ҚР Тәуелсіздігі күні қарсаңында елордада жас таланттар арасындағы байқаудың жеңімпаздарын марапаттау рәсімі өтеді, деп хабарлайды Астана қаласы әкімдігінің медиа орталығы.

Биыл еліміздің бас қаласында алғаш рет Жастар саясаты мәселелері басқармасының ұйытқы болуымен «Астана Дарыны 2017» байқауы өтпек. Ол ғылым, заманауи шығармашылық және өнер, журналистика, қоғамдық қызмет, спорт, театр және өнер, эстрада, жастар саясаты бағытын ұстанған ҮЕҰ, әлеуметтік саланың үздік қызметкері, өндірістің үздік жұмысшысы, жас кәсіпкер, жыл студенті, жыл волонтері, ерлігі үшін, үздік мемлекеттік қызметкер сияқты 15 аталым бойынша дарынды азаматтарға анықтап, оларға қолдау көрсетуге бағытталған.

Астана қаласы Жастар саясаты мәселелері басқармасы мәлімдегендей, жоғарыда аталған байқауға қатысуға 14-29 жас аралығындағы 200-ден астам жас азамат өтінім білдірген.

Байқаудың қазылар алқасы жеңімпаздарды қараша айының соңына дейін анықтайды.

Ал жеңімпаздарды марапаттау рәсімі ҚР Тәуелсіздігі қарсаңында өтпек. Мерекелік шара барысында жас дарын иелерінің алдында Қазақстан эстрадасының жұлдыздары өнер көрсетеді деп күтілуде.

«Астана Дарыны 2017» байқауының жалпы жүлде қоры 2 250 000 теңгені құрайды. Жүзден жүйрік атанғандар дипломдармен, арнайы статуэткалармен, логотиптелген қол сағаттармен және Астана қаласының Жастар саясаты мәселелері басқармасының арнайы сыйлығымен марапатталады.

Биыл Конфедерация Кубогы 2- рет өткізілгелі отыр. Бокс, дзюдо, таеквондо, грек-рим және еркін күрес түрлерінен өткізілетін ерекше форматтағы жарысқа биыл өзіміздің төл спортымыз Қазақ күресі қосылып отыр.

Желтоқсанның 1-і күні Алматыда қазақ күресінен клубтар арасындағы жарыстың іріктеу кезеңі өтеді, ал желтоқсанның 2-3 күндері Балуан Шолақ атындағы спорт сарайында іріктеуден өткен 4 команда Конфедерация Кубогінің аясында өзара жүлдегерлерлді анықтайды!

Келіңіздер көріңіздер, қолдау көрсетіңіздер!

Ұлттық күресімізбен олимпиада бағдарламсының ең тартысты 5 спорт түрі бойынша өтетін жарыстарды бір уақытта тамашалауға керемет мүмкіндік!

2-3 желтоқсан Балуан Шолақ ат. СК
Алматы қаласы.
Басталуы сағат 10:00

Алматы облысында «Patriot Qazaqstan» реалити-шоуы басталды. Реалити шоу күнделіктерін 20-шы қараша мен 03 желтоқсан аралығында «Жетісу» телеарнасынан кешкі сағат 19:45 көре аласыздар!
Өңірде алғаш рет ұйымдастырылған «Patriot Qazaqstan» реалити-шоуының финалды кездесуіне және жеңімпаздық белбеуін тапсыру рәсімі өтеді.
Шара 2017 жылдың 3 желтоқсан күні, сағат 18.00-де Алматы облысы, Талдықорған қаласы, «Жастар» спорт сарайында өтеді.

Сәрсенбі күні, 2017 жылы 29 қарашада Астанада Қазақстан Республикасының Тәуелсіздік күніне арналған «АСТАНА-ЖАСАМПАЗ» фотокөрмесі салтанатты түрде ашылады.
Ұйымдастырушылар: Астана қаласы бойынша Іскер әйелдер қауымдастығы, «Forte Bank» АҚ қолдауымен
Өтетін орны: Астана қ, Достык 8/1,
Басталуы: 18:30

Қазақстан Республикасының Тәуелсіздік күніне арналған мереке тек қана күнтізбеге арналған тамаша күн ғана емес, тәуелсіз мемлекеттің қалыптасуы мен даму кезеңінде еліміздің және әрбір қазақстандықтың ерекше жетістігі.

Қазақстан — жас тәуелсіз мемлекет. Дегенмен, осы кезеңде елдегі айтарлықтай ауқымды мемлекеттік өзгерістер болды. Экономиканың қолданыстағы жүйесі түбегейлі өзгерді, бүгінгі күні біз әлемдік экономикада интеграциялануға мүмкін дамушы нарықтық экономика бар елде тұрамыз. Қазақстан шетел инвестицияларын тартуда ТМД және Шығыс Еуропа арасында жетекші мемлекет болды.

Қазақстанның халықаралық саясаты біздің мемлекетіміздің егемендігі мен тәуелсіздігінің халықаралық кепілдіктеріне қол жеткізуге бағытталған. Шет елдермен достық қарым-қатынас орнату үшін жемісті жұмыс жүргізілді. 120-дан астам ел ресми түрде Қазақстанмен дипломатиялық қарым-қатынастар орнатып, таныды. Қазақстан БҰҰ-ның толыққанды және белсенді мүшесі болып табылады, сондай-ақ Еуропалық Одақ, Еуропалық қайта құру және даму банкі, Халықаралық валюта қоры, МАГАТЭ, Қызыл Крест, ЮНИСЕФ және ЮНЕСКО сияқты ең ықпалды халықаралық ұйымдармен ынтымақтастықтығын нығайтты. Қазақстан 40-тан астам көпжақты және 700 екіжақты келісімдер мен келісімдерге қосылды.

Қазақстанның әлеуметтік бағдарланған нарықтық экономикаға көшуінің арқасында елде бизнес дами бастады. Тәуелсіз Қазақстанның пайда болған алғашқы күнінен бастап, шағын және орта бизнес (ШОБ) посткеңестік кеңістікте, нарықтық экономика мен психологияны қалыптастыру үшін сияқты жетекші рөлдердің біріне айналды. ШОБ қолдау үшін «Бизнестің жол картасы-2020», «Агробизнес-2020», «Жұмыспен қамту-2020» бағдарламалары жүзеге асырылуда.
Біз керемет заманда өмір сүрудеміз, қазіргі заманда әрбір әйелдің табысқа жетуге мүмкіндігі бар, ол үшін тек қана күш-жігер жұмсап, кез келген салада: саясатта болсын, бизнесте болсын не ғылым саласында болсын өз талантын аша білу қажет.
Әйелдер кәсібін дамыту еліміздің жалпы іскерлік ахуалымен тығыз байланысты, бұл біздің еліміздегі шағын және орта кәсібінде (бұдан әрі — ШОБ) әйелдер үлесінің артуымен расталады. Бүгінгі таңда, елде орта есеппен ШОБ субъектілерінің 42% -ы барлық жұмыс орындарының 30% -нан астамын қамтамасыз ететін әйелдер басқарады. Ал әйелдердің елдге ЖІӨ-ге қосқан үлесі шамамен 40% құрайды.
Біздің сүйікті астанамыз күн сайын жақсарып келеді және бұған Астанадағы іскер әйелдердің үлесі айтарлықтай көп. Осыған орай «АСТАНА-ЖАСАМПАЗ» фотокөрмесінің мақсаты Астананы дамытуға және құруға бағытталған ШОБ саласында әйелдердің еңбегін көрсету болып табылады.
Айналаңызға қараңыз, сонда сіз кәсіпкер әйелдердің өміріміздің барлық саласындағы жасампаздығын көресіз: олар нан пісіріп, үйлер салуда, біздің күнделікті өмірімізді әдемі де жайлы етуде. Және олар бұл істерді Мемлекет Басшысы Н.Ә. Назарбаевтың «Әйелдер тек өмір сыйлаушылар емес. Әйелдің өзі өмір!» деген сөздерін растай отырып үлкен махаббатпен жасауда.
Астанадағы Іскер әйелдер қауымдастығы Астананы дамытуға және құруға бағытталған шағын және орта бизнестегі әйелдер жұмысын көрсету үшін «АСТАНА-ЖАСАМПАЗ» фотокөрмесін өткізеді.
Қазақстандық іскер әйелдер қауымдастығы ұйымдастырған «АСТАНА-ЖАСАМПАЗ» атты алғашқы фотокөрмесін халыққа және Мемлекет басшысы Н.Ә. Назарбаевқа 2015 жылы көрсетілді. Бірінші фотокөрменің кейіпкерлері 30-35 жас аралығындағы Астананың қарапайым қызметкерлері болды: дәретхана қызметкері, мұғалім, медбике, медбике, аспаз, гүл сатушы, шаштараз, автобус жүргізушісі, олар өздерінің күнделікті жұмысын атқарып біздің астанамыздың гүлденуіне айналдырды.
2017 жылдың 29 қарашасында жұртшылық назарына ұсынылатын «АСТАНА-ЖАСАМПАЗ» атты екінші фотокөрмесінің кейіпкерлері кәсіпкер әйелдер, сондай-ақ Астана қаласында тұратын және жұмыс істейтін шағын және орта бизнестің басшылары болып табылады. Фотокөрменің ұйымдастырушылары, шағын және орта кәсіпкерлік саласында әйелдер кәсіпкерлерінің жетістіктерін жұртшылық бағалайтынына сенімді.
«АСТАНА-ЖАСАМПАЗ» атты екінші фотокөрмесінің тұсаукесеріне Қазақстанның іскер әйелдер ассоциациясының президенті Сәрсембаева Раушан, «Forte Bank» АҚ Басқарма төрағасы Әуезов Мағжан, Еуропалық қайта құру және даму банкінің Қазақстандағы өкілдігінің басшысы Агрис Приманис, Астана қаласы әкімінің орынбасары Бектұрова Малика, Астанадағы Даму қорының аймақтық филиалының директоры Қайырбеков Исламбек және басқа да қонақтар мен серіктестер.

Барлық сұрақтар бойынша мына телефонға хабарласыңыз: 79-15-98, 79-15-95,
ұялы телефон: 87015125500
Жобаның үйлестірушісі — Амина Еркінбай.
Шужеева Азиза — Астанадағы іскер әйелдер қауымдастығы кеңесінің мүшесі: 7015223010

Әлкей Аманжолов – EffLife IT компаниясының директоры мен негізін қалаушы, ақырғы Startup Weekend-тің жеңімпазы. Байқауда ол қорғаған «EFF Med control» жобасы ауруларды болжаудың автоматтандырылған жүйесіне бағытталған.

Жас кәсіпкер медицина саласына тек 2016 жылы келген болатын. Бұл жылы ол жеке компаниядан денсаулық сақтау саласындағы жобаны құру жөніндегі тапсырысқа ие болған-ды. Жас IT стартаперлерді медициналық технологиялармен, жалпы диагностикамен танысу мүмкіндігі қызықтырмай қоймады, әрине. Жас кәсіпкердің айтуынша, осы тапсырыс Startup Weekend байқауына қатысуға түрткі болған. Іс-шараның талаптарына сәйкес, блокчейнді пайдалану арқылы жобаны жетілдіру керек еді (мәліметтерді сенімді сақтаудың инновациялық жүйесі).

«Мен блокчейнге нені қосамын деп көп ойландым. Денсаулық сақтау саласы үшін оның жалғыз өзінен тиетін пайдасы шамалы. Бұл – мәліметтерді сақтаудың күрделі жүйесі. Егер оның көмегіне біршама уақыт ішінде ешкім жүгінбесе, онда блокчейнді пайдаланудың еш мәні болмайды. Дәрігерлер медициналық құжаттарды тек адам сырқаттанған жағдайда ғана пайдаланады емес пе?!», – деп түсіндірді Әлкей Аманжолов.

Бұл тұста бизнесмен өз жобасына телемедицина жүйесі мен нейронды желі әдісін енгізуге шешім қабылдайды. Стартапердің сөздеріне қарағанда, бұл бөлінген тәуелсіз жобалар. Кейіннен ол сол жобаларды біріктірген екен.

«Қарапайым тілде айтқанда, телемедицина арқылы дәрігер әлемнің бір шетінен басқа жерде жасалып жатқан оталарды бақылай алады. Сонымен қатар, науқас туралы мәліметтердің барлығы бір құрылғыда жиналып, ақпарат алмасу процесі жүреді. Дәлірек айтқанда, біз науқас ем қабылдаған бар әлемнен ақпарат жинап, оны серверді сақтаймыз. Бұл жағдайда адам әлемнің қай шетінде жүрсе де, өзінің медициналық аккаунтын белсенді етіп, Bluetooth, Wi-Fi немесе USB арқылы іздеу принципі бойынша қондырғыны қосса жеткілікті», — дейді ол.

Нейронды желі. Жүйеге енгізілген ақпараттың көмегімен компьютер ауруды өзі болжап, өзі анықтайды. Бастысы, сараптамалардың немесе тексерістердің нәтижелерін өз аккаунтына мобильді қосымшада енгізуді ұмытпау керек.

«Мен нейронды желінің бұл үлкен жүйедегі ең басты буын екендігін түсіндім. Оны басқаша жасанды ақыл немесе өзі үйрететін машина деп атайды. Қазіргі таңда ол виртуалды жүйеге айналды. Оның өздігінен дамуға арналған әлдеқандай әлеуеті бар», – деп түсіндірді жобаның жас авторы.

Желі TensorFlow машиналы оқытуға арналған ашық бағдарламалы кітапханасы арқылы іске қосылып, кез келген заңдылықтарды іздеу шаралары жүзеге асады.

«Жүйе өздігінен барлық ақпаратты өңдеп, барлық сәйкестіктер мен дәлсіздіктерді іздей бастайды, бұдан кейін алынған барлық мәліметтердің сараптамасы жасалады. Сау адамның көрсеткіштеріне сай келмейтін нәтижелер бар болса, компьютер оларды салыстыру арқылы анықтап, белгі береді. Бұл жүйеге өлі адамның да көрсеткіштері енгізіледі», -дейді Әлкей Аманжолов.

Жобаны іске асыруға екі жыл кетеді. Оның құны 200 млн теңгені құрайды.

«Менің есептеулеріме сәйкес, екі жылдық жұмыстан кейін біз екі-үш айдың ішінде жүрек-қан тамырлары ауруларының кризистерін 90 % дәлдікпен болжай алатын боламыз. Бірінші кезекте, бұл – инфаркт, инсульттер», – дейді ол.

Жүйе мобильді қосымшаға ұқсас. Дәлірек айтқанда, әр адам осы бағдарламаны өзінің ұялы телефонына жүктей алады.

«Мысалы, мен қосымшаны жүктеп, өзімнің медициналық кабинетімді ашып, оны іске қосып, диагностикалық құрылғыны Bluetooth, Wi-Fi немесе USB арқылы таптым дейік. Осыдан кейін менің телефонымда тексерістердің нәтижелері пайда болып, автоматты түрде сақталады», — деп түсіндірді ол.

Бұл жүйеге дәрігер қатыспайды. Оның міндеті болжам анықталған соң, науқасты емдеу болып табылады.

«Әр адамның міндеті – жүйе болжай бастасын деген мақсатпен тәртіпке сәйкес айына немесе аптасына бір рет өз мәліметтерін (сараптаманың немесе басқа тексерістердің нәтижелерін) серверге жіберу», — деп толықтырды Әлкей Аманжолов.

Қоғамдық көлік жолаушыларының жайлылығы үшін және тасымалдау сапасын көтеру мақсатында 27 қарашадан бастап бірқатар бағдарлардағы автобус саны көбейтілді деп хабарлайды елорда әкімдігінің медиа орталығы.

Жолаушылар көлігі басқармасында мәлімдегендей, № 7, № 12, № 15, № 17, № 21, № 32, № 40, № 44 бағдарлардағы автобустардың саны артып, олардың қатынау жиілігі қысқармақ.

«№ 7 бағдар – 10-нан 12 автобусқа дейін көбейтіліп, қатынау жиілігі 10 минуттан 8 минутқа дейін қысқарады;

№ 12 бағдар – 14-тен 15 автобусқа дейін көбейтіліп, қатынау жиілігі 10 минуттан 8 минутқа дейін қысқарады;

№ 15 бағдар – 16-дан 17 автобусов дейін көбейтіліп, қатынау жиілігі 8 минуттан 7 минутқа дейін қысқарады;

№ 17 бағдар – 11-ден 12 автобусов дейін көбейтіліп, қатынау жиілігі 12 минуттан 10 минутқа дейін қысқарады;

№ 21 бағдар – 12-ден 13 автобусов дейін көбейтіліп, қатынау жиілігі 10 минуттан 9 минутқа дейін қысқарады;

№ 32 бағдар – 11-ден 13 автобусов дейін көбейтіліп, қатынау жиілігі 12 минуттан 10 минутқа дейін қысқарады;

№ 40 бағдар – 19-дан 20 автобусов дейін көбейтіліп, қатынау жиілігі 8 минуттан 7 минутқа дейін қысқарады;

№ 44 бағдар – 9-дан 10 автобусов дейін көбейтіліп, қатынау жиілігі 12 минуттан 10 минутқа дейін қысқарады», — деп жазылған таратылған хабарламада.

Желі қолданушылары мәжіліс төрағасы Нұрлан Нығматуллиннің Қазақстан туралы айтқан сөздерін талқылап жатыр.

«Ой-Зерек» радиобағдарламасының 2017 жылғы 25 қарашасындағы эфирінде жартылай финалдық кезеңнің екінші ойыны өтті. Қонаққа келген «Жаңа астаналықтар» командасы ойынды 3:8 есебімен аяқтады.

< — Иә, иә, тігінен.
Бір әңгімеде грек өнертапқышы Цезарьмен жаңа бір зат, құрылғының жобасын талқылап жатады. Цезарь ИКСтің орнына РИМ болатындай етіп жасауын сұрайды. ИКС-ті атаңыз.

Білгір Андрей Козлов шотландтық Чарльз Маклиннің жаңа кітабын сенімді дереккөз деп атайды. Атап айтқанда, онда хересті сақтау мен бурбонды сақтаудың айырмашылығын, немесе «бөшкелік сусын күштілігі» деген не екенін біліп алуға болады. Бұл кітаптың атауы танымал дереккөздің атауын сөзбен құбылтқаннан шыққан. Кітап атауын табыңыз.

Өз әріптестерін ол кәсібилер мен әуесқойларға, кәсіпқойларды өз кезегінде жинаушылар мен әдістемешілерге бөліп жіктеді. Жинаушылардың ішінде ол суретін салушылар мен сипатын жазушыларды, ал әдістемешілердің ішінде философтар, жүйелеушілер және атау қоюшыларды айрықшалады. Оны атаңыз.

«Гриффиндер» мультсериалының кейіпкері Кубада жұреді. Бірде оның жанынан салтанатты түрде америкалық туды алып бара жатады, ол соны ОСЫЛАЙ ІСТЕУ үшін пайдаланады. «Жел қызы» фильміндегі алып қашу оқиғасы клубтағы таныстықтан, дәлірек айтсақ, жігіттердің қызға ОСЫЛАЙ ІСТЕУІнен басталады. Бұл жалпы қисынды, себебі танымайтын адамдар да бір-біріне ОСЫЛАЙ ІСТЕЙ береді. Қазнеттің қылжақбас блогері Сатыбалды Кербабаев «Мүшейра: Тозақта ОСЫЛАЙ ІСТЕУ» атты қисық жазбасында «Тозақтың ыстығы сонша, ...» деген сөйлемді, аталмыш жердің ыстығын мейлінше әсерлі жеткізетін сөйлеммен аяқтау керек деп шарт қояды. ОСЫЛАЙ ІСТЕУді бір әріптен басталатын екі сөзбен атаңыз.

Джеральд Дарреллдің кітабында грек Еврипид туралы баяндалады. Ол өлгенше ішіп, аулада ұйықтап қалады. Кітап кейіпкерлерінің бірі қысқалық үшін Еврипидті осылай атауға болады дейді. Қалай?

Сахара шөлінің жиегі «Сахель» деген сөзбен аталады. «Сахель» сөзінің аудармасы (африкалық) елдің атауына да кіреді. Қазақ тіліндегі аудармасының омомнимі бар. Атаңыз.

Бұл сұрақта жасырын тұрған бір ғана ұғым бар. Кейде ОНДА екі «альфа» болады, мұндай жағдайда ОЛ коалиция деп аталады. Жапонияда ұйымдастырылған «ОЛ» 1997-жылдан 2007 жылға дейін созылды. ОЛ – биологиялық топтың атауы.

Қазақ жұмбағын шешіңіз.
Қимылы оңдырмас,
Кiшкене қоңырбас.

1976 жылы Делиді абаттандыру бойынша бағдарлама аясында қаланың ескі, лас түкпір аудандары қиратылып, квартал тұрғындары өздеріне жаңа тұрақ іздеуіне тура келді. Аңыз бойынша, сыйықсыз үй-жайлар әр жерлерде пайда бола бастады, бірақ ол жерлерге арнайы келген үй бұзушы мекеме өкілдері ештеңе таппай қала берді. Бұл кварталдың тұрғындарының көбінің айналысатын ісін, кәсібін атаңыз.

Өзінің ескі корсетіне сыймай қалған кейіпкер қызды Рэй Брэдбери ОҒАН теңейді. Басқа шығармасында Брэдбери ОЛ туралы жазған үзіндісінде «жасыл, алтын және қара қою құбылған дақ» деп сипаттайды. (Бұл сипат Абайдың «Тоты құс түсті ОЛ» деген шумақтарына жақын.) ОНЫ атаңыз.

Бір журналистке АЛЬФА жиегінде ғана жасыл жолақ созылған кепкен күзгі жапырақты есіне түсіреді. Кеңестік жазушының АЛЬФА туралы кітабы „Басымен төмен төңкерілген бір ай“ деп аталады. Баз Лурманның нұсқасындағы «Альфа» 2008 жылы шықты. АЛЬФАны атаңыз.

Аудионұсқаны мына жерден табасыздар.
Жалпы Қазақ радиосының тікелей эфирін мына сілтемеден тыңдауға болады.

Астана қаласының Жергілікті полиция қызметі 25 қараша мен 10 желтоқсан аралығында мүдделі мемлекеттік органдар және үкіметтік емес ұйымдармен бірлесіп «Зорлық-зомбылыққа қарсы 16 күн» ақпараттық акциясын өткізеді, деп хабарлайды елорда әкімдігінің медиа орталығы.

Іс-шараның негізгі мақсаты — зорлық-зомбылыққа ұшыраған отбасы мүшелеріне психологиялық, құқықтық көмек көрсету, отбасы құндылықтарын арттыру, зорлық-зомбылық құрбандарын оңалту бойынша қызмет көрсету, сонымен қатар халық арасында құқықтық түсіндіру жұмысын өткізу, тұрмыстық қылмыстар мен құқықбұзушылықтардың алдын алу болып табылады.

Аталған акция аясында Л.Н.Гумилев атындағы Евразия Ұлттық университетінде Астана қ. ІІД Жергілікті полиция қызметі, Біріккен Ұлттар Ұйымының Гендерлік теңдік және әйелдердің құқықтары мен мүмкіндіктерін кеңейту «БҰҰ-әйелдер» құрылымының қолдауымен жалпы әйел азаматтардың құқығын, еркіндігін, заңды ықыластарын қорғауға ынталы, мүдделі барлық тиісті органдар атап айтсақ жергілікті атқарушы билік өкілдері, Астана қаласы әкімінің жанындағы әйелдер ісі және отбасы демографиялық саясаты жөніндегі комиссия мүшелері, құқық қорғау органдары, мемлекеттік мекемелер сондай-ақ үкіметтік емес ұйымдар жәнеде бұқаралық ақпарат құралдары жиылған кеңейтілген дөңгелек үстел өткізді.

«Полиция әйелдерге отбасында зорлық-зомбылық көрсетуші тұлғалармен де сондай-ақ күш көрсетулердің құрбандарымен де бірлесіп әрекет ететін ең бірінші, көп жағдайда жалғыз ғана әлеуметтік институт болып табылады», — деді ЖПҚ бастығы Бақытжан Малыбаев.

Іс-шараның қортындысында Үкіметтік емес ұйымдар мен жергілікті полиция қызметі алдағы уақытта ынтымақтастықта жұмыс жасау туралы мемарандумға қол қойды және бірқатар мемлекеттік органдардың жетекшілерімен, үкіметтік емес ұйымдарға алғыс хаттар табыс етті.

Дөңгелек үстелді студенттердің қызғылт түсті шарлармен, біз зорлық-зомбылыққа қарсымыз атты флеш-мобы аяқтады.

Мен үшін «Я» деушілер екіге бөлінеді:
1. Сетевиктер
2. Өзіне, денсаулығына тиянақты адамдар (медиктер, диетадағылар, спортсмендер т.б. таңдап, талғап жүреді)
«Жоқ» деушілер де:
1. Зиян, қауіпті, қымбат дейтін тобыр
2. Дәріханадағы өнімнің біразының, жеке «аптечкасындағы» препараттың көбінің сыртындағы «ББҚ дәрілік құрал болып табылмайды» дегенді байқамай жүргендер
«Ол не?» деушілер бөлінбейді )
P.S. Кей елдерде жұмысқа тұруға үміткерлерден «ББҚ ішесіз бе?» деп сұрайды екен тіпті…