«Балта» тактикалық шабуыл-қорғаныс құралы

Шығарушы ел: Қаззақстан.
Өндіруші: «Матай+ минус көбейту бөлу» ЖШС, Семей
Дилер: Шетелдерге — «ҚазАрнаулыЭкспорт» ЖТБҰТАҚ, ел ішіне — «ҚанжығалыбөгенбайҚаракерейқабанбайЖәнібекШакшакович» ЖШС



Техникалық-тактикалық сипаттамасы:
Ұшу алыстығы: қос қолдап құлаштап лақтырғанда — 25 метр; бір қолмен лақтырғанда – 17-19 метр (сарбаздың әлжуаздығына байланысты).
Нысанадан ауытқу дәлдігі: +- 6 метр.
Салмағы: 1,5-3,2 кг.
Сабының ұзындығы: 55-85 см.

Қаззақтар үдемелі индустриалды-инновациялық бағдарламасы аясында қару-жарақ өндірісін де қамтып отыр. Өткен хабарларымыздың бірінде, қаззақ қорғаныс министрлігі Lego-дан 1982 жылғы екі тікұшақ жасап шығарғанын тоқ ішегімізге дейін қуанып, хуйбарлаған болатынбыз. Сүйтсек, бұл ғақылия көрші ел жақыннан ұрыс кезіндегі тактикалық қару өндірісін де үдетіпті.
«Балта» әмбебап шабуыл-қорғаныс құралы өзінің тез дислокациясымен ерекше. Оны белге байлап алып, немесе жәй, қолға алып жүруге болады. Көп күтімді де қажет етпейді. Бар-жоғы кешке басын суға салып қойсаңыз болды. Бұл жөнінен «Балта» әмбебап шабуыл-қорғаныс құралының, өзінің американдық бақталасы «Tomohawk» зымыранынан әлдеқайда тиімді екенін атап өткен жүн. Айталық, «Tomohawk-ты» әуеге көтеру үшін шамамен 700 тонна керосин керек; ал дәл сол ақшаға 15 000 000 (!)«Балта» әмбебап шабуыл-қорғаныс құралы н сатып алуға болады! Оның үстіне, «Tomohawk» үшін жүздеген аэронавигациялық, ғарыштық қызметтер жұмыс жасайтын болса, «Балта» әмбебап шабуыл-қорғаныс құралы үшін тек сарбаздың мас болмағаны жеткілікті.
«Балта» әмбебап шабуыл-қорғаныс құралын бейбіт уақытта тұрмыстық мақсаттарда қолдануға болады. Тіпті әлден-ақ тіршілік қажеттерін өтеп жатыр: мысалы, Құрмансай аудандық ішкіштер бөлімінің мәліметі бойынша, осы айда «Балта» әмбебап шабуыл-қорғаныс құралы арқылы — 10 рет қатынына қоқан-лоқы көрсету; бір рет сарай бұзып кіру; үш рет ет шабу және екі жүз рет заңсыз ағаш жару оқиғалары тіркелген.
Өз кезегімізде бұл мұғжыза мүкәммал уәсасуа таһрір вә зилола қарудың әлемдік нарықтың партерінен өзінің орнын табады деген жапалақты, кешірерсіздер – үкілі үмітті үзгіміз келмейді.