Түнерген түн артынан арайлап таң шығары анық. Бәріміз бүгін жылап жатып бұл қайғының да өтетінін ертең бәрі ұмыт болатынын ойлаймыз. Бірақ жылауымызды жалғастыра береміз. Мұңды өлеңдер іздейміз біздер қыздар қайғы үстіне қайғы жамауды жақсы көреміз. Бірақ ертесіне күлеміз.
Мен өмірде өте көңілді адаммын. Жыламайтын, жасымайтын, сағы сынса білдірмейтін, барлығына көңілді қарайтын. Бірақ тереңінде емес ел көзіне.
Әділетсіз адамдар көп деп жылау үшін өмірде біреу сенің әділеттілігіңе разы болуы керек, мені неге түсінбейді деп жыламас бұрын өзің түсінікті болуың керек, бәрі өтірікші демес бұрын сенің туралығың битікінен де мығым екеніне көз жеткізіп алғаның жөн болар. Көрдіңіз ба барлығының бастауы өзіңіз екенін.
Барлығының соңына «уақыт емші» дегенді неге қосмыз. Алып қарайықшы қыз бен жігіт айырылысып кетті делік. Қыз жылайды ұмыта алмай қиналады, немесе жақынынан айырылса дәл сондай сезім тіпті одан екі есе ауыр ойлар. Жаныңа келген жақыныңнан алыстағы араласыңа дейін «уақыт емші» дейді. Уақыт қалай емдейді, қимасыңды қидырып ұмытпасыңды ұмыттырардай уақытта қандай күш. Әлде жадыңды жаңарта ма? Жоқ егер ол сенің жадыңнан тез өшсе ол сен үшін аса маңызды адам болмады деген сөзге саяды келіп соңында. Адам ойынан өзі өшіріп жан дүниесінде адамға деген қимас сезімінен өзі босатпаса уақыт деген бос далбаса. Сағат сен үшін тоқтай тұрмайды. бірден кейін екіге, одан үшке, одан төртке дәл осы ізділікпен он екіге дейін жылжи береді, жылжи береді. Ойларыңнан арылып серпілмесең дәл солай бес жыл, он жыл тіпті өміріңіздің соңына дейін жүре беруіңіз мүмкін.
Сондықтан ойларыңыз бен мұңдарыңыздан өз уақытында арылыңыздар. Адам өз ішінде босатпаса, уақыт ештеңеге де емші емес!

 Жыл басынан бері «ӘМСҚ» Астана қаласы бойынша филиалы медициналық мекемелерге тұрғындарға көрсеткен қызметтері үшін 68,4 млрд теңге төледі.

Бұл сома кепілдендірілген тегін медициналық көмек көлемі шеңберінде қызмет көрсету туралы жалпы құны 88,1 млрд теңгеге бекітілген келісімшарттар сомасының шамамен 77,6%-ін құрайды. Төлемдердің басым бөлігі стационарлық және стационарды алмастыратын көмекке (23,2 млрд теңге), жоғары технологиялық медициналық қызметтер үшін төленді. 10 ай ішінде аталған медициналық көмектің түрлері мен формалары бойынша 235 мыңнан астам науқас емделді.

Сондай-ақ, қазіргі таңда қалалық филиалдың медициналық қызметтерді жеткізушілер тізімінде 85 мекеме бар, олармен стационарлық көмек, алғашқы медициналық-санитарлық көмек, консультативті-диагностикалық көмек, жедел жәрдем, жоғары технологиялық медициналық қызметтер және тағы басқа қызмет түрлері бойынша 122 келісім-шарт бекітілген. Жеткізушілер тізіміндегі 36 медициналық ұйым – мемлекеттік, 49 — жекеменшік. Өткен жылмен салыстырғанда жекеменшік емханалардың саны 13-ке артты. Астаналық жеткізушілердің толық тізімімен қордың fms.kz сайтында танысуға.   

«ӘМСҚ» КЕАҚ Астана қаласы бойынша филиалының директоры Н.Кабдықапаровтың айтуынша, медициналық ұйымдарға ақы төлеу кестеге сай жүріп жатыр. Бөлінген қаражат медициналық ұйымдардың операциялық шығындарын өтеуге, оның ішінде қызметкерлердің жалақысын төлеуге жеткілікті.

«Қор апта сайын стационарлық және стационар алмастырушы медициналық көмек көрсететін ұйымдардың қызметтерінің сапасына электронды басқару жүйесі арқылы мониторинг жүргізеді. Айта кетерлігі, мониторинг жүргізу халық арасында сұранысқа ие медициналық қызмет түрін анықтауға да мүмкіндік береді», — дейді Н. Қабдықапаров.  

Медициналық қызметтерді пайдаланушылар тарапынан жеткізушінің қызметіне немесе көрсетілген қызмет сапасына қатысты арыз түскен жағдайда, филиал қызметкерлері жоспардан тыс мониторинг өткізеді.

Бүгін Барселонада Smart City Expo 2018 Бүкіләлемдік конгресі өзінің жұмысын бастады. Шараға қатысушылардың арасында «Астана Innovaitions» АҚ басқарма төрағасы Олжас Сартаев та бар, деп хабарлайды елорда әкімдігінің ресми сайты.

«Барселона мэрінің шақыртуы бойынша Smart City Expo 2018 бүкіләлемдік конгресіне келдік. Астанадан басқа конгреске әлемнің 100-ден астам қаласынан өкілдер қатысуда. Мұнда қалалар басқа қалаларға өзара тәжірибе алмасып, өздерінің жобасын көрсетеді, оны дамыту үшін жаңа шешімдерді іздейді», — деп атап өтті Олжас Сартаев өзінің «Facebook»-тегі парақшасында.

Шара «ақылды қала» саясатын қабылдауда қатысушы-қалалардың әрқайсысының өзіндік үлес қосуларына, бизнес үшін жаңа мүмкіндіктерді анықтауға, серіктестік қарым-қатынасты орнатуға бағытталған.

Алғашқы сауда-саттық Мемлекет басшысы арнайы орнатылған гонгті ұрғаннан кейін басталды, деп хабарлайды Астана әкімдігінің ресми сайты.

Қазақстан Президенті тәуелсіздіктің алғашқы жылдарында дағдарыстан шығуға жол ашып, толық тоқтаған экономиканы жылжытуға мүмкіндік берген 1995-1999 жылдардағы «жылдам» жүргізілген жекешелендіруді еске салды. Сондай-ақ, ел басшылығының алдына жекешелендірудің екінші ауқымды кезеңін өткізу міндетін қойды. Өз кезегінде «Астана» халықаралық қаржы орталығының басшысы Қайрат Келімбетов бүгінгі таңда АХҚО-да 88 компания тіркелгенін атап өтті.

«АХҚО биржасындағы алғашқы транзакция басталды. Жақында Қаржы министрлігі еурооблигациялардың дебюттік шығарылымын орналастыруды аяқтады. Бұдан бөлек, «Қазақтелеком» облигациялары орналастырылған. Біз «Самұрық-Қазына» Ұлттық әл-ауқат қоры» АҚ және «Қазатомөнеркәсіп» ҰАК-ға соңғы бірнеше ай бойы бірлескен жемісті жұмысымыз үшін алғыс білдіреміз. Бұл транзакцияны табысты аяқтадық. Бүгін Астанада сауда басталды, Лондонда тиісті шаралар жария болды. Менің ойымша, бұл – Қазақстан үшін үлкен қадам», – деді ол.

Айталық, Байқоңыр ауданындағы тазалау жұмыстарына 16 учаскелік мердігерлік ұйым, 288 жол жұмысшысы және 79 бірлік мамандандырылған техника тартылады. 

Байқоңыр ауданы әкімдігінің баспасөз қызметінің мәліметінше, 13 қазан мен 14 қараша аралығында 1059 текше метр құм-тұз қоспасы себіліп, қардың 5541 текше метрі қала сыртына шығарылды. Өткен тәулікте полигонға жеткізілген қар көлемі 393 текше метрді құрайды.

Ал Есіл ауданын тазалау жұмыстарын 23 мердігерлік ұйым жүзеге асырады.

Күн сайын қардан тазарту жұмыстарына 725 адам, мамандандырылған техниканың 246 бірлігі жұмылдырылады.

4-14 қараша аралығында аудан аумағынан 17655 текше метр қар сыртқа шығарылып, 893 текше метр құм-тұз қоспасы себілді.

Алматы ауданындағы санитарлық тазалау жұмыстарына 26 мердігерлік ұйым, 575 жол жұмысшысы және мамандандырылған техниканың 174 бірлігі тартылды.

13 қазаннан 14 қарашаға дейін құм мен тұз аралас  қоспаның 1715 текше метрі себіліп, 13 586 текше метр қар сыртқа шығарылды. Өткен тәулікте қар полигонына 2057 текше метр қар шығарылды.

Сарыарқа ауданында санитарлық-тазалау жұмыстарын 33 мердігерлік ұйым жүзеге асырады. 

14 қарашадағы жағдай бойынша аумақтарды тазалауға 500 жол жұмысшысы және 74 бірлік мамандандырылған техника шықты.

13 қазан мен 14 қараша аралығында 1331 текше метр құм-тұз қоспасы пайдаланылды. Қар полигонына 6624 текше метр қар шығарылды.

Ұялы телефондарды ұрлау және сату қазір өте оңай. Жыл басынан бері елордада ұрланған мүлікті сатқаны үшін 28 адам қылмыстық жауапкершілікке тартылды, деп хабарлайды Астана әкімдігінің ресми сайты.

Бұл қылмыстың таралуына қарсы тұрудың жалғыз жолы – Франция, АҚШ, Англия, Австралия және Нидерланды сияқты елдердің тәжірибесіне сүйену. Ол – IMEI кодты меншік иесінің ЖСН нөмірімен байланыстыру. Бізде бұл әдіс 2019 жылдың 1 қаңтарынан бастап енгізіледі.

«Ұялы телефондар әртүрлі құқық бұзушылықтарға себепші. Ұрлықтан бастап террористік шабуыл кезінде ұялы телефондардың қолданылатыны баршаға белгілі», – деп хабарлады полиция департаментінің бастығы Марат Қожаев тұрғындармен кездесуде. Сондай-ақ, департамент басшысы азаматтарды өз телефондарын тіркеуге шақырды.

2019 жылдың 1 қаңтарынан бастап тіркелмеген құрылғылар желіден ажыратылатынын еске саламыз.

Алдағы күндері елордада бір жақты қозғалысқа арналған жаңа жол учаскелері пайда болады. Өзгерістер қаланың оң жақ жағалауындағы екі көшенің бойында енгізілетін болады. Осылайша, бір жақты қозғалыс Бұқарбай батыр көшесінің Жеңіс даңғылынан Әзербайжан Мәмбетов көшесіне дейінгі аралығында және Желтоқсан көшесінің Кенесары көшесінен Бұқарбай батыр көшесіне дейінгі аралығында енгізілмек. Өзгерістер 2018 жылдың 15 қарашасында, яғни бейсенбі күні күшіне енеді.

Аталмыш өзгерістер – қаладағы жол қозғалысын оңтайландыру жұмыстарының бір бөлігі. Өзгеріс жол желісіне түсетін жүктемені азайту мақсатында енгізіліп отыр.

Белгіленген учаскелерге бір жақты қозғалысты енгізу автокөлік ағындарының үздіксіз қозғалысын қамтамасыз ете отырып, қарсы ағынмен шиеленісу нүктелерін азайтудың арқасында жол-көлік оқиғаларының санын азайтады деп күтілуде.

Аталған учаскелерде қарама-қарсы бағытта келе жатқан көліктердің қатысуымен болатын жол-көлік оқиғалары жиі орын алғанын айта кету қажет.

Бұдан бөлек, аталған шаралар бұл көшелердің көлік ағындарын өткізу қабілетін арттырады. Жүргізілген талдау жұмыстырына сәйкес, осыдан біршама уақыт бұрын бір жақты қозғалыс енгізілген көше учаскелеріндегі өткізу қабілеті орта есеппен 30% -ға артқан.

Сонымен қатар, бір жақты қозғалысқа арналған жаңа учаскелерді енгізу бір жақты қозғалыс желісін қалыптастыра отырып, бұған дейін енгізілген бір жақты қозғалыс учаскелерінің тиімділігін арттырады. Сонидай-ақ, ол №1 мектеп-лицейге жақын жолдарда көлік қозғалысы жүктемесін төмендетуге септігін тигізбек.

Естеріңізге сала кетейік, 2018 жылдың 27 қазанында тұрғындардың қатысуымен бір жақты қозғалысты енгізуге қатысты мәселе қаралған қоғамдық тыңдаулар өткен болатын. Бас қосуда Астана қаласының Көлік және жол-көлік инфрақұрылымын дамыту басқармасының, Сарыарқа ауданы әкімшілігінің, Астана қаласы ІІД Әкімшілік полиция басқармасының және «Астана ЛРТ» ЖШС өкілдері тұрғындардың сұрақтарына жауап берді. Сондай-ақ, аудан тұрғындарының пікірлері тыңдалып, барлық ұсыныстары ескерілді.

Астанада ерекше күтімдегі адамдардың жайлы қозғалысы мен қалалық ортаның қолжетімді болу мәселесін шешу мақсатында «Инватакси» қызметі ұйымдастырылды.

«ДЦП диагнозы бар көптеген балалар үшін, тірек-қимыл қозғалысы бұзылған ересек, аяқ-қолы жоқ адамдар мен көзі нашар көретіндер үшін қызметтің бұл түрі тұйық шеңберден шығудың жақсы құралына айналды», — делінген хабарламада.

Инватакси қызметі жұмыс істейтін және оқитын мүгедектерге кестеге сәйкес ұсынылады. Анықтама телефондары: 48-19-66, 46-86-57, 37-05-59, 55-69-63, 55-68-47.

Əр қыз өз үйіне қонақ. Əйтсе де, ата-атанамыз үшін біздер қаншаға келсек те баламыз. Жігіт туралы сөз қозғауға ұяласың анаңның алдында. Ал, үйленетінің туралы айтып көр енді.

Өз басымда жасым жиырмаға келгенше туыстарым жігітті қайтесің оқуыңды оқы, мамандық алып ал, үйленуге ерте дейтін еді, жасым жиырмадан асқалы қашан тойға барамыз, біреуің барма өзі дейтін болыпты. Есейгенімді көшедегі кішкентай балалар «саламатсызба» деп амандасқанда сездім деген бар еді, мен «қашан той» дегенді естігенде сезіндім.

Көпнесе ойламауға тырысамын, ойлап кетсең қорқынышты. Қайда? Қашан? Кімге?-деген сан сауал маза бермей кетеді. Жаныңда жүрген құрбыларың өмірлік теңдерін тауып ұяларынан ұшқандарын көргендегі сезім туралы мүлде айтпаяқ қояйын. Бір қыз тұрмысқа шықса, қырық қыз түс көреді деген сол болса керек.

Өмірлік жар таңдау үлкен жауапкершілікті қажет етеді. Өзіңе керек жанды табу, жан-дүниеңді түсінетін жолдас жолықтыру өте қиын. Кейде өз келісімімен тұрмысқа шығып кетіп жатқан қыздардан сұрайтынмын, қалай «иə» деп айттыңдар, ол сенің адамың екенін қалай білдіңдер деп. Сонда қыздар:

— Ол басқаларынан ерекше сезім болады. Ол адам кетсе мүмкіндік жоқ екенін сезінесің. Бұл сенің адамың, сенің жолың екенін түсінесің дейтін.

Тағы бірде тəтем айтқан керемет ақыл бар еді:

— Ортақ əңгімең таусылмайтын адамды таңда ,- деген.

Шынында ортақ қызығушылықтарың болып, əңгімең таусылмайтын, əзілің жарасып сарқылмайтын адаммен тұрған бақыт болар.

Бірақ ақылдың да естісі бар есері бар екенін ұмытпағанымыз жөн. Сұлуын таңда, машинасы бар жүріп алсаңшы, бағат мынау сені, өлтірмейді мына бала пысық қой, мамасы жақсы адам, мінезі жақсы екен т.б көп ақыл естідім. Бірақ бір – біріңе лайықтысың деген сөзді əлі естімедім. Мүмкін ондай адам таппағанда болармын. Мүмкін енді кездестірермін, мүмкін кездестіріп бірақ байқамай жүргенде болармын. Бұйырғаны ғой. Ең бастысы ерте ме кеш пе барлығымыз босаға аттап, келін боларымыз анық. Əр қыз өз үйіне қонақ.

Жаз. Екеуміз үй маңындағы ескі қаша жанында тұрмыз. Сырттан қарағанда əңгімеміз қызық болып көрінгенімен, жанарымызға толассыз келіп тығылып тұрған көздің мөлдір жасын əзер ұстаудамыз. Күлкі астындағы қалың мұң. Ортақ таныстарымызды сұрап біраз тұрдық.Бір мезет сен де, мен де үндемей қалдық. Қараңғы далаға түскен айдың əлсіз сəулесімен мұнарлана көрініп тұрған тау басына қадала қарап сен тұрсың, жасыл желегі мен қатқыл тастарын жаңа көргендей жерге қадала қарап мен тұрмын. Арадағы үнсіздік денемді мұздатып барады. Неге келгеніңді де айтпадың? Ішім сезіп тұрса да, өзі айтсын деген едім. Тағы да үнсізсің. Əдеттегідей өзім сөз бастадым:

— Екеуміз көріспегелі біраз уақыт өтіп кетіпті ғой, иә?- дедім. Менің тосыннан сөйлегенімді күтпедің бе,əлде қалың ойыңды дауысым шошытты ма селк ете қалдың.

-Ау! Аа, иә біраз болып қалыпты. Жоғалып кеттің ғой, хабарласпайсың да-дедің.

«Мен бе хабарсыз кеткен, қашанғы мен, неге мен? Сен неге іздемейсің, неге келмейсің, неге айтпайсың?»- деп дауыстап айтқым келгенімен тағы да сыпайылықпен сен арамызға құрып берген шекарадан аса алмай кері қайттым. Сəл жымиып қарап:

-Уақыт болмады хабарласуға,- дедім. Тағы да үнсіздік.

Бұл жолғы үнсіздікті сен жойдың.

-Қалың киініп шық, жүріп қайтайық. Жарайды дегендей басымды изеп ишара білдіріп үйге қарай бет алдым. Үстіме қалың киім киіп, аяқ киімімді ауыстыра салысымен көп күттірмейін деп тездете басып қайта шықтым.

-Кеттік пе?

— Аха, кеттік.

Жол жиегінің екі бөлігіне бөлініп арамызға қойған шекара іспетті ортаны бөле жатқан арықты бойлай жүріп келеміз. Даладан иттердің үрген дауысы ғана естіледі.

— Қалаға қашан қайтасың? Əлі біраз боласың ба?- деп сұрақ қойдың.

— Иа, біраз қаламын. Сен қашан келдің?

— Жаңа ғана келдім. Сен ауылда деген соң келгенім ғой, көріп кетейін деп.

Күткенім осы сөз болса керек. Езуім еркімнен тыс жымиып тұр. Тағысын- тағы əңгімелермен қалай айналып үй алдына қайта келгенімізді де байқамай қалыппын. Уақыт та біршама болып қалыпты.

-«Жарайды, мен кірейін»-, дегенім сол еді, бойыңа бар батылдықты жыйғандай болып қолымнан ұстадың.

— Тоқтай тұршы,- деп тоқтаттың. Тоқтап тұрмын, тыңдап тұрмын дегендей қос кірпігімді əлсін-əлсін қағып қарап тұрдым.

— Қайырлы түн!- дедің. «Бары осы ма, неге өткенге оралайық демейсің, неге басынан көрейік демейсің, қателік сенен де, менен де емес қой деп неге айтпайсың?» деген сан мыңдаған сауал ішімде тулап қоя берді. Үмітім үзілді дегендей жымиып тез артқа бұрылдым. Көзіме әу бастан тұнған мөлтек жасымды бұл жолы ұстап тұра алмадым. Еріксіз шығып кетті.

Түсіндім. Бір біткен оқиға қайта басталмайтынын түсіндім. Арамызға түскен адамдардың жеңіске жеткенін түсіндім. Біздің хикая соңына да жеткенін түсіндім. Мен бəрін дəл осы күні түсіндім. Сені алғаш көрген күннен «аққу» дейтін едім. Ақтығың мен түр əлпетің үшін ғана емес, махаббатың үшін де солай дейтінмін. Бүгін мен сол аққуымнан айырылдым. Жетімкөлге аққулар оралмағаны сынды, менің де аққуым жүрегімнен ұшып кетті. Ол енді оралмайды.