Зина туралы

Қай дінді алып қарасаңыз да құдай қосқан жарыңның көзіне шөп салу – күнә. Исламда мұны «зина» дейді (осыдан кейін қазақтың зинақор деген сөзінің шығу төркінін түсіндіріп жатудың да қажеті жоқ). Христиан діні де (бөлмей-ақ) зинаға қарсы. Апостол Павел «Мұның тіпті атауы болмауы керек» дейді. Буддистер болса жарының көзіне шөп салуды зорлаумен теңестіреді.
Блог - Marco: Зина туралы
Дегенмен зинақорлық бар. Бұл қазіргі (азып-тозған) қоғамның ауруы емес. Діни кітаптарда көрініс тапқанына қарағанда ықылым заманнан (кэп басын иіп, сәлем етеді) бар құбылыс. Ендеше, нәпсіқұмарларға дін де тұсау емес қой шамасы (атеистерден кешірім сұраймын).
_______________________________________________________________________________________________________
_______________________________________________________________________________________________________

Біздің қоғамның да жетісіп тұрғаны шамалы болса да, бұл тақырыпты талқылауға әлі дайын емес. Есесіне Батыс (клише үшін де кешірім сұрай салайын) мәселені жан-жақты зерттеуден қашпайды.
Блог - Marco: Зина туралы
Мәселен, әйелінің көзіне шөп салған еркектің жүрек ауруынан өліп кету ықтималдығы арта түседі. Күлмеңіз, бұл Америка кардиологтары қауымдастығының ресми мәліметі. Жүрек талмасынан жүріп кеткен 5559 еркектің 34-і (көп емес әрине) жыныстық қатынас жасап жатып, жалаңбұт күйі Аидтың алдынан бір-ақ шығыпты. Осы отыз төрттің 75 пайызы дәл сол кезде жаңа иіске малданып, мәз болып жатқан екен (зина жасады демесеңіз, өлімнің ішіндегі рахаты сияқты ма өзі, қалай?). Дегенмен, өлімге жыныстық қатынас қана себеп деп кесіп айтуға да болмайды. Өйткені, әлгі пенделер керуертті сықырлатпас бұрын алкогольден де сілтеңкіреген көрінеді. Оның үстіне жаңа иістері өздерінен әлдеқайда жас болған. Сондықтан, Америка кардилогтары зина жасайтын болсаңыз (кхм-кхм) жасы өзіңізбен қарайлас әйелді таңдап, жынды суды мейілінше азайтуға кеңес береді.
Блог - Marco: Зина туралы
Жә, енді тұра шауып жүрмеңіз! Онсыз да, Бирмингем университетінің профессоры (ом мане, Британ ғалымы) Крейг Джексонның мәлімдемесі зинақорлар санының ұлғаюына себеп болуы мүмкін. Құрметті психолог мырзаның айтуынша, жарыңның көзіне шөп салу — арықтаудың тамаша әдісі көрінеді («Арықтау амалдары» жазбалар сериясына сұранып-ақ тұр екен). Профессордың зерттеу жұмысына 3000 адам қатысыпты. Сөйтсе, еркектердің 50 пайызы, әйелдердің 62 пайызы арықтағанын айтқан. Жігіттер орта есеппен 2,7 келі, қыздар жағы 4,5 келі тастапты. Мұның себебі айқын дейді профессор. Өйткені, көзге шөп салу — стресс. Стресс кезінде адреналин, кортизол және серотининнің көлемі артады. Олар өз кезінде калорияларды өртеп жібереді.
Блог - Marco: Зина туралы
Бұл психолог деген халықты қойсаңызшы, құрсын. Техастық Джейми Конфер мен Марк Клауд тіпті әрі кетіп, зинаның өзін бөліп қарайды. Оларға сенсек, еркектер құдай қосқан жары басқа бір әйелмен төсектес болып қойса тез кешіреді екен. Ал, әйелдерге еркегінің басқа әйелмен емес, басқа еркекпен көңіл қосқаны (бвуәқ) әлдеқайда ауыр тиетін көрінеді.
_______________________________________________________________________________________________________
_______________________________________________________________________________________________________

Хош, мұның бәрі болары болып, бояуы сіңіп қойған соң айтылған әңгіме. Ал, оның алдын-алатын мүмкіндік бар ма? Бұл жерде де түрлі-түрлі зерттеушілер түрлі-түрлі пікірлерімен таң қалдыруын доғармайды.
Блог - Marco: Зина туралы
The Hindustan Times басылымының хабарлауынша, еркектің нәпсіқұмарлығын аяқ киімінің өлшемінен білуге болады (ал, керек болса). Аяғы 43 (менікі 41-42) және одан да үлкен жігіттердің кезекті етектің соңынан елпеңдеп ере кету ықтималдығы жоғары екен. Алайда, бұл тұжырымды жасаған ғалымдар емес, үйленген жігіттерге арналған танысу сайытының қызметкерлері екен. Олар, сірә, бірдеңе білетін шығар. Айтпақшы, Билл Клинтонның аяқ өлшемі 45 екенін білетін бе едіңіз? Авраам Линкольннан бері қарай АҚШ-та мұндай таяқты Президент болып көрмепті.
Блог - Marco: Зина туралы
Жоғарыдағы тұжырымға сенбесеңіз, тағы да АҚШ ғалымдарының зерттеулеріне үңілейік. Адам баласының зинаға бейімдігі гендік деңгейде қалыптасады екен. Осы жерін өзім де толық түсіндім дей алмаймын, дегенмен, ағзада DRD4 деп аталатын геннің D4 бөлімі 7R+ көрсеткішінен жоғары болса, ол адаммен жұп құруға асықпау керек. Мұны білу үшін DNA(ДНК ғой кәдімгі) тест жасату керек. Бағасы елімізде 60 000 теңгеден басталады (қымбат емес екен ғой). Айтпақшы, аталмыш ген әйелдерде көбірек болады екен.
Блог - Marco: Зина туралы
Ең үлкен қателік — жәбірленуші жақ (көзіне шөп кіріп кеткендер) жәбірлеушісін айыптай жөнелетіндігі. Алайда, бұл жерде екеуінің де қатесі болуы мүмкін. Орыстың тамаша бір сөзі бар «Сначала уходят от жены/мужа, потом идут к любовнице/любовнику» (үлгіні тапқан екенсің).
_______________________________________________________________________________________________________
_______________________________________________________________________________________________________

«Окей, еврисиң олрайт, бірақ, мұның жыныстық сауаттылыққа қатысы қанша» деп отырған шығарсыз. Ойланыңызшы, балапан ұяда не көрсе, ұшқанда соны іледі. Зинаның соңы әрдайым отбасының күйреуіне әкеп соқырмауы мүмкін, алайда, жанжалға себеп болатыны ақиқат. Мұның бәрі қалай болғанда да баланың құлағына жетеді, тіпті көзбен көруі де ықтимал. Британ сексологтарының зерттеуінше, отбасын сақтап қала алмаған әйелдердің қыздары үш есе көп ажырасады екен. Себебі, олар көрді — көзге шөп салғаннан отбасы шырқы бұзылғанмен, адам өліп, әлем қирап қалған жоқ.
Блог - Marco: Зина туралы
Дін бойынша зинақордың жазасы ауыр. Тозаққа барғанда алақанын ысқылап күтіп алатын тажалдарды айтпағанда, Исламда әрбір зинақорды таспен ұрып өлтіруге рұхсат етілген. Алайда, дін тұсау бола алмайтын болса, баланың болашағы тоқтататын шығар. Ересектің әрбір әрекеті тәрбие. Жас баланың әлі былғанбаған жыныстық санасы отбасыдағы әрбір деректі енді өшірілместей қылып тіркеп қоятыны анық.
Блог - Marco: Зина туралы
Жұбайлардың бірі қызық қуып кеткені анық болған жағдайда да, оны балалардың білуі міндет емес (психологтарыңды білмеймін, өзімнің ойым). Жалпы, балаға тәрбие бергенде сенбеуді емес, сенуді (ең болмаса өзіне) үйреткен жөн. Адалдықтың не екенін естіп, көріп, біліп өскен бала адал жар бола алады. Әдейі тәрбиелеп, ақпараттандырудың қажеті жоқ. Өзіңе абай болсаң жетеді.
Бөлісу:

49 пікір

dark_nazgul
Британ сексологтарының зерттеуінше, отбасын сақтап қала алмаған әйелдердің қыздары үш есе көп ажырасады екен.
бық бық… әйтеуір, айналып келіп қатын кінәлі…
zholantai
десе де аваңыз тым сүйкімді :)
dark_nazgul
иялып тұрған смайл))))))))
MamaAya
Қызық))) 43 киед))) миын жемесем, жақсы повод табылды)
bake
Аидтың
ненің? Түсіндірме сөздігінен айта кетсең
Marco
Гректердің мифологиясындағы тозақ құдайы ше
VKM
Жоғарыдағы тұжырымға сенбесеңіз, тағы да АҚШ ғалымдарының зерттеулеріне үңілейік. Адам баласының зинаға бейімдігі гендік деңгейде қалыптасады екен. Осы жерін өзім де толық түсіндім дей алмаймын, дегенмен, ағзада DRD4 деп аталатын геннің D4 бөлімі 7R+ көрсеткішінен жоғары болса, ол адаммен жұп құруға асықпау керек. Мұны білу үшін DNA(ДНК ғой кәдімгі) тест жасату керек. Бағасы елімізде 60 000 теңгеден басталады (қымбат емес екен ғой). Айтпақшы, аталмыш ген әйелдерде көбірек болады екен.
:)))),«бар, тестің қортындысын алып кел» деп тұрсақ))))
asaubota
бұрын 43 киетінмін, қазір 42
салмағым бірқалыпты

осы Aldeken қатты арықтап кеткен, да?
Marco
Оның аяқ размері де үлкен ғой деймін осын
zholantai
смайликті қайтарыңдарч, адамдар :) :)
ademi_alem
Жалпы, балаға тәрбие бергенде сенбеуді емес, сенуді (ең болмаса өзіне) үйреткен жөн. Адалдықтың не екенін естіп, көріп, біліп өскен бала адал жар бола алады. Әдейі тәрбиелеп, ақпараттандырудың қажеті жоқ. Өзіңе абай болсаң жетеді.
Жақсы кеңес
zholantai
«Молода и прекрасна» мен «Сексуальные хроники французской семьи» деген фильмдерде шалдардың секс акт үстінде өліп кететін сценалары бар, приятный өлім ба дейм бір жағынан
Marco
Ахахха, екіншісін көрдім. Лібә, азғын кино, бірақ. Келіні атасына келіп, "қалай секспен айналысып жүрсіз бе" деп сұрайды ғой)))
zholantai
сол сұрағына ырза болдым, неткен түсінік деп,
zholantai
біріншісін де көрсейші, не екенін қайдам, бірдеңе бар әйтеуір, ұмытылмай есте қалып қоятын кино
zholantai
Ал, әйелдерге еркегінің басқа әйелмен емес, басқа еркекпен көңіл қосқаны (бвуәқ) әлдеқайда ауыр тиетін көрінеді.
«Горботая горада» әйелге әлдеқайда ауыр тиетіннің қалай болатынын көрсететін сцена бар
zholantai
Исламда әрбір зинақорды таспен ұрып өлтіруге рұхсат етілген.
млин, «Забивание камнями Сорайи М.» (The Stoning of Soraya M.) драмасында осындай сцена бар ғо, соншалық ауыр сцена, әлі күнге дейін денем түршігеді, көруге ұсынылады, бұл киноны Иранға қарсы пропагандалық фильм ретінде қабылдайтындар да болуы мүмкін, дегенмен тымислами қоғамда әйел адамның рөлі плинтустан төмен деген ойдың нығыздала түсетіні бар-ды
ken
Иранда тек әйелдерді ғана емес, зинақор деп табылған ерлерді де таспен атып жазалайды. Бірақ көбіне әйелдер жазаланатын болса керек.
zholantai
сонда таспен атып өлтіру әлі де бар болғаны ма?
ken
Бар ғой. Сонымен қатар дарға асу, қолын шабу деген секілді жазалар да бар. Адам өлтіргендерді асады. Ұрлық жасағандардың қолын не саусағын шабады, айыбының көлеміне қарай.
zholantai
былай ғо, дарға асу — түсінікті, жаны қинамай жоқ қылатын шығар енді, қолды кесу де бар делік, таспен ату деген азаптау ғо, тез өле алмай қиналатын болар
ken
Сосын ол елдің қылмыстық кодексінің бірдеңесінші бабы бойынша жазалауға қолданылатын тастардың көлемі тым үлкен болмау керек — зинақорды тез өлтіріп қоймау үшін, тым кішкентай да болмау керек. Тастар үлкен адамның жұдырығындай болатын орташа болу керек.
Басқалар зинақорлық жасамау үшін осындай жаза түрін қолданады да.
zholantai
млин, жаман екен,
маған ұнамайтыны: зинаны әйел адам жасағанда кешірімнің болмауы, ер адам жасаса кешірілуі,
ken
Тергеудің қалай жүретінін білмеймін. Бірақ шариғат заңы бойынша ері әйелін зина жасады деп айыптаса, оның сөзіне төрт адам куәлік ету керек. Егер төрт адам оның сөзін растаса, айыпталушының шаруасы бітті деген сөз.
zholantai
там жоғарыда айтқан кинода сөйтіп куәлік ететін адамдар болады, жаман, жаман
Marco
Иә, төрт адамның болуы міндет. Алайда, әдетте көрпе адам жоқта бүлкілдейтіндіктен куәгер табу да оңай шаруа болмаса керек.
zholantai
әуелі ондайға қалай куәлік ететіндеріне таңым бар, тым бірт үрлі ғо, ужсс, мен куәмін деп қалай шыдап айтад, ужсс
Marco
Морали қиын сұрақ. Айталық, сенің досыңның әйелі көзіне шөп салып жүргенін біліп қалдың делік. Бірақ, отбасы сондай тату, бала-шағасы өсіп келеді. Не істемейсің? Айтасың ба досыңа?
zholantai
қиын жағдай, бастан өтпеген соң, жауап бере алмаймын, сондай жағдай болса, айта алмайтын шығарм деп ойлап отырмын дәл қазір
zholantai
осы түсінбейтінім: проституткаларға бару, яғни ақылы секс — зинаға жатады ма? жатпайтын шығар, иә,
Marco
Некесіз секстің бәрі зина, егер таза ислам тұрғысынан қарасақ.
zholantai
егер таза ислам тұрғысынан қарамасақ, онда зина деген жоқ па?
Marco
лібә, білмим)
zholantai
дәтсүрлі ислам тұрғысынан қарап жүре берелік :)
Gastarbaiter
дәстүрлі Ислам деген понятие жоқ. Айтқың келгені классикалық Ислам болса, сонау Аббассид, Омейяд халифаттарының заманындағы қоғамды елестет.
zholantai
елестете алмайм, өйткені білмим, қандай болған ол кездегі қоғам?
DiasBisengali
Негізі Исламда ken айтқандай төрт адамның куәлігі керек, ол расталса бірден таспен ұрғыламайды. Пайғамбарымыздың заманында 100 дүре соққан. Шатаспасам сондай аят та бар.
DiasBisengali
Ислам болғанда да Христиандар да сондай. «Если ты посмотрел на женщину с прюлюбодействием (вожделением), то ты уже прюлюбодействовал в сердце своем»
Gastarbaiter
Британ сексологтарының зерттеуінше
Меніңше мұнда бір гәп бар :))))))))))
dark_nazgul
Британ ғалымдары британ ғалымдарын зерттей бастады. Шеңбер тұйықталды. © қайдан оқығаным есімде жоқ
zholantai
неге түрік сексологтары емес? )))))
Marco
Өзім де *хуевать етем содан )))
bizbike
Бақытсыз Жамалда 40 шелек мұздай су құятын еді ғой. Айс бакет чаллендж
ken
Ол «Шолпанның күнәсінде» емес пе еді?
bizbike
Иә дұрыс, шатастым