Астана қалалық әкімі халықпен байланысты барынша үзбеуге тырысады. Қала әкімдігінің сайтындағы «Халықтық бақылау» және «Виртуалды қабылдау бөлмесі» айдарлары әкімдік пен халық арасындағы кері байланыстың тамаша мысалы. Бұл айдарларға да азаматтардан өтініштер көптеп түседі, Жыл басынан бері сайтқа 3,5 мыңнан астам адамнан өтініш келіп түскен, оның басым бөлігі ТКШ қызметі, аулаішілік аумақтарды абаттандыру, көлік қою ережелерін бұзу және жолаушылар тасымалдау мәселелеріне қатысты. Өтініштер арнайы тақырыптарға бөлініп, тиісті департаменттерге жолданып, жылдам әрі толық жауап беруін қадағалап тұрады.

Үстіміздегі жылдың қаңтар айынан бастап Бірыңғай байланыс орталығы «109» қызметіне 122 мыңнан астам өтініш жолданған, олардың айтарлықтай бөлігі тұрғын үй-тұрмыстық мәселелерге қатысты болған. Маусымның 6-күні Астана қаласының әкімі Әділбек Жақсыбеков елорда әкімдігінде өткен аппарат отырысында өтініштерді қарау мерзіміне және берілген жауаптардың сапасына баса назар аударды.



«Көтерілген мәселелердің барлығын мүміндігінше тез шешу керек. Тұрғындар өз мәселелерінің шешілетініне сенімді болуы керек. Егер объективті себептермен біз ол мәселені шеше алмайтын болсақ, онда тұрғынға жағдайды түсіндіріп, уақытылы жауап қайтару керек», — деді елорда әкімі.

Ә. Жақсыбеков көптеген өтініштерге мерзімінде жауап бермеген басқармалардың басшыларына ескерту жасады.

Оның айтуынша, мемлекеттік органдар жауапкершілікті бір-біріне жүктеп, туындаған мәселені шешуді созып жіберетін жағдайлар болады.

Ә. Жақсыбеков елорда тұрғынының Шұбар шағын ауданында жағалаудағы абаттандырудың бүлінуіне қатысты арызын мысал ретінде келтіріп, аталған проблеманы жақын арада жоюды тапсырды.

Аппарат отырысында осы сияқты мәселелерді сөзсіз шешу керек екендігі атап өтілді.

Материал Астана қаласы әкімдігінің ресми сайты astana.gov.kz деректері бойынша әзірленді.

«Жастар» сарайының алдындағы алаңда Сабантой халық мерекесі аталып өтті. Еңбек пен достық шарасына еліміздің түкпір-түкпірінен татар мен башқұрт ұлтының өкілдері жиналып, басты қонақтардың бірі Қазан қаласынан келген шығармашылық ұжымдар болды.



«Сабантой» — жер өңдеу мерекесі ғана емес, ол халықтың туған тілін, төл мәдениетін, қонақжайлылығы мен кішіпейілділігін сақтауға деген талпыныс, түрлі ұлт өкілдерінің басын қосатын ерекше мейрам.

Астана қаласының әкімі Ермек Аманшаев қала тұрғындарын аталған мерекемен құттықтап, этномәдени бірлестіктердің өкілдеріне ынтымақтылығы, елордада және елімізде бейбітшілік пен келісімді дамытуға елеулі үлес қосқаны үшін ризашылығын білдіріп, алғыс хаттар табыстады.



Мерекеге келгендер түрлі жарыстарға, ұлттық ойындарға қатысып, татар-башқұрт халықтарының ұлттық дәмдерінен ауыз тие алады. Арқан тартып, иінағашпен жүгіріп, қаппен секірді. Құмыралар жарып, армрестлингтен және гір көтеруден күш сынасты.



Балалар үшін арнайы «Әкият» ертегі алаңы жасалды. Сондай-ақ, палуандардың «Көрәш» ұлттық күресінен Қазақстанның абсолюттік чемпионаты астаналықтардың ерекше қызығушылығын оятты.



— Астанада өтетін мерекеге барлық облыстардың өкілдері, еліміздің бес өңірінен әртістер және Қазан қаласынан қонақтар келді. Бүгін би билеп, ән салып, ұлттық ойындарға қатысып, демалып жатырмыз, — деді «Таң» татар-башқұрт этномәдени бірлестігінің өкілі Рафик Валиев.



Материал Астана қаласы әкімдігінің ресми сайты astana.gov.kz деректері бойынша әзірленді.

УЕФА және Hyundai жанкүйерлер арасында сауалнама ұйымдастырып, әр команданың ұраны таңдалды. Бұл ұрандар команда автобустарына жазылды. Сіздерге қай команданың ұраны ұнады?

Австрия — «Тағы да, тағы да тағы да Австрия!» (Immer wieder, immer wieder, immer wieder Österreich)
Албания — «Албан болу қандай бақытты!» (O Sa Mirë Me Qenë Shqiptar!)
Англия — «Бір команда, бір арман» (One team, one dream)
Бельгия — «Бір команда — бір мақсат» (1 team — 1 ambitie)
Венгрия — «Риа Риа Венгрия!» (Ria Ria Hungária!)
Германия — «Біз істей аламыз!» (Wir meistern das!)
Ирландия — «Армандау. Сену. Жету» (Dream it. Believe it. Achieve it.)
Исландия — «Алға, Исландия» (Áfram Ísland)
Испания — «Бір түс, бір құштарлық. Біз — қызылмыз» (Un color, una pasión. Somos la Roja.)
Италия — «Алға, көгілдірлер!» (FORZA AZZURRI!)
Польша — «Бізді доп біріктіреді» (Łączy nas piłka)
Португалия — «Бір команда. Бір құштарлық. 11 миллион бір жүрек. Жасасын Португалия!» (uma equipa. uma paixão. 11 milhões no coração. força Portugal!)
Ресей— «Біріміз — бәріміз үшін, бәріміз — біріміз үшін!»
Румыния — «Румыния үшін шайқасатын бір команда, үш түс және миллиондаған жүрек!» (O echipă, trei culori şi milioane de inimi care bat pentru România!)
Северная Ирландия — «Арманға батылырақ!» (Dare to dream)
Словакия — «Бір халық, бір жүрек, бір арман!» (Jeden národ, jedno srdce, jeden sen!)
Түркия — «Біз бітті демей бітпейді» (Biz Bitti Demeden Bitmez)
Украина — «Арман жеңімпаздарды туады!» (Мрія народжує переможців!)
Уэльс — «Айдаһарлар қайта туады» (The dragons shall rise)
Франция — «Сіздің күшіңіз, біздің құштарлығымыз» (Votre force, notre passion)
Хорватия — «Жаңа алау, жаңа тарих, бұрынғы үміт» (Nova vatra, staro mjesto, ista nada.)
Чехия — «Бір команда = бір мақсат» (Jeden tým = Jeden cíl!)
Швеция — «Швеция үшін бірге» (Tillsammans för Sverige)
Швейцария — «Алға, Швейцария!» (Hop Suisse! Hopp Schwiiz! Forza Svizzera!)

«Қазақстан» Ұлттық арнасы мен «Kazsport» телеарнасы жарыс аясындағы барлық 51 матчты тікелей эфирде көрсетеді.

(Астана уақытымен)

10 маусым, жұма
00:40 Франция — Румыния («Қазақстан»)

11 маусым, сенбі
18:50 Албания — Швейцария (Kazsport)
21:50 Уэльс — Словакия («Қазақстан»)
00:50 Англия — Ресей («Қазақстан»)

12 маусым, жексенбі
18:50 Түркия — Хорватия (Kazsport)
21:50 Польша – Солтүстік Ирландия («Қазақстан»)
00:50 Германия — Украина («Қазақстан»)

13 маусым, дүйсенбі
18:50 Испания — Чехия (Kazsport)
21:50 Ирландия — Швеция («Қазақстан»)
00:50 Бельгия — Италия («Қазақстан»)

14 маусым, сейсенбі
21:50 Австрия — Венгрия («Қазақстан»)
00:50 Португалия — Исландия («Қазақстан»)

15 маусым, сәрсенбі
18:50 Ресей — Словакия (Kazsport)
21:50 Румыния — Швейцария («Қазақстан»)
00:50 Франция — Албания («Қазақстан»)

16 маусым, бейсенбі
18:50 Англия — Уэльс (Kazsport)
21:50 Украина — Солтүстік Ирландия («Қазақстан»)
00:50 Германия — Польша («Қазақстан»)

17 маусым, жұма
18:50 Италия — Швеция (Kazsport)
21:50 Чехия — Хорватия («Қазақстан»)
00:50 Испания — Түркия («Қазақстан»)

18 маусым, сенбі
18:50 Бельгия — Ирландия (Kazsport)
21:50 Исландия — Венгрия («Қазақстан»)
00:50 Португалия — Австрия («Қазақстан»)

19 маусым, жексенбі
00:50 Швейцария — Франция («Қазақстан»)
00:50 Румыния — Албания (Kazsport)

20 маусым, дүйсенбі
00:50 Ресей — Уэльс (Kazsport)
00:50 Словакия — Англия («Қазақстан»)

21 маусым, сейсенбі
21:50 Украина — Польша (Kazsport)
21:50 Солтүстік Ирландия — Германия («Қазақстан»)
00:50 Хорватия — Испания («Қазақстан»)
00:50 Чехия — Түркия (Kazsport)

22 маусым, сәрсенбі
21:50 Венгрия — Португалия («Қазақстан»)
21:50 Исландия — Австрия (Kazsport)
00:50 Италия — Ирландия (Kazsport)
00:50 Швеция — Бельгия («Қазақстан»)

25 маусым, сенбі
18:50 1/8 финал – 1-ші матч (Kazsport)
21:50 1/8 финал – 2-ші матч («Қазақстан»)
00:50 1/8 финал – 3-ші матч («Қазақстан»)

26 маусым, жексенбі
18:50 1/8 финал – 4-ші матч (Kazsport)
21:50 1/8 финал – 5-ші матч («Қазақстан»)
00:50 1/8 финал – 6-шы матч («Қазақстан»)

27 маусым, дүйсенбі
21:50 1/8 финал – 7-ші матч («Қазақстан»)
00:50 1/8 финал – 8-ші матч («Қазақстан»)

30 маусым, бейсенбі
00:50 1/4 финал – 1-ші матч («Қазақстан»)

1 шілде, жұма
00:50 1/4 финал – 2-ші матч («Қазақстан»)

2 шілде, сенбі
00:50 1/4 финал – 3-ші матч («Қазақстан»)

3 шілде, жексенбі
00:50 1/4 финал – 4-ші матч («Қазақстан»)

6 шілде, сәрсенбі
00:50 1/2 финал – 1-ші матч («Қазақстан»)

7 шілде, бейсенбі
00:50 1/2 финал – 2-ші матч («Қазақстан»)

10 шілде, жексенбі
00:50 Финал («Қазақстан»).

Ақпарат kaztrk.kz сайтынан алынды.

«Мерейлі отбасы» конкурсының қалалық кезеңінің жеңімпаздарының есімдері белгілі болды. Бейбітшілік және Келісім сарайында «Мерейлі отбасы» ұлттық конкурсының қалалық кезеңінің жеңімпаздарын марапаттау салтанаты өтті. Қобылбаевтар мен Салықовтар әулеті бірінші орынды өзара бөлісті.



Шараның ашылуында өткен жылғы байқау жеңімпаздары Жүгінісовтар отбасы музыкалық тарту жасады. Қазақстандық эстрада жұлдыздары Маржан Арапбаева, Дос, Ерболат Төлегенов («Әзіл әлемі») және т.б. астаналықтарға керемет көңіл күй сыйлады.

Елордалық үздік отбасыларды Астана қаласы әкімінің орынбасары Ермек Аманшаев марапаттап, қатысушыларға өз алғысын білдірді:
— Тұтастық, өмір ырғағы, осы жылдары қалыптасқан дәстүрлер елордамыздың қазіргі тыныс-тіршілігінің бейнесі. Баршаңызға табыс тілеймін, біз сіздерді мақтан етеміз!

Байқау жеңімпаздарының бірі әртістердің отбасы Салықовтар музыкалық сәлем жолдады.



11 бала тәрбиелеп отырған ерлі-зайыпты Қобылбаевтар келушілерді өз отбасыларының көп ұлттылығымен және біртұтастығымен тәнті етті.

— Жұбайымыз екеуіміз үйленгенде отбасымыз үлкен болады деп бірден келістік. Тағдырдың жазғанымен, 9 жыл бала сүйе алмадық. Тұңғышымыз дүниеге келген жылы Балалар үйінен төрт баланы асырап алдық, кейіннен тағы үшеуін алдық, қазіргі кезде біздің 11 баламыз бар, оның ішінде, орыс та, қазақ та, украин да, түрік те бар, — дейді отағасы Мұрат Қобылбаев.

Қобылбаевтар әулеті отбасылық би ансамблін құрған, соның арқасында балалар түрлі ұлттардың биін де, тілін де меңгереді. Балалардың бәрі де қазақ және орыс тілдерінде еркін сөйлейді.

«Мерейлі отбасы» ұлттық конкурсының қалалық кезеңінің жеңімпаздары енді республикалық байқауға дайындалады.

Материал Астана қаласы әкімдігінің ресми сайты astana.gov.kz деректері бойынша әзірленді.

Қалалық мәслихат депутаттары кезектен тыс сессия аясында 2016-2018 жылдарға арналған бюджетке өзгерістер енгізуді талқылап, әлеуметтік маңызды маршруттар тізімін, қалалық және қала маңы бағытындағы жолаушылар мен жүк тасымалдаудың тұрақты тарифтерін бекітті.

Астана қаласы әкімінің орынбасары Андрей Лукиннің хабарлауынша, мектептерге жапсарлас ғимараттар салу және балабақшаларды абаттандыру бойынша әлеуметтік жобаларды жүзеге асыру, жеке меншікті балабақшаларда мемлекеттік тапсырыстың құнын ұлғайту, медициналық жабдықтарды және жедел жәрдем көліктерін сатып алу, тұрақтар мен гүлбақтар құрылысы, инженерлік желілер салу және т.б. үшін қосымша бюджеттік қаржы бөлінетін болады.



Сонымен қатар, қалалық мәслихат депутаттары жолаушылар мен жүк тасымалдау тарифтерін бекітті, қазіргі кезде тасымалдау құны 90 теңге, экспресс бағдарларда – 150 теңгені құрайды.

Жер учаскесіне құқық беру жөніндегі комиссияның құрамын өзгерту туралы шешім бірауыздан қабылданды.

Сессия соңында өткен шақырылымдағы белсенді депутаттар марапатталды.

Материал Астана қаласы әкімдігінің ресми сайты astana.gov.kz деректері бойынша әзірленді.

Астанада «Гүлдене бер, менің Қазақстаным» атты гүлдер фестивалі ашылды. Үш күн бойы қала тұрғындары мен қонақтары базар аралап, «гүл» тағамдардан дәм татып, өз қолымен раушангүл немесе пион түріндегі сабын жасай алады, тіпті, өсімдіктер де отырғызады.


Келушілер назарына көп жылдық гүлдерден құралған ағылшындық стильдегі 167 бұталы өсімдік пен жасанды тоған ұсынылады. Арнайы базарда жергілікті және шетелдік өкілдерден гүлдердің, ағаштар мен бұталардың түр-түрін сатып алуға болады. Мерекеде ұсынылған 32 мың гүл түстерінен көз тұнады. Өсімдіктерден жасалған жасыл пішіндер шараға қосымша көрік береді.



– Бүгін елордада алғаш рет «Гүлдене бер, менің Қазақстаным» атты гүлдер фестивалі өткізіліп жатыр. Шараның мақсаты – бірінші кезекте гүл өсіру дәстүрін жандандыру, сондай-ақ, қала тұрғындарын аталған шараны жыл сайын өткізу үшін жаңа дәстүр қалыптастыруға, мәдени тұрғыдан дамуға тарту болып табылады, – дейді «Астана-Зеленстрой» Басқарма төрағасы Әділхан Әбілдинов.

Фестиваль барысында өткізілетін конкурстардың басым бөлігі балалар шығармашылығын дамытуға бағытталған. Олар гүлдердің хош иісі шығатын сабындар мен балауыздар жасап, сурет салу байқауына қатысты.

– Сурет салуды ұнатамын. Астанада гүлдер мерекесі өтіп жатыр, бәріміз де гүлбен байланысты суреттер, түрлі картиналар салып жатырмыз. Мен көкнәр гүлдерін салдым. осындай шараларды жақсы көремін, өйткені қалада жиі өткізіледі, — деді Адина Кариева.


Гүлдер фестивалі 4-5 маусымда сағат 10.00-13.00 аралығында өз қонақтарын күтеді. Мерекелік шара 5 маусым – Халықаралық қоршаған ортаны қорғау күніне орайластырылған.

Материал Астана қаласы әкімдігінің ресми сайты astana.gov.kz деректері бойынша әзірленді.

Бейсенбі күні, 2 маусымда Л.Н. Гумилев атындағы Еуразия ұлттық университетінде және С. Сейфуллин атындағы қазақ агротехникалық университетінде Ұлттық бірыңғай тестілеу өтті.

Елорда бойынша орташа балл 91,3 құрады. Ұлттық емтиханның бірінші күнінің қорытындысы бойынша екі түлек – қыздарға арналған Қазақ-түрік лицейінің және №15 мектеп-лицейінің оқушысы ең жоғары балл (124) жинаған.

Жалпы, 1058 оқушы тест тапсырды, соның ішінде 707-сі қазақ тілінде, 351-і орыс тілінде оқығандар. Тестілеу кезінде аудиториядан шығарылғандар немесе тест нәтижелерін жою жағдайлары тіркелген жоқ.



Бүгін тестілеу Қазақ гуманитарлық заң университетінде өтіп жатыр. Еске салайық, Ұлттық бірыңғай тестілеу 2-6 маусым аралығында өтеді.

Материал Астана қаласы әкімдігінің ресми сайты astana.gov.kz деректері бойынша әзірленді.

28 мамырда Әуезов және Желтоқсан көшелерінде біржақты көлік қозғалысы енгізілген болатын. Бірінші жол учаскесінің ұзындығы — 2,9 км және Республика даңғылынан Ә. Молдағұлова көшесіне дейінгі қашықтықты қамтиды. Екінші учаскенің ұзындығы – 2 км және Мәскеу көшесінен Кенесары көшесіне дейінгі қашықтықты қамтиды.

Ж.ргіншілерге түсіндіру және апатты жағдайларды болдырмау үшін әкімшілік полиция басқармасының және жергілікті полиция қызметінің өкілдері бір апта бойы көлік иелерімен біржақты қозғалыс ережелері бойынша түсіндіру жұмыстарын жүргізді.

Енді 6 маусымнан бастап жол полициясы біржақты қозғалыс енгізілген көшелерде жүргізушілерді жол жүру ережесін бұзғаны үшін әкімшілік жауапкершілікке тартатын болады. Айыппұл мөлшері 5 АЕК құрайды.



11 маусымда Абай даңғылында (Сарыарқа даңғылынан Пушкин көшесіне дейін), Кенесары көшесінде (Пушкин көшесінен Сарыарқа даңғылына дейін) және Янушкевич көшесінде (Абай даңғылынан Иманов көшесіне дейін) біржақты көлік қозғалысы енгізілмек.

Материал Астана қаласы әкімдігінің ресми сайты astana.gov.kz деректері бойынша әзірленді.

4 маусым еліміз үшін ерекше күн, 24 жыл бұрын тәуелсіздігімізді алғаннан кейін жарты жыл өткен соң егеменді Қазақстанның мемлекеттік рәміздері бекітілді. Қазақстанның мемлекеттік рәміздер күні – халықты бірлікке шақырып, патриоттық рухты оятатын мереке.

Мемлекеттік рәміздерді әзірлеу және бекіту барысында оның рәсімделуі мен мазмұнына баса назар аударылды. Бұл үрдіс Мемлекет басшысы Нұрсұлтан Назарбаевтың қатысуымен өтті.

Барша қазақстандықтарды атаулы мерекемен республикалық елтаңбаны жасаушы Жандарбек Мәлібеков құттықтайды. Автор ұлттық рәмізді әзірлеу барысы мен оның әрбір бөлшегінің халық үшін қаншалықты маңызды екендігіне тоқталды.

ҚР мемлекеттік елтаңбасының авторы Жандарбек Мәлібеков:

– Еліміздің қандай ерекшелігі бар деген кезде қазақ халқы өзінің бірінші реттен кеңпейлідлігімен, адамгершілігімен, өзінің тарихымен, мәдениетімен, қонақжайлылығымен, көп үрдісті, көп татулықты жақсы көретін халық. Соны білдіру үшін қазақ халқымен бірге мыңдаған жылдар бойы жасап келе жатқан біздің киіз үйіміздің тұлғасы анық. Қазақ халқының мәдениетін де, дәстүрін де, философиясын да, дүниетанымын да қалыптастырған киіз үй болғандықтан елтаңбамыздың негізгі арқауы ретінде киіз үй алынды. Қазақта шаңырағың биік, керегең кең болсын, босағаң берік болсын дейді. Үш ұғым мәселе шын мәнінде қазақ халқының ертеден келе жатқан керемет ұғым. Сондықтан бірінші киіз үй алынды, — дейді Ж. Мәлібеков.



ҚР мемлекеттік елтаңбасының авторы Жандарбек Мәлібеков:

– Мен қазақ халқының ертеден келе жатқан, 2,5 мың жыл бұрын болған біздің «Алтын адамымыздың» бейнесіндегі жан-жануарлар бейнесін алып, оған қанат бітіріп, оған күш беретін тұлпарлар, сақиналары бар заттар көрініс тапты, бұл ғұн дәуірінен келе жатқан ұғым. Осының бәрі біздің елтаңбамыздан тарих болып көрініп жатады.

Биылдан бастап елтаңбаны жасау ережелері заң жүзінде бекітілді. Елтаңбаның бейнесі қалады, бірақ оны жасау жолдары өзгереді.

Қазақстанда мемлекеттік рәміздердің маңыздылығын ескере отырып, оларды жасау және пайдалану бойынша бекітілген ережелердің сақталуына ерекше назар аударылады. Бұл сала «Мемлекеттік рәміздер туралы» Конституциялық заңмен реттеледі.

ҚР мемлекеттік елтаңбасының авторы Жандарбек Мәлібеков:

– Елтаңбаны оқитын болсақ, қазіргі заманның жастары, аталар аманаты, тәуелсіздік кезінде оны қалай дамытамыз деп ойлайды. Менің айтарым, Қазақстанда жаңадан этномәдени институттар қабылданды, мысалы, Қазақстан халқы Ассамблеясы. Біз Қазақстан, ұлт болып қалыптастық, сондықтан оның шаңырағы бір, керегесі кең, босағасы берік, тыныштық сүйетін, біртұтас ел болып қалыптастық. Бұл тарихи кезеңдер еш уақытта ұмытылмауы керек. Жастарға, елімізге нышандарымызды тұмар есебінде қадір-қасиет тұтып, қадіріне жетуіміз керек деп ойлаймын, — дейді Жандарбек Мәлібеков.

Мемлекеттік рәміздер күнін бекітудің негізгі идеясы қазақстандық патриотизмді және ұлттық бірлікті нығайту, тәуелсіз Қазақстанның құндылықтары мен жетістіктерін насихаттау болып табылады.

Материал Астана қаласы әкімдігінің ресми сайты astana.gov.kz деректері бойынша әзірленді.