Астаналықтар мен қала қонақтарын 6-12 қараша аралығында болатын өте қызықты мәдени бағдарламалар күтіп тұр, деп хабарлайды елорда әкімдігінің медиа орталығы.

М.Горький атындағы мемлекеттік академиялық орыс драма театрында бірнеше премьера өтеді. 9 қараша күні М.Ладоның «Өте қарапайым оқиға» атты мелодрамасына баруға болады. 10 қараша күні И.Вырыпаевтың «Валентиндер күні» ирониялық драмасы, 11 қарашада В.Илюховтың «Настеньканың шытырман оқиғалары» ертегісі мен Н.Гогольдің «Ревизор» пьесасы бойынша жасалған «Мұнда бәрі өзіміз» импровизациясы, 12 қараша күні Г.Андерсеннің «Дюймовочка» ертегісі мен К.Людвигтің «Примадонна» комедиясын тамашалай аласыздар.

Бейбітшілік және келісім сарайында қарашада тұрғындар мен қонақтар бірнеше оқиғаны қатар көре алады. 6 қарашада «Медея» спектаклі, 7 қарашада «Федра», 8 қараша күні «Актриса» спектаклі болып өтеді.

Жастар сарайында 6 қараша күні «Artrainbow» халықаралық балалар фестиваль-конкурсы болады, 9 қараша «Қазақстан раушандары» ІІІ халықаралық балалар хореография өнерінің фестиваль конкурсы өтеді.

«Астана Операда» 8 қараша күні Ғазиза Жұбанованың туғанына 90 жыл толуына орай концерт болады, 12 қарашада балаларға арналған «Жануарлар карнавалы» музыкалық-поэтикалық концерті өтеді.

«АЛЖИР» музейінде 6-12 қарашада «Белоруссия әйелдерін еске алу – АЛЖИР тұтқындары» көрмесі мен лекция өтеді, 10 қарашадан «Ары да, жаны да жараланғандар» слайдымен көрме ұйымдастырылады.

«Астана» концерт залында 7 қараша күні ХХ «Шабыт» Халықаралық шығармашыл жастар фестивалінің салтанатты жабылу кеші өтеді.

«Шабыт» халықаралық шығармашыл жастар фестиваліне қатысуға 515 өтінім берілді. Астана атынан байқауға 100 адам қатысады, деп хабарлайды елорда әкімдігінің медиа орталығы.

«Астанада қарашаның 3-і мен 7-сі аралығында XX «Шабыт» халықаралық шығармашылық жастар фестивалі өтеді. Фестиваль «Классикалық музыка», «Бейнелеу өнері», «Халық музыкасы», «Цирк өнері», «Үздік әдеби шығарма», «Актерлік шеберлік» аталымдары бойынша өткізіледі», — деді елордалық мәдениет, мұрағат және құжаттама басқармасы басшысының орынбасары Нарима Мұхамбеталина.

Оның айтуынша, фестивальге қатысуға 515 адам өтінім берген. Жастар байқауында бас қаладан 100 үміткер қатысады. Қазақстандық қатысушылармен қатар Өзбекстан, Ресей, Башқұртстан, Латвия, Армения сияқты мемлекеттерден келген үміткерлер де бақ сынайтын болады.

«Қазылар алқасының құрамына Қазақстан, Украина, Якутия, Армения, Сербия, Литва, Германия, Австрия, Мексика, Ресей, Македония, АҚШ, Иордания, Италияның танымал мәдениет және өнер қайраткерлері енді», — деді Мұхамбеталина.

Айта кетейік, «Шабыт» халықаралық шығармашыл жастар фестивалі биыл жиырмасыншы рет өткізіледі. Осыған дейін фестивальге өнердің түрлі жанрлары бойынша 10 мыңнан астам адам қатысқан. Әр жылдары қазақстандық сықақшы Тұрсынбек Қабатов, ақын Қалқаман Сарин, балет артисі Әйгерім Бекетаева, опера әншісі Айгүл Ниязова, «Меломен» тобы, Аша Матай, әнші әрі композитор Қайрат Баекенов және басқа да кеңінен танымал шығармашылық тұлғалар фестиваль Гран-приін иеленген болатын.

Ағымдағы жылдың қаңтар-қазан айларында 109 қызметіне 394 183 өтінім тіркелді, деп хабарлайды Астана әкімдігінің медиа орталығы.

Кезекші бөлімшеге түскен қоғыраулардың 350 мыңнан астамы ақпараттық-анықтамалық сипатта, ал 40 мыңы коммуналдық-тұрмыстық мәселелерге қатысты.

Тұрғындар тарапынан түскен шағымдардың басым бөлігі, нақты алғанда 3425-і ПИК тарапынан ауыз судың болмауымен байланысты. Одан соң көшелер мен аулаларды су басу, электр энергиясының болмауы, кәріздік құдықтар мен жеделсаты жұмысының тоқтауына қатысты.

Айта кетейік, елордалық «109 кезекші қызметі» 2001 жылы құрылып, тәулік бойы жұмыс істейді. Онда қала тіршілігін қамтамасыз ететін кәсіпорындардың жоспарлы-апаттық жұмыстарына мониторинг жүргізіліп, елорда тұрғындарына жедел әрі нақты ақпарат беріледі. Сонымен бірге аталған қызмет қала басшылығы төтенше оқиғаларға қатысты ақпараттандырып, тұрғындардан коммуналдық-тұрмыстық мәселелерді шешуге тапсырыс қабылдап, оларда шешуде қалалық құрылымдардың жұмысы үйлестіріледі.

109 қызметі тұрғындардан телефоннан бөлек, әлеуметтік желілер (Facebook www.facebook.com/astana109/, Instagramhttps://www.instagram.com/astana109/?hl=ru, Twitter twitter.com/astana109) және Smart Astana мобильді қосымшасы арқылы өтінім қабылдайды.​

Елордада ҚР Ұлттық Олимпиадалық комитеті мен Астана қаласының әкімідігінің ұйымдастыруымен ХХІІІ қысқы Олимпиада ойындарының басталуына 100 күн қалуын атап өтуге арналған шара өтті деп хабарлайды әкімдіктің медиа орталығы.

Пхенчхан (Оңтүстік Корея) қаласында өтетін Олимпиада ойындарының басталуына 100 күн қалуына орай «Алау» мұз сарайында танымал спортшылардың, спорт сүйер қауымның қатысуымен жаппай сырғанау өткен болатын.

Шара барысында жазғы спорт түрерінен олимпиадашы спортшылар қысқы Олимпиада ойындарына қатысудан үмітті Қазақстан құрама командасының мүшелеріне сәттілік тіледі. Тілекшілердің қатарында Елдос Сметов, Бақтияр Артаев, Данияр Елеусінов, Василий Левит, Гузель Манюрова, Арман Чилманов бар. Олар жанкүйерлермен бірге мұз айдынында конькимен сырғанады.

Мұз айдынында, сондай-ақ, конькимен жүгіру спортынан Қазақстан құрамасының мүшелері шеберлік сабағын өткізді.

«Олимпиада ойындары кез келген спортшының өміріндегі ең басты жарыс. Сондықтан әр спортшы сол ойындарға ерекше дайындалады. Қазіргі біздің басты мақсатымыз Оңтүстік Кореядағы Олимпиада ойындарына іріктеуден өтіп, жолдама алу болып табылады. Ал ойындарда жақсы нәтиже көрсету үшін бар күш-жігерімізді салатын боламы» — деді Қазақстан құрамасының белді мүшесі Денис Кузин.

Айта кетейік, Оңтүстік Кореядағы ХХІІІ қысқы Олимпиада ойындары 2018 жылдың 9-25 ақпаны аралығында өтпек.

Бүгінде заманауи мегаполистер қала тұрғындарының өмірін жеңілдету үшін және көшелерде кептелісті азайтуға барынша ұмтылып жатыр.Өз кезегінде Астана заманауи урбандалу жолында «ақылды бағдаршамдар» жүйесін енгізуде, деп хабарлайды елорда әкімдігінің медиа орталығы.

Бағдаршамның жаңа жүйесі таймерді ығыстырып, автоматты түрде көлік ағынының жылдамдығына қарай ыңғайланады. Бірыңғай жүйеге қосылған «ақылды бағдаршам» бір мезетте бірнеше көшелердегі жол ахуалын қадағалап отырады.

Бұдан басқа, «ақылды бағдаршамды» пайдалану адами фактрлардың да алдын алып, жол қозғалысының жоғары тиімділігін оңтайландыра түседі. Қазіргі таңда Астана көшелерінде осындай бағдаршамдардың арқасында өткізу мүмкіндігі 21% ұлғайды.

Бүгінде Қазақстанның астанасында 84 «ақылды бағдаршам» Сарыарқа, Тұран, Мәңгілік ел, Сарайшық, Сығанақ, Қонаев пен Достық даңғылдарында орнатылған.

Астана қаласы әкімдігінің «Astana Innovations Challenge» ауқымды стартап-марафоны аясында елордада 3-5 қараша аралығында Startup Weekend 2017финалы өтеді, деп хабарлайды Астана әкімдігінің медиа орталығы.

Стартап-марафон — қалалық технологиялық тапсырмаларды қалалықтар, ғылыми, бизнес- және стартап-қауымдастықты белсенді түрде тарту жолымен шешуге бағытталған. Іс-шара Forte bank-тің бас ғимаратында өтеді.

Соңғы болатын Startup Weekendте кез келген стартапер (бастамашы), әзірлеуші, жүзеге аспаған идеялардың генераторы өзіне қандай да бір іс тауып алып, айналысуына негізделген. Тақырыптар – блокчейн, ақылды келісім-шарттар, электронды денсаулық сақтау, технология және білім.

«Astana Innovations Challenge»-нің негізгі мақсаты – қалалық технологиялық мәселелерді шешуде іздеу арқылы қала өміріне талантты адамдарды тарту. Соңғы жарты жылда компания 5 іс-шара өткізіп, 1,2 мың өтініш алды.

Бұдан басқа, 150 команда жасақталып, оның ішінен 15 жүлдегер анықталды. 5 жобаға өз идеяларын жүзеге асыру үшін пилотты алаң ұсынылды.

Startup Weekendке қатысу тегін. Оған мына сайт арқылы тіркелуге болады: www.astanaic.kz

Астанада «Болашаққа бағдар: рухани жаңғыру» бағдарламасы аясында «Астана тарих толқынында» тақырыбында дөңгелек үстел өтті деп хабарлайды елорда әкімдігінің медиа орталығы.

Астана қаласы әкімдігінің Ішкі саясат басқармасының қолдауымен өткен шараның мақсаты Елбасының Қазақстан халқына арнаған жолдауының, «Болашаққа бағдар: рухани жаңғыру» бағдарламалық мақаласының негізгі қағидалары бойынша ақпараттық-түсіндіру жұмыстарын ұйымдастыру болып табылады.

Дөңгелек үстелдің басында жиналған тарих, педагогика ғылымдарының өкілдері Астананың елорда ретінде құрылуын еске алып, бас қаланың даму перспективаларын ортаға салды. Шара барысында «Астана – Қазақ елінің локомотиві», «Астана тұрғындары және бәскеге қабілеттілік», «Қазақстандағы астаналар тарихы: қысқаша шолу», «Астана –ұлт тәуелсіздігінің кепілі» тақырыбында баяндамалар жасалды.

Филология ғылымдарының кандидаты Жұмамұрат Шәмшінің айтуынша, бүгінгі таңда Қазақстанның бас қаласын танымайтын ел жоқ. Алдағы уақытта да Астананың көрінер биіктері де аз емес.

«Бүгін Астананы төрт күл дүние таниды. Бұрын, әрине, олай емес еді. 1996 жылы әлеумметтік әл-ауқаты төмен халық өзі жер жорғалап жүргенде, қоғамды астананың Алматыдан Ақмолаға көшірілуі жөніндегі шешімнің дұрыс-бұрыстығы толғандырған болатын. Әлбетте, тақыр жерден қала құру оңайлыққа соққан жоқ. Қала бюджетінің 70-80 пайызы тек құрылыс жұмыстарына жұмсалды. Астанамыз көптеген соқпақтардан, өткелдерден, белестерден өтті, әлі асар асуларымыз көп»- дейді ол.

«Астана бүгін Шанхай ынтымақтастық ұйымының, Әлемдік діндердің көшбасшылары бас қосатын орынға айналды. Әлемдегі геосаяси ахуалдың барлығы осы жерден басқаралатын іспетті. Әлемдегі форумдардың түр-түрі, әлемдік саяси ахуал Астанада талқыланады. Мәселен, кешегі күні Сириядағы жағдай да Астанада 7-ші мәрте талқыланды. Әлемді бірлікке, ынтымаққа шақырудағы, қазақтың төртеу түгел болса төбедегі келер деген қағидасына бағытталған көпвекторлы саясатындағы Астананың рөлі зор» — деп түйді сөзін Жұмамұрат Шәмші.

2017 жылдың 1 қарашасынан түнгі № 200, 201 экспресс бағдарлардың жұмысы жолаушылар легінің төмендігіне және сұраныстың аздығына байланысты тоқтатылады.

Аталған бағдарлардың көктем-жаз мезгілінде қайта жүруі тиісті саралаудан кейін қарастырылады.

«Astana» ӘКК» ҰК» АҚ «Астана қаласында көше саудасын жүргізуге арналған павильондарды орналастыру» жобасы аясында 22.05.2017 жылғы «Astana» ӘКК» ҰК» АҚ жер учаскілерін беру ережелеріне сәйкес жер учаскелерін жалға алу келісім-шарттарын алуға өтініштер қабылдауды бастады.

Өтініштер ағымдағы жылдың 1 қарашасынан 15 қараша аралығында www.smart.astana.kz:90 сайтында қабылданады.

Жер телімін алуға өтінішке келесі құжаттар қосымша тіркеледі:

1) жеке кәсіпкердің қызмет түрі көрсетілген тіркеу жөніндегі куәлігінің көшірмесі/заңды тұлғаның мемлекеттік тіркеуден өткендігі жөнінде анықтама;

2) жеке куәлік көшірмесі (жеке кәсіпкердің, директордың);

3) заңды тұлғаның жарғы көшірмесі;

4) өкілдің өкілеттігін растайтын құжат (қажет болған жағдайда);

5) өтінімді беру кезінде салықтық қарызы жоқтығы туралы анықтама;

6) потенциалды қатысушының жеке есеп айырысу шотынан бекітілген кепілдік жарнаны төлегенін растайтын банк белгісі қойылған төлем құжаты;

7) ЖК/ЖШС есеп шоты туралы банктен анықтама.

Өтінімдер тек кіші және орта кәсіпкерлік субъектілерінен қабылданады.

Кепілдік жарнаны аударуға арналған банк шотының деректемелері:

БСН:

101 040 011 375

ЖСК:

KZ56998BTB0000068239

Бенефициар банкі:

АО НК «СПК «Astana»

БСК:

TSESKZKA

БСК:

16

Банк:

Филиал АО «Цеснабанк» город Астана

Протокол:

-Потенциалды қатысушылардың аукционға болмаса комиссиялық іріктеуге рұқсат беру туралы, немесе олармен тікелей немесе желілік келісім жасау туралы;

— потенциалды қатысушыларға жер учаскелерін ұсыну әдісі туралы;

— Сайыстың немесе аукционның өту мерзімі, уақыты мен орны туралы

Протокол www.smart.astana.kz:90 веб-порталында өтініштер қабылдау мерзімі аяқталғаннан күннен кейінгі 3-5 күннен кешіктірілмей www.astana.gov.kz, www.astana-spk.kz интернет ресурстарында жария етіледі.

Сайыстың өткізілу тәртібі мен өтініштер беру туралы қосымша ақпарат алу үшін «Astana» ӘКК» ҰК» АҚ хабарласуға болады.

Астана қаласы, Есіл ауданы, Д.Қонаев көшесі, 8. каб.1413, телефон: 8(717) 261-35-54.

«Астана Innovations» АҚ инновациялық саясат арқылы проблемалық мәселелердің тізбесін қалыптастыру,іздеу және талдау арқылы,қалалық технологиялық міндеттерді шешуге және инновациялық жобаларды енгізуде, жүзеге асыруда, деп хабарлайды Астана қаласы әкімдігінің медиа орталығы.

Ағымдағы жылы қалалық басым технологиялық міндеттер қатарына экологиялық жағдайды жақсарту, қар тазалау, су үнемдеу, интернет-заттар, SmartGrid, Smartmetering, қатты тұрмыстық қалдықтар, көлік қатынасын, жол жабынын, кәріз жүйесін жақсарту кіріп отыр.

Қалалық технологиялық міндеттерді шешу құралдарының бірі түрлі стартап-іс-шаралар арқылы қалалық технологиялық шешімдер тізбесін негізге ала отырып іздестіру, шешу.

«Astana Innovations Challenge»-нің алғышқы ауқымды жобасы — бұл стартап-іс-шаралар және стартап уикендтер. Олар қалалық технологиялық міндеттерді қала әкімшілігі, ғылым, бизнес және стартап-қоғамдастықтар арқылы шешуге бағытталған. Сонымен қатар, осы жоба аясында стартап уникенттер мен хакатон тақырыптары қалалық технологиялық міндеттерді шешуге арналған.

Бүгінгі күні екі стартап уикенд және екі хакатон өтті. Төмендегі тақырыптар бойынша тағы екі стартап уикенд жүргізу керек қалалық ақпараттық жүйелер, туристік қызметтер, электрондық медицина және білім жүйесіндегі технологиялар.