Мен кіммін?

Блог - DinaAbdigalieva: Мен кіммін?
Армысыздар, құрметті жақсылар! Негізі неден бастарымды да білмей тұрмын. Айтар ой көп, бірақ танымайтын елде көп. Олай да былай ойлана келе алғашқы жазбамда өзімді таныстыруға бел будым. Ендеше кеттік! Мен кіммін? Мен — пендемін! Мен — Нұралықпын! Отыз сегіздің жартысынан ассам да анамның еркесімін! Қиялимын, ойға көп шомыламын. Неше түрлі армандарды ойлап, «эхх, өмірім осындай болғанда ғой» деген кездерім де баршылық. Бір қызығы ешқашан ешкімге толық ашыла алмайды екенмін. Тұйық емеспін, сақпын! Академик Е. А. Бөкетов атындағы Қарағанды мемлекеттік университетіндегі филология факультетінің ІІ курс студентімін. Болашақ мамандығым — Журналист! Руым — Нұрбай. Негізі Орталық Қазақстанда руға аса қатты бөлінбейді. (Мына қыз руға бөлінеді деген ойлардан аулақ болыңыздар) Көбіне адамдардың әп-әдемі сылдыр суынан, істеген істерін бағалаймын. Қазір адамды «Киіміне қарап қарсы алып, ақылына қарай шығарып салатын» заман. Сол себепті өзгелерден еш айырмашылығым жоқ, бірақ өзгелердің барлығы Абдигалиева Дина Даулетқызы еместігін ескерейік.
Блог - DinaAbdigalieva: Мен кіммін?
Бір өкініштісі көптеген мадақтама қағаздарымда есімімді не «ДИАНА», не «ДИНАРА» деп жазады. Сондағысы бар жоғы төрт әріпті ешкім елемейді. Бірақ көпшілігі "Қара қыз" деуді жөн көреді. Ал, енді еске сақтайық!
Дина:
1) ежелгі еврей тілінен аударғанда «сот»
2) Араб тілінен аударғанда «дін, сенім, алтын тиын» деген мағынаны білдіреді.
Жазарым көп. Осымен тәмәмдаймын. Уақыты келгенде бір-бірімізді жақын танитын болармыз. Істеріңіз сәтті, күндеріңіз ойдағыдай өтсін. Бәрі «happy end» болсын!
Бөлісу:

13 пікір

merekeee
Грантта оқисың ба?
DinaAbdigalieva
Түсер кезде 3 ұпай жетпей қалды. Өткен жылы 1 грант қана бөлінген. Өкінішті, бірақ жоқ
bake
Үй тапсырмасын жазып тұр, -бірге талқылайық. Фантастика, яғни, ғылми қиял жағын ұнатамын.
Сұрақ: -Бала-шаға жағы фантастиканы қалай таниды?
Бірінші және соңғы жазбаң болып жүрмесін… уақыт кетіріп пікір жазып жүргенде 8-)
DinaAbdigalieva
Тапсырыс қабылданды.:) Қияли қызбын, фантастиканы да ұнатамын. Қорықпаңыз, бұл менің соңғы жазбам емес, ондайға жетпейді деген сенімдемін. :j ^=^
SSSS
Отыз сегіздің жартысынан ассам да анамның еркесімін!
мұнда қателік кетті ма, әлде қиялыңыздың бір шеті ма?
Қиял демекші, қиялдау жақсы ғой, жаның тыныштық тауып, керемет сезімде боласың, бырақ психологтардың айтуынша, әр адам өмірінде "Қазір және осында" деген ұстанымнан ажырамау керек, өткен өмірді немесе болашақ өмірді аңсамай, тұрған жеріңде және дәл қазіргі өмірмен өмір сүру керек, алға қойған мақсаттарыңды қазіргі уақытта жүзеге асыру қажет.
merekeee
Отыз сегіздің жартысы — 19. Несі қате?
SSSS
мен 38,5 деп ойлап қалыппын
DinaAbdigalieva
Merekee %) сіз мені дұрыс түсініпсіз. Рақмет ^=^
DinaAbdigalieva
Қате емес. Өзім математиканы сүйгендіктен болуы керек, жасымды тік айтпай, басқаша жеткізуді ұнатам. Сізбен келісем, көп қиялдауға болмайды. Бірақ сол арқылы мақсат пен міндеттер туады.
SSSS
Көбіне адамдардың әп-әдемі сылдыр суынан, істеген істерін бағалаймын.
Мұнда "әп-әдемі сылдыр-су" қандай мағынада жазылған?
SSSS
әп-әдемі сылдыр су СӨЗ мағынасында жазылған екен ғой :)
DinaAbdigalieva
Иә %), шын ғой «мен бүйтем, мен сүйтем», дейтіндер көбейіп кетті. Нағыз іске келгенде «нөл»
MERmukhanov
Біз керекке келгенде такой фигни не было)))