Тәуелсіздік сарайында бірден бірнеше көрме өз жұмысын бастады. «Astana Evolution» фотокөрмесі 8 шілдеге дейін өз келушілерін күтеді. Келесі күні С. Мүсіреповтің «Жаңа бастау» жеке көркемсурет көрмесі аяқталады. Астана қаласының «Жастар – Астана болашағы» жастар бірлестігімен бірлесе өткізілетін көрме 15 шілдеге дейін жалғасады.

«Моя любимая столица» көрмесі

1 шілде күні «Жастар» сарайында өз жұмысын бастаған «Моя любимая столица» көрмесі 6 шілдеге дейін өтеді. Еске салайық, фотоконкурсқа ниет білдіргендердің барлығы қатыса алды. Қорытынды көрмеге қойылатын еңбектерді арнайы конкурстық комиссия іріктеді. Үздік суреттердің авторларына Елорда күні естелік сыйлықтар мен марапаттар табысталады.

«ASTANAAROUNDUS» фотоөнер фестивалі

4 шілдеде сағат 17:00-де «Нұржол» сулы-жасыл желекжолында елордалық «ASTANAAROUNDUS» фотоөнер фестивалі ашылды. Қатысушылардың еңбектерін 31 шілдеге дейін көруге болады.

«Азия жаңғырығы» халықаралық цирк өнері фестивалі

4 шілдеде сағат 16.00-де Астаналық циркте «Азия жаңғырығы» халықаралық цирк өнері фестивалі басталды. 6 шілдеге дейін жалғасатын екі конкурстық бағдарламада әлемнің 12 мемлекетінен келген 60-тан аса цирк артисі өнер көрсетеді.

6 шілдеде сағат 11.00-де фестивальдің ең жарқын бөлігі – оркестрлер шеруі өтеді. Шараға қатысушылар Республика даңғылының бойымен Әскери-тарихи музейден «Жастар» сарайына дейін жүріп өтеді. Осы күні сағат 17.00-де ұжымдар қалалық алаңда өтетін қорытынды плац-концертте өнер көрсетеді.

«Шаттық» халықаралық балалар шығармашылығы фестивалі

4-6 шілде аралығында осы алаңда «Шаттық» халықаралық балалар шығармашылығы фестивалі өтеді.

Караокеден «Бәрі де ән салады» ашық қалалық чемпионат

5 және 6 шілдеде «Жастар» сарайының жазғы сахнасында Астана қаласы әкімінің кубогына караокеден «Бәрі де ән салады» ашық қалалық чемпионаты өтеді.

«International Street dance Session in Astana» халықаралық көше биі фестивалі

Мұнымен қоса, қалалық алаңда «International Street dance Session in Astana» халықаралық көше биі фестивалі ашылады. Қатысушылар 6 шілдеге дейін өнер көрсетеді.

«Елорда жүрегімде» концерттері көпшілік назарына ұсынылады

Әдеттегідей, мереке күндері қалалық саябақтар да белсенді жұмыс істейді. 6 шілдеде сағат 13.00-де және 7 шілдеде сағат 13.00-де және 20.30-да Студенттік, Жерұйық саябақтарында «Елорда жүрегімде» концерттері көпшілік назарына ұсынылады.

«Әзіл әлемі» әзіл-сықақ кеші

Сонымен қатар, 6 және 7 шілдеде елорда тұрғындары мен қонақтарын Nomad city hall сарайына «Әзіл әлемі» әзіл-сықақ кешіне шақырамыз.

«Spirit of Astana» халықаралық фестивалі

Шілденің 6-8 аралығында «Бәйтерек» монументінің алдындағы алаңда «Spirit of Astana» халықаралық фестивалі өтеді. Үш күн бойы сахна төрінде 18 ұжым, яғни 120-дан аса музыкант өнер көрсетеді. Биыл фестивальге әлемнің 20 мемлекеті қатысады.

Бибігүл Төлегенованың Астанаға музыкалық тартуы

6 шілдеде «Астана» концерт залында КСРО халық артисі, Социалистік еңбек ері, академик Бибігүл Төлегенова Астанаға мерекелік музыкалық тарту жасайды. Аңызға айналған әншінің жеке концерті кешкі сағат 18.00-де басталады.

«Қазақ Елі» монументінің алдындағы алаңда Гала-концерт өтеді

Астананың 20 жылдығы орайластырылған іс-шаралардың шарықтау шегінде «Қазақ Елі» монументінің алдындағы алаңда қазақстандық және шетелдік артистердің қатысуымен Гала-концерт өткізіледі. Бессағаттық музыкалық шоу ашық аспан астында өтеді және оны көрем деушілерге есік ашық. Қайрат Нұртас, Мәдина Сәдуақасова, Қарақат Әбілдина, Ардақ Балажанова, Қайрат Баекенов және «Формат» тобы және басқалары Астананы туған күнімен құттықтайды. Кеш хэдлайнерлері – қазіргі заманғы музыканың К-поп бағытының жарқын өкілдері Ninety One және оңтүстіккореялық Boyfriend топтары. Сондай-ақ, елорда тұрғындары мен қонақтары 1998 жылы Қазақстанның жаңа елордасын барша әлемге таныстыру рәсіміне қатысқан «На-На» тобының өнерін тамашалайды. Бұдан басқа, концерт көрермендері мерекелік отшашу тамашалайды. Биыл отшашу 6 шілде күні Бейбітшілік және келісім сарайы аумағында болады. Гала-концерт пен мерекелік отшашу «Хабар» телеарнасынан тікелей эфирде трансляцияланады. Басталуы сағат 20.00-де.

«Музыка энергиясы» концерті

7 шілде күні сағат 19.00-де қалалық алаңда италиялық «FORWARD» джаз квартеті өнер көрсетеді. Бір сағаттан кейін осы жерде «Музыка энергиясы»концерті өтеді. Аталмыш шара 8 шілде күні де осы уақытта осы жерде өтетін болады.

«FOTOfest.KZ» халықаралық фестивалі

Шілденің 10-ымен 30-ы аралығында «Бәйтерек» монументінің алдындағы алаңда ІІ «FOTOfest.KZ» халықаралық фестивалі жұмыс істейді.

Оқ атудан Астана қаласының ашық чемпионаты

4-9 шілдеде «Алау» мұз айдыны сарайы аумағында оқ атудан Астана қаласының ашық чемпионаты өтеді.

Бәйгеден «Астана кубогы» жарысы

6 шілдеде сағат 14.00-де «Қазанат» атшабарында бәйгеден «Астана кубогы» жарысы ұйымдастырылады.

2-3 шілде Тәуелсіздік сарайында I халықаралық «Global Silk Road» Жібек жолы бойындағы қалалар мэрлерінің форумы өтуде. Форумға қатысушылар «Белдеу мен жол» жобасында аймақтағы экономикалық байланыстың жаңа тетіктерін, осыған тартылған елдердің экономикалық дамуын, мәдени салада және басқа да бағыттарда ой алмасу, әлемге тұрақты дамуға сеп болу.

Іс-шараға әлемнің 60 елінен 3 мыңнан астам делегат тіркелген. Жібек жолы бойындағы қалалардың 73 басшысы, 30 саяси көшбасшы, 200-ден астам ірі сауда палаталары мен трансұлттық компаниялардың өкілдері, 150-ден астам шетелдік спикерлер мен модераторлар бар.

Шараның ерекше қонағы – гонконгтық «Hanson Robotics» компаниясы әзірлеген София есімді гиноид. Ол адамдармен қарым-қатынасқа бейім және түрлі халықаралық шараларда танымал қонақ. 2017 жылдың қазан айынан бастап София Сауд арабиясының азаматы және ол қандайда бір елдің азаматтығын алған алғашқы робот.

Форум аясындағы бір сессияның бірінде «Қазақстан-Қытай бизнес лидерлері 10+10 әріптестік форумында» Қазақстан даму банкінің төрағасы Болат Жәмишев Қазақстан мен қытайдағы үкімет бағдарламаларын жүзеге асыруда жеке бизнес рөлін атап өтті. «Қазақстан-қытай бағдарламасы шеңберінде 55 ірі инвестициялық жобалар жүзеге асырылуда, оның едәуір бөлігіне жеке бизнес бастамашылық жасаған», — деп айтты Жәмишев.

Айта кету керек, форумға қатысушылар «ақылды қала» жаңа технология жүйесіне басым назарын аударған. «Astana Innovation» АҚ басқарма төрағасы Олжас Сартаев шетелдік әріптестеріне Президент Нұрсұлтан Назарбаев ұсынған Смарт сити тұжырымдамасы туралы айтты. «Смарт Астана» концепциясы» 6 бағыт бойынша жүзеге асырылуда: «ақылды» басқару, «ақылды» экономика, «ақылды» көлік, «ақылды» қоршаған орта, «ақылды» қоғам, «ақылды» өмір салты. Тұжырымдама экологиялық қауіпсіздікті қамтамасыз ету, көгалдандыруды дамыту, қалдықтарды басқару, «ақылды аудандар» құрылысын салуды қамтиды», — деді Сартаев.

Сонымен қатар, Жібек жолы елдерінің өңірлік интеграциясы және бизнестің өзара іс-қимылының перспективаларын талқылауға арналған панельдік сессия жұмысы барысында, «GrottBjorn» қаржы ателье директоры Виктор Лебедев атап өткендей, ислам (МАИБ) халықаралық қауымдастық интеграторы болып табылады, ТМД елдерінің инновациялық ынтымақтастық форматындағы өзара тиімділікті қамтамасыз ететін алаң. «Қазірдің өзінде Қазақстан, Ресей, Әзірбайжан, Қырғызстан, Тәжікстан, Өзбекстан банктері мен компаниялары биржалық сауданың тиімді тұстарын айтуда. Бұл елдерді мәдени-экономикалық байланыстар және этикалық принциптер біріктіреді», — деп атап өтті Виктор Лебедев.

Сонымен қатар, әлемге танымал қытай архитекторы Шу Юннің «Жібек жолының Алтын көпірі» архитектуралық кешенінің іргетасын қалау тарихи оқиға болмақ. Ескерткіштің ұзындығы 28 метр болмақ. Ол жаһандық қоғамдастықтың ортақ тағдыр, ортақ мүдделері мен ортақ жауапкершілігін құру туралы арманын бейнелейді.

Сондай-ақ, шара аясында мэрлер мен губернаторлардан құралған құрама мен әлемдік футбол ардагерлерінен жасақталған құрама арасында футболдан достық кездесу өтеді.

Форум қорытындысы бойынша Жібек жолы бойындағы елдердің қалалары мэрлерінің клубын, кәсіпкерлер, университеттер, журналистер, ақындар қауымдастығын, сондай-ақ, әйелдер мен жастар ұйымдарының платформасын құру жоспарлануда.

Болашақтың Астанасы — ақылды қала. Дегенмен, қазірден Астана тұрғындарының өмірінің сапасын және әл-ауқатын арттыру, Астананың инфрақұрылымын және қоғамдық қауіпсіздігі деңгейін жақсартуға және жаңғыртуға бағытталған жобалар жүзеге асырылуда. Қазірден Астананы «ақылды қала» деп атауға болатын жобалар бар.

1. Қауіпсіз қала

Бейнебақылау жүйесін кең қолданудың арқасында 2017 жылы қоғамдық орындарда қылмыс деңгейі 21,1 % — ға, көшелерде 32,7 % төмендеді.
Астана аумағында 10 мың бейне камералары орнатылды. Солардың көмегімен нақты уақыт режимінде нөмір белгілерін, жылдамдық режимін, жүргізушілердің көлікпен жолдағы тұтас жолақты, тоқта белгісін, автобус сызығын қиып өтуін анықтау және тіркеу, сонымен қатар қаладағы авто көліктердің санын 99% анықтау жүргізіледі. 6 мың камера 400 қиылыста және қаланың 300 желілік участкесінде, адамдар көп жиналатын орындарда: сауда-ойын сауық орталықтарында, театрларда, спорт ареналарында, музейлерде және тағы да басқа жерлерде 4 мың камера орнатылады.
Қалада фото және видео тіркеу жобасы одан әрі мәліметтерді сараптау Астана қаласының әкімдігімен мемлекеттік –жеке меншік серіктестік бойынша 8,4 млрд.теңге инвестиция көлемімен жүзеге асырылуда және тек қана жеке серіктестер ақшасына қаржыландырылуда.

2. Smart мектеп

Жобаның мақсаты Астана қаласының мектептерінде қауіпсіздікті қамтамасыз ету және мектеп процесстерін автоматтандыру болып табылады.
Жобаны іске асырудың нәтижелері:
— мектепте оқушылардың қауіпсіздік деңгейін 85% арттыру;
— бөтен адамдардың мектепке кіру жағдайларының 90% алдын алу;
— мектептерде штаттан тыс жағдайлардың 75%-ның алдын алу;
— кітапхана қорын есепке алудың 60% астамын автоматтандыру.
Сервистік модель бойынша қызмет көрсету және инвестицияларды тартудың есебінен елорданың барлық мектептерін қамту жоспарланған

3. Smart емхана

Жобаның мақсаты ішкі және сыртқы процесстерді автоматтандыру есебінен медициналық қызметтердің сапасын жақсарту болып табылады.
Жобаның нәтижелері:
— Емхана дәрігерінің пациентке қызмет көрсету уақытын 10 минутқа дейін азайту;
— Емхананың тіркеу бөлімінде кезекті 30% қысқарту;
— Диагностикалық зерттеулердің жеделдігі мен ақпараттылығын кем дегенде 85% арттыру, медицина қызметкерлерінің уақытын үнемдеу.

4. Smart tickets

Smart Tickets мақсаты – сатуды автоматтандыру арқылы Астана қаласында мәдени және спорттық шараларға билеттер сатып алу үшін қолжетімділікті арттыру және халыққа қолайлы жағдай жасау.
Нәтижесінде:
— Гаджеттерді пайдаланудың арқасында билет сату 30% артады;
— Мәдени және спорт мекемелерінің кассаларына баратын уақыт үнемделеді;
— мекемелердің қаржылық қызметінің айқындылығы қамтамасыз етіледі;
— Мәдени және спорт мекемелердің қаржылық көрсеткіштері мен адамдардың баруы бойынша сараптамалық есептің кез келген нысанын қалыптастыруға болады.

5. Smart payments

Жобаның мақсаты тұтынушыларға барлық төлемдерді жасауға бір шот жасау болып табылады.
Жобада коммуналдық қызметке бірыңғай төлем құжаты арқылы төлеу тетігі қарастырылған.
Smartpayments — электрондық форматта коммуналдық қызметтер үшін төлеу, ол пайдаланушыларға сумен жабдықтау, коммуналдық қалдықтарды шығару, тұрғын үй-пайдалану шығындары, электр қуаты, жылыту, телекоммуникация қызметтері үшін төлем жасауға мүмкіндік береді.

6. Smart көше жарығы

Мақсаты – көшелердегі жарықтандыру құралдарын қуаттылықты реттеуіштермен жабдықтау арқылы көшені жарықтандырудың тиімділігін қамтамасыз ету, көшені жарықтандыруға жұмсалатын эксплуатациялық шығындарды азайту.
Жобаның тиімділігі:
— Шамдарды алыстан басқаруға мүмкіндік беретін бағдарламамен қамтамасыз ету, сондай-ақ, әр шамның жағдайы туралы бөлек мәлімет алу;
— әр шамға түсетін жүктемені басқару;
— өткен жылдардың сәйкес кезеңімен салыстырғанда электр энергиясын 51% артық үнемдеуге қол жеткізу.
— Алыстан мониторинг жасау мен бақылаудың есебінен эксплуатациялық шығындарды азайту, сондай-ақ, бригадалардың шығуын қысқарту;
— Шамдардың құрамында зиянды заттар (сынап) болмағандықтан, оларды арнайы пайдаға асыру қажет емес;
— Смартфонның, планшеттің көмегімен онлайн режимде жарықтандыруды алыстан басқару.

7. е-KСK

«е-KСK» жобасы әр тұрғынның «жеке кабинетті» құруын қарастырады. Қосымша арқылы электрик, сантехник сияқты мамандардың қызметін алу үшін ПИК-ке өтініш қалдыруға болады
е-КСК мобильді қосымшасы арқылы ұялы телефоннан ПИК-қа өтініш жіберуге мүмкіндік береді. Өтініш кепілді түрде адресатқа жетіп, оған нөмір тіркелініп беріледі. Бұдан кейін тапсырыс беруші қосымшадағы барлық өзгерістер туралы хабарландырулармен ақпараттандырылып, жұмыс аяқталған соң оның сапасын бағалай алады.

Статистикаға сәйкес, қазір Астанада жұмыспен қамтылғандар саны 500 мың, оның ішінде 300 мың кіші және орта бизнес саласында.

Халық санының өсуіне байланысты 2023 жылға қарай Астанада жұмыспен қамтылғандар саны 650 мыңға дейін өседі, яғни жаңа 150 мың жаңа жұмыс орна пайда болады.

«Big Data» технологиясының көмегімен ескірген кәсіптер мемлекеттік тапсырыс ішінен алып тасталынды. Қалалық шаруашылыққа қажетті мамандықтарды анықталды, мәселен: лифт қызметінің инженері, әлсіз тоқты жүйелер инженері, газдандыру маманы, қазіргі кезде жетіспейтін қазақ және ағылшын тіліндегі география мұғалімі, құрылыс және жобалау, киберқорғаныс, өнеркәсіп, көлік, медицина және білім саласындағы одан басқа бірқатар жоғары технологиялық мамандықтар бар.
Осыған байланысты мемлекеттік тапсырыс қайта қарастырылды.

Біріншіден, қалаға қажет мемлекеттік тапсырысты жоғары білім мен орта білімге көбейтілді.
Сонымен бірге, базарлар мен құрылыс объектілерінде жұмыс істейтін жастарға арнап, олар жаңа мамандықты үйреніп, қосымша табыс табатын мүмкіндігі болуы үшін қысқа мерзімді курстарды енгізілді.

Биыл бұл жоба аясында 30 мың адамды оқытуға жоспарланды, оның 17 мыңы мемлекеттік тапсырыс аясында білім алады.

• — жоғары білім – 1000 адам (күндізгі оқу),
• — бөлек катерогиядағы адамдар үшін жоғары білім – 102 адам (күндізгі),
• — техникалық және кәсіби білім беру – 4547 адам (күндізгі),
• — қысқа мерзімді кәсіби білім беру – 125 адам (кешкі оқу үлгісі),
• — цифрлық сауаттылық – 10000 адам
• — кәсіпкерлік бастамалары – 1000 адам.

Осы жылы, бірінші рет, мемлекеттік тілде білім беру көрсеткіші 45%-тен 65%-ке өседі. Оның ішінде, алғашқы рет келесі мамандықтар бойынша оқыту жүргізіледі:

• — жобалаушы BIM менеджер,
• — медициналық оптика, фармация,
• — монтаж,
• — тех қызмет көрсету және медтехниканы жөндеу,
• — су құбырлары бойынша смета жасаушы,
• — әлсіз тоқты жүйелерді монтаждаушы,
• — лифтер.

Астананың 20 жылдығы қарсаңында «Астананың 20 қыры» мультижанрындағы конкурс өткізілгелі отыр, онда 25 бағыт пен 100-ден астам жүлделі орын болады.

20 жыл – бұл астана үшін ерекше шеп, мұнда нақты нәтижелер мен жетістіктер, перспективалар туралы айтуға болады. Дамушы мегаполис ретінде Астана айрықша ритм мен қарқынды өмірге қол жеткізді.

Астана әкімдігі барлық ұсыныстар үшін барынша ашық.

Мүмкін сіз баяғыдан астананың сүйікті орындары туралы өзіңіздің туристік маршрутыңызды ұсынғыңыз келген болар, қала туралы аңызды баяндап беру немесе қаланың туған күнінде өз құттықтауыңызды жариялы түрде жеткізгіңіз келетін шығар?

Қала бойынша ауқымды фотожобаға қатысуыңызды ұсынамыз, киноиндустриядағы кәсіпқойлардың қолдауымен фильм түсіріп, картина жазып, арт-объект эскизін, тақпақ немесе сурет ұсыныңыз. Ал журналистер мен блогерлер үшін конкурс бөлек өткізіледі.

Қорытынды бойынша қала үшін дайын «идеялар банкі» құрылып, солардан қазірден бастап абаттандыру бойынша, мәдениет және спорт саласындағы жобалар арқылы заманауи қоғамдық және мәдени кеңістікте және өзге де салаларға кез келген ұсынысты енгізуге болады.

Конкурста киелі орындарға арналған еліктірерлік квестке басымдық беріледі.

Жұмыстар 25 маусымға дейін қабылданады.

Толығырақ astana20.kz/ сайтында.

Астана әкімі дауыл салдарын жою жұмыстарын бақылауда ұстап отыр. Астана әкімінің жетекшілігімен қатты желдің салдарын жою бойынша жедел штаб отырысы өткізілді. Әсет Исекешев аурухана, мектеп, балабақша, тұрғын үй сияқты әлеуметтік нысандарды ерекше бақылауда ұстап отыр.

Аудан әкімдіктерінің мәліметінше жалпы қала бойынша ірі қираулар жоқ, 24 тұрғын үйдің қасбетіне зиян келген, 7 әлеуметтік нысанның шатыры (мектеп, аурухана және балабақша) жұлынып, желге ұшып кеткен, 8 ағаш пен 2335 метр қоршау құлады.

Қалалық қоғамдық денсаулық сақтау басқармасының мәліметінше, аяқ астынан құбылған ауа райынан 10 адам медициналық көмекке жүгінген. Дәрігерлер зардап шеккендерге тексеру жүргізді, бір пациент № 1 қалалық аурухананың жарақат бөліміне жатқызылды. Астаналық медиктердің айтуынша, пациенттің өміріне қауіп төніп тұрған жоқ.

Дүлей жел басталысымен барлық коммуналдық қызметтер күшейтілген жұмыс режиміне ауысты. Барлығы 2000 жұмысшы мен 500 техника жұмылдырылды.

Сағат 20.30 уақыт бойынша ТЖ салдарын жою жұмыстары жедел жүргізілуде, шалшық суды сорып алу, жолдар мен тротуарларда сынған ағаштарды жинап шығу т.б.

Штаб отырысының қорытындысы бойынша және қаланы аралау барысында әкім қысқа мерзімде тосыннан тыс мінез танытқан табиғаттың барлық салдарын жойып шығуды тапсырды. Сондай-ақ, алдын ала ертеңгі дауылды ескертуге дайындық пен ахуалды бақылап отыру керектігін пысықтады.

1 мамырда Қазақстан халықтары бірлігі күніне орай өтетін велошеруге байланысты Достық, Қабанбай батыр, Қонаев және Түркістан көшелерінде жол қозғалысы уақытша шектеледі, деп хабарлайды елорда әкімдігінің ресми сайты.

Спорттық іс-шара Астананың 20 жылдығын тойлау қарсаңында «Рухани жаңғыру» бағдарламасының бір жыл толу құрметіне арналады.

Мұның алдын, 1 мамырда Астанада «Рухани жаңғыру» бағдарламасының бір жылдығына арналған «Достық шеруі» атты велошеру өткізілетіні хабарланған болатын. Жарыс «Бәйтерек» монументінің алдында сағат 13:00 басталатыны, ал қатысушыларды тіркеу таңғы сағат 11-де өтетіні жоспарланған. Веложарысқа қатысатындардың жолы елорданың басты символы – «Бәйтерек» монументінен басталып, сол жағалау бойынша өтеді.

Велошеруге танымал, әлемдік деңгейде елдің атын танытып жүрген велошабандоздар, атақты спортшылар, Қазақстан халықтары ассамблеясының жастар қанатының өкілдері және де Астана қаласының 12 жастан асқан тұрғындары мен қонақтары қатысады.

Велошеруге өзге қатысушылармен бірге «Astana Pro Team» кәсіби командасының танымал велошабандозы Дмитрий Груздев те қатысады. Спортшы Қазақстанның үш дүркін чемпионы және жеке жарыста Азияның екі дүркін жеңімпазы.

Жаппай велошеруді Астана қалалық Мәдениет және спорт басқармасы Қазақстан халықтары ассамблеясы хатшылығымен бірлесіп өткізуде. Велошеруді қалалықтардың өмірін белсенді саламатты өмір салтына топтастырып, велосипедті күнделікті өмірде пайдаланудың пайдасын танымал ету мақсатында ұйымдастырды.

Бүгін Астана қаласы әкімдігі мен Л.Н. Гумилев атындағы Еуразиялық Ұлттық университеті бірлесіп Елбасының «Болашаққа бағдар: рухани жаңғыру» атты еңбегінің бір жылдығына арналған «Рухани жаңғыру: ұлттық бірегейлік – сананы қалыптастыру негізі» атты ғылыми-тәжірибелік конференциясы өтті. Конференцияда «Рухани жаңғыру» бардарламасы аясында атқарылған жұмыстар мен игі бастамалар зерделеніп және бағдарламаны алдағы уақытта тиімді жүргізу жөнінде ұсыныстар мен пікірлер ортаға салынып, талқыланды.

Ғылыми жиынға Астана қаласы әкімінің орынбасары Ермек Аманшаев қатысып, өткен бір жылда атқарылған іс-шараларды қорытындылап болашақта атқарылар жұмыстар жайлы айтып берді.

«Бұл бағдарламаның қазақ өркениетінің дамуына қосқан үлесі ұшан-теңіз. Бұған тек зиялы қауым өкілдері ғана емес, экономикалық, әлеуметтік кластер әсіресе жастар қызу араласып бағдарламаның мән-мағынасын теренңдете түсті және қалыптасқан, анықталған, белгіленген әртүрлі бағдарларда ұсынылды. Астана қаласының әкімдігі осы бағдарламаның жүзеге асуына екі жүзден астам шара өткізді. Оның ішінде тәрбие-білім, «Қасиетті Астана» бағытында көптеген шаралар өтті. Елордамыздың тарихын тануға, танытуға арналған, біздің белгілі ғалымдар қатысқан конференциялар, ашық сабақтар, студенттермен кездесулер өтті» деді Е.Аманшаев.

Осы жылы «Рухани жаңғыру» бағдарламасының аясында Елорда тарихының әртүрлі кезеңіне жататын мәдени, тарихи, археологиялық ескерткіштерді таңдап «Қасиетті Астана» атты айдарымен кітап және электронды қосымшалар етіп шығару жоспарланған.

Қаламыздың 20 жылдығына ҚР Мәдениет және спорт министрлігімен және басқа да мемлекеттік органдармен қоса алғанда 645 іс-шара жоспарланған. 2018 жылы бас қаламыздың 20 жылдық мерейтойы болған себепті салтанатты іс-шалалар жыл жойы жалғасатын болады, деп хабарлайды Астана қаласы әкімдігінің ресми сайты.

«Мысалы G-Global хатшылығымен бірлесіп 3 шілде де «Жаһандық Жібек жолы» атты халықаралық конференция, 4 шілде де Дүниежүзілік экономикалық ислам форумын ұйымдастыруды жоспарлап отырмыз. Осының аясында Жібек жолы бойында орналасқан қалалар мэрлерінің форумын өткізуді жоспарлаудамыз», деді әкім.

Сонымен қатар, маңызды іс-шараның бірі 5 шілде күні «Астана» халықаралық қаржы орталығын ресми тұсаукесері. Тағы бір маңызды жоба «Астаналар шеруі: Астанының 20 жылдығы – әлемнің 20 астанасы» Басқада мәдени және шығармашылық іс-шаралар, бизнес-форумдар және іскерлік кеңестер өткізу жоспарланған.

Сондай-ақ, мерекеге орай Астанаға бауырлас қалаларды шақырамыз. Қазіргі күнде Анкара мен Бейжің Мәдениет күндерін өткізуді растады. Басқа да елдердің елшіліктері бірлескен шаралар өткізуге ұсыныс жасауда.

«Мерейтойлық шаралардың маңызды бір парасы ел аймақтарында Астана күнін өткізу болмақ. Бұл шара мамырда бастау алып қыркүйек айына дейін жалғаспақ. Шығармашылық топтардың және Елорданың инвестициялық жобалары таныстыратын болады. Сонымен қатар, 15 сәуір күні абаттандыру, көгалдандыру айлығы акциясы және «Үздік сурет», «Астана туралы үзік сыр», «Үздік ән» байқауын бастаймыз», деді Ә.Исекешев.

Құтқарушы мамандар мен Жергілікті полиция қызметі қала тұрғындарын төтенше жағдайларда өздерін қалай ұстау керек, қандай шаралар жасауы керек екенін түсіндірді, деп хабарлайды Елорда инфо Астана қ. ІІД Жергілікті полиция қызметіне сілтеме жасап.

«Астана қаласы ІІД Жергілікті полиция қызметінің қызметкерлерімен Астана қаласы әкімдігінің «Біз қаланың қауіпсіздігі үшін» жобасы аясында Астана қаласының қоғамдық даму істері жөніндегі басқармасы, Төтенше жағдайлар Департаменті, ҚР Қызыл жарты ай қоғамының Астаналық филиалымен бірлесе отырып, жазатайым оқиғалардың нәтижесінде балалар арасында болатын түрлі жарақаттарды алдын-алуға бағытталған «Бізбен бірге» қайырымдылық іс-шарасы «MEGA SILK WAI» ойын – сауық орталығында жүргізілуде», — делінген хабарламада.

Аталмыш іс-шараның мақсаты — балалар арасында болатын түрлі жарақаттарды азайту, өсіп келе жатқан ұрпақтың бойына патриоттық тәрбиені қалыптастыру, тұрғындар арасында құқық қорғау органдарының өкілдеріне жағымды беделді жасау болып табылады.

Акция ұйымдастырушыларымен қатысушыларға күнделікті өмірде және қоғамдық орындарда жарақаттарды алдын –алу, сондай –ақ, төтенше жағдайлардағы іс-шаралар мен алғашқы жедел көмекті көрсету бойынша (өрт, жол-көлік оқиғасы, улану, суға кету, құлау, электрожарақат және т.б.) ақпарат беріледі.