай жерде» деген сөз.
merekeee
Адам пошымдарының барлық типі қамтылған екен. Әзіл араласқан табылған ақыл. «Футболка жараспайды, биялай жарасады» тұжырымдары байқалады аздап, енді, шортик емес классикалық шалбар жарасады іспеттес кеңестер, ал ол адам дышыға баратын болса қайтпек дегенім ғой.
Қорытынды жақсы: шүберектен бөлек жүректілік те керек адамға!
Gastarbaiter
ал ол адам дышыға баратын болса қайтпек дегенім ғой.

Киім стилінің кемі үш үлгісі болады классикалық, кежуал және спорт (гибрид стильдерді санамағанда).
Спортпен айналысуға арналған киімдердің біразын, мысал трико, майка, капюшон толстовканы тек спортпен айналысу кезінде ғана немесе үйде жүргенде киген дұрыс. Көшеге қыдыруға шыққанда дышыға арналған трико, шортыларды мүлде кимеген жақсы негізі.
Ал спортпен айналысу кезінде адам жарасымды емес, ең алдымен комфортты ойлайды. Барынша қимыл-әрекетіңе кедергі келтірмейтін, теріні жақсы сіңіретін түрін таңдаған жөн, сұлулыққа тас қатырмай.
Сосын классикалық шалбар дегеніңіз Чино шалбарлары болса, оның да түрлері де, түстері де, фасондары да әртүрлі. Сондықтан, ешкімге классикалық немес еджинсы мүлде жараспайды деп айта алмаймыз, ондайды айтқан да жоқпын. Міндетті түрде, оның тар, кең, клеш, трубка, ауы салбыраған а-ля «жетеуі тышып қойды біреуі киіп алды», ашық, күңгірт, жолақты жолақсыз, биік қалталы, төмен қалталы т.б. ньюанстарын ескеру керек.
asaubota
күлмеңдер. сеп-серьезный пост негізі ;)
zholantai
дене тұрқын таңдап, киіндіретін сервистер пайдаланылған ба? қай бір жылы Ресейде Форбстың стартап байқауына сондай сервис ұсынылған ед, бізде де болса ғо деп те ойлап қалғанмын, :)
Gastarbaiter
"Қолданылған ресурстар" деп тұрып тізіп қойсам да сұрайсың, ә? Сенің қабылдау фильтрлеріңнің кілтін қашан табады екенмін.

bitstrips.com/ — Your Own Personal Emoji
Anar70
«Кебеже қарынды Көлтауысарға жарасатыны: Үштік-костюм (тройка)»
Тройка вообще жараспайды))))) кебеже қарындылар кимеңдер тройканы)))))
qonyrbai
Демек, сіз кебеже қарындысыз? Из личного опыта ғауарите? :)
Anar70
)))))) ну да, канешна из личного опыта)))))) папамыз қарынды)))))
qonyrbai
Мен де 13 жастан бастап кебежелі қарындымын. Маған да жараспайды ма? Менің бойым бірде алпыс, бірде алпыс бір.
Anar70
двойка жарасады))))))
qonyrbai
Тройка ше? Кәстүмнің орнына тройка кисем бола ма?
Gastarbaiter
Егер жалпы комплекцияң ірі болса, қабат-қабат киіну одан да ірі қылып көрсетеді. Дегенмен, басқа жерің норм, тек қарның ғана шығып тұрса, тройка однотонный, күңгірт, қою көк, не қара-сұр түсті костюм тройка киюге болады. Бастысы түймелері қарныңда тырысып тұрмай, кең тұруы керек.