БлогҚұрылтай - 2014. Patick көзімен.

BlogCamp туралы
Қай БлогКемп болмасын, өзінше бір ерекшелігімен есте қалады. Қарағандыда өткен шараны да басқаларымен шатастыра алмаймын, ешқашан.

Күтіп алу, орналастыру, бос уақытты тиімді өткізу жағы жақсы ұйымдастырылған. Бұл ретте Айсұлтанның, Ләззат апайдың және Облыс әкімдігі мамандарының ерен еңбегін айрықша атап өту қажет.

BlogCamp форматы туралы жыл сайын сөз қозғалады. Бұл шара өте бейресми, тусовкалы-танымдық бағытта өтуі қажет, менің ойымша. Бірақ «Кім төлесе — музыканы сол тыңдайды». Шымкентте де, Қарағандыда да бас демеуші — әкімдік болды. Сол себепті олар өздері бекіткен бағдарламамен өткізді. Биыл «BlogCamp» деген сөздің мүлдем болмауы аздап күмілжітті.

Мен бұны теріс деп айтқым келмейді. Әкімдіктің өз іс-шаралар жоспары мен мақсат-міндеттері бар. Қаржы да мемлекеттікі. Сол себепті олар диктаттауға әбден құқылы. Бірақ деймін де, басталуы кемптен гөрі, медиа-форумға ұқсап кетті.

Менің ойымша, блогкемпті құрметті қонақтарсыз, ресми тұлғаларсыз өткізе аламыз. Соған ұмтылуымыз да керек.

Блогшылар биыл іріктелді, сапаға бет бұру үшін. Бірақ таңдаулылар арасында да алдын ала келісілген нәрседен бас тартып, аздап абыржытқандар болды. Мысалы, Айсұлтан пәтер мәселесін өзі шапқылап жүріп әрең дегенде шешіп, өз қалтасынан ақша шығарып брондаған еді. Дайын пәтерге келмей, басқа пәтер жалдамақ болғандардың кесірінен ол бірқатар қаржысынан айырылды. Осындай кертартпалықтарды болдырмау үшін, алдағы уақытта БлогҚұрылтайға тіркелуді ақылы ету туралы айтылды. Бұл тәсіл арқылы шынымен келгісі келетіндер сұрыпталады деп ойлаймын.


Қарағанды
Қала — туған қалам Атырауды аздап еске түсіргендей болды: ластау, жолдары нашарлау екен. Бірақ қаланың үлкендігі архитектурасынан, атмосферасынан сезіліп тұрады. Тарихи ескерткіштерге, сауда орындарына бай қала екен. Адамдарының бойынан іскерлікті, шаруақорлықты байқадым. Долинка — Шахтинск — Теміртау бағытындағы турдың жоғары деңгейде ұйымдастырылу осының мысалы.

Бәрімен қуана қауышып, қимай қоштастым. Жалпы алған әсерім — негативінен гөрі, позитиві басым. Келесі кемпте кездескенше! Aloha!

Телефонға түсіріп үлгерген фотолармен бөлісе кетейін:
Қарағандыдан түсіргендерім




Карлагтың орталық басқармасына барғанда түсіргендерім












Теміртауға барғанда