Қазіргі уақытта қалада мектепке дейінгі 263 мекеме жұмыс істейді, оның ішінде 96 мемлекеттік, 2 ведомстволық және 116 жеке, 49 шағын орта бар, деп хабарланды астаналық әкімдіктің медиа орталығынан.

Осылайша Қазақстанда алғашқы рет балабақшалар саны мемлекеттіктен асып түсті, деп хабарланды медиа орталық тілшісіне қалалық білім беру басқармасы басшысының міндетін атқарушы Ануар Жанғозин.

Қазір астаналық бақшаға 46 062 бала барады. Олардың 27 193-і мемлекеттік, 14 854-і жеке бақшаға барады. Шамамен 6 мың бүлдіршін шағын орталыққа және мектепке дейінгі мекемелерге (мектепке даярлық орталықтары) барады.

А. Жанғозиннің сөзіне қарағанда, мектепке дейінгі балалардың саны туу және көші-қон көрсеткішінің өсуімен артуда. Қазір Астанада балабақша кезегінде тұрған 33 мыңнан астам бала бар. Күнделікті бақша кезегіне шамамен 90 бала тұрады (60-70 сәби туады), көші-қон есебінен 20 бала.

«Кезекті жылжыту үшін, 2017 жылы 480 орындық екі мемлекеттік бақшаны және мемлекеттік-жекеменшік серіктестік аясында 720 орындық үш бақшаны пайдалануға беру жоспарлануда. Жақында ғана біз 1680 орынға шақталған МЖС аясында алты бақша салу жөнінде келісім-шартқа қол қойдық. Олар 2019 жылы пайдалануға беріледі», — деді А. Жанғозин.

Білім басқармасы жыл сайын мемлекеттік тапсырыспен 10 мың орындық жеке бақша ашуды қолға алды. Осылайша 2019 жылдың соңына дейін мектепке дейінгі балаларды бақшамен қамту жоспарлануда. Ол үшін 30 мың орынға арналған 200-ден астам бақша ашу көзделіп отыр.

Тек биыл 5 мыңға жуық сәби мемлекеттік тапсырыс арқылы жеке бақшаға жолдама алады.

«Мемлекеттік тапсырыс 16 мың теңгеден 23 мың теңгеге дейін артты. Күн сайын жеке бақшаға жолдама алатын бүлдіршіндердің саны артуда. Біз бұл көрсеткішті 10 мыңға дейін арттыруды жоспарлап отырмыз», — деді А. Жанғозин.

Бұл шара жүктіліктің ерте кезеңінде əйелдерді уақытында əрі сапалы тексерістен өткізу үшін енгізілген, деп хабарлайды елорда əкімдігінің медиа орталығы.

— Сапалы əрі уақытылы медициналық көмек көрсету үшін бізде емханаларда «жасыл дəліздер» ұйымдастырылды.Жүкті əйелдер үшін арнайы тіркеу бар.

Олар міндетті түрде акушер-гинеколог дәрігерге, терапевтке және өзге де мамандарға жіберіледі. Яғни ауырып жүрген басқа емделушілермен бірге ортақ кезекте тұрмайды, — деп хабарлады медиа орталық тілшісіне елордалық денсаулық сақтау басқармасының бас штаттан тыс акушер-гинекологы Халида Шарипова.
Оның сөзінше, профилактикалық тексеріс жүкті əйелдерде экстрагениталды патологияны дер кезінде анықтауға мүмкіндік береді.

— Əйелдер сау баланы дүниеге əкелу үшін, аяғы ауыр кезде кері əсер болмау үшін уақытында аумақтық емханаларға барып тұру керек, алдын ала дайындық жүргізу қажет. Өкінішке қарай, дәрігерге жүкті болған кезде ғана келеді, — дейді дәрігер.

Қалалық денсаулық сақтау басқармасының мəліметінше, 2017 жыл басынан бері Астанада 6 мыңнан астам бала дүниеге келген. Орта есеппен тәулігіне елордада бүгінгі уақытта жұмыс істеп тұрған үш перинатальді орталықта 60-65 бала өмірге келеді.

Салыстырар болсақ, 2016 жылы Астанада 27 244 бала туылған. Бұл 2015 жылмен салыстырғанда 8%-ға көп жəне рекордты көрсеткіш.

«Ой-Зерек» радиобағдарламасының Астана күніне арналған арнайы жобасында (2017 жылғы 8 шілде) ойыншылар мен жүргізушілердің құрамасы 12 сұраққа жауап беріп, 10:2 есебімен жеңіске жетті. Әр ойыншы өз сұрағында жүргізушінің рөлін атқарды.
Сауалдар әлем астаналары және қазақ тарихы мен дүниетанымына қатысты болды.

By asaubota :
Қай елдің халқы астаналарын қысқаша Тана деп атайды? Ақын Агостиньо Нето бұл елді сұрақ белгісінің жанындағы нүктеге теңейді.

Аралия, Қазақстания, Гумилев, Пацаев, Байқоңыр, Қырғызия, Шумерия, Ватикана, Барселона, Википедия. Мен ненің атауларын оқып шықтым?

By Meirambek :
Х-тер — осы ғимарат құрылғыларының бірі. Бұл жұмбақ ғимараттағы олардың саны 5-еу және олар 60 градуста қозғалады. Мұндай ерешке Х-тері бар ғимараттар Астанадан басқа Париж бенен Лас-Вегаста қана бар. Ерекше құрылғысы бар ғимаратты атаңыз.

1808 жылы бір елдің корольдік отбасысы қарсылас жаудың әскерінен қашып, Х атты қалаға келіп пана тапты және өз елінің астанасы ретінде жариялады. Бұл қала 1822 жылға дейін, Еуропа тарихында Еуропа континентінде орналаспаған жалғыз астана ретінде тарихта қалды. Х қаласын табыңыз.

By Basic :
ХХ ғасырдың басында Барлыбек Сырттанов "Қазақ елінің Уставы" аталатын құжатты əзірлейді. Аталған құжаттың бір бабында елдік рəмізі ретінде қазақ елінің туын сипаттап өтеді. Қазақ елінің исламға берілгенін, байтақ даласын, азаттық үшін төгілген қанды айта отырып, тудың нақты сипатын анықтайды. Осы айтылған символдық мəндерге қарай отырып қазақ елінің сол кезде белгіленген туын сипаттап беріңіз.

1924-25 жылдары Түркістан Автономиясы ыдыратылып, орнына ұлттық республикалар құру қаулысы мақұлданады. Осы жəне басқа да себептерге байланысты Қазақ автономиясының астанасын Орынбордан басқа қалаға ауыстыру қажеттілігі туындайды. Кандидат қалалардың қатарында Ақмешіт (Қызылорда), Ташкент, Түркістан жəне Х қаласы да ұсынылды. Х қаласын ұсынған Сəдуақас Смағұлдың пайымдауынша бұл қала географиялық орналасуына байланысты астана болуы тиісті еді. Х қаласын табыңыз.

By Karakyz :
Алғаш рет Парижде көрмеге қойылып, кейін Дохаға көшірілген бұл ескерткіште Х-тер арасында 2006 жылы орын алған қақтығыс бейнеленген. Париждегі көрменің ұйымдастырушысы бұл ескерткіш туралы: "Әдетте ескерткіштер жеңісті ұлықтау үшін қойылады, бірақ бұл — жеңілістің құрметіне қойылған ескерткіш" дейді.
Ал Дохадағы көрмені ұйымдастырушы «Біз Х-терге кейде құдайлар сияқты қараймыз, бірақ бұл ескерткіш Х-тердің жәй ғана адам екенін көрсетеді» дейді.
Ескерткіште бейнеленген қақтығысты табу арқылы, Х-тердің кім екенін айтыңыз.

Керекинфо.кз порталында Х туралы жазба бар. Пост авторының айтуы бойынша, Х оның ұлына қатты ұнапты. Алайда, сұрақ авторының пікірінше, Х-те қорқыту, жануарларға қатыгездік жасау, рэкет сияқты қылмыстар сипатталуы себепті, балалар ол туралы білмегені дұрыс. Аталған жазбаға пікір қалдырған Нұрғиса никті қолданушы Х-ті негізге ала отырып: «Тауар алмасымы экономикалық категория ретінде қазақ жерінде шыққан» деп тұжырымдайды. Х-ті табыңыз.

By Нұрлан Иманғалиев:
factretriever.com сайтындағы "Қазақтар туралы 55 факт" атты мақалада қызық бір жағдай орын алған. Мақала авторы Джилл Бартоломеу қазақтың бір сөзі туралы жазып, қазақтар туралы қате түсінікке жол ашқан секілді болды. Қазақтар туралы мүлдем білмейтін шетелдіктер осы фактті көріп, қазақта белгілі бірдеңеден жасалатын тамақ түрі бар деп ойлап қалуы мүмкін. Негізінде әлемнің 7 мемлекетінде ғана бар бұндай тамақ қазақтарда ешқашан болмаған. Бартоломеу қай сөз туралы жазған?

Сана, Катманду, Вильнюс, Алжир, Х.
Х-тің орнына қай қаланың аты келеді?

By MERmukhanov :
Қазақтар үшін Альфаға тиесілі ұғым — шетелдіктер, мысалы, еуропалықтар мен орыстар үшін Бетаға тиеісілі (Яки «Альфаның бірдеңесі» және «Бетаның бірдеңесі» деген бір ұғым). Ал ол ұғымға айналадағының бәрі тиесілі. Қазақ фольклоры «Альфада Бета жоқ» дейді. Оларды атаңыз.

Әлемдегі ең суық астананың атауын әлемдегі екінші суық астанасы бар халықтың өкілі қойған екен. Моңғолияның Урга қаласын Баатор хото, яғни Батыр қала атауы күн тәртібінде тұрғанда, Тұрар Рысқұлов Улаан сөзін алдына қосып, Улааан Баатор хото қылуды ұсынады. Ол сөзді қосу шаһар атын Шыңғысханнан алыстатады, әрі Рысқұловтың және айналасындағылардың заманауи көзқарастарына қатысты. Және сұрақ авторы Улаан сөзінің қосылуынан әдеби шығармамен де аллюзия, байланыс іздейді. Ол сөз қалай аударылады?

Тікелей эфир видеосы: фейсбукте тұр.
Ал аудиомұрағат мінекей.

Футбол әлемінде ғана емес жалпы спорт әлемінде өте үлкен табыс пен жетістіктерге жеткен екі «аңыз» тұлға бар. Және бұл екі спортшы көп заттар бойынша бір-біріне өте қарама қайшы келеді (ол әрине олардың клубтары мен ұлттық құрамаларын ескермегенде). Мен сөз қозғағым келіп отырған екі спортшы ол Месси мен Роналду.

Месси мен Роналдудың ең бірінші ерекшелігі табысқа жету жолы. Адамдар арасында еңбек пен талант арасында үлкен даулар жүреді. Бірақ бұл футболшылар оның екеуімен де табысқа жетуге болатының дәлелдеді. Месси өзінің талантын сәтті пайдаланып ең үздік бола алса, ал Роналду өте үлкен еңбек арқылы көптеген жетістікке жете алды.
Келесі ерекшелік бұл адами қасиеттері. Месси өте қарапайым, әлеуметтік желілерде белсенді емес және стиль мәселесіне қатты бас қатырмаса Роналду бұл заттарда қарама қайшы позицияда байқалады. Махаббатқа тұрақтылық бойынша Месси өзінінің бала күндегі махаббатымен әлі күнге бірге болса Роналдудың тұрақтылығы жайлы өте көп әңгіме бар. Бұл заттарға көңіл бөлген себебім кез келген табысты адамадар арасында бұл екі типтағы адамдар жиі кездеседі.
Келесі Месси командалық мүддені жоғары қоятын болса Роналду өзінің жетістігін жоғарырақ қоятыны мәлім. Сонымен қоса адамдардың табысқа жетуіне екі үлкен кедергі болады ол әлеуметтік және отбасылық жағдай немесе денсаулық. Бұл екі заттың бірі Роналдуда болды, ол ерте жастан әкесінен айырылып қиын әлеуметтік жағдайда өмір сүрседе сынбай табысқа жете алды, ал Месси туғаннан денсаулығында үлкен кінараттар байқалған тіпті дәрігерлер оның футболшы болуына күмәнмен қараған, дегенмен бұны жеңіп шыққанын жақсы білеміз.
Жоғарыда келтірілген мысалдарды қарай отырып екеуінің өте қарама қайшы адамдар екенің көре аламыз. Ал басты ұқсастықтары Месси мен Роналдудың тарихтағы ең үздік футболшылар, көптеген рекордтармен жүлделердің иегері екендігі.

Бұл пост арқылы айтайын дегенім табысқа жетудің стандарттары болмайды. Яғни сен талантты бол немесе болма, адал бол немесе болма, өміріңде мәселелер көп болсын, командаға жұмыс істе немесе жеке бол бәрібір. Ең бастысы дұрыс мақсат қоя білсең және сол жолда күресе білсең болды қалғанының бәрі маңызды емес. Сәттілік!!!

Қазақстан құрамасы Астанада өткен самбо күресінен жəне ҚР Тұңғыш Президентінің сыйлығына əскери самбодан əйелдер мен ерлер арасындағы əлем кубогында жалпыкомандалық есепте топ жарды, деп хабарлайды елорда əкімдігінің медиа орталығы.

Біздің командада 13 алтын, 12 күміс, 29 қола медаль бар. Финалда қазақстандық спортшылар үш алтын және үш күміс иеленді.

Нәтижесінде біздің құрама қоржынында əртүрлі 54 жүлде. Екінші орын Грузия (7 алтын) иеленді. Ал, үшінші орынға үш алтынмен Ресей тұрақтады.

Айта кетейік, Ресей құрамасы жарыстың соңғы күні екі алтын жеңіп алып, Өзбекстанды басып озып, үшінші орыннан көрінді.

Турнир сыйлығы тоғыз салмақ дəрежесі арасында: 52, 57, 62, 68, 74, 84, 90, 100 кг жəне 100 кг жоғары əйелдер мен ерлер арасында сарапқа салынды.

Қазақстандық спортшылар əскери самбодан ерекше көзге түсті. Олар қоржынға жеті алтын, үш күміс, тоғыз қола медаль салды.

Қазақстанның əйелдер құрамасы жеңіске деген құлшыныс пен шеберлік танытты. Əлем кубогы қорытындысы бойынша оларда 3 алтын, 3 күміс жəне 11 қола медаль. Ал ерлер құрамасы 3 алтын, 6 күміс жəне 9 қола медаль жеңіп алды.

Жарысқа 16 мемлекеттен 200-ден астам самбист қатысты. Армения, Əзірбайжан, Беларус, Болгария, Германия, Грузия, Молдова, Ресей, Румыния, Турция, Өзбекстан, Қырғызстан, Оңтүстік Корея, Жапония, Тəжкистан жəне АҚШ. Басты жүлде 9 салмақ дəрежесі өкілдері -52, 57, 62, 68, 74, 84, 90, 100 келі және одан жоғары салмақта əйелдер мен ерлер арасында сарапқа салынды.

Əлем кубогы кезеңіне қатысушылар Астанада өтіп жатқан халықаралық мамандандырылған ЭКСПО-2017 көрмесін аралауға шақырылды.

Қала əкімдігі аулалар мен орамдар ішіндегі аумақтарды жайлы ету, спорттық балалар алаңқайларын дамыту бағдарламасын жүзеге асыруда. Биыл спорттық, балалар жəне жастар жаттықтыру құралдарын, паркингтерді, тротуарларды біріктіретін барлығы 370 аула жөнделеді, 40 қоғамдық кеңістік салынады.

Əкім Есіл ауданына іссапары барысында бірнеше аулаларға барып, онда бірқатар жаңа алаңқайлар мен абаттандыру жүргізіліп жатқан аулалар ашылды.

Əсет Исекешев "Құлагер" 1, 2 тұрғын үй кешенінде жаңа ауланың ашылуына қатысты.

Кешен тұрғын үйлерді сүру бағдарламасы аясында салынған.Қазіргі уақытта аула толығымен абаттандырылған, жолдар төселген. Бұл жерде көпфункционалды жаттығу құралдары, спорттық алаңдары, сәулеттік пішіндер орнатылған. Тұрғындар мемлекет басшысына жүргізілген жұмыстар үшін алғыс білдірді.

Тұрғындарды қала күнімен құттықтау сөзінде Елбасының астаналықтардың өмірін жайлы ету, спортты дамыту, балаларға жағдай жасау, жастарды қолдау бағытында тапсырма бергенін айтты. Бұдан бөлек Е-16 көшесінде орналасқан, қазіргі уақытта 1600 пәтер салынған тұрғын үй кешенін көрді.

Жақында бұл жерде балалар алаңы салынады. Қала басшысы тұрғындармен кездесіп, қойылған сұрақтардың шешу жолдарын талқылады. Одан кейін жолдарды жөндеу, аялдамаларды орнату жылдам арада ретке келтіру бойынша тапсырмалар берілді.

Айта кетейік, күні кеше «Сарыарқа» ауданында аула ашылған болатын. Қазіргі таңда орамдар арасында аулалар мен жолдар жөнделген.

Астанада азық-түлік бағасын тұрақтандыру мақсатында Солтүстік Қазақстан, Алматы, Атырау облыстарының жәрмеңкесі өтуде.

Астана қаласының əкімі Əсет Исекешев пен Солтүстік Қазақстан облысының əкімі Құмар Ақсақалов жəрмеңкені аралап, ұсынылған өнім мен жəне бағасымен танысты.

Аймақтардан барлығы 2500 тонна өнім əкелінді. Бұл — ет, сүт, өнімдері, макарон өнімдері, қант, картоп, көкөніс т.б.

Елорда тұрғындары мен қонақтарына тағамдардың 100 түрі əкелінген.

Ауылшаруашылық жәрмеңкесі екі күн өтеді. Онда Астана тұрғындары мен қонақтары базар бағасынан 15-20% арзанға азық-түлік сатып ала алады.

Айта кетейік, жәрмеңкеде əртүрлі фестивальдер, еліміздің аймақтарынан шығармашылық ұжымдар ойын- сауық, концерттік бағдарлама ұсынады.

Жыл басынан бері əкімдік осындай 20 жәрмеңке ұйымдастырды. Облыстардың басым бөлігі өз өнімдерін əкелді. Келесі аптада Ақмола, Қызылорда, Батыс-Қазақстан жəне Атырау облыстары жəрмеңке өткізеді деп жоспарланған.

7 шілдеде Астана қалысының әкімдігі «Қала ДНК-сы: Қауымдастық.Бизнес. Билік» алғашқы урбанистикалық форумын өткізді.

Форум Елбасының тапсырмасы аясында өтті. Негізінде урбанистика орталығы – бұл қалалық ортаны жақсартуға, қалалық зерттеулер жүргізуге, тұрғындармен жұмыс істеуге, әлеуметтік капиталды ұлғайтуға, азаматтық қауымдастық пен билік арасындағы тиімді қарым-қатынас орнатуға, қаланың ішкі ресурстарын жұмылдыруға, шағын және орта бизнесті дамытуға бағытталған жаңа құрылым.

Форумның жұмысына Рикардо Марини (Ян Гейлдің өкілі), Филипп Мейзер (неміс мектебінің өкілі), Щесна (польшалық мектеп) сындышетелдік урбанист-сәулетшілер және отандық-шетелдік урбанист-сарапшылар қатысты.

Форумның ашылуында қала әкімі Әсет Исекешев Елбасының тапсырмасына сәйкес 2020 жылға дейін қаланы дамыту бағдарламасы жөндеуден өткенін айтты. Бағдарламада тұрғындардың әлеуметтік жағдайы мен қалалық ортаның сапасын жақсартуға және халықтың табысын арттыруға бағытталған екі негізгі тетік қарастырылады.

-Бірінші бағыт бойынша қоғамдық транспорт жүйесін жақсарту, спорттық алаң, балабақшалар мен мектептер, қауіпсіздік, экология, велосипед және жаяужолдар аумағын, саябақтар мен алаңдарды, қоғамдық кеңістікті дамыту сынды 34 әлеуметтік бағытқа қолжетімділікті қамтамасыз ететін қадамдар әкімдіктің бастамасы болып табылады, — деді Ә. Исекешев.

Сонымен қатар әкім қалалық басқарма мен қызметтердің өзгерісі жөнінде, сондай-ақ урбанистика мен тұрақты түрде қаланы дамытудың жаңа алғышарттары мен міндеттеріне сәйкес «Астана басжоспар» институты туралы тілге тиек етті.

Қазірдің өзінде Урбанистика орталығы жұмыс істей бастады және ірі трансұлттық корпорациялармен бірлескен қалалық технология орталығы құрылды. Олар елорданың инфрақұрылым обьектілері мен жолдары, ғимараттардың құрылысы саласында заманауи технологияларды енгізу үшін құрылған.

Әкім әлемдік стандарттарға сәйкес жоспарлау жүйесінің өзгергені туралы айтты.

-Әкімдіктің маңызды міндеттерінің бірі — жоспар мен жаңа нормативті құжаттарды әзірлеумен қатар, қала тұрғындары үшін ыңғайлы жағдайды жасау бойынша жаңа бастамаларды іске асыру болып табылады. Мысал ретінде аулалар мен қаланың аудандарында ыңғайлы жағдай жасау бойынша қоғамдық кеңістіктің дамуын келтіруге болады. Бұл — спорттық және балалар алаңдары, жаяу жүргіншілер саябағы, «Арбат» жобасы, Қабанбай батыр даңғылы бойынша жаяужолдар мен велосипед аумақтарын құру және салынып жатқан Ботаникалық бақша, — деді Ә. Исекешев.

Форумда атақты урбанист-сәулетшілер қаланың бірегей сәулетін, еуразиялық стилін атап өтіп, бірнеше пайдалы кеңес берді. Филипп Мейзер өз алдына Еуропа мен Азия стилі мен заманауи урбанистикалық әдістемелерден құралған, Астана негізінде еуразиялық қаланың түптұлғасын жасауға ұсыныс білдірді.

Форум 5 кезеңнен тұрады. Пікірталас кезінде қатысушылар сапалы қалалық орта неден тұратынын, билік пен тұрғындар арасында диалог қалай өрбитінін айтып, қаланың экономикасын және т.б. мәселелерді талқылады. Урбанистика саласында бұндай жиын жыл сайын өткізіледі деп жоспарлануда.

Естеріңізге сала кетейік, форумды ұйымдастырған Астана қаласының Урбанистика орталығы мен Astana Art Fest-2017.

Шабаттық оқуйво.

Прекөтбула
«Жұрт қатынымен ажырасам деп пәтерінен айрылып, үкіметтің қуғынымен банктегі шотынан айрылып, бала-шағасының қатыгездігінен далада қалып, немесе сол баяғы ішкіліктің кесірінен көше кезіп, оңай жолмен тезек теріп кетіп жатқанда, Үпілмәлік өңменінен өткен тақыр кедейлікке өз маңдай тері мен табандылығының арқасында жетті!». ©

Үпілмәлік Рюссельхайм: «Кедейлікке жетудің тиімді жолдары»

«Кербибімді әкелші, қане, бәбіше-ау! Қос! Ау енді, жұмыстан шаршап келгенде қоса қойш, күнім, ой, құдайдың, не қарап тұр, жынды ма!? Енді, көрсін-та Өмірзақ та!
Үстіне мініп алып әрі бері жылжы енді! Өмеке, көрдің ба мынандай дүниені? Қаз-қаз-қаз… Тұра тұр, Өмеке, бұл әлі бәрі емес. Қазір-қазір. Коробкасы қайда ебпашамайдтың?! Ау, иттің балдары, насадкаларын көрдіңдер ме, о қазір Сарашым көрсетеді бәрін… Ей, қатын-ау, бірден насадкаларымен шығармадың ба, өй сен де! Балам, әкелші ана серванттың үстінде японский сервиздің қасында тұрған насадкілерді, құлатып алма жерге! Өмірзақ ағаң көрмепті әлі! Тә-әк, тәк-тәк-тәк мынау фильтр. А жоқ. Бұл жаңағы… Әй, фильтрлері қайда бұның? Во-во, осылар ғо. Қаз, мен саған бұ бәленің сиқырларын көрсетейін. Өзі сора береді шаңды.
Көрдің ба? Қайтадан көрсетейін бе? Көрмей қалдың ғой, қаз-қаз-қазір, анау Ақтөстің астындағы боқ-боқ алашаны әкелші, балам! „Әкел“ деймін, төрге әкеле бер, ештеңе етпейді, Кербибім жуывстайд қазір!
Кәз, өзің көресің кәз, во, міне, көрдің бе? Эйғатын, былай тұршы обзорды жаппай!
Өмеке, анаң қарасайш сен, ал, ал не деп жазылып тұр?
Моторындағы жазуды оқы деймін. „Харли Дейвідсін“ деген белгіні көрдің бе?
Движогының дизайнын Харлейдің өзі жасаған көрінеді. Енді мынанығара, НАСА дегенді естіп пе едің АҚШ-тағы?
И-и-и, солардың шатлдарына арнайы ойлап табылған көмірпластик материалдардан жасалған. Ал, нақ.
Сұмдық пә? Өй, бұл қойнә! Сара, ана жылқының жалынан жасалған шоткыны әкелші мұнда, менің сақал қыратын шкатулкімнің ішінде тұр, тез давай, бегом-бегом.
Ал, Өмеке, бар ма сенде осындай? 600 мың тұрад, енесс-ай, осыны алу үшін алты ай тігілдім ғой!
Но, қазір, зато рахат, для себя ғой, Өмеке, и приятно қалай, қараш, міне… балдарға да таза ауамен демалған қандай жақсы, қайда кетпей жатқан ақша?!..
Шәй ішесің ба, Өмеке? Мә, балам, мынаны орнына апарып салып қой, құлатып алсаң, мойныңды үзем білдің бә? Ай, айтпақшы, Өмеке, біздің асханада суға немецкий фильтр орнатылғанын айтып па ем? Айтып қойдым ба не? Жоқ, немецкий екенін айтпаған шығармын ол кезде, қазір кетайскийлары көп қо? Келсейш мында, көрсетейін та, кетайскийдан айырмашылығын...»

«Әлеуметтік идеялар мен жобалар жәрмеңкесінің» жеңімпаздарын марапаттау рәсімі Талдықорған қаласында алғашқы рет ұйымдастырылып отырған Алматы облысының үкіметтік емес ұйымдары үшін маңызды іс-шара екендігін атап өту керек. Бұл туралы Өңірлік коммуникациялар қызметінің баспасөз-конференциясында айтылған болатын.
«Жәрмеңкеге қатысу үшін өтінімдер ағымдағы жылдың 20-сәуірінен 30-мамырға дейінгі аралықта қабыладанып, Алматы облысының 13 аудан мен 3 қаласынан, 29 ҮЕҰ-нан 43 жоба келіп түсті», — деді, консалтинг орталығының жетекшісі Елдар Сапаров.
Іс-шара барысында облыс әкімінің орынбасары Жақсылық Мұқашұлы Омар, Қазақстан Республкасының «Құрмет» орденінің иегері, Алматы облыстық мәслихатының хатшысы, комиссия мүшесінің төрағасы Ермек Келемсейіт құттықтап, жеңімпаздарға сертификаттар табыстады. Байқау нәтижесіне сәйкес, үздік 15 жоба анықталып, 5 жобаға 500 000тг. және 10 жоба авторларына 200 000тг. көлемінде сертификаттар әлеуметтік жобаларды жүзеге асыру үшін табысталды. Тағайындалған гранттардың жалпы сомасы 4 500 000 құрады.
Байқау ұйымдастырушылары атап көрсеткендей, аталмыш жоба бойынша қаржыландыру жылдан жылға ұлғайып, ҮЕҰ өкілдерінің жұмыстарына жаңашыл серпін бермек.

Алматы облысының өңірлік коммуникациялар қызметі