Трамптың өмірлік ұстанымдары

«Егер Хиллари Клинтон өз күйеуін қанағаттандыра алмаса, ол Американы қалай қанағаттандырады?»

Осы сөздерімен әлем баспасөзін дүр сілкіндіріп, электорат есінде қалып эпотажды Дональд Трамп жаңа ғана Америка Құрама Штаттарының Президенттік сайлауын жеңіп алды. Ресми шешім әлі шықпағанымен Трамп штабы тойлап, әлем ақпаратты қорытып жатыр. Төменде Трамптың өмірлік ұстанымдарын білдіретін афоризмдер топтамасын ұсынып отырмын, қандай адам екенін пайымдай беріңдер.

Блог - kozildirik: Трамптың өмірлік ұстанымдары

«Мен жолы болмайтындарды жек көремін»

«Менің уақытым өтті деп санайтындар өте қатты қателеседі»

«Менің басқа үміткерлерден жалғыз айырмашылығым — мен адалырақпын және менің әйелдерім әдемірек»

«Мен бизнеске шығармашылық тұрғыдан қараймын. Біреулер сурет салады, біреулер өлең жазады. Ал менің жасаған келісім-шарттарым өнер туындысы сияқты»

«Кейде ең жақсы инвестиция — сен салмаған инвестиция»

«Көпшілік маған ойынқұмар адам сияқтысың дейді, бірақ мен өмірі құмар ойынына жолап көрмегенмін. Ойынқұмар казинода ойын автоматтарының қасынан шықпайды. Ал мен сол автоматтардың иесі болғанды қалаймын»

«Иә, мен Мексикамен бөліп тұратын қабырға салғым келеді. Оны менен артық ешкім сала алмайды және құрылыс арзанға түседі. Сондай-ақ оның құнын Мексиканың өзі өтеп беретін болады. Осы сөзді естеріңе сақтаңдар!»

«Мен Қытайды жек көреді дегенді кім шығарып жүр? Бұрын бір қытайға 15 миллионға үй сатқан едім. Осыдан кейін оның елін қалай жек көре аламын?»

«Біз Иракта не істеп жатқанымызды қараңдаршы. Біз мектеп саламыз, жол саламыз, сосын біреу келеді де мектепті жарып жібереді. Оны қайта саламыз. Тағы біреуі жолды жарып жібереді, оны қайта салатын тағы біз. Осыны ерінбей істей отырып Бруклинге осы қарғыс атқыр мектептердің біреуін салуға шамамыз жоқ»

«Менің ойымша Халықаралық сауда орталығын қайта тұрғызған кезде ақымақ жобалар ойлап таппай тура сондай ғимарат салуы керек еді. Тек бір қабат биік болса болды»

«Менің ойымша АҚШтың ең басты проблемасы — тым саяси сыпайы болып көрінгісі келетінінде»

«Егер мен президент болсам, сендер дүкендердегі Рождествомен құттықтауды қайта көре аласыңдар»

«Абортқа қарсы екенімді қуанышпен хабарлаймын»

«Біз жақсы адамдардың саясатта жолы болмайды деген түсінгі бар әлемде өмір сүріп жатырмыз»

«Мен әрқашан қол беріп амандасамын және солай амандасқанды жақсы көремін. Қол беріп амандасуды ұнатпай саясаткер болу мүмкін емес қой»

«Біреулердің ойынша менің саусақтарым қысқа екен. Бірақ менің саусақтарым денемнің басқа мүшелері сияқты ұзын және әдемі. Оның барлығы құжатталған»

«Мен әдемі әйелдерді жақсы көремін. Әдемі әйелдер мені жақсы көреді. Екі жақты келісім болғаны қандай жақсы!»

«Иванканың (Трамптың қызы) дене бітімі керемет. Егер ол менің қызым болмағанда қырындап көрер едім»

«Балаларыңа өздері таппаған байлықтың салмағын салып қажеті жоқ. Бұл олардың өміріне балта шабады»

«Егер ойлана алатын болсаң, онда үлкен нәрселерді ойла»

«Жақсы идеяны ойлап тауып, оны іске асырмағаннан артық қылмыс жоқ»

«Ешқашан еңбек демалысын алмаңдар. Егер жұмыс ләззат сыйламаса, демек өздеріңе керек емес жерде жұмыс істеп жүрсіңдер»

«Менің ұраным: үздіктерді жұмысқа ал, бірақ оларға ешқашан сенбе»

«Егер сенің бастығың нашар адам болса, онда оны жұмыстан шығарып жібер. Басқа жұмыс тауып ал»

«Тек жолы болмайтындар ғана жеңіске масаттанады»

«Егер менікі дұрыс болмаса, ешқашан кешірім сұрауға арланбаймын»

Блог - kozildirik: Трамптың өмірлік ұстанымдары

Ақпарат esquire.ru сайтынан алынды.
Бөлісу:

3 пікір

asaubota
менің көп ойларыммен сәйкес келеді екен :)
AyazhanMuhatai
үздіктерді жұмысқа ал, бірақ оларға ешқашан сенбе 8-)
DinaAbdigalieva
Қызықтың көкесі АҚШ-та дейсіз ғой жай ғана. Осы Трамптың жасы нешеде екен?:J