М. Горький атындағы орыс драма театрының актерлері "Қызыл алма" және «Мәңгүрт» спектакльдерінен оқушылар мен студенттерге үзінділерін көрсетті, деп хабарлайды елорда әкімдігінің ресми сайты.

Шара Шыңғыс Айтматовтың 90 жылдығына арналды. «Айтматов адам жанының жасампазы» шығармашылық кездесуі Орталық балалар-жасөспірімдер кітапханасында болып өтті. Шара «Рухани жаңғыру» бағдарламасын іске асыру шеңберінде өткізілді.

Студенттермен кездесуге М. Горький атындағы орыс драма театрының бас режиссері, ҚР еңбегі сіңген қайраткері Бекболат Парманов келді.

«Жастардың өзімен тікелей жүздесіп, сөйлесу маңызды. Мұндай әңгімелесулер жас ұрпақ үшін жазушының жаңа қырларын аша түседі, Шыңғыс Айтматовтың қандай тұлға болғанын олар түсінуі керек», — деді режиссер.

Шараның мақсаты — Шыңғыс Айтматовтың шығармашылық мұрасын танымал ету, және де жас көрермендерді тәрбиелеуде ұлы жазушының сахналық шығармашыларын ең үздік заманауи үлгіде көру.

Әкімдіктің ведомствоаралық комиссиясы (ВАК) тұрғын үй құрылысына үлестік қатысу мәселесі бойынша «Елорда құрылыс компаниясы» ЖШС компаниясына несие қаржысы есебінен 28 объектінің құрылысын аяқтау үшін қаржыландыруды қарастыруды ұсынды, деп мәлімдеді брифинг барысында өкілетті ұйымның басшысы Уалихан Досаев. Бұл туралы  елорда әкімдігінің ресми сайты хабарлайды.  

Еске сала кетейік, «Елорда құрылыс компаниясы» ЖШС «Нұрлы жер» мембағдарламасының шеңберінде проблемалы нысандардың құрылысын жаңарту және аяқтау үшін құрылған болатын.

Осы мақсатта республикалық Ұлттық қордан қаржы бөлінді.

«Қазіргі таңда 3078 үлескерді тұрғын үймен қамтамасыз ету үшін 14,4 млрд теңге қаржыландыру үлесімен құрылысты бірлесіп аяқтау туралы келісімшарт жасалды. Бұл Астанадағы үлескерлердің үштен бір бөлігін құрайды», — деді У. Досаев.  

Бұл жерде «Шығыс» көппәтерлі кешені, 3Б туралы айтылып жатыр. Оның қаржыландыру үлесі 2,8 млрд теңге (пайдалануға берілудің жоспарлы мерзімі – маусым 2019 жыл); «Шығыс» КПК, 3А, қаржыландыру үлесі 3 млрд теңге (пайдалануға берілудің жоспарлы мерзімі – маусым 2019 жыл); «Жағалау 4» КПК, 4 полигон, қаржыландыру үлесі 2,1 млрд теңге (маусым 2019 года); «Жағалау – 3» ТК, А-Ж блогы (бөлінген қаржының көлемі – 864 млн теңге, пайдалануға берудің жоспарлы мерзімі – келесі жылдың наурызы); «Шығыс» КПК, 1А; 1В; 2А; 2В тобы; 4 топ 1 кезек (қаржыландыру үлесі 2,6 млрд теңге, пайдалануға берудің жоспарлы мерзімі – наурыз 2019 жыл (1А; 1В), 2019 жыл мамыр (2В), қыркүйек 2019 жыл (2А), қараша 2019 жыл (4 топ 1 кезек), сондай-ақ «Гарант» КПК, қаржыландыру үлесі – 2,8 млрд теңге (пайдалануға берілудің жоспарлы мерзімі – Құрылыс-монтаж жұмыстарына бектіліген келісімшарт күнінен бастап 17 ай — мамыр 2020 жыл).

Экономикалық тиімділігі жоқ проблемалы объектілердің құрылысын аяқтауға бағытталған қаржыны қайтаруды қамтамасыз ету мақсатында қосымша тұрғын үй құрылысына жер учаскесін бөлу жөнінде шешім шығарылды.

Сонымен қатар, «Азбука жилья»-ның 2682 үлескері бар «Комсомольский», «Жеті Жол», «Гарант», «Айсанам Де Люкс», «Комфорт», «Садовые Кварталы» сияқты проблемалы объектілердің перспективасы айтылды.

 «ОРДА Инжиниринг» ЖШС 2015 жылы әр тұрғын үй құрылыс кооперативі (ТҚК) және оның мүшелерімен құрылысты аяқтаудағы бірлескен жұмыс жасау  туралы келісімге қол қойған басқарушы компания болып белгіленгенмен, өзінің міндетін орындамаған», — деді Досаев.

9 шілдеде өткен үлескерлермен кездесудің қорытындысы бойынша «Нұрлы жер» мемлекеттік тұрғын үй құрылысының бағдарламасы шеңберінде тұрғын үй кешендері құрылысын аяқтау ұсынылды.  

«Елорда құрылыс компаниясы» ЖШС осылайша жобалық құжаттарды дайындау мен тапсыру, мемлекеттік сараптамадан өткізу және құрылысты аяқтау жөніндегі шешімдерді қабылдауға қажетті басқа операцияларды жүзеге асыру бойынша 30-дан аса жиын мен жоғарыда көрсетілген объектілердің ТҚК өкілдерінің, «ОРДА инжиниринг» ЖШС жұмысшыларының қатысуымен кездесулер өткізді.  

 «Елорда құрылыс компаниясы» ЖШС қатысуымен проблемалы «Азбука жилья» тұрғын үй кешенінің құрылысшысы ретінде «ОРДА Инжиниринг» ЖШС-не құрылыс құқығын берудің механизмі әзірленді. 2018 жылдың 5 қазанында «Гарант» ТК (1 кезек) құрылысын бірлесіп аяқтау туралы келісімшарт бекітілді.

«Елорда құрылыс компаниясы» ЖШС 8 қазанда құрылысты аяқтайтын мердігерлік жұмысқа байқау жариялады. 2018 жылдың 15 қарашасында " «Гарант» КПК, І кезектегі нысанның құрылысын аяқтау бойынша «Корпорация «Астана-Стройинвест» ЖШС мердігер жұмыстарды мемлекеттік сатып алу туралы келісімшартқа қол қойды. Ал «Жеті жол» ТК проблемалы нысанының жұмысын бірлесіп аяқтаудың жобасы мен қаржыландыру бекітілу кезеңінде тұр.

Қазіргі таңда «Орда инжиниринг» ЖШС құрылысы аяқталмаған объектілердің техникалық және бағасын анықтау бойынша жұмыстар жүргізіп, жобалау сметалық құжаттарын, жұмыс жобасының барлық тарауына сараптаманың оң қорытындысын, сондай-ақ, Комсомольский», «Айсанам Де Люкс», «Комфорт», «Садовые Кварталы» сияқты төрт нысандағы қалдық жұмыстардың көлеміне қатысты сметалық құжаттарды ұсынуы тиіс.  Көрсетілген растаушы құжаттардың негізінде өкілетті ұйым құрылысты аяқтауға қажетті қаржы көлемін анықтайды.

Мемсараптаманың оң қорытындысын алу бойынша жұмыстар шамамен 2019 жылдың 1 қаңтарына дейін. Содан соң проблемалы объектілердің құрылысын аяқтау механизмдері әзірленеді.

 Қазіргі кезде қаланың ІІД басқарушы компанияның («Орда инжиниринг» ЖШС) активтер бөлігін сатуының заңдылығын тексеру, активтерді ары қарай сату және түскен қаржыны «Азбука жилья» нысандарының құрылысын аяқтауға бағыттау мақсатында қалған активтерді тәуелсіз сараптамадан өткізу шараларын жүргізіп жатыр.

Полицейлер қабылданған шараларға қарамастан, зардап шеккендер санының азаймай тұрғанын айтады, деп хабарлайды елорда әкімдігінің ресми сайты.

Астананың полиция департаментінде белгілі болғандай, интернет қолданушыларын алдаудың ең танымал жолы — интернет саудамен айналысатындарға қатысты алаяқтық.

«Әдетте, ғаламдық желінің пайдаланушылары әртүрлі сайттар мен әлеуметтік желілерде тауарларға тапсырыс береді. Бірақ төлем жасағаннан кейін тауарларын ала алмай, алаяқтардың құрығына түседі.  

Сатып алушы тауарлардың өте төмен бағасын, сатылым кеңсесін, байланыс телефондарын назарға алып, әлеуметтік желілердегі белгілі бір топтардан сатып алушылардың пікірлерімен танысуы қажет. 

Сондықтан интернетте тапсырыс бермес бұрын, тауарларды мекен-жайға дейін жеткізіп беру қызметі мен сондай-ақ ақысын қолма-қол төлеу жүйесі бар қызметті таңдауы керек», — деп ескертті полицияда.

Тауарды сатып алу кезінде алаяқтықтың мынадай белгілері бар: сатушының телефон нөмірі мен мекен-жайының көрсетілмеуі, тауар бағасының төмендігі, сатушының аванс төлемін талап етуі, сонымен қатар, өз құжаттарының көшірмесін (жеке басын куәландыратын құжат) ұсынуы.

Ескеруге тиіс тағы бір белгі: тауарларға төлем Qiwi-әмияны арқылы қабылданады. 

«Astana taxi» компаниясы әдетте клиенттердің жеке заттарын қалдырып кететінін айтты, деп хабарлайды Астана қаласы әкімдігінің ресми сайты.

Компанияның такси жүргізушілері клиенттердің әдетте сөмке, әмиян, ұялы телефондарын жиі ұмытып кететінін айтты.

«Astana taxi»-дің ақпаратынша, өткен аптада клиенттер таксиде алты зат ұмытқан олар: жүк сөмкесі, сөмке, әмиян, ыдыс, қолғаптар және қораптағы аяқ киім. Ұмыт қалған заттардың барлығы иелеріне қайтарылған, ал аяқ киім иесі уақыт болғанда алып кететінін айтқан.

«Таксиде ұмыт қалған заттары туралы жолаушы бірнеше әдіспен хабарлай алады. 15800 нөмері арқылы колл-орталыққа хабарласуға болады немесе 8 (7172)577707 номері арқылы сапаны бақылау бөліміне хабарласа алады, әлеуметтік желілерде хабар қалдыру, + 7 700 555 76 07 нөмері арқылы Whats App-қа хабарлама жазу».

Егер клиенттің ұмыт қалдырған заты табылып жатса диспетчер зат иесіне хабарласып, заттың қай көлік жүргізушісінде екендігін айтады, ал сапаны қадағалау бөлімінің менеджері клиенттен затты қалай алу ыңғайлы болатынын анықтайды. Ұмыт қалған затты қайтып алудың екі түрі бар. Біріншісі, ұмыт қалған затты такси жүргізушісі офиске әкелуі, ол кезде клиент затын өзіне ыңғайлы уақытта офистен алып кетеді. Екінші түрі, клиент ұмыт қалдырған затын нақты бір мекенжайға әкеп беруін сұраған кезде.  

Байқоңыр ауданының табиғатты қорғау полициясы құрылған сәттен бастап (2018 жылдың 1 қазаны) қазіргі уақытқа дейін қалалар мен елді мекендердің аумақтарын абаттандыру ережелерін бұзғаны үшін инспекторлар 176 құқық бұзушыны әкімшілік жауапкершілікке тартты. Сонымен қатар, 1 310 725 теңге көлемінде айыппұл салу туралы қаулы шығарылды. Оның 751 562 теңгесі өтелген, деп хабарлайды Астана қаласы әкімдігінің ресми сайты.

«Бекітілген аумақтарды қарау кезінде табиғатты қорғау полиция қызметкерлері аудандық әкім аппаратының мамандарымен бірлесе отырып, құрылыс алаңдары мен учаскелердің қаланы абаттандыру ережелерінің талаптарына сәйкестігі тұрғысынан тексеру жұмыстарын үнемі жүргізеді. Іргелес аумақтардан қарды, мұздақтарды, қоқыстарды уақытылы жинамағаны және шығармағаны, құрылыс аумағынан тыс құрылыс материалдарын жинағаны, қоршаудың және нысанның құрылыс паспортының болмауы, үлкен жүк автокөлігінің дөңгелектерін жуу пункттерінің жоқтығы үшін 57 құрылыс компаниясы жауапкершілікке тартылды. Салынған айыппұлдың жалпы сомасы 986 050 теңгені құрайды», — деп мәлімдеді аудан әкімдігінің баспасөз қызметінде.

«Белгіленбеген жерде қар, қоқыс, бетон, балшық төккені үшін жыл басынан бері 43 жүргізуші жауапкершілікке тартылды.

Бұл бағыттағы жұмыс жалғасын тауып, Астана қаласы Полиция департаменті басшылығының тұрақты бақылауында болады», — делінген баспасөз хабарламасында.

Авторлар анимация арқылы жас көрерменнің Қазақстанның тарихына қызығушылығын арттыруды көздеп отыр, деп хабарлайды елорда әкімдігінің ресми сайты.

Астанада арнайы түзету мектептерінің оқушылары мен аз қамтылған отбасыларда тәрбиеленетін балалардың қатысуымен «Күлтегін» мультфильмінің қайырымдылық көрсетілімі өткізілді.

Акцияны «Аяла» қайырымдылық қорының көмегімен «Қазақфильм» киностудиясы ұйымдастырды. Көрсетілім басталғанға дейін туынды авторлары балаларға естелік сыйлықтар мен дәмді тағамдарды таратты.

«Біздің суретте ерлік пен батылдық, ата-бабаларымыздың ауызбіршілігі көрініс тапқан. Күлтегін – бүтін бір дәуірдің тарихи тұлғасы. Біздің басты мақсатымыз – сол уақыттың мәдениетін көрсету, анимация арқылы жас көрерменнің тарихымызға деген қызығушылығын арттыру», – дейді анимациялық режиссер Адай Әбілдинов.

Қазақстан Республикасы Мәдениет және спорт министрлігінің тапсырысы бойынша «Қазақфильм» киностудиясы дайындаған тарихи анимациялық мультфильмде көптеген көшпелі этникалық топтарды бір тудың астында біріктіріп, ұлы көшпелі империяның дәстүрлерін жалғастырған түркі қағанатының әйгілі қолбасшысы Күлтегіннің балалық шағы суреттеледі.

Анимациялық фильм 22 қарашада отандық прокатқа шыққан болатын. Қазақ тіліндегі фильмнің ұзақтығы – 60 минут.

Астаналық зиялы қауым Нұрсұлтан Назарбаевтың бағдарламалық мақаласын талқылады, деп хабарлайды елорда әкімдігінің ресми сайты.

Бейсенбі күні Ұлттық кітапханада Астана әкімі Бақыт Сұлтановтың төрағалығымен өткен Қазақстан Президенті Нұрсұлтан Назарбаевтың «Ұлы даланың жеті қыры» мақаласын талқылаған жиын отырысы болды. Жиынның жұмысына белгілі қоғам және саяси қайраткерлері, ғалымдар, шығармашылық зиялы қауымның өкілдері, жастар ұйымы мен белсенді азаматтар қатысты.

Өз сөзінде Астана әкімі Бақыт Сұлтанов республиканың елордасы ретінде Астана қаласының дамып қалыптасуына қосқан Мемлекет басшысының рөлін ерекше атап өтті.

«Астананы ауыстырғаннан кейін келесі жылдың өзінде ЮНЕСКО-ның «Бейбітшілік қаласы» премиясы берілген болатын. Ал бүгін өзінің 20 жылдығын тойлап жатқан Астананың әлемнің ең алдыңғы қатардағы қалаларының сапына кіретін негізі бар. Осы жылдарға дейін елорда өзінің негізгі әлеуметтік-экономикалық, мәдени және рухани дамудағы көрсеткіштерінде тұрақты өсіп келе жатқанын көрсетті. Өзінің 20 жылдығында Астана барша әлемге танымал және жаһандық масштабта маңызды диалог алаңы ретінде мойындалған әдемі және заманауи мегаполиске лайық бола білді», — деді Б. Сұлтанов.

Сондай-ақ Сұлтанов елорданың қазіргі заманауи тарихы ғана емес, көне дәуірлердегі тарихының барын да айта кетті.

«Мемлекет басшысы өзінің мақаласында заманауи ұрпақтың өзінің ұлттық тарихын барлық көп қыры мен көп өлшемді жағынан қабылдап, түсінуі маңызды екенін ашып айтты», — деді ол.

Қазақстанның бас қаласының әкімі елорданың жас мөлшері «айтарлықтай жас» болғанына қарамастан, Астананың Ұлы Жібек жолының жарқын жалғасы екенін, қалада «бұрынғы, қазіргі және болашақты байланыстырып тұрған тарихи территорияның» негізі қаланғанын, себебі дәл осы жерде орта ғасырда Бозоқтың орналасқанын» еске сала кетті.

«Қаланың басты белдеуінде тұрған Бозоқ елорданың киелі орындарының арасында ерекше орын алады, сол себепті біз оның тарихи маңызына мән беріп танымал етуге көп көңіл бөлудеміз», — деп жалғастырды Сұлтанов.

Оның айтуынша, әкімдік Мәдениет және спорт министрлігімен бірлесіп, тарихи-мәдени кешен құру бойынша жұмыстарды 2020 жылға дейін аяқтауды жоспарлап отыр. Осыдан кейін Бозоқ халықаралық деңгейдегі мәдени-туристік және ғылыми-зерттеу орталығына, ежелгі Еуразия даласындағы археология-этнографиялық жәдігерлерді зерттеуге арналған ғылыми-әдістемелік базаға да айналады.

«Сонымен қатар, біз Бозоқ қалашығының виртуалды шындықтың қосымша элементтері мен археологиялық қазбалар сериясынан 3D-үлгісін жасау бойынша жобаны іске асыруды бастадық. Жобада орта ғасырдағы орталық Қазақстан халқының мәдениетін ұсынылады.Бұл орта ғасыр кезеңіндегі тарихи жәдігерлермен жақын танысқысы келетіндерге зор мүмкіндік береді», — деді Сұлтанов.
Астана әкімі бұдан басқа бүгінде Астананың тәуелсіз Қазақстанның тек қана символы емес, Мемлекет басшысының «Мәңгілік Ел» идеясының түп негізі екенін де айтып өтті.

«Бүгіннің өзінде Мемлекет басшысының тарихи еркінің арқасында оны қазақстандық сәйкестіктің «Негізін қалаушысы» деп толығымен атауға болады. Соның арқасында біздің тәуелсіз еліміз бен заманауи тарихымыздың негізі жатыр. Әлемдік қауымдастықтың Астананы мойындауы, оның саяси даналығы мен тарихи миссиясының жарқын көрінісі», — деп түйіндеді Б. Сұлтанов.

Бүгін Ұлттық кітапханада Қазақстан Президенті Нұрсұлтан Назарбаевтың «Ұлы даланың жеті қыры» бағдарламалық мақаласы талқыланды, деп хабарлайды Астана қаласы әкімдігінің ресми сайты.

Астана әкімі Бақыт Сұлтановтың жетекшілігімен өткен отырыста Елбасының мақаласы туралы өз ойларымен көрнекті қоғам және саясат қайраткерлері, ғалымдар, шығармашылық зиялы қауым өкілдері, жастар ұйымдары мен азаматтық белсенділер бөлісті.

ҚР Парламент Сенатының депутаты Бақытжан Жұмағұловтың айтуынша, Президент мақаласы ел тарихын тануда өте үлкен маңызға ие.

«Бұл – іргелі еңбек. Оның әр сөйлемі – бүгінмен үйлесімді байланысатын өткенге егжей-тегжейлі талдау жасау. Мақалада бірқатар маңызды мәселелер көтерілген, олардың әрқайсысы тарихи фактілерге негізделеді. Олар біздің ата-бабаларымыздың өз заманында озық технологиялармен, мәдениетпен, жаңашылдықпен байланыста болғанын дәлелдейді. Мақалада этностар мен ұлттардың тарихи танымын тереңдетуге бағытталған нақты жобалар да аталып өтілген. Ол қазақстандықтар үшін ғана емес, бүкіл түркі әлемі үшін маңызды», — деді Б. Жұмағұлов.

«Нұр Отан» партиясының Астана қалалық филиалы төрағасының орынбасары Владислав Сергеев атап өткендей, Астана – тек жас елорда ғана емес, ол елдің экономикалық және рухани өсуінің тірегі. Оның сөзінше, Астанада ерекше фактілер өте көп, көбі оны білмейді, тарихты оқуға уақыт таппайды. Мысал ретінде, ол «Кенесары сарбаздары» жобасын келтірді.  

«Астана орталығында «Целинный» шағын ауданында мұсылмандардың ескі зираты бар, онда 1838 жылы Кенесары ханның 250 сарбазы жерленген. Оның сарбаздарының құрамында татарлар, орыстар, қырғыздар, поляктар болғаны қызықты дерек. Дәлірек айтқанда, ұлтаралық келісімнің рухы, еркіндікке жетудің бірлігі мен әділеттік біздің ұлы далада бұрыннан бар», — деді В. Сергеев.

Астанада 486 кондоминиум мен ПИК тіркелген, олардың жұмысы бойынша 1175 тексеріс жүргізілген. «Алматы» ауданында – 131, «Байқоңыр» ауданында -107, «Есіл» ауданында – 106, «Сарыарқа» ауданында – 142 ұйымның жұмысы тексерілді, деп хабарлайды Астана қаласы әкімдігінің ресми сайты.

Тексеріс қала тұрғындары мен мемлекеттік органдардан түскен өтініштерге сәйкес жүргізілген. Негізінен қала тұрғындарын жауын-шашыннан кейін үй шатырынан судың ағуы, инженерлік желілердің, үй жертөлелерінің қанағаттанарлықсыз жағдайы, жылу беру маусымына дайындық мерзімдерінің шегерілуі, тұрғын үй қорын ұстаудың кемшіліктері (қасбет, шатыр жабындысы, кіреберіс), залалсыздандыру жұмыстарының жүрмеуі, пәтер иелері алдында тоқсандық есептің берілмеуі, кондоминиумның әр сынасына арналған жинақ және ағымдағы шоттың болмауына қатысты мәселелер алаңдатады.

Тексеріс нәтижесі бойынша анықталған ескертулерді жою үшін қызмет көрсетуші ұйымдардың басшыларына 466 нұсқама берілді. Қазіргі таңда олардың 425 нұсқамасы орындалған. 13-і бойынша жұмыстар жүріп жатыр.  

Сондай-ақ, 28 нұсқаулық орындалмаған. 26 іс бойынша құжаттар сотқа жіберілді, екеуі бойынша құжаттар дайындалып жатыр. Астана қаласының қалалық орта сапасы және бақылау басқармасы қызметкерлерінің нұсқаулығын орындамағаны үшін «Сайран»ТК» КҚК, «Тұрмыс» ЖШС, ПИК және ТЕҮ «Адал», ПИК «Ақиқат», «Көктем»ТК» КҚК,  ПИК «Іскер Астана 2014», «Шапағат Нұры» ЖШС-не 11 іс бойынша соттың шешімі шыққан, оларға әкімшілік сипаттағы шара қолданылуда. Тексеріс нәтижесі бойынша қала тұрғындарының өмір сүру сапасының артқаны байқалады.  

Айта кету керек, қазіргі кезде тұрғындар тарапынан өздеріне қызмет көрсетуші мекемелерге түсетін арыз-шағымдар саны азаюда, оның басты себебі мемлекеттік органдар тарапынан әр түскен арыз-шағым бойынша тексеріс жұмыстары күшейген. Жұма сайын I-Комекке келіп түскен өтініштер бойынша жедел жұмыстар жүргізіледі. Осы жылдың сәуір айынан бастап орталыққа ПИК-дің жұмысына көңілі толмаған 500 өтініш түскен, осы өтініштердің барлығы бойынша жұмыстар жүргізілді. Барлық өтініштер бойынша басқарма мамандары түсіндіру жұмыстарын жүргізді», — деді әкімдікте өткен брифинг барысында Астана қаласының қалалық орта сапасы және бақылау басқармасының басшысы Төлеген Құлұшев.