Хохляндиядағы соңғы күндер немесе Севастополь портына саяхат

Украинадағы күндер де аяқталды, міне… Қызық… 2 ай бойы сыртта жүрсем де, алыстығын еш сезінбедім. Ол үшін интернетке мың алғыс: Агент, Фейсбук, Керекинфо жападан-жалғыз отырған кештерді мәнді етті. Бәрібір кейін қайтатыныңды біліп тұрғасын (иншалла!) жылауық сағынышқа да жүрегімнен орын болмады. Тек қана позитив.
Осындағы достарға да рахметімді айтамын: «Әпкееее» деп жымиып тұратын Теріскейге, «Өйт-бүйт» деп кеңес айтып тұратын Жаннаға, «Бұқақақалап» жыныма тиетін Қарасақалға, «Шрақ, слм» деп позитив ұсынатын Монтиға, аздап қанымды ішкен Гастаға, арасында отпускке қашып кеткен Саммитаға, керемет сюжеттерімен өлтірген Сатекеңе, өлең арнаған Қисыққа… бәріне, бәріне!
Осымен сентиментті кіріспе аяқталды, көптен ерініп, жазам деп жүрген тақырыпқа кезек берейік.
Севастопольде ежелден-ақ Ресей флоты болғаны белгілі. Қазір де онда әжептәуір үлкен Ресей флоты мен азғантай ғана Украина флоты сақталуда. Украина ұлтшылдарының қарсы болғанына қарамастан, екі жақ келісімге келіп, әскери кемелер бухтада сап түзеуде.
Ендігі кезекті суреттерге берейік. Бізге бәрін көрсетпеген болар, себебі нағыз әскери кемелерді көре алмадым, негізінен, көмекші кемелер. Әрі катер тез жүріп, қолымнан келгенше түсірдім енді. Сапасына айып етпессіздер деп, стандартты фразаны қыстыра кетейін.
911, 912, 913-«Иван Голубец», «Турбинист», «Ковровец» теңіз тральщиктері: миналарды залалсыздандыруға арналған кемелер.

Сол жақта: «КИЛ-158» Килекторлы кеме рейдтік құрылғыларды көтеруге арналған.
Оң жақта: «Сетунь» кабельді кемесі су асты байланыс кабельдерін жүргізу және жөндеуге арналған.

Жүзбе шеберхана «ПМ-138»

«Енисей» госпиталдық кемесі

Сол жақта: «Владимирец»-060 қайыққа қарсы кіші кеме
Оң жақта: «Муромец»-064 қайыққа қарсы кіші кеме

«Енисейден» бері қарай «Экватор» және «Приазовье» барлау кемелері

«Ямал»-156 үлкен десанттық кемесі

Сол жақта: «МБ-23»Теңіз буксирі

Мынаны су асты қайығына ұқсаттым)) Тот басып кеткен бе, қалай өзі))

«Батып кеткен кемеге ескерткіш»

Басқа да кемелер))

Саяхат кемесі

Кеме жөндеу зауыты

М.В. Ломоносов атындағы ММУ филиалы (тақырыпқа қатыссыз болса да)

Севастополь жанындағы Балаклава деген қалашық – яхталар, қайықтар мен катерлердің мекені болып табылады. Ұзынқұлаққа сенсек, бұл жерде Янукович пен Тимошенконың да яхталары тұр дейді))) Қайсысы екенін өздерің тауып алыңдар

Осымен, бітті)))) Арғыкүні қайтам уже, уря! Енді басқа жерлерде кездесейік))