Астанада 9-11 қараша аралығында «Қауіпсіз жол» жедел алдын-алу іс-шарасы өтуде. Ол жүргізушілер арасындағы көлік тәртібін сақтау, жол көлік оқиғасын төмендету, сондай-ақ жол ережесін бұзудың алдын-алуға бағытталған, деп хабарлайды елорда әкімдігінің медиа орталығы.

Акцияның алғашқы күні 800-ден астам жол ережесін бұзғандар анықталды.

«Полицейлер автокөлік жүргізушілерін алкогольді ішімдік ішкен күйде жүргізіп жол ережесін бұзуды, жол қиылысындағы ережені бұзу, рұқсат берілген жылдамдықты жоғарылату, басып озу ережелерін бұзу, қарсы жолға шығу, жаяу жүргіншілер жол қиылысынан өтіп кету, қауіпсіздік белдігін пайдаланбау, сондай-ақ автокөлік жүргізушісі телефонмен сөйлесу сияқты т.б жол ережелерін бұзғандарға аса назар аударады», — делінген Астана қалалық ІІД Жергілікті полиция қызметі таратқан хабарламада.

Сонымен қатар, көлік ұйымының өкілдерімен бірлесе отырып қоғамдық автокөлік жүргізушілері арасындағы ЖЖЕ анықтау күшейтілді. Жедел алдын-алу іс-шарасы барасында автожолдарда Астана қ. ІІД жол патрульіндегі аппарат қызметкерлерінің қадағалау жұмыстарының ауқымы күшейтілді.

«Білім инновация» лицейінің 11 сынып оқушылары 24-25 қазанда Бразилияда ғылыми жобалар және «Mostratek» технологиялары олимпиадасында алтын медальға ие болды деп хабарлайды елорда әкімдігінің медиа орталығы.

Рустем Балтабеков, Нұркен Ормантаев, Ернар Бексұлтанов, Мирас Бекетұлы халықаралық байқауда «Теңсіздіктерді бірқалыпты туындылардың түрі бойынша дәлелдеу»жобасымен Қазақ елінің намысын қорғаған болатын. Команда мүшесі Мирас Бекетұлының айтуынша, аталмыш жоба математикалық теңсіздіктерді шешудің жаңа әрі жылдам әдісін ашуға мүмкіндік бермек.

«Бразилиядағы олимпиадаға біз тоғыз ай бойы дайындалдық. Функцияларды тереңірек зерттеп, анализдерді жүргіздік. Мұғаліміміздің жетекшілігімен ашқан жаңалығымыз тиісті теңсіздіктерді тез шешіп, уақытты үнемдеуге көмектеседі. Қарсыластарымыз осал болмағанымен, қазылар алқасы біздің жобаны инновациялық талаптарға сай деп тапты», — деп атап өтті Мирас Бекетұлы.

Оқушылардың ұстазы, «Білім инновация» лицейінің математика пәнінің мұғалімі Муаммер Гуль шәкірттерінің алдағы уақытта осы тақырып аясындағы жобаны тереңірек зерттеп, оны мамыр айында өтетін Дүниежүзілік жобалар байқауына ұсынатын ниеті бар. Сол себепті олар дүниежүзілік додаға бүгін қызу дайындалып жатыр.

«Функциялармен байланысты математикалық тақырыпты тереңірек зерттеп жатырмыз. Қалалық, облыстық, республикалық деңгейдегі жарыстарға қатысамыз. Бұл тақырып аясында жетілдірілген жобамызбен Дүниежүзілік жобалар байқауында да бағымызды сынап көргіміз келеді», — дейді математика пәнінің мұғалімі Муаммер Гуль.

Айта кетейік, Бразилияда өткен ғылыми жобалар және «MOSTRATEK» технологиялары олимпиадасында әлемнің 35 елінен физика, математика, биология пәндері бойынша 472 жоба ұсынылған болатын. Оның 15 жобасын қазақстандық оқушылар қорғап, 3 алтын, 4 күміс, 3қола медальды қанжығаларына байлады.

Астана қаласы маслихатының бюджет, экономика және өнеркәсіп мәселелері жөніндегі комиссиясының отырысы барысында Экономика және бюджеттік жоспарлау басқармасының басшысы Ерғали Егемберді Сәулет және қала құрылысы, Кәсіпкерлік және өнеркәсіп, Инвестициялар және даму басқармаларының 2018 – 2020 жылдарға арналған бюджет жобаларымен таныстырды деп хабарлайды елорда әкімдігінің медиа орталығы.

Астана қаласы маслихатының бюджет, экономика және өнеркәсіп мәселелері жөніндегі комиссиясының отырысы барысында қаралған бюджет жобасында көрсетілгендей, 2018-2020 жылдары елорданың Сәулет және қала құрылысы басқармасына 2,6 млрд теңге бөлінеді деп жоспарлануда. Қала әкімдігінің экономика және бюджеттік жоспарлау басқармасының басшысы Ерғали Егембердінің мәліметінше, аталмыш қаражаттың 2,2 млрд теңгесі елді-мекендер құрылысының бас жоспарын әзірлеуге, 4,8 млн теңгесі мемлекеттік органдардың капиталды шығындарына жұмсалатын болады.

«Сәулет және қала құрылысы басқармасына бөлінетін қаржының 820 млн теңгесі 2018 жылға қарастырылған. Оның ішінде, алдымыздағы жылы қаланың 3 әкімшілік ауданындағы 129 сектор бойынша жете жоспарлардың жобасын кезең-кезеңімен әзірлеу жұмыстарына, жобалауды есепке алу және құрылыс нысандарының жете жоспарлауының Бас жобасын жобалауды мониторингілеу, кезекшілік жоспарды жүргізу және мәліметтерді беру жұмыстарына 674 млн теңге бөлінеді. Сондай-ақ, 2018 жылы мемлекеттік органдардың капиталды шығындарына Сәулет және қала құрылысы басқармасына 1,5 млн теңге бөлу көзделген», — деп атап өтті Ерғали Егемберді.

Ведомство басшысы, сондай-ақ, Кәсіпкерлік және өнеркәсіп басқармасының 2018 – 2020 жылдарға арналған бюджет жобасы жайлы да айтып берді. Оның айтуына қарағанда, аталмыш басқармаға алдағы үш жылда 12 млрд теңге бөлінеді деп күтілуде. Қаражаттың негізгі бөлігі «Бизнестің жол картасы – 2020» бағдарламасы аясында жеке кәсіпкерлікті қолдау, осы бағдарлама шеңберінде берілетін несиелер бойынша пайыздық мөлшерлемені субсидиялау, шағын және орта бизнес өкілдеріне берілетін несиелерді жартылай кепілдендіру шараларына жұмсалады.

«2018 — 2020 жылдарға арналған бюджет жобасына сәйкес, «Бизнестің жол картасы – 2020» бағдарламасы аясында жеке кәсіпкерлікті қолдауға — 384 млн теңге, осы бағдарлама шеңберінде берілетін несиелер бойынша пайыздық мөлшерлемені субсидиялауға – 11 млрд теңге, шағын және орта бизнес өкілдеріне берілетін несиелерді жартылай кепілдендіруге – 774 млн. теңге қарастырылуда.

Мәселен, 2018 жылдың өзінде-ақ шағын кәсіпкерлік субъектілерін мемлекеттік грантпен қамту үшін бюджеттен 128 млн. теңге бөлінбек. Өз ісін жаңа ғана бастап жатқан жас кәсіпкерлердің бизнес идеяларын жүзеге асыруы үшін оларға өтеусіз және қайтарымсыз негіздегі гранттар көптеп берілетін болады», — деп тоқталды Экономика және бюджеттік жоспарлау басқармасының басшысы.

Астана қаласының алдағы үш жылға арналған бюджет жобасында елорданың инновациялық тұрғыда дамуына және оның туристік әлеуетін арттыруға да қаражат қарастырылмай қойған жоқ. Аталмыш мақсаттарға 2018 – 2020 жылдары 10 млрд теңгеге жуық қаржы бөлінеді деп жоспарланып отыр. Ерғали Егембердінің айтуынша, бұл ретте басымдық іскери оқиғалы туризмді дамытуға, туристерді көптеп тарту ісіне, мемлекеттік және жеке меншік әріптестік жобалары негізіндегі мемлекеттік міндеттерді орындау шараларына берілмек.

«Елордаға туристерді тарту үшін Астана қаласының MICE-индустриясын дамытуға бағытталған бірқатар жобаларды жүзеге асыру жоспарлануда. Жобалардың аясында бас қалаға түрлі іскерлік шаралардың (конгресстер, форумдар, конференциялар, көрмелер және т.б.)ұйымдастырушылары тартылатын болады. Осылайша, жаяу жүргіншілерге арналған бірыңғай бағдарлау жүйесінің элементтеріне қызмет көрсету жұмыстарына, оларды сырттан келген қонақтар арасында тарату жұмыстарына туристік сайтты, «Welcome to Astana» инетернет-аккаунттарын және мобильді қосымшаны жүргізу ісіне шығындар қарастырылатын болады», — деп атап өтті Ерғали Егемберді.

Естеріңізге сала кетейік, Астана қаласын дамыту бағдарламасы бойынша жалпы өңірлік өнімнің өсу қарқыны 2018 жылғы 4,1%-дан 2020 жылғы 7%-ға дейін өсетін болады. Осылайша, 2020 жылы елорданың жалпы өңірлік өнімінің көлемі 7,5 трлн. теңгеге жететін болады.

Астана қаласы маслихатының бюджеттің әлеуметтік мәдени дамуы мәселелері жөніндегі комиссиясының отырысында Экономика және бюджеттік жоспарлау басқармасының басшысы Ерғали Егемберді Денсаулық сақтау, Жұмыспен қамту, еңбек және әлеуметтік қорғау басқармаларының 2018-2020 жылдарға арналған бюджет жобаларын ұсынды деп хабарлайды елорда әкімдігінің медиа орталығы.

Астана қаласы маслихатының бюджеттің әлеуметтік мәдени дамуы мәселелері жөніндегі комиссиясының отырысында белгілі болғандай, алдағы үш жылдық кезеңге денсаулық сақтау басқармасына 27,4 млрд теңге қарастырылған. Оның ішінде 2018 жылы бұл салаға 9,5 млрд теңге бөлінеді деп жоспарлануда.

«2018 жылы денсаулық сақтау саласына бөлінетін қаржының жалпы көлемі шамамен 28, 9 млрд теңгені құрамақ. Дәлірек айтқанда, сала қор есебінен де қаржыландырылатын болады. Бұл қаражаттың шамамен 19,5 млрд теңгесі дәрі-дәрмекке, скринингтік зерттеулерге, жедел жәрдеммен қамту қызметіне бағытталатын болады», — деп атап өтті Астана қаласы әкімдігінің экономика және бюджеттік жоспарлау басқармасының басшысы Ерғали Егемберді.

Оның айтуына қарағанда, ана мен баланы қорғау қызметтеріне алдағы үш жылға 1 млрд теңге, дәрі-дәрмекпен қамту шараларына 1,2 млрд теңге қарастырылып отыр. 2018 жылы аталмыш мақсаттарға 380 млн теңге бөлінеді деп күтілуде.

«2018 жылы бюджет қаражатының 320 млн теңгесі 100 орынға лайықталған мамандандырылған сәбилер үйі тәрбиеленушілерінің, жетім және ата-анасының қамқорлығынсыз қалған балалардың күтіміне бағытталатын болады. 2018-2020 жылдарға арналған бюджет жобасына сәйкес, вакцинаны сатып алу және сақтау шараларына 455 млн теңге бөлінеді. Мәселен, 2018 жылы А гепатитіне қарсы 19 мың, тұмауға қарсы 18 мың вакцина сатылып алынбақ. Бұл мақсаттағы шығындардың көлемі 141 млн теңгені құрайтын болады», — деді Экономика және бюджеттік жоспарлау басқармасының басшысы.

Ерғали Егемберді, сондай-ақ, алдағы үш жылға арналған Жұмыспен қамту, еңбек және әлеуметтік қорғау басқармасының да бюджет жоспарына тоқталып өтті. Оның келтірген мәліметтеріне сүйенсек, аталмыш басқармаға алдағы 3 жылдық кезеңге 30,7 млрд теңге қарастырылуда. Қаражат негізінен міндетті жәрдемақыларды, 18 жасқа толмаған балаларға жәрдемақыларды төлеуге, мүгедектер мен балаларды санаторлы курорттық еммен қамтуға, «Инватакси» қызметін дамытуға, қоғамдық көліктермен жеңілдік бойынша жүруге, Отан соғысы ардагерлері мен оларға теңестірілген азаматтарға мерекелік датаға орай бірыңғай материалдық көмекпен қамтуға жұмсалмақ.

Ең үздік брендбук авторы 8 мнл теңге жүлде алады, деп хабарлайды Астана қаласы әкімдігінің медиа орталығы.

Назарларыңызға осы жылдың 10 қазанынан бастап «Тұрғын үй құрылысына үлестік қатысу туралы» Қазақстан Республикасының жаңа Заңы (ары қарай — Заң) қолданысқа енгенін хабарлаймыз.

Тұрғын үй құрылысына үлестік қатысу келесі тәсілдер бойынша жүзеге асырылады:

— Кепілдік беру қорынан кепілдік алу;

— екінші деңгейдегі банктің жобаға қатысуы;

— тұрғын үйдің (тұрғын ғимараттың) қаңқасы тұрғызылғаннан кейін үлескерлердің ақшасын тарту тәсілдерінің бірі арқылы ұйымдастырылады.

Бірінші тәсіл бойынша шешімді «Тұрғын үй құрылысын кепілдендіру қоры» АҚ қабылдайды.

Екінші және үшінші тәсіл бойынша шешімді сәулет және қала құрылысы басқармасы жергілікті өкілетті атқарушы органы береді.

Тұрғын үй құрылысына үлестік қатысуды ұйымдастыру тәсілдері

Жоғарыда Заңда көрсетілгендей 9 және 10-бапта тұрғын үй құрылысына үлестік қатысуды ұйымдастыру тәсілдері:

— Екінші деңгейдегі банктің жобаға қатысуы арқылы,

— Тұрғын үйдің (тұрғын ғимараттың) қаңқасы тұрғызылғаннан кейін үлескерлердің ақшасын тарту

Мердігер тұрғын үйдің (тұрғын ғимараттың) құрылысын салған тәжірибесі болуы міндетті, оның ішінде тапсырыс беруші, мердігер (бас мердігер). Сондай-ақ мердігер өкілетті компания құрып, өз кезегінде:

1) мемлекет берген уақытша өтеулі жер пайдалану (жалдау) құқығымен немесе меншік құқығымен тиесілі жер учаскесі;

2) ведомстводан тыс кешенді сараптаманың оң нәтижелі қорытындысы бар тұрғын үйдің (тұрғын ғимараттың) құрылыс жобасының жобалау-сметалық құжаттамасы;

3) Тұрғын үйдің (тұрғын ғимараттың) қаңқасы тұрғызылғаннан кейін инжиниринг компанияның бекіткен есебі;

4) инжиниринг компаниямен және келісім-шарты болуы тиіс.

Келтірілген нормалар Заңдағы 9 және 10-бапта нақты көрсетілген.

Осы үш тәсіл бойынша тұрғын үй құрылысына үлестік қатысу туралы келісімшарттарды есепке алу және талап етуде шегіне тұруды жергілікті органның атынан өкілетті тұлға ретінде сәулет және қала құрылысы басқармасы жүзеге асырады.

Пәтерлерді екі рет сатылмасы үшін үлестік қатысу туралы келісім-шарттарды есепке алу пәтер сайын жүргізіледі, бұл аяқталған пәтерлер мен үлескерлер санын анықтауға мүмкіндік береді.

«Базисинвестстрой» ЖШС мердігері мен «Рим кварталы» өкілетті компаниясы Заң шеңберінде жұмыс істеп, қыркүйекте нысанды пайдалануға берді.

Тұрғын үйдің (тұрғын ғимараттың) қаңқасы тұрғызылғаннан кейін екінші деңгейдегі банктің жобаға қатысуымен тұрғын үй құрылысына үлестік қатысуды ұйымдастыру бойынша қызметті жүзеге асыру үшін үлескерлердің ақшасын тартуға рұқсат берілгендігі туралы Астана қаласы әкімдігі елдімекендер арасында түсіндіру жұмыстарын қамтамасыз ету мақсатында:

13 қазан 2017 жылы Астана қаласы әкімдігінің №120-2094 қаулысымен «Цесинстрой» ЖШС өкілетті компаниясына және «Жаға НС» ЖШС – мердігеріне, Астана қаласы, Алматы ауданы, Ақ бұлақ-2 тұрғын алабы, Шарль де Голл көшесі (№16 13.10.2017 ж) мекенжайында орналасқан 6 қабатты, алаңы 4693,9 шаршы метр тұрғын үйдің (ғимарат) құрылысын салу үшін үлескерлерден ақша тартуға рұқсат берілді.

Астана қаласы әкімдігінің 13 қазан 2017 жылы № 120-2093 қаулы бойынша «Аманат Строй» ЖШС – өкілетті компания мен «Kaz industrial group» ЖШС – мердігеріне Астана қаласы, Есіл ауданы, Қабанбай батыр даңғылы, №48 участокта (№17 13.10.2017ж) орналасқан 1, 2, 15, 24 қабатты алаңы 31 508,31 шаршы метр (тұрғын ғимарат) тұрғын үйдің құрылысы үшін үлескерлерден ақша тартуға рұсат берілді.

Астана қаласы әкімдігінің 16 қазан, 2017 жылғы №120-2095 қаулысымен «Идеал Инвест групп» ЖШС – өкілетті компаниясы мен «Kaz industrial group» ЖШС — мердігеріне Астана қаласы, Алматы ауданы, Тәуелсіздік даңғылы, №21/5 участогы (№18 16.10.2017 ж) орналасқан 21, 24 қабатты, алаңы 22 350, 49 шаршы метр тұрғын үйдің құрылысын салу үшін үлескерлерден ақша тартуға рұқсат берілді.

Астана қаласы әкімдігінің 20 қазан 2017 жыл №120-2095 қаулысымен «Жаз құрылыс» ЖШС – өкілетті компаниясы мен «Kaz industrial group» ЖШС – мердігеріне Астана қаласы, Есіл ауданы, Сауран көшесі, 21/1 үй (№19 20.10.2017 ж) орналасқан 1, 18 қабатты, алаңы 23 779,23 шаршы метр тұрғын үй құрылысын салуға үлескерлерден ақша тартуға рұқсат берілді.

Естеріңізге сала кетейік, мұның алдын өкілетті компаниялар мен мердігерлер қосымшаға сәйкес тұрғын үйдің (тұрғын ғимарат) құрылысы үшін үлескерлерден ақша тартуға тиісті рұқсаттама алған болатын.

Осы жылдың 10 айында Астанада 25 735 сәби дүниеге келген, деп хабарлайды Астана қаласы әкімдігінің медиа орталығы.

«Есіл», «Сарыарқа», «Алматы» аудандары АХАТ бөлімдерінің статистикасына сәйкес осы жылдың 10 айында Астана қаласында 25 735 сәби дүние есігін ашқан.

Қыз балаларға қойылған ең танымал есімдер София, Амира, Кәусәр, Елдана болса ұлдарға Әлихан, Айсұлтан, Алан, Арлан есімдері жиі қойылған.

Сонымен қатар, елімізде өтіп жатқан елеулі оқиғаларға қатыстыда балаларға есім қою дәстүрі жалғасуда. Халықаралық ЭКСПО көрмесі кезінде «Есіл» ауданының АХАТ бөлімі Бәйдiбэкспо есімді ұл баланы тіркеген.

Соңғы екі айда Астанада www.enbek.kz порталы арқылы 206 жұмыс беруші 1193 бос жұмыс орындарын ұсынды, деп хабарлайды елорда әкімдігінің медиа орталығы.

Астана қаласының Астана қаласының Жұмыспен қамту, еңбек және әлеуметтік қорғау басқармасының басшысы Ермек Оспановтың мәліметінше жұмыспен қамту қызметін жетілдіруге қатысты Астана қаласының Халықты жұмыспен қамту орталығы алғаш болып қыркүйек айында жаңа форматта жұмыс істей бастады.

«Негізгі өзгесітердің бірі ол HR – қызметі тұрғысынан жұмыс берушілерге қажетті мамандарды сапалы түрде таңдау болып табылады. Яғни, егер бұрын Жұмыспен қамту орталығы жұмыс іздеушілерге жұмыс орындарын іздесе, ал қазір, жұмыс берушілерге мамандар іздейміз», — деді Е.Оспанов.

Сондай-ақ енді жұмыс берушілерге бос жұмыс орындар туралы мәліметті беру үшін Халықты жұмыспен қамту орталығына келіп жүрудің қажеті жоқ.

«Ол үшін www.enbek.kz порталына тіркеліп жеке кабинет ашу арқылы өзінің бос жұмыс орындарын көрсете алады, ал жұмыс іздеушілер осы порталда электрондық түйіндемелерін толтырып, бос жұмыс орындарын қарай алады», — деді басқарма басшысы. ​​​

Астанада өткен «LAULA-2017» бірінші халықаралық байқауына 820 бала қатысты, деп хабарлайды елорда әкімдігінің медиа орталығы.

Биыл алғаш рет өткізілген байқауға еліміздің тоғыз аймағы мен Ресейдің бірқатар қалаларынан келген өнерпаздар қатысты. Сондай-ақ, Оқушылар сарайының тәрбиеленушілері мен Астана қаласының балалар шығармашылық ұжымдары белсенділік танытты. Байқаудың ең жас қатысушылары Семей қаласындағы балабақшадан келген «Нұршашу» ансамблі.

«Конкурстың мақсаты — шығармашылық әлеуетті дамытуға жағдай жасап, балалар мен жасөспірімдер арасындағы дарынды орындаушыларды анықтау, қатысушылар бойында өзара қарым-қатынас тәжірибесін арттыру. Сонымен қатар, вокал, аспаптық музыка, хореография мен бейнелеу өнері бойынша қабілетті балаларды анықтап, олардың жетістіктерін білікті мамандарға көрсету», — деді ұйымдастырушылар.

Балалар байқауындағы түрлі аталымдарға еліміздің белгілі өнер қайраткерлері қазылық етті. Олардың қатарында ҚазМӨУ профессоры Орынбай Дүйсен, ҚР еңбек сіңірген әртісі Гүлнәр Хамзина, Мемлекеттік «Наз» ансамблінің жетекшісі Хадиша Ағымбаева, ЮНЕСКО жанындағы Халықаралық көркем сыншылар қауымдастығы ұлттық секциясының мүшесі Ардақ Юсупова мен «Оқушылар сарайы» МКҚМ директоры Ұмсын Арқабаевалар бар.

«Балалардың шығармашылық деңгейі жылдан жылға артып келеді. Көптеген жаңа балалар әндері пайда болды. Қазылар алқасының шешімімен байқаудың Гран-при иегері Абдрахман Ерболатты Рига қаласында өтетін халықаралық конкурсына жіберу көзделіп отыр», — деді қазылар алқасының мүшесі ҚР еңбек сіңірген әртісі Гүлнәр Хамзина.

Барлық қатысушылар байқаудың дипломанты атанды. 35 қатысушы бірінші орынды, 48 қатысушы екінші орынды иеленсе, 47 үміткер үшінші орынды қанжығалады. Төрт номинация бойынша төрт жасөспірім Гран-при иегері атанды.

Астана қаласының 20 жылдығын дайындау және өткізу жөнінде штабтың отырысында конкурсты өткізу туралы бірқатар ұсыныстар қарастырылып, 2017 жылдың 6 қарашасы мен 27 қараша аралығында 22 күнтізбелік күнге созылатын конкурс жариялау туралы ортақ пікір қабылданды. Конкурсқа өтінімдер жеке және заңды тұлғалардан қабылданатын болады (шығармашылық топтар, жарнама агенттіктері мен фирмалар, суретшілер, сәулетшілер, жобалық ұйымдар, авторлық ұжымдар).

Сонымен қатар, үздік брендбукті таңдайтын сараптау комиссиясы құрылуда.

Конкурстың мақсаты – Қазақстан Республикасының Елордасы – Астана қаласының 20 жылдығына орай тарихи-мәдени сабақтастықты, сонымен қатар республика астанасының болашақ дамуының тенденцияларын ескеретін, қала имиджінің жаңаруына және оның өзіндік ерекшеліктерінің бекуіне әсерін тигізетін, бренд-бук, логотип пен ұран жасау бойынша жақсы концептуалды жобаларды анықтау.

Үздік деп танылған логотип пен ұран Қазақстан Республикасының Елордасы – Астана қаласының 20 жылдығын атап өту, ақпараттық себепті қалыптастыруға бағытталған жарнамалық, маркетингтік және басқа да шараларда әрі қаланың мәдени, туристік және әлеуметтік потенциалын жақсартуға пайдаланылады.

Конкурстың қорытындысы бойынша комиссия үздік бренбукті таңдап, жеңімпазға 8 000 000 (сегіз миллион) теңге табыстайды.

Қазақстан Республикасының Елордасы – Астана қаласының 20 жылдығына орай үздік брендбук (BrandBook) туралы байқау ережесі

Жалпы ережелер

1. Бұл ереже Қазақстан Республикасының Елордасы – Астана қаласының 20 жылдығына орай үздік брендбук (BrandBook) – (фирмалық стиль), логотип пен ұран жасауға байқауды ұйымдастыру мен өткізу тәртібін анықтайды (бұдан әрі – Байқау).
2. Логотип – Қазақстан Республикасының Елордасы – Астана қаласының 20 жылдығы оқиғасының ерекшелігін жеткізе алатын, графикалық, әріптерден тұратын, бейнелермен, әріптермен, оюлармен т.с.с. біріктірілген көрнекі немесе көлемді белгі белгіленген кез-келген қисын (эмблема, сөздер, әріптер, сандар, бейнелеу элементтері, түстер қисыны).
3. Ұран – қала тұрғындары мен қонақтарының эмоционалды үміттерін құра отырып, қаламен байланысты (ассоциацияланатын) қысқа жеңіл есте қалатын сөйлем мен сөз тіркесі.

Байқаудың мақсаты мен міндеттері

1. Байқаудың мақсаты – Қазақстан Республикасының Елордасы – Астана қаласының 20 жылдығына орай тарихи-мәдени сабақтастықты, сонымен қатар республика астанасының болашақ дамуының тенденцияларын ескеретін, қала имиджінің жаңаруына және оның өзіндік ерекшеліктерінің бекуіне әсерін тигізетін, бренд-бук, логотип пен ұран жасау бойынша үздік концептуалды жобаларды анықтау.
2. Үздік деп танылған логотип пен ұран Қазақстан Республикасының Елордасы – Астана қаласының 20 жылдығын мерекелеуге, ақпараттық себепті қалыптастыруға бағытталған жарнамалық, маркетингтік және басқа да шараларда, сонымен қатар қаланың мәдени, туристік және әлеуметтік потенциалын жақсартуға пайдаланылатын болады.
3. Байқаудың міндеттері:
Елорда брендбугін, логотипі мен ұранын әзірлеуге барынша қатысушылар санын тарту;
Қазақстан Республикасының Елордасы – Астана қаласының 20 жылдығына орай ерекше логотип пен ұран дайындау мен құру.

Байқаудың әкімшісі

1. Байқаудың әкімшісі «Астана қаласының Ішкі саясат басқармасы» ММ (бұдан әрі – Басқарма) болып табылады.

Байқауды өткізу орны

1. Байқауды өткізу орны – Қазақстан Республикасы, Астана қаласы, Бейбітшілік көшесі, 11, 5 қабат, № 539 кабинет.

Байқауды өткізудің шарттары мен тәртібі

1. Байқауды ұйымдастыру мен өткізу үшін, сондай-ақ оның нәтижелерін жариялау мақсатында Астана қаласы әкімінің өкімімен Сараптама комиссиясының (бұдан әрі – Комиссия) дербес және сандық құрамы жасақталады.
2. Комиссиясы жұмысының негізгі формасы отырыс болып табылады. Комиссия жұмысының айқындығы мен әділдігін қамтамасыз ету мақсатында оның отырыстарында тәуелсіз бақылаушылардың қатысуына рұқсат етіледі. Байқау комиссия отырыстарында бақылаушылар ретінде Астана қаласы мәслихатының депутаттары, бұқаралық ақпарат құралдарының, басқа да мемлекеттік органдардың, үкіметтік емес ұйымдардың, коммерциялық ұйымдар мен саяси партиялардың өкілдері қатыса алады.
3. Комиссиясы келесі қызметтер атқарады:
Байқау талаптарына сәйкес келетін, келіп түскен материалдарды бағалайды;
Байқау жеңімпаздарын анықтайды;
Байқау жеңімпаздарын марапаттау рәсімін өткізеді.
4. Комиссиясының шешімі ашық дауыс беру арқылы қатысушылардың көпшілігінің даусымен қабылданады. Қарау нәтижесі хаттамамен рәсімделеді және Комиссиясының төрағасымен бекітіледі.
5. Комиссиясының мүшелері:
нақты ұсыныстарды талқылауға, қарастыруға және сәйкестендіруге қатысады және Байқаудың жеңімпаздарын анықтау туралы шешім шығаруды қамтамасыз етеді;
Байқауға ұсынылған барлық материалдармен танысуға, сонымен қатар Комиссия отырысының хаттамасында жеке пікірін көрсетуге құқылы;
заңнама талаптарын сақтауға, Байқау ұсыныстарын әділ және бейтарап қарауға міндетті;
талаптарға сәйкес келмейтін қаланың жалпы принциптеріне қайшы келетін Байқау жұмыстарын кері қайтаруға құқылы.

Жеңімпаздарды марапаттау

1. Байқау нәтижелері бойынша жеңімпаздарға 8 000 000 (сегіз миллион) теңге көлемінде марапаттау туралы шешім қабылданады.

Байқаудың қатысушылары

1. Байқауға қатысуға шығармашылық шеберханалар, жарнама агенттіктері және фирмалар, суретшілер, архитекторлар, жобалық ұйымдар, аралық мамандықтар мамандары қатыса алады (бұдан әрі – Қатысушы).
2. Әрбір Қатысушы шексіз жұмыстар санын ұсына алады.
3. Байқауға қатысуға қаланың визуалды сәйкестігінің келесі элементтері кіретін байқау жұмыстары жіберіледі:
логотип — графикалық элементтер, кейіптер, әріптер, түрлі түсті шешімдер;
ұран — негізгі идея;
брендбук — фирмалық стильді пайдалану бойынша нұсқаулық.
4. Комиссия ұсыныстың уақытылы түспеуіне, жоғалуына немесе бүлінуіне жауап бермейді.
5. Байқау талаптарына сәйкес келмейтін, уақытынан кеш түскен немесе белгіленген талаптардың бұзылуымен жасалған байқау жұмыстары Байқауға қатысуға жіберілмейді.
6. Байқауға ұсынылған конкурстық жұмыстар қайтарылмайды және рецензияланбайды.
7. Байқаудың өткізілуі Байқау туралы ақпаратқа әділ, ашық қолжетімділікті қамтамасыз ету және оны қоғамның бақылауы мақсатымен бұқаралық ақпарат құралдарының қатысуымен сүйемелденеді.
8. Байқауға ұсынылатын жұмыстарда өзгенің әрленім идеясын (толығымен немесе ішінара) пайдалануға тыйым салынады. Бұл шартты орындамаған жағдайда, жұмыс байқауға қатыстырылмайды. Байқау жұмыстарының әрленімі авторлық құқықтарды, логотипке құқықтарды, тауарлық белгілерді, фирмалық атаулар немесе өзге де жарнамаға мүлкі құқығын қоса алғанда үшінші тұлғалардың құқықтарын бұзбауы қажет.

Байқауды өткізу және жұмыстарды ұсыну мерзімі

1. Байқау бір кезеңмен өткізіледі.
2. Байқауды өткізу мерзімі: 2017 жылдың 6 қарашасы мен 27 қараша аралығы.
3. Байқау жұмыстары қарастыруға баспа түрде келесі мекен-жай бойынша: 010000, Астана қаласы, Бейбітшілік көшесі, 11, № 535 кабинет, 2017 жылдың 27 қарашасы сағат 18:00-ден кешіктірмей тапсырылуы қажет. Байланыс телефондары: +7 (7172) 556719, 556717.
4. Егер қатысушыға жазбаша түрде жұмыстың қабылданғаны туралы растау жіберілген жағдайда жұмыс қабылданған болып есептеледі.
5. Байқауға ұсынылатын материалдардың құрамы:
жобалық материалдарды дайындау кезінде қатысушыларға көркем авторлық шеберлік еркіндік мүмкіндігі беріледі;
байқау жұмысы графикалық және сипаттамалық бөлімдерден тұруы қажет және қағаз тасымалдауышта орындалуы қажет.
6. Байқау жұмысына келесілер кіруі тиіс:
1) графикалық бөлім (А4, А3 пішіндегі қағазда орындалады):
логотип пен ұранның авторлық идеясының бейнеленуі;
жобаның идеясы мен көркемдік шешімдерін көрсететін нобайлар, сызбалар мен суреттер (жоба авторларының көзқарастары бойынша таңдалады);
қалалық ортада авторлық идеяны пайдаланудың фотомонтажы немесе басқа бейнесі (визуализация).
2) суреттер .jpeg форматта ұсынылады, ажыратымдылығы 300 dpi-дан кем болмауы, электронды нұсқадағы көлемі 5 Мб-тан артық болмауы тиіс. Байқау шартының сұранысы бойынша қатысушы .cdr, .psd пішіндерінде байқаудың графикалық материалдарын ұсынуы қажет.
3) мәтіндік бөлім – қабылданған сәулеттік-көркемдік шешімдердің мәнін ашатын және негіздейтін брендбуктің рәміздерінің сипаттамасымен түсіндірме жазба.

Байқау жұмыстарына қойылатын негізгі талаптар

1. Байқау жұмыстарына техникалық талаптар:
идеяның түпнұсқалығы және Байқау мақсаттары мен міндеттерін ашатын көркемдік шешімдер кіруі;
ерекше, түпнұсқалы, заманауи, ықшам, көп қырлы графикалық элемент;
үш тілде ұран мәтіні (қазақ, орыс, ағылшын);
логотип бейнеленген графикалық файл;
түрлі-түсті шешім (түрлі-түсті және монохромды форматта басып шығару мүмкіндігі;
қала логотипін кәдесый және полиграфиялық өнімдерде пайдалану үлгілері;
кез-келген бетте (қағазда, картонда, шыныда, ағашта, металда) орналастыру мүмкіндігі;
технологиялық талаптарға сәйкестік (өлшемдері өзгерген жағдайда оқылу мүмкіндігін сақтау, түрлі-түсті және монохромды нұсқада бірдей сәтті көрініс);
Астана қаласының 20 жылдығына фирмалық стильді пайдалану бойынша жазбаша нұсқаулықты ұсыну.
2. Келесілерді дайындау және ұсыну қажет:
қала логотипі – кемінде 3 нұсқа;
қала ұраны – кемінде 4 нұсқа;
брендбук – брендтің тұжырымдамасының мәтіндік сипаттамасы, логотиптің түрлі-түсті шешімдері және оны әртүрлі беттерде пайдалану үлгілері.
3. Брендбукке келесілер кіруі қажет:
1) Логотип:
тұжырымдама (сипаттама). Фирмалық стильдің негізгі элементі ретінде фирмалық белгілінің тұжырымдамалық сипаттамасы. Белгінің идеологиясы;
логотиптің визуалды шешімі;
фирмалық белгіні басып шығарудың шарттары;
масштабтық тордың көмегімен фирмалық белгіні үлкейту/кішірейту жағдайлары;
2) логотиптің ұранмен үйлесе орналасу үлгілері:
тігінен;
көлденеңінен;
ярустық.
4. Логотиптің ұранмен үйлесе орналасу шекралары (рұқсат етілетін пропорциялары):
1) логотиптің түрлі-түсті гаммасы:
логотиптің негізгі түстерін анықтау;
рұқсат етілетін қосымша түстерді анықтау.
2) шрифт:
логотип пен ұранға шрифтті таңдау;
шрифтті пайдалану шарттары.
5. Логотип пен ұранның орналасу ережелері:
сыртқы жарнама, көше көрсеткіштері;
фирмалық киім, галстуктер, орамалдар мен шарфтар.
кәдесый өнімдері: блокнот, қалам, пакет, саптыаяқ, тәрелке, сағат, белгілер;
қалалық көлікті рәсімдеу
қоғамдық көлік аялдамалары және қаладағы навигация
қалада көрме және жарнамалық конструкциялар рәсімдеу
қаланы сыртқы брендтеу (пилондар, жарнама панельдері, қабеттік модульдер, ту конструкциялары, жол көрсеткіштер, пиктограммалар, навигациялық элементтер, кіші архитектуралық формалар). Конструкциялар саны тапсырыс берушінің келісімімен.
ғимараттар экстерьері: кіріс тобын, қасбеттерді, витриналарды, ілінетін конструкцияларды рәсімдеу.
6. Иллюстрацияларды пайдалану ережелері – графикалық кескіндер мен фотосуреттер. Суреттердің көңіл күйі, графикалық стиль, түрлі-түсті палитра.
7. Фирмалық стильмен жұмыс жасау тәртібі мен ережелері.
8. Пайдаланудың жіберілмейтін үлгілері
логотип;
шрифттер;
түрлі-түсті гамма.
9. Ұранға қойылатын негізгі талаптар:
ықшамдық, нақтылық;
шындыққа сәйкестік – сенімділік тудыруы және шындыққа сәйкес келуі қажет;
көз тартымдылық – адамдарға неге бұл қалада өмір сүргісі, бала өсіріп, оған үлес қосып, онда жұмыс жасағысы келетіндігінің жеке себептерін жеткізуі қажет;
қабылдауға қарапайымдылық;
түпнұсқалық;
ақпараттық;
есте қалушылық;
іс-әрекетке түрткі болу;
қала логотипіне сәйкес келу, логотиппен бірге тұтас образ жасауы қажет;
ұран мақсатты аудиторияның жиіркенішін тудырмайтындай жазылуы қажет: оңай оқылуы, айтуға күрделі сөздер мен абревитуралар болмауы қажет;
ұранның ешқандай саяси немесе діни себептері болмауы қажет;
коммерциялық кәсіпорынмен, брендпен, қызметпен немесе тауармен бірегейлену құқығына ие болып табылатын немесе ие болған ұран пайдаланылмауы қажет.
10. Логотипке қойылатын басты талаптар:
500х500 пиксельден кем емес, өлшемі 300 КБ кем емес графикалық файл;
қаланың логотипінің үш тілде мәтіні мен иллюстрациясы (қазақ, орыс, ағылшын);
түрлі-түсті шешім (түрлі-түсті, монохромды, рельефті басып шығару мүмкіндігі).

Авторлық құқықтар

1. Ерекше мүліктік және аралас құқықтар, дәлірек айтқанда жеңімпаздың логотипін пайдалану және жеңімпаз логотипін пайдалануға рұқсат беру немесе тыйым салу ерекше құқығы «Астана қаласының Ішкі саясат басқармасына» ММ (бұдан әрі – Басқарма) беріледі.
2. Байқау жеңімпазы Басқармамен логотипке ерекше мүліктік және аралас құқықтарды беру туралы ақысыз түрде шарт жасасуы қажет.
3. Байқау нәтижелері жарияланғаннан кейін 5 күн ішінде конкурс жеңімпазы логотипке мүліктік авторлық және аралас құқықтарды беру туралы шарт жасасудан бас тартқан жағдайда қазылар алқасы конкурс қатысушылары арасынан басқа жеңімпазды таңдайды.
4. Ұсынылған жұмысқа авторлық және аралас құқықтарды қоса алғанда үшінші тұлғалар талаптар, наразылықтар мен талаптар ұсынған жағдайда қатысушы оларды өз атына және өз есебінен шешуге міндетті.
5. Байқау ұйымдастырушылары Басқармамен жасалған келісім-шарт негізінде авторлық сыйақы төлемей ұсынылған материалдарды ақпараттық және жарнамалық-имидждік мақсатта жария түрде пайдалануға (тираждауға, материалдарды жалпыға ортақ мәліметке жеткізуге және т.б.) құқығын өзіне қалдырады.