2016 жылдың қаңтар айында «ҚР Қоғамдық Кеңестер туралы» Заң талаптарына сәйкес Қоғамдық Кеңес мүшелерін іріктеу жөніндегі комиссия құрылып, облыстық мәслихат хатшысы Б.Қарашолақов жетекшілік еткен. Конкурстық негізде Жамбыл облыстық "Қоғамдық Кеңестің" құрамына еніп, ең жас мүшесі атандым. Маған біріншіден, бұл үлкен міндет пен қоғамның қозғаушы күші жастардың атынан мәселе көтеріп оның шешу жолдарымен xалықтың тыныс-тіршілігін билік өкілдеріне жеткізу деп білем. Алғашқы отырысты Төрағамыз болып белгілі қоғам қайраткері Жандар Кәрібайұлы, xатшы болып Қайрат Шотбақов сайланды. Облыстық Қоғамдық кеңес өз жұмысын облыс әкімінің есебін тыңдаудан бастады. Мен сол отырыста кеңес мүшелері мен билік өкілдеріне ұрпақтар сабақтастығын мәселесін көтеріп қоғамда жалғастыруын айта кетіп, қызметте, жастар арасындағы кейбір келеңсіз жақтарына тоқталып бала тәрбиесіндегі ата-аналарының, оқу орындарының, еңбек ұжымдарының рөлін көтеруге ұсыныс, пікірлерімді ортаға салдым.

Ендігі кезекте Қоғамдық Кеңестің кеңейтілген отырысы сәуір айының 15 жұлдызында өтіп, онда облыстық әкімдіктің басшылары ұсынған мәселелер қаралды. Оның ішінде облыстық білім, денсаулық сақтау, жұмыспен қамту және әлеуметтік бағдарламаларды үйлестіру басқармалардың облыс әкімдігінің қарауына жататын нормативтік құқықтық актілерін қарап, мемлекет тарапынан көрсетілетін қызметтер регламенттерінде азаматтардың құқықтарын бұзылмауын зерделеу міндеттелген болатын. Айта кететінім, кейбір стандартта жұмыс күні емес күнтізбелік күн көрсетілген болатын, осы мәселені облыстық білім басқармасының басшысы С.Құрманбековаға стандарттағы күнтізбелік күнді жұмыс күніне ауыстыруға ұсындым. Өйткені, дипломның телнұсқасын алуға бағытталған стандартта барлық атқарылар жұмысқа 20 күнтізбелік күн көрсетілген болатын, бізде кейбір кезде демалысымыз 5 күнге дейін үзіліссіз демалыс болып қызмет көрсетушінің құқықтарын шектеліп қалады.
Келесі кезекте облыстық құрылыс, жолаушылар көлігі және автомобиль жолдары басқармасының басшысы Р.Байтелиевке студенттер жастарға проездной мәселесі мен қара түтінді шығаратын автобустар туралы болды. "қара түтін шығарғыш автобустарды" газдық баллондарға жоспарлануда, ал проездной мәселесі күрделі деп жауап қайтарды. Бұл жауапты естіп облысымыздың белгілі азаматы, мәдениет қайраткері Әлібек Әмзеұлы «мен сіздің жауабыңызға қанағаттанбадым» деп сұрақтың астына алды. «дағдарысқа байланысты тура бір жылда, екі жылда шешіледі, бірақ даму бағдарламасы бойынша автопарктердің автобустары жаңартылады» деп Р.Байтелиев жауап қайырды.
Одан кейін мінберге облыстық денсаулық сақтау басқармасының басшысы Е.Масалимов шықты. Өзім зерделеген мемлекеттік қызмет көрсету стандарттарының ішінен «псиx диспансер мен наркологиядан алынатын анықтама туралы регламенттерінде» жұмыс уақытысы қызмет беруші қазақшасында сағат 9.00-ден 20.00-ге дейін үзіліссіз, ал орысшасында сағат 9.00ден 17.00-ге дейін үзіліссіз делінген сәйкессіздіктің бір ізге түсіруді ұсындым. Тағы да қаланың азаматы ретінде екі сұрақ қойдым: 1) қалалық жаңа ауруxана қашан қолданысқа беріледі: шілде-тамыз айларында беріледі; 2) облыстық ауруxана күрделі жөндеу жүргізілейін деп жатыр, ем алушыларға қаншалықты жағдай жасап жатырсыздар: ауруxана жөндеуіне 100 млн теңге бөлініп, мамыр айында бастаймыз, ал емделушілерді арнайы бұйрықпен қалалық ауруxаналарға және облыстық ауруxана да қабылдайтын боламыз. Ертеңгі күні емделемін деп келушілерге қиындықтар туындамау қажет деп Ерлан Тоқтарұлы жауап берді.
Кезекті алып облыстық жұмыспен қамту және әлеуметтік бағдарламаларды үйлестіру басқарма басшысының орынбасары С.Арубаев жаңа қабылданған стандартты таныстырды, ол стандарт атауы «ақталған адамға куәлік беру регламенті». Бұл жаңа регламент мәні сот шешімімен жазықсыз сотталғандарға арналып ақтау куәлігі беріледі. Бұны көбінесе «желтоқсандықтарға» арналған регламент екен.
Соңғы болып мінберге облыстық тілдерді дамыту басқармасының басшысы Ғ.Боранбаева сөз алып, Тараз қаласы «Арай» алқабындағы есімі жоқ екі көшеге Ұлы Отан соғысы ардагерлерінің есімі берілу туралы республикалық ономастикалық комиссияның шешімімен таныстырылып қабыл алдық. Бірақ алдағы уақытта биыл 150 жасқа келген Алаш орданың көсемі Әлиxан Бөкейxанұлы мен Мұстафа Шоқай есімдері әрбір қазаққа таныс есімдерді мектептер мен көшелерге берілу туралы ұсыныс білдірдім. Ғалия Бектенқызы "Ә.Бөкейxанұлының көше мен мекемеге атау берілу туралы ұсыныс түскен болатын, негізі есімдер берілуге мораторий етін, мораторий ҰОС Ардагерлеріне ғана жүрмейтін, сәуір аяғына қарай министрліктен бұл мәселе шешім тапса, Әлиxан Бөкейxанұлының есімін қай жерлерге берілетін қарастыратын боламыз" деді.
Мені қынжылтатын Әлиxан Бөкейxанұлына көше мен мектеп атауы жоқтығы еді, алдағы уақытта шешімін тауып жатса өте дұрыс болар еді.

П-с: Құрметті Жамбыл облысының тұрғындары! Қоғамдағы түйінді, тыныс-тіршіліктеріңіздегі мәселелер болса маған жеке жазып өтініш білдірсеңіздер болады. Мен өзім жағымнан бар күш-жігерімді мәселелердің шешілуіне оң септігімді тигізсем деп едім. Сіздерден ұсыныс пікірлеріңізді күтемін.

Кеңістік бос – өмірдің мәні неде?
Орындар босаса да – нәтижесіз деме…
Алға! Алға!
Кім біледі, жоқты іздеп жүрміз, неге?

Жаңа қаһарман – қылмыс толы жаһаннан
Өмір ойын, пейіш пе әлде жаһаннам?
Кәне қайсың бар төзе алатын
Шоу жалғасу керек,
Шоу жалғасу керек! Иә!
Алқынып жатса да жүрек,
Опа-далаптанып түлеп
Сонда да жүзімде күлкі жүрет

Не болса да – тағдыр тәлкегіне салам
Жүрек сыздаса – жаңа сәтсіз роман
Алға! Алға!
Өмірді не үшін берді саған.
Сабақ ал қателіктеріңнен
Ашулансам сабама келем
Шұғыл бұрылыс, көңілім елең
Күншығыс күлім қақаса да
Бұл жақта қараңғы,
Жаным қиналса да еркіндікке жетермін. Сенем!

Көбелек түстес, жүрсем де паң күліп,
Кешегінің ертегілері өшпейді мәңгілік!
Мен қалықтай аламын, достар!

Шоу жалғасу керек!
Шоу жалғасу керек! Иә!
Мен күліп қарсы алам,
Бұл шоуда қалжырап, шаршағам
Бірақта берілмеймін, тағы да ән салам!

Құдіретім жеткен жерден
Бір түлеп биікке жетем
Шоу жалғасу үшін
Шоу жалғасу үшін
Күш-қуат керек екен
Шоу жалғасу керек!

Даму(Тараз қаласы мен облыс аумағындағы жаңадан салынып жатқан ғимараттар, құрылыс нысандары, зауыттар мен фабрикалар, бизнес құрылымдары және халықтың әлеуетін арттырып отырған нысандар жайында).

---

Тәуелсіздік алғаннан кейінгі жылдар, Қазақстан аумағындағы қалаларының біразының беделін биіктетіп, ажарына сән қосты. Соның бірі біз сөз ететін Жаңа Тараз қаласы. Қаладағы соңғы жылдары тұрғызылған әлеуметтік нысандар мен мәдени ескерткіштердің біразы, өткен жылы тойланған Қазақ хандығының 550 жылдық мерейтой шарасына орай бой көтерген. Сондықтан да блогтур кезеңінде біз солардың біршамасына тоқталып, қалаға рең беріп тұрған ескерткіштерге арнайы ат басын бұрдық.

---

Әуелде қаладағы ерекше сипатқа ие, хандықтың бес ғасырлық тойында кірпіші қаланған  Керей мен Жәнібек хандар монумент-ескерткішін ауыз толтырып айтуға болады. Бұл монументті «қазақ хандығы» монументі деуге де әбден негіз бар. Монумент биіктігі 30 метрді құраса, қос ханның мүсіндері 5 метрді құрайды.  Елбасы өзі тікелей келіп ашып берген бұл ескерткіштің тек қана Тараз жұртшылығы үшін емес, сонымен қатар Алаш жұрты үшін беделі биік, құндылығы орасан. Тарихымыздың бастау бұлағы осы кісілердің есімімен тығыз байланысты екенін айта кету керек.
Фотограф Алтынбек Қартабайдың рұқсатымен салынды

---

Көне Тараз мәдени орталығына біз өткен жолы біраз тоқталғандай болдық, дегенмен бұл тарихи кешеннің қала тарихы дегенде әуелгі ойға келетін мәдени орын екенін естеріңізге саламын. Саябақта халықтың еркін демалып, тыныстауына барлық жағдай жасалған. Аталмыш саябақ еліміздегі ең үлкен шаралардың бірі болғалы отырған «Expo 2017» дүниежүзілік көрмесіне арнайы дайындалған көрінеді. Саябақ алдында ғасыр жасаған, қазақ мәдениетінің алтын діңгегіндей болған абыз ақсақал Жамбыл Жабаевтың ескерткіші, саябақ сәніне сән қосып тұр.
Фотограф Алтынбек Қартабайдың рұқсатымен салынды

---

Тарихи той қарсаңында бой көтерген тағы бір нысанның бірі «Тараз Арена» спорт кешені. Керей мен Жәнібек хандардың монумент ескерткішіне қарама қарсы тұрғызылған спорттық кешен, талай тартысты додалар өтетін және ел еңсесін биіктететін талантты ұл мен қыздың талантын ұштайтын бірден бір спорттық кешен болатынына сеніміміз мол. Тағы бір айта кететін ақпарат, хандық  тойы қарсаңында елбасының қатысуымен «Әулиеата» халықаралық әуежайы күрделі жөндеуден өткізіліп, ел игіліне жаңаша болмыспен берілген. Ендігі кезекте әуежай әлеумет үшін сапалы қызмет атқарады деген үміттеміз. Осы ретте, қаладағы өткен жылы мерекелік той қарсаңында күрделі жөндеуден өткен бірқатар нысандарды айтпау кетуге болмас. Олар «Қазақ драма театры», «Төрткүл» керуен сарайы, «Орталық стадионы», «Атшабар» алаңдары. Өңірде жаңадан бой көтерген бұл аты аталған саябақ ескерткіштер қала ажарын одан сайын гүлдендіріп, қала жұртының мерейін асқақтатып, сырттан келетін қонақтардың таңдайын қақтыруда.

---

Он ауданы, үш облыс тектес қаласы бар Тараз өңірі, ел әлеуетін, мемлекет экономикасын көтеріп отырған өзіндік шикізатқа бай өңірлердің бірі. Осы орайда қалада халықты түрлі өніммен қамтамассыз етіп, ішкі өнімдерді экспорттап отырған алуан өнеркәсіп, зауыт фабрикаларды атап айтуға болады. Әлемдік дағдарысты жеңілдету барысында, қаладағы «Казфосфат» ЖШС, «Тараз қан зауыты», «Тараз металлургиялық зауыты», «Имсталькон», «Жамбылгипс АҚ», «Запчасть» ірі кәсіпорындары мемлекет тарапынан электр қуатына,  теміржол тасымалдарына сонымен қатар табиғи газға арнайы жеңілдетілген тарифтер алып, өз жұмыстарын белсенді жалғастыруда. Бұл әуелгі кезекте халықтың әлеуметтік жағдайы үшін жасалып отырған игілікті шараның бірі. Қаладағы түрлі кәсіпорындардың көбеюі, халықты оңтайлы түрде жұмыспен қамтудың бірден бір жолы болып есептеледі. Осы мақсатта да өнімді еңбек жасап жатқан «Полиэтилен Агро» ЖШС жылына 500 тонна жылыжайларға арнап пленка шығаратын ірі өндірістік орынды айтуға толық негіз бар.
Қала аумағынан өтетін «Батыс қытай-Батыс Еуропа» тас жолы сапалы түрде жөнделіп, жүк тасымалы, жолаушылар тасымалы едәуір жолға қойылған.
2015-2019 жылдарға арналған «Индустриялдық инновациялық дамудың» мемлекеттік бағдарламасы бойынша тыңғылықты жұмыс атқарып отырған қаладағы «Жамбыл цементтік өндірістік компаниясы», «Жамбыл ГРЭСІ», «Алтыналмас» бірқатар кәсіпорындар бүгінгі таңда, облыс экономикасының дамуына елеулі үлес қосып отырған жәйі бар.

---

Тараз өңірі ежелден фасфорит, таскөмір, плавикошпат, түсті металдарға сонымен қатар құрылыс материалдарына бай өлке. Табиғат жер асты байлығынан кенде қылмаған өңірлердің бірегейі. Осынша байлықты тиімді пайдаланып, көзін тауып, түрлі зауыт фабрикаларды, ірі кәсіпорындардың түтінін түтетіп, еңбегін жандандырып отырған бұл қаланың экономикалық деңгейі өзге облыспен салыстырғанда біршама озық саналады. Мәселен, өткен жылы тек бір ғана Жуалы ауданында Орталық Азия бойынша ең ірі қуаты 50МВт болатын «Burnoye Solar-1" ЖШС»  күн сәулесі электр станциясы пайдалануға беріліп  қосымша 19 жұмыс орны ашылған. Сонымен қатар, Сарысу ауданында «Тараз көлік жолы» компаниясымен құрылыс құмын, қиыршық тас, асфальтбетон қоспасын шығаратын зауыт іске қосылып, онда 35 жұмыс орыны ашылған. Және осы жылы қала әкімшілігі тоғыз инвистициялық жобаны іске асырып, тағы да бес жүзден аса жұмыс орындарын ашуды көздеп отыр. Әрине еңбек өнімділігін арттырып, оның үстіне сол үдеде халықты жұмыспен қамтып отырған бұл өңірдің алға қойған мақсаттары ұшан теңіз.Фотограф Алтынбек Қартабайдың рұқсатымен салынды

---

Аталмыш қалада тамақ өнеркәсібі деңгейлі түрде дамып келе жатыр. Яғни сүт өнімдерін, ет өнімдерін шығаратын жобалар іске асырылып, қант шығаратын зауыттың да жұмысы көңіл қуантады. Алдағы уақытта бұл сала бойынша «Әулиеата Феникс» компаниясы құс фабрикасын қайта құру жобасын іске асырып, өңірлік ет өнімін 2020 жылға дейін көлемді түрде ұлғайту жұмысын басты назарға қойған.Фотограф Алтынбек Қартабайдың рұқсатымен салынды

---

Білім беру саласы бойынша да облыс өзге өңірлермен иық теңестіре алады. Өткен жылы қалада 17 балабақша, 7 шағын орталық ашылып, алдымыздағы жылы 5 балабақшаның құрылысы аяқталатын көрінеді. Бұл өз кезегінде тұрғындар арасындағы  мектепке дейінгі орталықтарға кезекке тұрудың мәселесін оңтайлы шешіп берудің даңғыл жолы болмақ. Және  жиырма төрт білім беру нысанының құрылысы жүргізіліп, оның он үші өткен жылы пайдалануға берілген, әрі жүзден аса білім беру орталықтары күрделі жөндеуден өткен. Әуелгі кезекте ұлт болашағы жолында білім саласына айрықша көңіл бөлініп, келешек буынның сапалы білім алуына жағдай жасап жатқаны облыс аумағындағы білім беру саласындағы озық жоспарлы істердің бірі деп түсінуіміз қажет.

---

Денсаулық сақтау саласы бойынша да біраз нысандардың халық қолданысына берілуі, бұл салада да оңтайлы жұмыстың қарқынды жүргендігімен түсіндіруге болады. Өткен жылдың өзінде қалада екі жүз төсектік облыстық перинаталдық орталық, Жамбыл облысында жүз орындық ауылдық емхана, сонымен қатар Байзақ ауданында туберкулезге қарсы алпыс орындық аудандық аурухана салынып, ел игілігіне пайдалануға берілген.

---

Әрине біз облыс аумағында атқарылынып жатқан барлық саладағы жұмыстар мен қалада соңғы жылдары бой көтерген кешен ғимараттардың тек бір парасын ғана айта алдық. Дегенмен Тараз, тарихымен құнды, тазалығымен тәнті еткен, таза ауасымен жан дүниеңді тербеген, әдемі ғимаратымен көз тартқан, сырлы тарихи орындарымен таңдантқан, мәдени кешендерімен елең еткізген, сәнді саябағымен салтанат құрған ажарлы мекен, базарлы мекен. Қарыштап дамып тәй тәй басып келе жатқан Тараздың әр қадамына ақжолтай сәттіліктер тіледік, кемел келешегінен зор үміттер, болашағынан байтақ нәтижелер күтеміз.

Құрбым машинамен жүргендіктен, бірге баратын кейбір тірліктерге жол-жөнекей мені алып кететін. Кешке таман жұмысқа соқты. Өзі асығыс. Қала жанынан жер сатып алмақ болатын. Бірақ бір қағаздары сәл дұрыс емес болып шықса керек. Енді ол сол мәселе бойынша бір юристпен ақылдаспақшы екен.
Кездесуге қанша асыққанмен, кешігіп келдік. Бойы ұзын, сымбатты бір жігіт күтіп алды. Құрбым кешігіп келгеніміз үшін кешірім сұрап әлек. Бірақ ол «Кешірші» деген сайын жігіт өзін ыңғайсыз сезінетіндей көрінді маған.
Құрбым кез келген ‪#‎жақсықыз‬‬‬‬ сияқты, әрине, өте сыпайы. Бірақ сыпайлығынан кейде «аж тошно»!
— Жол пробка екен. Час-пик. Қанша асыққанмен кешігіп қалдық. Ертерек шыққан сияқты едік. Жолда гаишник тоқтатып… Айып етпеңіз. Өзі бір беймаза күн болып кетті. Бүгін бүкіл жерге кешігіп жүрмін. Ренжімеңіз!..
Әй, тоқтат! Жігіт түгілі менің құлағым қурап кетті. Неткен көп кешірші. «Кешірші», «айып етпеші»-ден басқа сөз бар ма?
Қыстыгүні екеуміз машинаны от алдыра алмай, бір досымызды шақырып алған едік. Дәл осы мәтінді мен сол кезде де естідім.
— Кешірші, уақытыңды алдым. Мына машина тоңып қалыпты. Неге екен? Түнде бір-екі рет оталдырған сияқты едім. Ұйқымды қимай, әрең тұрып едім. Сонда да қараш, әуремнің босқа кеткенін… Кешірш, бұлай болатынын білмедім…
Тоқтата қойш. Осы әңгімеден эгоизм аңқып тұрғанын кім сезді? Дос болсын, басқа жігіт болсын. Мен ұққаным: жеке өмірде де сен -эгоисткасың!
Ол сені күтті. Ол саған келді. Ол уақытын қиды. Ол сен үшін тырысты. Бір ауыз рахметің жоқ.
Қыздааааар!!! Жігіттер де оған көңіл бөлінгендігін қалап, ұнатып тұрады. Өз -өздеріңді ситуациядан ақтап ала бермей, жігітке де бір ауыз ризашылығыңды айтсаңшы. «Күткенің қандай жақсы! Сондай шыдамды сабырлы екенсің.Таудай рахмет! Келгенің қандай жақсы. Үлкен рахмет! Сен болмасаң нетер едім… Бізге трагедия дүние, саған дым емес болып шықты. Рахмет, ардақтым! Еркектің аты- еркек деген осы ғой. Рахмеет! Сендей азаматтар болмаса, біздікі әшейін екен ғой..»
Менің бір апатайым, үйге ерінен кеш келеді. Бірақ ол келген кезде еті тоңазытқыштан шығарылып, картошкасы аршылып тұрады. Сондай сәтте ол отағасын арқасынан құшақтап, еркелей, Мейрамбектің әнімен «Сен болмасаң бұл жалған, күнде уайым күнде арман!» деп наздана, сызылта күйеуіне күнде рахметін айтады. Қырықтан асқан ер адамның қиылып қуанғаны да сол мезетте көрген көзге бір қызық дүния екен. Енді осы жерде рахмет емес, апатайым күнде кешірш десе ше? Ситуация қандай болмақ? Бұл жерде ұғынатын бір-ақ жәйт бар. Ер адам нәзіктінің қажетіне жарағаны үшін бақытты. Ал нәзігі соны бағалай алса, нұр үстіне нұр. «Кешірші»-нің қажеті жоқ. «Келгенің үшін рахмет, күткенің үшін рахмет, барың үшін рахмет!» Жақсы сөз жан семіртер немесе жан жадыратар дейді біздің дана халық. Сіздің азамат Сіз үшін барын салып, тырмысып жатса (тіпті барын салмаса да), жақсы сөзіңді аяма! Ал нәтижесі… нәтижесін көп күтпей-ақ, өзің көретін, сезетін боласың!)

23.03.2016

Сәл ашулымын. Түсте құрбыммен тамақтанған едім. Арамыз 4 жыл, яғни ол 26 -да. Әңгімеден әңгіме шығып, тоқетері жігіттерге келіп тірелді. «Сөз салып жүрген бір азамат бар еді, соған тұрмысқа шыға салайын ба?» — дейді құрбым. Бірақ оған деген бір грамм да сезімі жоқ. Мен талай мысал келтірдім. Менің мына ойлар мен фантазиялар қайнап жатқан романтик басымда осындай жағдайда айтатын аргументтер де фактілер де көп, дұрыс бағыт-бағдар берген шығармын деп сенемін. Алайда ол туралы сәл кейін.
Ашуымды туғызған не, міне әңгіме осы жайында. Құрбым бір танымал кісіні аға ретінде жақсы көріп, ерекше құрметтейді. Ол кісіні мен де танимын, мен де сыйлаймын, мен де кездесе қалған сәтте «ағатайлап» тұрамын, бірақ бүгін біртүрлі көңілім қалды…
Сөйтсем, «ағам» кездескен сайын құрбыма (ал кездесіп тұратын іс-шаралар аз емес дегендей) «Бітті, сенің срогың өтті. Енді сен осы қалғаныңмен, қалдың!» деген әңгіме айтады екен. Мен бүгін осыны естіп,‪#‎жағаұстадым‬‬‬‬.
Сенгем серкем сен болсаң… Ел алдында беделі бар (және сіз ойлағандай анау мынау бедел емес), ақылы бар, көрген -білгені бар, адамдар осындай әңгіме айтса, мына біз қайдан оңамыз?!
Жаным-ау, егер ол «Сендей ‪#‎жақсықыз‬‬‬‬ — ды көрмей жүрген жігіт соқыр! Алайда өзің де көп таңдай бермей, теңіңді тапқың. Уақыт тым асығыс. Көңіл, шіркін, қартаймайды, бірақ жылдар өзінікін алмай қоймайды» деп ағалық қамқормен әңгіме айтса, аузы қисайып кетеді ме? Тапап, намысына тиісіп, қорлап, сүйектен өтер сөздер айта отырып, жақсы ишара жасадым деп ойлай ма екен?
Құрбымның мінезінің салмақтығы сондай, ол басын төмен түсірген күйі, қарсы тіл қатпай кете беретіні анық. Сөз көңіліне қатты тисе де, жүрегің ауыртса да, ол іштей тынады. Бірақ «ағамдікі» не әуре деймін де? Дәл осындай сөздерді айтып отырғанда. өзі де қыз асырап отырғанын, өзінде де қарындас бар екендігін неге бір ойламайды. "Әкесі үшін баласы жауап тартады" деген бар емес пе?..
Әй, болдым, толдым деп кердең басып, көкірек керіп сөйлейтіңдер, тілдеріңмен жақындарына жамандық шақырмаңдар! Кімнің тағдыры қалай болады, ол қыз байға шыға ма, әлде мүлдем шықпай қала ма, адами қамқорлықпен, ағалық махаббатпен тіл қатқың! Ертең сен мәпелеп өсіріп отырған бұрымдың сенің сөзіңнің залалынан, бүгінгі сол қыздың ашуынан оң босағада отырып қалмасың, соны ойлаң. Сен кеудеңді «тоқылдатып», әңгіме айтып жатқаныңда көкте бәрін тізіп, бәрін орынды орынмен қойып жатқан бір құдіреттің барын ұмытпағың! Тек сол құдірет қана кімнің «срогы» қашан және қалай келетінін біліп, жеке-жеке бәрімізге осының бәрін сынақ ретінде бергендігін есте сақтай жүргің!

18.03.2016

Есіме түсіп кетті. Былтыр ма еді, бір құрбым өзінің «судай жаңа» жігітімен таныстырды.
Басында екеуіміз ғана шай ішіп, аман-саулық білісіп отырған едік. Бір-екі сағаттан соң, ол құрбымды алып кетуге келді. Біздің болса, әңгімеміз таусылар емес. Жігіттің түсінігі бар екен. Өзінше болып, жынданып, мінез көрсетпеді. Отырды. Таныстық. Әңгімелестік. Кейін, жігіт қолын жууға ма, темекі шегуге ме, есімде жоқ, дастархан басынан тұрып кетті. Ол кетісімен құрбым "Қалай саған?", «Жақсы жігіт па, норм ба?» деп "қызық-қызық" сұрақтар қойды. Негізі құрбым өте ‪#‎жақсықыз‬‬‬‬. Адамды да өзі тани алатын сияқты еді. Менің пікірімнің ол жерде қажеті қанша, сөздің шыны керек, түсінбедім. Ер адам кір жуғыш машинка болса, мейлі. Иә, осы марка жаман не жақсы деп турасынан айта қоятын. Ол — адам ғой)))) Танысып отырғанымыз осы жаңа. Әрине адамды бес минут ішінде білуге болады дер, білгіштер. Бірақ бірінші қарағанда адекватты, жап-жақсы жігіт. Қалай болғанда да, мен онымен жарты сағат әңгімелесіп, оның норм әлде норм емес екендігін айта алмас едім. Және менің пікірімдегі «норм», басқа үшін «норм» болады ма?
Құрбыма қарап отырып: «Жігітіңді бір түнге бере тұрш!» дедім. Ол аң-таң. «Не үшін?» Құдайым-ау, жігітпен бір түн бойы бірге не үшін болатынымды дәкөөөй қызға түсіндіріп отырғаным… Турасын айттым. Барлық жағынан сынауым қажет емес пе ?Құрбым сасып қалды. Бірақ әзілімнен гөрі зілім өтті.
Біздің #жақсықыз — дардың логикасы қызық. Кейде жігітті өздерінің талғамына сай емес, қоғамның, құрбыларының, қызметтес достарының, одан қалды көрші-қолаң, тағы басқалардың талғамымен таңдайды. Өз пікірі жоқ деуден аулықпын. Бірақ істеріне қарасаң, солай.
Жігіт — шопыр. Мамааа, шопыр жігітті достарыма қалай таныстырамын, ұят. Жігіттің үйі жоқ. Мамааа, құрбыларымнан ұят. Жігіт — күзетші. Әріптестеріммен бірге баратын отырыста, оның күзетші екендігін, мамааа, қалай айтамын? Жігіттің машинасы жоқ. Мамааа, ұят. Ұят! Кімнен? Сен өзі кімді жақсы көріп жүрсің? Әлде нені? Жігітті ме? Әлде оның әлеуметтік жағдайын, қызметін, қалтасын? Сен бүгін таныс, ертең маңайынан табылмайтын біреулердің ойымен сүйіп, солардың талғамымен отбасы құрмақпысың?
Сүйген адамдар сүйіктілеріне шаң жуытпайды. Керісінше, біреу келіп, "қойш, жігітң күзетші ме?" деп сұрап қалса, «иә, күзетші. За то өте иманды, мейірімді, адал, тапқанын тиынына дейін үйге әкелетін керемет жан!» деп неге мақтамасқа, Біз болсақ, ұялып қуыстана түсеміз. Ешкім сұрамай жатып. Бұлай ешкім сұрамайды да. Бірақ өзіміз соған алдын ала уайымдап, алдын ала біреулерден ұялып тұрамыз. Кешір, бірақ нефтяной магнат, миллиардер саған кезіге қалса да, дәл осы қарапайым жігіттей сені сүйіп, алақанына салып, аялай алар ма екен?! Барымызды бағалайық, қыздар. Атақтың емес, адамның қадірін білейік!

15.03.2016

Бір шайханада шай ішіп отырғанбыз. Досыммен бірге далаға шығып кеткен құрбым дастархан басына қайтып оралғанда, одан темекі иісі бұрқ ете түсті. Үстел үстінде жігіттердің көзінше сұрағаным дұрыс болмас деп, кейін сұраймын ғой. Сөйтсе ол анда -санда темекі тартады екен. Біреуді сөгуге қақым жоқ. Және де ол әркімнің өзінің шаруасы, өз денсаулығы.
Алайда, қыздар! Ешбір жігіт шылым шегетін қызды ұнатпайды!!! Мейлі, сен он жерден жаны сұлу, жүрегі кең, көңілі адал ‪#‎жақсықыз‬‬‬‬ бол! Мейлі!!! Бірақ темекі тістеген саған ол — енді ешқашан да жуымайды. (жақындайтын кездер болып жатад, бірақ ол мүлдем басқа әңгіме, мүлдем басқа қажеттілікпен дегендей ғой) Сөйтіп сен бір шансыңды, өкінішке орай, профукала!!!
Жасыр, одан асылы таста! Саған жақсы жігіттің қашан кезігетінін қайдан білесің? Сол курилкадан шығып келе жатқанда ұшырасып қалса ше? Жігіт керек пе, кез-келген уақытта, кез-келген жерде өзіңді дұрыс ұстап, соған дайын бол! Жақсы кеш тілеймін! Темекі шекпе! Тағы да айтам, шекпе!

12.03.2016

‪
Бүгін жігіттерден естіген бір ақылымды бойдақ ‪#‎жақсықыз‬‬‬‬ -дарға айтсам… Алда демалыс күндері. Мүмкін бір танысу кештері, кездесу сәттері болып қалар: КҮЛІМДЕП ЖҮРІҢІЗ!
Жігіттер көңілі жайма шуақ, «позитиві ұрып» тұрған қыздарды өте жақсы көреді. Күлімдеп жүрген адамның жүзі жылы, көзінде мейірім болады. Бастысы — ол өмірге, бастығына, мемлекетке, тіпті, жып-жылы болып тұрып, лезде суып кеткен күн райына, мүлдем ештенеге ызалы емес.
Жігіттер болса, анау-мынау проблеманы бір ойлап, онсызда басы қатып жүреді. Және өздері сияқты депреснякка ұшыраған, оқуын, жұмысын, кредитін ойлап, әбден шаршап кеткен қарындас оған… жо-жооқ, мүлдем қажет емес.
Қыз баланың жанында жігіт қаумалап алған проблемаларды ұмытқысы келеді. Сізбен жана танысса да, бұрыннан білсе де, дәл осы кездесуден ол ләззат алып қайтпақшы.
Күлімдеп жүріңіз. Қабақ түймеңіз (әжім түседі) Күлімдеуден тек қана достық емес, махаббат та бастау алатынын ұмытпаңыз!

11.03.2016

Кеше ‪#‎жақсықыз‬‬‬‬ — бен шай іштік. Республиканың бойында жаңадан ашылған жақсы кафе екен. Сол мезетте ол өз жігітіне (сөздің шыны керек, жігіті де емес, небары 2-3 рет кездескен) 100 рет хат жазған болар. Ватсап. Сор болды ма, зор болды ма, әзірге пікірім екіжақты. Хат жеткені көрініп тұрады, оқығаны көрініп тұрады, ал жауап жазылмаса, біттің…
Жаным-ау, деймін де, ол сенің жаныңда күні-түн болуға міндетті емес. Жауап бермей жатыр ма, яғни қолы бос емес. Аа, онлайн отыр ма?.. Онда басқа біреумен сөйлесіп жатқан болар… Мүмкін жұмыс бабымен. Ал жұмыс бабымен болмаса?! Онда не істейсің? В конце то концов ол — сенің құлың емес! Кімге жазса да, не жазса да өз еркі!
#жақсықыз өзі ұнатса, сол адамға жүз пайыз беріліп кетеді. Барлық бос уақытын сонымен кездесу, сонымен бірге болуға арнайды. Бос емес уақытында, әйтуір звондап, хат жазып тұратыны тағы бар. Дер кезінде тормозға баспасаң, сенің үйіңе көшіп алуға да кет әрі емес екен деп қаласың. #жақсықыз басында барлық жігітке ұнайды. Бірақ, бір-екі кездесуге дейін. Одан кейін ең төзімді деген жігіттің өзі қашып, әрең құтылады. Бұндай «напорды» ешқандай жігіт ұнатпайды!!! Айтып-айтып түсіндіре алмай қойдым.
Жаныма шейін, сенің өз өмірің қайда? Сен онымен танысқанға дейін қалай өмір сүрдің? Сүрдің ғой? Енді неге сүре алмай қалдың?
Анау жігіт әлі жауап жазған жоқ. Бұрынғылардың бір іздік жолымен ол да өз жөнін тапқан болса керек.

11.03.2016

‪
Театрға бірге бармаймыз, ол қарайтын киноларға мен қызықпаймын. Ол футболды жанындай жақсы көреді, мен теледидарға шұқшиғанды ұнатпаймын. Оның плейпарақшасында — батыстың әні, ал мен болсам терме тыңдаймын. Мен — романтик, ол — пофигист. Бірақ бастысы — бұл емес. Біздің талғамдарымыздың бірдей болуы міндетті де емес, маңызды да емес.
‪#‎жақсықыз‬‬‬‬ — ға осыны ешкім түсіндірмепті. Бүкіл қараған кинолары, оқыған романдары жігітті тек идеал кейіпте көрсетумен шектелсе керек. Тіпті жағымсыз бір олқылықтары болып жатса да, оны экран «дерзость», «брутальность», «сексуальность», құдайым-ау, тағы сондай сияқты онтайлы образда көрсетіп отырғаны тағы бар. Бірақ бұл өмір, ‪#‎детка‬‬‬‬! Телик емес!
Жалғыз қалғың келмесе, оны 100% қабылда. Минусымен, плюсымен. Ал қабылдай алмайсың ба, қоңырқай кештерде шамдары сәл қараңғылау кальян иісі бұрқыраған аса қымбат емес кафеде өзің сияқты құрбыңмен «жақсы жігіт жоқ!», «жіігттердің бәрі онбаған» желісіндегі көңілсіз әңгіме-сауық-сайран өміріңе қайтып орала бер!!!

10.03.216