Мусор беріп жіберу

XXI ғасыр дәстүрлері
16 тамыз 2014, 14:11

Мусор беріп жіберу — ХХІ ғасыр қала қазақтары арасында кеңінен дамыған дәстүр. Мусор әдетте үйден шығып бара жатқан еркектерге әйелдер тарапынан беріледі. Келіншектер күйеулеріне, қайныларына, ұлдарына береді.

Бұл дәстүр арқылы әйелдің еркекке құрметі, сенімі, сүйіспеншілігі паш етіледі. Сондай-ақ қазақтар үйден шыққан мусор арқылы үйдегі негатив энергия, нашар аура, керек емес артық заттар, қоқыстардан құтылатынына сенеді. Үйге келетін жаңа берекеге орын ашылды деп қуанады қазақ әйелдері.

Мусорды үнсіз алып кету — дәстүрді құрметтемегендік болып саналады. Сондықтан үйден шыққалы тұрған жауапкершілігі мол, салт-дәстүрге берік еркек «Мусор бар ма, ала кетейін» деп өзі сұрап алады немесе әйелдер жағы «Тоқтай тұр, мусор беріп жіберейін» деп бұл дәстүрге деген мұқияттылықтарын көрсетеді.

Мусор беріп жіберу — қазақ отбасындағы бала тәрбиесінің де бір бөлшегі. Буыны бекіп, бұғанасы қатая бастаған ұл балаларға жастайынан мусордың жеңіл түрлері беріледі. Ата-аналар әдетте бұл жауапты істі мәртебемен орындаған ұлдарын мақтап, мадақтайды. Осылайша дәстүрге бейімделе бастаған жас ұрпақ жауапкершілік сезініп, өзін үлкен өмірге дайындай бастайды.

мусор, мусор беріп жіберу, қоқыс

17 пікір

Жасыру

Мен мақтанайын ба, намыстанайын ба, білмеймін былай. Бірақ менің күйеуім мен келгелі ешқашан мусор тасыған емес. Апара салшыыы

?! десең апарар, тек оған апарғызғым келмейді. Лучше өзім, бақшаға бара жатып ала кетем.

Әне, қатын осындай болса керек! Әрине, мусор ала кеткеннен еркектің көті түсіп қалмайды. Алайда, есті қатын еркегін мусорға жұмсамас еді. Маддец қатын екесс, базар жоқ!!!

Осыны да әңгіме деп, хех…

Зануда)

сам зануда) я кажись вычислила Рафаэль)

Ох ё, рафа неизвестный автор ма не?)))

))))))))))))))))) Шығармайтыныңыз жоқ қой

Yekinshi bolimi ony ornyna dein zhetkizbei, orta zholda tastap ketetinder turaly bolady ma?

Айтпа, ондай жарыместер жетеді онын дәлелі біздің үйдің бұрышына тастап кетет лібәдтардың

))) бізде де подъездге кіре беріске 2 дәу қара пакетті толтырып тастап кететіндер бар. Ұстап алсам ғой, өзім-ақ бір жақты етер ем))) сол үйдің жан-жағын қоқыс салатын жер деп ойлап қалушылар бар негізі.

мен ойымша оны еркектер тастамайды ол жерде. Пәтер жалдап тұратын жас отбасылы емес қыздар не жігіттер деп ойлаймын. Қалғандары балдары жүретін жерге олай тастамас еді.

Алғаш тұрмыс құрған кезде дым білмейм ғой, жер үйде өскен байғұс))))) күйеуім жұмыстан келген кезде есік алдында тұрса, үйге кірмей тұрып апарып тастап келер деген үмітпен, ол «келе жатырмын» дегенде есік алдында мусор қойып қойыппын. Қайдағыыыыы. өзімен бірге үйге ала кіріп, қайтадан асүйге апарып қойды. Содан кейін қыстым ғой. Тек бала қырқынан шыққанға дейін ғана ала кетіп жүрді))))))