Қорқыт Ата атындағы Қызылорда мемлекеттік университетінде журналистика мамандығы бойынша IX республикалық пән олимпиадасы өтуде. Олимпиада бағдарламасы бойынша Сыр өңірінен тарихынан сыр шертетін, археологиялық зерттеулер кезінде табылған көне заман мұраларын сақтап, зерттейтін «Археология жəне этнографиялық ғылыми-зерттеу орталығы» жұмыс жасап келеді. Орталықтың көрме залы 2011 жылдан бастап археологиялық қазбалар барысында табылған экспонаттар, тематикалық билбордтар мен Сыр елінің тарихи-мəдени ескерткіштері көрермен назарына ұсынылуда. Көрме залы бірнеше бөлімге бөлінген. Бірінші бөлімінде Арал маңына жүргізілген археологиялық зерттеулер тарихына үңілдік. Тамыры тереңде жатқан ортағасырлық Жанкент қаласы жайлы мағлұматтар қабырғаларда бой көтерген. Сондай-ақ, бірнеше тарихи дəуірлердің нысаны ретінде зор ғылыми маңызға ие болған Шірік рабат археологиялық экпедициясы жайлы да көп мағлұматтармен қанық болдық. Академик С.П.Толстов енгізген «Батпақтағы қалалар», Сырдарияның төменгі ағысындағы оғыз қалалармен таныстық. Арал өңіріндегі көпжылдық археологиялық ізденістерді қорытқан еңбектер де көрініс тапты. Аралдың кепкен табанына жүргізілген зерттеулер, Арал-Асар қонысы жəне Кердері мавзолейі туралы сөз қозғалды. Көрме залының екінші бөлімі Шірік рабат мəдениетіне арналған. Залда Сырдың төменгі ағысындағы архитектуралық ескерткіштер атап айтқанда, ХV-XVI ғасырлардағы Сырлытам мавзолейі, XIX ғасырда Кəрібай мавзолейі, XIX ғасырда Қалжан Ахуы, Сараман Қоса медресесі, Орақ мұнарасы туралы мəліметтер келтірілген. Сонымен қатар, көрме Сыр өңірінің сақ өркениеті: қалалар мен бекіністері, ғибадатханалар мен кесенелері, суармалы егіншілік, қолөнері мен сыртқы өркениеттермен байланыс, асарлар саны 50-ден асатын Жетіасар мəдениеті туралы деректерімен де құнды. Сондай-ақ, 1959, 1960-1961 жылдары Хорезм археологиялық-этнографиялық экспедициясының негізінде ашылған оғыз кезеңіне жататын ортағасырлық қалалар жайлы сыр шертетін құндылықарымызды насихаттайтын бұндай мұражайлардың болуы Қорқыт ата атындағы мемлекеттік университет үшін үлкен мəртебе. Барлығы жеті бөлімнен тұратын көрме залы туралы Қорқыт ата атындағы мемлекеттік университетінде журналистика мамандығы бойынша өтіп жатқан ІХ республикалық пəн олимпиадасына келген қатысушылар тың мəліметтермен қанықты. Университет мұражайында тарихи жəдігерлердің сақталуы Қызылорданы əлемге танылуына мүмкіндік ашады.

Сыр елінің жүрегі, қазыналы қарт қала Қызылорданың тұрғындары мақтанып көрсетерлік, ал келген қонақтардың таңдай қағарлық көрікті жерлері жетерлік. Қазақ астана болған әсем қала бұл күнде де өз биігінен таймаған. Оған дәлел жыл сайын жаңаланып, көркейіп келе жатқандығы болып табылады.
Сырдарияның сол жағалауын бойлап демалып келе жатсаңыз назарыңыз көк зеңгірге ұмсынып желбіреп тұрған еліміздің көк туын көресіз. Демалысқа аса қолайлы жерде орналасқан ту тұғырының биіктігі 60 метр. Таза ауамен тыныстап, жанға жайлы жерде қазақ болғаныңа мақтанып талай жыр жазуға таптырмас орын. Сырдарияның екі жағасы қазақ көзінің ағы мен қарасындай болып жатыр. Оң жағалауда орналасқан Тұңғыш президент саябағы әсем қаланың мақтанышы десек те болады. Әсіресе, күн қызарып ұясына батқан сәттерде аталмыш орын ғажайып кейіпке ие болады.
Тұрғын халықтың біршамасын құрайтын студенттердің бас қосуына таптырмас орындардың бірі әрі бірегейі — Студенттік арбат. Бұл жердің басты ерекшелігі жастық жалындары көзінде ойнаған жастармен теңестірілген мәңгі жасыл талдар өседі. Сондай-ақ, арбат жүргіншілер жолағы көп жерде орналасқан.
Қаланың жанға рахат, көңілге қуат сыйлайтын орындарын тізе берсек, тіземіз талады. Себебі, ондай жерлер қалланың әр қырында бар. Басқа өңірден келген болсаңыз міндетті түрде аталған жерлерді аралап кеткеніңіз
жөн.

20 сәуір Қорқыт Ата атындағы Қызылорда мемлекеттік университетінде журналистика мамандығы бойынша ІХ пәндік олимпиаданың ашылу салтанаты өтті. Шара оқу-тәрбие жұмыстары жөніндегі проректор Б.Ж. Әбдікәрімов сөзімен басталды. Ізінше, университеттің өнерлі жастары концерттік бағдарлама ұсынып, келген қонақтарға тамаша көңіл-күй сыйлады. Кеш аясында дүбірлі додаға республиканың әр түпкіріндегі 13 ЖОО келген топтар таныстырылды. Атап айтатын болсақ, Л. Н. Гумилев атындағы ЕҰУ, Әл-Фараби атындағы ҚазҰУ, Е.А. Бөкетов атындағы ҚарМУ, С.Торайғыров атындағы ПМУ, Абылай хан атындағы Қазақ Халықаралық қатынастар және әлем тілдері университеті, Яссауи атындағы Халықаралық қазақ-түрік университеті, Сүлейман Демирел атындағы университет және т.б. бар.
Командаларды бағалауға журналистика саласының майталмандары жиналды.Қорқыт Ата атындағы ҚМУ проректоры А.Т. Жүнісов бастаған қазылар алқасының құрамында қазақ тілі мен әдебиеті және журналистика кафедрасының меңгерушісі Ғ. Ә. Тұяқбаев, республикалық «Егемен Қазақстан» газетінің Қызылорда облысындағы меншікті тілшісі Е.А. Байтілес, «Хабар» агенттігі телеарнасының Қызылорда облысындағы меншікті тілшісі Н. Ж. Жақыпбеков, Қызылорда облысы әкімінің баспасөз хатшысы Б.Ш. Шамшат, Яссауи атындағы Халықаталық қазақ-түрік университеті, қазақ филологиясы және журналистика кафедрасының доценті Б.К. Сердәлі, Қазақ тілі мен әдебиеті және журналистика кафедрасының доценті З.Н. Ермағанбетова, Қазақ тілі мен әдебиеті және журналистика кафедрасының доценті Г.Ш. Әшірбекова бар.
Олимпиаданың биылғы ерекшелігі 9 жылдан кейін бірінші рет олимпиаданы өткізу эстафетасын ұтып алған Қорқыт ата атындағы ҚМУ ұйымдастыруы.

Ең тартысты спорттық жарыстардың бірі – аралас жекпе жектен M-1 Challenge 76 халықаралық турнирі 22 сәуір Назрани (Ингушетия) қаласында өтеді. Аталмыш халықаралық аралас жекпе жекте ел намысын аралас жекпе жектер бойынша Қазақстан чемпионы, Азия чемпионатының күміс жүлдегері, аралас жекпе жек бойынша әлем біріншілігінің вице-чемпионы Сергей Морозов қорғайтын болады.
Талантты спортшының жанкүйерлері қарағандылық рэп-орындаушылар Әкежан Лұқпанов пен Антон Зенин спортшыны қолдап, ән жазып, бейнебаян түсірді. Ондағы мақсаттары – қазақстандықтарды отандасымызға жанкүйер болуға шақыру. www.youtube.com/watch?v=gVXfd_CazbU&feature=youtu.be
— Барлығы ойламаған жерден болды. Досым Әкежан Сергейдің мықты жігіт екенін, керемет күресетінін айтты. Осылайша біз өз спортшымызды қолдап, бейнебаян түсіруге бел будық. Бұл – қанаттандыратын ән. Онда тек спортшымызға деген қолдауымыз ғана емес, Отанымыз – Қазақстанға деген ыстық ықыласымызды жеткіздік, — деді B.u.ll.d.o.G деген лақап атты рэпер Антон.
Рэп-орындаушы Әкежан DIEZO Лұқпанов:
— Мен өзім екі жыл жекпе жек өнерімен айналысқанмын. Және Сергей Морозовты көптен байқап жүрмін. Оның күресу мәнері, адамгершілігі ұнайды. М1 Global халықаралық компаниясымен келісімшарт жасасқан алғашқы қазсқтандық спортшы болғанына қарамастан, қарапайымдылығын жоғалтпаған жан. Сондықтан оны қолдағымыз келді.
Халықаралық турнирде қазақстандық спортшының қарсыласы бразилиялық чемпион Фабрицио Сарраф болмақ. Сергей Морозов турнирге дайындықтың негізгі кезеңін аяқтады. Қазіргі таңда ол тәжірибелі бапкерлерімен туған қаласы Ақтөбеде жаттығуда.
— Әрине, алға түспей-ақ қояйын. Алайда, тек жеңіске деген ұмтылыс бар. Мен онда жеңу үшін барам. Бұл жекпе жектің мен үшін маңызы үлкен. Өткен жолы Ингушетияда жеңіліс тапқан едім… Маған бойымды тіктеп, қарымта қайтаруға мүмкіндік бергеніне қуаныштымын. Мені ондағылар жақсы біледі, маған жанкүйер болып, қолдау көрсетуде. Жеңіс не жеңіліс болатынын тек ринг шешеді. Тек шаршы алаңда ғана қарсыластың қандай артықшылықтары бар екені түсінікті болады. Алайда мен жеңіс үшін бара жатырмын», — дейді спортшы.
Айта кетейік, M-1 Challenge – 2008 жылдан бастап өткізіле бастаған аралас жекпе жектер бойынша турнирлердің тұтас топтамасы. Содан бері әлемнің түрлі елдерінде 75 турнир өтіп үлгерді. 2010 жылы командалық жарыстан алшақтап, чемпиондар белдігін бес салмақ дәрежесінде ойнату туралы шешім қабылданды.
Халықаралық аралас жекпе жекті қазақстандықтар Еуразия бірінші арнасынан 22 сәуір күні 23:00-де тамашалай алады.

Артта қалған өмірге бір қарайласам, барлық уақыт қолдағы телефонмен, əлеуметтік желіге шұқшиып өтіп барады екен. Адамдармен де сирек араласатын болдық. Кеше бір қызбен(группалас) кəдімгідей ашылып сөйлестік. Себебі, менің телефонымның қуат көзі, оның айлық тарифы бітіп қалған еді. Бұлар өшпесе біздің сөйлесуіміз неғайбыл. Қарап отырсам айналамдағы адамдарға, реальды өмірге қарағанда, вертуалды өмір қызығырақ сияқты. Отырыстарда, кештерде барлығы инста мен фейсбукке шұқшиып отырады. Оның ішінде мен де бармын. Мен мына жердемін деп салып жібереміз. Бұл мақтанғанымыз ба əлде басқа ма түсінбедім.
«Бір отбасының үйінде вай файы өшіп, туыстарымен амалсыз сөйлесіп, „жақсы адамдар екен“-дейтін əзіл шыны аралас əңгімені естіген боларсыздар». Біз бұған жете қоймадық, бірақ осы бетімізбен өрлей берсек, шыңыраудан бір-ақ шығарымыз анық. Желіні дерт дейміз. Мұның себебі де бар. Болып жатқан барлық келеңсіз оқиғалар, осы желінің жемісі. Əлемдік қоқыс деп те атайтынын естігем. Енді, осы дерттен құтылудың, сəл болса да жазылудың амалы барма?
Ғалымдар зерттепті. Көпшілік халықтың желіге кіруінің себебін. Адамда ішкі қанағаттану деген болады екен. Мысалы: бір адам өзіне көңілі толмайды. Сырт келбеті қисынсыз, болмаса өз-өзіне сенімділігі төмен. Оған «сен сұлусың», «саған мына киім жарасымды»деп ешкім айтпайды. Тіпті ата-анасы да. Осындай жағдайда адамда ішкі ашығу пайда болады. Ол қарынның ашуына мүлде ұқсамайды. Сол аштықтан құтылу үшін, желі арқылы тояттауға тырысады.

Нəтижесі: тəні ашылған суреттер мен ұяттқа қайшы келетін бейнелер. Жазылушыларынан келетін лайк, комментарий бəрінен іштей қанағаттанады. Бірақ бұл уақытша ғана. Əлгі ашығу қайта келгенде. Жоғарыдағы оқиға қайта қайталанады. Осы орайда желіге неге құмармыз деген сұраққа көпшіліктің пікірін сұрап едім.
Гүлжан 20 жаста
Қызықты, жаңалықтар көп. Достарыңның, туыс, таныстарыңның кайда не істеп жүргенін білесін. Телефоным жоқ болса, бірдеңе жетіспей тұрған сияқты.

Арай 19 жаста
Менің желіге күнде сурет жариялағым келіп тұрады. Себебі мен ұнататын адам көріп, лайк басуын қалап тұрамын. Ол көрмесе салған фото қызық емес болып қалады. Жетістікке жеткенімді адамдар көрсе деймін. Жақындарым қуанып, дұшпандарым қызғансын деген де ой бар.

Қамшының сабындай ғана ғұмырды желіге желімделіп өткізіп жатырмыз. Ата-аналарға, жəне барлық қолданушыға құлақ қағыс. Рухани ашықпас үшін мына емді қолдансақ.
Айналамыздағы адамдарға жылы қатынаста боласақ, бумеранг заңы бойынша қайта келеді. Достарымызға жақсы пікірлер айтайық(киімің жарасымды, шашыңда жақсы сəндепсің, бетіңді күшті əрлепсің) деген сияқты. Сонда, ашыққан бос орынды толтыру үшін желіге жүгінбейді. Соңғысы, ата-аналар балаларына жақсы сөздер айтып отырса «сен əдемісің», «сен өзіңe сенімдісің»,«сенің қолыңнан бəрі келеді» сынды сөздер. Сонда балаларыңыз сіз айтуға тиісті сөзді сырттан іздемейді. Егер, осы айтылған ойды қолданатын болсақ, күндердің бір күні, бұл дерттен де айығармыз деген сенімдемін.

Думан Кеңшілік

Биылдыққа оқыған екі кітабым, мен үнемі оқитын блоггерлерде тіл үйренудің артықшылығын айтыпта, жазыпта келеді.
Елбасыда биылғы жолдауында ағылшын тілін үйренудің қажет екенін шегелеп бекітіп берді. Соңғы күндері (опшым айлары, жылдары) Ағылшын тілін үйренуге құштарлығым артып-ақ жүр. Бірақ күнделікті күйбең тірліктен шаршап келгенде сол құштарлық әп-сәтте талқан болады.
Тіл үйренушілердің кеңестерін, сайттармен бағдарламалардың бәрін қарағаныммен соңында бір нәрсе кедергі келтіріп, желкемнен тартып жібермей тұрғандай көрінеді. Осы жайлы таныстарымнан кеңес сұрасам?! -олардың бәрі ақылдасып алғандай, Соның не керегі бар, ағылшын тілін үйреніп қайда барасың? -деп, іштей аяқтан тартқысы кеп тұратыны байқалады. (Бәлкім менің ойым солай шығар). Жә, ол уақытша кедергі екені анық. Бірақ ертеңге қалдыра бермей тіл үйренуді тездетіп қолға алу керек. Әйтпесе Абай секілді "Қолымды мезгілінде кеш сермедім" -деп іштей өз ісіме өкініп жүрмесем болды. Бүгін, дәл осы сәттен бастап ағылшын тілін үйренуге бар күшімді саламын. Тіл үйрену артықшылық қана емес, тіл үйрену білім алу, білім қууға керек басты кілт!
Ал, сіздер тіл үйренген болсаңыздар пікірге кеңестеріңізді қалдырыңыздар!
Әсіресе жұмыстан кейін шаршап келіп тіл үйреніп жүргендер болса.

Өмірдің адам баласына дайындайтын сынақтары көп қой. Түрлі жағдайлармен мүгедек болып қалған адамдарды мүмкіндігі шектеулі жан деп атап жатамыз. Алайда «Кешкі кездесу» бағдарламасына қонаққа келетін мына бір жандарды мүмкіндігі шектеулі деуге аузың бармайды. «Көзі соқыр соқыр емес, көкірегі соқыр соқыр» демекші, дене мүмкіндіктерінің шектеулі болғанына қарамастан, жүректері жігерге толы, намысқой қыз-жігіттер – өмірлік ұстанымдарымен, жетістіктерімен сау адамға үлгі боларлық жандар.
Танымал ақын Нұртас Исабаев – бүгінде бірнеше кітаптың авторы. Бір аяғынан айырылған Айдана Нұртазина – арбада отырып билеуден бірнеше халықаралық жарыстардың жеңімпазы. Мұнымен қатар ол кәсіпкерлікпен де айналысады. Ал Ержан Артықбаев есімді жігіт мүсін жасаумен айналысады. Мұнымен қоса, ол өзі сияқты мүгедектерге жұмыс тауып беріп отыр. Екі қолынан айырылған Азамат Оразбеков жүзу және теннистен спорт шебері, Қазақстанның алты дүркін чемпионы.
Кешкі кездесу бағдарламасының кезекті шығарылымын «Еуразия бірінші арнасының эфирінен сенбі күні 21:00-де тамашалаңыздар.

2015 жылдың 13 сәуірінде кинодан шыққаннан кейінгі жазған постымда «режиссер фанаттарын, қаншама доллар ақша салуға дайын аудиториясын жайдан-жай жібере салмас. „8“-шісі шығу керек» деген сияқты пікір қалдырғанмын. Енді міне, 2017 жылдың 15 сәуірінде 250 миллион долларға түсірілген «Форсаж 8» -ді бір демде көріп шықтым. 2 сағаттың қалай өткенін де байқамай қалыппын. Бір демалыстың ішінде әлем бойынша касса жинаудан жаңа рекорд орнатып тастады (әлем бойынша «Форсажа-7»-нің жалпы қоры 1.5 миллиард $ құраған болатын.)

Ертегі болып кетті деудің қажеті жоқ. Бұл киноның әлемі бөлек. Франшизаның барлық бөлімдеріндегідей мұнда да отбасы құндылығын жақсы насихаттаған. Қандай жағдай болмасын достардың бір-біріне деген сенімдерінің өшпеуі қызықтырады. Кинода О`Коннордың орны ойсырап тұр. Айтпақшы, «Форсаж 9»-да Брайан (Пол Уокер) қайта оралуы мүмкін. Себебі, Доминиктің (Вин Дизель) ойда жоқта пайда болған ұлының атын Брайан деп атады. Кинода қымбат көлік пен тоқтаусыз атыс-шабыстан бөлек әдемі әзіл де орнын тапқан. Роман Пирс (Тайриз Гибсон) еріксіз езу тарттырады.

Жалпы, FastFurious8-ді көріңіздер! Сол баяғыша қызықты, мықты және әсерлі!

Қарағандылықтарға ескертпе: Біздің Сарыарқа деген кинотеатрдан 3D көрмей-ақ қойыңыздар)

Мұсылман әйеліне орамал тағу – парыз, ол әйелдің ары мен абыройын сақтайды. Орамал- кез келген қыз-келіншектің көрігіне көрік, әдемілігіне сән қосатын ерекше әшекей. Басқа тағылған орамал тазалықтың, әдеміліктің белгісі.
Орамал тағудың физиологиялық тұрғыдан да әйелдерге пайдасы бар. Әрине, бұл өз алдына жеке зерттеуді қажет ететін бөлек мәселе. Десек те, С. Асфендиров атындағы Мемлекеттік медицина университетінің емдік гигиена кафедрасының меңгерушісі, медицина ғылымының докторы, профессор Қарлығаш Тоғызбаева бұл жайлы былай дейді:«Ер адамдар көбіне көктен, әйелдер жерден қуат алады. Сондықтан да болар, әйелдің шашы магнит тәрізді ауадағы кір-лас қуатты жинағыш келеді. Бұл да оның, әсіресе, бас ауруына ұшырауына әсер етеді. Осы жолдың авторының өз тәжірибесінде кездескендей, орамал тартқаннан кейін «басының сақинасы», т.б. дертінен жазылып кететіндер аз емес. Бұған қоса, ашық-шашық жүрген әйел көктен өзіне қажет емес артық қуат алады, сөйтіп, онда еркектерге тән гистостерон гормоны пайда болады, нәтижесінде ағзаның гормональды бұзылуы етек алып, жыныс органдарындағы қатерлі ісік, т.б. ауруларға жол ашады».
Орамал – ана екеніңді, біреудің Құдай қосқан жары екеніңді, ақ-адал ниетпен аттаған шаңырағың бар екенін білдіретін белгі. Оның басты қасиеті де осында жатса керек. Бүгінде көпшілік орындарда, көшеде, үйде, түрлі мекемелерде басына қазақы әдеппен орамал тартып жүретін әйелдерді өте сирек кездестіресің. Бұл – орамал тағу мәдениеттіліктің бір нышаны екенін ескермеудің салдары. Осыған орай, жастар арасында «Қоғамдық орындарда қыздардың орамал тағуына көзқарасыңыз қандай?» деген сұраққа сауалнама жүргізіп көрдік.
Жанар Рамазанова, ҚарМУ-дың филология факультеті, журналистика кафедрасының оқытушысы:
-Біздің қоғамда орамал таққан әйелді көргенде, өкінішке қарай, жұрттың көбі бір жақты, жағымсыз кейіп танытады: 1. Ол әйел дінде. 2. Дінде болса, теріс ағымдағы дінде. 3. Асқа(құранға) бара(келе) жатыр. Осы әрекеттерінің өзі исламға түбегейлі қайшы екенін де түсінбейді. Ал, сол орамал таққан қыз-келіншектің ауызында Алласы, жүрегінде иманы бар, жас келін, жас ана немесе бес уақыт намазы бар, демек, Алланың тура жолында екенін қаперіне де алмайды. Өз басым, қоғамдық орындарда кездесетін орамал тартқан қыз-келіншектерге ықыласым ерекше.
Назерке Таледжан, студент:
-Мен қыздардың орамал тағуына қарсы емеспін. Себебі, Адам қандай киімде болса да, қоғамға кесірін тигізбесе, онда ол адамның дүниетанымына, таңдауына қарсы келуге болмайды.
Медет Кәрім, студент:
-Орамал тағып жүрген дұрыс. Орамал тазалықтықтың белгісі және сырт көзге әдемі көрінеді. Сонымен қатар, өзіміздің қазақилығымызды көрсетіп тұрады. Шашын жайып жүрген қыздарға үлгі болады деп ойлаймын.
Айзат Серғазы, студент:
-Қазақ қыздарының орамал қоғамдық орындарда тағып жүруіне қарсы емеспін. Себебі, менің ойымша, барлық адамға толерантты көқараспен қарау керек. Сондықтан, әркім не кигісі келеді, соны киюі керек. Әркімнің өз таңдауы бар, оның таңдауын құрметтеуіміз керек.

Данияр Мекеев, студент:
-Қоғамдық орындарда болсын, қай жерде болса да қыз баланың орамал таққаны дұрыс. Көбісі бұрын қыз бала тұрмысқа шыққан соң ғана орамал таққан деп жатады, бірақ қыз бала бойжеткен соң орамал таққаны дұрыс деп ойлаймын.
Саяжан Серікова, студент:
-Қыздардың орамал тағуына қарсы емеспін. Себебі, кез-келген қызға әдемі жарасады. Оның ешқандай әбестілігі жоқ деп ойлаймын. Орамалды тек әдемілік үшін емес, тазалық үшін де таққандықтан, қолдаймын.
Сауалнама қорытындысы бойынша пікір білдірушілердің ойлары бір жерден шықты. Жастардың орамал таққан қыздарға оң көзбен қарайтынын байқадық. Бұл әрине қуантарлық жағдай.

Аяжан Мадибекова

Қазақ радиосындағы «Ой-Зерек» танымдық-интеллектуал радиойынының екінші шығарыдымына Арулар командасы қатысты. 11 мүмкіндіктен 6 ұпай алды.

1. Оқушы немесе студент кезде кейбір адамдар оның соңы қайда деп іздейді екен. Мен де іздеп көргем, бірақ оның бос әурешілік екенін тез түсініп, қоя салғам. Ал біреу білер, біреу білмес, оның соңы 1048576 мен XFD-ның қиылысында екен. Оны екі сөзбен толық атымен атаңыз немесе үйреншікті ауызекі тілдегідей бір сөзбен.

2. Бір татар сайты бұны абайлап ашқан жөн деп кеңес береді. Жазушы Антон Чехов бұны өзі үшін 1901 жылы денсаулығы сыр берген кезде ашқан екен. Геродоттың жазуынша сақтар бұның құпиясын ғасырлар бойы ашпай сыр қылып сақтаған. Бұл не?

3. «Олардың ояну механизмі мынадай: әуелі барлаушылар оянады. Міне, содан соң олар жоғарыға өрлейді, күнге қыздырынады, сосын арқа қабаттары қызып кеткесін, төменге асығып, ұйықтап жатқан жолдастарына жылудың бөлігін әкеп береді. Содан кейін күнделікті күйбең тіршілік басталады». Міне, осындай бір-біріне арқасүйер және жүйелі процесс. Әңгіме нелер туралы айтылып отыр?

4. Ұлыбритания — дәстүрге берік ел. Дәстүр бойынша Ұлыбритания Парламентінің алғашқы сессиясы билеуші монархтың сөзімен басталады. Алайда 20-ғасырда бұл дәстүр 2 рет бұзылды, 1959 және 1963 жылдары. Екеуінде де бірдей себеппен. Бұл қандай себеп?

5. 1958 жылы негізі қаланған испан компаниясының логотипін әйгілі сюрреалист суретші, кім деп ойлайсыз, Сальвадор Дали жасап шықты. Каталон тіліндегі слоганын қазақ тіліне аударсақ — “Ол дөңгелек және ұзақ” деп аталатын компанияның бәріне мәлім өнімін атаңыз.

6. Манчестер Юнайтед командасының қатал мінезі, тәртіпке беріктігі, консерватив көзқарасымен танымал аңыз бапкері Сэр Алекс Фергюсон футболшыларына ұзын шаш өсірулеріне, мойындарына ауыр әшекейлер тағуына рұқсат бермепті. Тек кезінде француз Кантона бастап кеткен үрдіске тыйым сала алмапты. «Тыйым салайын десең 1 грамм да салмағы жоқ» дейді ол естелік кітабында. Фергюсон өзіне ұнамаса да неге тыйым сала алмады?

7. Құрметті ойыншылар! Сіздерге жауапты нақты жалқы атау түрінде беру қажет еместігін ескертеміз. 2007 жылғы деректерге сай, бұл мемлекеттің көлемі – Франциядан сәл үлкен. Онда 30 миллион адам тұрғын, соның ішінде 6,5 млн – қытайлар, 5 млн – үнділер, 6 млн – африкалықтар. Ресми дінге иек артушылар қатарында бірінші орын — ислам, екінші – христиандық, одан кейін буддизм мен индуизмге тиесілі. Бұндай мемлекетті үш сөзбен атаңыз.

8. Жазушы, сценарист Оксана Робскидің шығармаларында кей заттар құндылық, эксклюзивтік тұрғысынан қолжетімділік бойынша екіге бөлінеді екен. Қолжетімді нәрселерге мысалы Мерседес, Тойота, Бакарди жатады. Ал қолжетімсіз қымбат нәрселерге Bently, Jack Daniels, Cayenn. Жазушы шығармаларында бірінші топ үшін ИКСті, екінші топ үшін ИГРЕКті қолданады. ИКС пен ИГРЕКті атаңыз.

9. Нұрлан есімді 65 жасар философия ғылымдарының кандидаты, сценарист 11 жасында сабақтан әбден қалып, болашақ әнші Әлібек Дінішев, кейін Стратегиялық зерттеулер институтын басқарған Болат Сұлтанов секілді өзінің сыныптастарынан ажырап, тағы бір жылға қалып қойғанын есіне алады. Алайда, ол мектепке де барды, балық та аулады, шопандар тойына да белсене қатысты. Дегенмен не себепті сыныптан сыныпқа өтпей қалыпты?

10. Францияның Нант қаласында түрлі көрмелерге арналған парк бар. Парктың атынан да түсінуге болар еді бұл ерекшелігін. Парктың атын атаңыз.

11. Еуропалықтардың практикалық әзілқойлығы: Зальцбургтегі әуежайда онша білімпаз емес жолаушылар үшін арнайы табло орнатылған. Ол таблода осы екі субъектті шатастырып келген жолаушыларға ескерту мен 12762 деген цифр да бар. Қай екі субъект?