«Мен оқыған бір кітап»
«Құдай-ау қайда сол жылдар,
Махаббат қызық мол жылдар»
1941-1945 жылдар аралығындағы Ұлы Отан соғысының ардагері,Қазақтың Республикасының халық жазушысы, белгілі журналист, Шығыс Қазақстан облысының, Жарма ауданы, Ақбұзау ауылында 1922 жылы 15 желтоқсанда дүние есігін ашқан,Қазақтың мандайына біткен жарық жұлдызы, тек қана ақиқат пен ерлікті, махаббат мен достықты жырлаған, «Тоғыз толғау», «Қаламгер және оның достары», «Ақиқат пен пен аңыз», «Өмір өрнектері», «Мен-журналистпін»атты еңбектерімен, жүрек жарды әңгімелерімен халықтың жазушысы атанған, «Мемлекеттік сыйлықтың лауреаты» атағына ие- Әзілхан атамызға мың тағзым!
Өмірінде екі жанға ғашық болған, махабатты негізгі үш топшаға бөлген: бала махаббат, шала махаббат, мәңгілік махаббат деп өз пікірін кітапқа басып жызып шығарған, Әзілхан атамыздың мен оқиған бір кітабы- «Мәңгілік махаббат жыры». « Жақсы кітап-ақылды адамның әңгімесімен» бірдей деген екен Лев Толстой. Жүрегіме жақын бұл кітапта Әзілхан атамыздың бала кезіңдегі махаббаты Орынкешке берген уәдесі,ғашықтық сезімі туралы, Әзілхан ата Алматы Әл-Фараби атындағы Қазақстан ұлттық университеті (ҚазҰУ) филология мамандығына оқуға түсіп, Орынкеш апамыздың Семейде оқуы, бір-біріне хат жазысып отыру жайлы болмақ. Бірақта кейінгі кездері Орынкеш апамыздан хат келмей Әзілхан атамыз Алматыдағы оқуын таста Семей қаласына Орынкеш апамыздың интернатына келіп бір сұлу қызға Орынкешті шақыруды сұрайды. Бірақ, Орынкеш апамыз бармайтының айтып,ұмытуын сұрапты. Оны өзінің жан құрбысы Халима апамыз көзіне жас толып, Орынкештің сөздерін жеткізеді.Сол кездегі Әзілхан атамыз Халиманың көз жасын сүртіп, жыламауын өтініп, дәл сол сәттері Халиманың боталаған көздеріне, жылы сөздеріне ғашық болып қалған. Халима апамыз бір-біріне 9 жыл ғашық болады. Одан кейін 54 жыл бойы бір шаңырақта өмір сүреді.Әз атамыз 7 жыл бойы Ақбұзау ауылындағы қара шаңыраққа Халиманы келін етіп түсіріп,өмірлерін баянды өткізеді. Қазақта «Ана-бір қолымен бесікті тербетсе, екінші қолымен әлемді тербетеді деген дәл сол секілді Халима апамызда тамақ істей жүріп, радиодан жаңалықтар естей отыра,іс машинкамен іс тігіп отырып барлық шаруаны бәр мезетте істейтін дарынды, аяулы жар болған. «Халиманың ең алғаш ана атануы,әйел бақытын жүрекпен сезінген сәті әлі есімнен кетпейді» дейді Әзілхан атамыз. Ең алғаш екеуі екі нәрсеге уәделескеніні жайлы айтылады. Бірі: егер бұл дүниеден екеуміздің біріміз кететін болсақ, екіншімізде о дүниелңк боламыз делінген ал, екінші уәделері алғаш, тұла бой тұңғышымыз қыз болса есімін-Жанна деп қоямыз десе-ді.Әзілхан атамыз сапарлатып жүрген сәтінде бұл дүниеге Жанна есімді бойжеткен келеді.Жол жүріп қуаныштан үйіне жеткен Әз атамыз Халима апамыздың жанарынан әйелдің бақытын сезінеді, Жаннаны қолына алып қуаныштарында шек болмайды. Бірақта, осы бір қуаныш ұзаққа созылмай,40 күнге жеткенде Жанна суық тиіп қатты ауырып бұл дүниеден озады.Сол сәттен кейін ауылдан көшіп, пойызға мінгенен кейін кішкентай ғана Жаннаның тамын көріп, мұңға толып сапарға шыққан екен.
Ғашықтық деген ғажап қой,
Тірліктің алтын айдары,
Тірілер ғашық болу заң
Ғашықтық өмір қайнары
Деп Әзілхан атымз айтпақшы, біздерге қалдырған үлкен өсиеті Алматынның Алатауына қос ғашық келіп, бізге тағзым етіп, естеріне түсірсе, сол бір Алатаудан самал жел келсе ол біздің сендерге деген батамыз, ақ пейіліміз деп түсініндер делінген.
Мұндай қазақтың жарық жұлдыздары,қазіргі заманның «Қозы Көрпен пен Баян сұлудай»махаббат, адал ғашықтық сезім иесі-Әзілхан атамыз бен Халима апамызға мың тағзым!
Енді сіздей ұлы тұлға,қаламгер бұл дүниеде туылмас! Менің ең сүйікті, жазушым, дарабозым!

Мамырдың 31 күні Ұлан ауданы бойынша Балалар-жасөспірімдер спорт мектебінің түлектерін, аудан абыройын асырып жүрген үздік спортшылар мен жаттықтырушыларды марапаттау рәсімі өтті.
Мектеп спортшылары арасында осы жылы: Екі халықаралық дәрежедегі спорт шебері, бір спорт шебері және 19 спорт шеберіне үміткер атағы орындалған. Марапаттау рәсімінде спортшылар санаттар куәлігін облысы дене шынықтыру және спорт басқармасының дене шынықтыру бөлімінің басшысы Серік Кұсұмбаевтың қолынан алды. Ал спорт мектебінің түлектерін Ұлан ауданының білім беру бөлімінің басшысы Қ. Б. Оқасов құттықтап, «Спорт түрлерінен балаларға қосымша білім беру бағдарламасын» меңгергендіктері туралы куәліктер берілді. Спорт мектебінің «Үздік түлектеріне» деген құрмет те ерекше болды. Айталық, волейболдан еліміздің бірнеше дүркін чемпионы Әлихан Нығметолдин, дзюдо күресінен ел чемпионатының жүлдегері, джиу-джитсу спортынан жүлде алып жүрген Жібек Жақсыбайқызы, бокстан ҚР чемпионатының жүлдегері, оқушылар және колледж студенттері арасында ҚР Спартакиадасының жүлдегері Сырым Кабдуалиев сынды өрендер марапаттарға лайық шықты. Оларға куәліктер мен естелік сыйлықтарды Ұлан ауданы әкімінің орынбасары Нұржан Абдыкаримов табыс етті.
Айта кетейік, спорт мектебінде оқу жылының аяғында үнемі «Жылдың үздік жаттықтырушысы» байқауы өткізіледі. Байқау қорытындысында спорт мектебінің «2019 жылғы – Үздік жаттықтырушысы» атағын қол күресінен еліміздің еңбек сіңірген жаттықтырушысы Ерлан Уалиев иеленді. Бұл азаматтың мұндай аталымға ие болу таңғаларлық жайт емес. Себебі, осы бапкердің даярлаған спортшылары ірі додаларда ел мерейін асырып келеді. Өзге аталымдарға мына спортшылар ие болды:

1. «2019 жылғы Ұлан ауданының үздік спортшысы» – қол күресінен пара Әлем Чемпионатының жүлдегері Владислав Губушкин
2. «Жыл серпілісі» – бокстан ел чемпионы, Ұлан ауданы бойынша бокстан тұңғыш чемпион Айшагул Елеубаева
Аудан әкімі Нұрымбет Сақтағанов еліміздің спорт қайраткері Қалибек Тохмолдинды 60-жылдық меретойына орай, одан бөлек, 40-жылдан астам жаттықтырушылық қызмет атқарғаны үшін «Ұлан ауданына сіңірген ерекше еңбегі үшін» төсбелгісімен марапаттағанын айта кеткен орынды. Өз кезегінде аудан басшысы салтанатты шараны қортындылап өтті.
– 2018-2019 оқу жылын спортшыларымыз үшін сәтті тәмамдалды деуге болады. Қиындықтарға қарамай, еңбекқорлық пен тәртіптің арқасында осындай табыстарға жеттіңіздер. Әрқайсыңыз еліміздің алғы шепте жүретін азаматтарысыздар. Сіздерді әлемдік тұғырларда, олимпиада жеңімпаздарының қатарынан жазсын. Сол себепті сіздерге зор денсаулық тілеп, спорттық жарақаттардан ада болыңыздар демекпін, – деді.
Іс-шара соңына қарай, шәкірттер атынан құттықтау сөз қол күресінен төрт дүркін Әлем чемпионы Ораз Басаров пен осы мектептің түлегі, дзюдодан ел чемпионатының жүлдегері Жібек Жақсыбайқызына берілді. Спортшылар өз жаттықтырушыларына қажырлы еңбегі үшін, спорттық даналық пен табысқа деген сенімі үшін ризашылықтарын білдіріп, спортшылар мәселелерін шешуде көмегін аямайтын аудан әкімі Нұрымбет Сақтағановқа алғыс білдірді.

Балалар-жасөспірімдер спорт мектебінің
әдіскері: Назгүл Уйсембаева

Отандық батыс өңірдің туристік компаниялары Алматы қаласы мен облысының туристік потенциалымен танысты, деп хабарлайды silteme.kz.

Ішкі туризмді одан әрі ынталандыру және өңірлердің туристік потенциалын көрсету мақсатында ҚР Мәдениет және спорт министрлігінің тапсырысы бойынша «Kazakh Tourism» АҚ ұлттық компаниясы ақпараттық тур циклін өткізуде.

Ақпараттық турдың алғашқы кезеңінде еліміздің батыстық 4 өңірі туроператорларынан құралған топ республикалық маңызы бар Нұр-Сұлтан, Алматы, Шымкент қалалары және ШҚО, Ақмола, Алматы және Түркістан облыстарының туристік нысандарымен танысуда.

24 мамыр күні ақпараттық тур қатысушылары Алматы қаласына келді. Қалалық туризм басқармасы және жергілікті туристік қоғамдастықтармен ұйымдастыруымен тур қонақтары «Visit Almaty» туристік хабы, Шымбұлақ тау-шаңғы курорты, Медеу мұз айдыны, Көктөбе көрсетілді. 25 мамыр күні жергілікті компаниялармен b2b кездесті.

Сондай-ақ, батыстық туроператор өкілдеріне Алматыдағы таулы курорттарға, Чунджи ыстық бұлағы және Шарын шатқалына танымдық экскурсия ұйымдастырылды.

«Kazakh Tourism» ұйымдастыруымен өтіп жатқан шараның басты мақсаты – отандық турзмді одан әрі дамытуды талқылау. Және сол бағытта туроператорларға қолдау көрсетіп, бағдар беру. Ақпараттық турдың барысында еліміздің батыс өңірлерінен келген қатысушылар бірнеше аймақтың оның ішінде оңтүстік өңірде бар туристік нысандарымен танысты. Атап айтқанда, оның ішінде сауықтыру орындары, шипажайлар және балалар арналған туристік нысандар бар. Неге батыс аймақ дегенге келсек, біздің байқауымызша батыс жұртшылығына еліміздің туристік әлеуеті туралы ақпарат жетіңкіремейді. Осы олқылықты жою мақсатында біз аталған 4 аймақты таңдап алдық. Шара аясында туроператорлар арасында B2B шарасы ұйымдастырылып, олар өзара келісімге келуде. Және бұл өз жалғасын тауып, нәтижесін береді деген үміттеміз. Сол сияқты бұл тур өткен біз оның қорытындысы бойынша сараптама жасап, нәтижесін қадағалайтын боламыз», — деді «Kazakh Tourism» ұлттық компансының атаулы жобалар және шаралар департаментінің директоры Гаухар Жеңісбек.

«Елімізде ішкі туризмнің белсенді түрде өсуіне қарамастан, шет елдерге шығатын туристердің саны ішкі туристік ағыннан екі есе дерлік көп. Оның негізгі себептері, тиісті ұсыныс пен инфрақұрылымның жоқтығымен қоса, ақпараттың жетіспеушілігі болып табылады. Мысалға, елдің батыс аймақтарының тұрғындары Қазақстанның шығысында, не болмаса оңтүстігіндегі туристік мүмкіндіктерді біле бермейді. Сондықтан халыққа еліміздің туристік мүмкіндіктері жайлы ақпаратты тұрақты түрде бере отырып, оларды ел ішінде саяхаттауға ынталандыру керек. Әдетте, бұл жұмыстың басында турларды әзірлеп, жарнамалап және оны сататын отандық туристік компаниялар тұрады. Осы тұрғыда «Kazakh Tourism» АҚ ұлттық компаниясының ақпараттық тур ұйымдастыруы біз үшін маңызды», — деді Орал қаласындағы «Гермес тур» компаниясының туризм жөніндегі менеджері Лаура Хайрамбаева.

Үстіміздегі жылдың 20 мамыр күні басталған ақпараттық тур 30 мамыр күні Өскемен қаласында өз мәресіне жетеді.

Ішкі туризмді одан әрі ынталандыру және ел ішінде өңірлердің туристік потенциалы туралы хабардар ету мақсатында «Kazakh Tourism» ҰК» АҚ ҚР Мәдениет және спорт министрлігінің тапсырысы бойынша ақпараттық турлар циклін өткізу қолға алынып отыр, деп хабарлайды Silteme.kz.

Бірінші ақпараттық тур барысында Батыс Қазақстанның 4 өңірінің туроператорларынан құралған топ а.ж. 20-30 мамыр аралығында Нұр-Сұлтан мен Бурабайға барып, Шымкент және Сарыағаш қаласында, сосын Алматыға, Алматы және Шығыс Қазақстан облыстарының туристік орындарына барады.

Жоспарға сәйкес, 22 мамыр күні Батыс өңірінің туроператорлары Шымкент қаласына келді. Шымкент қаласының туризм басқармасы жергілікті туристік қоғамдастықтармен бірлесе үшінші мегаполисте қонақтарға қаланың басты нысандарын көрсетіп, жергілікті компаниялармен b2b кездесулер өткізілетін болады.

Аталған іс-шараның негізгі мақсаты – қаламыздың ішкі туризмін дамыту, басқа өңірлермен туристік байланыстар орнату және өзара ынтымақтастық мәселелерін талқылау.

Алайда, ішкі туризмнің белсенді түрде өсуіне қарамастан, шет елдерге шығатын туристердің саны ішкі туристік ағыннан екі есе дерлік көп. Оның негізгі себептері, тиісті ұсыныс пен инфрақұрылымның жоқтығымен қоса, ақпараттың жетіспеушілігі болып табылады. Мысалға, елдің батыс аймақтарының тұрғындары Қазақстанның шығысында, болмаса оңтүстігінде не бар екенін білмейді, және керісінше. Сондықтан халыққа еліміздің туристік мүмкіндіктері жайлы ақпаратты тұрақты түрде бере отырып, оларды ел ішінде саяхаттауға ынталандыру керек. Әдетте, бұл жұмыстың алдынғы шебінде Қазақстан бойынша турларды жасақтап, жарнамалап, сататын отандық туристік компаниялар тұрады.

Қазіргі таңда ғаламтор желісінде отыратын адамдардың санына шектеу жоқ. Балалар да, жас өспірімдер сонымен қатар үлкен кісілер де отырады. Әрине бұл жақсы, бірақ адамдар өздерінің санаулы уақыттарын қалай өткізіп алғандарын білмей жатады.
Интернеттің жақсы да, жаман да жақтары бар, яғни пайдасы да, зияны да. Қазіргі дамыған заманда бұл әдет, яғни интернетті жиі қолдану. Ал енді пайдасы мен зиянына терең тоқталсақ. Ең алдымен пайдасын айтатын болсам: білмей тұрған затты тез арада тауып аласың, көптеген деректерді білесің, алыстағы адамдармен байланысқа оңай түсе аласың. Сонымен қатар осы арқылы ақша да тауып жатады. Зиянына келетін болсақ асыл уақытының көбісі қалай кеткенің байқамай қаласың, яғни пайдасыз нәрселерге, зиянды сайттарға алданып, өздеріне қол жұмсауға дейін барып қалады, бұл өте жаман. Кейбір адамдар осы интернет арқылы көптеген пайдалы дәрістер алып жатады. Бірақ қазіргі таңда, ғаламторда көп адамдар босқа отырады.
Қорыта айтқанда ғаламторды тек жақсы жағынан ғана қолданайық. Алтындай қымбат уақытымызды зая кетіріп алмайық.

Кітап — білім бұлағы. Кітап — бұл білімнің қайнар көзі. Кітаптың адамға берері мол. Әрине қазіргі таңда көптеген адамдар кітап оқи бермейді. Оған себеп уақыттың жетпеуі деп айтады, бірақ бұл жәй ғана сылтау.
Кітап сенің рухани азығын емеспа? Сонымен қатар, кітап оқуды әдетке айналдыру керек, былай айтуымның себебі, кітап оқу арқылы сен өзіңді дамытасын, рухани байисын, өз ойыңды ашық, әдеби, түсінікті қылып жеткізесің, сондықтан, кітаптың адамға пайдасы тимесе, зияны жоқ. Кітап оқыған адамның, шетте қалмасы анық.
" Кітап оқудан тиылсақ, ой ойлаудан да тиылар едік " — деп Ғабит Мүсірепов атамыз айтып кеткен еді. Кітап оқыған адам, көптеген қызық, қайғылы, қуанышты сәттерге, сонымен қатар басқа жандардың өмірі жайында біледі, ал кітап оқымаған адам, тек бір өмірге куә болады, яғни өзінің. Басында кітап оқып бастағанда түсінбейтін жерлер көп болады, бірақ бұған қарамастан талпынып тырыссан, ары қарай оқып жалқаулығын ұстамаса, оқығанын үшін еш өкінбейсін.
Кітаптың да түр-түрі болады, яғни әр талғамға келетін және де біреу емес бірнешеу. Мектеп оқып немесе жоғарғы оқу орындарында оқып жүрген адамдарға, кітап өте қажет болады, себебі кітапсыз ештеңе істей алмайсың тіпті өз ойыңды сауатты жеткізе алмайсың. Сондықтан кітап оқу, адамның рухани жағынан даумына үлкен үлес қосады.

Қазіргі таңда көптеген қыздар, соның ішінде қазақ қыздары, басқа ұлт өкілдеріне еліктеп, қоғамда тоқтаусыз дау тудыратындай ашық киініп, тәнің жалаңаштаған суреттер жасаудан жалығар емес. «Біз тәуелсіз елдің ұрпактарымыз, өзіміз білеміз!» — деп шектен шығып жатыр және бұған тоқтау жоқ.
Шолпысын сылдырлатып ұзын киіп, таза, жинақы жүретін бұрынғы апа-әпкелерімізге неге ұқсамасқа?
Бұл тақырып бүгінгі таңда қоғамда жиі талқыланатын болды. Басқа ұлт өкілдеріне еліктеп қазақ қыздары өздерінің қазақшылдығын, қарапайымдылығын ұмытып бара жатыр. Бұл сән емес жай ғана еліктеу, және де бұл қоғамға зиянын келтіріп жатыр. Басында айтып кеткенімдей бұрынғы әпкелеріміз секілді ұзын киіп үлкенге құрмет, кішіге ізет көрсетіп жүргенге не жетсін? Міне қазақ қызының бейнесі осындай болуы тиіс.
Сырт келбет басқа орынға бұрылғаны мен қоймай, тәрбие де, мінез де өзгеріп бара жатыр. Өсіп келе жатқан жас ұрпақтың арасында сән қуалау деген қағида бар, бірақ бұл алдамшы нәрсе, жай ғана көз бояушылық. Егерде осылай жалғаса беретін болса, қазақ қызы қандай болатынын бәрі ұмытып қалмасына кім кепіл? Әрине, әр кім қалай жүретіні өз еркінде, бірақ XXI ғасыр деп, есіріп кетпеуі де керек. Бұған тәрбиенің де кішкене болсын қатысы бар. Қазіргі қыздар бұлай жүргендеріне ұялу дегенді де ұмытқан. Бұл дұрыс емес.
Қорыта айтқанда тәнді жалаңаштау, оны елге жария қылу, бұның барлығы да дұрыс емес. Олар өздерінің, сонымен қатар алдындағы апа-әпкелерінің аттарына кір келтірмеуі керек. Тізеден төмен киіп, жинақы болып жүргенге не жетсін!

Қазақ халқы қыз бала тәрбиесіне бұрындары ерекше мән берген, бірақ қазіргі заманда бұл бізде асқандап кетті. Сол кездегі тәрбие мен қазіргі кезді салыстыратын болсақ, тәрбиеге байланысты біраз жағдайлар өзгерген.
Баяғыда " қызға қырық үйден тыйым " деген бір асыл сөздер бар еді бірақ бұл, қазіргі қоғамда көптеген отбасылар да қолданыла бермейді. Былай айтуымның себебі қазіргі таңда әртүрлі тәрбиеге куә болып жүрміз. Әр отбасының берер тәрбиесі әртүрлі болады. Тәрбие отбасынан басталады дегендей, қыз баланың дұрыс болып өсуі, ата-анасының берер тәрбиесіне байланысты.
Қыз болашақ ана, ал ана болса сол елдің болашағын дүниеге әкелетін адам. Сонымен қатар оның тәрбиесі қандай болса, болашақ ұрпаққа да берері сол. Сондықтан, қыз баланың тәрбиесіне көңіл бөлу өте маңызды.
Қыздың тәрбиесі үлкендерді сыйлау, дөрекілік көрсетпеу, таза жүру, жинақы болып киіну, өзін дұрыс ұстай білуде емеспе?
Қазіргі дамып бара жатқан XXI ғасырдың ағымына ілесіп кетпей, әр бір нәзік жан, өзінің инабаттылығы мен ибалығын жоғалтпауы тиіс. Бүгінгі таңның қоғамына байланысты, бұл қасиеттерді бойында сақтап қалу қиынға соғады.
Қазақ халқы қыз баланы « жат жұрттық » деп айтады. Себебі, өсіп жетілген де ол басқа үйге, яғни жарының отбасына барады. Сол үйдің түтінінің түзу шығуы әйел адамға байланысты. Ол өзінің көргенін, білгенін сол кезде қолданады, осыған қарап қаншалықты тәрбиелегені көрінеді.
Қорытындылай келе — қыз баласы өсіп келе жатқан әр отбасы, қызға мейлінше жақсы жағынан тәрбие бере білу тиіс.

XVI Еуразиялық медиа форумының спикерлері құрамында белгілі саяси қайраткер, қазіргі АҚШ президенті әкімшілігінің ең беделді қызметкерлерінің бірі болған Стивен Бэннон және тағы басқалар бар.

Стивен Бэннон – АҚШ Президенті Дональд Трамптың аға кеңесшісі және стратегиялық мәселелер бойынша бұрынғы бас маманы.

Бэннон ұлттық қауіпсіздік мәселесін зерттеу бойынша магистр дәрежесін Джорджтаун университетінде және іскер әкімшілік магистр дәрежесін Гарвард университетінің Бизнес мектебінде алған. Ол әскери-теңіз күштерінің офицері, АҚШ-тың «Пол Фостер»әскери кемесінде Тынық мұхиты, Аравия теңізі, Парсы шығанағында әскери міндетін өтеген. Пентагонда әскери-теңіз операциялары бойынша қолбасшының арнайы көмекшісі қызметін атқарған.

2016 жылы Стивен К.Бэннон Дональд Трамптың президенттік кампаниясын басқарған. 2017 жылы Ақ үйде АҚШ Президенті Дональд Трамптың аға кеңесшісі және стратегиялық мәселелер бойынша бас маманы лауазымында болған.

Бэннон мырза – бірқатар мадақталған деректі фильмдердің режиссері, ақпараттық Breitbart News веб-сайтының атқарушы төрағасы. Банктік Goldman Sachs конгломератының бірігуі мен сіңіру бойынша маман ретінде жұмыс істеген.

Бэннон – белсенді азаматтық ұстанымы бар жан. «Азаматтар Америка Республикасы үшін!» қоғамдық қозғалысының негізін қалаушы. Бұл ұйым коммерциялық емес болып табылады. Сондай-ақ билікті асыра пайдалану мәселелерін бойынша іс жүргізетін Заң үстемдігі қоғамының төрағасы. Ол бүкіл әлемдегі қоғамдық саяси белсенділік пен танымал ұлттық идеяларды қолдайтын Еуропа, Оңтүстік Африка мен Азиядағы «The Movement» ұйымының негізін қалаушылардың бірі болған.

«Біз қалқан салудамыз» ұйымының консультативтік кеңесінің төрағасы болып табылады. Ұйым мақсаты – АҚШ оңтүстік шекарасындағы қабырға құрылысын қаржыландыру.

Еуразиялық Медиа форум аясында Бэннон 24 мамыр күні «Сенім дағдарысы. Күштердің жаһандық бөлінісі» панельдік сессиясына қатысады.

Сессияның басты міндеті – халықаралық қатынас жүйесінің жаңа тиімді және тұрақты моделін іздеу.

Стивен Бэннерден басқа сессиядағы спикерлер құрамында келесі тұлғалар болады:

Бенита Ферреро-Вальднер (Аустрия) – аустриялық мемлекеттік және саяси қайраткері, Еуропалық Одақтың сыртқы байланыстары мен Еуропалық көршілік саясаты жөніндегі комиссары (2004 -2009 жж.)


Джордж Гэллоуэй (Ұлы Британия) — саясаткер, кітап авторы, журналист


Джереми Кеттнер (Германия) – жаһандық тәуекелдер мен мемлекеттер бойынша талдаушы, мәдени дипломатия сарапшысы, жазушы және комментатор


Марк Сигел (АҚШ) — Президент көмекшісі Д. Картера орынбасары, Демократиялық партия Ұлттық комитетінің атқарушы директоры (1973-1977 жж.)


Михаил Гусман (Ресей) — журналист, ТАСС бас директорының 1-ші орынбасары


Стивен Коул (Ұлы Британия), CGTN бағдарламаларының авторы және жүргізушісі


XVI Еуразиялық Медиа форум 22-24 мамыр аралығында Алматы қаласындағы The Ritz-Carlton қонақ үйінде өтетінін естеріңзге сала кетейік. Форумның биылғы теглайны – «Бүгінгі әлем: шындық трансформациясы?».

Алдағы конференция барысында әлемдік және өңірлік деңгейдегі бірқатар өзекті мәселелерді талқылау жоспарлануда. Күн тәртібінде жаһансыздандыру процесінің, тұтынудың терең бойлап бара жатқан дағдарыс проблемалары, сондай-ақ халықаралық құқық мәселелері мен жасанды интеллект қолданудағы сын-қатерлер кеңінен талқыланады.

Форум шеңберінде медиа саласындағы кәсіби тақырыптар — сандық әлемдегі журналистиканың болашағы және блогосфера ықпалының өсуі көтеріледі.

Орталық Азияның жетекші тәуелсіз диалог платформасы ретінде Еуразия Медиа форумының (ЕАМФ) басты миссиясы — Қазақстанның, Еуразияның және бүкіл халықаралық қоғамдастықтың геосаяси, экономикалық, әлеуметтік-мәдени дамуының негізгі проблемалары бойынша саясаткерлердің, журналистер мен сарапшылардың еркін және ашық диалогына жағдай жасау.

Пластикалық отаны қазіргі кезде адамдар жиі қолданатын болды. Оған себеп, өзінің сырт келбетіне көңілінің толмауы немесе жасару мақсатында. Бұл Оңтүстік Кореяда жақсы дамыған және жиі қолданылады. Көбіне отаны мұрынға және қабаққа жасатады. Бұл операциялар ең оңайы, тіпті «негізгісі» десе болады. Кореяда осыған байланысты «Кіруге рұқсат етіңіз» деген реалити-шоу да бар. Қатысушылар операцияға дейінгі және кейінгі өмірлері жайлы сыр шертеді. Және көбі операцияға дейінгі өмірлеріне разы емес екендерін айтады. Әрине, пластикалық хирургия үлкен тәуекелділікті қажет етеді. Сәтсіз жасалған жағдайларда беттің жансыздануы немесе тіпті сал болып қалу қаупі бар. Бірақ көп қыз бұл тәуекелді сұлулық жолында құрбандық деп түсінеді. Бұл тек Кореяда емес, әлемнің түкпір-түкпірінде, соның ішінде Қазақстанда да бар. Бірақ Оңтүстік Кореяда пластикалық ота жасататын отандастарымыздың саны 15% асқан. Әрине, мен бұны дұрыс емес деп те айтпаймын. Эстрада жұлдыздары да пластикалық отаға жүгінеді, тіпті кейбіреулері оны жасырмайды, ал біреулері керісінше.
Барлығы әдемі болуға тырысады және де мінсіз келбет қазіргі таңда қыздар мен әйел адамдардың қағидасына айналғандай. Бұл адамдар өздерінің шынайы түрін жасырып кімді алдағысы келеді? Өзің бе? Әлде айналасындағы адамдарды ма?
Пластикалық отадан бөлек, қасқа «татуаж» жасау көбейіп кетті, бұны мен қоймай оның зияны да жақсы тиіп жатыр, яғни артық қыламын деп тыртық қылатын адамдар қазір көп. Яғни таза жерге бармауы, тәжірибесі жоқ адамдарға кезігуі, нәзік жандыларға зиянды жағынан әсер етіп жатыр.
Қорытындылай келе, пластикалық ота заман ағымына сай болса да, дұрыс тірлік емес. Егер де әр адам пластикалық ота жасата беретін болса, табиғи сұлулық қайда қалмақ?