«Ой-Зерек» радиобағдарламасының 2017 жылғы 21 қазандағы эфирінде 3-айналымның кезекті ойыны өтті. Қонаққа келген «Әйел бақыты» командасы ойынды 4:7 есебімен аяқтады.

Сұрақтар міне:

Әзіл-қалжың энциклопедиядан үзінді: «Ересек адам – бұл ОСЫЛАЙ өсуді доғарып, енді СОЛАЙ өсетін адам». Ауыстырылған екі сөзді бір кең таралған ермекпен айналысып отырып кездестіруге болады. Қандай екі сөз?

»Тақтар ойыны" сериалында корольдің бас кеңесшісі, әмірін орындаушының кеудесіндегі белгісінде, бір таңғаларлығы, ИКС орналасқан. Магнит өрісінде орналасқан тогы бар өткізгішке әсер ететін механикалық күштің бағытын анықтауға арналған ереже де ИКСтің атымен аталады. Сіздердің араларыңызда ИКСі негізгі, басым пайдаланатын адам бар (немесе жоқ). ИКСті екі сөзбен атаңыз.

Қазақ жұмбағын шешіңіз.
Ойласам заттың жүзі дөп-дөңгелек,
Бұл нәрсе басбармақтай болса керек.
Жалғыз-ақ басқан жерде ізі қалар,
Оны да ойламай шеш, ақылы зерек.

Әйгілі фигуристкалар Мао Асада мен әпкесі Май Асада бала күнінде бір өнер түрімен айналысады, ал мәнерлеп сырғанауға кейінірек келеді. Олардың анасы – 1925 жылы туған орыс әйелінің өнеріне табынушы жанкүйер болған. Бұл орыс әйелін атаңыз.

Негізі оның құнын санау мүмкін емес, бірақ 2005 жылғы дерек бойынша, ғалымдар ИКСтің бағасын есептеп шыға алыпты және ол 4,8 млн доллар тұрыпты. Жас ұлғайған сайын, 44 пен 55 жас аралығында ол 5,2 млн-ге көбейеді. Spathiphyllumді [спатифиллум] ел ішінде ИКС деп атайды, өйткені гүлдеу уақытында отбасына береке келіп, жалғыздар жұбын тауып, жанжалдар доғарылып, ана болғысы келетіндер жақсы жаңалық естиді деп саналады. Ал бір отандық сайтта ИКСтің ұзақтығы 1 сағат 40 минут, жиілігі — аптасына 5 рет делінген. ИКСті екі сөзбен атаңыз.

Ағылшын уикипедиясында келтірілген нұсқалардың біріне сәйкес, бұл қалыптасқан сөз-тұжырым өлгендердің жоқ екенін (яки өлгендер санының 0 екенін) хабарлайтын әскери рапорттардан шыққан. Бұл қалыптасқан сөзді атаңыз.

Тьери Мюглер деген ИКС «ИКСті» көріп шабыттанып, 2006 жылы, мысалы, " N 1 пәк қыз" немесе «Париж 1738» деген атаулар енген топтама ұсынды. ИКС деп жасырылған қандай шетелдік сөз?

1999 жылы Лондон ауруханаларының біріне қызығушылық пен абайсыздық кесірінен (көзінен) күйік жарақат алған пациент түседі. Күйіктің формасына қарап, оқыс оқиғаның орын алған дәлме-дәл уақытын да анықтауға мүмкіндік туды (максимум бірнеше минут ауытқушылықпен). Жарақаттың пайда болуына себеп болған оқиғаны (құбылысты) екі сөзбен табыңыз.

АЛЬФА – жасырылған сөз немесе сөздер. Популизмді сынай отырып, Хрущев былай депті: «Саясаткерлер барлық жерде бірдей: олар АЛЬФА жерде көпір салуға уәде береді». Уикипедияға енсек, АЛЬФА – Барсакелмес аралының бұрынғы атауы, һәм «Гоби» сөзін де қазақшаға АЛЬФА деп аударуға болады. АЛЬФАны атаңыз.

Бір киношолушысы әзілдеп, бұл әйел туралы фильммен бір қатарға Терминатор және Электроникті қояды. 20 ғасырдың бұл (арнайы атағы бар) ханымы кім?

Орсон Уэллс „Әлемдер соғысы“ радиоқойылымынан кейін көтерілген дүрбелеңнен соң қоқан-лоққы хаттар келе бастағанын есіне алады. Бірде ол өзі ойнап жатқан спектакль кезінде бірінші қатардағы көрермендердің бірі қолын қалтасына салғанын көреді. Уэллс оған үрейленіп көзін алмай қарап қалады, алайда көрерменнің алып шыққаны тапанша емес-тін. «Одан да мені атып кеткені жақсы еді» дейді Уэллс. Көрермен қалтасынан не алып шыққан?

Мына жерде фейсбуктегі тікелей эфир бөлігі бар.

DISNEYLAND күтіп жүрген “Бала дауысы” ұлттық балалар ән байқауының “болашақ” жеңімпазы мен жоба финалистері осы жұмада Алматы қаласының “Оқушылар сарайында” сарайдың балақайлары үшін концерт өткізді. Кеште жоба финалистері өздерінің толық дайын екендіктерін көрсетіп, жаңа әндерін айтып, балалар мен ата-аналарды қуантып қайтты. Естеріңізге сала кетейік, жобаның финалы “Алматы Аренада” Республикалық масштабта, үлкен көлемді, 3 күн бойы, яғни, 27-28-29 қазан арасында өтеді. Алматыда болсаңыз, міндетті түрде барып, сүйікті жас өнерпазыңызды қолдап қайтыңыз! Басқа қаланың тұрғындары үшін, КТК каналында тікелей эфирде көрсетіледі. “Бала дауысымен” жаңа жұлдызды бірге жағайық!

Футболдың қара маржаны атанған Пеле бүгін 77 жасқа келіп отыр. Үш мәрте әлем чемпионы атанған Пеле ұлттық құрамада 92 ойын өткізіп 78 гол соққан.



Футбол карьерасында 1281 гол соққан Пеле 6 мәрте бір ойында 5 голдан, 30 мәрте 4 голдан және 92 мәрте хэт-трик жасаған.



Он бір жасында оның талантын байқаған кезінде ол көшеде аяқ киім бояушы еді. Ал 15 жасында алғашқы келісім-шартын Сантос футбол клубымен жасаған кезінде айлығы он доллар ғана еді.



Пеле алғашқы айлығына анасына газбен жұмыс істейтін плита алып береді, бірақ олар газ плитасын ұзақ уақыт қолданбайды өйткені ол ауылға газ көп жылдардан кейін келеді.



Пеленің футболын көру үшін тіпті Нигерия Биафра соғысында екі күндік демалыс жариялайды!



Ия, Пеле туралы айтылатын дүние көп. Мен Пеленің айтып, яғни сәуегейлік жасаған бірақ орындалмаған TOP-5 болжамдарын жазайын.

5 — Қытай 2002 әлем чемпионатында топтан шығады.
Нәтиже: Қытай топтан шығу түгілі, гол сала алмай үйіне қайтады.



4 — Аргентина мен Франция 2002 әлем чемпионатының финалында ойнайды.
Нәтиже: Қос команда да топтан шыға алмайды, ал Франция тіпті гол да соға алмайды.



3 — Роналдоның футбол ғұмыры бітті.
Нәтиже: Роналдо 2009-жылы Коринтианс футбол клубына оралып, алғашқы 14 ойында 10 гол соғып командасының чемпион болуына үлес қосады.



2 — Африка елдерінің бірі әлем чемпионы болады.
Пеле миллениумға дейін осындай болжам жасаған бірақ ол болжам әлі орындалмады.



1 — 2002 әлем чемпионатында Бразилия топтан да шыға алмайды.
Нәтижесі суретте тұр %)



P.S.: Пелені жақтырмайтындар да бар, яғни «Гарринчаның жағдайы қиын кезде Пеле қайда еді?» дейтіндер. Футбол — командалық ойын. Пелені мықты қылған мықты командаластары. Мысалға, сол командаластары 1962 жылы Пелесіз де чемпион болған %)

Қала әкімі жаңадан салынып жатқан балабақша, мектеп, колледждердің құрылысын бақылауда ұстауда, деп хабарлайды Астана қаласы әкімдігінің медиа орталығы.

Жыл сонына дейін әр қайсысы 240 орынға арналған екі балабақша қолданысқа беріледі. Бірі Сарайшық мөлтек ауданында, екіншісі Макаренко, Радищева көше қиылысында орналасқан.

Қазіргі күнде мемлекеттік — жеке әріптестік аясында 1680 орынға арналған алты балабақшаның жобасы жүзеге асырылуда, берілу мерзімі 2019 жыл. Сонымен қатар, жаңадан ашылған 79 жеке меншік балабақшада мемлекеттік тапсырысты орындау аясында 6359 орын ашылады.

Көшпелі кеңес барысында Сарыарқа ауданында орналасқан 1 200 орынға арналған мектеп құрылысының барысы баяндалды. Құрылыстың аяқталуы 2018 жылдың тамыз айы. Ғимарат Күмісбеков — Бигелдинов, Абай мен Сарыарқа даңғылы аймағында орналасқан.

Жаңа оқу жылында мектептерде орын жетіспеушілікті шешу мақсатында 2 600 орынға арналған бес жапсарлы ғимарат салынып, қолданысқа берілді. Жаңа корпустар мына мекен жайларда орналасқан: № 37 мектеп – Күйші Дина 46/2, № 16 мектеп – Кенесары 81, № 17 мектеп-гимназия – Қабанбай батыр 9/1, № 22 мектеп– Жирентаев 16, № 32 мектеп – Абылай хан 25/3. Әсет Исекешев барлық корпустын дайындығын тексерді.

Сонымен қатар, әкім күрделі жөндеу жүрген № 29 орта мектепте болды. Бұл мектепте былтыр сымнын қысқа тұйықталуынан өрт шығып білім ошағына айтарлықтар зақым келтірген. Осы жазда жаңа блок тұрғызылып, инженерлік желілер өткізілді, жаңа терезелер мен есіктер орнатылды.

Қаламыздың 74 орта білім беру мекемесінде ерекше қажеттіліктері бар балаларға арналған инклюзивті білім беру ұйымдастырылды. Оқу барысына әр түрлі диагнозы бар оқушылар барады (қант диабеті, эпилепсия, туа біткен даму ақаулары, тыныс демікпесі, лейкоз және т/б).

Сонымен қатар, Әсет Исекешев мүгедек балаларға арналып ашылған каратэ және жүзу секциялар жұмысымен танысты. Қазіргі күні бас қаламызда мүмкіндігі шектеулі балалардың спортпен еркін шұғылдануына бар мүмкіндік жасалуда.

Көшпелі кеңес барысында Қарасай батыр көшесінде орналасқан Көпсалалы колледждің күрделі жөндеу жұмыстары туралы баяндалды. Оқу орнынын екі блогында жөндеу аяқталған, үшінші блокта жөндеу жұмыстары жүріп жатыр.

Осы жылы 9900 орынға арналған 9 мектептің құрылысы басталды:

1. Абай – Бегендинов көше қиылысында орналасқан 1200 орындық мектеп;

2. Оқжетпес – Бөкеев көше қиылысында орналасқан 1200 орындық мектеп;

3. Қорғалжын тасжолында орналасқан 900 орынға арналған мектеп;

4. Нәжмиденов – Қалдаяқов көше қиылысында орналасқан 1200 орынға арналған мектеп;

5. Өқжетпес – Қарталы көше қиылысында орналасқан 1200 орындық мектеп;

6. Сейфуллин – Омаров көше қиылысында орналасқан 900 орынға арналған мектеп;

7. Сауран — № 26 және Хусеин бен Талал көшелер қиылысында орналасқан 1200 орындық мектеп;

8. № 41 – Жұмабаев көше қиылысында орналасқан 1200 орындық мектеп;

9. № 31 – Нұра Есіл көше қиылысында орналасқан 1200 орындық мектеп.

Сонымен қатар, Иманов — Брусиловский көше қиылысында 900 орынға арналған оныншы мектептін құрылысы жоспарланған. Тұрғындары неғұрлым тығыз орналасқан аудандарда 37 мектеп және 10 қосымша құрылыс жүргізу үшін жер учаскелерін бөлу бойынша сұрақтар қаралды.

Көшпелі кеңес барысында, қала әкімі Әсет Исекешев білім басқармасының басшысына және орынбасарларына құрылысы жүріп жатқан білім ошақтарын қадағалауда ұстауды тапсырды.

Тұрғын үй құрылысына қатысушы үлескер мәселесі бойынша ведомствоаралық комиссияның отырысы туралы ақпарат

Астана қ. 08.00 с. 13 қазан 2017 жыл

1. «Азбука жилья» АҚ компаниясының құрылыс нысандарын аяқтау мәселесі бойынша өтініш есепке қабылданды:

Әділет департаментінің өкілі Б.Алпанов Астана қаласы прокуратурасында 12 қазан күні «Орда Инжиниринг» ЖШС және 7 ТҚК өкілінің қатысуымен жиын өтіп, онда «Азбука жилья» компаниясының активтері «Орда Инжиниринг» ЖШС өткізу туралы шешім қабылданды;

«Айсанам Отау Астана» ТҚК өкілі К.Түсіпбеков «АйсанамДеЛюкс Успех» ТҚК өкілдерімен келіспеушілікке байланысты жалпы жиын өкізуден бас тартты.

Ведомствоаралық комиссия (ВАК) ұсынды:

Сәулет және қала құрылысы басқармасы «Бақша кварталы» ТК жер учаскесін бөліп беруге өзгеріс енгізуді жер комиссиясымен бірге қарастыру мүмкіндігі;

«АйсанамДеЛюкс» ТК бастамашыл тобы үлескерлердің бір тұрғын үй құрылысы кооперативіне бірігуі үшін жалпы жиын өткізу;

ВАК келесі отырысында С.Ордабаевтың қатысуымен «Азбука жилья» компнаиясының нысандарының құрылыс мәселесін қарастырады.

2. «Эксполисинвест» ЖШС директоры В.Белюсенконың 25 желтоқсанға дейін барлық блокты пайдалануды енгізу туралы өтініші қабылданды.

ВАК ұсынды:

В.Белюсенкоға нысанды пайдалануды енгізу және барлық негізгі құрылыс жұмыстарын аяқтаған соң жекеменшік тұлғалардың нысанындағы таза бөлімге кіруге рұқсат беру;

МСҚКбасқармасы ВАК келесі отырысында нысандар бойынша толық ақпарат дайындайды.

3. «Жастар-4» ТК құрылысы бойынша ұсынды:

«Жастар-4» тұрғын үй кешенінің өкілдеріне тұрғын үй кешенінің барлық подъезінің инвесторларымен бір тұрғын үй құрылыс кооперативіне бірігіп, құрылысты аяқтау жиынын өткізу.

4. «ШангХиГруп» ЖШС директоры А.Нығметовтің 20 қазанға дейінгі мерзімде барлық құрылыс жұмыстарын аяқтау туралы өтініші қабылданды.

ВАК ұсынды:

МСҚК басқармасы күн сайын құрылыс объектілерінің мониторингін өкізеді.

5. «Инженер-сервистік компаниясы» ЖШС нысаны бойынша ВАК ұсынды:

Астана қаласы бойынша мемлекеттік кірістер департаменті Г.Жұбатқановтың «Инженер-сервистік компаниясы» ЖШС техникалық ғимаратын жүзеге асыру туралы мәліметпен ВАК-ны ақпараттандыру;

Құрылыс басқармасы жобалаушы компаниядан тұрғын үй кешені бойынша жобаға түзету енгізу үшін жоба құжатын сұратады;

Құрылыс басқармасы құрылыстың аяқтаулы кестесін әзірлейді.

6. «Магистральный 3» ТК нысаны нысаны бойынша ВАК ұсынды:

«Астана үлескерлері» ҚБ төрағасы Т.Чурсинаның тұрғын үй кешені бойынша цессия келісімдерін бекіту туралы ақпаратты алу бойынша нотариалды палатамен мәселені шешу үшін Астана қаласы прокуратурасына жүгіну;

Сәулет және қала құрылысы басқармасы бос алаңдарды көбейтудің мүмкіндігін қарастырады;

ТҚК төрағасы А.Иманалина ВАК келесі отырысында үлескерлердің саны туралы ақпаратты ұсынады;

1 және 2 блоктың қатысушы тобына тұрғын үйді пайдалану барысында кіргізуге және құрылыс жұмыстарын аяқтауда бекітілген тәртіп туралы түсініктеме берілгенін айта кету керек;

«СтройПроектИнвест и Ко» ЖШС жобалау мекемесінің басшысы Ю.Кимнің өтінішін қабылдауды есепке алу:

16 қабаттағы 3 блок пен 1 және 2 блок бойынша жобалау құжатының болуы туралы;

1 қабаттағы №3 блоктың эскиздік жобалауын бекітудің жоқтығы;

Жобалаушы мекеменің рұқсатынсыз коммерциялық ғимараттарды паркингпен қайта жабдықтау туралы;

Бутиктер астындағы көлік қоятын орындарды қайта жабдықтау;

Бутиктер астындағы көлік қоятын орындарды қайта жабдықтауды сараптамасыз өткізу үшін жобалау құжатын беру туралы.

7. «Төленді» ТҚК нысаны бойынша ВАК ұсынды:

«Есіл» ауданы әкімдігі ВАК-ның келесі отырысына дейін «Аниса» ТК мен «Көктал» ТК жол төсеу мәселесін әзірлеу;

жылу жабдығына қосу бойынша сыртқы жылутрассасы желісінің иелерімен келісімді жалғастыру туралы «Аниса 1» ТК қатысушы үлескерлер өкілі З.Абраеваның өтінішін қабылдауды есепке алу;

екі рет сату бойынша қылмыстық іс аяқталған соң мәселені шешу туралы З.Абраеваға түсініктеме берілді;

МСҚК басқармасы «Көктал» ТК ТҚК-не жобалау құжатын ұсыну бойынша жобалау мекемесімен әзірлеу;

«Жаңа Көктал» ТҚК төрағасы А.Ахметова ТҚК қарызы бар үлескерлердің арызын қосу бойынша түсініктеме беру үшін Астана қаласы прокуратурасына жүгіну;

«Мемсараптама» РМК сәулет және қала құрылысы басқармасымен бірге үлескерлік құрылыстың нысандарын пайдалануды дер кезінде енгізу мақсатында тұрғын үй кешеніндегі көлік қоятын орынды қаматамасыз ету бойынша бөлек жобаны әзірлеуді есепке қосқанда «Тельман» тұрғын үй кешені құрылысының жобасын кешенді ведомстводан тыс сараптамадан өткізу және құжатты қабылдаудың мүмкіндігін қарастыру;

8. «Территория комфорта — 1» ТК нысаны бойынша алғашқы ғимаратты техникалық тексеруден өткізуде тұрғын үй кешені құрылысын аяқтаудың дайындығы туралы «Астана Трейд Интернешнл» ЖШС қаржы директоры Р.Байғұлинованың өтініші қабылданды.

ВАК ұсынды:

«ТК-1 Астана» ТҚК өкілі Ж.Елубекова ТҚК арқылы тұрғын үй салу үшін ақша тарту жолы бойынша түсініктеме алуға Астана қаласы прокуратурасына жүгіну;

«Астана Трейд Интернешнл» ЖШС өкілі ВАК келесі отырысына дейін бірінші басшының шақыруымен құрылыс нысандары бойынша әрекет ету жоспарын дайындау;

9. «Альбаракат» ЖШС нысаны бойынша ВАК ұсынды:

«Үміт Береке» төрағасы мен «Прага үй» ТҰК төрағасы бірлескен тұрғын үй кешені құрылысы бойынша мәселені шешу үшін үлескерлер жиынын ұйымдастыру;

«Альбаракат» ЖШС нысандарының құрылысына қаржы құйып зардап шеккен азаматтарды пәтермен қамтамасыз ету бойынша әлеуметтік мәселені шешу мақсатында, сәулет және қала құрылысы басқармасы «Прага» ТК алаңын үлкейту үшін қосымша жер телімін беруді ұсыну мүмкіндігін қарастыру.

10. «Гранитный» ТК бойынша (бірінші және екінші кезек) ВАК ұсынды:

Жер қатынастары мен сәулет және қала құрылысы басқармасы «Адам Строй Сервис» ТҚК бөлінген жер учаскесіне жер комиссиясына түзету енгізудің мүмкіндігін қарастыру;

Жер учаскесінің жекеменшік иесі Лазарев жер учаскесін рәсімдеу бойынша кеңес алуға жер қатынастары басқармасына жүгіну;

«Алматы» ауданы тұрғын үй инспекциясы басқармасымен бірлесіп, тұрғын үй кешенінің жылу трассасын тексеріп, қорытындысы бойынша ВАК-сын ақпараттандыру;

Құрылыс басқармасы «Гранитный» ТК аумағын (балабақша) топырақ төсеу бойынша жұмыстарды 17 қазанға дейін жүргізу;

«Имбейс» ТҚК төрағасы Б.Серғазин қосалқы үй-жайды электрге қосу үшін «Астана-РЭК» АҚ және «Астанаэнергосбыт» ЖШС жүгіну;

11. «КазГазАстана» ЖШС нысаны бойынша «Біздің үй Зере-2» ТҚК төрағасы В.Жүсіпованың 224 зардап шеккен ТҚК 212 үлескердің шағымданғаны туралы өтініші қабылданды;

Екі рет сатылғаны туралы 6 фактінің анықталуы.

ВАК ұсынды:

«Марсель» ТК жер учаскесінің кадастрлық номерін сәулет және қала құрылысы басқармасына ұсыну;

«Зере-Самрұқ» ТҚК өкілдері «Зере 1» ТК инвесторларының саны мен қамауға алынған мүлік туралы ақпаратты білу үшін Астана қалалық ішкі істер департаментіне жүгіну;

Тұтынған электрэнергиясының қарызы бойынша мәселені шешу үшін «Астанаэнергосбыт» АҚ жүгіну.

12. «Арыстан» ТК құрылысы бойынша 1 қарашаға дейін жылутрассасы желісі құрылысын аяқтау туралы «Бажтур и К» ЖШС директоры М.Құсаиновтың өтінішін қабылдау.

ВАК ұсынды:

М.Құсаиновқа сыртқы жылутрассасы желісі құрылысын бастар алдын «Алматы» ауданы әкімдігін хабарландыру керектігі туралы түсініктеме берілді;

МСҚК басқармасы ВАК келесі отырысында жобалаушы мекемелердің басшыларын шақырады.

13. «ТамызИнвестГрупп» АҚ нысаны бойынша «Территория комфорта 2» ТК қатысушы үлескерлерінің ТҚК төрағасы З.Парчиеваның 238 үлескердің және 14 қазан күні сағат 15.00-де «Территория комфорта 2» ТК инвесторларының жалпы жиынын өткізу туралы өтініші қабылданды.

ВАК ұсынды:

МСҚК, жер қатынастары және сәулет және қала құрылысы басқармасы «Территория комфорта 2» ТК инвесторларының жиынына қатысады;

«Слада Групп» ТҚК төрағасы С.Қарақыстықтың «Орбита» ТК 302 инвесторының 80 инвесторының ТҚК мәлімдемесі туралы;

Сәулет және қала қүрылысы басқармасы «Алтын Раид» ТК («Дар» ТҚК) жобалауды аяқтауға рұқсат мерзімін ұзарту мәселесін жер комиссиясында қарауды енгізу;

«Дар» ТҚК төрағасы Е.Қадырбаев су тартудың техникалық шартын алу үшін «Астана су арнасы» РМК жүгіну.

14. «Оберег» нысаны бойынша ВАК отырысында «Оберег» ЖШС басшысының келмегені белгіленді.

Ведомствоаралық комиссия: «Оберег» ЖШС бірінші басшысының ВАК-ның келесі отырысына келуін қамтамасыз етуді Астана қалалық ішкі істер департаментіне тапсырды.

Сіздердің назарларыңызға 10 қазаннан бастап «Тұрғын үй құрылысына үлестік қатысу туралы» жаңа Заңның қолданысқа енгізілгенін жеткізе кетейік (ары қарай – Заң).

Тұрғын үй құрылысына үлестік қатысу келесідегідей тәсілмен ұйымдастырылады:

— Кепілдендіру қорынан кепілдік алу

— екінші деңгейдегі банктің жобасына қатысу;

— тұрғын үйдің қаңқасы салынғаннан кейін үлескерлерден ақша тарту.

Бірінші тәсілмен шешімді «Тұрғын үй құрылысын кепілдендіру қоры» АҚ қабылдайды.

Екінші және үшінші тәсілмен рұқсатты жергілікті атқарушы орган мен, сәулет және қала құрылысы басқармасының өкілетті тұлғасы береді.

Жоғарыда көрсетілген Заңның 9, 10 бабына сәйкес, тұрғын үй құрылысына үлестік қаысуды мына тәсілмен ұйымдастырады:

— екінші деңгедегі банктің жобасы арқылы қатысу;

— тұрғын үйдің қаңқасы салынғаннан кейін үлескерлерден ақша тарту үшін мердігер тұрғын үй құрылысы нысандарын салуда тәжірибесі бар болуы міндетті, оның ішінде тапсырыс беруші, мердігер, бас мердігер. Сондай-ақ, мердігер өкілетті компания құруға міндетті, өз кезегінде ол компанияда болуға тиіс:

1) мемлекет берген уақытша өтеулі жер пайдалану (жалдау) құқығымен немесе меншік құқығымен тиесілі жер учаскесі;

2) кешенді ведомстводан тыс сараптаманың оң қорытындысымен тұрғын үй (тұрғын ғимарат) құрылысы жобасының жобалау-сметалық құжаттамасы болуы міндетті.

3) тұрғын үйдің қаңқасы салынып біткені туралы инжиниринг компаниясынң бекітілген есебі болуы;

4) инжиниринг компаниясымен келісім-шарт.

Келтірілген нормалар заңда 9,10 бапта нақты келтірілген.

Осыны айта келе, үш тәсіл бойынша тұрғын үй құрылысына үлестік қатысу туралы келісім-шартты есепке алу, кепілақша туралы келісім-шартты қайта талап етудің құқығын сәулет және қала құрылысы басқармасы өкілетті орган ретінде жергілікті атқарушы билік жүзеге асырады.

Пәтерлерді екі рет сатпау мақсатында үлестік қатысу туралы келісім-шарттарды пәтер бойынша жүргізіп, аяқталған пәтер мен үлескерлер санына қарап қадағалауға мүмкіндік береді.

«Базисинвестстрой» ЖШС мердігер компаниясы, «Рим кварталы» ЖШС өкілетті компаниясы заң шеңберінде әрекет етіп, қыркүйекте нысанды пайдалануға берді.

Тұрғындар арасында түсіндіру жұмыстарын қамтамасыз ету мақсатында Астана қаласы әкімдігі Тұрғын үйдің (тұрғын ғимараттың) қаңқасы тұрғызылғаннан кейін немесе екінші деңгейдегі банктің жобаға қатысуы тәсілімен тұрғын үй құрылысына үлестік қатысуды ұйымдастыру бойынша үлескерлерден ақша тартуға рұқсат бергенін жеткізе отырып, төмендегі хабарлайды:

27 қыркүйек 2017 жылғы Астана қаласы әкімдігінің № 120-1958 қаулысымен «АЛТЫН ШАР West» ЖШС өкілетті компаниясымен және мердігер «Шар құрылыс» ЖШС Астана қаласы, Есіл ауданы, 49 көше, 4 участокта орналасқан 2, 7, 9, 11 қабатты, жалпы алаңы 21012,2 шаршы метр тұрғын үй құрылысын салу үшін үлескерлерден ақша тартуға рұқсат берілді ( рұқсат № 11 27.09.2017 ж).

27 қыркүйек 2017 жылғы Астана қаласы әкімдігінің № 120-1959 қаулысымен «Highvill Park1 C» ЖШС өкілетті компаниясы мен «High Vill Kazakhstan ЖШС мердігерге Астана қаласы, Есіл ауданы, Қабанбай батыр даңғылы, 23 қабатты, алаңы 58132,92 шаршы метр тұрғын үй құрылысын салу үшін үлескерлерден ақша тартуға рұқсат берілді (№12 27.09.2017 ж).

Астана қаласы әкімдігінің 27 қыркүйек, 2017 жылғы № 120-1960 қаулысымен «Premier Palace» ЖШС өкілетті компаниясы мен «Арман қала 21 век» ЖШС мердігеріне мекенжайы Астана қаласы, Есіл ауданы, Е10, Е49 және Е51 көшесімен қиылысатын, алағы 12163 шаршы метр (тұрғын үй, В блогы) тұрғын үй құрылысын салу үшін үлескерлерден ақша тартуға рұқсат берілді (№13 27.09.2017 ж).

Астана қаласы әкімдігінің 29 қыркүйек, 2017 жылғы № 120-1966 қаулысымен «АБК технологическая оснастка» ЖШС өкілетті компаниясы мен «Жаға НС» ЖШС мердігері мекенжайы Астана қаласы, Есіл ауданы, Түркістан мен 25 көшелермен қиылысатын 14, 16, 18 қабатты – алаңы 22684 шаршы метр (тұрғын ғимарат) тұрғын ұй құрылысын салу үшін үлескерлерден ақша тартуға рұқсат берілді (№ 14 29.09.2017ж).

Астана қаласы әкімдігінің 4 қазан 2017 жылғы № 120-2046 қаулысымен «ЖК Шатер» ЖШС өкілетті компаниясы мен «ПСК Клен» ЖШС мердігеріне Астана қаласы, Есіл ауданы, Е303 және Е305 көшелерімен қиылысатын 9 қабатты, алаңы 10621,48 шаршы метр (тұрғын ғимарат) тұрғын үй құрылысын салу үшін үлескерлерден ақша тартуға рұқсат берілді (№15 04.10.2017 ж).

Осыны хабарлай отырып, бұрынғы өкілетті компаниялар мен мердігерлер қосымшаға сәйкес (тұрғын ғимарат) тұрғын үй құрылысын салу үшін үлескерлерден ақша тартуға тиісті рұқсат берілгенін еске сала кетеміз.

Әлеуметтік желі өміріміздің бір бөлшегіне айналып үлгерсе де, көпшілігіміз әлі оны тиімді қолдана алмай келеміз. Mail.ru-дан басталған махаббат бүгінде 2 миллиард халқы, яғни қолданушысы бар Фейсбукке дейін жетті. Бұл қатардан қалыспайтын Instagram, VKontakte, Twitter, Telegram, WhatsApp т.б. желілердің қолданушыларының саны сағат санап артып келеді.
Осы орайда біз өзімізге Әлеуметтік желіге тіркелместен бұрын;
Әлеуметтік желі маған не үшін керек?
Маған бұл желінің пайдасы бар ма?
Мен желіде кімдерді оқимын?
Мен желіде кімдермен доспын?
Мен бұған лайк басып Репост жасауым керек пе?
-деген секілді сұрақтарды қоюымыз қажет. Бұл жазғаным күлкілі болуы мүмкін, бірақ бұл өте қажетті сұрақ екенін қаперіңізге беремін. Арғы жағын өзіңіз бағамдайсыз.
Әлеуметтік желіде барынша Фейк аккаунттан сақтаныңыз. Өзіңізгеде Фейк ашудың қажеті жоқ. Бір Әлеуметтік желіде бір аккаунтыңыз жеткілікті. Оларды көбейту өзіңізгеде, сізге жазылған оқырманғада қиянат.

Бұл жазбадан Парижге саяхат туралы кеңестер іздемеңіз. Тек жұмыс бабымен екі-үш күнге барған адамның әсерлері деп түсінгейсіз.
1. Триумф аркасы. Шынын айтсам, түпнұсқаны көріп, Астанадағы аркамыз үшін ұялып кеттім. Жалпы Париждің ескерткіш, монументтері ғана емес, ғимараттарындағы әрлеу элементтерінің өзі эстетика тұрғысынан музейдегі экспонаттан кем емес.


2. Париж көшелері. Парижде 8 мыңнан астам көше бар. Жалпы ауданы 105,4 км² қала үшін көп иә? Әрине, әр үй сайын көше болса. Біз қаланы жаяу көп араладық. Қолымыздағы картаға емес, алыстан сорайып тұрған Эйфель Мұнарасына қарап жол тауып отырдық. Кейбір үйлерді төрт жағынан төрт көше бойлап жатады.


3. Париж жолдары. Көше жолдары өте тар. Кей жолдардың ені 1-2 метр. Бірақ пробканы байқамадым. Айтпақшы, байқағаным Парижде көбіне тротуарлары асфальт, ал көлік жүретін жолдар тастан қаланған. Бірнеше ғасыр бұрын қаланған күйі жатыр-ау.
Көбіне көліктер шағын, 2 адамдық машиналар көп. Автобустар бар, бірақ сирек көресіз. Жартысының өзі tourist bus сияқты. Метро өте ыңғайлы, арзан (1,9 €). Сондықтан да халық көбіне жер асты көлігін пайдаланады. Сосын тағы бір назар аудартқан жағдай, бір де бір рет машинаның сигналын естімеппін. Тек ашық терезеден ара-тұра полиция (не жедел жәрдем бе екен) көлігінің сигналын еститінмін.


4. Париж кафелері. Таң атпай кафелер сыртқа үстел, орындықтарын шығарып жатады. Париж халқы жол бойындағы жұртқа қарап отырғанды жақсы көреді екен. Таңертеңгі тоғызда осындай кафелерде сыртта круасанын жеп, кофесін сораптап, газет оқып отырған жұртты көп көремін. Соған қарағанда үйде тамақтанғаннан гөрі сыртта ауқаттанған арзанырақ па деп ойладым. Біз тоқтаған қонақүйде таңғы ас негізгі төлемге кірмейді, 14 € тұрады екен. Ал даладағы кафеде таңғы комплекс 10 €. Айтпақшы, кафелерде түскі, кешкі асты да la carte (менюмен) емес, комплекспен алсаңыз арзанға түседі. Шамамен €16-20.


5. Еркіндік және қауіпсіздік. Түнгі Парижде жалғыз қыдырсаңыз да өзіңізді қауіпсіз сезінесіз. Бейтаныс қала, ағылған жұрт. Бірақ еш қорқыныш жоқ. Мұндағы жұрт өте толерантты. Париж халқының едәуір бөлігін шетелдік туристер, эмигранттар құрайтын әсерде болдым. Француздардан гөрі араб, тунистіктер мен еврейлерді жиі кездестірдім. Көшеде көмек сұрасаң да ешқайсы қабағын шытпайды, барынша көмектесіп, жол сілтеп жіберуге әзір тұрады. Көшеде жиналып алып ереуілдеп тұрған жұртты қуып жатқан ешкім жоқ.

Бұл сурет автордың түнгі серуені барысында сағат 02 шамасында түсірілген еді

6. Адамдары. Ең әдемі қыздар қазақ дейсіз бе)) Ең әдемі әйелдер француз бикештері. Тіпті егде тартқан әйелдердің жүзінде сұлулық бар. Бірақ сән астанасы Париждегі адамдар керемет киінеді деп айтпас едім. Сәнқой итальяндықтарға еш ұлт жетпес-ау. Француздар да киімнің жарасымдылығына емес, ыңғайлылығына кбірек мән беретін сияқты.

Бұл жерде әдемі француз келіншегі тұр деп елестетіңіз ;)

7. Париж махаббат қаласы емес, шоппинг қаласы дер едім. Қанша қаражатпен барсаңыз да, аз болып көрінеді. Жұмсалған соманың бір бөлігін қайтарып беретін такс фри арқасында дюти фриден де сауда жасауға мүмкіндік туатынын еске салайын. Дүкендер аралағанда төлқұжатыңыз немесе көшірмесін өзіңізбен алып жүргеніңіз жөн. Және егер дүкенде 175€ асатын сомаға сауда жасасаңыз, чегіңізді жоғалтпаңыз. Әуежайда арнайы терминалдарда сканерлеп, төлеген ақшаңыздың 12 пайызын қайтарып аласыз.

қаражатыңыздың негізгі бөлігі қайда кететіні түсінікті ғой))

8. Музейлер. Музейлер саны бойынша Париж алдына қала салмас. Бірақ музейлердің көбісі сағат жетіде жабылып қалады. Луврға келіп, кірмей кеткен себебім де осы))) Айтпақшы, музей аралаймын десеңіз, музей карталарын сатып алаңыз. Музей картасын сатып алсаңыз, 60 жуық музейге тегін кіре аласыз. Мұндай карталар құны 2 күндік — 48 €, 4 күн — 62 €, 6 күн — 74 €. Қымбат десеңіз, музейлердің бір реттік бағасын қарап көріңіз: Триумфальды арка— 9,5€, Помпиду орталығы — 13€, Лувр — 12€, Нотр-дам — 8,5€, Пантеон — 8,5€, Роден музейі -7€, Версаль — 18€
Луврға кірмегеніме әлі өкінемін. Бірақ, бітпеген шаруам болса, демек қайта ораламын деген сөз ғой?

негізі бұл суретте ертең Луврға келетініме сенімді болғам))

P.S. Жалпы, азды-кемді шетел көрген адам ретінде айтарым, біздің Астана еш астаналардан кем емес. Әдемі ғимараттар, таза қала, ойын-сауық. Жетіспейтіні тек мәдениет сияқты…

Астанада балалар арасындағы алғашқы паралимпиадалық ойындар аяқталды деп хабарлайды елорда әкімдігінің медиа орталығы.

ҚР Тұңғыш Президенті қоры ұйытқы болған паралимпиадалық ойындарды өткізудің басты мақсаты адаптивті дене тәрбиесін танымал ету және дамыту, инклюзивті білім беру саласындағы жаңа коммуникациялық шешімдерді дамыту, ерекше қажеттіліктері бар дарынды балаларды анықтау және әрбір қатысушы баланың дамуына ықпал ету болып табылады.

Қанатқақты жоба аясындағы паралимпиада ойындарына еліміздің Ақмола, Алматы, Қостанай, Павлодар облыстары мен Астана қаласынан 120 спортшы қатысты. 12-ден18 жастағы өрендер спорттың 5 түрі бойынша бақтарын сынаған болатын. Бұл: волейбол, шахмат, қоңыраумен жүгіру, жүзу және арбада таңылғандар арасында жүргізілетін би сайыстары.

Осылайша жүзу жарысында үшінші орынға Ернұр Жолашар (Астана қаласы), екінші орынға Әділет Жүргенов (Ақтөбе облысы) ие болды. Ал бірінші орын Владислав Нинахановқа (Қостанай облысы) бұйырды.

Шахматтан қола жүлдені Наби Диас (Алматы облысы), күміс жүлдені Арайлым Сағиева (Ақтөбе облысы) қанағат тұтса, алтын жүлдені Сұлтан Қожахметов еншіледі.

Арбадағы би сайысында үшінші орынды Лестин Асламбеков пен Диана Мұсағұлова, екінші орынды Таңатханов Бағдат пен Жансұлу Күзенбаева (Қостанай облысы) алды. Ал Ерлан Нұрмағанбетов пен Сандуғаш Ақанова аталмыш сайыста топ жарды.

Қоңыраумен жүгіру жарысында Надежда Коханенко (Қостанай облысы) мен Айя Хамзина (Алматы облысы) үшінші орынды өзара бөліссе, екінші орынды Диляра Асаинова (Павлодар облысы) иеленген болатын. Ал Валерия Гаврилина (Астана қаласы) мәре сызығына бәрінен бұрын жетіп, алтын медальды қанжығасына байлады.

Ал волейболдан командалық есепте үшінші орын Астана қаласының командасына, екінші орын Ақтөбе облысының командасына бұйырды. Ал жеңіс тұғырынан аталмыш жарыста Павлодар облысының командасы көрінді.

Айта кету керек, аталмыш спорт түрлерінен паралимпиадалық ойындар келесі жылдан бастап дәстүрлі түрде республика деңгейінде өткізіледі деп жопарлануда.

Шыныдан және айнадан өнім жасайтын «Стеклянный дом» зауыты жыл сонына дейін шыныны шынықтыратын жүйені іске қосады. Ол өз кезегінде зауыттын қуаттылығын 50 пайызға артырады,-деп хабарлайды Астана қаласы әкімдігінің медиа орталығы.

Зауыттын жылдық өнімділігі – 300 млн. теңге, ол 12 мың шаршы метр шыны өнімін құрайды. Зауыт басшысының жоспары өнімділікті 25 мың ш.м арттыру.

«Біздің зауытқа 9 жыл толды. Ал, индустриалды парк аумағында жұмыс жасап жатқанымызға бес жыл толып отыр. Жыл сайын технологияны жаңартудың арқасында зауыттын қуаттылығын арттырудамыз. Бізде шыныны кесу, өңдеу, бронды қалқан, триплекс шыны жасау мүмкіндігі бар. Сонымен қатар біз көлемді шыныға көркем бейне басып шығара аламыз. Зауыттын 2016 жылғы толық қуаттылығы шамамен 12 мың шаршы метр дайын өнімді құрады. Бұнын бәріне біз жұмыс өнімдігін және мамандарымыздың кәсібилігін артыра отырып жеттік»,- деп атап өтті «Стеклянный дом» ЖСС –нің директоры Эдуард Никифоров.

Компания әр қашан өзінің технологиялық мүмкіндіктерін жаңартуда. Фирма көп қатпарлы қорғанышты шынынын көлемдік шектеусіз мөлшерін шығаруға қауқарлы. Жәнеде зауыт осы жылдың аяғында жаңа шынықтырылған шыны өнімін шығараду қалға алуда, ол өз кезегінде қуаттылықты 50-60% арттырады деп күтілуде.

«Осы жаңа ления арқылы біз көлемді артырып, жылына 25 мың шаршы метр өнім шығарамыз деген ойдамыз. Біздің басты артықшылығымыз әр тапсырысқа ерекше қараймыз. Бізде типтік өнім көлемі аз, жиі жекелеген тапсырыстар түседі. Көбі шетелден тапсырыс алуға қорқақтайды, ал біз тапсырыс аламыз және жоғары деңгейде орындап береміз», — дейді зауыт директоры.

Кәсіпорынның аумағы 1.5 гектар. Аумақта теміржол тұйығы бар. Болашақта қоймалар салу жоспарланған. Эдуард Никифоровтың айтуынша, бұл болашақта жүк қабылдауға, жөнелтуге және өнімді тиісті талапқа сай сақтауға мүмкіндік береді.

Қазіргі күні зауыт өнімдерін тек Астанада емес Қазақстан бойынша құрылысқа қолдануда. Астанадағы «Highvill», «Hilton», «Nissan» «Керуен» СО, «Mega SILKWAY» ОСО, «Алау» МА, «Хан шатыр» ОСО, «Лазурный квартал» ТК-нің интерьері осы зауыттын өнімі.

Қазіргі күні зауыт 30 адамды жұмыспен қамтып отыр.