Сейсенбі күні Астана әкімі Әсет Исекешев Қазақстан елордасында 2017/18 ж. жылу маусымының басталуы туралы қаулыға қол қойды, деп астаналық әкімдік медиаорталығы хабарлайды.

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы заңына, Астана қаласындағы мәслихаттың 2014 жылғы 27 маусымдағы шешімімен бекітілген Астана қаласындағы жылу маусымына дайындық және өткізу қағидаларына сәйкес Астана қаласының әкімдігі Астана қаласында 2017 жылдың 27 қыркүйегінен бастап 2017/18 ж. Жылу маусымының басталуын қаулы етті, — делінген астаналық әкімдіктің медиорталығында орналасқан қаулы мәтінінде.

Осыған орай, құжатта «Астана қаласының Энергетика басқармасы» мемлекеттік мекемесіне осы қаулыдан туындайтын қажетті шаралар қабылдау тапсырылғаны айтылады.

Қаулының орындалуын бақылау қала әкімінің орынбасары Қосман Айтмұхамбетовке жүктелді.

Еске салатын болсақ, жуырда мектепке дейінгі мекемелерге, мектептерге, денсаулық сақтау және мәдениет нысандарына жылу беру басталды.

Алдында қалалық энергетика басқармасында елорда мектептерінің, ауруханалары мен мәдениет нысандарының жылу маусымына 100%-дайындығы туралы мәлімденген. Көп қабатты үйлер де іс жүзінде жылу қабылдауға толығымен дайын.

Ерлан Қарин мен Джейкоб Зенн «Между ИГИЛ и Аль-каидой: Центральноазиатские боевики в Сирийской войне» атты кітабын оқып шықтым. Кімдерге оқуға кеңес берем: дінтанушылар мен теологтарға және сыртқы саясат пен ішкі тұрақтылықты бағдарлайтын азаматтарға.
Қандай қызықты фактілер көрсетілген: біріншіден, Орталық Азияға теріс ағымдардан қайдан келді, неге келді, қандай мақсатта; Сирия, Ирақ, Ауғанстандағы жағдайлардың толық суреттелуі, бүгін мен болашақта қауіпті жағдайларды бағдарлау мәселелері көтерілген.
Түйін: дін мәселесін қатты қыса беріп, бір «рамкаға» кіргізіп тастаса, Өзбекстан елі секілді мыңдаған экстремалды экстремисттер шығады. Тыныш, қысымсыз қоғамда теріс бағытқа кеткендер қайта оралмайды, қайта оралса оның зардабын болашақта қоғам көруі мүмкін.
Осы кітабымды аяқтауымның тариxи мәні бар, өйткені, Қарағанды облысынан жанұялармен Сирияға көшкендердің легін осы облыс бастап отыр. Осы мекенде діни сауатқа «аш» жанұялар уланып көшіп кеткен болатын. Болар іс болды, бояуы сіңді. Діни деградацияға ұшырайтындарды нөлге жеткізіп, руxани жаңғыру бағдарламасының басым бағыттарын іске асырып, болашақтың бағдарын бүгінгі күннен бастап жасау қажет.

Исламбек Дастанұлы.

#ЕрланҚарин #ДжейкобЗенн #руxанижаңғыру #жастардыңкөзімен #сирия #ирак #игил #талибан #алькаеда #досымсатпаев #кофе #түн #қарағанды #Ерлан #Карин #кітап #оқу #xобби #бос #уақыт #Тәуелсіздік #шаxтер #арда #қазақ #ниет #ақ #болса #жолын #дара

Бүгінде елорданың энергия көздері, инженерлік желілері мен тіршілік ету нысандары 2017/18 ж. жылу маусымына дайын.

Астана қ. Энергетика Басқармасының басшысы Бактыбек Жапаев жылу маусымына жылу электр станцияларының дайындығын атап өтті.

– ЖЭО-1 бүгінде жылуға 98,5%-ға, ЖЭО-2 – 87,3% дайын, сондай-ақ күрделі жөндеу де орындалды. Аудандық қазандықтардың дайындығына келетін болсақ, онда олар 100%-ға дайын. Көмір қорларына келетін болсақ, «Астана энергия» АҚ бүгінде 20 тәуліктік қоры бар. ЖЭО-1-да бұл 50 мың тонна көмір, ЖЭО-2 – 303мың тонна. Яғни алдағы жылу маусымына біз дайынбыз, — деді Жапаев.

Сонымен бірге, оның айтуынша, «Астана-Теплотранзит» АҚ да жылуға толығымен дайын.
– «Астана-Теплотранзит» бойынша күрделі жөндеу бағдарламасы бойынша 1356 метр жылу магистрлік желілер мен 1203 м тарату желілерінің күрделі жөндеу орындалды, 2572 шаршы метр мөлшерже құбыр бетінде жылумен оқшаулауды қалпына келтіру орындалды. АҚ жылу маусымына 100%-ға дайын, – деп атап өтті Астана қ. Энергетика басқармасының басшысы.

Жалпы, жоғарыда айтқанымыздай, қалада жылумен іске қосу толық күшпен жасалады. Қазіргі уақытта әлеуметтік мәдени тұрмыс нысандарына жылу беру жүзеге асырылады. Бүгінде денсаулық сақтау нысандары сақтау нысандары 94%-ға, балалар бақшасы 96%-ға, мектептер –98%-ға, оқу орындары –80%-ға, мәдениет нысандары –50%-ға қосылды. Тұрғын үйлерді әзірге қосқан жоқпыз. Жеке меншік үйлер 0,4% және өзгелері – 1,2% құрайды.

Еске салатын болсақ, осы қағидаларға сәйкес осы маусымда жылуға қосылу мерзімі 27 қыркүйекте басталады.

«Астана» – «Славия» командалары арасында футбол матчы жанкүйерлерін көлікпен қамтамасыз ету мақсатында 28 қыркүйекте «Астана Арена» стадионына дейін арнайы автобустар ұйымдастырылады.

Жүру орны:

·«Қазақстан» СК тұрағы;

·«Нұр Астана» мешіті тұрағы;

·«Жастар» сарайы» тұрағы;

·«Астаналық цирк» тұрағы.

Автобустардың жүру уақыты – сағ. 19:00.

Жеткізу орны – «Астана Арена» стадионы.

Арнайы автобустарда жүру ақысы — 90 теңге, жүру билеттері мен жеңілдігі бар билеттер жарамсыз.

Ойын аяқталған соң қалаға № 10, 12, 28, 40, 51,60, 303 қоғамдық көліктермен жетуге болады. Сағат 22.00-ден Қабанбай батыр даңғылы бойынша стадионның тұрағы мен «Астана Арена стадионы» аялдамасында жанкүйерлерді қалаға апаратын автобустар ұйымдастырылады.

«Аstana Taxi» бірыңғай қызметінің колл-орталығы ЭКСПО көрмесі өткен үш айда 80 599 тапсырысқа қызмет көрсетті, деді медиа орталықтың тілшісіне берген сұхбатында Астана қаласының тасымалдаушылар ассоциациясының атқарушы директоры Сәкен Хандхожин.

«Елордада барлығы 14 автопарк тіркелген. Оның сегізі Астана қаласының тасымалдаушылар ассоциациясына кіреді», — деді С.Хандхожин.

Айта кетейік, бірыңғай такси қызметі ЭКСПО көрмесіне дайындық барысында құрылған болатын. Аталмыш ресми такси қызметінің ерекшелігі Bus Lane белгіленген арнайы жолағымен жүре алады. Бұл автокөліктің жылдамдығына әсер етіп, жолаушылардың уақытын үнемдеуге мүмкіндік береді.

Astana Innovations Challenge ауқымды стартап-марафоны шеңберінде 23-24 қыркүйек күндері Астанада екінші хакатон өтті. Алуан түрлі кәсіби облыстардан жиналған 100 аса адам ерекше сипаты қалалық міндеттерді шешуге арналған әлеуметтік бағыттылық болып табылатын қызықты жобаларды құру үшін бастарын қосты.

Хакатон ұйымдастырушылары Астана қаласының Әкімдігі, «Астана Innovations» АҚ және MOST Бизнес-инкубатор. Әріптестер – Біріккен Ұлттар Ұйымының Даму бағдарламасы (UNDP Kazakhstan), BI Group және «Шеврон» компаниялары.

Қалалық технологиялық міндеттерді шешу мүмкіндігі үшін ашық мәліметтер негізінде сервистер мен мобильді қосымшаларды құру –осы және тағы басқа жобалар хакатонда әзірленді.

Екі күн бойы әділқазы мүшелері 16 команданың ішінен үздіктерін анықтады. Мәреге және жариялық қорғауға 10 команда жіберілді. Қызу пікірталастардан кейін 3 жоба марапатталды.

Жеңімпаз көрермендер көзайымы сыйлығын алған үздік жоба қатты-тұрмыстық қалдықтарды жеке жинауды ынталандыруға бағытталған Garbage Collector жобасы болды.Команда Дүниежүзілік бизнес-періштелердің және инвесторлардың форумына (WBAF) 2018 келу және The Take Invest Summit стартаптарының халықаралық конкурсқа қатысу, сондай-ақ BI Group базасында пилоттық жобаны енгізу мүмкіндігін алды.

Үздіктердің ішінде суды үнемдеу деңгейін арттыруға және тұтынушылардың берешектерін өтеуге бағытталған AISU жобасы болды. Команда БҰҰДБ –нан арнайы сыйлығын алды – Еуропадағы стартап-жобаларды дамыту және «Астана су арнасы» МҚК-нан техникалық қолдау бойынша іс-шараға бару.

Intell Feed жобасы да назарсыз қалмады. Ол әрбір пайдаланушы үшін дербестелетін жаңалықтарды іріктеуше бағытталған. Intell News командасы MOST Бизнес-инкубатоорынан 250 мың теңге көлемінде арнайы ақшалай сыйлық және IMAS –тан техникалық қолдау алды.

Сонымен бірге, барлық жобалар қала инфрақұрылымына жобаны енгізу кезінде Астана әкімдігінің қолдауын алды.

Жобалармен тікелей жұмыстан басқа, қатысушылар халықаралық сарапшылармен мастер-кластарға қатысу, менторлармен кездесу және араласу, сондай-ақ әріптестер мен жаңа достарын алу мүмкіндігін алды.

Ашық мәліметтердің басты міндеті (open data) – билік органдары қызметінің айқындылығын арттыру және қосымшалар мен сервистер құру үшін тәуелсіз әзірлеушілерге жаңа мүмкіндіктер, сондай-ақ жеке күштермен қаланы жақсарту мүмкіндігін беру.

Astana Innovations Challenge – бұл Астана қаласының инновациялық экожүйесін дамыту шеңберінде өткізілетін және қалалық билікті, ғылыми, бизнес және стартап-қауымдастықтарды белсенді тарту жолымен қалалық технологиялық міндеттерді шешуге бағытталған іс-шаралар сериясы.

Астананы инновация қаласы ретінде көруді іске асыру әкімдіктің үйлестірілген әрекеттерін және бизнесті және тұрғындарды белсенді тартуды талап етеді. Astana Innovations Challenge негізгі мақсаты – бұл қалалық технологиялық міндеттер үшін шешімдер іздеу арқылы қала өміріне талантты адамдарды тарту.

Бүгінгі таңда 7 233 пәтерлік 62 тұрғын үй тапсырылып, оның 155 мың шаршы метрі қайтарымсыз негізде апатты жағдайдағы үйлердің тұрғындарын көшіру мақсатында коммуналдық меншікке берілді, деп хабарлайды елорда әкімдігінің медиа орталығы.

Астана қаласындағы апатты тұрғын үйлерді бұзу жөніндегі пилоттық жоба «Нұрлы жер» тұрғын үй құрылысы бағдарламасы шеңберіндеәкімдіктің құрылымдық бөлімшелерімен бірлесе отырып, уәкілттік ұйым- «Елорда даму»ЖШС 2013 жылдан бастап іске асырылып келеді.

«Өзара іс-қимл тетігі бағдарламамен белгіленген және ол келесіде көрсетілгендей жүзеге асырылады. Әкімдікпен белгіленген жер участкелерінде «Елорда даму» ЖШС тұрғын үй кешендерін жобалауды және олардың құрылысын жүзеге асырады. Тұрғын және тұрғын емес орын-жайлардың бір бөлігі бұдан әрі апатты үйлердің меншік иелерінің арасында бөлу үшін коммуналдық меншікке тегін тапсырылады. Әкімдіктің сәйкес құрылымдық бөлімшелері апатты үйлерді бұзуды және олардан тұрғындарды көшілуді жүзеге асырады. Жылжымайтын мүліктің қалған бөлігі «Елорда даму» ЖШС бос нарықта сатылады, осы ретте алынған қаражат жаңа құрылысқа қайта инвестицияланады», — деді медиа орталықтың тілшісіне берген сұхбатында «Елорда даму» ЖШС бас директорының қаржы және коммерция жөніндегі орынбасары Төлепберген Қойшыбаев.

Пилоттық жобаның бірінші кезеңі 2017 жылдың соңына дейін есептелген. Осы кезең ішінде 228 аптты үйлі бұзуды және 3 519 тұрғын және тұрғын емес орын-жайлардың меншік иелерін көшіруді қаматамасыз ету қажет. Бұл мақсатта серіктестік 566 мың шаршы метр тұрғын үйді пайдалануға тапсыруды жоспарлап отыр.

«Бұл жоба сәтті түрде іске асырылып келеді және бүгінгі күні ауданы 544 мың шаршы метрнемесе 7 233 пәтер болатын 62 тұрғын үй пайдалануға енгзілді. Оның ішінен апатты үйлердің меншік иелерін көшіру үшін коммуналдық меншікке 155 мың шаршы метр тұрғын үй, яғни 3 074 пәтер тапсырылды», — деді Т. Қойшыбаев.

Бұдан бөлек, оның айтуынша бұзылатын апатты үйлерде орналасқан коммерциялық орын-жайлардың меншік иелеріне өтемақы ретінде 45 тұрғын емес орын-жай өтеусіз тапсырылды.

Сондай-ақ 2017 жылы «Елорда даму» ЖШС 126 мың шаршы метр тұрғын үйді немее 1 605 пәтерді пайдалануға беруді жоспарлап отыр. Оның ішінен 104 мың шаршы метр (1 265 пәтер)пайдалануға енгізілді. Бұған қоса оның ішінен жалпы ауданы 12,7 мың ш.м. болатын 257 пәтер коммуналдық меншікке өткізілді, ал қалғаны жылжымайтын мүлік нарықта сатылды.

«Бірінші кезеңді аяқтағаннан кейін «Елорда даму» ЖШС пилоттық жобаны бұдан әрі іске асыруды жалғастырады. Ол үшін тұрғын үйдің құрылысы бойынша әзірленген жобалар да бар», — деді медиа орталықтың тілшісіне берген сұхбатында «Елорда даму» ЖШС бас директорының қаржы және коммерция жөніндегі орынбасары.

23 қыркүйек, сенбі күні Астанада АҚШ елшілігінің қолдауымен «Күн әлемі» қоғамдық қорымен және QSI халықаралық мектебімен ұйымдастырылған «Күн кросы» қайырымдылық жарысы өтті.

2,5 км және 5 км жарысқа барлығы 150 астам адам қатысты. Бұдан басқа, арбасы бар жас аналар мен роликтері қатысушылар жылдамдыққа жарысты. 5 км қашықтықты өткен мүгедек арбасындағы марафоншы Аркадий Губаревты атап өтуге болады. 5 км қашықтықтағы жеңімпаздар Манат Амет, Мурат Аубакиров, Форд Джеремая, Умида Бурханова, Айнур Маликова және Виктория Эльмаз болды.

2,5 км қашықтықтағы жеңісті Кристина Исламова, Люси Мечова және Анна Хочет иеленді.Мектеп оқушылары арасында Дархан Исабаев, Грег Райтен, Лидия Таннер, Мередит Малш және Карэн Хазэлдар жеңіске жетті.

Сонымен бірге, ең жас спортшыларды жеке атап өтіп, марапаттау сыйлықтарымен марапаттады. Бұл 2,5 км қашықтықты өткен жеті жасар Хамза Талгабек пен Лайла Форд.

Барлық жиналған қаражаттар ересек жастағы Даун синдромы бар балаларға арналған «Шығармашылық шеберлік» Қорының жаңа жобасын іске асыруға кетеді.
«Күн кросын» «Астана СкиКлаб», Byro Glaz Events компаниясының аниматорлары, жүргізуші Денис Добров, Жан Сакс қолдағанын атап өтеміз, OMRON компаниясының Brainz –видеосы қатысушыларға қысымды тегін өлшеу мүмкіндігін берді.

«Күн әлемі» қоғамдық қоры 2015 жылы Даун синдромы бар балалардың ата-аналарымен осы патологиямен ауыратын балалар мен жасөспірімдердің құқықтарын қорғау, әлеуметтендіру және оңалту мақсатымен құрылғанын еске саламыз. Қор қызметі бағыттарының бірі әр маусымда тұрақты негізде өткізілетін «Күн кросы» қайырымдылық спорт іс-шарасы болып табылады. Түскен ақша «Күн әлемі» қорының жобаларын іске асыруға бағытталады.

«Ой-Зерек» радиобағдарламасының 2017 жылғы 23 қыркүйектегі шығарылымында 2-айналымның соңғы ойыны өтті. Қонаққа келген «Арулар» командасы (Әйгерім Кеулімжай, Бану Ергеш, Самал Алашбаева) ойынды 5:6 есебімен аяқтады.

1. Британ әншісі M.I.A.-ның (Матха́нги «Ма́йа» Арулпрагаса́м) алғашқы студиялық альбомы АЛЬФА деп аталады (латын қаріптерімен). Альбом атауы әншінің әкесі Arul Pragasam қолданған кодталған саяси лақап есімнен туған. Сондай-ақ, АЛЬФА деп аталатын шоу балет ұжымы, Бәйтерек тобының әні, Мұқағалидың өлеңі бар. АЛЬФАны атаңыз.
2. Антон Чехов өз әңгімелерінің бірінде қызыл, контузия алғандай, бұта арасынан шығып келе жатқан ОНЫ суреттейді. ОҒАН арналған Википедия парақшасында бірқатар африкалық және азиялық мемлекеттердің атаулары мен таңбалары жазылған. ОНЫ атаңыз.
3. Граф Григорий Александрұлының барлық тісі түсіп қалған кезде, ол жіңішке тілімдермен ет тіліп, ұнға малып, тұз, бұрыш салып, пияз қосып қуырып, кастрюльге салып, соус құйып, буға қоюды және 20 минут пісіруді өтінеді. Григорийдің фамилиясын атаңыз.
4. Бір әлеуметтік жарнама үндейді: «ИКС ішпе, ИКСпен жүрме, ИКС жаса». ИКСті атаңыз.
5. «Қалайышы, тігінші, сарбаз, тыңшы» (орысша нұсқасы «Тыңшы, шығып кет») фильміне берілген бір рецензияда былай деп жазады: «Тамаша түсірілген «Шерлоктан» кейін жұлдыз атанған Бенедикт Камбербэтч — мұнда бар болғаны үшінші ...". Үшінші не?
6. «Адам — құдайдың АЛЬФАсы» дейді Қадыр Мырза Әли. Ал Хабар арнасының сюжеттерінің бірі «Оқушы қыздың АЛЬФАсы Елбасының көңілін толқытты» деп аталады. АЛЬФаны атаңыз. (АЛЬФАмен дыбыс үндестігі сақталады)
7. Жансызда бір жансыз бар жалғыз аяқ, Басына қыстырғаны шиден таяқ.
Жалаңаш қойып тұтас өзге жерін, Беліне ораныпты аямай-ақ. Қазақ жұмбағын шешіңіз.
8. Таралған пікірге сүйенсек, америкалықтар оны сенімді болу үшін жасайды, орыстар қорыққасын жасайды, қазақтар абайлап, алдын-алу үшін жасайды. Ислам.ру-дың айтуынша, ғалымдардың өзі үшке жарылады: оның барлық түрі рұқсат, ешқандай түріне рұқсат жоқ, тек адамға қатыстысына рұқсат. Ол не?
9. Бұл адам Цезарь Борджиа кезінде белгілі бір уақыт әскери кеңесші қызмет атқарып, жауланған аймақтардың карталарын салады. Әскери бекіністер, су жолдары және жол желілері көрсетілген өңірдің тиянақты сызбаларының арқасында Ареццо қаласындағы көтерілісті басып тастаудың мүмкіндігі туды. Заманауи зерттеушілер бұл қаланың пейзажын ОСЫ ТУЫНДЫНЫҢ артқы көрінісінен көруге болады деп санайды. Қай туындының?
10. Захар Прилепиннің кейіпкерлері жәрмеңкені үздіксіз айналып өтіп жүреді. Және кейіпкерлердің бірі жылдам жүреді, ал екіншісі ақсақтап, әрең қозғалып келеді. Жазушы кейіпкерлерді ОЛАРға теңейді. Оларды бірнеше сөзбен немесе алфавитте қатар келетін әріптерден басталатын екі сөзбен атаңыз.
11. 23 қыркүйек күні. 1848 жылы 23 қыркүйек күні америкалық Джон Куртис (John Curtis) өз үйінде осы өнімнің алғашқысын өндірді. Оның фабрикасындағы төрт қазанның бірінде қоспа, қалғандарында жеңіл ароматизаторлар қосылған масса дайындалған. Алғашқы өнімдер «Ақ тау», «Қантты кілегей» и «Лулу қызылмиясы» деп аталған. Ал бұл өнімге алғашқы патентті 1869 жылы огайолық дантист алады. (Ал Қазақстанда осымен аттас елді мекен бар). Өнімді атаңыз.

Ойынның фейсбукте тікелей эфирі бар. Негізі, инстаграмда да ойын уақытында эфир болады.
Эфир аудиожазбасын ресми сайттан тыңдауға болады.

Алматы облысының тілдерді дамыту жөніндегі басқармасының тілдер күніне арналған салтанатты шарасы осы тақырыпта өткізілді. Жеті жұрттың тілін білмекке ұмтылған белсенділер бұл күні жырдан шашу шашып, тілге деген құрметтерін асқақтата түсті.
Оқушылар сарайында өткен биылғы шараның форматы да өзгеше. Салтанатты жиынның шымылдығын облыстық «Жетісу» газетінің жас журналистері жырмен ашты. Қоңыр үнімен киелі сахна төрінде көрермен жүрегін өлеңмен әлдилеген Құралбек Сәбитов, Айдар Қалиев, Мұхтар Күмісбек, Асыл Сұлтанғазы сынды жас ақындар көпшіліктің ыстық ықыласына бөленді. Ал «Анамның тілі, айбыным менің» деп ән салған сегіз жасар Рамазан Оспан тіл мерекесінің шырайын тіптен аша түсті.
***
«Тілге құрмет – елге құрмет». Мемлекеттік тілдің қолданылу аясын кеңейту мақсатында Алматы облысында ауқымды тірліктер атқарылуда. Мекемелер мен кәсіпорындарда, ұйымдарда мемлекеттік тілде іс жүргізуді жетілдіру, сонымен қатар мемлекеттік тілге деген қызығушылықты арттыру бойынша жүйелі жұмыстар қолға алынған. Бұл турлы салтанатты жиында Алматы облысының тілдерді дамыту жөніндегі басқармасының басшысы Айдар Башбаев мәлім етті.
Басқарма басшысы салтанатты жиынға ана тілімізді қадірлеп, қастерлейтін қоғам өкілдері жиналып отырғанын айтты.
Елбасымыз айтқандай «Енді ешкім өзгерте алмайтын бір ақиқат бар! Ана тіліміз Мәңгілік Елімізбен бірге Мәңгілік тіл болады. Оны даудың тақырыбы емес, ұлттың ұйытқысы ете білгеніміз жөн». Бір айта кететін мәселе – тілдер күні әлемнің ешбір мемлекетінде атап өтілмейді. Бұл – еліміз үшін тіл саясатының қаншалықты маңызды екенін айғақтайды», – деген Айдар Карбозұлы өз сөзінде еліміздің латын қарпіне көшу мәселесін де тілге тиек етті. Латын қарпіне көшуде ұлтымыздың ұтары көп екенін, жаңғырудың өзі жазудан басталатынын, бұл мәселеге ел болып қолдау білдіру қажет екенін баса айтты.
Салтанатты шара барысында басқарма басшысы тілімізді дамытуға өзіндік үлес қосып жүрген азаматтарға ҚР мәдениет және спорт министрлігі Тілдерді дамыту және қоғамдық-саяси жұмыс комитетінің Құрмет грамотасын, Алматы облысы әкімінің Құрмет грамотасы мен Алғыс хаттарын және Тіл басқармасының Құрмет грамоталарын табыс етті.
***
Мұнан кейін киелі сахна төріне қазақтың қара домбырасымен «Текті сөздің төресі» атты облыстық байқаудың жеңімпазы, қараша айында өтетін республикалық байқауға жолдама алған Нариман Әбдірахманов шығып, тілдер мерекесіне орай ақын Жұматай Әміреевтің сөзіне жазылған Асулар" атты арнауын орындады.
Көпшілікке терең ой салған тамаша арнаудан кейін сахна төріне ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша департамент басшысы Серікбай Нұрғисаев шығып, мерекеге орай жылы лебізін білдіріп, тіл мерейін асқақтатуда сүбелі үлес қосып келетін азаматтарды департаменттің Құрмет грамотасымен марапаттады.
***
Өзгеше форматта өткен салтанатты жиында облысымыздағы қазақ тілін меңгерген этнос өкілдері де өздерінің ақ жарма тілегін білдірді. Арнайы бейнежазбада айтылған ұлт өкілдерінің «қазақ тілі – өз тілім», «ұлтым орыс болса да, тілім – қазақ» деуінің өзі мемлекеттік тілді құрметтеуі деп білеміз.
«Тіл — татулық тірегі». Олай болса, көп ұлт пен ұлыстар мекендеген елімізде тіл қадірін жете түсініп, оның мерейі мен мәртебесін өсіру жолында бірлік таныту – өзекті.
***
«Кіл жүйріктен, кім жүйрік». Елбасы Н.Назарбаевтың «Болашаққа бағдар: рухани жаңғыру» атты мақаласы аясында қазақ поэзиясының көрнекті ақыны Тұманбай Молдағалиев жырларын ұрпаққа өнеге ету, мол мұрасы арқылы жастарды отансүйгіштікке тәрбиелеу, өлең құдіреті арқылы мемлекеттік тілдің мәртебесін көтеру мақсатында Алматы облысының тілдерді дамыту жөніндегі басқармасы және «Қазконтент» АҚ «Әдебиет порталы» интернет-жобасының ұйымдастыруымен «Жүрегі жырдан жаралған» атты жазба ақындардың республикалық онлайн-мүшәйрасын өткізген болатын.
«Мәңгілік елдің мәңгілік тілі» атты салтанатты шарада онлайн-мүшәйрасына қатысып, оза шапқан ақындар марапатталды.
Басқарманың арнайы жүлдесін «Жетісу» газетінің бас редакторы, Халықаралық «Алаш» әдеби сыйлығының иегері Әміре Әрін табыс етті.
Мүшәйраның бас жүлдесі Алтынғадыс Күнтуғанұлына ( 100 000 тг.) табысталса, бірінші орынды Оразай Жеңісұлы ( 80 000 тг) иеленді. Жүлделі екінші орын Мәрлен Ғилымханға (70 000 тг) бұйырды. Ал жетісулық жас ақын Мағрипа Сандуғаш үшінші орынға (60. 000тг) лайық деп табылды.
***
Кітап – ғажайып қазына, кітап – өмірсерік. Кітапты сүймеген, Құдайды да сүймейді (Ш. Мұртаза).
Алматы облысының тілдерді дамыту жөніндегі басқармасының ұйытқы болуымен «Жетісу – кітапқұмарлар өлкесі» атты «Букроссинг» облыстық жобасы қолға алынған болатын.
Қоғамдағы «уақыт жоқ» деген стереотипті бұзып-жарған жаңа бастама – «БУККРОССИНГ» – еркін кітап алмасу акциясының өткізіліп жатқанына екі айдың жүзі болды. Бүгінде көшпелі кітапхана халықтың кітапқа деген қызығушылығын оятуға айтарлықтай үлес қосуда.
Жылжымалы кітапхана сөрелеріне қойылған 700-ден астам кітаптың 100-ге жуығын оқырмандар үйдегі кітаптарын алып келіп, ауыстырып алса, 70-тен аса кітап «оқып, қайта алып келемін» деген оқырмандарға берілді. Мәселен, тек «Қаратал» жағалауы бойында орын тепкен көшпелі кітапханаға екі ай ішінде қала тұрғындары 200-ге жуық кітапты сыйға тартты.
Аталмыш жоба аясында белсенділік танытқан қала тұрғындарын тілдер мерекесі күні марапатталатынын осыған дейін әлеуметтік желіде құлағққағыс етіп, жазып келдік. Мерекелік шара барысында жоба аясында белсенділік танытқан қала тұрғындары арнайы үш номинация бойынша марапатталып, сый-сияпат табыс етілді.
«Ең үздік жас оқырман» номинациясымен Талдықорған қаласындағы Бақтыбай Жолбарысұлы атындағы №18 мектеп лицейінің 3 сынып оқушысы Жанна Қасен, «Ең үздік оқырман» номинациясы бойынша облыстық «Жетісу» газетінің журналисі Қозыбай Құрман, ал осы акция аясында ең көп кітап өткізген қала тұрғыны Гүлзада Сыдықова «Ең көп кітап өткізген оқырман» номинациясымен жүлделі болды.
Осы шара аясында өлеңін өмірбаянына, өмірбаянын өлеңіне айналдырған, әдебиет айдынында өзіндік қолтаңбалары қалыптасқан Жетісудың дарынды да, жалынды ақындары Сағыныш Намазшамова, Гүлбақыт Қасен, Жангелді Немеребаев, Торғын Тұрлыбаева, Азамат Нұрмұханов жүрекжарды жырларын оқып, көшпелі кітапханаға өз кітаптарын тарту етті.
«Мәңгілік елдің мәңгілік тілі» атты салтанатты шараны «Алтын қалам», «Алтын тобылғы» әдеби сыйлықтарының иегері, Қазақстан журналистер одағының мүшесі, жазушы Есболат Айдабосын және Алматы облысы тілдерді дамыту жөніндегі басқармасы тіл бөлімінің бас маманы Әсем Кенжеғұлова жүргізді.