Менің атамның аңшылығы және қазіргі қоғамның супер аңшылары....

Суретте Әбдіраш Болатбек, Адасқан Алтаев, қожа кісі (есімін білмедім). сурет 1982 жылы түсірілген.

Менің атам Болатбек Әбдіраш кешеге дейін үйде 4-5 тен тазы асырап аңға салған кісі.

Аңға соғыс ардагері Адасқан ата екеуі бірге шығатын. Ол кісінің бүркіті болды. Ол кезде жас болғандықтан еміс еміс есімде. Қар жауған күні ол кісі азанда ерте келіп айқайлап тұратын. Атам екеуі бүркіт, тазыларын алып сонарға шығады. Кешке дейін бүркіт салады, тазы жүгіртеді, қоянның жымдарына тұзақ, қақпан құратын. Борсық ұстайтын. Кешке келетін дорбаларын қоян мен қырғауылға толтырып. Ал содын қызу әңгіме. Сол кездері үйдің төрінде қып қызыл түлкі терілері тізіліп ілініп тұрушы еді. Атам соғыс кезінде жасы жетпегендіктен әскерге жіберілмеген. Ауылда аң атып етін үкіметке өткізіп отарған.

Осы ісімен соғыстан кейінде айналысқан екен. Алтаев екеуі газеттерге де шыққан.

Оқушы кезімде атаммен еріп мен де аңға шығып жүрдім. Мылтық атуды да жақсы үйрендім. Атам екеуміз талай қар кешіп, талай жерді жаяу аралайтынбыз. Қардағы аң құстың ізін ажырата білуді үйрендім. Кейін аң құсқа деген аянышым жеңіп мүлдем мылтық атпайтын болдым.

Қазір міне ауылдағы еркек атаулының көбінде бір бір мылтықтар. Заңдысы бар, заңсызы бар Ауылдың шетінде қар жауған күні соғыс болады. Тасырлаған мылтық дауысы. Ешкім бүркіт үстап, тазы жетелемейді. Астарында мотоарба, қолдарында мылтық, қастарында үйретілген орыс иттері. Көбісі кәсіп қылып алған. Етін сатады немесе әкеліп арақ шарапқа айыр бастайды.

Ерте көктемде де тыным жоқ. Жас қоянның көжектері мен әле жақсы ұша алмайтын қырғауыл балапандары да атылып жатады. Тиым салып жатқан ауыл әкімшілігі не инспектор жоқ. Атылып жатқан киіктер қаншама.

Қазіргі таңда ауыл көшелерінде жүрсеңіз тазы не төбет иттерді кездестіруіңіз қиын. Өңшең бойлары кішкене орыс иттері мен тұқымы белгісіз дүбара иттер.Түрлері төбетке ұқсағанымен, төбет секілді қасиеттері жоқ. Оларды мен қазіргі қазақ қоғамындағы аты қазақ заты орыстанып кеткен бауырларыма ұқсатамын.
Тура қазақ қоғамы секілді.

Бүгін төбеттер жайында ақпараттар іздеп отырып мына сайтты тауып алдым.

www.tobet.kz/

Төбет пен тазының тұқымын таза сақтайық!!!

тағы қоса кететін жағдай, аңшылық жоғарыдан келген басшысымақтардың көңілін табудың бір құралы.
жиған-терген