Өтті блогкэмп осылай...

Әне-міне дегенше блогкэмп те өтіп кетті. Блогкэмп маған қатты ұнады. Астаналық блогшылардың біраз тер төккені көрініп тұрды. Осы орайда, Алдан, Админ, Талғат, Сәлімгерей, Айжантабын бастаған бір топ блогшыға рахмет айтқым келеді. Өкінішке орай блогкэмпте бәрімен танысып үлгермедім. Алайда, виртуалда танитындардың бәрін көре алдым. Енді әңгімені көп созбай блогкэмпті менің фотоапаратым қалай көрді екен, соған кезек берсек:

Препати
patick пен Erbol Азанбек
Әрі қарай

Көзбен көрген Blogcamp

Сонымен, бұл да өтті...

Жаңа жылдан кейінгі алғашқы басқосулардағы күпінген максимализм (Бурабайға бару жоспарын айтам), демеушінің жоқтығынан сағымыз сынғандағы сары уайым (Талғаттың табандылығына рыспектен басқа айтарым жоқ), құрылтайдың күні жақындаған кезде жұмыстың қарбаласы артып кеткендегі жанталас, Препатиге әуелі адам жинай алмай, сосын адам сыйғыза алмай қалғандағы сасқанымыз, виртуалда көргендерді реалда көргендегі ерекше сезімдер, Кофе-брейктің асай-мүсейлерін алып келе жатқанда Астананың жол полиция қызметкерлерінің туған күніме жасаған «сыйлығы» (Нұрғиса, енді сенің үйіңнің қасымен жүрмеймін), өзімнің туған күнімде отырып, көңілім афтепатиде болғаны, бәрі де өтті…
Кешеден бері барлығыңның жазбаларға қарап түйгенім, блогкемп бәрінің дерлік көңілінен шығарлықтай өтіпті. Дегенмен, көңілдегі түйткілдер де жоқ емес екен. Ол да болса, өскелеңдігіміздің, енжар еместігіміздің белгісі болар.
Бәрін айт та, бірін айт, Блогкемпте өзім көрген жайларды жазайын. Не ғо, менің жазбамнан Қазнеттің дамуына сүбелі үлес қосар ұсыныс, блогкемптің декларациясына жарайтындай қарар іздемеңдер, жай ғана прикол ғо.
Сонымен...
Әрі қарай

Алматылық блогерлерге ХАБАРЛАНДЫРУ!

BlogCamp: Алматылық блогерлерге ХАБАРЛАНДЫРУ!

Құрметті Алматы қаласынан Блог құрылтайға баратын халайық!

Ертең сағат 19,00-де Алматы-2 вокзалында билет алу үшін жиналамыз.

21-ші наурыз күні: шамамен поездтың жүру уақыты мен билет бағасы төмендегідей:

1) Алматы 2-Астана 9-шы поезд, жүру 21-і сағат 10,41, Астанаға келу 22-сі сағат 07,10. Бағасы 4539 теңге.
2) Алматы2-Астана 15-ші поезд, жүру 21-і сағат 14,30, Астанаға келу 22-сі сағат 11,33. Бағасы 4539 теңге.
3) Алматы2-Астана, 43-ші поезд, жүру 21-і сағат 18,39 ч, Астанаға келу 15,35. Бағасы 4539 теңге.
4) Сонымен қатар «Испанец» бар кешкі, ол 10 000 тг тұрады.

24-ші наурыз күні: Ал Астана қаласынан Алматыға қайтуға арналған билет құны шамамен:

1) Астана-Алматы2 4-ші поезд, Астанадан жүру сағат 13,30, Алматыға келу 25-і сағат 08,35. Бағасы 4964 теңге.
2) Астана-Алматы2 10-шы поезд, Астанадан жүру сағат 21,05, Алматыға келу 25-і сағат 17,04. Бағасы 4539 теңге.

Ертең поездбен барамын деушілердің барлығының толық жиналуын сұраймыз. Билетті ерте алмасақ уақыт жақындағанда қалмай қалуы мүмкін екендігін ескеріңіздер!

Пы.Сы.: Өздеріңізбен жеке куәлігіңізді алуды ұмытпаңыз.
Әрі қарай

Астанадағылар, жұма күні коньки тебуге барамыз!

Жаңартылған
«Бүркіттің ұсынысымен осы жұма күні коньки тебуге баратын болдық...»
Көпшіліктің шешімімен Ice-club`қа барамыз.

Орналасқан жері: «Еуразия-2» СО.
Қашан барамыз?
Күні: 20 қаңтар 2012
Уақыт: 18.30
Бағасы: Кіру: 1000 тг
Шығу: тегін
Коньки: 500тг./1сағ.
Залог: 1000 тг. (шығарда залогыңызды қайтарып береді)
Сосын сол Ice Club`тың өзінде шай ішуге болады.
(Катокқа баруды хоббиге айналдырғыңыз келсе, «Мега Спорттан» 6 490 тг-ге коньки сатып алуыңызға болады.)

Не үшін жиналамыз?
Жай, бір-бірімізді жақынырақ танып, уақытымызды жақсы өткізу үшін. Өткенде келмей/келе алмаған блогшыларды реалда көреміз. Ал БлогҚұрылтайды ұйымдастыру мәселелері жөнінде келесі аптада кездесеміз.
Өткендегі кездесуге келе алмағандарды осы кездесуде күтеміз.
Естігендер, естімегендерге айта жүріңіз!
Сурет мекені
Әрі қарай

Бізден бір қалған Блогкемп…



Бірнеше ай болды Блогкемптың логотипі секілді қызылды-жасылды өмір сүргенімізге. Екі күндік шара ептеп түсімізге кіріп, есімізден енді айырып бара жатыр еді, Құдай оңдап өтіп тынды. Еңбегіміз ел қатарлы сіңе қоймаса да, ертеңді-кеш тілеуін тілеп, тақымымызды қысып жүрген соң, құрылтайдың қисаймай, аман-есен өтуін шын көңілден тіледік. Тілегіміз орындалған секілді. Әйтеуір, мен сөйлескен жұрт ырза.

Әрі қарай

Barcamp Central Asia 2011 қатысасың ба?


Тіркелу басталды.

Біздің блог құрылтай сияқты. Бірақ ауқымдырақ шара.

Қатысқың келсе, сайттарын ашып, тіркелу керек.

пысы. Үйлестірушісі емеспін. Сұрақтарды сол жаққа қойған орынды болар. Егер қазақша презентация жасаймын дейтіндер көп болса, өз алдына бөлек секция жасауға болатынын ғана білемін.
Әрі қарай

Блогқұрылтай - 2012: Кім және неге қатысқысы келеді?

ЕСКЕРТУ: 20.01.2012 жазба толықтырылды

Сауалнама арқылы шамамен Блогқұрылтайға «Кімдер қатысады?» «Не үшін қатысқысы келеді?» деген сұрақтарға жауап алуға тырыстым. Бұл нәтижелер бірінші кезекте Блогқұрылтай форматын анықтауға жәрдемдеседі деп ойлаймын.

Бір апта көлеміндегі уақыт ішінде сауалнамаға жауап берген 90 адамға алғысымды білдіремін.

Әрі қарай

Егер де сіз Блог құрылтайға келе жатсаңыз...

Төмендегі мәліметтер пайдалы болар деп ойлаймын.

Қай жерде өтеді?
Блог құрылтай KIMEP-тің New Building деген ғимаратында өтеді. Сенбі күні сағат 9.30-да тіркеу әрі ең үздік блогтарға дауыс беріледі. Сондықтан сенбі күні таңертең сағат 9.30-да KIMEP-те болғаныңыз жөн.
Әрі қарай

Байқауға ұсынылған блогтармен таныс болыңыз!!!

Достар, блогкэмп таяп келеді. Онымен қоса қазақ блогтары арасында үздіктердің анықталатын күні де жақын.

Осыған орай, блогтар байқауының бірінші кезеңінің аяқталғанын хабарлағым келеді. Яғни, блогтар бәйгесіне қатысуға ниет білдірген блогшылардың тізімі анықталды. Енді байқау шарты бойынша бүгіннен бастап, сіздерге (блогкэмп қатысушыларына) олармен танысуға мүмкіндік жасалып отыр.

Барлықтарыңызды байқауға белсенді қатысуға шақырам. Белсенді болу дегеніміз… байқауда бар-жоғы сегіз ғана номинация. Әрбір номинация бойынша өздеріңіздің таңдауларыңызды анықтап қойсаңыздар. Блогкэмп болатын күні яғни, наурыздың 19-ы күні сіздерге кішігірім анкета ұсынылады. Сонда өз таңдауларыңызды белгілесеңіздер – алғысымыз шексіз!
Әрі қарай