Жастардың пікірін білу үшін арнайы сауалнама. Алдағы уақытта ұсыныстарыңыз қабылданады.

Астанада Қазақстан халқының бірлігі күніне арналған мерекелік шараларға белсенді дайындық жұмыстары жүргізіліп жатыр. Күн сайын қалада жаңа мерекелік инсталляциялар пайда болып, сахналық алаңдар орнатылуда.

1 мамыр — Қазақстан халқының бірлігі күніне арналған басты мерекелік шара "Қазақ елі" монументінің алдындағы алаңда өтеді. Мерекелік концертте 450 жуық әртіс пен шығармашылық ұжым өнер көрсетпек. Этномәдени бірлестіктердің 300 астам өкілі халықтық серуенге қатысады. Бұл күні әрбір этномәдени ұйымы ұзындығы 50 метрлік мерекелік дастарқанға өзінің ұлттық тағамын қояды.

Көпшілік назарына Астана қаласының шығармашылық ұжымдарының қатысуымен мерекелік бағдарлама ұсынылады. Халықтық серуен өтетін «Қазақ елі» монументінің алдындағы алаңда мерекелік сауда, түрлі спорт түрлерінен жарыстар ұйымдастырылады. Сондай-ақ, мәдени және спорттық шаралар «Бәйтерек» монументінің алдындағы алаңда және «Студенттік» паркте де өтеді.

Қазақстан халқының бірлігі күнін мерекелеу аясында қалалық мәдениет мекемелерінде де түрлі іс-шаралар (концерттер, спектакльдер, көрмелер) өткізіледі.

Астана қаласының әкімдігі елорда тұрғындары мен қонақтарына арналған жеке бағдарлама әзірледі. Кешке сағат 20.30-23.00 қалалық алаңда танымал «Формат» тобының Қазақстан халқының бірлігі күніне арналған мерейтойлық концерті өтеді.

Сонымен қатар, Отан қорғаушы күніне және 1941-1945 жж. Ұлы Отан соғысындағы Жеңіс күнін мерекелеуге арналған шараларға дайындық жұмыстары жүргізілуде.

astana.gov.kz/kk/modules/material/10428

24-30 сәуірде Астанада Дүниежүзілік иммундау апталығы аясында дәрігер-эпидемиологтар ЮНИСЕФ қорының, әйелдер істері және отбасылық-демографиялық саясат жөніндегі комиссия өкілдерімен, сондай-ақ, дін мәселелері жөніндегі мамандармен кездесті. Биыл кездесу барысында талқыланған басты мәселе иммундау проблемаларын жоюға бағытталды.

Шарада Тұтынушылардың құқықтарын қорғау департаменті басшысының орынбасары Сархат Бейсенова, Салауатты өмір салтын қалыптастыру орталығының атқарушы директоры Ақмарал Құрманбаева, Денсаулық сақтау басқармасының өкілдері сөз сөйледі. Жыл сайын бір жасқа дейінгі және жасөспірім балаларға екпе жасатудан бас тартатын ата-аналар саны артып келеді. Астанада 2016 жылдың І тоқсанында 38 157 бала егілді, ал 27 бүлдіршіннің ата-анасы вакциналаудан бас тартты. Ал өткен жылы 30 853 бала егілсе, 40 баланың ата-анасы иммундаудан бас тартты. Елордада жаңа туған сәбилерге екпе жасатпаған ата-аналар саны 2% жуықтады. Биыл 7346 сәби дүниеге келсе, оның 133-і егілген жоқ, бұл 1,8% құрайды. 2015 жылы жаңа туған 6665 нәрестенің 129-ы екпе жасатпады, бұл 1,9% құрады.

Медицина қызметкерлерінің пікірінше, қалыптасқан жағдайға негізінен жанама әсерлерден қорқу және вакциналардың сапасына деген сенімсіздік себеп болып отыр. Қазіргі кезде екпе жасатудан бас тартқандар санын азайту мақсатында елордалық дәрігерлер кең ауқымды ақпараттық-түсіндіру жұмыстарын жүргізіп жатыр. Дәрігерлердің міндеті – ақпараттық кемшіліктерді жою және балалар мен жасөспірімдерді аса қауіпті инфекциялардан сақтап қалу.

astana.gov.kz/kk/modules/material/10427

Мемлекет басшысы кеңес алдында көрмедегі Қазақстанның ұлттық павильоны, халықаралық тақырыптық және корпоративтік павильондар, сауда-сауық нысандары орналасатын құрылыс алаңын аралап көрді.

Кеңес барысында Нұрсұлтан Назарбаев Астана қаласын дамыту мәселесі мемлекеттің назарында екенін атап өтті.

ЭКСПО-2017 көрмесін өткізу елорданы дамытудағы маңызды белес болып саналады. Мен көрменің салынып жатқан нысандарын қарап шықтым. Қарқын өте қарбалас, бірақ кесте орындалып жатыр. Бүгінде құрылыс нысандарында шамамен 10 мың адам жұмыспен қамтылған, – деді Мемлекет басшысы.

Сондай-ақ Қазақстан Президенті өткен жыл қорытындысы бойынша елорданың өңірлік жиынтық өнімінің өсім қарқыны 5 пайызға жетіп, бүкіл ел бойынша ең жоғары көрсеткіш болғанына және жалпы Қазақстан экономикасы өсімінің 40 пайызын қамтығанына назар аударды.

Инвестиция тарту тұрғысынан елеулі жұмыс атқарылды. Жалпы, елорданы көшіргеннен бері тартылған инвестицияның көлемі 6 триллион теңгеден асты. Соның 2 триллион теңгесі мемлекеттік бюджеттен бөлінді. Бұл ретте қазынаға түскен салық түсімдері қазірдің өзінде 4 триллион теңгеден асты. Бұл – мемлекет жүзеге асырған ең тиімді жоба. Көріп отырғандарыңыздай, мемлекеттің Астана құрылысына салған шығыстары ақталды. Бұған қоса, Астана былтыр бірінші рет бюджетіміздің донорына айналып, 900 миллиард теңгеден астам қаражат аударды. Барлық түсімдердің 75 пайызы қаладағы барлық жұмыс орнының жартысын қамтамасыз етіп отырған шағын және орта бизнестен түсіп жатыр. Бұл – біз бүкіл Қазақстан бойынша ұмтылып отырған деңгей, барлық өңір осы көрсеткішке теңесуі тиіс, – деді Нұрсұлтан Назарбаев.

Мемлекет басшысы 2015 жылы қалада 18 мыңнан астам жаңа жұмыс орны ашылғанын, жұмыссыздық ел бойынша ең төменгі, 4,7 пайыз деңгейінде екенін атап өтті.

Өткен жылдар ішінде 150 ірі әлеуметтік нысан салынды, жаңа университет халықаралық тұрғыдан мойындалды. Медициналық холдинг базасында халыққа сапалы медициналық қызмет көрсететін заманауи кластер жұмыс істеп жатыр. Оның қызметін былтыр 150 мың адам пайдаланды. Бүгінде елордада ең ұзақ өмір сүру жасы деңгейіне қол жеткізілді. Мәселен, орташа өмір сүру жасының ұзақтығы 75 жастың шамасында, барлық өңір осы маңызды көрсеткішке ұмтылуы тиіс. Астанада орташа еңбекақы 190 мың теңгеден асады. Біз ел тәуелсіздігінің 25 жылдығын мерекелеуге жақсы нәтижелермен келіп отырмыз, – деді Қазақстан Президенті.

Нұрсұлтан Назарбаев қала халқының саны болжам бойынша дүниежүзілік ЭКСПО көрмесі ашылар кезге қарай 1 миллион адамға жететініне назар аударды.

Мемлекет басшысы сондай-ақ Астананың дамуындағы негізгі түйткілді мәселелерге тоқталды.

Қазіргі уақытта елорда экономикасын нығайту басым бағыт болатыны атап өтілді.

Арнаулы экономикалық аймақ оң ықпалын тигізді. Қазіргі кезде АЭА аумағында аффинажды зауыт, жолаушылар вагонын, локомотив, әскери жабдықтар, жарық диодты және оптикалық құралдар шығаратын кәсіпорындар тәрізді ірі жобалар жүзеге асырылды. Олардағы қазақстандық қамту үлесі 20-дан 50 пайызға дейін барады. Дегенмен, іске қосылған 22 жобаның тек 23 пайызы толық қуаты бойынша жұмыс істеп тұр, – деді Нұрсұлтан Назарбаев.

Қазақстан Президенті қаланың инвестициялық тартымдылығы мәселесіне тоқталып, инвесторлармен жасалатын меморандумдардың тиімділігін арттыруды, сондай-ақ жаңадан ашылып жатқан өндірістердің табыстылығына мониторинг жүргізуді тапсырды.

Мемлекет басшысы сондай-ақ жауапты органдарға жер ресурстарының тиімді игерілуін бақылауға алуды тапсырды.

Менің тиісті тапсырмамнан кейін Бас прокуратура мен өзге де органдар тексерулер жүргізді. Пайдаланылмай жатқан 16 мың гектар жер анықталды, енді соны қайтарып алумен айналысу керек. Игерілмеген аумақтар тіпті қаланың орталығында да бар, – деп атап өтті Нұрсұлтан Назарбаев.

Астанадағы іскерлік ортаның ахуалын жақсарту жолдары да сөз болды.

Елордада бизнес үшін қолайлы ахуал қалыптасқан, банктердің бизнеске зор қызығушылығы байқалады. Заманауи сауда орындарын ұйымдастыру үшін кәсіпкерлерге мыңдаған орын бөлу тұрғысындағы жақсы бастама жүзеге асырылып жатыр. Астанада алғашқы болып тек отандық тауарларды сататын сауда орындары ашылды. Алайда қалада, негізінен, кәсіпкерліктің екі түрі – сауда мен құрылыс дамуда. Шағын және орта бизнес инновация саласында тым аз, – деді Қазақстан Президенті.

Мемлекет басшысы елорданың сауда орындарының елдің солтүстік және орталық өңірлеріндегі ауыл шаруашылығы өнімдерін өндірушілермен өзара іс-қимылының нашар екеніне назар аударды.

Нұрсұлтан Назарбаев көлік инфрақұрылымы жұмысына арнайы тоқталып, ЭКСПО қарсаңында қала үшін мейлінше маңызды нысандар жаңа әуежай терминалы мен теміржол вокзалы екенін атап өтті.

Бүгіннің өзінде үлкен кептелістер қалыпты жағдайға айналды, бұл проблеманы шешу қажет. Егер сауатты түрде жобалаумен қазір айналыспасақ, бірнеше жылдан кейін бізді көлік коллапсы күтіп тұр. Қалада әлі күнге дейін тұрақтар жүйесі ұйымдастырылмаған,қоғамдық көлікте жолақы үшін электронды төлем жасау енгізілмеген, – деді ҚазақстанПрезиденті.

Сондай-ақ жолдар салу мен нөсер жауын жағдайына арналған кәріздер жүргізу сапасына тиімді бақылау жасау жүйесі енгізілу қажеттігі де айтылды.

Бұдан бөлек, Мемлекет басшысы азаматтардың жайлы жол жүруіне бағдарланған такси қызметі жұмысына бақылау ұйымдастыру ісін қолға алуды тапсырды.

Нұрсұлтан Назарбаев бүгінде жаңа тұрғын үйлер құрылысының қарқыны қанағаттанарлық екенін, бірақ қалада үлескерлік құрылыс аясында салынып жатқан проблемалы 45 нысан пайда болғанын айтты.

Қазақстан Президенті әлеуметтік саланы дамыту аспектілері арасынан балабақшадағы орынмен қамтамасыз ету мәселесіне тоқталып, бұл түйткілді тұрғын үйлерден тиісті орындар бөлу арқылы шешуді, жастар үшін спорт нысандарына қолжетімділік деңгейін, орта және жоғары білім сапасын арттыруды, сондай-ақ, әсіресе, медициналық туризм есебінен медицина кластерін дамытуды тапсырды.

Білім және ғылым министрлігінің мәліметі бойынша, қаланың 7 университетінің бірде-бір ғылыми әзірлемесі жоқ, 6 университетінің бірде-бір авторлық куәлігі, 5-еуінің бірді-бір патенті жоқ екен. Мұндай жайт әлемде жоқ. ЭКСПО-ға дайындықтың өзі Астананың ғылыми қоғамдастығын көрме тақырыбы аясындағы инновациялық жобаларды әзірлеу ісіне белсене қатысуға ұмтылдыруға тиіс, – деді Нұрсұлтан Назарбаев.

Сондай-ақ Мемлекет басшысы қаланы одан әрі көгалдандыру, ботаникалық бақ құрылысын салу және гүлзар аймағын жетілдіру қажеттігіне назар аударды.

Сөз соңында қауіпсіздік пен қоғамдық тәртіпті қамтамасыз ету мәселесі көтерілді.

Іс-шара аясында Астана қаласының әкімі Ә.Жақсыбеков, «Астана ЭКСПО-2017» ҰК АҚ басқармасының төрағасы А.Есімов, энергетика министрі Қ.Бозымбаев, сыртқы істер министрі Е.Ыдырысов, «Астана» халықаралық қаржы орталығының басқарушысы Қ.Келімбетов баяндама жасады.

Кеңес қорытындысы бойынша Мемлекет басшысы бірқатар нақты тапсырма берді.

astana.gov.kz/kk/modules/material/10423

8 мамырдан бастап әр жексенбі сайын Астаналық паркте қала тұрғындары мен қонақтары спорттық жаттығулар жасайды. Тәжірибелі фитнес-нұсқаушылар таза ауада кроссфит пен йогадан, зумба мен т.б. бағыттар бойынша тегін сабақтар өткізеді.

Әр жексенбі сайын сағат 10.00-13.00 аралығында жаңа спорт түрлерін меңгеріп, би билеуді үйренуге болады. Күш жинап, епті, икемді болығысы келетіндер кеңінен тараған спорттық бағыт кроссфитке қатысады. Жекпе-жектерге әуестер Combat Battle жаттығу жүйесін меңгереді. Айта кетейік, аталған спорт түрі жаңа бастағандар мен дайын спортшыларға да лайық. Сонымен қатар, парк аумағында жүрек қан-тамырлары жүйесін жаттықтыруға арналған Cardio-zone сабақтары өткізіледі.

Ұйымдастырушылардың айтуынша, әсерлі биге әуес жандар латынамерикалық ырғақтармен зумба биін билейді.

Fitness Park Astana спорттық-бұқаралық іс-шарасына кішкентай астаналықтар да қатысады. Олар үшін арнайы аймақ жасалады.

Қызықты спорттық бағдарламамен қоса, акцияның барлық қатысушыларына дұрыс және теңгерімді тамақтану жолы таныстырылады.

Ал отандық эстрада жұлдыздары қала тұрғындары мен қонақтарына әр жексенбі сайын музыкалық бағдарламалар тарту етеді.

astana.gov.kz/kk/modules/material/10420

Әр адам өмірін жайлы әрі ыңғайлы еткісі келеді. Кең үй, жаңа автокөлік, жұмсақ төсек, жылдам істейтін компьютер. Өркениеттің бұл игілігінен бас тарту ақымақтық болар еді.



Алайда бәріне қол жеткіздім, өмірім – жұмақ дейтіндер уақыт өте келе мұндай жайлы өмірдің өзіндік қауіптілігі бар екенін түсіне бастайды. Қай жағынан қауіпті және одан неге алшақ болуымыз керек?

Ыңғайлы, жайлы өмірдің еш жамандығы жоқтай көрінеді. Сіз өзіңізді жайлы сезінесіз, тәуекелге барудың еш қажеті жоқ, жұмысыңыз жүріп жатыр, ештеңені өзгертудің қажеті жоқтай көрінеді. Дегенмен сіз өзіңізді толыққанды бақытты сезінбейтін шығарсыз, немесе 100% қанағаттанбайтын шығарсыз, солай емес пе? Солай.

Көбіне жайлы аймақ адамның өз-өзін алдауынан, иллюзиясынан туындайды. Бүгінгі жағдайыңызға үздік балама жоқ деп ойлайсыз, осы жағдайды жасау үшін тым көп еңбек еттіңіз, бірдеңе өзгертуге тым кеш дейсіз. Сіз ыңғайлы болса да, бір жерге тоқтайсыз да, өміріңіздегі тамаша мүмкіндіктерге жоқ дейсіз. Жайлы аймақ жолыңыздың соңғы аялдамасына айналады. Неге олай болады?

Сіз жұмсақ бола бастайсыз

Жылы ваннаға кірген адаммен бірнеше минуттың ішінде не болады? Оның бойын жылулық билеп, өзін жайлы сезіне бастайды. Ал мұндай күйді ұзаққа созатын болса ше? Дұрыс, ол деградацияға ұшырайды. Бұлшық еттері пішінін жоғалтып, біраз уақыттан кейін ол жүгіру тұрмақ, бір орында тұра алмайтын болады.

Бірақ бұл денеге ғана қатысты емес. Миымызбен де дәл осы процесс қайталанады. Қиын тапсырмаларды орындауға қажетсіздік ойлау қабілетін, білім алу қабілетін төмендетіп, шешім қабылдай алмауға әкеледі. Сіз күнделікті бір аймақта жүріп-тұратын және бір ғана тапсырмаларды орындап жүретін қуыршаққа айналасыз. Соның арасында, өміріңіздің қай кезеңі сіз үшін өнімдірек және шығармашылыққа толы болды? Ол уақытты жайлы шақ деп айта алмайтыныңызға сенімдіміз. Біреулер ұйқысыз өткен студенттік шақтарын есіне алады, басқалар шытырманға толы оқиғалар мен саяхаттарын, ал үшіншілері – бәрін басынан бастау керек болған қилы кезеңді.

Сіз өмірлік мақсаттарыңыздан бас тартасыз

Әр адамның, жарайды, адамдардың көбінің жүрек түбінде өмірде қол жеткізгісі келетін мақсаты болады. Бір қызығы, әдетте ол мақсаттар қол жетімсіз және қияли болмайды. Бірақ бәрібір бізге бірдеңе кедергі болады. Біз мақсатымызды кейінге шегере береміз, ал айналаңызда жайлы аймақтың өркендей беруінен ол тіпті қол жетімсіз болып қалады. Себебі бір уақытқа жылы ваннадан шығып, далаға шығу қиын ғой.

Сіз өзіңізді тани алмай кетуіңіз мүмкін

Адамның беті қиындыққа ұрынғанында ашылады деген пікір бар. Сіз өмір бойы жайлы ортада өмір сүріп, қолыңыздан шын мәнінде не келетінін білмей өтуіңіз де мүмкін. Сіз шынымен батыл әрі өнертапқыш бола аласыз ба? Сіз шынымен қайсарлық танытып, шыдамды бола аласыз ба, әлде сондаймын деп ойлайсыз ба? Жайлы аймақтан шығып, тым құрығанда өзіңіз үшін, шын мәнінде қандай адам екеніңізді және мүмкіндіктеріңіздің шегі қай жерде екенін түсінетін уақыт келді. Нәтижесі сізді таңғалдырмай қоймайды.

Ерте ме, кеш пе жайлы аймақ кез келген адам үшін оның дамуын тежейтін және өмірді сезімнің өткірлігінен айыратын факторға айналады. Өміріңіздің ең қызықты сәттерін есіңізге алыңызшы. Олардың көбі әдеттегі өмірден тыс әрекеттерді жасау кезінде болған шығар? Жайлы аймақтан шыққан кезіңізде болды. Енді осыны неге қайталап көрмеске?

Дереккөз: Жайлы аймақтан шығу үшін 3 себеп

Оқуға кеңес береміз(Мотивация):

Бақытсыз, бейбақ, сәтсіздіктен көз ашпайтын адам болудың 10 себебі

Күніне бірнеше минут қана бос уақытың бола тұра, өзіңді және өз өміріңді қалай өзгертуге болады

10 минуттың ішінде өзіңді қалай жігерлендіруге болады?

Өзінді тәртіпке келтірудің 5 тиімді әдісі

Астаналық фотограф Саламат Аязбай түсірген суреттер.


Ойын басталды


Жүргізуші Мерей Ермұхановқа командалардың жауабы ұнап жатыр


Бақсы командасы қарсыластарының жауабына риза


Түрлі ұлт өкілдерінен құралған Интер командасы сұрақты талқылауда


Қыздардан құралған команда соңына дейін таласты 1-орынға


Ерлан Оспанның командасы қызу талқыда


Ая мен Райымбек қиын сұраққа шешім іздеуде


Қатаң ұйымдастырушылар


Бақсы командасы — жеңімпаз!


Интернационал!


Ойын күні танысып, команда құрған жаңа достар


Админ


Достық жеңді әлбетте! ;)

Алдыңғы жылы мектеп бітіргенімізге 15 жыл толуына орай ауылға барып, сыныптастар болып бас қосқанбыз. 15 жылда кім неге қол жеткізгенін айтқызбай-ақ сыртқы түрлерінен сезіп жатырмыз. Мектептен әріп танып, жазуды үйреніп шыққанына ғана шүкір етіп шыққан кейбір тақтай ми сыныптастардың кейбірі ат тізгінін қолға алған маңызды адамдарға айналған. Бүгінгі күні ескіріп, сарғыш тартқан ескі суреттер секілді өз бояуын жоғалтып алған бір кездердегі сұлу қыздар да кездесіп жатты. Соңғы парталардың бірінде өз-өзімен бейғам отырып, елеусіз сыныпқа кіріп, елеусіз күйі шығып кететін, мыңқ етпей отыра беретіндігін қызық көріп шашынан тартып қалған балаларға жабайы мысықтарша шарылдап, көзі шапыраштанып кететін сүйкімсіз қыз сол күйі бір жігіттің мейіріне бөленбестен, жігіттен хат алып жүрек шымырлау секілді тәтті сезімдердің не екенін білместен мектеп бітіріп, мүлдем алыс қалаға бәрінен жырақтап кетіп қалған еді. 15 жыл өткеннен соң да бітіріп келген шаруасы жоқ, не күйеуге тимеген, не бала тумаған – соқа басы сопайып Жука өзі келді.

Досым деп сыр бөліскен бір қыздың болмағанына, сыныптасым деп біреуінің іздемегеніне қапаланғаным да жоқ.
Өзгеріп кеткенімді көбі айтып жатты, алыс қаладан келгеніме бола ма, әлде шынымен сағынғандары ма білмедім, қол-аяғымды жерге тигізбеді. Үйленіп ажырасып кеткен кейбір жігіттердің көздері мөлиіп мен жақты сүзіп жүргенін сездім. Үйленіп бала-шағалы болса да, мектеп кезіндегі гитаристігін әлі абырой көріп мені сындырып қалуға талпынып жүрген жігіттер де табылды. Қайта-қайта вальске шақырып, тершіп кеткен дымқыл бетін бетіме тақай жүріп, қара жұмысқа икемделіп кеткен күректей қолымен әр дене мүшемді түгендеп шыққан Ержанды бір бұрышта қызғаныштан салфетка тістелеп отырған семіз қатыны барына қарамастан өзіме жақын тарттым.

Мектеп кезінде тентектігімен қоса білімділігі де бар бұл жігіттің бейнесі сыңсыған әуен жүрсе талай қыздың көз алдынан кетпейтін еді, бір-біріне білдірмей ғана терең күрсінетін қыздар. Оның ауызынан өз атыңды естіп қалу өзі бір шала бақыт (себебі қыздарды фамилиясымен атайтын өркөкіректігі де бар еді).

Банкет біткен соң бәріміз Ержанның үйіне қонаққа бардық. Асүйде тыпыршып тұра алмай, мазасы кетіп әлсін-әлсін мені көзімен бағып жүрген әйелін аяу туралы ой да келмепті мен пақырға. Ашуы мен наразылығын ашық білдіре алмай жүрген әйелінің түрінен Ержанның отбасында мінезінің қатал екенін сезіп отырмын. Бойына ішімдіктің қызуы тараған Ержан енді ашықтан ашық мені қызғанып, білегімнен, белімнен ұстап қалғысы келіп айналшықтап жүрген еркектерді темекі шегуге сыртқа шақырып алып кетіп жүрді. Балалықтары әлі қалмаған.

Түннің етегі шала түрілген мезгілде, яғни таң алагеуімде үй-үйге тарастық. Шашылған үй мен жуылмаған ыдыстарға көміліп Индира қалды үйінде (Ержанның әйелі). Ержан қонақтарды шығарып саламын бізбен бірге ере шықты. Үйге дейін жеткізіп тастаймын деп мені бөлек алып кетті.

-Жука, мен сені негізі мектеп кезінде ұнатқам,-дейді. Сөзінің өтірік екенін өзінен гөрі мен анық біліп тұрмын. Ерінімнен сүйгендей болды. Сүйісуді ұмытып қалған шығар, ауылда әйелімен күн сайын сүйісіп жүрген кім бар дейсің? Компьютер сорып тастаған жұп-жұқа, жеп-жеңіл қаланың жігіттерінен жалыққан кезде осындай қара күштің құшағында уатылып кеткің келеді екен. Көгалдың дымқыл екеніне, үстіндегі ақ көйлегіне жап-жасыл шөптің бояуы жұғып қалатына қарамастан, жерге домалай кеттік. Өз тәжірибемде барымен қоса ойымда жүрсе де әлі қолданысқа түспеген махаббат әдістерінің барлығын жасап бағуға тырыстым. Сүюге болатын да, болмайтын да жерлерін сүйіп шықтым. Қолым жеткен жерінің бәрін аялай сипадым, бір уыс болып ықшамдалып, құшағына кіріп кетіп, ғажайыптың бәрін жасадым.

Өзімшілдігінен, қатал мінезінен, бар қайратынан, ауылдағы дүрілдеп тұрған абыройынан, тіпті өз денесінен ажырап қалғандай күй кешіп бір-бірлеп күннің алагеуім сәулесіне сіңіп бара жатқан жұлдыздарға еш мағынасыз қарап жатқан Ержанның көздерінен бұл түннің есінен ұзақ уақыт кетпей, әлі талай мазасын алып, Алматыға қарай аңсары ауып тұратынан болжап та қойдым.

Сәуірдің 27 күні Қарағанды қаласында биыл төртінші рет «Karaganda Invest 2016» Халықаралық Инвестициялық Форумы өтті. Форумға биыл мыңнан астам адам қатысты. Олар шағын және орта бизнестің, әлеуетті инвестор-компаниялардың, ұлттық компаниялардың және жергілікті мемлекеттік басқару органдарының өкілдері.



Қарағанды облысының әкімі Нұрмұхамбет Әбдібековтың айтуынша биылғы «Karaganda Invest 2016» форумы тек қана Қарағанды облысының емес, Қазақстанның басқа да аймақтарының инвестициялық жобаларын ұсынған алаң болғанымен ерекшеленген. Бұл жолы Қарағанды аймағының жобаларынан басқа Павлодар, Солтүстік-Қазақстан және Ақтөбе облыстары жобаларын ұсынған екен.

Форум спикерлері ҚР Инвестициялар және даму жөніндегі вице-министр Альберт Рау, Қарағанды облысы әкімінің орынбасары Ахметжанов Әнуар, Орталық Азиядағы герман экономикасының өкілеттігі басшысының орынбасары Жүнісәлиева Ғалия, «Даму» Кәсіпкерлікті дамыту қоры»АҚ Басқармасының төрағасы Тлеушин Қаныш, Директорлар кеңесінің мүшесі, «SAT & Comany» АҚ басқармасының төрағасы Саурамбаев Нұрлан, «Атамекен»ҚР Ұлттық кәсіпкерлер палатасы Басқармасы төрағасының орынбасары Шотанов Төлеміс, сонда-ақ, Джефферсон Траст Гонг Конг Аймақтық директоры Фурузонфар Зехни болды. Жалпы мәжілістен соң «Жер қойнауын пайдалану және энергетика: «Дәстүрлі салаларға жаңа көзқарас», «Қарағанды облысының агроөнеркәсіптік әлеуетін жүзеге асыру» және «Қарағанды облысы—инвестициялардың жаңа көкжиегі» тақырыптары бойынша үш секция өтті.



«Karaganda Invest 2016» айтулы нәтижелерінің бірі жергілікті және халықаралық Меморандумдар мен Инвестициялық келісімдерге қол қою деуге болады. Қарағанды, Солтүстік — Қазақстан, Атырау, Аөтөбе және Солтүстік Қазақстан облыстары арасындағы аймақаралық ынтымақтастық туралы меморандумға қол қойды. Сонымен қатар, Қарағанды облысының әкімдігі мен Түрік Республикасының Эскишехир провинциясының Үкіметі арасында Ынтымақтастық және 2016-2018 жылдарға достық байланыстарды орнату туралы келісімдерді жүзеге асыру бойынша ісшаралар жоспарына қол қойылды.

Форум барысында түрі жобалардың презентациясы, компаниялардың көрмелері, инвесторлармен кездесулер болды. Яғни шара инвестицияларды іздеуге және алуға, инновацияларды, технологиялар мен оларды қолдану тәжірибесін алмасуға арналған орталықтандырылған платформаға айналды деуге болады.



Айтпақшы, Форум аясында әлеуетті инвесторлардың агроөнеркәсіптік кешен, жер қойнауын пайдалану, мемлекеттік-жеке серіктестік, құрылыс индустриясы мен туризм секілді аймақ үшін маңызды бағыттарды инвестициялауы үшін жалпы сомасы 1.5 трлн теңге болатын 151 инвестициялық жоба ұсынылды. Меніңше, адам болам, ұрпағым бақуатты елде өмір сүреді дейтін азаматтар, жер дауын емес, бизнес-форумдар, стартап-жобалар қуса, Қазақстан жақын онжылдықта дамыған елдер қатарына кіруіне толық мүмкіндік бар.

ЭКСПО көрмесі кезінде 3 ай бойы өтетін мәдени бағдарламаны Қазақстан өз күшімен өткізеді. Президенттің төрағалығымен Астананың әлеуметтік-экономикалық дамуы мен ЭКСПО көрмесіне дайындық мәселелеріне арналған кеңес өтті. «Қалада кептелістер қалыпты жағдайға айналды. Мен оны күткен емеспін» деген Елбасы мәселені шешуді тапсырды. Қоғамдық көліктерде электронды төлем жасау жүйесін жылдам енгізу қажет деді. Президент сондай-ақ жауын-шашыннан соң Астана көшелерінің айдын көлге айналатынын айтып, мұндай келеңсіздіктерді түбегейлі жоюды тапсырды.


astanatv.kz/news/show/id/47682.html