Бүгінігі таңда қылмыстық құқық бұзушылық өзекті мәселелердің бірі. Құқықтық статистика белгілі бір өңірдің әлеуметтік-экономикалық деңгейін анықтауға мүмкіндік береді. Осы жайлы Алматы облысының өңірлік коммуникациялар қызметі алаңында облыстық құқықтық статистика және арнайы есепке алу жөніндегі комитетінің өкілдері баспасөз мәслихатын өткізді.
Алматы облысы бойынша сотқа дейінгі тексеру тізімінде 13097 қылмыстық құқық бұзушылық бар. Статистикаға сүйенсек, 2015-2016 жылдар мен биылғы жылды салыстырғанда тіркелген қылмыс деңгейі 18,6%-ға төмендеген. Талдықорған қаласында 2015-2016 жылдар мен 2017 жылдың қылмыс деңгейі 16,4%-ға дейін азайды. Түрлі заңға қайшы әрекеттерді енді «қылмыстық құқық бұзушылық картасы» арқылы білуге болады. Ол тұрып жатқан жердің қылмыс деңгейін анықтауға мүмкіндік береді.
«Республикамыздың әрбір азаматы Кrisha.kz сайтын пайдалана отырып, пәтер іздеу кезінде таңдаған аймақтың қылмыстық деңгейін анықтай алады. Бұл ақпарат бір жағынан қылмыс деңгейін бақылауға және қылмыс көп болатын жерде жылжымалы мүліктің құны өзіне сай болатынына көмектеседі. Болашақта тұрғындар бұл жағдайға бейжай қарамай, құқық бұзушылықты азайту жолдарын іздейтін болады. Осылайша, тәртіп саласындағы қоғамдық бақылау жақсарады», — деді құқықтық статистика және арнайы есепке алу жөніндегі комитетінің аға прокуроры Жайлыгулова Жанар.
Алматы облысының өңірлік коммуникациялар қызметі

23-24 маусым күндері «Бәйтерек» монументінің алаңында The Spirit of Astana заманауи этникалық музыка концерті өтеді.

Аталған жоба атақты музыкалық әлемдегі The Spirit of Tengri оқиғалардың бір бөлігі саналады. Фестиваль Астанада тұңғыш рет өткізілмек. Грузия, АҚШ, Тува, Бурят, Македония, Венгрия, Башқұртстан, Ресей, Мали, Германия және Қазақстанның музыкалық ұжымдары өнер көрсетеді.

Концерт 23-24 маусым күндері сағат 17:00-де басталады. Көрермендерге шараны тамашалау – тегін.

Бір-екі күнде төл Теңгеміз тағыда құнын жоғалта бастады. Қарапайым ел азаматы ретінде алаңдау сезімдері туындайтыны сөзсіз. Жалпы сөз қозғайын деп тұрғаным бұл жайлы емес негізі. Осы тектес жаңалықтар тізбегін ашып отырып Ұлттық банктің екінші деңгейлі банктер арқылы алтын құймалар сатылымға шығарып жатқаны туралы ақпаратқа көзім түсті. Алғашқы ойым шынымды айтайын жақсылықтан хабар бермеді. Экономика саласынан хабарым жоқ болсада неге екенін білмейм бұл әрекет маған қатты ұнамады. Кезінде естігенім оқығандарымды еске түсірігенімде бірнеше ой миыма түсе кетті. Алтын қоры қаншалықты көп болса соншалықты мемлекеттің экономикасы қауқарлы болады, әлемнің ірі мемлекеттері барынша алтын қорын ұлғайтуға тырысып бағуда, АҚШ-тың құдыреттілігі, Доллардың үстемдігі, кәзіргі Қытайдың алпауыт болуы осы алтын қорының көлеміне байланысты деп те есуім бар еді. Бір ойым алтын қоры мен құйма алтындардың сатылуында байланыс жоқ шығар депте ойладым. Дегенмен мемлекет қордағы алтынды сатпағанда басқа қайдағы алтын сатылуы мүмкін. Бұ әрекет түсіндірілген шығар деп бірнеше сайттар мен мақалаларды оқып бағуға тырыстым дегенмен бұл әрекеттің ұтымдылығы немесе тиімділігі жайлы толық түсіндірілген ешқандай ақпарат таппадым өкінішке орай. Тек қалай іске асатындығы немесе ол пайдалы дегені жалпылай жазылыпты. Онсызда екі ойлы болып, мемлекетке деген сенімі азайып жүрген, кез-келген заңға үлкен күмәнмен қарайтын біздің мемлекеттің халқы үшін бұл ақпарат қандай сезім тудырды екен. Ішінде мен секілді алтын қорының ерекше маңызы жайлы оқып алғандар болса тағыда әлеуметтік желілерде айғай шу наразылық болатыны сөзсіз. Мен мемлекеттің бұл әрекеті дұрыс шығар деп ойлаймын, себебі ол жеде білікті мамандар, мықты экономистар отырғаны сөзсіз. Дегенмен басты кемшілік дұрыс түсіндірілуде деп ойлаймын. Дұрыс түсіндіру жұмыстары жүретін болса халық күмәннан айырылып қана қоймай сонымен қоса сол құймаларды сатып алып немесе басқада шаралар арқылы белсене қатысар ма еді. Осындай жағдайда халық сенімі мемлекетке жоғарылар ма еді.

Сенім демекші сенім өте құдыретті ұғым. Халықтың билікке сенімі тұрақты экономика мен әлеуметтік тұрақтылық сияқты мемлекет өркендеуінің басты кепілі екені анық. Дағдарыс уақытындағы халық сенімінің маңыздылығы жайлы бір-екі мысал келтіре кетсем. 1997-1998 жылдардағы Азия елдеріндегі ірі дағдарыс кезіндегі Оңтүстік Корея мемлекетінің халқы көрсеткен сенім күші біраз елге үлгі болуы керек деп ойлаймын. Мемлекет алтын қорын толтыру үшін халыққа өтініш айтқан болатын "Қолдарыңыздағы бар алтын бұйымдарыңызды мемлекетке сатыңыздар" деп артынша Кореяның ақшасы таусылып «Ақшаларыңызды уақытында міндетті түрде қайтарамыз» деген уәде берген болатын. Халық бірден банктер мен ақша айырбастау пунктері алдына ұзақ кезектерге тұрып алтын бұйымдарын тапсыруға ұмтылды, тіпті жұмысына асыққан кейбір Корей азаматтары қолындағы бар бұйымын кезектің алдына қарай лақтырып, ақшаларын алмастан кете берді. Осы әрекеттер нәтижесінде Корея 250 тоннаға жуық алтын жинап алды, кейіннен халыққа қарызын пайыздық үстеммен қайтара алған болатын. Одан кейінгі Кореяның экономикасы өркендеуі тек жақсы бағытта болды. Корей экономистерінің айтуынша дәл сол уақытта халық сенім білдірмегенде Корея экономикасы толық құлдырымға кететін еді. Тағы бір мысал 2015 жылдардағы Биржалық тоқырау сәтінде Германия, Италия және Греция азаматтары Банктерге ағылып ақшаларын талап еткен болатын. Банктегі ақша азайып кетсе не боларын кез келген азамат өте жағсы білуі тиіс, осының алдын алған жоғарыдағы елдер өз азаматтарына екінші деңгейлі Банктер құлдырауға ұшыраса мемлекет ақшаны толықтай қайтарады деп уаде етті, халық сенді және мемлекет бұдан зардап шекпеді.
Менің ойымша халық пен мемлекет арасында сенім әсіресе осындай уақыттарда өте маңызды. Себебі эконоимканың тұрақтылығына халықта мүдделі, себебі өмір сүру сапасы тікелей соған қатысты болып табылады. Осы елдің азаматтары секілді мемлекеттің антикризистік шараларын қолдағын-ақ келеді, әттен біздің билік сенімді емес қой. Қарапайым істеп жатқан «дұрыс» әрекеттерінде түсіндіріп бермейді.
Сонымен достар маған алтын құймаларды сатылымға шығарған қаншалықты тиімді екенің түсіндіріп бере алатын адам табылама. Айтпесе орта статистикалық Қазақстан азаматы үшін бұл өте түсініксіз. Не де болса оңынан болсын дейік басқа не дейміз...

«Coca-Cola Былғары доп» турнирі елімізде 2006 жылдан бері дәстүрлі түрде өткізіліп келеді. Дүбірлі дода өскелең ұрпақты спортқа баулып, талантты жас футболшыларды іріктеуге бағытталған республикалық шара. Биыл турнирге еліміздің әр өңірлерінен(11 облыс, Алматы қаласы) жеңімпаз командалар қатысып, І орынды Алматы облысы Текелі қаласының №8 орта мектебінің оқушылары қанжығасына байлады. Бұл туралы Алматы облысының өңірлік коммуникациялар қызметі алаңында облыстық білім басқармасының бұқаралық спорт бөлімінің жетекшісі Нұрлан Ерболатұлы мәлімдеді.
Жарыс 2017 жылдың 10-18 маусым аралығында, Шымкент қаласында өтті. Оған Алматы облысының атынан Текелі қаласының №8 орта мектебінің 2004-2005 жылғы жас жеткіншектері қатысты. Жалпы биылғы «Coca-Cola Былғары доп» жарысы 2002-2003 және 2006-2007 жылы туған оқушылар арасында болатыны айтылды.
«Біз бұл жарысқа үлкен дайындықпен бардық. Күнде стадионға барып, балалармен жаттығатынбыз. Осы үшін үлкен тер төгіп, еңбегіміз толықтай ақталды. Басқа қалаға бара жатқандықтан көп қобалжулар болды, бірақ бізді Шымкент қаласы өте жақсы қарсы алды. Сондықтан барлығына алғысым шексіз», — деді «Сұңқар» командасының капитаны Құрмантай Арсен.
Жеңімпаздар мен жүлдегерлер арнайы кубоктармен және медальдармен марапатталды.
Алматы облысының өңірлік коммуникациялар қызметі

Жүйе жыл аяғына дейін енгізіледі.

Бұл жайында «Астана LRT төлем жүйесі орталығы» ЖШС маркетологы Ахметжан Далиев Елордалық әкімдіктің медиа-орталығына берген сұхбатында мәлімдеді. Қазіргі таңда пластикалық жол жүру билетінің есебін толтыру арнайы терминалдар арқылы ғана жүргізіледі. Алайда, терминал артық ақшаны қайтарып бере алмай жатады, бұл өз кезегінде жолаушылардың келеңсіздіктерге тап болуына әкеліп соғады.

«Біздің инженерлер шынайы уақыт аралығында автоматтарды қарап отырады. Артық ақша аяқтала басталысымен, біз бірден автоматты блокка қоямыз, осы аралықта қолданушы автоматты пайдалана алмайды. Алайда, бір немесе бір жарым сағаттың ішінде инженерлер автоматтарды қайтадан толықтырады. Жыл аяғына дейін бұл проблема толық шешіледі, Астра карточкаларын банк карталары арқылы толтыру мүмкіндігі пайда болмақ», — деді А. Далиев.

Сұхбат берушінің айтуынша, қазірге дейін 30 мыңнан астам пастикалық жол жүру билеті сатылған. Астраның жеңілдік карталарын 66 мың тұрғын, оқушыларға арналған карталарды – 160 мың адам пайдалануда. Елордада оларға қызмет көрсету үшін 37 автомат пен 7 арнайы касса жұмыс істейді.

Елорда тұрғындары мен қонақтарының қауіпсіздігі мен қолайлығы үшін қала билігі жалған терроризммен күрес шараларын күшейтті.

22 маусым күні Астана қаласының Ішкі істер департаментінде елордалық үздік полицейлерді мемлекеттік марапаттармен ұлықтау және ресми салатанатты шара өтті. Қаланың ІІД бастығы, полиция генерал-майоры Амантай Әубәкіров қызметкерлерді құттықтады.

— Ширек ғасыр ішінде Қазақстан полициясы қоғамдық қауіпсіздік пен тұрақтылықтың қорғанына айналды. Азаматтардың конституциялық құқығы мен бостандығын қамтамасыз етуде берік іргетас қаланды. Тиімді нормативті-құқықтық база құрылды. Ішкі істер минисртлігі мен әкімдіктің департаментке көрсетіп жатқан барлық қолдауының арқасында жыл сайын елорда полициясының әлеуметтік қамтамасыз етілуі нығаюда. Мен астаналық полицейлердің бас қалада құқықтық тәртіп пен қауіпсіздікті қамтамасыз етуде ары қарай да қызметін лайықты атқаратындарына сенімдімін, — деді ол.

Астана қаласының үздік полицейлеріне мереке орай құрметті марапаттар табысталды: «Қазақстан полициясына 25 жыл» төсбелгісі, «Құқық тәртібін қамтамасыз етуге қосқан үлесі үшін» медалі, «Ішкі істер органдарынын үздігі» ІІ деңгейлі төсбелгісі, Қазақстан Республикасыынң ІІД алғыс хаттары мен грамоталары табысталды.

Айта кетейік, тәуелсіздіктің 25 жылдығында елорданың 8 полиция қызметкері қызметтік міндетін өтеуде көз жұмды. 20 тәртіп сақшысы оқпен, пышақпен жарақаттанды. Олардың барлығы Президент Нұрсұлтан Назарбаевтің Жарлығымен «Айбын», «Ерлігі үшін» мемлекеттік медаліне ұсынылды.

Бүгінгі таңда Астана қаласының Ішкі істер департаменті мықты кадрлық құраммен жасақталған және заманауи материалдық-техникалық базамен жабдықталған.

Қазақстан Президенті ЭКСПО-2017 халықаралық көрмесінің ашылуында жұмыс істеген елордалық полицейлердің еңбегін ерекше атап өткен болатын.

2017 жылдың мамыр айында Астана қаласы әкімдігінің қолдауымен ІІД жас қызметкерлеріне арналып жатақхана ашылды. Қазақстандық полиция қызметкерлері күні қарсаңында қала әкімдігі 100-ге жуық қызметтік көлікпен қамтамасыз етті.

23 маусым күні сағат 19:00-де Астанада тұңғыш рет этномәдени бірлестік өкілдерінің арасында «Ассамблея аруы — 2017» байқауы өтеді. Шырайлы шара қалалық Қазақстан халқы Ассамблеясының бастамасымен ұйымдастырылуда.

Байқауға ҚР Парламенті мен Астана қаласының депутаттары, мемлекеттік органдар, Қазақстан халқы Ассамблеясының қоғамдық қалыптастыру, этномәдени бірлестіктердің өкілдері және қала тұрғындары мен қонақтары қатысады деп күтілуде.

Байқаудың мақсаты – жастарды заманауи эстетикалық және өнегелі құндылықтарға баулу, түрлі этностардың мәдениеті мен дәстүрлерінің ерекшеліктерімен таныстыру, жас ұрпақтың шығармашылық әлеуетін жетілдіру.

Шара бағдарламасы бойынша қатысушылар өздерін таныстырады, ұлттық киімдер мен кешкі сәнді көйлектер шеруі ұйымдастырылады, үміткерлер шығармашылық қырларын көрсетіп, жеке стильдерін ұсынады әрі сұхбат жүргізіледі.

Байқау мына мекен-жай бойынша: Шұбар ш.а., Космонавтов к., 60, конференция залы Komfort Hotel мейманханасы. Барлық келем деушілерге есік ашық.

2017 жылдың 21 маусымында Назарбаев орталығында Қазақстан Республикасы Президенті Н.Ә. Назарбаевтың «Болашаққа бағдар: рухани жаңғыру» атты бағдарламалық мақаласын жүзеге асыру аясында «Ұлы даланың рухани мұрасы: өткені мен бүгіні» атты халықаралық ғылыми конференция өтті.

Іс – шараның ҚР Тұңғыш Президенті — Елбасының Қоры, ҚР БҒМ ҒК Мемлекет тарихы институты және ҚР Тұңғыш Президенті — Елбасының Кітапханасы ұйымдастырды.

Конференцияға Ресей, Әзірбайжан, Қырғызстан, Өбекстан елдерінің танымал тарихшы — ғалымдары, мемлекеттік және қоғам қайраткерлері, Мемлекет тарихы институтының ғалымдары, жоғары оқу орындарының ғылым қызметкерлері қатысты.

— Бүгінгі іс-шара Елбасымыздың озық идеялары және бастамаларын іске асыратын Назарбаев орталығында өтіп жатқанына өте қуаныштымын. Біз үлкен өзгерістер заманы, еліміздің тарихы бетбұрыс кезеңінде өмір сүрудеміз. Бүгін Қазақстан мемлекет пен қоғамның жұмыс істеу негіздерін жаңғыртуға бағытталған реформаларды жүзеге асыруда. Экономикалық, әлеуметтік және рухани салаларда ауқымды қайта құрылымдау жүріп жатыр. Өзекті экономикалық және әлеуметтік проблемаларды шешу үшін жаңа идеялар мен тәсілдер ұсынылуда. Президент жүктеген жаңғырту тақырыбы бойынша жаңа міндеттерді ең алдымен ғылыми тұрғыдан түсіну қажет. Конференция барысында күн тәртібіне қойылған өзекті мәселелер талқыланды, — дейді ҚР Тұңғыш Президент Қорының атқарушы директорының орынбасары Сұлтан Айтжанов.

Конференция Пленарлық мәжілістен және «Тарихи контекстідегі Қазақстанның жаңғыру әлеуеті» және «Қазақстандықтардың қоғамдық санасын жаңғырту аясындағы тарихи сана» атты екі секциядан тұрды.

Кездесу барысында Қазақстандағы тарих ғылымының міндеттері, ұлттық код және оның қоғамдық сананы жаңғыртудағы маңызы, қазіргі гуманитарлық ғылымдағы өлкетанудың рөлі мәселелері талқыланды.

Өткен аптадағы УЕФА-ның команда аттары жазылған себепттері біздің төрт клубтың алғашқы қарсыластарын анықтап берді. Қайрат, Ордабасы және Ертіс ойындарын Еуропа Лигасының алғашқы кезеңіне бастаса ал ел чемпионы Астана Чемпиондар лиггасындағы жолын екінші айналымнан бастайды. Жекелей қарсыластар мен біздің командалар мүмкіншілігіне тоқтала кетейін.



Ел чемпионы соңғы жылдардағы еліміздің намысын Еуро кубоктарда барынша қорғап жүрген Астананың қарсыласы футболы біздікінен қатты дамымаған шағын Латвиялық Юрмаланың Спартагы болып бұйырды. Бұл жеребені толықтай сәтті жеребе деп айтуымызғада болады. Дегенменде қазақилыққа салынып босансып кетугеед болмайды. Спорттың аты спорт ол босаңсу мен менмендікті көтере бермейді. Команда былтырғы Латвия чемпионы дегенменде құрамы өте жас жәнеде команданың ойыншыдар құны бойынша біздің жігіттерден әлде қайда арзан. Бұл команда бізге түсуі мүмкін командалар ішіндегі ең әлсіздерінің бірі десемде қателеспеймін. Сонымен қоса қос команда арасында ойыншылар алмасу бойынша байланыстар бар екенінде айта кеткеніміз жөн. Твумаси мен Гридиндер кезінде сол жерде доп тепкен деседі. Ал қазір Юрмалада Астананың жас қақпашысы Абылайхан Дүйсен ойын көрсетуде. Ойынға болжамым біздің команда қиналмай өтетініне сенімдімін. Босансып қарсыласты менсінбей ойнайтындай Астана соншалық тәжірбиесіз емес. Есеп қонақта шамамен 1-2 немесе 1-3 біздің пайдаға шешілсе, Астана аренада ірі есеп тіркелуі әбден мүмкін, мен кішкене сабырлық сақтай отыра 3-0 есебін күтейін.



Халықтың командасы Қайратқада азуы алтықарыс команда түсті депте айта алмайыз. Бәрімізге 2014 жылы Қарағандылық Шахтерге қарсылас атанғанымен ғана таныс Литвалық Атлантас командасы Алматылық командаға бұйырыпты. Кезінде Шахтерден аса алмаған бұл құрам Қайратқа қандай қауқар көрсете алады екен. Бірақ бұл құрам ол құрамнан мүлде бөлек, дегенмен Қайратта осал емес екенің бәріміз білеміз. Межесі топтық кезең болып отырған Қайрат бұл қарсыластан қиналмай өтуі тиіс, қайткенменде ойынның сөзсіз фавориті емес пе. Ойынға болжамым сырт алаңда 0-2 немесе 1-2 есебімен жеңіс ал Алматыдағы ойын 4-1 немесе 3-0 есебі деп ойлаймын. Тағыда күтерім Бауыржанның пенальтиден соққан голы)) Әдет қой)



Шымкенттік Ордабасыға Боснялық бізге таныс Широки бриег командасы қарсылас атанатыны мәлім болды. Бұл команда кезінде Ертісті жарыстан шығарған есімізден әлі кетек қоймаған шығар. Дегенменде ол кездегі Ертіс соншалықты мықты емес еді жәнеде қаржылық дағдарыс кезеңінде жүрген шағы еді. Ал бүгінгі Ордабасы керісінші қарқыны күшею үстінде, ел чемпионатында соңғы жылдардағы ең үздік ойындарын көрсетіп жүр десек артық айтқанымыз емес. Бірақ-та былтырғы Еуро маусым есімізден шығпауы керек, соншалықты мықты емес Чукарики командасы Орданы жарыстан шығарған, бұлда Шым қалалықтарға сабақ болуы тиіс. Қарсылас қандай болсын соңына дейін ойнау өте маңызды. Бұл жұпақа сырттай қарасан шамалар бірдей деп толықтай айта аламыз.Дегенменде біздің жігіттер сәл болсын басымырақ болады деп ойлаймын. Қонақта доп соғу немес тең нәтиже тіркеледі деп ойлаймын шамамен 2-1 немес 1-1 ал Алматыда ( айтпақшы Ордабасы алаңы Еуропа лигасына сай келмейтін болғандықтан ойындар Алматыда өтетін болады. Бұл өте үлкен кемшілік)шамамен 2-0 немесе 3-1 біздің жігіттер пайдасында болуы керек.



Ел чемпионатының қола жүлдегерлері Ертіске қарсылас ретінде бізге беймәлім Болгариялық Дунав командасы тап келді. Былтырғы жылғы Болгарияның 4-орын иегерлері соншалықты азулы көрінеді деп айта алмаймыз. Дегенмен Болгар чемпионаты салыстырмалы түрде соншалықты осал чемпионат емес, осы себептіде Ертіске бірәз терлеу қажет секілді. Ертіс бапкері өзінің отандастарының осал тұсын дәл табады деп сенейік. Тағы айта керелігі Болгариялық командалар осы бапкерге қарсы түсуге қатты қорқыпты дейді мыс. Бұл ойында соңғы уақытта тұрақсыздау өнер көрсетіп жүрседе Ертіс фаворит көрінеді. Келесі айналымға өтуге өте жақсы мүкіндік бар. Есеп екі ойын қосындысында 3-1 немесе 3-2 Павлодарлықтар пайдасында болады деп ойлаймын.

Соңғы уақытта Қазақстандық клубатар Еуро чемпионаттарда барынша қауқарлылық көрсетуде. Бұрынғыша қорқыныш алғашқы айнаылмнан басталмайды, тіпті біздерден қорқатын да болады. Бұлда қуантарлық жағдай. Біздерге барлық команда топтық кезеңге өтпеседе ұпай жинау мақсатыда өте маңызды. Рейтингта неғұрлым жоғарылаған сайын соғұрлым мүмкіншіліктер көбейетіні сөзсіз ғой. Командаларға сәттілік Еуро кубоктардағы жолдары барынша ұзағынан болсын. Ал келер жылдарға тілек отандық барлық клубтар Еуро чемпионаттарды өз алаңында ұялмай қарсы алатындай болсын!!!