Осыдан дәл 10 жыл бұрын күнделік жаза бастаған екем

Иняздың общагасы
Сәкестік пе білмеймін, бүгін ескі кітаптар, суреттер салынған шкафты ақтарып отырып, он жыл бұрын, яғни 2002 жылдың 27-ші Қарашасында «біссіміллә» деп бастаған күнделігіме тап болдым.
Мына сурет те осыдан дәл 10 жыл бұрын Әлем Тілдері Университетінің жатақханасында түсірілген. Мұнда мен 19 жасқа таяп қалғам.

Қалтаңа бір тиын түссе, «вечеринка» ұйымдастыру, ара тұра сабаққа барып /енді студент емеспін бе)) / емтихан тапсырудың тұсында ғашық болу, ғашық қылу, дос табу, қастан түңілу, интригалар, қарапайым студенттік қуаныш пен қаза, ойларым да, өмірім де мүлде басқа жазықықта өрбіп жатқан еді

Әнебіреу үстелдегі Конфуцийдің суретіне қарап отырып күнделік жазатынмын, өзімен мұңдасқандай жазсам, қаламым тез жүретін. Тіпті өзін сол үшін Тарих оқулығының бетінен қарындашпен көшіріп, салып та қойғанмын Сөйтіп, «Конфуций мырза» менің алғашқы да жалғыз оқырманыма һәм пікіршіме айналды.

Бір күні тауып алып оқитыныма сеніп жазыппын-ау.

19-бен 29-дың арасында айырмашылық бар ма?
Әлбетте, 19-да 30 пайызың әдеттен, 70-пайызың арпалысқан ойлардан тұрушы еді.
Қазір 30-пайызың ой мен сезімдер, ал 70 пайызың әдеттен құралғандай.

Күнделіктің алғашқы бету
Бөлісу:

59 пікір

ademi_alem
Оқуға жеңіл болу үшін:
29.11.02
… Міне, жасым 19-ға таяғанда күнделік жазуды жөн көрдім. Кейбіреулер осының керегі не дейді. Ал, бірақ қарап отырсаң, пайдасы бар. Көңіл ақтаруға, сыр бөлісуге, тым болмаса керекті және қызықты шақтарды есіңе алып, ойларыңды салыстыруға таптырмас нәрсе. Осы күнге дейін күнделік атаулыға қызыққаным шамалы. Бірнеше атақты кісілердің күнделігін оқып жүрсем де бұл жайында ойламаппын. Ал бүгін білмеймін неге екенін, бастадым да кеттім. Уақыт жоқ деген бос әңгіме екен, уақыт бар, құнт жоқ күнделік жазуға. Әсіресе мен үшін күнделік жазбау — кінә, осыншама шытырман оқиғаға куә болып, басымнан талай қызық кешіп жүріп күнделік жазу ойыма түспегені-ай! Бүгін мен қазақша, яғни туған ана тілімде жазып отырмын, алайда ағылшын тілінде де, орыс тілінде де, Құдай қалап жақсы үйренсем корей тілінде де жазамын деген үміттемін.

Жалпы бүгін көңіл-күйім біршама жақсы. Кеше сабаққа жақсы дайындалған болатынмын. Бүгін аса қиын сабақ жоқ. Тек Ажарды (2 ай жүріп, 9-ноябрьде керісіп қалдық) сағынып қоямын. Уақыт бәріне де емші дейді. Кінәлі өзім болған соң, қиналамын. Бірақ мен оған үйренгенмін. Тіпті кейде жүрегім сондай тағдыр соққыларынан шынығып, тасқа айналып кете ме деймін.

Үйді сағындым. Кеше түсімде әкемді көрдім: өкпесі ауыратын көрінеді, жедел ауыстыру керек екен, ал оған менің өкпемнен басқасы келмейді екен. Егер шынымен де менің өкпеммен аман қалатын болса, мен беруге дайынмын деп қоямын. Сөйте тұра папамнан "Өкпесін емес, қанын ауыстырса қайтеді?" деп сұраймын. Ол «Болмайды» дейді. оянып кетіп жорығаным: Раушан маған өкпелеген-ау, сірә, туған күнінде құттықтамаған едім...
Gastarbaiter
Әпкем еді әкем емес, түсімдегі)
ademi_alem
ой ой ой кешіріңіз. (( түзету уақыты өтіп кетіпті (((
Abilakim
қазір күнделік жазбайтын сыңайлысың ғой
Tyulpan
конфуций демекші, қытай философиясын пір тұтамын. қанша даналық табамын содан. сондай дана халық болмаса, саны да осынша өспес еді, осылай дамымас еді деп ойлаймын. мықты өздері дегенмен…
a63a1
менде күнделік бастаған едім 2005 жылы, сессия кезіндеғой дим. Күнделігім бірінші күнделік болды, одан кейін апталық болды, ақыр соңы жылдық болып ғасырлыққа айналуға шақ қалды))))
Бірінші бетін кешке ілем)
ruben
Мектепте жүргенде бастағам. Шет тілде күнделік жүргізуім сол тілдерді меңгеруіме әжептәуір ықпал етті заматында. Оқыған кітаптардан цитаталар мен абзацтардың көңлімнен шыққанын көшірумен болдым. Шифрлау керек болғанда төтемен перістіретінмін. Оны да түсінетіндер шыққанда, өзім ғана түсінетін (әлі солай ойлаймын) жүйе ойлап таптым. Әлі де жазып тұрам ноутта. Ал он жыл бұрынғылары ауылдағы үйде ізім-ғайып болды)))
Tyulpan
мяяяя жігіттердің көбі күнделік жазады кен ғой. білмеппін...))
a63a1
жігіттерде адам екенғой иә?
Marco
Өткен жазда өртеп жібердім күнделігімді
ademi_alem
ойбуй, бекер өртедіңіз
Tyulpan
оойййй өртегенше маған бере салмадыңыз ба?
Gastarbaiter
Альми екеуміз көзден кеттік кеше оқып))
ademi_alem
Әлі жазасыз ба күнделік?
Gastarbaiter
СОл бастағаннан бес-алты жылдай жаздым, кейін графомандық қышымам форумдарға, блогқа, одан фейсбуктегі статус жаңартуға дейін дағдарып кетті))
Tyulpan
5-6 жыыыыыл? тұрақсыз адамға ұқсамайсыз алдында жазып кеткендей ана жұмыс мына жұмыс ана хобби мына хобби
Gastarbaiter
Енді сол ана жұмыс, мына жұмысты жазып тұрдық ғой Кейін ол Абзал айтпақшы айлық, жылдық есеп беру боп кетті, күнделік емес.
Tyulpan
психологияда өзіне есеп берген адам алысқа шабатынын мен айтпасам да білетін шығарсыз. )) жоспарлаудың бір түрі ма — сондай…
ризамын. респект!
VKM
Күшті, Гаста. Менде де бар ондай күнделіктер, кілтпен кілттеліп, тығылып жатыр.
ademi_alem
кілтпен кілттеліп,
мен елестетіп отырғандай күнделік болса, ұшы үшкір бірдемемен ашып алу оңай, иә? ))))  мендегі күнделіктердің сырты көп дәптерлердің бірі сияқты, өзгенің назарын аудармайды. Ішіндегі жазулар… ))))))))))) ашып қараған адам оқығысы келмейтін шығар айбақ-сайбақ, ұсақ-ұсақ. Gastarbaiter ағаның жазуы анық, әдемі екен.
VKM
мен елестетіп отырғандай күнделік болса
иә, есіңде шығар,қазір де бар...қыздар мектепте сондай күнделікті көптеп сыйлайтын.Қимаймын соларды лақтырғанға, жақсы кездерден өзіме естелік)))
ademi_alem
лақтырма, лақтырма ))))) Өміріміздегі есте сақталу керек сәттердің көбі санадан өшіп жатса да, күнделік беттерінен өшпегенін қалаймын. Қазір оқығанда күлкі келтіруден басқа еш әсері болмауы мүмкін болса да, дәл сол жазып отырған кездегі қайталанбас, ерекше оқиғалар мен ойлар жиынтығы ғой. ))
007
негізі күнделік жазған жақсы,өмірдің қайталанбас сәттері сол күйі сақталады кезкелген уақытта ашып оқисыз… ауылда біздің бір көрші апа бар өткен уақыттарда болған оқиғалардың бәрін нақты уақытымен яғни күні, айы, жылы, сағатымен айтып жұртты қайран қалдырады, артынан білдік болып жатқан оқиғаның бәрін күнделік түгіл дастархандағы кленканын астына дейін жазып кояды екен…
bazuka
мектептегі күнделіктер кетті, қазір ноутта жазып жүрмін)
MickThatsMyNick
күнделік жазуға ерінетінмін.
ken
жалғасы бар ма?
Gastarbaiter
Жалғасын сендерден күтемін)
qyzylordalyq_jigit
сұрақ: корей тілінде жаза алатындай деңгейге жеттің бе ақыры? әлде тек жоспар боп қалды ма?
Gastarbaiter
Жоқ, жетпедім. Жетуге жақын қалғам, Кореяда бір жыл тұрған, корей тілінің майталман бір қызымен бірге тұра бастап, оңтүстік кореялық бизнесмендердің балаларына ағылшын тілінен сабақ беріп жүргенде. СОл қыздың кесірінен бүкіл Корейлік атаулыға құсқым келетін боп кетті кейін. Әрине кухнясынан басқасына
Adiletshu
Қытайлар сияқты лас, салақ болады ма екен
Gastarbaiter
Жоқ, тазалық жағына қатысы жоқ. Жай, мінезіміз келіспеді.
Ereke
Өзімше кішігірім аналитик болып, почеркке қарап, онлайн арқылы Гастаның мінездемісін көрдім.
Гаста брат төменде көрсетілген мінездемеге қосыласын ба?
Онлайн мінездеме почерк
ХАРАКТЕР ПО ПОЧЕРКУ
Обладателям такого почерка свойственны честность, добропорядочность. У них сильная, устойчивая психика. Они отважны, полны инициативы и решительности, смекалисты. Наиболее распространён такой почерк у людей, выросших вдали от больших городов в крепких семьях.
Gastarbaiter
Аса келе бермейді. Көңіл күйдің құлымын көбіне Есікті қалай ашады, солай сөйлесем кейде адамдармен, немесе бірден наққа жіберем, ол адам жақсы болуы мүмкін, тек такт мәселесін ескермегендіктен менің мінезімнің құрбаны болуы мүмкін Әділмін деп айталмаймын. Өте субъективтімін. Решительность- туа біткен табиғатыма тән емес, қай жерде де тәуекелге өзімді өзім көттен тебу арқылы әзер көндіремін. Инициатива- бар, финишиатива жоқ)) Көрсеқызарлық бар. Босқа күш шашпақ, жүйке құртпақ та бар, бірақ оған қарсы күресіп жүрмін, аздап нәтиже де бар сияқты.Очм, мына онлайн мінездеме қатты қиыс кетті.
Ereke
Сенбе десей онда онлайн мінездемеге ))
Gastarbaiter
Білмеймін, өзіңе жасап көршейш, бәлкім сенікі дәл шығып қалар Онлайн мінездемемді қараш енді, бір де бір кемістік жоқ Тек жақсы қасиеттер Ондайды оқыған әлбетте жағымды. Бірақ өзімізді алдап қайтеміз) Ондай емеспіз, тырыссақ та
Tyulpan
бірақ ондай болуға тырысса, орындалатын сияқты. «болып көрінбе, болып көр» деген бар еді… ну, әдетке айналдыру арқылы...))
Mamyr
Ішкі сырын күнделікке түсіретін жас жігіттердің болатынын бірінші рет біліп отырмын
izbasar
Столдың үстіндегі Ажарма?
west_laura
мен 2007 жылдан бастап жазыппын.яғни 9-сыныпта оқып жүргенде… ол күнделіктер әлі бар… бетін ашып оқысам болды күлем өз -өзіме...kz;
Korkem
мяяя, міне, ғажап! Мен де кезінде жазамын деп бастарын бастаймын да, бір бет жазып болып, қайта айналып кеп оқыған соң ұнамай қалып сол парақты жыртып тастаймын. Сосын қайта басынан бастаймын да, қайта ұнамай қалып… очм дәптерім таусылуға айналған соң қоя салып ем)))
Korkem
күнделік емес ғашықтық пен нақыл сөзге толы қойын дәптерім бар)))
ademi_alem


Күнделікті алғаш бесінші сыныпта бастағанмын, ол әр күнге есеп беру сияқты болып кетті. Ол дәптер сақталмаған. Мынау алтыншы сыныпта жазған күнделігім. Бұл жерде жазған түсім кейін өңімде орындалды. Кейін жетінші сыныпта оқып жүрген аудандық гимназияда өткен шығармашылық кешімде он бірінші сынып оқушылары кілтпен жабылатын күнделік сыйлады, одан бері көп күнделік жазылды. Жыртылғаны да, өртелгені де, суға аққаны да бар арасында. Ал аман-есен қалғандары әлі де сақтаулы.
Zhanara2012
Ең алғашында күнделік жаза бастағанда менде тек армандар жазумен басталды. Армандарымның барлығы ақ қағазға түсе бастаса, міндетті түрде орындалады деген балаң түсінік болатын. Ол — яғни, күнделік жазу, ойлау, армандау, жоспарлау деп қана қарамай, іс-әрекеттің бастауы деп те қабылдау керек. Тек жақсы оптимистік көзқарасты жазып отырса, ол жақсы іс-әрекетке бастайды деп сенсеңіз, Сізде бәрі де жақсы болады…
monti
ИНЯЗдың общагі осындай страшно мед? темір төсек, темір жазу столы ажь соғыс кезіндегідей фонды елестетед кен
романтиссың все таки))) жазып+сақтап, пысық жігіттер ісі))))
Aigolek
О кезде баринде сондай тосек болатын. КазГУдыкы, Агудыкы, Спорт ж/е туризм академиясыныкы, ЖенПидыкы. Осларда тошна темр тосек болатын
Gastarbaiter
Стол ағаш қо, бұл бөлме қайта этаждағы тәуір бөлмелердің бірі болатын)))
madlen
кейиннен ремонт жасады, биз турганда адеми болатын. Но бардак был всегда)
asem_orazayeava
Мен де күнделікті мектеп кезімнен жаза бастадым. Бірінші қызық, еліктеу болды, күнделікті тұрыс-жүрістерді, кейін келе жақын достарыма айта алмаған сырларымды жаза бастадым. Еліктеуден сыршыма ауысты. Біраз есейгенімде тек жан күйім қиналған кезде ғана жазатын болдым. Одан кейін мүлдем умытып кеттім. Бір күні күнделігімді оқысам, көбіне бір адамға деген махаббатымды жазыппым. Сол адаммен бірге өткізген күндерімді баяндаппым. Содан ой келді неге жинақтап кішігірім, роман десем артық айтқан болармын, махаббат жайлы оқиға жазбасқа деген. Соңғы 2 жылда жинақтап, оқиғаларды реттеп кішкентай кітап жазып қойдым)). Ондағы барлық оқиға басымнан өткен жайлар )). Барлық кейіпкерлер қазір қасымда жүрген адамдар. Сол кітапты интернетке жарияласам ба деп ойлағам, бірақ ондағы бас киіпкердің өзінің жан ұясы бар, егер таныс біреу көрсе, қате түсінсе, жоқ жерден пәле шығар деп жылы жауып қойдым. ))) Сіздермен де сол себепті бөлісе алмаймын, бірақ иншаАллах 1-2 бетін қоюуыма болад. Қазір кейде сол күнделікті оқып көп нәрсені еске алам.
Tyulpan
сіз кейіпкерлердің атын өзгертіп жариялаңыз. онда тұрған не бар екен? көп жағдайлар көп адамның басында қайталанып жатады ғой. қанша уникалды десек те мазмұны қалады пішіні өзгереді деуші ма еді әлгі...)) жазушылар да сүйтет қой, атын өзгертіп роман жазат. бірақ ойдан қосат арасынды ))
Sebastian
әдеби кейіпкерлерге еліктеп мен де жазып көргем, 1-2 күннен кейін тастадым. западлолау іс екенін түсінкірегендей болдым, қатындарский тірлік сияқты болып көрінді. өкінбедім.
aru
қатындарский тірліктің арқасында шығар еркектердің талтаңдап жүргені, а?
Sebastian
сұрақты түсіне алсам жауап берер едім. мынандай түсініксіз сұраққа пас.
aru
ну енД… кір жуу, тамақ пісіру, киім үтіктеу, үй жинау, бала туу, кете береді ғо))
Gastarbaiter
Өкінетін ештеңе жоқ. Графоманиядан аман қалдың есесіне
dark_nazgul
он алты жасымда ғана жазыппын күнделік… онда да бір курс жоғары оқитын жігітке ғашық болып, сол сырымды айтатын жан таппай, бастаған едім…
қалды ғо, сосын.
satibaldi
Романтикалық сырласу шықпай қалд нақ
dark_nazgul
Қайдағы сырласу, жаным))))))))))))))
«Когда мы были молодыми и чушь прекрасную несли» деген сарындағы ностальгия ғой
toha9566
Күнделікті 16 жасымда жазатынмын. Күнде не істегенімді тізіп қоятынмын. Мектепте достарыммен темекі шеккенімді, қандай мұғалімнен ұрыс естідім бәрін жазатынмын. Бір күні әкем марқұм тауып оқып қойып бір таяқ жегенім есімде Қазір ойласам еріксіз күлем