Имаш кубогы - 2014

Кешегі ойын туралы айтқым келеді. Астана қаласы әкімінің кубогы туралы.
ҰНАДЫ: 1) Сөзсіз бұл ойын ашқан жаңалық — Жұлдызды жігіттер. Жалпы, Жайдармандағы екінші әскери құрама. Байланыс жігіттері жеткен жетістікке жетеді, басып озуға да қауқарлы. Кеше формалары ғана ұнамады(ол форма менің есіме Жаңаөзендегі қанды қырғынды түсіреді),
ал, әзілдері, жігіттердің харизмалары мықты. Ерекшелігі тағы бар, жігіттер үшінші орынның өзіне қатты қуанды. Залды төңкеріп тастаған өнерлеріне бола бірінші орын берілсе де болар еді. Азылар алқасы солай шешті, не істейміз.
2) Үш жүз — Көкшетау. Әзілдері ойлы. Астаналықтар, Бурабайға барғанда қоқыс тастап кетпеңдерші арттарыңа. Кеше кіп-кішкентай балалар ұялтты адамды.
3) Сағыз — Атырау. Жаңа фишка. Буынсыз адам. Залдағы аураны тек сезіну керек. Жігіттердің дайындығы жоғары. Бірінші орын Сағыздікі, диплом мен ақшалай сыйлықта, темір құтыда тұрған ештеңе жоқ. Иә, иә, Жұлдызды жігіттер екінші орынға ысырылды:)
4) Рудный. Жұмысшылар құрамасы. No comment. Дайындалса ұзаққа баратын жігіттер.
5) Арал АС — Арал. Осы жігіттердің Қызылорда облысы емес, Арал қаласы деп төс қаққандары ерекше ұнайды. Неше маусым бойы көрерменін жоғалтпаған жалғыз құрама. Мейлі, Ғалым үйлене берсін:) А так, Гала — ЛЕГЕНДА! АРАЛ АСқа деген сүйіспешілік Құрметке ауысқан әлдеқашан.
6) Қостанай — астық Отаны… Әдемі қыз көрдім. Айфон 5 S і де бар екен. Көйлегі қысқа. Сонысы ұнады.
ҰНАМАДЫ: 1) Олар — Чемпиондар!
Олар — аймақтық лиганың талайын ұтқан!
Олар — Баянауыл Жазғы Кубогын ұтқан!
Олар… Орал. Жайдармандағы мүмкін трофейдің бәрін алған. Тек Имаш кубогы жоқ. Оны Олар бүгін алады. НАЗАР АУДАР! Бұл кеше ойын алдындағы болжам еді. Попал! НА кеше жеңімпаздың ойынын көрсете алмады. Жігіттер бабына келе алмағандай күй танытты. Республикалық телеарналардың көзі неге түспей жүргенін қайдам, жігіттер дайын тұрған рейтиң, дайын реалити шоу ғой.
2) Альянс — Семей. Бұл құраманы Жайдарманды бимен әрлеу үшін жарысқа қатыстырып керегі жоқ. Жайдарман әзіл сайысы, бишілер сайысын басқа жақтан іздесін, әлде Альянстың биі Жайдарманға керек пе?
3) ЖасНар, Алматы. «Көтімді ашып жеген бидайым құрсын» дейді қазақ. Былтырғы маусымда ілініп салынып, әрең өткен құрама биыл сол азыларға жарамсақтануын қайта бастады. Қайыршылар базар маңында, вокзалда, жерасты өткелдерінде жақсы табыс табады. Тек Конгресс Холл сахнасында емес.
4) Аягөз, Шығыс Қазақстан. Бұған дейін жақсы ойнап кеп, кешегі ойында ғана нашар ойнағаны үшін ҰНАМАДЫ. Бірақ, мен сенгім келеді. Алда маңызды ойындар бар, жігттер күш сақтап, карталарын ашқанды жөн санамады.

Жалпы, ойын туралы пікірім оң, күлкісі көп ойын болды. Айтпақшы, Есен Елеукен маладес, қазылар алқасын тоқтатып тастап тұрды кей кездерде. Бұрын солардың ыңғайына қарауы көбірек еді. Жалпы, Есен жүргізуші ғана емес, жайдарманшылардың әкесі. Ол құрамалардың қазылардан негізсіз тепкі жемеуін қамтамасыз етуі керек. Әдемі боп келе жатыр.

Сөз соңында айтарым: Бахалек, Кубок құтты болсын!
Редакциядан: Мақала авторының жеке пікірі сайт әкімшілігінің пікірімен сәйкес келуі де, келмеуі де мүмкін.