Үйшік-үйшік ойнайық!

18 қараша 2011, 21:06

Кешкі тамақтан кейін балаларымды еркін ойнатып қойып, өзім интернет аралайтын әдетім бар. Қазір де азан қазан болып ойнап жүр.
Өздері бір кішкентай отбасы.
Жаңа бір әзірде қызым қуыршағын көрпешеге орап алып, перзентханадан шығып жатқан. Оны «күйеуі» Талғат (үлкен ұл) пен «баласы» Ердос (кіші ұл) күтіп алды. «балаға қарай тұршы» деп айқайлап қояды арасында.
Енді қазір, қыз бөпесін көтеріп дәрігердің алдына келіп отыр. "Іші ауыра береді, аяғы да сынған" деп қояды. «Дәрігер» қағазға бірдемені мұқият жазып болып: «Трахисан беріңіз, күніне үш реттен» дейді. "Үлкен балам да ауырып жүр, тамағы ісіп кеткен". Оған «Канефрон беріңіз, күніне төрт рет». Бір кезле «дәрігер» «балаларыңыздың туған күні қашан?» деп сұрады. Қыз: «Біреуі тамызда, біреуі қазанда туған» деді. Бәрін жазып болғаннан кейін: "Қай жылы туған?" деп сұрады «дәрігер». Бәрін білгенде, төрт жасар «мамаша» жыл санау білмейді екен.)))

бала тілі бал, баланың ойыны

33 пікір

Ал дамыған елдерде, балаларды әуелден саяси ойындарға баулиды екен.

Жасыру

содан болар, елу елдің құрамына кіріп бола алмай жатқанымыз)))

Жасыру

Осы бір "үйшік" ойынын есейгенге дейін ойнап едім, ұятын-ай :)
Кішкентайларға қарап отырсаң, білмейтіндері жоқ. Ойыншықтың да түр-түрі дамып келеді оның үстіне. Бұрын Барбилер ғана болса, қазірде олар жалғызбасты емес, күйеулері бар :)

Жасыру

Қызықтым. Қандай тамаша осылай: кешкі тамақтан соң, балалар ойнап, ата-анасы демалып отырған.Бақыттарыңыз ұзағынан болсын!
Ал мен осылай ойнаған жоқпын, сіңлім 7 жас кіші, ал мен 5 жасымнан спорттық биге бардым, аптасына 3 күн би,2 күн хореография. Сосын 1-ші сыныптан ағлышын тілі) Барбиді 2-ші сыныпта тастадым, ал сіңлім 3-4 сыныпқа дейін ойнады.Бүкіл ауланың қыздарын жинап,үйге алып келетін.Үйшік жасап, тамақ «пісіріп», доктор болып)))

Жасыру

ойнап қалсын. Енді біраз уақыттан кейін балаларымды анда мында тасуды мен де бастаймын. Ұлға шахмат, жүзу, мектептегі сабағы тағы бар, қосымша ағылшынға жібергім де келеді, қызға гимнастика, жүзу, сурет салу…

Жасыру

о, супер.Мен де балаларым болғанда солай істеймін. Қазір сіңлімді бір жағынан аяймын: сноубордқа барады,қыста қаладан 9 км шақырымдағы трассада,қар жоқта да 5 рет аптасына стадионда жаттығады, сол ағлышын тілі, демалыста модельное агентство. Сабағы бар. Менің мамам Алтын медальға бітірген мектепті, айтатын: Мен қазақ мектеп бітірдім, енді 2 рет орыс мектебін бітіремін. Егер бір сабақтардан түсінбеген жерім болса, сендерді тексеремін деп, білмеген білімімді толықтырдым деп.

Жасыру

6-класқа дейін қуыпшақ ойнадым:))

Жасыру

7 класта сиыр бағып қол тимедіме ?)

Жасыру

Ия, ағам әскерге кетті:)))

Жасыру

қуыпшақ

Жасыру

қай кезге дейін ойнағаным есімде жоқ. Бірақ төрт-бес жасымда өзімнен ұзыын, дәу қуыршағым болатын, сол есіме түсті:)

Жасыру

ал мен 5 жасымнан спорттық биге бардым, аптасына 3 күн би,2 күн хореография.

Бала еңбегінің эксплуатациясы; Хельсиники Тобына шағымданып, хореографыңыфздан айыппұл өндіріп алуыңызға болады.

Жасыру

Шағымның болванкасын ляқтыра салсаңыз)))

Жасыру

Мен, Өскеменова ВКМ, 19..-20… жылдар аралығында Өскемен қаласының тұрғыны, хореограф Б. Аюхановтың мәжбүрлеп оқыту курстарынан өтуге мәжбүр болдым.

Жасыру

мәжбүрлеп

мәжбүр

;)))))

Жасыру

"… Атап айтқанда, «Хал үстіндегі аққудың» қойылымына бір ай қалғанда, тамақ беруді тоқтатып, аштан қатырды..."

Жасыру

хореограф Б. Аюхановтың мәжбүрлеп оқыту курстарынан өтуге мәжбүр болдым.

хахаха оой Сат өлтіресің:))
ВКМ: Негізі бала кезде түсінбейміз ғой. Елдер сияқты ойнағың кеп тұрады. Спорт биі болғасын ерте бастаған дұрыс қой әрине.
Мен 3 сыныптан домбыраға баратынмын. Сондағы сольфеджиоға бармаудың амалын іздеуші едім:)))

Жасыру

Осы мен қуыршақ ойнамаппын. Мамам бір рет наборымен сатып әкеп берген. онымен ойнап қатырғам да жоқ. Қаладан келген шолжақай жиеніме бере салдым. Мен көбіне жасырынбақ, қуаласпақ, мак, шекемтас, апыр топыр қарлығаш сияқты ойындарды ойнаппын. Әлі күнге дейін қуыршақты суқаным сүймейді.