Біздің ескі үй...

Әбіләкімнің ауылы
1 маусым 2011, 11:19

Ауылдағы үйіміз Құдайға шүкір кең, жарық, жылы. Үйдегі жетпістен асқан кісілерге арнап салған дәретханасы да бар. Мен мұны неге жазып отырмын.Сағыныш қой баяғы… Мен әскерге кеткенше ескі үйімізде тұрғанбыз.Оның екі бөлмесі қазір жазда шай ішуге арналған болса, бір жағын ағам машинасына гараж етіп алыпты. Осы үйге кірген сайын бала шағымның суреттері көз алдымда тұра қалады. Мына бөлмеде терезенің алдына тұрып алып шыныға қонған шыбындарды аулап, кесе толы суға жүзітіп қоюшы едім… Машина тұрған жақ қонақ бөлме болатын.ені қысқа болса да ұзын еді.Мен бұл бөлмеде қысты күндері асықтарымды тізіп қойып еркін ойнай беруші едім… Еһ, біздің ескі үй…
Менің осы көңілімді Алмас Темірбайдың сөзіне жазылған мына бір ән дөп басады…

ескі үй, ауыл, Алмас Темірбай

9 пікір

Тақырыптың басын ғана оқып, осы әнді жүктейін деп отырғам:)))))))))

Жасыру

даканса оқысай)))

ауылда екі пәтерлік кірпіш үйлер кейін салына бастады ғой. Алдың шымнан (лайдан) соғылған үйлер көп болатын. Үйдің іші-сыртын ақтап, еденді сырлап жаз бойы краскі болып жүретін ек:)
Сол ескі үйлер күшті, қыста жылы, жазда салқын болады. Мектепке алғаш барғаным, көрші немістің балаларымен үй алдында ойнайтын кезім бәрі есімде…

біздің ескі үй 5 бөлмелі болды

Өлең сондай ұнады. Балалық бал шағым, ата-анам, туған жерім көз алдыма келіп, еріксіз көзіме жас келді. Беу дүние-ай! Ата-анам бақилық болды. Қарашаңырақтағы ағамда марқұм болды, ол үйде қазір жеңгем бір баласымен тұрады. Ескі үйімізді бұзып тастағамыз, жанындағы үйдеде балалық шағым өтті. Ауылға барсам көңілім құлазиды, әке-шешем жоқ қаңырап бос қалған секілді күй кешемін. Мына өлең жүрегімді тербеп кетті., авторға рақмет. Оларға деген сағынышым басылар емес. Әлі жылап отырмын.

Үй -ұя. Осы ұяда қанаттымызды қатайтып, өмірге алғашқы қадам жасаймыз. Осы ұяда көріп білгеніміз өмірде көпті айқындап береді. Өмірде жол болып жатса осы ұяны қалай сағынбасқа?

Біздің ескі үй әні маған қатты ұнады.Өте керемет жазылған екен.Балалық шағын,әке шешең, бауырларың есіңе бірден түседі екен.Шіркін осындай өлеңдер көптеп жазылса күн демей, түн демей тыңдар едім.Осы әнді шығарған Алмас Темірбайға өте қатты разымын.Енді осы әнді қалай скачать ету керектігін біле алмай жүрмін.Қане кім айтады екен?