«Отырықшылық» өмір салтын ұстанатындарға арналған ақпарат

Қазір компьютер хайуани қажеттіліктерден басқаның бәрін алмастыратын заманда, адамның сиіп-тышу мен ішіп-жемге кеткен уақыттын есептемегенде, бүкшиіп отырған күйі кейде күніне 8-10 сағатқа дейін монитордан ажырамайтын кездер болады.

Отырған жерінде омалғандар көбейіп кеткендіктен, онымен байланысты простатит (тас-асты сыздауы), проктит (көтаурудің бір түрі), геморрой (бұл да сол), остеохондроз (95 пайыз адамда бар мойын, жаурын ортасы, т.б омыртқа ауруы), миопия (әлжуаз әшкәристер ауруы), т.б ищщаа-кәпір бәлелердің кесірінен адамның уақытынан бұрын 20-25 жастан бастап-ақ істен шығуы, жұмысқа қабілеті, секске тәбеті төмендеуі пысық американ бастықтарын өз офистеріне «зыржолағы» бар тренажер үстелдер қоюға мәжбүрледі. Типі нақ, компьютерден көзіңді алмастан, жаяу жүріп қайтуға, жүгіруге болатындай етіп… Эхх. Нағыз өмір осылардыкі нақ, біздің қаззақтарға оған жету қайда-а-а деп мұңайғаннан басқа ештеңе қалмайтын сияқты.

Алайда, салдарың суға кетіп, секісті де креслодан тұрмай ұйымдастырып жіберу әдетке айналмай тұрғанда, ғаламтордың қатпар-түкпірін аралап, кеңес қоймаларынан құлақ һәм білек түріп кірісіп кетуге тұратын ескертпелерге, аз-мұз өз жаттығуларымды қосып қазақшаға «тоңқайтып» басжівердім, бірсыпырасын өздерің де білесіңдер, тек істеуді ұмытып кетесіңдер.

1) Алдымен еңсеңізді бойыңызды өз еркіңіз бен ыңғайыңызға арай созылып керіліп алыңыз.
2) Иық. Иығыңызды қушитып («чихуахуам-біліпті-нақ» деген ишарат жасаңыз), иықтарыңызды алға 10 рет, артқа 10 рет айналдырыңыз.
3) Арқа. Алдыңыздағы үстелге екі қолыңызды тіреп, артыңызды көтерместен, креслоны артқа сырғанатып, арқаңызды керіңіз.
4) Қамажай шешес.Алдымен білегіңізді, одан кейін қолдарыңыздың басын кезек кезек сағат бойымен 10, сағат тіліне қарсы 10 рет айналдырыңыз.
5) Тобық. Аяғыңыздың ұшын еденге тіреп, өкшеңізді айналдырыңыз оңға-солға, әр аяққа 10 реттен.
6) Кеуде. «Отжимания» жасайтын жер болмаса, құлашыңызды барынша ашыңыз. Жаурыныдарыңыз бір біріне тигізуге тырысыңыз. Құлашты жауып, өзіңізді құшақтауға тырысыңыз. Солай 10 рет.
7) Балтыр. Аяқтың ұшын еденнен ажыратпай, өкшеңізді көтеріп, барынша балтырыңызды күшендіріңіз. Өкшеңізді түсіріңіз. Солай 10 рет.
8) Жарты сағат сайын тұрып, жаяу 10-15 қадам жасап тұрыңыз. Қан тұрып қалмас үшін. Креслоға отырып алып сырғанау сияқты әмерикөттердің «долбоебский» движениелерін қайталамаңыз.
9) Дұрыс тыныс алыңыз. Ара тұра терең өте терең тыныс алып, қолды жоғары көтеріп, 10-рет «күрсініңіз».
10) Трицепс. Креслода екі шынтақ қойғыш болса, соған сүйеніп, брусьяның жеңіл түрін жасаңыз. Аяғыңыз жерде қала береді, тек салмақты аяғыңызға емес, қолдарыңызға түсіруге тырысыңыз. Қолды бүгіп, жамбас креслоға тиген бойда қайта қолдың күшімен көтеріңіз. Солай 10 рет жасаңыз.
11) Мойын. Солға 10 рет, Оңға он рет айналдырыңыз.
12) Көтіңізді қысып денеңізді бос ұстаңыз. Тура мағынасында. Тырысқан бұлшық еттеріңізді босаңсытыңыз. Иығыңыздың күшеніп отырғанын байқамауыңыз мүмкін. Креслоға сүйеніп артыңызды көтеріңіз де, анус бұлшық еттерін 10-12 рет күшендіріп қысуға тырысыңыз. Геморрой, проктит, простатиттің алдын алу.

Кеңестер:
1) Қасыңызда үнемі бір бөтелке су болсын. Ара тұра таза су ұрттап тұрмасаңыз, денеңіз кебеді. Асқорытуға да пайдасы зор. Жалпы су деген артық болмайды ешқашан.
2) Көзімде онсызда дұрыс көрмейд деп көзге немқұрайды болмаңыз. Ара тұра көзіңізді жыпылықтатып, әр 20-30 минут сайын, терезеден алыстау бірдеңеге 20 секундтай қараңыз. Кейде, көзіңізді екі қолмен жауып, қараңғылықты «тамашалап» тұру керек.
3) Көзіңді сығырайтпа, әріп кішкентай болса Сtrl «+» -ті бас.Қайта қалпына келтіру үшін Сtrl + «0» ді бас.
4) Қалтафон шырылдағанда, отырып сөйлеспеуді әдет қылыңыз. Бірден сыртқа шығып, әңгіме біткенше қысқа серуен жасауды әдет қылыңыз.
5) Орныңыздан тұрып, екі жамбасыңызды жұдырықпен тары түйгендей соққылап алыңыз, 20 рет. Ұзақ отырғаннан, қан ұйып айналым бұзылады, ұйыған қан түйіршіктер тромбоэмболия деген қатерлі ауруға алып келеді.
6) Аяқты аяққа қойып отыру әдетінің орнына, аяқтың толық еденге қойып отыруды қадағалаңыз.
7) Қақшиып отырмай, қоззғалып отырыңыз. Аяқтың басымен музканың (егер музыка тыңдайтын әдет болса) екпініне сай қозғалтып отырсаңыз да, Біресе бір қырмен, біресе екінші қырмен. Біресе тізелеріңді шайқап, арасында жыбырлап отырыңыз. Қасыңыздағыны үркітпеу үшін, артық дыбыстар шығармауға тырысыңыз.

Спорттың көптеген түрі «қауіпті» дейсіңдер, ал фитнесс пен дене шынықтыруға кешкі ішістерден «уақыт артылмайд» дерсіңдер, бірақ мына жоғарыдағыдай креслодағы «кардабалетке» тас-аяғы он бес-ақ минутыңыз кетеді. Бұны істемеуге енді сылтау іздемейтін шығарсыз. Әрине, қисын мен ұяттан жұрдай болып үлгермесеңіз бұл қарапайым жаттығулардан «атлет» боп кетем деп күтпейсіз. Ол үшін жаттығу залына бару керек.
Бірақ әлі қорқынышты ештеңе асқындырып үлгермесеңіз көт-бел-тас-көз-және мойнымыздың жегісі мен жартылай мүгедектіктен құтылуға, не алдын алуға болады деп сенем.
ПС. Рахметтен бұрын, өздерің білетін тағы қандай офистік кеңес-жаттығулар барын айта отырыңдар.