Бұл жерде популизммен пофигизмніңанықтамасын беріп отырмайтын шығармын девотырмын. Менсіз-ақ жұрттың бәрі пофигист боп барады ғой. Иә? А, причем тут популизм? Екеуі былай ұқсас болған соң жаза салдым.

Анығырақ жазайыншы. Ощм, бүгін мен қалай пофигист болдым немесе сондай болу үшін қандай жолдармен жүруге болады деген онша мееес жазбамен бөліскім кевотыр. Бөлісетін пунктер ЖЕКЕ ойым, келіспеуге жол ашық.;)

Сонымен:

1. Пофигистердің ұстазы — Өмір, сосын өзі керек деп тапқан адам.
2. Бұл сектаның адамдары — эгоист. Үнемі емес, бірақ болып тұрады. Өз эгосын (мысалы, көп нәрсені ұту үшін, азырақ күш жұмсайды) қанағаттандыру мақсатында олар өз дегендерін жасайды. Бұндай жағдайда Эгоистік қасиет автоматты түрде қосылады)

3. Жалқау адам ретінде көрінеді, шын мәнінде ондай емес. Популизмге ұрынбай-ақ жүре береміз ғой. Мысалы, Мьянмадағы, кейін Үнді-Қазақ шайқасы, Абу Даби плазадағы қырқыс дегендерге "ӘУ" дегенімізбен шындығында пофигизм болды. Өйткені, аты жаман «САРАБДАЛ САЯСАТ» дегеннің тағы бір «жұмысы» болуы бек мүмкін. Кепіл жоқ.

4. Оптимист. Тығырыққа тіреліп, жолы болмай жатса аттандап, билікті кінәләп, қарғамайды, блогерлерге жала жаппайды. Көзін қысып, қолын қалтасына салады да ортаңғы саусағын көрсетіп смело жүріп кетеді.

5. Пофигист пофигист дегенге картопты жармаймыз. Бәріне қолты сілтеп тастаса тағы дұрыс емес. Психолыгтар «сау пофигизм- жүйке жүйесін аман сақтайды» дейді.
Пғост, өзі әзер тұратын невр талшықтарын созғылап-үзгілегеннен не пайда?

Мораль: А, дауайте әркім өз жұмысымен айналыссын да, өзгенің де неврын тоздырмасын. Солай жақсырақ, чем бірдеңенің байыбына бармай жатып аттандағаннан, солай емес пе? ;)

Примерно Пофигизм мен Популизмнің мағынасын түсінген шығарсыз?
Сіз де пофигистсіз бе?

Футболда нәтиже бапкерге, мықты футболшыларға байланысты деп ойласаңыз — қателесесіз. Өз алаңы, жанкүйерлер қолдауы деген де — бос сөз. Футболда жеңіске жету үшін ең алдымен гол соғылуы керек. Ал голды соғушы күш — ырым. Бүгін осы нәтижелі ырымдарға тоқталмақшымын.


— Маған бала боласың ба? Алып кетейін сені…
— Жоооооққққ!!!

ГОЛ ТАРТЫП КЕЛУ
Әдетте жүйкесі жұқа никотинсүйерлерге арналған ырым. Ойын алдындағы, үзілістегі темекі тарту бөлек, гол шақыратын темекі тарту бөлек. Гол кешіккен кезде жасалатын ырым. Әлемдегі голдардың 60-75 минуттарда соғылатындарының біразы осы ырым арқылы салынады және жеңімпаз команданың алғашқы голдары да. Темекі тартылғаннан кейін 1 минут аралығында гол соғылады немесе темекішінің қасиеті мықты болса, темекі тарту кезінде-ақ гол болып жатады. Көп гол соғылатын Германия, Голландия, Түркия сияқты елдерде темекі көп тартылатыны сондықтан.


— Салыңдар гол, ептібайымайттар. Алаңда болмасам да, командама көмектесейін...

ГОЛ ТӨГІП КЕЛУ
Темекі ырымы сияқты, тек дәретханаға барып келуінде ғана айырмашылығы. Кейде шынымен қажетсініп, кейде қатты қажет болмаса да барып келу арқылы бірнеше гол соғылып жатыр футбол әлемінде. Кей жанкүйер топтарында арнайы бір адам болады. Басты дәретке барып келуші сол болады. Ол барып келсе, гол міндетті түрде келеді. Көп адамға берілмеуі мүмкін мұндай қасиет. Дегенмен әр фанат істеп көруі міндетті ырым түрі. Дәретханасы трибуналардан алыс орналасқан Қазақстанның бірнеше стадионында бұл ырым жақсы өтеді. 2-таймның 46-47 минуттарындағы голдардың 1 пайызы қақпашы қателігінен соғылады, қалған 99 пайызы дәл осы ырымның арқасында.


— Есеп 0:0, әзірше...

МАТЧТЫ ҚАРАМАУ
Командаңның матчына бармау, ТВден қарамау, смартфон арқылы онлайн нәтижесіне үңілмеу — өте мықты ырым! Әлемнің түкпір-түкпірінде ғасырлардан бері келе жатқан, тексерілген ырым. Осылай чемпион болған командалардың бірі — астаналық Астана. Нақтырақ айтар болсам: Астананың Еурокубоктегі ойындарына 20 мыңдай адам келеді. Қазақстан чемпионатындағы ойындарына әр матчқа орташа есеппен 19750 адам келмейді. Осылайша олар 3 жылдан бері ел чемпионы. Түсінікті ғой? Командаң ұтсын десең кейде матч қарама.


— Астана футболшылары фанаттарының қолдауына риза...

«ОСЫЛАЙ БІТЕД ЕНДІ» ЫРЫМЫ
85-90 минуттар, әсіресе 90+ қосымша минуттардағы голдар дуалы ауыздардың «Болды енді, осылай бітед, гол болмайд» деген сөздерінің арқасында соғылған голдар. Бірақ кез келген адамға жүрмейтін ырым. Арнайы сондай адамдар болады, солардың аузынан шығуы керек. Бұл адамдар жалпы өмірде жылаңқы, пессимист, негативі көп адамдар. Дегенмен осындай пайдалары да болады. Астана — ХИК матчы кімдердің арқасында алынды деп ойлайсыңдар?


— Неше минут қосты, еу? Болды, бітті ғо...

ФУТБОЛШЫ ДЕМОТИВАЦИЯСЫ
Нақты бір футболшыға негатив энергия (қарғау сілеу, боқтау) жіберу арқылы демотивация арқылы мотивациялау. «Осыны несіне шығарған? Бұл ойнағандай мен де ойнай аламын. Ой, сала алмайд мынау» сияқты пессимист сөйлемдер арқылы нақты бір футболшыны нәтижеге итермелеу ырымы. Хижниченко, Кежман, Кержаков, Нани, Индзаги, Торрес, Тлешев — бұл ырымның жарқын өкілдері.


— Бүгін екі гол соғам, Бекболат аға!

Ал мына ырымдар негатив мәнді ырымдар. Яғни, бұларды жасамау рекоменделеді.

СӘТСІЗ АДАММЕН ҚАРАМАУ
Сәтсіз адам санатына онша футбол қарамайтын дос немесе әйел жынысы өкілдері кіреді. Мысалы: жүріп жүрген қыз, туған әйелің, көңілдес. Былайғы кезде ұтып жүрген командаң тап осылармен қараған кезіңде ұтылып қалады. Сондықтан ешкімді ренжітпей, көңілін түсірмей, футболды үйреншікті футболдастарыңмен қараған жөн. Алматыда футболға бару тренд болғалы Қайрат чемпион бола алмай жүр. Ал сұлу қыздары футболға жиі барғыш боп кеткен Ақтөбенің жағдайы өзіңізге мәлім.


— Біздікілер жеңіліп қалды ма, не? Есесіне Инстаграмға бірнеше фото түстік!

ТӨРЕШІ ЫСҚЫРЫҒЫНА ДЕЙІН ҮНДЕМЕУ
«Болды, ұттық!» деп әсте ерте айтуға болмайды. Ойын 90 минут + қосымша 4-5 минут екенін естен шығармайық. Сондықтан соңына дейін үндемей шыдаған дұрыс. Қазақстан құрамасының соңғы минут фиасколарына кімдер кінәлі екенін енді түсініп отырсыңдар ғой? Тіпті біздің комментаторлар да бұл әбестікті қойды.


— No comments...

Ой-Зерек" радиобағдарламасының 2017 жылғы 2 қыркүйектегі шығарылымында 2-айналым жалғасты. Қонаққа келген «4ФМ» командасы 6:5 есебімен жеңіске жетті.

Әзілкештердің айтуы бойынша, бойдақтардың көпшілігі сұлу, ақылды және қамқор әйелі болғанын армандайды. Сол тұжырымға сенсек, үйленген еркектердің көпшілігі не армандайды?

Аңызды тыңдаңыз. Бірде Бодхидхарма 9 жыл бойы үңгірде дуал қабырғаға қарап, медитация жасайды. Бір уақытта ол сергек отыра алмайтынан, ұйықтап бара жатқанын түсініп, өз қабағын кесіп алады. Кесіп алады да, лақтырып тастайды. Лақтырылған жерде не өсіп шығады?

Қазақ жұмбағын шешіңіз:
Жалғанда бір нәрсенің үш аузы бар,
Екі аузы тар, бір аузы адам жұтар.
Көз салып айналама қарап тұрсам,
Халайық адамзаттың бәрін де бар?

Осы аптада Останкинода гроссмейстер Юрий Авербах пен разрядшы Михаил Осиповтың арасында шахмат матчы өтті. Жеңіске Михаил Осипов жетті. Олардың, шахматшылардың бір көрсеткіш бойынша айырмашылығы 91-ге тең. Ол қандай көрсеткіш?

«Иллюзионист» мультфильмінде аспаз әйел бас кейіпкерге майлы, нәрлі көже ұсынады. Кенеулі түскі ас дәмесінен туған шаттық сезімін фокусшының ОНЫ таба алмауы ғана қапа қылып, тұмшалап тұр еді. НЕНі таба алмайды ол?

Кеңес кезеңінде Қазақстанда мұндай маңызды оқиға 1926 жылы, 1937 жылы және 1978 жылы орын алды. Ал тәуелсіз алғаш Қазақстан мұны 1993 жылы жасады. Қандай оқиға?

Бір қатыгез шах Бұқарада жұбайын жазалауға бекінеді. Өлім күткен жазалау орнына әйел әсем көйлектері мен белдемшелерін киіп келеді және ерінің үкімін өзі орындайды, әйтсе де тірі қалады. Бұл тапқыр әйел өз киімін не есебінде пайдаланады?

Кәдірбек Сегізбайұлының 1976 жылғы әңгімесінен әр жерінен үзінді келтірейін.
«Ол бүгін ала-таңмен таласа тұрып… бұрын сатып алып қойған киімдерін де өзі тауып алды.… Екі-үш айтқызбай жуа қоймайтын беті-қолын да сабындап әбден тазалады… Оның таңертеңгі асын да жөндеп іше алмай алабұртып отырғанын Нұрбек жақсы аңғарған. Ақыры Әмір жылдай созылып кеткен соңғы сағаттың шабандығына зығырданы қайнағандай аулаға шығып кетті. Сол кезде ақ күшігі күндегі әдеті бойынша өзен жағалап, балық аулаймыз ба, немесе асыр салып, доп қуамыз ба дегендей аяғына орала берді. «Жоқ, Саққұлақ, енді екеуміздің бірге ойнауымыз ұяттау болады...»
Әңгіменің атауын екі сөзбен атаңыз.

Бірнеше жыл бұрын желіде белгіді компаниялардың дағдарыстық логотиптерінің жинағы пайда болды. Кризиске байланысты, мысалы, «Apple» компаниясының логосы екі жағынан тістелген алма түрінде бейнеленді. Логотипі жазудың соңына қарай бұлдырайтын (грекше атаулы) компанияны атаңыз.

Борис Акуниннің театр туралы романы бар. Сол кітаптың иллюстрациясында Акуниннің өзі өзге әртістермен бірге бейнеленген. Кімнің кейпінде?

Ибн Аббастың жеткізуі бойынша, «Алла елшісі аяғымен қойдың тұмсығын басып, БІРДЕҢЕ ІСТЕП ТҰРҒАН адамның жанынан өтіп бара жатады. Ал қой әлгі адамға қарап жатады. Пайғамбарол адамнан: «Жануарды жерге жатқызардан бұрын жасамадың ба мұныңды? Сен оны екі мәрте өлтіргің келе ме?!» дейді. Адам не істеп тұрған?

Тікелей эфир видеолары фейсбукте және инстаграмда шыққан болатын.
Ойын аудиосын мына сілтемеден ресми сайттан тыңдай аласыздар.

Әне-міне дегенше 10-шы қыркүйекте EXPO көрмесі жабылады. Жаз бойы оңтайлы сәтті күттім. Жаз өттіп күз келді. Үйдегілер менің қалауымнан хабардар. Күндер өтіп барады.
Тамыздың 28. Отбасылық кеңес. Сонда саяхаттың бюджеті және ұзақтылығы бекітілді. 29 тамызда Астанаға қарай жолға шықтым. Саяхатымды бастағанға күн сәтті болыпты. 31 тамызда қайтып оралдым. Шығарған шығын бар-жоғы 20 000 теңге! Соның ішінде позитивті көңіл-күйге шығынданыппын. Қысқа есеп осындай.
Осыдан 3 жыл бұрын көрме орны темір қаңылтырмен қоршалған алаң болған.
-Көрмені көрмей қалдым, кейіннен өкінетін шығармын, -деп шешім қабылдауға шарасыздық танытқандар қатарынан бөлініп шыққаныма қуандым!
-Туысқандар EXPO-ға барып келді. Солардан біліп отырмын. Астанада болдым, бірақ, «EXPO»-ға соқпай қайтып кеттім. Маған ұнамайтынын білдім, -дегенді көзі ашық қазақ ұлт иесінен естідім. Негізі ол кісі өзін патриот санайды. Бірақ патриотизм деген сөзде «П»-дан басқа әріптер барын ұмытқандай.
Әрине, көрмеге барып келгендер көрме туралы әр түрлі пікір білдіреді. Бірақ, «Нұр Әлемді» сыртынан, ішінен көргендер. Оған бір сәт болсын, қандайда бір ерекшелігіне тамсанбай кетпегенін көрген емеспін. Керсінше оның тамашалауға тұрарлық тұсын естіп көрмеге әдейлеп келгендерді көрдім.
«Не қызықтырары бар» десең ойланып көрші. Біріншіден диаметрі 80 метрлік шар пішіндегі әлем бойынша жалғыз ғимарат.
Оны сыртынан және ішінен тамашалауға тұрарлық. Басқа мемлекет астанасында мұндай архитектуралық керемет жоқ, оны естен шығарма.
Өткен жазбаларымда Минск қаласында болғанымды жазып кеткенмін. Мысалға, ондағы Ұлттық кітапхана орналасқан шыны кубтың суретін көрсеткенмін. Осы ғимарат беларусь халқының руханият діңгегінің символы десемде қателеспеймін. Егер, архитектура жағынан біздің үлкен шарымызды, дәлірірек сферамыз беларустардың куб пішінді ғимаратымен салыстырсақ оның одан әлдеқайда ілгері тұрғанына көзіңді жеткізесің.
Жай ғана ғимарат емес. Монумент дер едім. Өзінің аурасы бар -Мемлекетіміздің болашағын қалайтын азаматтарға күш-қуат беретіндей. Ұлттық рухтың қуаттандырғышы.
Жазғанымды пафосты деп санаңдар. Тіпті ғимаратымды қазақстандық архитектор жобаламады деп кінә тағындар.
-Иә, Бәйтерекпен қатар тұрарлық ғимаратты неміс архитекторы Альберт Шпеер (кенжесі) жобалады. Бірақ ғимарат неміс елін емес біздің елді ұлықтап тұр.
Сфера, яғни, геометриялық пішімі ұнатпауы мүмкін сізді.
-Неге сфера?
Сфера болса әлемдегі жер қойнауынан шыққан соңғы мұнай тамшысын бейнелейді. Бұл ойды жеткеншек балаға көрменің екінші тематикалық павильоны жақсы жеткізеді. Неге жеткіншек балаға? Қырыққа келген мен «әлемді өзгертемін» деп ойламаймын. Мен болсам:
-«Мұнай бағасы» қымбаттап өскенін қалап, доллардың теңге қатысты курсына күнде көз салып күйбең өмір кешкен жанмын.
Жеткеншек балаға арналған тематикалық павильондағы (2-ші тематикалық) шоу тамаша ойластырылған!

Жеткеншек балаға сұрақ қойылады:
-Жердің жүрегі мұнайсыз (табиғи газсыз, көмірсіз) қалай соғады?
Және сол сұраққа тамаша жауап беріледі.
Бұл болса -әдейлеп ойластырылған көрме элементтері. Сол үшін ғана көрмені бала-шағамен тамашалауға тұрарлық.
Қандайда бір кеңес берген өңбейтін іс. Жақпай қалуың мүмкін. Соған қарамастан жалғыз кеңес бергім келеді.
Жалпы көрмеге алғашқы рет бара жатып одан не күтетіңізді «алдын-ала шешіп алғаннан гөрі» оның босағасын аттай сала атмосферасын сезуге тырысыңыз.
Көрме аяқталғанға 7 күн қалды.

«Құрбан айт» — қажылық біткен соң, «Ораза-айт» мерекесінен кейін, атап айтқанда 70 күннен кейін келетін қасиетті мереке. Әлемнің барлық мұсылмандары Құрбан айт мерекесін жыл сайын тойлайды.

Биыл «Құрбан айт» мерекесін тойлау 1 қыркүйекте басталып, 3 күнге созылады. 1 қыркүйекте сағат 07.00-де елорданың 8 мешітінде мерекелік «Айт намазы» оқылады. 3 қыркүйекке дейін құрбандық шалу өтеді.

Бүгінде Астанада құрбандық шалуда мал союға арналған белгіленген негізгі орындар анықталды:

1. «Нұрбереке-555» ЖШС, Алаш, 30 тас жолы («Көк Базар» базар жақта);

Ол жерге келесі қоғамдық көліктермен жете алады: № 11, 34, 38, 41, 53, 58, 120, 127;

2. «Метро» СҮ (Астана-Қарағанды тас жолы);

Ол жерге келесі қоғамдық көлікпен жетуге болады: № 71;

3. «Шаушен» ШҚ, «Астана-Павлодар» тас жолы 9 шақырым;

Ол жерге келесі қоғамдық көлікпен жетуге болады:№ 307;

4. «Мақсат 2007» ЖШС, «Железнодорожный» ТМ, ул. Ақжар, 20;

Ол жерге келесі қоғамдық көліктермен жете алады: № 15,22;

5. «Ұлжан» әмбебап базары, (бұрынғы «Саянұр» базары), Тілендиев көшесі, 24;

Ол жерге келесі қоғамдық көліктермен жете алады:№ 4, 71, 81;

6. «Темеш» ШҚ, Астана-Софиевка тас жолы 7 шақырым;

Ол жерге келесі қоғамдық көлікпен жетуге болады: № 307;

7. «Мамырханов» ЖК, «Өндіріс-1» ЖМ;

Ол жерге келесі қоғамдық көлікпен жетуге болады: № 24;

8. Есжанова А. ЖК, «Жайлау», «Алаш» тас жолы, Ц313 көшесі;

Ол жерге келесі қоғамдық көліктермен жетуге болады: № 7, 34, 38, 39, 41, 120, 127;

9. «Алтын-Таға» базары, Қосшы кентінің маңында;

Ол жерге келесі қоғамдық көліктермен жетуге болады:№ 308, 309;

10. «Сапа Су» ЖШС, Қосшы кенті, 4340 ү., Қосшы кентінің маңында.

Ол жерге келесі қоғамдық көліктермен жетуге болады:

Онымен бірге 28-29 тамызда Қазақстан мұсылмандары діни басқармасының филиалында «Нұр Астана» мешітінде шариат бойынша құрбандық шалуды өткізу бойынша мал қасапшылары үшін екі күндік оқыту семинары өтеді.

Семинарға кез-келген адам қатыса алады. Өзіңмен бірге жеке куәлік пен санитарлық кітапшаны әкелу қажет. Семинардың басталуы сағат 09.00-де, мекенжай: Астана қ. Қабанбай батыр даңғылы 36.

Оған қоса әр учаскеде мұқтаж адамдарға құрбандық шалуды қабылдау бойынша пункттер жұмыс істейтін болады. Бұндай пункттер елорданың барлық мешіттерінде жұмыс істейтін болады.

Естеріңізге салайық, елорда тұрғындары мен қонақтары «iMuslim Astana» мобильді қосымшасы жұмыс істейді, ол AppStore және PlayMarket қосымшалары арқылы қолжетімді. Онда Құрбан айт мерекесі кезінде құрбандық шалуға болатын жерлерге қандай автобустар жүретіні жөнінде ақпарат қамьылады.

Кез-келген туындаған мәселелер бойынша (діни бағытта) кеңес алу үшін елорда тұрғындары мен қонақтары тәулікбойы жұмыс істейтін «2288» сенім телефонына хабарласа алады. Қоңырау шалу тегін.

Елрдалық әкімдік елорда тұрғындары мен қонақтарының назарына мал союға арналған санкциаланбаған орындар Тұтынушылардың құқығын қорау бойынша басқарма мамандарымен санитарлық-эпидимиялық тексеруден өткен жоқ, ал жануарлар ветеренарлық қызметтермен тексерілген жоқ. Қала билігі тұрғындарға сақ болуды үндейді.

Ыстықкөлге бір барған адам келесі жолы міндетті түрде қайтып келеді. Неге дейсіз ғой? Түсіндіріп көрейін.
Табиғаты. Көк аспанмен әлде алыстан мұнартқан көк таулармен әлде бауырын толқынға жалатқан бұйра көкшіл бұлттармен астасып жатқан айдын. Аты көл болғанымен жергілікті халық Ыстықкөлді теңіз санайды. Ал келген халық сеніп қалады. Шексіз дария көрінеді жағадан. Жаға демекші, жағадайы майда құм, Шолпан ата жаққа барсаңыз тіпті ұсақ, мап-майда. Суы тұзды. Айтпақшы, алғаш рет осы Ыстықкөлде жүзуді үйрендім. Тұзды су батам десең де батырмайтын сияқты…



Бағасы. Егер Бурабай, Алакөл сияқты жергілікті демалыс аймақтарының бағасымен салыстыратын болсаңыз, Ыстықкөл 20-30% арзан. Бұл жатын орын, ас-суы, ойын-сауық бағдарламаларына да қатысты. Айтпақшы, Алматыдан Ыстықкөлге автобустармен теп-тегіс жолмен 7-8 сағатта 2 мың теңгеге жетесіз. Хм, Астанадан Бурабайға дейін автобуспен жету құны қанша еді?

Жайлы. Қырғыз бауырлар туристерді тек табиғаттың берген сыйымен тарту мүмкін емес екенін баяғыда түсінген. Кез келген қонақ үй, пансионат, хостелге барсаңыз жайқалған бақты, құлпырған гүлзарларды, балалар алаңдарын көресіз. Айтпақшы раушан гүлінің ғажайып алуан түрін Ыстықкөлден көрдім. Балаларға әткеншек, спортшыларға жаттығу залы, аулада гүлзар, субұрқақ. Қысқаша айтсақ, барлығы адам үшін. Білесіз бе, мен Астанада тұрмыстық қалдықтарды бөліп салатын қораптарды ең прогрессивті, бетке ұстар тұрғын үй кешендері мен шетелдіктер келетін маңызды объектілерден ғана көрдім. Ал Ыстықкөлдегі пансионаттарда, жағажайда бұл қалыпты жағдай. Жағажайдан пансионатқа қарай беттедіңіз бе, аяғыңызға жабысқан құмды шығаберістегі арнайы душтан шайып ала қойыңыз. Ұсақ-түйекті несіне айтып отыр деп сөкпеңіз. Жақында отандық пансионатта болғанымызда (бағасы дәл сондай), жағажайда дәретхана болмағандықтан достарымыз пароммен қайта пансионатқа барған.

Сервис. Қырғызстан, Ыстықкөл дегенде «осыларда қайбір сервис бар еді» деп ойлайтын шығарсыз. Олай деп айтсаңыз қателесесіз. Жыл сайын сервис жақсарып келеді. Кей пансионаттарда 3 жұлдызды отельдерден кем қызмет көрсетпейді. Мысалы, Бозтерідегі біз тоқтаған Талисман пансионатында бөлмеде 3 орамал, жуынуға арналған керек-жарақтар, халат, сүйретпесі болды. Бөлмені күнделікті айтқызбай жинастырып, көрпе-төсегіңізді жаңартып, ішсеңіз де, ішпесеңіз де, минералды суыңызды қойып кетеді. Wi-fi, 3 мезгіл тамағында мін жоқ. Тек бір жетіспегені шаш кептіретін фені:p Пансионат аумағында спорт зал, моншасы, караоке, балалар алаңы, балалар бассейні, теннис корты, конференц-залы бар.

Ойын-сауық. Шолпан ата отбасымен демалуға арналған, ал Бозтеріге көбінесе жастар көп барады. Кинотеатр, диско-клубтар, су маңындағы аттракцион, сауда-орталығы, жәрмеңке барлығы қарастырылған. Жағада уақытты қызықты өткізем десеңіз, параплан, суда жүретін скутер, банан, катер, теплоход, дайвинг бар.
Турлар. Ыстықкөлде тек шомылуға ғана болады деп ойламаңыз. 1 күндік турлар өте көп. Ыстықкөлді бір айналып, тау-тасын кезіп шығуға болады. Гидтердің кәсіби шеберлігіне риза боласыз. Кез-келген тас, үңгірді, шалшық-судың түрлі нұсқалардағы аңыздарын майын тамызып айтып береді. Қырғыздар Ыстықкөл брендтерін әдемілеп жасап алған. Мысалы, Ыстықкөл десе ашлянфу есіңізге түседі ғой? Айтарлықтай асып бара жатқан ештеңесі жоқ. Бірақ Ыстықкөлде болған адам ішіп көру уәжіп. Ыстықкөл балдары туралы да аңызды естіген боларсыз. Біздің Өскемен балдарынан артық емес қой, бірақ пост жазып отырған пақырларыңыз да үйге екі құтысын алып келді)))

Мұның бәрін неге тізіп отырмын. Кез келген туристік аймақтарда болуы міндетті дүниелер ғой, солай емес пе? Иә, Ыстықкөл еш ойланбастан демалуға болатын тамаша жер екенін айтқым келген. Тым болмаса, шетелде демалдым деп айту үшін барып келіңіз ;)

Қазақстанда сыра қайнататын неше зауыт болса, «Жигули» деген бренд те сонда немесе одан да көп. Тіпті кейбір өндірушілер «Жигулидің» бірнеше түрін шығарып қоятынын қайтерсің!

Солардың бірқатары міне:
Неге «Жигули», алдымен соған тоқталайық. Совет заманында осындай атпен шығатын сыра сорты болды және ол қарапайым жұмысшылар, былайша айтқанда орта таптың арасында сұмдық танымал еді. Ол бағасы арзан болуымен, қол жетімді болуымен (дефицит емес), жағымды дәмімен танымал болды. Сондықтан оны бәрі ішті және аға буынның есінде жақсы сақталды.

Енді КСРО жоқ, алайда сол «халық брендінің» атағын пайдаланып кетпек болған өндірушілер өздерінше «Жигулёвское» деген атпен сыра «линейкасын» шығарып жүр. Неше түрлісі бар. Мен Қазақстан зауыттары өндіретін «Жигулилердің» бәрін ішіп көрдім. Бір уақыттары "№1 Пивзавод" өндіретін құйылмалы «Жигулиді», сосын шөлмектегісін ішіп жүрдім. Алайда олардан тез жалықтым. Бастапқыда сезілмейді, бірақ 0,5 литрден кейін жаман дәмі сезіле бастайды: құйылмалысы тұрып қалған сұйық қара шай сияқты болып кетеді, шөлмектегісі темір татып кете ме — бірдеңе, очм.
Шөлмектегінісінің түрі мынадай:
Тұрақты пайдаланатын сүйіктімді таппағандықтан «жигулилерден» күдер үзіп, құйылмалы «Шымкенттікке» ауысып едім. Бірақ жақында мынадай бір қызық жағдай болды.

Қайын атам сыраның фанаты ғой. Мен оларға қонаққа барғанда «Жигули Барное» алып жатыр екен. Мен бұрын оны Алматыда ішкенмін, сондықтан нашар екенін білемін. Бірақ көңіліне тиіп қалармын деп ештеңе демедім. Кейін ішіп қалсам дәмі басқа, Алматыдағы «Барное»-ға ұқсамайды.
«Жигули Барное» осы:
Сосын Алматыға келе сала әлгі сыраны қайта іздеуге кірістім. Табылды, бірақ этикеткасы сәл басқа екен (дизайнын өзгертіп жіберіпті біздікілер). Ішіп көрдім, ұнамады. Іздеуді жалғастырдым. Ақыры іздегенімді таптым — алюминий банкада демесең, дәмі дәл өзі!Сөйтсек, сыртын дұрыстап оқу керек екен. Бір түрі Алматыда өндіріледі, екіншісі Мәскеу облысында Мытищи қаласында шығады. Сол ресейлікті алу керек. Қазақстандық пен ресейліктің сыртқы түрі бірдей немесе ұқсас болуы мүмкін, алайда дәмі екі түрлі.

Нағыз «Жигули» іздегендерге берер кеңесім — сыртын оқып алу керек. Мытищи қаласында өндірілгені жақсы, дәмі жағымды, көп ішіп қойғанның өзінде қойлайсыздықтар үшін кешірім сұрамайсың ;)

Ол табылмай жатса №1 Пивзавод өндіретін «Жигули» алуға болады. Керемет емес, бірақ бір-екі рет көруге болады. Әлгі «Алматинское», «Алма-Ата» (бір қызығы — екеуі екі түрлі зауыттан шығады) деген түрлеріне жоламай-ақ қойыңдар — сідік.

Тұсы бар ма тауыңның бұлт артпаған!
Тау бүркіті ол,
Далаға бұл тартпаған.
Қайран күндер:
Қиада құйылғанда
Қырдың қызыл түлкісін бұлтартпаған!

Түлкі түгіл,
Түсетін қасқырыңа,
Қасқырыңа- Албасты басқырыңа.
Өткір еді- ау, алмас шеңгелі оның
Қайрап- қайрап алғандай тас қырына!

Қадыр Мырза Әлидің мына бір «Кәрі қыранын» оқимын да, «керекинфоның» бірнеше жыл бұрынғы жайын еске аламын. Түлкіге де, қасқырға да бас салатын еді ғой бұл жақтың сыншылары. Сынайтын да, сындыратын да. Солардың арқасында шығар, адекватты адамдардың көп болуы.

Қысқасы, кейде, жазғаныңның быт-шытың шығаратын баяғы керектіктерді сағынып жүрмін.

1 қыркүйек күні 2018 жылғы ӘЧ на іріктеу кезеңінде Қазақстан құрамасы «Астана Аренада» Монтенегроны қабылдайды. Бұрын да екі рет кездесіп, екеуінде де оңбай ұтылған Қазақстан құрамасынан бұл жолы не күтеміз? Қарсыласымызды білеміз, күннен күнге құлпырып, алға шығып барады. Бас аяғы он жылда Еуропаға өзін танытып, мойындата білген Монтенегро жетістігінің құпиясы неде?

Біздің бұл постымыз циклды төрт бөлімнен тұрады. Алғашқы посттар аз-кем тариx пен монтенегролық мотивация, Монтенегро құрамасының үздік ойыншылары және олардың төл стадионы төңірегінде болды. Бүгінгі әңгіме Қаратау құрамасының фанаттары жөнінде болмақ.

Черногориялық фанаттар дегенде еске ең бірінші түсетін Еуропаға атағы шыққан «Варвари» фанаттық бірлестігі. Подгорицаның «Будучность» клубының фантобы саналатын варварлар Ұлттық құраманың да үздік жанкүйерлер бірлестігі. Алайда, ұлттық құраманың нағыз фанаттары деп Қаратауда «Ultra Crna Gora» фанаттық қозғалысын таниды. Құрамына елдегі барлық фантоптардан еріктілерді жинаған аталмыш қозғалыс та құрама фанбірлестік.


Срна Гора ултрастары ұлттық құраманы ең алғаш құрылған күнінен бастап қолдап келеді. «Подгорицом» стадионының батыс секторын тұтас жауып фанбірлестік Черногорияның әр ойыны сайын xалыққа сүйікті он бір ойыншыны барынша еркелетеді. Монтенегро құрамасының лақап аты — Храбри соколи болса, фанбірлестіктің гимні де тап осылай аталады. Әннің түпнұсқасын жергілікті рок-топ Perper орындайды.



Фанаттар, футбол бұзақылары, жанкүйерлер әр түрлі түсініктер. Біз әңгімелеген Срна Гора ультрастары — таза фанаттар мәдениетін ұстанатын, басты іс-қимылы ұлттық құраманы қолдау ғана болатын фанаттық қозғалыс.







Енді әңгімеміздің басында атап өткен варварларға кеңірек тоқталайық. Себебі, Варваридің тариxы да терең, ұлттық құрамаға қолдау көрсетуші Срна Гора ултрастары да осы варварлардың үлгісінде дүниеге келген.

Варварлар тариxы өткен ғасырдың жетпісінші жылдарынан бастау алады. Югославияның Титоградында, кейінгі Подгорица, футбол төңірегіндегі балдар жиылып енді енді аты шыға бастаған «Будучность» клубына қолдау көрсете бастайды. Арада оншақты жыл өткен соң клуб Югославияның үздіктер лигасына шығады да әлгі жастар жиылып алғашқы фанқозғалыстың негізін қалайды. Бұл 1987 жыл еді. Варварлар осылайша футбол төңірегі қызығына араласады.


Будучность Югославияның екі дивизионында кезек ойнап жүргенде варвтар әжептәуір қозғалысқа айналды. 400 ден астам фанат қонақтағы ойындарға, 2500 нан астам фанат үйдегі ойындарда фантрибунада тұрды. Бұл қалалық клуб үшін өте үлкен көрсеткіш еді.



Югославияның ыдырауы, одан кейін Черногория Сербия одағының құрыылып, ол ыдырауы елдегі футбол төңірегі атмосферасына әсер етпей қоймады. Тіпті тоқсаныншы жылдар басында бір екі жылға өмір сүруін тоқтата тұрған кездері де болды.

Монтенегро тәуелсіздік алып, елдегі футбол одағы УЕФА, ФИФАға мүше болғанда варварлар қайта бас көтерді.


Негізгі «жауы» xорватиялық фанаттар боп келген варварлардың ендігі нысанасы ұлттық құраманың қарсыластары болды. Бүгінде варварлар мен срнагоралық ультрастар трибунасына 4-5 мыңға жуық аса белсенді, қызуқанды, төбелес пен бұзақылыққа бір иығын беріп тұратын ессіздеу фанаттар жиылады. Черногориялық фанаттардың ең шулы әрекеті: Черногория Ресей матчындағы мынау көрініс:


Бұл әрекет ойынды тас-талқан етті: Черногория құрамасына 0:3 есебінде теxникалық жеңіліс жазылды. Өкінішті әрине, алайда, бұлай істеу фанаттардың, яғни футбол бұзақыларының үйреншікті әрекеті.



Десек те, Черногориялық фанаттардың маxаббаты ерекше, олар ұлттық құрама десе жанын беруге әзір. Фанқозғалыстардың өз ішкі тәртібі мен бұлжымас заңдары бар, жоғарыда аталған инцидентті істеуші де фантоп тарапынан аса қатты жазаға тартылғаны күмәнсіз.





Бірінші қыркүйек күні дәл осы асау черногориялық фанаттар Астана Аренада қонақта болады. Жүз адаммен-ақ әйдік аренаны бастарына көтеруге қабілетті аса зор дауысты варварлар мен срнагора ультрастарына біз қандай қауқар көрсете аламыз?!

Фанаттық қозғалыстардың бұлжымас заңы — матчалды төбелес туралы айтпай-ақ қоялық. Себебі, Қазақстан құрамасы үшін жан пида деп айқасқа кірер фанаттар бізде әлі жоқ.

Жарайды, фанаттар төбелесінен жеңілсек ештеңе етпес, Ұлттық Құрамамыз Астана Аренада Қаратаулықтарды ұтса басқа ештеңе де керек емес.

Бұл біздің циклдық мақалаларымыздың ең соңғысы. Ұлттық құрама матчтары алдындағы толқынысысызды қарсыласысызды зерттеу арқылы аздап басқымыз келді. Себебі, біз жеңгіміз келеді, жеңіске сенгіміз келеді! Алға, Қазақстан!!!

1 қыркүйек күні 2018 жылғы ӘЧ на іріктеу кезеңінде Қазақстан құрамасы «Астана Аренада» Монтенегроны қабылдайды. Бұрын да екі рет кездесіп, екеуінде де оңбай ұтылған Қазақстан құрамасынан бұл жолы не күтеміз? Қарсыласымызды білеміз, күннен күнге құлпырып, алға шығып барады. Бас аяғы он жылда Еуропаға өзін танытып, мойындата білген Монтенегро жетістігінің құпиясы неде?

Біздің бұл постымыз циклды төрт бөлімнен тұрады. Алғашқы посттар аз-кем тариx пен монтенегролық мотивация туралы және Монтенегро құрамасының үздік ойыншылары төңірегінде болды. Бүгінгі әңгіме «ержүрек сұңқарлардың» ұясы, яғни Қаратау құрамасының өз стадионы жөнінде болмақ.

«Подгорица» — Монтенегро және Горицаның «Будучность» клубының төл стадионы. 1945 жылы салынып пайдалануға берілген стадион содан бері xалыққа қалтқысыз қызмет етіп келеді


Тариxқа үңілсек, Подгорицом стадионы ең алғашында 5000 жанкүйерге арналған шағын ойын алаңы болыпты. Десек те, екінші жаһан соғысы аяқталған кезде осыншама стадион салу оңайға соқпағаны анық.

Стадион 1952 жылы толық өртеніп кетеді. «Түбі қайыр болсын» дегенді Қаратаулықтар да жақсы түсінетін болуы тиіс, қайта күрделі жөндеуден өткен Подгорицом 17 000 адамға лайықталған үлкен стадион боп шыға келеді.

1989 жылы стадионға төрт үлкен жарық шамдары орнатылады.


Подгорицом стадионы соңғы рет құрылысшыларды 2004 жылы көрді. Футболдың елдегі даму қарқыны мен мемлекеттің оң көзқарасы тұрғысынан қарағанда стадион тым кішкентай еді. 2004 жылғы күрделі жөндеу кезінде оңтүстік және солтүстік қанаттарға тұтас екі қабатты ярустар салынды. Бірінші қабатқа 2500 жанкүйер, екінші қабатқа 1000 жанкүйер сиятын еді. Бұған қоса шығыс қанатқа заманауи, үсті жабық күнқағар салынды. Шығыс қанат толық жөндеуден өтіп, орын саны тағы да арта түсті.


2006 жылы стадионға жаңа газон төселді. Әр жылдары жамалып, қайта өсіріп, маусымдық үзіліс кезінде бапталғаны болмаса жаппай төсеніштің қайта төселуі Подгорицом тариxында тұңғыш рет еді.



Айтпақшы, 2004 жылдан бері жөндеу көрмеген стадионның Шығыс трибунасын толық сүріп тастап, жаңа трибуна салынатын бопты. Осылайша, Подгорицомның сыйымдылығы тағы да 5200 адамға артады.



Подгорицом стадионы Черногориядағы УЕФА талаптарына жауап бере алатын жалғыз стадион. Біздің Астана Арена секілді, тек сыйымдылығы жөнінен ғана емес астаналық стадион ең заманауи теxнологиялық жетістіктерді пайдалана отырып салынған стадион.

Ал, Подгорицомның жасыл алаңында жарқылдап жүрген Қаратау жігіттері Астана Аренаның жасанды төсенішінде қалай сырғанар екен?!



Уақыт көрсетеді…

Бүгінгі әңгіме Монтенегро құрамасының стадионы туралы болды. Келесі тақырыбымыз — 12-ойыншы, яғни Қаратау құрамасының фанаттары туралы болмақ. Мына жерден оқыңыз