Астана қаласы төтенше жағдайлар департаменті Жергілікті полиция қызметімен бірлесіп, су қоймаларында төтенше жағдайлардың алдын алуға бағытталған түсіндіру жұмыстарын жүргізуде. Рейдтер әр демалыс сайын тұрақты түрде ұйымдастырылады. Құтқарушылар жазғы шомылу маусымын қауіпсіздік техникасын түсіндіруден бастайды. Өткен демалыста 1,5 мыңға жуық қала тұрғыны қамтылды.

Жыл сайын шомылатын жерлерде қауіпсіздік пен құқықтық тәртіпті қамтамасыз етудің іс-шаралар жоспары әзірленеді. Елордалық құтқарушылардың мақсаты елорда тұрғындарын судағы қауіпсіздік шараларымен таныстыру, сонымен қатар, суға түсетін орындарда тәртіп ережелерін сақтауға шақыру болып табылады.

Шара барысында Қазақ ГЗУ аумағындағы көпірлер мен «Газмашаппаратура» бақша қоғамдастығының ауданы тәуекел аймаққа жататыны анықталды. Осыған байланысты тыйым салатын және ескертетін 30 жуық белгі қойылды.

Рейд кезінде құтқарушылар оқушыларға баса назар аударды.

astana.gov.kz/kk/modules/material/10962

Апта сайын жұмадан жексенбіге дейін елордада Астана қаласының, Ақмола және Қарағанды облыстары тауар өндірушілерінің қатысуымен ауыл шаруашылық жәрмеңкелері өтеді.

Осы аптада 36-шы жәрмеңке ұйымдастырылады. Осы күнге дейін 670 тоннаға жуық өнім сатылды, оның бағасы базардағыдан 10-15% арзан.

Жәрмеңке барысында бақылаушылар баға мониторингін жүргізеді. Бағалардың негізсіз көтерілуіне жол бермес үшін әрбір алаңда бақылаушы таразылар қойылады. Сатылатын тауарлардың, әсіресе ет өнімінің сапасына баса назар аударылады.

«Біздің тараптан өнімнің сапасын бақылау бойынша барлық қажетті шаралар қабылдануда. Күнде таңертең ет өнімдері арнайы тексеруден өткізіледі, қала тұрғындары мен қонақтарынан қауіпсіздік мақсатында ветеринарлық бақылаудан өткен етті ғана сатып алуларын сұраймыз», — дейді Астана қаласы әкімінің орынбасары Малика Бектұрова.

Оның айтуынша, қала әкімдігі тұрақты эпизоотикалық жағдайды сақтау үшін қажетті іс-шараларды қабылдап жатыр. Соның ішінде, қала маңындағы мал бақылауға алынды. «Рубеж» бекеттерінде тұрақты түрде рейдтер өткізіледі. Тұрғын үй алаптарын аралап, халық арасында мониторингтеу және түсіндіру жұмыстары, сырттан әкелінген жануарларды вакциналау жұмыстары қолға алынды. Сауда нысандары мен мал сою алаңдарында ет өнімдері ветеринарлық бақылауға алынып, зертханаларда міндетті түрде ветеринарлық-санитарлық сараптамадан өткізіледі. Күмәнді өнім анықталған жағдайда, оны алу және жою шаралары қабылданады.

Елордалық билік қала тұрғындарына ет сатып алу кезінде тиісті сәйкестік сертификатын немесе сынақ хаттамасын талап етуге кеңес береді.

astana.gov.kz/kk/modules/material/10955

Бүгін «Нұр Отан» партиясы Төрағасының Бірінші орынбасары Мұхтар Құл-Мұхаммедтің жетекшілігімен өткен партияның кезектен тыс конференциясында Астананың жаңа әкімі партия қалалық филиалының төрағасы болып сайланды.

Мұхтар Құл-Мұхаммед Әсет Исекешевті таныстыра отырып, елордамыздың Қазақстанның негізгі өндірістік орталықтарының бірі ретінде қалыптасқанын, дотациялық қаладан республикалық бюджеттің донор-аймағына айналғанын атап өтті.

Астананың жалпы аймақтық өнімі қазірдің өзінде төрт жарым миллион теңгеден асады. Шаһарда білім және медициналық кластерлер, локомотив жинау және вагон құрылысы кешендері, сондай-ақ, Орталық Азия мен Сібірдегі ірі жаңа көлік-логистикалық орталығы құрылды.

«Нұр Отан» партиясы Төрағасының Бірінші орынбасары Астана Қазақстан тәуелсіздігі мерейінің жарқын келбеті екенін, бүгінде қаланың алдында маңызды міндеттер тұрғанын тілге тиек етті.

«Мемлекет басшысы Астананы дамытудың басым бағыты ретінде инновациялық саланы көрсетіп берді. Ол жаңа экономикалық модельді құруға мүмкіндік береді және біздің басты стратегиялық мақсатымыз – Қазақстанның әлемнің ең дамыған 30 елінің қатарына қосылуын қамтамасыз етеді. ЭКСПО-2017 халықаралық көрмесі қарсаңында бұл мәселе ең өзектілердің бірі болып табылады. Сондықтан «Нұр Отан» партиясы Елбасы тапсырмаларының орындалу сапасын қатаң бақылаумен қамтамасыз етуі тиіс», – деді Мұхтар Құл-Мұхаммед.

Сонымен қатар, «Нұр Отан» партиясы Төрағасының Бірінші орынбасары жиынға қатысушыларға «100 нақты қадам» Ұлт Жоспары мен «Нұрлы жол» бағдарламасын жүз пайыз жүзеге асыру керектігін айтты. Бұл сала бойынша да партияға маңызды ревизиялық функция берілгенін атап өткен жөн.

Мұхтар Құл-Мұхаммед «Нұр Отан» партиясының Астана қалалық филиалы Әсет Исекешевтің төрағалығымен Президент тапсырмаларын тиімді орындайтынына сенім білдірді.

Конференцияға қатысушылар ұсынылған кандидатураны қолдады.

Астанада Елорданың туған күні қарсаңында «Атамекен» кешенінде 30 жұптың салтанатты неке қию рәсімі өтті.

– Үйлену тойын ерекше форматта өткізудің керемет мүмкіндігі. Жас жұбайлар паркте жиналып, осы алаңда некелерін қию туралы куәліктерді табыстадық. Қалыңдықтарға гүл шоқтарын тарту еттік. Ресми неке қию салтанаты осылай өтті, содан кейін «Думан» қонақ үй кешенінде сыйлықтар ұтысы, торт кесу, вальс және басқа да көп қызықтар болады, – дейді Астана қаласының кәсіпкерлік және өнеркәсіп басқармасы басшысының м.а. Рыскүл Қауғабаева.

Қос жүректің жанында күйеу жігіттер мен қалыңдықтар ант берді. Салтанатты шарадан кейін жастар ең биік тутұғырына көтерілді. Бәрі де суретке және бейнеге түсіріліді.

– Мерекеге жаңбыр да кедергі болған жоқ, – дейді жас жұбайлар Бауыржан мен Сымбат Сұрапбай. – Бұл тағдыр шығар, үйлену тойын осы күні өткіземіз деп ойламаған едік. Бәрі де керемет. Үш жыл бойы кездесіп, биыл үйленуге шешім қабылдадық.

Жастарды танымал тележүргізуші Айгүл Мукей және актер, музыкант, продюсер Әнуар Нұрпейісов құттықтады.

Ерлі-зайыпты атанған жастар аспанға шар ұшырды.

Елорда күнін мерекелеу аясында «Қазақ Елі» монументінің алдындағы алаңда «Арқайым – күннің қаласы» 3D интерактивті ойын-сауық қалашығы ашылды. Мұнда қазіргі заманғы технологиялардың көмегімен астаналықтар мен қала тұрғындары өткеніміздегі және болашақтағы атмосфераны сезінеді.


Қалашық төрт аймақтан тұрады. Бірінші сферада «Ұлы дала жетістіктері» мультимедиялық галереясы орналасқан, онда Тас тәуірінен 17-19 ғғ. дейінгі даму эволюциясы көрсетілген. Ата-бабаларымыз қолдан жасаған күнделікті тұрмыстағы заттар, зергерлік бұйымдар, әшекейлер ұсынылған.


Жүздеген жыл бұрын Шығыс Қазақстанда табылған алғашқы «Ақ бауыр» обсерваториясымен «Ашық ғарышқа саяхат. Астана» проекциялық театрында таныса аласыздар. Бұл сферада елорданың орталығынан ғарышқа сапар шегесіз, негізгі ірі планеталардың жанынан ұшып, олар туралы ақпарат алуыңызға болады. Саяхат «Жұлдыздар соғысы» стиліндегі би жарысымен аяқталады.


Фестивальдің ерекшеліктерінің бірі – Айша бибі мен Қарахан батырдың трагедиялық оқиғасы жайлы сыр шертетін голографиялық театр.

Төртінші аймақ — жаңаша әрленген этникалық музыка ұсынылатын «Welcome to Astana city!» концерттік ойын-сауық алаңы. Сонымен қатар, тақырыптық интерактивті аймақтар да жасалған. Аниматорлардың этно-футуристік костюмдері мен осы стильдегі әдеттен тыс кәдесыйлар қалашықта айырықша атмосфера қалыптастырады. Концерттік бағдарлама сағат 19.00 басталады.


— Бұл этно және жаңа технологиялардан – проекция мен голографиядан құрылған бірегей жоба. Қалашық екінші рет жасалып отыр. Былтыр голографияны жай технология ретінде көрсетсек, енді тұтастай театрландырылған қойылым ұсынбақпыз. Бұл үшін режиссерлер, хореографтар, музыканттар шақырылды. Өткен жылы мультимедиялық галерея арт-стильде болса, биыл тарихымызға арналады. Орта есеппен сфераларды орнатуға және оларды құрастыруға үш апта уақыт жұмсалды, ал жобаның өзі бір жылдан астам уақытта әзірленді, — деді жобаның үйлестірушісі Ринат Кутдусов.

3D-қалашық бүгін және шілденің 5-і мен 6-сы күндері сағат 11.00-21.00 аралығында жұмыс істейді, кіру тегін.

Астана күніне байланысты өтетін іс-шаралар кестесі

4 шілде

10:00 Қалалық саябағат фестивалі «Astana park land»
10:00 Неон және прекциялық технологияларды пайдалана отырып 3D ойын-сауық интерактивті қала «Аркаим — город Солнца»
11:00 «Astana Art fest»
11:00 Кітап және поэзия мерекесі
11:00 Халықаралық суретшілер бианелесi
11:00 Автокараван «Астана-шаттық»
11:00 Хореографикалық фестивалі «Биле Астана»
11:00 Балалар шығармашылық фестивалі «Шаттық»
11:00 «Тысячелетия вокруг Астаны» көшпелі өркениет фестивалінің ашылуы
14:00 «Мастерство кулинаров – любимому городу»" аспаздық фестивалі
15:00 «Тәуелсіздік жыры — Астана» Көшпелі өркениет фестивалі
16:00 Ертегі-шоуы «Снежный король 2»
16:00 Международный фестиваль циркового искусства «Эхо Азии»
17:00 Халық аспаптар оркестрінің IV халықаралық музықалық фестиваль «Серпер»
18:00 Сейдолла Бәйтерековтің шығармашылығына арналған ән кеші
19:00 Дәстүрлі түркі музыкасы фестивалі «Астана-Арқау»
19:00 Астанаға тарту
20:00 Rock Fest
20:00 «Астана Самалы» ұрмелі аспаптар фестивалі
20:00 Rock Fest
20:00 Ертегі-шоуы «Снежный король 2»
20:00 "Қайырлы кеш, Астана!"
21:00 BRODWAY мюзикл

5 шілде

10:00 Қалалық саябқтар фестиваль «Astana park land»
10:00 «Айналайн Астанам, асқақ әнім»
11:00 „Astana Art fest“фестивалінің ашылуы „Қымызмұрындық“
11:00 Халықаралық суретшілер бианелесi
11:00 „Астана Самалы“
11:00 Хореографиялық фестиваль „Биле Астана“
11:00 Автокараван «Астана-шаттык»
11:00 Балалар шығармашылық фестивалі „Шаттық“
11:00 „Астана аспаны“ жаландар фестивалі
11:00 «Тысячелетия вокруг Астаны» көшпелі оркениет фестивалінің ашылуы
12:00 Салтанатты неке қию рәсімі
13:00 «Мастерство кулинаров – любимому городу» аспаздық фестивалі
14:00 „Серпер“ халық оркестор аспаптары
16:00 Международный фестиваль циркового искусства „Эхо Азии“
16:00 Мұз шоу „Снежный король“
16:00 „Астана самалы“
16:00 Караоке бойынша екінші қалалық „Поют все“ чемпионаты
18:00 Әзіл-сықақ кеші «Көңілді Астана»
19:00 «Астана – Арқау»
19:00 Көше би фестивалі «International street dance session in Astana»
20:00 DJ Fest
20:00 „Қайырлы кеш, Астана!“
20:00 Ертегі-шоуы „Снежный король 2“
21:00 «Көңілді Астана»

6 шілде

10:00 Қалалық саябқтар фестиваль „Astana park land“
10:00 Неон және прекциялық технологияларды пайдалана отырып 3D ойын-сауық интерактивті қала „Аркаим — город Солнца“
10:00 „Сәлем, Астана!“
10:00 Халықаралық суретшілер фестивалінің жабылуы
11:00 „Astana Art fest“
11:00 Автокараван «Астана-шаттык»
11:00 Балалар шығармашылық фестивалі „Шаттық“
11:00 „Астана аспаны“ жалындар фестивалі
11:00 «Тысячелетия вокруг Астаны» көшпелі оркениет фестивалінің ашылуы
11:00 „Астана Самалы“
11:00 Этнофестиваль „Қымызмұрындық“
12:00 Хореографиялық фестиваль „Биле Астана“
13:00 «Мастерство кулинаров – любимому городу»» аспаздық фестивалі
14:00 Караоке бойынша екінші қалалық «Поют все» чемпионаты
15:00 Ақындар айтысы
16:00 Международный фестиваль циркового искусства «Эхо Азии»
16:00 Мұз шоу «Снежный король»
16:30 «Серпер» халық оркестор аспаптары
18:00 «Астана – Арқау»
19:00 Қазақстандық эстрада жұлдыздарының концерт "Ұлытау ұлы" (Музарт тобы, Төреғали Төреәлі, Тұрсынбек Қабатов)
19:00 Көше би фестивалі «International street dance session in Astana»
19:00 Мюзикл Broadway band
20:00 Ертегі-шоуы «Снежный король 2»
20:00 "Қайырлы кеш, Астана!"
21:00 Турецкий хоры қатысуымен өтетін Халықтық караоке
23:00 Мерекелік фейрверк

Толығырақ

Оқушылар сарайында IV «Аялаған Астана — 2016» республикалық конкурсы аяқталды. Оған Қазақстанның барлық өңірлерінен 7-мен 13 жас аралығындағы 11 талантты бала қатысты.

Биыл астаналық Сәдуақас Жанель телекөрермендердің ең көп дауысын жинап, Гран-при иеленді. Сонымен қатар, жеңімпаз «Артек» лагерінде өтетін «Балалар Жаңа толқыны — 2016» халықаралық конкурсына қатысуға жолдама алды. «Қазақстан» телеарнасының шығармашылықты қолдау бойынша «АҚ Балапан» сертификаты Маңғыстау облысының өкілі Аружан Сағынғалиеваға табысталды.

Конкурс «Қазақстан» телеарнасының тікелей эфирінде өтті, жас қатысушылардың өнерін жобаның бас продюсері Лина Арифулина бастаған халықаралық қазылар алқасы бағалады. Соның ішінде, белгілі қазақстандық әртістер Гүлнұр Оразымбетова, Серік Ибрагимов, Құрмаш Маханов және «Балалар Жаңа толқыны» конкурсының бас директоры Александр Румянцев те бар. Тыңдармандар қатысушыларға сәйкес номер бойынша СМС жіберу арқылы дауыс берді.

Конкурсты ұйымдастырушылар – Астана қаласының әкімдігі, «АРС» компаниясы(Ресей), «Қазақстан» РТРК және «Нұр Отан» партиясы.

astana.gov.kz/kk/modules/material/10903

.
Цирк өнері марафонына әлемнің 8 мемлекетінің үздік әртістері қатысады. Дүниежүзілік фестивальдардың жеңімпаздары мен жүлдегерлері, өз жанрларындағы нағыз шеберлер, цирк әулеттерінің өкілдері қала тұрғындары мен қонақтарын қуантпақ. Атап айтқанда, Белоруссия, Голландия, Қазақстан, Қырғызстан, Моңғолия, Ресей, Түркменстан және Эфиопия әртістері елордалық цирк күмбезінің астында өз өнерін ортаға салады. Олардың көбі Астанаға алғаш рет келеді.

Фестиваль көрермендері Африканың экозитикалық алыптарының шоуын тамашалайды – керік Багира және мүйізтұмсық Бони, сондай-ақ, үйретілген аюлар мен маймылдар манежге шығады.

Сонымен қатар келушілер назарына акробаттардың өзіне абурап алатын номерлерін, соның ішінде акробаттық жол, ауада тартылған жіп үстінде өнер көрсететін, моноцикл мінген эквилибристтер, арқанмен жүретіндер, сондай-ақ, эфиопиялық әртістердің орындауындағы икарийлік ойындар. Фестиваль бағдарламасына гимнастикалық жанрлар да енгізілді.
Фестиваль барысында ұйымдастырылатын жарқын оқиғалардың бірі — «Кавалькада» мерекелікшеруі — қатысушыларшілденің 1-і мен 4-і күні сағат 17.00-де үрмелі аспаптар оркестрінің сүйемелдеуімен қала көшелерімен жүріп өтеді. Цирк әртістері Қабанбай батыр даңғылының бойымен Достық көшесіне дейін барады, содан кейін Түркістан және Қонаев көшелерімен жүріп, шеру Қабанбай батыр даңғылында Астаналық цирктің жанында аяқталады.
Елорда тұрғындары мен қонақтары бір апта бойы шілденің 2-сі мен 7-сі аралығында үздік цирк ұжымдарының өнерін тамашалайды.

Фестиваль Астанада осымен тоғызыншы рет өткізіледі. Осы уақыттың ішінде «Азия жаңғырығы» цирк өнері әлеміндегі өзіндік брендке айналып, жоғары көркемдік, ұйымдастырушылық және техникалық деңгейде өтетін маңызды шара болып табылады. Астаналық цирк жыл сайын төрткүл дүниеге жаңа әртістердің талантты, түрлі жанрлардағы әртістердің– сайқымазақтар мен акробаттардың, жонглерлар мен эквилибристтердің, гимнасттардың, сиқыршылардың және аң үйретушілердің есімдерін жария етеді.

Айта кетейік, биылғы фестиваль Қазақстанның Тәуелсіздігінің 2 жылдығына арналады және әлемдік цирк өнерінің басты жетістіктерін кеңінен таратуға, үздік дәстүрлер мен бағыттарды сақтауға және ұлғайтуға бағытталған.

Astana Art Fest екінші қазіргі заманғы өнер фестивалінің ашылуына екі күн қалды. Бүгін көптен күткен шараны ұйымдастырушылар мен оған қатысушылар биылғы шараның тұжрымдамасы, инсталляциялар туралы айтып беріп, айырықша перфоманстарды таныстырды.

Аталған шара барысында 42 өнер қайраткері 50 астам туындысын көпшілік назарына ұсынады. Фестиваль аясында конкурстық және білім беру бағдарламалары, шеберлік дәрістер мен шығармашылық зертханалар ұйымдастырылады.

— Биылғы фестиваль бағытының негізгі идеясы – адам энергиясы. Ашық аспан астында өтетін көрмеде қазіргі заманғы өнер, сәулет, өнеркәсіптік дизайн және музыка саласындағы суретшілеріміздің туындылары қойылады. Шілденің 4-і мен 6-сы аралығында Елорда күнін мерекелеу аясында 8-ден кешкі 12-ге дейін кеш қонақтары Швейцария мен Германиядан келген диджейлердің музыкасын тыңдайды, — деді Astana Art Fest 2016 ұйымдастырушыларының бірі Әнуар Нұрпейісов.

Шараны өткізудің басты идеяларының бірі барша әлемде кеңінен таралып жатқан көше театрларын дамыту болып табылады. Биыл Astana Art Fest фестиваліне тек қазақстандық театрлар ғана қатысады.

Art фестивалі шілденің 4-і мен 6-сы аралығында Нұржол желегінде өтеді. Қазіргі заманғы өнер әлеміндегі шара үш күнге жалғасады. Сонымен қатар, маңызды мәселелерді тақылауға арналған Astana Art Forum пікірталас алаңы жасалмақ. Оған ғалымдар, дизайнерлер, суретшілер және т.б. қатысады. Фестиваль ҚР Ұлттық музейінде Art Fest Gala Night шарасымен аяқталады, онда Швейцария, Ұлыбритания және Қазақстанның әртістерінің, мәскеулік медиапоэзия зертханасының ерекше қойылымдарын тамашалауға болады.

Елорданың туған күнінде «Хан Шатыр» СОО жанындағы алаңда дәстүр бойынша нағыз ежелгі көшпелілер ауылы орын тебеді. Мерекелік шаралар тізбегіндегі көптен күтетін оқиғалардың бірі «Мыңжылдықтар тоғысындағы Астана» көшпелілер өркениеті фестивалі 3 шілде күні шымылдығын ашады. Аталмыш шара шілденің 6-сына дейін жалғасады.

Ұйымдастырушылар ата-бабаларымыздың өмірі мен тұрмыс-тіршілігі жайлы баяндап беретін қанық бағдарлама әзірледі. Қонақтар таңғы сағат 11-ден кешкі 22.30-ға дейінэтноауылдың көшпелі халқының мәдениетінің әралуандылығын тамашалай алады.

Қалашыққа келетін ең кішкентай қонақтар үшін кіреберісте киізден алаңқай жасалады, бұрын балалар нақ осындай алаңда ойнаған. Осы жерде жас білімқұмарлар мереке күндері киіз үй құруды үйренеді. Сонымен қатар, фестиваль қонақтары «Көшпелілер музейін» аралайды, қазақ ұлттық ойындарынан сайыстарға қатысады. Көшпелілер циркі, би ұжымдарының өнері, дәстүрлі «Ат жалында» атты каскадерлік шоу, «Саят» аушы құстар думаны және салт-жоралық, музыкалық фольклор фестиваль бағдарламасы көрермендерін одан сайын қызықтыра түспек. Ал «Костюмдер тарихы» бағдарламасында ұлы дала төсінде балалар киген киім-кешекпен, оның тарихымен танысуға болады.


Әдеттегідей, фестивальге Қазақстанның өңірлерінен ғана емес, сонымен қатар, таяу шетелдерден де халық қолөнерінің шеберлері келеді. Шеберлік дәрістер барысында қолөнершілер қарапайым жіптен ою-өрнекті кілем тоқу немесе металл кесегінен көздің жауын алатын әшекейлер жасау өнерін ортаға салады. Сондай-ақ олардың еңбектерін қолданбалы өнер заттары сатылатын жәрмеңкеден табуға болады.



Фестивальдің әр күні ерекше сазды концерттер ұйымдастырылады. Мысалы, шараның ашылуында сағат 16.00-де ұлт-азаттық көтерілістің 100 жылдығына арналған эпикалық әндерді тыңдауға болады. Ал кешкесағат 21.30-дан 22.30-ға дейін қонақтар Нұрлан Өнербаевтың концертін тамашалайды.

Келесі күні қазақ халқының ұлы ақыны Жамбыл Жабаевтың 170 жылдығына орайластырылған концерт өтеді. Мұнда ақынның қанатты шабытпен дүниеге келген шығармаларын тыңдауға болады.
Ал шараның соңында келушілер «Жүйелі сөз» дәстүрлі ақындар айтысын тамашалайды.

Мұнымен қоса, 5 шілдеде сағат 16.00-де қонақтар үшін атақты әнші, композитор Дәнеш Рақышевтың 90 жылдығына орайластырылған «Күміс көмей» дәріс концерт ұйымдастырылады. Содан кейін сағат 19.00 ақындар ақтық сында сөз жарыстырады, мерекелік жыр сайысының қорытындысы шығарылады.

Фестивальдің соңғы күні жыр төгліп, күй күмбірлейді. «Хассак» және «Сарыарқа» фольклорлық-этнографиялық ансамбльдердің концертінен кейін сағат 17.00 еліміздің Тәуелсіздігінің 25 жылдығына арналған эпос кеші өткізіледі. Аталмыш кең ауқымды шараның шымылдығы дәстүрлі «Астана-Арқау» түркі музыкасы фестивалімен жабылады.

Көшпелілер өркениеті фестивалі сағат 20.00 «Той тарқар» шарасымен салтанатты түрде жабылады.