Америкалық балуан шолақ

Интернетте респектке лайық адамдар туралы небір мотивациялық посттар, суреттер, видеолар, т.б. материалдар көп қой. Бірақ басқа тілдерде. Мен де осы бір жігіт туралы қазақша жазайын дедім. Таныс болыңдар:

Ник Ньюэлл — жеңіл салмақта өнер көрсететін америкалық жекпе-жекші. 1986 жылдың 17 наурызында Коннектикут штатындағы Милфорд қаласында дүниеге келген. Бойы — 178 см. Салмағы — 70 кг. ММА рекорды — 10 жеңіс (2 рет нокаутпен, 7 рет қарсыластың берілуімен, 1 рет төрешілер шешімімен) — 0 жеңіліс — 0 итжығыс.

Былай қарасаң, аралас жекпе-жектерде жолы жақсы болып келе жатқан көп файтерлердің бірі сияқты, бірақ Ньюэллдің басқалардан айырмашылығы — оның қолы тумысынан шолақ. Сол қолы шынтағынан төмен қарай жоқ. Сонысына қарамастан осыншама жетістіктерге жетіп отыр.

Спорттағы жолын мектеп кезінде күрестен бастаған екен. Бірнеше күннен кейін-ақ тастап кеткісі келген екен, бірақ шешесі оған жол бермепті. Содан бастап әбден артын терлетіп тұрып жаттыққан. Мектеп пен колледжде оқып жүрген кезінде 300-ден аса белдесуде жеңіске жетіпті(Балуан Шолақ деуге бола ма?).

Колледжде жүргенде UFC ұйымдастырып жүрген The Ultimate Fighter сайыстарын қызығып көреді екен. Содан бері ММА-мен айналысуға бел буыпты.

Әуесқой жекпе-жектерде 2 рет жеңіп, 1 рет жеңілген екен. Қарсылас табуда қиындықтарға кездесіпті: көбі мұның қолы шолақ екенін көріп, төбелескісі келмейді екен. Тіпті біреуі салмақ өлшеу рәсіміне келмей қойыпты.

2011 жылы XFC промоутерлігіне кіріп, ол жерде чемпион атанған. Кейін тек бұрынғы UFC жекпе-жекшілерімен төбелескісі келетінін айтып, өзіне ұсынылған қарсыласымен чемпиондығын қорғаудан бас тартқаны үшін чемпиондық белдігін алып қойыпты.

2013 жылдың 28 мамырында World Series Of Fighting (WSOF) промоутерлігімен келісім-шартқа отырып, қазір сонда өнер көрсетіп келеді.

Ник Ньюэллдің хайлайты:


Мынау — жақында ғана өткізген жекпе-жегі:


Опшым, осындай жігіт!