Ескілік: "Соңғы император" тағы жеңілді

Шыны керек, өте өкінішті жағдай. «Соңғы император» деген лақап атпен белгілі Федор Емельяненко бірінші раундта (!) техникалық нокаут алып, тағы жеңіліп қалды. Болды нақ, Федя шал болды дейін десең, Емельяненко — 34, қарсыласы Дэн Хендерсон — 41 жаста. Төменде — толық видеосы:

Ал мынау — жекпе-жекті он төрт минут қарап, көзін зорлағысы келмейтіндерге. Жекпе-жектің тоқ етер сәтінің қысқа видеосы


Өзім бұл ескілікті жаңалықты осы аптаның басында ғана естіп, енді ғана көріп отырмын. Араларыңда көрмегендер болса, солармен бөлісейін дегенім ғой.
Бөлісу:

11 пікір

VKM
папамнан естігенмін.Жеңілді деп қатты ренжіген
meirzhan
Меніңше, төрешіге тезірек қимылдап, араға түсу керек еді. Дэн де төрешінің араласқанына қарамастан төмпештеуді қоймады, онымен қоймай желкеден (әдетте бұған тиым салынады) де ұрған сияқты.
Федордың жеңілуі дайындықтың нашарлығына байланысты дейді мамандар. Карьерасының басында ол шетелдік мамандармен Голландия т.б. елдерде дайындалған болатын. Бірақ кейіннен таза орыс стиіленде, «боевое самбо» арқылы ғана дайындалам деп, шетелдік бапкерлермен, клубтарда дайындалуды қойыпты. Ал шынтуайтына келгенде, оның алдыңы жеңістер сол шетелдік стильдер, шетелдік методикаға негізделіпті. Ал ол және командасы жалған патриотизмге беріліп, өз күшімізбен-ақ дайындаламыз депті. Нәтижесі қандай екенін көрдік. Бірақ нақ осы жекпе-жек алдында шетелге шығып дайндалды деседі. Дегенмен де жеткіліксіз болған керек.
Сонымен қоса, бұнда промоутерлердің де қателігі бар. Бірінші жеңілісінен кейін әлсіздеу қарсыласпен жекпе-жекке шығуы керек еді. Одан кейін барып өзінің деңгейлерімен. Ал бұлар болса, жеңілгендеріне қарамастан мықты қарсыластармен шығуды қоймады.
Дегенмен де Емельяненко және оның бапкерлері, командасы барлық қателіктерді ескеріп, алдыңғы 5 жылда өз жанкүйерлерін қуантады деп ойлаймын. Себебі Федор Емельяненко осал жауынгер емес екенін Жапониядағы «Прайд» чемпионаттарында дәлелдеді. Кезіндегі Номер 1 жауынгер өз орнын осылайша оңайлықпен бере салмайды деп ойлаймын.
omarbirat
Жеңісті ерте тойлап қойған сияқты. Федордың соңғы жұмсағандары жеңімпаздың соққысы ғой, астыма басып алдым, енді қайда қашып құтылады дейсің дегендей, емін-еркін өз білгенін істемек болды. Америкөттің сытылып кететінін ойламады.
meirzhan
Сірә, еріксіз эйфорияға берілген болуы керек. Федор шынымен ауыр соққылар жасады. Әмірикәнның сытылып шығуы таңқаларлық болды.
omarbirat
Демек, Хендерсон анау-мынау соққы өте бермейтін, басында сауыты бар біреу болғаны да
omarbirat
Федордың биыл жеңілістен көз ашпаған бірәтішкәсі Александр Емельяненко кеше Алматыда бір қазақты жеңіп кетіпті. Видеосы — мына жерде.
omarbirat
Кеше кешке жаңалықтардан айтып жатыр еді, Төлеген Ақылбековпен шығады деп.
asaubota
шығады деп айтып жатыр еді. шыққанын білмей қалған ба сонда біздің ТВ?
omarbirat
Анау сілтемедегі таңертең дегені Европаның ба, Американың ба, уақытымен ғой деймін. Ол кезде бізде кеш қой.
Жаңалықтардан айтқанда, қазір болып жатыр деген. Емельяненко мен ақылбеков соңынан шығады ғой. Ол жағынан журиктерде кінәрат жоқ сияқты
Abilakim
Төлеген деген төбелесіп қоятын жігіт пе еді негізі
omarbirat
атын бұрын-соңды естімеппін. Евразия чемпионы дейді, тағы біраз атақтары бар екен. Емельяненконы екі рет аунатып алғанына қарағанда, жаман төбелесіп қоймайтын сияқты (алдын ала ұйымдастырылған бірдеңе болмаса). Бірақ Төлеген болевойға түсіп қалды.
Не де болса, панкратион-манкратиондарды қойып, деңгейлерін жоғарылата бастағаны дұрыс болды, меніңше.